Izboskan tuman AKM | Rasmiy kanal

Vatan (hikoya)

Mustaqilligimizning 35 yilligiga bag’ishlanadi

Uning bag’rida ajib bir sog’inch paydo bo’ldi. Yuragining osti sim-sim oqayotganday, ko’zlarining chetiga birov igna sanchayotganday edi. Ehtimol xotinini sog’indimi? Qiziq-a? Tavba! U kafti bilan namchil bag’rini siypaladi. Go’yo yig’lagisi kelardi-yu, ammo bu holati o’ziga judayam xush yoqardi. «Dardingga uray buncha shirin-a?..» Yo oshnasi Ma’rufni sog’indimi? Balki Solining nigohi ta’sir qilgandir? Yo’q, bag’ridagi narsaning omonligi uchun bular ozlik qilardi...
Yana xayollari chuvalashdi: qaytishda Ma’ruf ariqchaga solib qo’ygan «haligindan» ikki piyola «uradi». Havo dim bo’lsa nima qipti? Keyin uyiga borib, xotinjoni pishirgan palovni «tushiradi». Taskin ilinjidagi bu orzu-o’ylari ham kamlik qildi... Halovatsiz jovdiragan ko’zlari g’ujg’on g’o’zalarga tikildi.
Shu payt tizza bo’yi bo’lgan g’o’zalar o’sa boshladilar, o’sa-o’sa xuddi qadimgi janglar aks etgan kinolardagi sonsiz suvoriylarga aylanardilar va o’tirgani bois tobora undan balandlab borardilar. Bostirib kelayotgan tish-tirnog’igacha qurollangan lashkar hisobsiz edi. Uning bag’ri hapriqdi, ko’ksini ezg’ilayotgan narsa shiddat bilan bo’g’ziga urildi. Bo’g’zi kuydi-da, unda mislsiz bir na’ra paydo bo’ldi. Hayqirarkan, chap qo’li yonboshini bezovta paypasladi va kafti nimagadir urildi-da, uni mahkam changalladi. So’ng biroz xotirjam tortdi, ko’ksiga havo to’lib, ko’tarildi va belida tutgani ulkan qilichni qindan sug’ira o’rnidan turib ketdi.
Shu on o’ng yonidagi serbutoq, egri-bugri tut «Miltiqli kishi»ga aylandi. Uning qo’lida chindan ham kattakon miltig’i bor edi. Chap tomonidagi tutlar o’rnida xotini va Soli paydo bo’ldi, orqaroqda esa qornini qappaytirib Ma’ruf ko’rindi. Boshqa tutlar ham tanish-notanish odamlarga aylanardi. Hozir ular hamlaga shaylangan sher yanglig’ ro’paradagi son-sanoqsiz lashkarga bas kelmoqqa qodirday turishardi.

✍️Muallif: Nabi Jaloliddin

https://www.facebook.com/n.jaloliddin/posts/pfbid02jMXR5BmJPX4oJoFYNiGsKBbzovNNENoA8B28ytVW1xA9z4u8VLenK6jRrpCEiCwFl

#Bilimlar_kuni
"Yagona vatan, yagona xalq bo‘lib yangi hayot va kelajak yaratamiz" shoiri ostida "Birinchi qo'ng'iroq" bayram tadbiri

O'zbekiston Respublikasi Maktabgacha va maktab ta'limi tizimida yangi o'quv yilini munosib kutib olish, o'quvchilarda Vatanga muxabbat, milliy va umuminsoniy qadriyatlarga hurmat tuyg'ularini shakllantirish, ta'lim olishga bo'lgan qiziqishlarini yanada oshirish maqsadida 2026-yil2-sentabr kuni 51-umumiy o'rta ta'lim maktabida ham "Yagona vatan, yagona xalq bo‘lib yangi hayot va kelajak yaratamiz" shoiri ostida "Birinchi qo'ng'iroq" bayram tadbiri tashkil etildi. Ushbu tadbirda tuman xokimligidan AKM direktori N.Burxonov, tuman MMT bo'limidan N.No'monova, IIB profilaktika inspektori kapitan A.Odilov, tuman MMTB hisobchisi O.Azamatov, shuningdek maktab jamoasi, o'quvchilar, ota-onalar jamoatchilik vakillari ishtirok etdilar.

Bizni kuzatishda davom eting!!!
👇👇👇
https://www.facebook.com/profile.php?id=61574646792252&locale=ru_RU| https://www.instagram.com/izboskan_akm/|| https://www.youtube.com/@izboskantumaniakm| https://x.com/home?lang=ru| https://izboskantakm.uz/

Tumanimiz qahramonlari

Axborot-bibliografiya xizmati mutaxassislari tumanimizdan yetishib chiqqan fidoyi, el-yurt ravnaqi yo‘lida sidqidildan xizmat qilgan insonlar boy hayot yo‘li hamda mehnat faoliyatini o‘rganish va keng targ‘ib qilish maqsadida navbatdagi xonadonga tashrif buyurdilar.

Bu galgi manzil xalq ta’limi tizimida uzoq yillar samarali faoliyat yuritib, ko‘plab shogirdlar qalbida o‘chmas iz qoldirgan muallimalardan biri — Masturaxon Qosimova xonadoni bo‘ldi.

Tashrif davomida bibliograflar M.Qosimovaning hayot yo‘li, pedagogik faoliyati, ta’lim-tarbiya sohasidagi samarali mehnati hamda erishgan yutuqlari bilan yaqindan tanishdilar. Ustozning ko‘p yillik mehnati, yosh avlodni bilimli va ma’naviyatli etib tarbiyalash yo‘lidagi xizmatlari alohida e’tirof etildi.

Suhbat jarayonida muallimaning faoliyatiga oid esdaliklar, fotosuratlar va saqlanib qolgan matbuot materiallari ko‘zdan kechirildi.

Bunday uchrashuvlar tumanimiz tarixida munosib o‘rin egallagan insonlarning hayoti va faoliyatini o‘rganish, ularning boy tajribasini yosh avlodga yetkazishda muhim ahamiyat kasb etadi.

Bizni kuzatishda davom eting!!!
👇👇👇
https://www.facebook.com/profile.php?id=61574646792252&locale=ru_RU| https://www.instagram.com/izboskan_akm/|| https://www.youtube.com/@izboskantumaniakm| https://x.com/home?lang=ru