Беларусы Замежжа

🇨🇭 У Цюрыху нагадалі пра беларускіх палітвязняў

У швейцарскім Цюрыху прайшла акцыя салідарнасці з беларускімі палітвязнямі, прымеркаваная да Дня маці.

У ёй узялі ўдзел прадстаўнікі беларускай дыяспары, былыя палітвязні, неабыякавыя швейцарцы, а таксама праваабаронцы міжнароднай арганізацыі Libereco.

Удзельнікі акцыі звярнулі ўвагу еўрапейскай супольнасці на праблему палітвязняў у Беларусі, расказалі пра цяжкі лёс маці, якія знаходзяцца за кратамі, і выказалі падтрымку іх сем'ям.

📌 https://spring96.org/be/news/121421

🎭 Запрашаем вас 29 кастрычніка а 18:00 на тэатральна-музычную імпрэзу ў Вільні, прысвечаную Ночы (не)расстраляных паэтаў.

У выкананні беларускіх актораў тэатра, музыкаў, а таксама юных актораў, прагучыць гісторыя пра тых, каго спрабавалі прымусіць замаўчаць.

Імпрэза аб’ядноўвае тэатральнае дзеянне, паэзію і жывую музыку ў адзінае сцэнічнае выказванне пра памяць, чалавечы лёс і моц мастацтва.

29 кастрычніка 1937 года — адна з самых трагічных дат у гісторыі беларускай культуры. У Мінску былі расстраляныя больш за сто прадстаўнікоў беларускай інтэлігенцыі — паэты, пісьменнікі, навукоўцы, дзеячы культуры.

Сярод іх — Анатоль Вольны, які ў 1925 годзе напісаў паэму «Кастусь Каліноўскі». Распавядаючы пра чалавека, пакаранага смерцю ў XIX стагоддзі, паэт не мог ведаць, што праз дванаццаць гадоў сам стане ахвярай рэпрэсій.

ТРЫ ЧАСТКІ, ТРЫ МАСТАЦКІЯ ПРАСТОРЫ, АДНА ГІСТОРЫЯ:

▫️ПРЫСУД — тэатралізаваная рэканструкцыя пасяджэння НКУС, прысвечанага вынясенню смяротных прысудаў беларускай інтэлігенцыі.

▫️ПАЭЗІЯ — сцэнічнае ўвасабленне паэмы Анатоля Вольнага «Кастусь Каліноўскі».

▫️ПЕСЬНЯ — жывая музыка на вершы расстраляных паэтаў і сучасныя беларускія песні, у якіх мінулае перагукаецца з сённяшнім днём.

«Будзем песьняй мінуўшчыну біць» — гэта мастацкае асэнсаванне трагедыі беларускай інтэлігенцыі і яе водгуку ў лёсе наступных пакаленняў. Гэта гісторыя пра людзей, чые жыцці абарваліся, але чые творы засталіся. Пра словы, якія перажылі сваіх аўтараў. Пра галасы, што працягваюць гучаць праз дзесяцігоддзі. І пра новыя пакаленні, якія зноў шукаюць адказы на пытанні, што некалі стаялі перад іх папярэднікамі.

━━━━━━━━━━━━━━

📅 29 кастрычніка 2026, чацвер
🕕 18:00 (дзверы адчыняюцца ў 17:30)
📍 https://maps.app.goo.gl/aVV6SVuMRRySSUDG8

🎭 У ролях:
▫️Сяржук Тоўсцікаў,
▫️Натэлла Бялугіна,
▫️Наталля Лявонава,
▫️І маладыя акторы-навучэнцы тэатральнай школы VARTA.

Выкананне песень — гурт BAJSTRUK.

Рэжысёр і мастацкі кіраўнік праекта — Наталля Лявонава.

━━━━━━━━━━━━━━

🎟 Уваход вольны, каб забраніраваць месца ў залі, аформіце бясплатны квіток па спасылцы:
https://fienta.com/budzem-teatralnaja-impreza

https://t.me/+SwiAMGDK-4cjxPjs | https://t.me/belarusy_zarubezhja_bot

Сацыяльная прыёмная для беларусаў ва Украіне: як атрымаць дапамогу? 

15 кастрычніка Місія дэмакратычных сілаў Беларусі ва Украіне правядзе дзень сацыяльнай прыёмнай для беларусаў, якія жывуць ва Украіне.

Падчас асабістага прыёму і тэлефонных кансультацый можна будзе абмеркаваць пытанні легалізацыі, ваеннай службы, правоў вайскоўцаў і ветэранаў, сацыяльнай і медыцынскай дапамогі, а таксама дакументаў і выплат для сем’яў вайскоўцаў і загінулых.

Звароты будуць прымаць кіраўніца Місіі дэмакратычных сілаў Беларусі ва Украіне Вольга Зазулінская і яе намесніца па пытаннях беларускіх добраахвотнікаў, ветэранаў і іх сем’яў Анастасія Махамет.

Калі?
📍 Асабісты прыём — 10:00–15:00
📞 Тэлефонныя звароты — 16:00–18:00

Каб запісацца на прыём, неабходна загадзя https://docs.google.com/forms/d/1tYqMikgf4KRsPLsiO8zkbyCY1tHW3jQjDgzElwZyVHo/viewform?edit_requested=true https://docs.google.com/forms/d/1tYqMikgf4KRsPLsiO8zkbyCY1tHW3jQjDgzElwZyVHo/viewform?edit_requested=true . Гэта дапаможа падрыхтавацца да вашага звароту і даць максімальна дакладныя адказы.

Сацыяльная прыёмная не замяняе дзяржаўныя органы, адвакатаў ці іншыя кампетэнтныя ўстановы і не можа прымаць рашэнні замест іх. Аднак місія дапаможа разабрацца ў сітуацыі, патлумачыць, куды звяртацца і якія дакументы спатрэбяцца, а таксама вызначыць наступныя крокі для вырашэння праблемы.

🎨 Сёння ва Уроцлаве пачынаецца выстава «Сны палітвязня» беларускага мастака Алеся Папковіча

З 10 па 24 кастрычніка ва Уроцлаве можна будзе пабачыць працы беларускага мастака і былога палітвязня https://prisoners.spring96.org/be/person/ales-papkovicz , створаныя падчас зняволення і пасля яго, а таксама новыя творы, якія працягваюць гэты цыкл.

«Самым складаным для мяне ў зняволенні была не адсутнасць свабоды, а немагчымасць тварыць. Нібыта я страціў частку самога сябе. І мне было важна нават у такіх умовах знайсці спосабы займацца творчасцю. Я пісаў вершы, маляваў на кавалачках паперы, марыў пра новыя праекты», — распавядаў Алесь.

Афіцыйнае адкрыццё выставы:

🗓 17 кастрычніка, субота

🕕 18:00

📍 Domek Miedziorytnika, ul. Świętego Mikołaja 1, Wrocław

«Ружовы кастрычнік»

Увесь кастрычнік 10% ад продажу кожнай ружовай рэчы Znivien мы будзем перадаваць у BYSOL — на падтрымку жанчын, якія адкрылі зборы, звязаныя са здароўем і лячэннем.

Гэта наша акцыя «Ружовы кастрычнік», якая працягнецца з 1 па 31 кастрычніка.

Pink October — міжнародная ініцыятыва, якая нагадвае пра важнасць жаночага здароўя, ранняй дыягностыкі і падтрымкі тых, хто ўжо сутыкнуўся з хваробай.

Акцыя дзейнічае на ўсе ружовыя рэчы Znivien.

http://znivien.pl/

https://t.me/+SwiAMGDK-4cjxPjs | https://t.me/belarusy_zarubezhja_bot

🔥 Штотыднёвая рассылка «Сейбіт» — гранты, стыпендыі, стажыроўкі, вакансіі і не толькі

Дзе даведвацца пра гранты для навуковых праектаў, міжнародныя стыпендыі, стажыроўкі і вакансіі ў еўрапейскіх даследчых цэнтрах? Як не прапускаць анонсы канферэнцый і важныя аналітычныя матэрыялы па экалагічнай і кліматычнай палітыцы?

Падпісвайцеся на дайджэст «Сейбіт» — штотыднёвую рассылку ад Альянсу «Зялёная Беларусь», якая акумулюе важную інфармацыю для маладых навукоўцаў, магістрантаў і незалежных даследчыкаў.

Рассылка выходзіць раз на тыдзень і змяшчае толькі правераныя практычныя прапановы.

👉 Падпісацца на дайджэст можна па спасылцы: https://docs.google.com/forms/d/e/1FAIpQLScBI0Rb2kHwsYrqu1WOz8GVnPCdTGiddmNTnHt8KEJTT62-XQ/viewform

#БЗ_адукацыя

https://t.me/+SwiAMGDK-4cjxPjs | https://t.me/belarusy_zarubezhja_bot

🎶 VII ФЕСТЫВАЛЬ БЕЛАРУСКАГА ФАЛЬКЛОРУ «БЕЛАРУСЬ СТАРАЖЫТНАЯ» Ў ВІЛЬНІ 🤍❤️🤍

Ужо ў суботу 10 кастрычніка ў Вільні адбудзецца VII фестываль беларускага фальклору «Беларусь Старажытная» — свята беларускай народнай культуры, музыкі і традыцый.

На адной сцэне сустрэнуцца фальклорныя калектывы і выканаўцы з Літвы, Латвіі і Польшчы. У праграме — беларускія народныя песні, традыцыйныя строі, музыка і жывая атмасфера нашай культурнай спадчыны 🌾🎵

Сярод удзельнікаў:

BARANA, SVITANAK, PACERKI, OIRA, LAUKIS, TURGELIANKA, JIEZNELĖ, ABRA, ASOČNIKI, ŽEMERVA, VASILOCZKI, а таксама Palina Kuranovič і Aryna Zarankina.

Акрамя канцэртнай праграмы, гасцей чакае кірмаш, дзе можна будзе пазнаёміцца з працамі майстроў і знайсці нешта асаблівае на памяць 🧶✨

Прыходзьце ўсёй сям’ёй — паслухаць беларускія песні, пабачыць традыцыйныя строі і правесці восеньскі дзень разам з беларускай культурай. ❤️

Захоўваем, перадаём і працягваем нашы традыцыі разам! 🌾

🗓 Субота 10 кастрычніка
🕑 14:00
📍 Цэнтр культуры Новай Вільні (Gerovės g. 1)

#БЗ_афіша

https://t.me/+SwiAMGDK-4cjxPjs | https://t.me/belarusy_zarubezhja_bot

"Дарагія палітвязні! Шчыра віншуем вас з днём нараджэння! Для ўсіх нас ваша мужнасць, нязломнасць і вернасць сваім прынцыпам — гэта прыклад сапраўднай годнасці. Мы памятаем пра кожны ваш дзень у няволі і цвёрда верым, што гэты несправядлівы тэрмін хутка скончыцца.

Жадаем Вам захаваць унутраную свабоду, якую ніякія сцены не здольныя забраць. Няхай здароўе і сілы не пакідаюць вас. Мы ўсе вельмі чакаем  вызвалення кожнага з вас і таго дня, калі зможам паціснуць руку на вольнай зямлі. Свабоду палітвязням!"

Беларусы і беларускі Беластока

https://t.me/+SwiAMGDK-4cjxPjs | https://t.me/belarusy_zarubezhja_bot

9-11 кастрычніка мы ладзім юбілейны 5-ы беларускі фестываль Minsk x Minga у Мюнхене!

Мы абяцаем вам яшчэ больш цікавага кіно, музыкі, літаратуры і знаёмстваў з крутымі беларусамі і беларускамі.🤍❤️🤍

Далучайцеся за нас — спасылка на квіткі https://www.tickettailor.com/events/minskxminga/2380322 !

Не прапусціце! 1–2 траўня ў Варшаве пройдзе V Канферэнцыя беларусаў і беларусак свету

У пачатку траўня ў Варшаве адбудзецца ўжо пятая https://t.me/tsikhanouskaya — сустрэча прадстаўнікоў і прадстаўніц арганізацыяў, ініцыятываў і беларускай дыяспары з розных краінаў.

Для беларусаў і беларусак гэта магчымасць сустрэцца афлайн і анлайн, каб: 
– абмеркаваць актуальныя перспектывы, выклікі і праблемы, што цяпер стаяць перад беларускім грамадствам як за мяжой, так і ў Беларусі;
– выпрацаваць эфектыўныя практыкі для ўзаемадзеяння і супрацоўніцтва дыяспараў па ўсім свеце;
– папрацаваць разам над вырашэннем актуальных пытанняў і праблемаў;
– актуалізаваць і падзяліцца паспяховымі практыкамі і напрацоўкамі беларускіх дыяспараў.
– і, канешне, пабачыць адно аднаго і пашырыць сваю сетку кантактаў беларусаў па ўсім свеце!

Ужо хутка падзелімся больш падрабязнай інфармацыяй і адкрыем рэгістрацыю на ўдзел. Сачыце за навінамі!

📊605 палітвязняў памілавалі ўлады з 2020-га году — палітвязнямі за гэты час сталі амаль 4,5 тысячы чалавек

З 2020-га году ў Беларусі па памілаванні былі вызваленыя 605 палітычных зняволеных. За гэты час 4499 чалавек атрымалі статус палітвязня. Гэта людзі з усёй Беларусі, рознага ўзросту і сацыяльнага статуса, якія абвінавачваюцца па шэрагу крымінальных артыкулаў.

Нягледзячы на вызваленне людзей, канвеер рэпрэсій і палітычных затрыманняў не спыняюцца — месцы вызваленых займаюць новыя палітвязні.

«Толькі спыненне штодзённых новых арыштаў і вызваленне ўсіх палітвязняў будзе казаць аб пераходзе ад палітыкі дзяржаўнага тэрору да аднаўлення нацыянальнай згоды. Тое, як адбываюцца многія з гэтых вызваленняў цяпер, кажа аб працягу рэжымам практык дэ-факта дэпартацыі па палітычных матывах — злачынстваў супраць чалавечнасці па вызначэнні Міжнароднага крымінальнага права», — https://spring96.org/be/news/118171 раней праваабаронца «Вясны» Павел Сапелка.

Памерла жыхарка Мінска, якую паўгода таму асудзілі за ўдзел у пратэстах

https://prisoners.spring96.org/be/person/alena-pankova не стала ў лютым 2026 года. «Лена памерла раптоўна: быў чалавек — і больш няма. Вельмі страшна», — кажа сябар сям’і.

Летам 2025 года Панкову асудзілі па 342‑м артыкуле Крымінальнага кодэкса (дзеянні, што груба парушаюць грамадскі парадак) — так кваліфікавалі ўдзел у маршах пратэсту. Яе справу разглядалі ў судзе Кастрычніцкага раёна Мінска.

Алене далі «хатнюю хімію», https://nashaniva.com/389557 «Наша Ніва».

«Гэта значыць, што ў яе быў жорсткі графік жыцця — з дому на працу і назад. Мы не ведаем прычыны смерці Алены, няясна і тое, ці скардзілася яна здароўе. Але для хатніх хімікаў схадзіць да доктара — гэта вялікая лагістычная праблема, трэба неяк справіцца за тую «свабодную» гадзіну пасля працы. Альбо загадзя пісаць заяву і адпрошвацца ў інспектара».

Алена — географ па адукацыі. Яна любіла жывёл, вандроўкі і паходы, захаплялася вязаннем.

Па інфармацыі BelPol, у жанчыны застаўся 18‑гадовы сын.

🇧🇪 Сёння каля будынку Еўрапейскага парламента ў Брусэлі адбылася акцыя салідарнасці і падтрымкі з палітычнымі зняволенымі ў Беларусі

Удзельнікі мерапрыемства распавялі пра працяг рэпрэсій і падкрэслілі, што колькасць палітвязняў не змяншаецца.

Арганізатары акцыі заклікалі міжнародную супольнасць узмацніць увагу да сітуацыі з правамі чалавека і працягваць намаганні, накіраваныя на вызваленне ўсіх незаконна ўтрымліваемых палітзняволеных.

#палітвязні

Беларусы Замежжа | https://t.me/belarusy_zarubezhja_bot

"Дзень нараджэння ў няволі
Асуджаныя без віны
Святкуюць, зразумела, з болем -
У марах ж з роднымі яны...

Мы разам з вамі, хоць не побач,
І прагнем волі, як і вы!
Хай вас мацней нягоды робяць,
Радзімы мужныя сыны!

Віншуем з народзінамі і  падтрымліваем вас, нашы палітвязні".

Беларусы Беластока

#палітвязні

Беларусы Замежжа | https://t.me/belarusy_zarubezhja_bot

Падтрымайце беларускія ініцыятывы і медыя з падаткаў 

27 лютага — Сусветны дзень недзяржаўных арганізацыяў. У Беларусі пасля 2020 года гэты сектар мэтанакіравана знішчаўся: сотні і тысячы арганізацыяў былі ліквідаваныя або вымушаныя закрыцца. Паводле маніторынгаў ліквідавана больш за 1800 НДА. Але гэтыя ініцыятывы працягваюць працаваць дзеля беларусаў і беларускай справы — у тым ліку за мяжой.

І беларусы замежжа могуць падтрымаць іх простым спосабам. Цяпер час падачы падатковых дэкларацыяў, і вы можаце накіраваць частку ўжо сплачаных падаткаў на падтрымку беларускіх арганізацыяў, ініцыятываў і медыя, якія вам падабаюцца.

Вы не плаціце больш, чым ужо сплацілі, а проста вырашаеце, каму будзе пералічаная частка вашых падаткаў. Для беларускіх арганізацыяў гэта важная падтрымка: яна дапамагае працягваць працу.

Каманда Офіса падрыхтавала спіс беларускіх ініцыятываў і медыя, якія можна падтрымаць праз падатковыя механізмы.

Калі вы ведаеце іншыя беларускія ініцыятывы, якія можна падтрымаць з падаткаў — напішыце нам. Мы дапоўнім спіс!

Польшча
– https://t.me/cbs_help https://t.me/freebelaruscenter https://t.me/zbsunion https://t.me/dissidentBY https://www.instagram.com/p/DTh7K-kjIiP/?igsh=MWRrMG52eG1oMGtpeQ== https://bysol.org/ru/about/news/d9fd83798038bdc.html https://byhub.org/pit37 https://hrodna.life/articles/tax-support-2026/ https://penbelarus.org/2026/02/02/nakirujcze-15-svaih-padatkau-belaruskamu-penu-kali-vy-u-polshchy.html https://www.newbelarus-taxes.com/ https://t.me/euroradio https://www.facebook.com/euroradio.fm/photos/плаціце-падаткі-ў-польшчы-падтрымайце-euroradio-пры-запаўненні-дэкларацыікалі-вы/1294319459384878/ https://www.instagram.com/p/DTp7MQ1jJ-6/ https://www.instagram.com/p/DUI7oH0DO32/ https://www.instagram.com/p/DUVgE90jTMI/?igsh=MW5hbXV3Y3BwaDBldQ== https://www.instagram.com/p/DUV6pRiCPxz/?img_index=3&igsh=MXE2dGdiZ3M1bW03eA== https://www.instagram.com/p/DUOiCQ8DNJI/ https://supolka.pl/падтрымаць-суполку/wsparcie-supolki-2/ https://tutaka.org/be/1_5__tutaka/
https://t.me/nau_belarus

Літва
– https://t.me/stranafund https://ecohome.ngo/padtrymaj-ekadom/ https://bysol.org/ru/about/news/d9fd83798038bdc.html https://hrodna.life/articles/tax-support-2026/ https://www.newbelarus-taxes.com/ https://www.instagram.com/p/DUSgEzajqTj/ https://www.instagram.com/p/DUV6pRiCPxz/?img_index=3&igsh=MXE2dGdiZ3M1bW03eA== https://www.instagram.com/p/DTh7K-kjIiP/?igsh=MWRrMG52eG1oMGtpeQ== https://t.me/abflithuania https://www.instagram.com/p/DUiK7ukDQYh/?igsh=dW4wdGxoaXZkNmYw https://t.me/budzmaorg
https://greenbelarus.info/support-us
https://t.me/dapamoga_channel

Італія
– https://www.instagram.com/p/DUSz3PODRpD/?igsh=MXViaXBhczR0cGx1Zg==

Сумна. Смешна. Парадаксальна. І паказальна.

🌪️Днямі ў сацсетках завірусілася гісторыя 29-гадовага кітайскага студэнта Сюй Байлуна, які вывучыў беларускую мову і, каб знайсці сабе беларускамоўнае кам’юніці переехаў… у Польшчу!

Малады чалавек пражыў у Мінску больш за год, але так і не здолеў абзавесціся аднадумцамі, гатовымі размаўляць з ім па-беларуску. Больш за тое, кітаец распавядаў як у Беларусі з яго нават смяяліся, калі ён пачынаў гаварыць на беларускай мове 🫤

Думаеце гэта спыніла маладога чалавека? Якое там! Сюй, расчараваны мінчукамі, спачатку вярнуўся ў Кітай, але неўзабаве зразумеў, што раз, прачытаўшы Караткевіча ў арыгінале, больш не зможа трымаць у сабе скарб валодання мовай класіка.

І студэнт знайшоў выйсце. Ён пераехаў у Кракаў, дзе амаль адразу знайшоў сабе беларускамоўную кампанію.

У інтэрв’ю выданню «Мост» Сюй з усмешкай расказаў:

«У Беларусі ў мяне не было ніводнага (беларускамоўнага сябра ці знаёмага), а цяпер у мяне іх шмат. Апынулася, што ў Польшчы беларускамоўных беларусаў больш, чым у самой Беларусі».

Мы, ЦБС, запрашаем Сюя і ўсіх аматараў беларускай мовы ў госці. Будзем глядзець разам футбол па-беларуску, піць гарбату, займацца ляпнінай і дзясяткамі іншых актыўнасцяў.

З Днём роднай мовы, сябры!🤍
Беражыце сябе❤️
Беражыце мову 🤍

🇧🇪 Міжнародны дзень роднай мовы беларусы ў Бельгіі адзначылі душэўнай імпрэзай.

Гучалі вершы беларускіх класікаў і радкі, напісаныя з-за кратаў, спявалі песні на роднай мове.

З асаблівай цеплынёй пісалі віншавальныя паштоўкі палітвязням — тым, хто нарадзіўся ў лютым, і каму сёння так важна адчуць падтрымку і салідарнасць.

З Днём роднай мовы!
Рускай мове дай разгрузку: размаўляй па-беларуску!

Беларусы Замежжа | https://t.me/belarusy_zarubezhja_bot

Чаму грамада «Каліноўцы» і ініцыятыва «Росквіт» дабрачыннай https://t.me/roskvitok віншуюць вас з Міжнародным днём роднай мовы вершам «Ты, мой брат, каго зваць Беларусам»?

Гэты верш быў напісаны ў 1910 годзе. Няшмат хто з нас вывучаў яго ў школе.

Яго аўтар, Алесь Гарун, быў актыўным дзеячам беларускага нацыянальнага руху і ўдзельнікам рэвалюцыйных падзей пачатку ХХ ст. У 1907 годзе ён быў арыштаваны, асуджаны і адпраўлены адбываць пакаранне ў Сібір. Значная частка яго паэзіі была напісана ў зняволенні.

Верш «Ты, мой брат, каго зваць Беларусам» быў створаны менавіта ў кантэксце гэтага перыяду — у часы, калі беларуская нацыянальная ідэя толькі пачынала фармавацца, а само слова «беларус» яшчэ не замацавалася як трывалая саманазва нашага народа.

Ідэя верша — беларус павінен не толькі называцца беларусам, але і быць ім свядома: у выбары гаварыць на сваёй мове, у сваіх дзеяннях, у салідарнасці.

На жаль, актуальнасць верша за гэтыя 115 гадоў толькі ўзрасла. Але змяніць існуючую рэальнасць нам па сілах. Варта памятаць, што родная мова — гэта не проста мова, якую ты пачуў першай у дзяцінстве. Гэта мова сотняў пакаленняў твайго роду, адбітак культуры тваіх суайчыннікаў, тваёй зямлі.

Зь Міжнародным днём матчынай мовы!
На жаль, складана ацаніць рэальную колькасьць людзей, для якіх беларуская мова — свая. Бо і моўнае пытаньне перапісаў уводзіць у аблуду, і многім няясна, каго можна ўважаць за носьбіта беларускае мовы. А папраўдзе нас такіх нямала 🙂

Прадстаўніцтва па нацыянальным адраджэнні сабрала базу арганізацый, якім беларусы могуць накіраваць частку падаходнага падатку

Прадстаўніцтва па нацыянальным адраджэнні Аб'яднанага Пераходнага Кабінета Беларусі абвясціла пра запуск новай базы беларускіх арганізацый і ініцыятываў, якім можна пералічыць частку ўжо выплачанага падаходнага падатку праз адпаведныя механізмы ў еўрапейскіх краінах.

У спіс увайшлі некамэрцыйныя структуры, зарэгістраваныя ў Польшчы, Літве, Эстоніі і Італіі — ад культурных і асветніцкіх праектаў да сацыяльных, праваабарончых і медыйных ініцыятываў, якія працягваюць працу дзеля падтрымкі беларускай супольнасці за мяжой.

Паводле аўтараў праекта, такі інструмент дазваляе беларусам непасрэдна ўплываць на развіццё значных для дыяспары і краіны ініцыятываў. Гаворка ідзе не пра дадатковыя выплаты: гэта сродкі, якія і так паступаюць у бюджэт, але цяпер іх можна адрасна накіроўваць тым, хто вядзе важную працу.

Адзначаецца, што нават невялікія сумы могуць стаць крытычнымі для многіх арганізацый — дапамагчы аплаціць арэнду, утрымаць каманду, правесці мерапрыемствы, падтрымаць людзей у складаных сітуацыях або запускаць новыя праекты, якія ўмацоўваюць беларускую прысутнасць у Еўропе.

Павел Баркоўскі, прадстаўнік па нацыянальным адраджэнні Кабінета, падкрэсліў значэнне новага інструмента падтрымкі:

«Гэта не проста тэхнічная магчымасць — гэта механізм салідарнасці, які дазваляе кожнаму беларусу ўнесці свой унёсак у агульную справу. Адраснае накіраванне часткі падатку — гэта спосаб падтрымліваць тыя арганізацыі, што робяць рэальныя справы і захоўваюць беларускі голас у Еўропе. Мы заклікаем карыстацца гэтай магчымасцю і падтрымліваць праекты, якія вам сапраўды важныя».


АПК заклікае беларусаў за мяжой правяраць свае падатковыя механізмы ў краінах пражывання і карыстацца магчымасцю падтрымліваць важныя ініцыятывы. Адпаведная інфармацыя — https://t.me/CabinetBelarus.

https://t.me/CabinetBelarus

🇩🇰 У Даніі выдадзены першы пашпарт замежніка грамадзянке Беларусі без статуса ўцекача

Пра гэта https://www.facebook.com/share/p/1GzkhyNPFV/?mibextid=wwXIfr асацыяцыя «Талака - Сябры Беларусі ў Даніі»:

“У нас выдатная навіна: пасля двух гадоў настойлівай і інтэнсіўнай працы ў Даніі першы замежны пашпарт (fremmedpas) быў выдадзены грамадзянке Беларусі! Гэтая падзея стала важнай вяхой як для беларускай супольнасці ў Даніі, так і асабліва для беларусаў, якія па палітычных прычынах не могуць звяртацца да ўладаў Беларусі.

Выдача дакументу стала вынікам маштабнай супольнай працы групы актывістаў Талакi. Істотную ролю адыграла падтрымка Святланы Ціханоўскай і яе Офіса, а таксама ўвага з боку дацкіх уладаў і дзяржаўных інстытуцый.

Асаблівае значэнне мелі заявы міністра замежных спраў Даніі Ларса Лёкке Расмусена. Важным фактарам таксама стала ўдзел Омбудсмана дацкага парламента Крысціяна Брытэна Лундблада.

Да працэсу актыўна далучыліся прадстаўнікі дацкіх палітычных партый, у тым ліку члены Moderaterne, SF і Venstre — Ліберальнай партыі Даніі. Асабліва важную падтрымку выказала група салідарнасці SF, якая паслядоўна ўзнімала пытанні абароны правоў беларусаў у Даніі.

Значны ўнёсак зрабілі дацкія сродкі масавай інфармацыі. Асобна варта адзначыць карэспандэнта газеты Berlingske Эміля Ротбёля. Яго публікацыі надалі справе неабходную публічнасць, вывелі праблему на нацыянальны ўзровень абмеркавання і спрыялі больш уважліваму стаўленню з боку адказных інстытуцый.

Таксама значную ўвагу тэме надалі карэспандэнтка Дацкага Радыё Матыльда Кімер і міжнародны каментатар газеты Politiken Міхаэль Ярлнер.

Прафесійную дыскусію ўзмацніў прафесар Енс Ведстэд-Хансен — адзін з вядучых экспертаў Даніі ў галіне міграцыйнага права, прафесар-эмерытус Орхускага ўніверсітэта. Яго ацэнкі падкрэслілі неабходнасць карэктнага прымянення абноўленага заканадаўства, а таксама важнасць прававой вызначанасці і абароны правоў заяўнікаў у справах аб выдачы замежнага пашпарта.

Для беларусаў у Даніі гэтае рашэнне мае не толькі практычнае, але і сімвалічнае значэнне. Пашпарт замежніка дае магчымасць легальна падарожнічаць і вырашаць паўсядзённыя пытанні без рызыкі звароту да беларускіх дзяржаўных органаў. Адначасова гэта пацвярджае, што Данія на практыцы падтрымлівае людзей, якія адстойваюць дэмакратычныя каштоўнасці і правы чалавека.

Беларуская супольнасць выказвае шчырую падзяку ўсім, хто ўдзельнічаў у гэтым працэсе і падтрымліваў яго на розных узроўнях. Гэтая вяха стала вынікам салідарнасці, настойлівасці і супрацоўніцтва паміж грамадзянскай супольнасцю, палітыкамі, экспертамі і дацкімі інстытуцыямі“.

https://t.me/PEofBelarus | https://t.me/PEofBelarus_bot | https://buy.stripe.com/6oE7t3eCX0xg5yMbIJ

🇧🇾Міжнародны дзень роднай мовы

Гэта адмысловы дзень, абвешчаны на 30-й сесіі ЮНЕСКА. Мае на мэце заахвочванне моўнай разнастайнасці і шматмоўнай адукацыі, а таксама спрыянне ўсведамленню моўных і культурных традыцый, якія грунтуюцца на ўзаемаразуменні, цярпімасці і дыялогу.

Запрашаем адзначыць Дзень роднай мовы ў асяродзі асоб, для якіх матчынай мовай з'яўляецца беларуская.

🪄У праграме:

🎶 Музычная частка: Юры Несцярэнка, капэля "Ойра" і спецыяльныя госці.

📕 Паэзія і культурніцкі актывізм: Павел Севярынец, Сяржук Сыс, Ванда Марцінш, Ігар Случак,  Ілля Міронаў.

🗓 Дата: 21 лютага.
⏰ Пачатак а 17:00.
💶 Уваход: бескаштоўны (вітаюцца данаты)

📍Адрас: Дом нацыянальных супольнасцяў, Raugyklos, 25, Вільнюс

Беларусы Замежжа | https://t.me/belarusy_zarubezhja_bot

‼️ Жудасныя лічбы дня...

Праваабарончы цэнтр "Вясна" https://t.me/viasna96, што сёння палітвязнямі былі прызнаныя яшчэ 8 чалавек:

Дзмітрый Барсукоў
Ігар Губарэвіч
Павел Вахлакоў
Віталь Новікаў
Аляксандр Сульжыц
Сяргей Лагвіновіч
Віталь Кушнярэвіч
Аляксандр Хазееў

Пішыце палітвязням!
Вашыя лісты дапамагаюць ім не губляць сілу духу і падтрымліваюць у цяжкія часы.

Спіс усіх палітвязняў, гісторыя кожнага з iх і адрасы для лістоў тут:
http://bit.ly/306kkW9
http://politzek.me/
http://Dissidentby.com/

#палітвязні

Беларусы Замежжа | https://t.me/belarusy_zarubezhja_bot

Запрашаем далучыцца да бясплатнай школы для беларусак

У снежні мінулага года прадстаўніца па эканоміцы і фінансах Аб’яднанага Пераходнага Кабінета Беларусі Аліса Рыжычэнка запусціла бясплатную школу для беларусак — Aria School.

Навучанне праходзіць па пяці напрамках — падрабязней пра курсы можна даведацца на сайце школы.

Ужо больш за 100 заявак ухвалена, больш за 70 вучаніц праходзяць навучанне, атрымліваюць сертыфікаты і становяцца больш запатрабаванымі і канкурэнтаздольнымі на сучасным рынку працы.

Калі ты сутыкаешся з фінансавымі цяжкасцямі, хочаш атрымаць новую кваліфікацыю і стаць больш фінансава незалежнай — падавай заяўку на сайце http://www.ariaschool.org/. Навучанне цалкам бясплатнае для беларусак.

https://t.me/CabinetBelarus

🎸 Аляксандр Баль — бард, аўтар і выканаўца ўласных песень з унікальнай манерай выканання і вялікай харызма

Як даўно вы былі ў цёплай сяброўскай атмасферы і слухалі песні пад гітару? А памятаеце, як раней мы імкнуліся паспець купіць білет на творчы вечар таго ці іншага артыста? Гэта не проста канцэрт, гэта лёс чалавека, перажыванні, расказаныя ў песнях.

Менавіта таму мы запрашаем вас правесці гэты вечар, 28 лютага, у ўтульнай прасторы Mroj-Hall teatras і акунуцца ў атмасферу бардаўскай песні.

Цёплыя зносіны з аўтарам і атмасфера натхнення, радасці і сапраўднай музычнай магіі ўключаны ў кошт білета 😉

Білеты: https://fienta.com/lt/aleksandr-bal

🌱 Прадпродаж — 15 €
✨ У дзень канцэрта — 20 €

📍 Mroj-hall teatras, Gedimino pr. 28, Вільня
🕕 Пачатак а 18:00

#БЗ_афіша

Беларусы Замежжа | https://t.me/belarusy_zarubezhja_bot