ARCHVIZ EDU | 2026

#Ish_bor

Yana bir nechta bo'sh ish o'rinlarini siz uchun topdim. Hoziroq harakat qiling.

➡️ https://t.me/ArchVizHR_uz

pinned a photo

BIM-koordinatorsiz kolliziyalarni aniqlash va hal qilish mumkinmi?
OLDIN
Har hafta koordinatsiya modelini qo'lda yig'ardim: har bir bo'limning eng so'nggi versiyasini yuklab olish, kimdir eski faylni qo'shib qo'ymaganiga ishonch hosil qilish, NWF faylini yangilash, Clash Detective'ni ishga tushirish, natijani kutish, ko'rib chiqish, bo'limlar bo'yicha ajratish, vazifalar yozish, javobgarlarni belgilash — xullas, yarim-bir kunlik zerikarli ish.

Tadaam, birdan xayolga keladi-yu — "o'zi shunaqa qilsam bo'lmaydimi" deb, Navisworks'ning Batch Utility'sini ishlatib ko'rdim, lekin undan ham tezda zerikdim, baribir qoniqish hosil qilmayotgandim.
Keyin telegram guruhimizda modelchilarimiz kolliziyalar rasmini tashlab, bartaraf etishni so'rashgandi. Rasm orqali topish qiyin, "HTML formatda tashlanglar, ID'sini bilishlari kerak" dedim-u, "voy, ID ko'chirib o'tirish ham bosh og'rig'i-ku" deb o'ylab qoldim — va shu payt xayolimga ClashNavigator keldi.

ClashNavigatorni kanalda taqdimot qilgandim, Forma Design Collaboration'ni eslatishdi. Keyin "to'xta, biz ham xuddi Forma kabi, faqat mustaqilroq yechim qilsak bo'ladi-ku" dedim-da, ClashTracker'ga qo'l urdim.

HOZIR
Endi bir marta kerakli papkani ko'rsatish kifoya — qolgan hammasini ClashTracker o'zi bajaradi:
har bir bo'limning WIP papkasidagi eng so'nggi modelini oladi va BIM-standart bo'yicha "Shared" papkaga joylashtiradi
rvt formatini nwc ga konvertatsiya qiladi kerakli papkada nwf fayl hosil qiladi va unga barcha nwc fayllarni ulaydi standart fayldan qidiruv to'plamlari (SearchSet) va clash testlarini import qiladi testlarni ishga tushiradi va har bir kolliziyaning skrinshotini oladi
natijani serverga jo'natishdan oldin, fayl nomidan loyiha, obyekt va bo'limni aniqlab, shu bo'limga mas'ul xodimlarni topadi
natijani veb-dashboardga yuboradi

Har bir kolliziya haqida batafsil ma'lumot serverga jo'natiladi — test nomi va elementlar juftligidan hosil qilingan xesh (hash) bilan birga. Shu tufayli konveyer qayta ishga tushirilganda bir xil kolliziyaning dublikati yaratilmaydi: ma'lumotlar bazasida qaysi kolliziya o'tgan haftadan qolgani, qaysi biri yangi ekani darhol ko'rinadi, o'zgargan bo'lsa esa statusi avtomatik yangilanadi.

Statuslar ham o'z hayoti bilan yashaydi: yangi, aktiv, kelishilgan, bartaraf etilgan — kim va qachon o'zgartirgani tarixi bilan bazaga yoziladi.
Bo'limlar uchun javobgar xodimlar Windows guruhlaridan avtomatik olinadi: BIM-standartda belgilangan UMM (CDE) asosida tashkil etilgan WIP papkasida qaysi papkaga qaysi guruh kirish huquqiga ega bo'lsa, ro'yxat o'shandan shakllanadi.
Masalan, WIP'dagi ARC papkasiga Windows serverda faqat ARC guruhi kirishi mumkin bo'lsa — bu bilan bir o'q ila ikki quyon uriladi: ham papka faqat arxitektorlarga ko'rinadi, ham aynan shu arxitektorlar ro'yxati javobgarlarni aniqlashda ishlatiladi.
Shu ro'yxatdagi har bir ijrochiga unga tegishli kolliziyalar bo'yicha Asana'da avtomatik vazifa yaratiladi — ya'ni har kim butun obyekt bo'yicha emas, faqat o'ziga tegishli qism bo'yicha topshiriq oladi.

Yakuniy bosqich esa — loyihachi navigatorni to'g'ridan-to'g'ri Revit ichida ochadi. Endi kolliziyalar faylini qo'lda qidirib yurish yoki bir joydan boshqasiga ko'chirib yurish shart emas.
"Serverdan yuklash" tugmasi orqali kerakli ma'lumot yuklanadi, loyihachi model bo'ylab kolliziyalar orasida harakatlanadi va ularning statusini o'zgartiradi. Status shu zahoti serverga qaytadi; kolliziyani bartaraf etib faylni saqlasa, ClashTracker keyingi tekshiruvda buni avtomatik aniqlab, statusni "bartaraf etildi"ga o'zgartiradi. Faqat bitta sharti bor: loyihachi ishlayotgan fayl BIM-standart asosida bo'lishi talab etiladi.

Xulosa
Shuni aytmoqchiman: bu avtomatlashtirishni standartsiz amalga oshirib bo'lmas edi. Shuning uchun:
Standartni joriy qiling.
Standartlarni joriy qilish uchun xodimlaringizfa "qant" bering.
#BIM #Navisworks #Revit #Avtomatlashtirish #ClashDetection #Qurilish

Чидем Туркйилмаз: “Қурилиш архитектуравий ечимдан ўзиб кетяпти”

СамДАҚУ ректори ўзи раҳбарлик қилаётган университетнинг мамлакатимизда муқобили йўқ янги биноси, Самарқанд архитектурасидаги муаммолар ва ўзбек тилини Президентдан ўргангани ҳақида гапириб берди

*Лойиҳадан муҳимроқ ишлар бор, бу – одамларнинг қарашларини ўзгартириш;

*Қурилиш архитектуравий ечимдан ўзиб кетяпти;

*Тўрт-беш йил ичида мамлакатга қурилиш соҳасида хориждан мутахассис шарт бўлмайди.

Батафсил кўриш: 👇

📹 https://youtu.be/f2_kcB-3ja0

✅ https://t.me/Zarnews_uz

Yana bir bo'sh ish o'rni topildi. Bu ish aynan siz uchun. Shoshiling!

https://t.me/ArchVizHR_uz

🏗Bizning jamoga yana konstruktorlar kerak. Shoshiling.

https://t.me/ArchVizHR_uz