ПАНЖОБ ЖОМЕЪ МАСЖИДИ

Ишқ нима?

Жалолиддин Румий ҳазратларидан:
– Ишқ нима? – деб сўрашибди.
У зот:
– Менинг ўрнимда бўлсангиз биласиз, – дебди.
Яна ўша саволни сўрашибди.
Жалолиддин Румий ҳазратлари:
– Иродага эга чиқа олмасликдир, – деб жавоб берибди.
Яъни банда Аллоҳни яхши кўрса, У Зотнинг буйруқларига сўзсиз амал қилади, қайтариқларидан қайтади.

t.me/panjob_masjidi

Аллоҳ таоло қудратлидир!

Инсон танаси — Аллоҳ таоло яратган энг мукаммал ва ҳайратланарли тизимлардан биридир. Ҳар бир аъзо, ҳужайра ва тўқима мутлақ аниқ ҳисоб, тартиб ва ҳикмат билан ишлайди.
Шу улкан тизимдаги бир неча ҳайратомуз рақамларга эътибор беринг:
209 та суяк
600 та мушак
100 миллиард та нерв ҳужайраси
2 миллион та оптик нерв толаси
Умумий узунлиги 100 000 км га етадиган қон томирлари
Тахминан 100 триллион та ҳужайра
Энг Кичик Заррадаги Буюк Режа
Ажабланарлиси шундаки, шу улкан тизимнинг барча "лойиҳалари" яъни суякларнинг шакли, мушакларнинг жойлашуви, қон оқимининг йўналиши ва ҳатто мия фаолияти ҳақидаги маълумотлар - фақат битта ҳужайранинг ДНКсида мужассамланган.
Бу инсон танасининг тасодифий эмаслиги, балки буюк ва беқиёс режа асосида яратилганлигининг очиқ далилидир.
Аллоҳ таоло Ўзи яратган ҳар бир нарсасига ўлчов белгилаган. Қуръонда шундай марҳамат қилинади:
إِنَّا كُلَّ شَيْءٍ خَلَقْنَاهُ بِقَدَرٍ
Албатта, Биз ҳамма нарсани ўлчов билан яратдик.
(Қомар сураси, 49-оят)
سَبِّحِ اسْمَ رَبِّكَ الْأَعْلَى
Шаъни юксак Роббинг исмини улуғла!
الَّذِي خَلَقَ فَسَوَّىٰ
Яратиб, бежирим қилган У.
وَالَّذِي قَدَّرَ فَهَدَىٰ
Ўлчов белгилаб, йўл кўрсатган ҳам У.
(Аъла сураси, 1–3-оятлар)
هُوَ اللَّهُ الْخَالِقُ الْبَارِئُ الْمُصَوِّرُ ۖ لَهُ الْأَسْمَاءُ الْحُسْنَىٰ ۚ يُسَبِّحُ لَهُ مَا فِي السَّمَاوَاتِ وَالْأَرْضِ ۖ وَهُوَ الْعَزِيزُ الْحَكِيمُ
У Аллоҳдир, яратгувчидир, шакл/сурат берувчидир*. Энг гўзал исм (хусусият)лар Унга тегишли. Осмонлар ва ердагилар Уни улуғлайди. У ўз ишида ғолибдир, тўғри қарор берувчидир.
(Ҳашр сураси, 24-оят)
У Зот шакл/сурат берувчидир, яъни Ал-Мусаввирдир (المصور). Инсонларнинг бармоқ учларидаги ўзаро фарқли шаклларни ҳам У беради.
Инсон танасидаги ҳар бир жараённинг ДНКда мукаммал тарзда кодланиши, унинг ривожланиши ва фаолият юритишидаги аниқлик ва тартиб буюк Яратувчининг ҳикмати ва қудрати борлигини тасдиқлайди.
Бу рақамлар ва мураккаб тузилишлар бизга қуйидагиларни англатади:
1. Аллоҳнинг Қудрати: Улкан миқёсдаги ва энг кичик заррадаги тартиб ва мукаммалликни намоён этади.
2. Мукаммал Режа: Бутун ҳаёт режаси битта ДНК молекуласида мужассамлиги Яратувчининг чексиз илми ва мукаммал бошқарувини кўрсатади.
3. Илоҳий Ҳикмат: Ҳар бир аъзонинг ўз ўрни ва вазифасига эга бўлиши, уларнинг уйғун ишлаши бу Илоҳий ҳикматнинг амалий исботидир.
Дарҳақиқат, инсон ДНКси ва ундаги ахборотнинг мураккаблиги Аллоҳ таолонинг яратиш санъатининг беқиёс эканлигини тасдиқлайди.
فَتَبَارَكَ اللَّهُ أَحْسَنُ الْخَالِقِينَ
Энг чиройли шаклда яратувчи бўлмиш Аллоҳнинг шаъни улуғдир.
(Мўминун сураси 14-оят)

👇🏻👇🏻👇🏻
https://t.me/panjob_masjidi

​​​​​​Ғарб олимлари Қуръондан хато топиш учун йиғилишди...

(Улар Қуръондаги қуйидаги оятни келтиришди):

«...бир чумоли айтди: «Эй чумолилар, масканларингга киринглар, Сулаймон ва унинг аскарлари сизларни билмасдан синдириб юбормасинлар». (Намл сураси 18-оят).

Уларнинг "хато" деб топган сўзи:

"يَحْطِمَنَّكُم"

(Бу калима "яхтиманна" синдирмоқ, парчаламоқ маъносини беради).

Олимларнинг айтишича бу сўзни қаттиқ (кристалл) жисмларга нисбатан қўлланилиши керак, чумолилар эса тирик мавжудот бўлиб улар юмшоқ яъни гўштдир. Чумолиларга нисбатан «синдирмоқ» сўзини ишлатиш хато, уларга «эзмоқ» сўзи ишлатилса тўғри бўлар эди, дейишди.

Уларнинг ушбу даъвосидан кейин орадан икки йил ҳам ўтмай худди шу олимлар: "чумолилар танасининг учдан икки қисми шиша моддасидан иборат" эканлигини кашф қилишди ва ҳаммаси исломга киришди.

1400 йил аввал Росулуллоҳ (с.а.в.о) чўлда туриб айтган нарсаларини энди тушуниб етаётганлар, мусулмонларни “қолоқ” дейиши қизиқ эмасми?!.

☝️ДЎСТЛАРИНГИЗГА ҲАМ УЛАШИНГ!!!

👉https://t.me/panjob_masjidi

​​​​☝️ЯХШИ ОДАМ КИМ?

Қарз сўраб борганингизда қарз берган одамми?!
Йўқ.! Ҳолингиздан хабардор бўлиб ўзи ёрдам таклиф қилган одам…
ЯХШИ ОДАМДИР!

Ҳажга бордим деб, ҳожиликка даъво қилган одам эмас….ён атрофидаги бева бечораларга озгина бўлса ҳам эҳсон қилган одам…
ЯХШИ ОДАМДИР!

Қурбонликка қўй сўйиб, бадавлат дўстларига улашган одам эмас...бир бўлакдан бўлса ҳам, имкони борича мискинларга тарқатган одам...
ЯХШИ ОДАМДИР!

Оиласига қўша ~ қўша қасрлар қуриб берган одам эмас… Кулбада яшаса ҳам аёлини кўзида ёши йўқ одам...
ЯХШИ ОДАМДИР!

Фарзандларини чиройли кийинтириб қўйган яҳши одам эмас…Чиройли тарбия берган одам …
ЯХШИ ОДАМДИР!

Ўнта қизни кўнглини овлаган одам эмас…Битта қизни қалбига жойлаган одам…
ЯХШИ ОДАМДИР!

Тўқчиликда мазза қилиб яшаган одам эмас…йўқчиликда САБР қилиб яшаган одам…
ЯХШИ ОДАМДИР!

Омадингиз келганда ҳамиша сиз билан бўлган одам эмас…Омадингиз кетганда ёнингизда турган одам...
ЯХШИ ОДАМДИР!

🤲БОРИНГИЗГА ШУКУР ЯХШИЛАР!!!

☝️ДЎСТЛАРИНГИЗГА ҲАМ УЛАШИНГ!!!

👉https://t.me/panjob_masjidi

Одоб – бойлик, уни ишлатиш – комиллик. Ақл билан ҳар бир иш ислоҳ қилинади, ҳилм билан ҳар бир ёмонлик кесилади.

Изоҳ. Одоб амал орқали юзага чиқади, балки амалнинг мавжудлик шаклидир. Кишининг одоби қилган ё қилаётган ишида кўринади. Ҳақиқий бойлик – солиҳ амал. Солиҳ амал қилган мусулмон одобли, акси одобсизликдир. Инсон Охират диёрига ўзи билан олиб кетадиган ва савоб умид қилишига энг муносиб нарса солиҳ амал, шунингдек, бу дунёда ҳам орзу қилишга энг муносиб нарса солиҳ амал. Солиҳ амал шундай бойлик экан, демак унинг сифати бўлган одоб ҳам чинакам бойликдир. Солиҳ амалларни кўпайтириб, одоб бўстонининг эгасига айланаётган мусулмон комиллик шарафига босқичма-босқич кўтарилаётган инсондир. Одобли инсон Оллоҳ бандасига ато этган ақл неъматининг қийматини яхши билади, уни бузишга эмас, тузишга ишлатади. Ақлнинг бу вазифасини тўғри англаган мусулмон қўпол, дағал, одобсиз эмас, балки мулойим, меҳрибон, одобли бўлади. Тарих гувоҳ, қанчадан-қанча ўткир ақл қиличлари ишғол қила олмаган қалъаларни битта юмшоқ сўз ҳалимлик билан осонгина эгаллаб олган.
Шеър:
Ор-номусинг ҳимоя қилмасанг гар,
Қўрқмасанг сени яратган зотдан.
Уялмасанг халқдан, бўлиб кўру кар
Юравер, сенга мумкин, неки қилсанг,
Фақат шарти шудир, кеч «эр» деган отдан.
“Унвонул баён”дан.

t.me/panjob_masjidi

Аллоҳнинг қуйидаги мўъжизаларини биласизми?

60 000 км
Инсон танасида мавжуд бўлишига қарамай, микроскоп воситаси билангина кўринадиган майда томирларнинг узунлиги (тахминан) 60 000 км. дир.

500 миллиард
Ҳар йили ўсимликлар атмосферага чиқараётган кислороднинг оғирлиги – (тахминан) 500 миллиард тоннадир.

260-400 миллиард
Инсон танаси бир кунда (тахминан) 260-400 миллиардча қон ҳужайралари ишлаб чиқаради. 

227 миллион
Юрагимиз ҳаётимиз давомида 227 миллион литр қон ҳайдайди.

109 та
Табиатда мавжуд бўлган 109 турдаги атомларнинг фарқли шакл ва миқдорда бир орага келиши натижасида Ер юзида ҳайратомуз, турфа моддалар вужудга келган.

50 миллион
Бурунда «nasal epitelyum» деб аталган зар воситасида турли ҳидларни сезасиз. Бу зарда 50 миллионга яқин асаб (нерв) ҳужайралари бордир.

6 та
Кўз атрофида олтита мускул бўлиб, улар кўзнинг ўнгга ва чапга, юқорига ва пастга ва бошқа ҳаракатлар қилишига ёрдамчи бўладилар.

96 500 км
Қондаги ҳужайралар танадаги қон миқдорининг ярмини ташкил қилишларига қарамай, ён-ёнига тизилсалар 96 500 км лик чизиқчани ҳосил қиладилар. Бу – Ер юзининг сиртини икки марта айланиб чиқиш, демакдир.

3 500 дан ортиқ фермент
Инсон ҳужайрасида 3 500 дан ортиқ ферментлар бўлиб, буларнинг бир нечасининг кам бўлиши ҳужайра ичидаги фаолиятнинг бузилишига олиб келади. Бунинг оқибатида ҳужайралар парчаланади, яъни, ўлади.

100 000 км
Инсон танасидаги томирларнинг жами 100 000 км дан кўпдир. Бир инсондаги томирларнинг учларини бирлаштирилса Ер юзини икки ярим марта айланиб чиқа оладиган даражада узун бўлади.

23040 марта
Биз бир кунда (тахминан) 23040 марта нафас оламиз.

Каналга аъзо бўлиш: 👇🏻👇🏻👇🏻

Кийим кийганда бажариладиган суннатлар

Бисмиллаҳир Роҳманир Роҳийм

1. Кийимни кийишда “Бисмиллаҳ” (Аллоҳнинг номи билан) дейиш.

Расулуллоҳ соллаллоҳу алайҳи ва олиҳи васаллам: «Аллоҳнинг зикри ва “Бисмиллаҳир роҳманир роҳийм” билан бошланмаган аҳамиятли ҳар бир ишнинг орқаси кесикдир», деганлар.

2. Либосни кийишда ўнг тарафдан бошлаш.

Набий соллаллоҳу алайҳи ва олиҳи васаллам: “Агар кийинсангиз, ўнгдан бошланг”, деганлар.

Бошқа ҳадисда: “Сизлардан бирортангиз пойабзал кийса, ўнгдан, ечганда чапдан бошласин. Кийганда ҳар иккисини кийсин, ечганда ҳар иккисини ечсин”, дейилади.

3. Либосни кийганда қуйидаги дуони қилиш:

الْحَمْدُ لِلَّهِ الَّذِي كَسَانِي هَذَا وَرَزَقَنِيهِ مِنْ غَيْرِ حَوْلٍ مِنِّي وَلا قُوَّةٍ

“Алҳамду лиллаҳи аллазий касаний ҳаза ва розоқонийҳи мин ғойри ҳавлин минний ва лаа қувватин”

“Менга ушбу либосни менинг тарафимдан ҳеч қандай куч-қудратсиз кийдирган Аллоҳ таолога ҳамду санолар бўлсин”.

4. Кийимни ечишда чап тарафдан бошлаш.

5. Ечганда ҳам “Бисмиллаҳ” ни айтиб ечиш.

Расулуллоҳ соллаллоҳу алайҳи ва олиҳи васаллам айтадилар: «Одам болаларининг аврати билан жинларнинг кўзлари ўртасидаги парда кийимни ечганда “Бисмиллаҳ” дейишдир».

6. Янги либос кийганда дуо қилиш.

Набий соллаллоҳу алайҳи ва олиҳи васаллам иштон, кўйлак, ридо ёки салла кийсалар, қуйидаги дуони ўқир эдилар:

اللَّهُمَّ لَكَ الْحَمْدُ أَنْتَ كَسَوْتَنِيه أَسْأَلُكَ مِنْ خَيْرِهِ وَخَيْرِ مَا صُنِعَ لَهُ وَأَعُوذُ بِكَ مِنْ شَرِّهِ وَشَرِّ مَا صُنِعَ لَهُ

“Аллоҳумма лакал ҳамду анта касавтанийҳи асалука мин хойриҳи ва хойри ма суниаъ лаҳу ва аъузу бика мин шарриҳи ва шарри ма суниаъ лаҳу”

“Аллоҳим, мен сендан ушбу либосдаги яхшиликни ва унга боғлиқ яхшиликни сўрайман. Мен сендан ундаги ёмонликдан ва унга боғлиқ ёмонликдан паноҳ сўрайман”.

7. Янги либос кийган кишининг ҳаққига дуо қилиш:

“Бахтли ҳаёт кечиринг, шаҳодат билан вафот этинг”.

“Кийиб эскиртираверинг, Аллоҳ ўрнига бошқасини бераверсин”.

Даврон НУРМУҲАММАД

Ҳазрати Али ибн Абу Толиб (а.с) бундай деганлар:

“Ҳеч бир яхшиликни риё билан қилмагин ва ҳеч бир яхшиликни ҳаё қилиб (уялиб) тарк қилмагин”. “Мансурул ҳикам”да бундай дейилади: “Ҳаёси кам одамнинг дўстлари кам бўлади”.

НАФСНИНГ 7 ТУРИНИ БИЛАСИЗМИ?

Динимизда инсоннинг ички дунёсини поклаш энг олий мақсадлардандир. Уламоларимиз Қуръони Карим оятларига таянган ҳолда, нафснинг 7 та турини баён қилганлар:

1. Нафси аммора (Ёмонликка буюрувчи нафс)
Энг қуйи даража бўлиб, инсонни фақат гуноҳ, шаҳват ва Аллоҳга осийлик қилишга ундайди.

2. Нафси лаввома (Маломат қилувчи нафс)
Гуноҳ иш қилиб қўйганда эгасини виждон азобига солувчи, қилмишидан пушаймон бўлиб, ўзини маломат қилувчи нафс.

3. Нафси мулҳима (Илҳомланувчи нафс)
Яхшилик ва ёмонликни ажрата оладиган, қалбига Аллоҳ томонидан тақво ва чиройли амаллар илҳом қилинадиган нафс.

5. Нафси мутмаинна (Осуда нафс)
Иймон ва Аллоҳнинг зикри билан бутунлай хотиржамлик топган, шубҳа ва қўрқувлардан қутилган олий нафс даражаси.

5. Нафси розия (Рози бўлган нафс)
Бошига келган ҳар бир синов ва тақдирга чиройли сабр қилиб, Аллоҳнинг ҳукмидан тўла рози бўлган нафс.

6. Нафси марзия (Розилик топган нафс)
Ўзи Аллоҳдан рози бўлгани каби, Аллоҳ таоло ҳам ундан ва қилган амалларидан рози бўлган нафс мақоми.

7. Нафси комила (Мукаммал нафс)
Инсоний қусурлардан бутунлай пок бўлган, пайғамбарлар ва авлиёларга хос энг олий ва мукаммал нафс даражаси.

🤲Аллоҳ таоло барчамизнинг нафсимизни пок ва хотиржам нафслардан қилсин!

Фарзанд кўрганда бажариладиган 6 амал

1. Чақалоқ қулоғига азон ва такбир айтиш
Рофеъ р.а айтади: “Расулуллоҳ соллаллоҳу алайҳи васалламнинг Фотима (с.а) нинг фарзанди Ҳасан ибн Алининг (а) қулоғига азон айтаётганларини кўрдим”.

Расулуллоҳ соллаллоҳу алайҳи ва олиҳи васаллам: “Кимнинг боласи туғилса-ю, унинг ўнг қулоғига азон, чап қулоғига иқома айтса, унга Умму Сибён (Сибён болаларга зиён етказадиган жин тоифаси) зарар етказа олмас”, дедилар.

2. Муносиб исм қўйиш
Набий алайҳиссалом: “Сизлар қиёмат куни ўз исмларингиз ва оталарингизнинг исмлари билан чақириласизлар, шундай экан фарзандларингизга чиройли исм қўйинглар”, дедилар.

Расулуллоҳ соллаллоҳу алайҳи ва олиҳи васаллам: “Исмларнинг яхшиси бандалик ва ҳамдни билдирганидир”, деганлар.

3. Ақиқа қилиш
Расулуллоҳ соллаллоҳу алайҳи ва олиҳи васаллам: “Бола ўз ақиқасининг эвазига гаровдадир. Еттинчи куни унинг номидан жонлиқ сўйилади ва исм қўйилади ҳамда сочи олинади”, дедилар.

Агар фарзанд туғилганидан сўнг етти кунда ақиқа қилишга имконият бўлмаса, 14 ёки 21 кунлигида қилинади. Бу муддат ичида ҳам имконият топилмаса, бошқа хоҳлаган вақтда қилса ҳам бўлади.

4. Чақалоқнинг сочини олиш
Ҳазрат Али ибн Аби Толиб (а.с) айтадилар: Расулуллоҳ саллаллоҳу алайҳи ва олиҳи васаллам набиралари Ҳасанга қўй сўйдилар ва “Эй Фотима уни сочини олгин ва сочини оғирлигича кумуш садақа қилгин”, дедилар.
Кейин мен уни ўлчовдим бир ёки ярим дирҳам (оғирлигича) чиқди”.

5. Чақалоқнинг танглайини кўтариш
Абу Мусо  айтади: “Ўғлим туғилганда уни Расулуллоҳ соллаллоҳу алайҳи ва олиҳи васалламнинг ҳузурларига олиб бордим. У зот алайҳиссалом ўғлимга Иброҳим деб исм қўйдилар ва хурмо билан танглайини кўтардилар. Унга барака тилаб дуо қилдилар”.

6. Хатна қилиш
Ўғил болани хатна қилиш суннатдир. Уни кечиктириш макруҳ. Расулуллоҳ соллаллоҳу алайҳи ва олиҳи васаллам: “Хатна қилиш эркакларга суннат”, деганлар.

Уламолар: "Фарзанд етти ёшдан ўн ёшгача хатна қилинса, яхши бўлади", дейдилар.

Дўстларингизга ҳам улашинг