Boxing Uzbekistan

Аброрбек Шариповнинг ғалабадан кейинги фикрлари.

ОБУНА БЎЛИНГ👉 BoxingUzbekistan

-80 кг вазн тоифасидаги вакилимиз Аброрбек Шарипов ҳам Жаҳон чемпионатида рингга кўтарилди.
У молдовалик Тимофеи Магдиусга қарши баҳс юритди. Якунда, Шарипов 5:0 ҳисобида ғалаба қозонди ва кейинги босқич масаласини ҳал қилди.

ОБУНА БЎЛИНГ👉 BoxingUzbekistan

Черногориянинг Будва шаҳрида давом этаётган ёшлар ўртасидаги Жаҳон чемпионатида -65 кг вазн тоифасидаги вакилимиз Жаҳонгир Зайниддинов ҳам рингга кўтарилди.
У словакиялик Гаспер Пехантга қарши баҳс юритди. Зайниддинов рақибига хеч қандай имконият қолдирмади ва биринчи раунддаёқ техник нокаут билан зафар қучди.

ОБУНА БЎЛИНГ👉 BoxingUzbekistan

📸Кечаги жанглардан фотолар.

ОБУНА БЎЛИНГ👉 BoxingUzbekistan

Таваллуд айёмингиз муборак бўлсин!

Бугун Ўзбекистон бокс федерациясининг доимий ҳамкори — “Тароват медиа” компанияси раҳбари Саидбек Бурхонов таваллуд айёмини нишонламоқда.

Ўзбекистон бокс федерацияси жамоаси ва бутун боксчилар оиласи номидан Саидбек Бурхоновни ушбу қутлуғ сана билан самимий муборакбод этамиз!

У кишига мустаҳкам соғлиқ, оилавий бахт-саодат, фаровонлик ва масъулиятли фаолиятида улкан муваффақиятлар тилаймиз!

ОБУНА БЎЛИНГ👉BoxingUzbekistan

Жаҳон чемпионати давом этади.

Бугун турнир доирасида 2 нафар боксчимиз рингга кўтарилади.

Жуфтликлар билан танишинг:

-65 кг: Жаҳонгир Зайниддинов - 🇸🇰Гаспер Пеҳант (Словакия) Б ринг, 19:15

-80 кг: Аброрбек Шарипов - 🇲🇩Тимофеи Магдиус (Молдова) Б ринг, 22:45

Учрашувлар Тошкент вақти билан икки дастурда, 17:00 ва 21:00 да старт олади.

ОБУНА БЎЛИНГ👉BoxingUzbekistan

-75 кг вазн тоифасидаги вакилимиз Суҳроб Раҳматуллаев иштирокидаги жанг ҳам якунланди.
Унга бу босқичда қозоғистонлик Рамазан Амир рақиблик қилди.
Жиддий рақибга қарши Раҳматуллаев ишончли ҳаракат қилди ва 5:0 ҳисобида ғалабага эришиб. Навбатдаги босқичга йўл олди.

ОБУНА БЎЛИНГ👉BoxingUzbekistan

-60 кг вазн тоифасидаги вакилимиз Муҳаммадризо Укимов ҳам Жаҳон чемпионатида рингга кўтарилди. У россиялик Умар Ибакиевга қарши баҳс юритди.
Жиддий рақибга қарши Укимов аъло даражада ҳаракат қилди ва 5:0 ҳисобида ғалабага эришди.
Муҳаммадризо кейинги босқичда!

ОБУНА БЎЛИНГ👉BoxingUzbekistan

😅Аёллар терма жамоамиз аъзолари билан тренд. Кимнинг рақси ёқди?

ОБУНА БЎЛИНГ👉BoxingUzbekistan

-70 кг вазн тоифасидаги вакилимиз Зулфиқор Адҳамжонов ҳам Жаҳон чемпионатида навбатдаги жангини ўтказди.
У жазоирлик Муҳаммад Монсефга қарши рингга кўтарилди.

Жуда қизиқарли ва муросасиз кечган жангда Адҳамжонов 4:1 ҳисобида муҳим ғалабага эришди ва нимчорак финалга йўл олди.

ОБУНА БЎЛИНГ👉BoxingUzbekistan

“Ўзбекистон Республикаси мустақиллигининг 35 йиллиги” эсдалик нишони билан Олимпиада кумуш медали соҳиби, жаҳон чемпионати совриндори, Осиё чемпиони ва ҳозирда профессионал боксда ажойиб натижалар қайд этаётган, Бектемир Мелиқўзиев ҳам тақдирланди.

Ушбу юксак эътироф спортчининг мамлакатимиз спорти ривожига қўшаётган ҳиссаси, халқаро майдонларда Ўзбекистон шарафини муносиб ҳимоя қилиб келаётгани ҳамда ёш авлод учун ибрат бўлаётганини яна бир бор тасдиқлайди.

ОБУНА БЎЛИНГ👉 https://t.me/joinchat

Эътироф — юксак меҳнатга муносиб баҳо

Хабарингиз бор, юртимиз мустақиллигининг 35 йиллиги муносабати билан бир қатор федерация ва ассоциациялар мутасаддилари, спортчилар ҳамда соҳа фидойилари “Ўзбекистон Республикаси мустақиллигининг 35 йиллиги” эсдалик нишони билан тақдирланган эди.

Қувонарлиси, ушбу юксак эътироф Ўзбекистон бокс федерацияси жамоаси вакилларини ҳам четлаб ўтмади.

Жумладан, федерациямиз спорт бўлими раҳбари Қобил Завқиев, федерациямизда иш юритувчи ва мурожаатлар билан ишлаш бўйича мутаҳассис Саида Усмонходжаева ва шунингдек, икки карра Олимпиада чемпиони Баҳодир Жалолов “Ўзбекистон Республикаси мустақиллигининг 35 йиллиги” эсдалик нишони билан https://t.me/OlympicUz.

Мазкур эътироф уларнинг мамлакатимиз спорти, хусусан, Ўзбекистон бокси ривожига қўшаётган муносиб ҳиссаси, самарали меҳнати ва фидойилигига берилган юксак баҳо бўлди.

Ўзбекистон бокс федерацияси жамоаси номидан вакилларимизни ушбу муносиб эътироф билан самимий муборакбод этамиз.

Уларга келгуси фаолиятларида мустаҳкам соғлик, улкан муваффақиятлар ва Ўзбекистон спорти шарафини янада юксалтириш йўлида янги зафарлар тилаймиз!

ОБУНА БЎЛИНГ👉 https://t.me/joinchat

🎁Карим Тўлагановни табриклаймиз!

Бугун бокс бўйича Ўзбекистон терма жамоасининг собиқ аъзоси, Атланта Олимпиадаси бронза медали соҳиби Карим Тўлаганов ўз таваллуд айёмини нишонламоқда.

Маълумот учун, Карим Тўлаганов 1973 йилнинг 27 августида Тошкент вилоятида таваллуд топган. Атланта Олимпиадасидаги бронзадан ташқари Осиё чемпионати ва Марказий Осиё ўйинларида ҳам бронза медалларига сазовор бўлган.

"Ўзбекистон Республикасида хизмат кўрсатган спортчи" унвони ва "Меҳнат шуҳрати" ордени билан мукофотланган.

Ўзбекистон бокс федерацияси ва боксчилар оиласи номидан, Карим Тўлагановни бугунги туғилган кун билан муборакбод этамиз. У кишига энг самимий тилакларимизни тилаб қоламиз.

ОБУНА БЎЛИНГ👉 https://t.me/joinchat

Тўлқин Қиличев: “Осиё ўйинларига тайёрмиз!”

ОБУНА БЎЛИНГ👉

“Дўстлик” ордени Исроил Мадримовга тантанали равишда топширилди

Хабар бериб ўтганимиздек, Исроил Мадримов мамлакатимиз спорти ривожига қўшган муносиб ҳиссаси, халқаро майдонда Ўзбекистон шарафини муносиб ҳимоя қилгани ҳамда ёш авлодни спортга кенг жалб этиш борасидаги хизматлари учун Президент фармонига биноан “Дўстлик” ордени билан тақдирланган эди.

Мазкур юксак давлат мукофоти боксчимизга тантанали равишда Ўзбекистон Республикаси Бош вазири ўринбосари, Ўзбекистон бокс федерацияси раиси Ачилбай Джуманиязович Раматов томонидан топширилди.

Тақдирлаш маросимида Исроил Мадримовнинг ўзбек бокси нуфузини халқаро майдонда янада юксалтиришга қўшаётган ҳиссаси алоҳида эътироф этилди.

Ушбу юксак мукофот Исроил Мадримовнинг спортдаги фаолияти ва келгусидаги янги марралар сари интилишига янада катта рағбат бағишлаши шубҳасиз.

Боксчимизга ушбу юксак давлат мукофоти муборак бўлсин! Келгуси фаолиятида улкан зафарлар ва янги чемпионликлар тилаймиз!

ОБУНА БЎЛИНГ👉

🎁Таваллуд айёмингиз муборак, Ойбек Омилович!

Бугун Ўзбекистон Миллий Олимпия қўмитаси Бош котиби, Ўзбекистон текбол федерацияси раиси, Ўзбекистон регби федерацияси раисининг биринчи ўринбосари, ООК Этика қўмитаси аъзоси, “Дўстлик” ва Осиё Олимпия кенгашининг “Буюк хизматлари учун” орденлари соҳиби Ойбек Омилович таваллуд айёмини нишонламоқда.

Ёшлигидан спортга меҳр қўйган Ойбек Омилович турли масъулиятли лавозимларда самарали меҳнат қилиб, юртимиз спорти ривожига муносиб ҳисса қўшиб келмоқда. Рио-2016, Токио-2020 ва Париж-2024 Олимпия ўйинларидаги юксак натижаларда ҳам у кишининг муносиб ҳиссаси бор.

Ўзбекистон бокс федерацияси ва бутун боксчилар оиласи номидан Сизни таваллуд айёмингиз билан чин қалбдан муборакбод этамиз!

Сизга мустаҳкам соғлиқ, узоқ умр, оилавий хотиржамлик, бахт-саодат ва масъулиятли фаолиятингизда улкан муваффақиятлар тилаймиз. Юртимиз спортини янада юксалтириш йўлидаги эзгу ишларингиз доимо омад ва зафарлар билан ҳамоҳанг бўлсин!

Таваллуд айёмингиз муборак бўлсин, Ойбек Омилович!

ОБУНА БЎЛИНГ👉

Осиё ўйинлари олдидан юртимиздаги сўнгги ўқув-машғулот йиғини бошланди

23 август куни Республика Олимпия ва паралимпия спорт турларига тайёрлаш марказида эркаклар терма жамоамизнинг Осиё ўйинлари олдидан юртимиздаги сўнгги ўқув-машғулот йиғини старт олди.

Бош мураббий Тўлқин Қиличев бошчилигидаги мураббийлар штаби спортчиларнинг мусобақага ҳар томонлама тайёргарлигини янада мустаҳкамлаш, техник-тактик маҳорат ва жисмоний ҳолатни юқори чўққига олиб чиқиш борасида зарур ишларни олиб бормоқда.

Йиғин давомида боксчиларнинг Осиё ўйинларида муносиб иштирок этиши, ҳар бир жангга пухта тайёргарлик кўриши ҳамда юртимиз шарафини муносиб ҳимоя қилиши учун барча зарур чоралар кўрилмоқда.

Ўқув-машғулот йиғини 1 сентябрга қадар давом этади.

ОБУНА БЎЛИНГ👉

Исроил Мадримов Президент томонидан давлат мукофоти билан тақдирланди

Ўзбекистон Республикаси мустақиллигининг ўттиз беш йиллиги муносабати билан фан, таълим, соғлиқни сақлаш, спорт, маданият ва санъат соҳалари ҳамда оммавий ахборот воситалари ходимларидан бир гуруҳини мукофотлаш тўғрисида Ўзбекистон Республикаси фармони эълон қилинди.

Мамлакатимиз мустақиллигини мустаҳкамлаш, Янги Ўзбекистонни барпо этиш йўлидаги ислоҳотлар самарасини оширишга қўшган муносиб ҳиссаси, ўзининг кўп қиррали ижодий ва илмий-амалий фаолияти билан халқимизнинг интеллектуал салоҳияти ва маънавиятини юксалтириш, юртимизда илм-фан, таълим, соғлиқни сақлаш, спорт, маданият ва санъат соҳалари, оммавий ахборот воситаларини ривожлантириш, жамиятда тинчлик ва тотувлик, ўзаро ҳурмат ва ҳамжиҳатлик муҳитини сақлаш, ёшларимизни она юртга муҳаббат ва садоқат, умуминсоний қадриятларга ҳурмат руҳида тарбиялаш йўлидаги самарали хизматлари ҳамда ижтимоий ҳаётдаги фаол иштироки учун қуйидагилар мукофотлансин:

“Дўстлик” ордени билан:
Мадримов Исраил Модрахимович - профессионал боксчи.

ОБУНА БЎЛИНГ👉

🎁Таваллуд айёмингиз муборак, Сакен Джетибаевич!

Бугун, 22 август куни Ўзбекистон бокс федерацияси раисининг биринчи ўринбосари, “Asian Boxing” ташкилоти вице-президенти Сакен Полатов ўз таваллуд айёмини нишонламоқда.

Сакен Джетибаевич ўзбек спорти ривожига муносиб ҳисса қўшиб келаётган, ўз ишига садоқатли ва энг жонкуяр спорт функционерларидан биридир.

2019 йилда Ўзбекистон бокс федерацияси раисининг биринчи ўринбосари сифатида иш бошлаганидан сўнг, юртимиз бокси халқаро майдонда ҳақиқий лидерлар қаторидан мустаҳкам ўрин эгаллади. Париж Олимпиадасида қайд этилган мутлақ рекорд, жаҳон чемпионатларидаги етакчилик ва қитъадаги ҳукмронлик — буларнинг барчасида Сакен Джетибаевичнинг самарали фаолияти, ташаббускорлиги ва меҳнатининг алоҳида ўрни бор.

Унинг спорт ривожига қўшаётган муносиб ҳиссаси ва фидокорона меҳнатлари юксак эътироф этилиб, 2021 йилда “Дўстлик” ордени, 2024 йилда эса “Фидокорона хизматлари учун” ордени билан тақдирланган.

Биз ҳам Сакен Джетибаевичнинг ўзбек спорти, хусусан, бокс ривожи йўлидаги меҳнатларини юксак қадрлаймиз ва самимий миннатдорлигимизни билдирамиз.

Шу фурсатдан фойдаланиб, Ўзбекистон бокс федерациясининг аҳил жамоаси номидан Сакен Джетибаевични таваллуд айёмлари билан чин қалбдан муборакбод этамиз!

У кишига мустаҳкам соғлик-саломатлик, оилавий хотиржамлик, узоқ умр, барча эзгу орзу-ниятларининг рўёбини ҳамда масъулиятли ва шарафли касбий фаолиятларида улкан муваффақиятлар тилаймиз!

Ҳурмат билан,
Ўзбекистон бокс федерацияси жамоаси.

ОБУНА БЎЛИНГ👉

Нигина ва Самандар супер баҳс!

ОБУНА БЎЛИНГ👉

🤩Олимпия шаҳарчасида давом этаётган қўшма ўқув-машғулот йиғинидан видео ролик.

ОБУНА БЎЛИНГ👉

Бразилияда баҳслар давом этади.

Бугун World Boxing ташкилоти кубоги баҳсларида қизларимиз ўз иштирокларини бошлашади.

Жуфтликлар билан танишинг:

Нимчорак финал:
-51 кг: Феруза Казакова - 🇩🇪Махи Клотзер (Германия) 19:15 Б ринг.

Чорак финал:
-48 кг: Фарзона Фозилова - 🇲🇦Виссал Фахир (Марокаш) 01:00 А ринг.

Нимчорак финал:
-65 кг: Навбаҳор Ҳамидова - 🇨🇭Анна Женни (Швейцария) 02:45 Б ринг.

Баҳслар Тошкент вақти билан 19:00 ва тунги 01:00 да бошланади.

ОБУНА БЎЛИНГ👉

Ўсмирлар ва ёшлар терма жамоамиз айни вақтда Янгиобод спорт базасида Тошкент мезбонлигидаги Осиё чемпионати ҳамда Сенегал пойтахти Дакар шаҳрида бўлиб ўтувчи ёшлар Олимпиадасига жиддий ҳозирлик кўришмоқда.

Ушбу ўқув-машғулот йиғинларини кўздан кечириш ва бошқа долзарб масалалар юзасидан Ўзбекистон бокс федерацияси раисининг биринчи ўринбосари Сакен Полатов Янгиобод спорт базасига ташриф буюрди. Сакен Джетибаевич мазкур ташриф мобайнида терма жамоа аъзолари ҳамда мураббийлар билан суҳбатлашиб, муҳим ва керакли кўрсатмалар берди.

ОБУНА БЎЛИНГ👉

World Boxing ташкилоти кубоги жангларида кун давомида икки дастурда учрашувлар бўлиб ўтади.

Бугун спортчиларимиз рингга кўтарилмайди.

Баҳслар Тошкент вақти билан 19:00 ва тунги 01:00 да бошланади.

ОБУНА БЎЛИНГ👉