SHOFIRKON.UZ | RASMIY

#Qonun_talabi

Shofirkonda reklama va peshlavhalar qonun talablariga muvofiqligi o‘rganildi

Bugun Shofirkon tumani markazida reklama va davlat tili to‘g‘risidagi qonunchilik talablari ijrosini ta’minlash yuzasidan o‘rganish ishlari olib borildi.
O‘rganish davomida ma’nan eskirgan, shuningdek, davlat tili to‘g‘risidagi qonunchilik talablariga zid ravishda o‘rnatilgan 20 dan ortiq peshlavhalar olib tashlandi.

Mazkur tadbirlar hududda tashqi reklama va peshlavhalarning belgilangan talablar asosida joylashtirilishini ta’minlash, davlat tilining nufuzini oshirish hamda tuman markazining estetik qiyofasini yaxshilashga qaratilgan.

#bugun #hokim_hududlarda #Shofirkon_tumani 📍Viloyat hokimi Botir Zaripov “Mingchinor” mahallasida “Elshod qurilish servis” MCHJ tomonidan barpo etilayotgan temir-beton mahsulotlari va asfalt ishlab chiqarish zavodida amalga oshirilayotgan ishlar bilan tanishdi.…

#bugun
#hokim_hududlarda
#Shofirkon_tumani

📍Viloyat hokimi Botir Zaripov “Mingchinor” mahallasida “Elshod qurilish servis” MCHJ tomonidan barpo etilayotgan temir-beton mahsulotlari va asfalt ishlab chiqarish zavodida amalga oshirilayotgan ishlar bilan tanishdi.

✔️Umumiy qiymati 3 million AQSH dollari boʻlgan mazkur investitsiya loyihasi tumanning qurilish materiallariga boʻlgan talabini qondirishda muhim ahamiyat kasb etadi.

🔵Loyiha toʻliq ishga tushgach, korxonada 70 turdan ortiq temir-beton mahsulotlari hamda soatiga 200 tonna asfalt ishlab chiqarish yoʻlga qoʻyiladi. Eng muhimi, korxona faoliyati natijasida 100 ta yangi ish oʻrni yaratilib, mahalliy aholi bandligi va daromadlarini oshirishga xizmat qiladi.

💬Viloyat hokimi loyiha tashabbuskorlari bilan muloqot qilib, qurilish ishlarini jadallashtirish va korxonani belgilangan muddatlarda ishga tushirish zarurligini taʼkidladi. Tadbirkorning mavjud muammolari tinglanib, ularni tezkor hal etish yuzasidan mutasaddilarga aniq topshiriq va koʻrsatmalar berildi.

https://t.me/buxorouz_official | https://www.facebook.com/buxorouzofficial | https://instagram.com/buxorouz_official | https://www.youtube.com/@bvhrasmiy

#bugun
#hokim_hududlarda
#Shofirkon_tumani

📍Tuman hokimligida hududda kambagʻallikni qisqartirish, ishsizlikni bartaraf etish, aholi bandligini taʼminlash va oilalar daromadlarini oshirish borasida belgilangan vazifalarning kunlik ijrosi tanqidiy-tahliliy ruhda muhokama qilindi.

💬Yigʻilishda viloyat hokimi Botir Zaripov har bir mahallada kambagʻallikni qisqartirishga qaratilgan ishlarga alohida yondashish, mavjud imkoniyat va zaxiralarni toʻliq ishga solish zarurligini taʼkidladi.

— Bu boradagi natija, avvalo, “mahalla yettiligi”dan tortib, har bir rahbarning masʼuliyati, tashabbuskorligi va fidoyiligiga bogʻliq. Imkoniyatlar oyoq ostida, faqat ishlash kerak, — dedi Botir Zaripov.

⌛Muhokama davomida “Doʻrman” mahallasi misolida aholi daromadlarini oshirish, ishsiz fuqarolarni band qilish va oilalarni kambagʻallikdan chiqarish boʻyicha amalga oshirilayotgan ishlar atroflicha koʻrib chiqildi.

📌Xususan, aholi talab va ehtiyojidan kelib chiqib, chorvachilikni yoʻlga qoʻyish, ixcham issiqxonalar tashkil etish kabi daromad keltiruvchi yoʻnalishlar orqali oilalarning iqtisodiy imkoniyatlarini kengaytirishga qaratilgan ishlar tahlil qilindi.

🗣️“Doʻrman” mahallasi tajribasi asosida har bir mahallaning oʻziga xos imkoniyatlari, aholining xohish va qobiliyatlari, mavjud resurslarini chuqur oʻrgangan holda, har bir xonadon uchun aniq va barqaror daromad manbalarini yaratish zarurligi taʼkidlandi.

✔️Shu asosda tumandagi barcha mahallalarda kambagʻal oilalar bilan xonadonbay ishlashni tizimli yoʻlga qoʻyish, ishsiz fuqarolarni mehnat bozori talabidan kelib chiqib aniq kasb-hunarlarga oʻqitish va munosib ish oʻrinlariga joylashtirish, oilaviy tadbirkorlikni rivojlantirish hamda qishloq xoʻjaligidagi mavjud imkoniyatlardan samarali foydalanish boʻyicha aniq vazifalar belgilab berildi.

❗️Bunda har bir mahallaning salohiyatini ilmiy yondashuv asosida tahlil qilish, mavjud muammolarning aniq sabablarini oʻrganish va ularga manzilli yechimlar ishlab chiqish zarurligi qayd etildi.

ℹ️Yoshlar bandligini taʼminlash masalasiga ham alohida eʼtibor qaratildi. Bunda ishsiz va kasb-hunarga ega boʻlmagan yoshlarni aniqlash, ularni mehnat bozori talab yuqori boʻlgan kasblarga oʻqitish, munosib ish oʻrinlariga joylashtirish hamda tadbirkorlikka jalb etish orqali barqaror daromad manbalari yaratish boʻyicha aniq vazifalar belgilab berildi.

⬇️Shuningdek, hududning ishlab chiqarish, tadbirkorlik va investitsiya salohiyatini toʻliq ishga solish, yangi loyihalarni amalga oshirish orqali yangi ish oʻrinlarini yaratish, aholi bandligini taʼminlash va daromadlarini oshirish boʻyicha masʼullarga tegishli vazifalar yuklatildi.

🔖Yigʻilish yakunida masʼul rahbarlarga har bir mahallada mavjud imkoniyatlarni toʻliq ishga solish, belgilangan vazifalar ijrosini har kuni nazorat qilish hamda har bir oilaning daromadini oshirishga qaratilgan aniq va amaliy natijalarni taʼminlash boʻyicha topshiriqlar berildi.

https://t.me/buxorouz_official | https://www.facebook.com/buxorouzofficial | https://instagram.com/buxorouz_official | https://www.youtube.com/@bvhrasmiy

#Yoshlar

Istedodli yoshlar sahnada porladi

Shofirkon tumanidagi 3-sonli musiqa va san’at maktabining iqtidorli o‘quvchilari tomonidan Quyi Chuqurak mahallasida joylashgan 33-sonli umumta’lim maktabida ma’naviy-ma’rifiy tadbir tashkil etildi.

#Xalq

Shodlik mahallasi Kavshon ko‘chasida yashovchi oilalarning farzandlari S. Ayniy ko‘chasida joylashgan 38-umumta’lim maktabi hamda ushbu hududdagi maktabgacha ta’lim tashkilotlarida tahsil oladi.

Biroq mazkur ko‘chalar oralig‘ida zaxkash mavjud bo‘lib, bu holat bolalarning xavfsiz va qulay harakatlanishida muayyan qiyinchiliklarni keltirib chiqarayotgan edi.

Ayni paytda ushbu ko‘chalarni o‘zaro bog‘lovchi piyodalar ko‘prigi aholi tashabbusi va mehnati, shuningdek, tuman hokimligi tomonidan zarur texnika hamda qurilish materiallari ajratilishi hisobiga barpo etilmoqda. Natijada muammoni bartaraf etish arafasiga kelindi.

Kuni kecha tuman rahbari mazkur piyodalar ko‘prigi qurilishi jarayoni bilan yaqindan tanishdi.

📣Shofirkonda yana bir zamonaviy yuqori texnologiyali operatsiya muvaffaqiyatli amalga oshirildi

Respublika shoshilinch tibbiy yordam ilmiy markazi Buxoro filiali travmatologlari Shofirkon tumanida navbatdagi zamonaviy, kam invaziv operatsiya muvaffaqiyatli amalga oshirishdi.

Mazkur amaliyot filialning yetakchi travmatologlaridan Aloviddin Oripov tomonidan tuman travmatologlari bilan hamkorlikda Shofirkon tuman tibbiyot birlashmasida tashkil etilgan “Mahorat darslari” doirasida o‘tkazildi.

Ta’kidlash joizki, mazkur ilg‘or operatsiya usuli o‘tgan yilda Buxoro viloyatida ilk bor amaliyotga joriy etilgan edi. Bugungi kunda esa ushbu texnologiya hududlarda bosqichma-bosqich tatbiq etilib, aholiga zamonaviy tibbiy xizmat ko‘rsatish imkoniyatlari kengaymoqda.

Jarayon davomida mehnatga layoqatli o‘rta yoshli bemorda kuzatilgan “chap o'mrov suyagi akromial qismidan to‘liq travmatik chiqishi” tashxisi asosida murakkab jarrohlik amaliyoti bajarildi.

Xususan, bemorda “chap o'mrov suyagi akromial qismi chiqishini yopiq repozisiya qilish hamda akromioklavikulyar bo‘g‘imni TightRope (Endobutton) tizimi yordamida stabillash” kabi zamonaviy kam invaziv operatsiya muvaffaqiyatli amalga oshirildi.

Bu kabi ilg‘or jarrohlik amaliyotlarining hududlarda yo‘lga qo‘yilishi fuqarolarning uzoq masofalarga borish ehtiyojini kamaytirib, tibbiy xizmatlardan foydalanish imkoniyatlarini yanada kengaytiradi. Shu bilan birga, mahalliy mutaxassislarning tajribasi va malakasini oshirishga ham xizmat qiladi.

Viloyat hokimligi matbuot xizmati

https://t.me/buxorouz_official | https://www.facebook.com/buxorouzofficial | https://instagram.com/buxorouz_official | https://www.youtube.com/@bvhrasmiy

#Qaror_ijrosi

Shofirkonda ta’lim infratuzilmasi kengaymoqda: yirik loyihalar amalda

Shofirkon tumanida ta’lim tizimini yanada rivojlantirish, yosh avlod uchun zamonaviy va qulay sharoitlar yaratish borasida keng ko‘lamli bunyodkorlik ishlari olib borilmoqda. Xususan, Islom taraqqiyot banki guruhi ishtirokida amalga oshirilayotgan “Qishloq joylarni barqaror rivojlantirish” loyihasi (PQ-5246-sonli qaror, 1-faza) doirasida qator muhim tashabbuslar hayotga tatbiq etilmoqda.

https://gov.uz/oz/shofirkon/news/view/158062

#Seminar

Chorvachilikda sanitariya-gigiyena va oziq-ovqat xavfsizligi — Shofirkonda amaliy seminar

#Seminar

Chorvachilikda sanitariya-gigiyena va oziq-ovqat xavfsizligi — Shofirkonda amaliy seminar

Mamlakatimizda 18-apreldan 18-mayga qadar e’lon qilingan “Chorvachilikda sanitariya-epidemiya-gigiyena” oyligi doirasida amalga oshirilayotgan keng qamrovli chora-tadbirlar chorvachilik tarmog‘ini modernizatsiya qilish, hayvonlar salomatligini mustahkamlash hamda aholini xavfsiz va sifatli oziq-ovqat mahsulotlari bilan ta’minlashda muhim ahamiyat kasb etmoqda.

Mazkur oylik doirasida Shofirkon tumanidagi “Hikmat Hasan” fermer xo‘jaligining chorva kompleksida keng qamrovli seminar tashkil etildi. Unda Shofirkon tumani hokimi Mo‘min Amonov, tuman Veterinariya bo‘limi boshlig‘i Foziljon Rajabov, soha mutaxassislari hamda chorvadorlar ishtirok etdi.

Seminar davomida chorva hayvonlari orasida kasalliklar tarqalishining oldini olish, epizootik barqarorlikni ta’minlash hamda profilaktika tadbirlarini kuchaytirish masalalari atroflicha muhokama qilindi. Mutaxassislar tomonidan qayd etilganidek, kasalliklarning oldini olish — davolashdan ko‘ra samaraliroq va iqtisodiy jihatdan ham foydalidir. Shu bois har bir fermer veterinariya xizmatlari bilan uzviy hamkorlikda ishlashi, muntazam emlash va ko‘rik tadbirlarida faol qatnashishi zarurligi ta’kidlandi.

Tadbirda oziq-ovqat xavfsizligini ta’minlash masalasi ustuvor yo‘nalish sifatida alohida e’tirof etildi. Bugungi kunda aholining sifatli va xavfsiz oziq-ovqat mahsulotlariga bo‘lgan talabi ortib borayotgan bir paytda, chorvachilik mahsulotlarining sifati bevosita hayvonlarni parvarishlash, boqish va saqlash sharoitlariga bog‘liq ekani alohida qayd etildi.

Seminar jarayonida veterinariya-sanitariya madaniyatini yuksaltirish, zamonaviy bioxavfsizlik choralarini joriy etish yuzasidan ham muhim tavsiyalar berildi. Jumladan, fermalarga kirishda dezinfeksiya to‘siqlarini tashkil etish, transport vositalari va xodimlar ustidan sanitariya nazoratini kuchaytirish, chorva joylarini muntazam tozalash va dezinfeksiya qilish, kasallik alomatlari kuzatilgan hayvonlarni zudlik bilan ajratish zarurligi ta’kidlandi.

Shuningdek, tuman hokimi tomonidan naslli qoramollar ulushini oshirish, yuqori mahsuldor zotlarni ko‘paytirish hamda ilmiy yondashuv asosida chorvachilikni rivojlantirish muhim vazifa ekani qayd etildi. Bu borada har bir xo‘jalikda dezinfeksiya ishlarini tizimli yo‘lga qo‘yish, mas’uliyatni yanada kuchaytirish bugungi kun talabi ekani alohida urg‘ulandi.

#Sanoat_korxonalari

Hududda sanoat korxonalari faoliyati o‘rganilib, ishlab chiqarishni kengaytirish bo‘yicha ustuvor vazifalar belgilandi

Hududlarda sanoatni rivojlantirish, ishlab chiqarish quvvatlarini kengaytirish hamda aholi bandligini ta’minlash borasida olib borilayotgan izchil islohotlar bugun o‘zining amaliy natijasini ko‘rsatmoqda. Ana shunday ezgu maqsadlar yo‘lida tuman hokimi Mo‘min Amonov tomonidan joylarda tadbirkorlik subyektlari faoliyatini o‘rganish, ularning muammolarini aniqlash va istiqboldagi rivojlanish yo‘nalishlarini belgilashga alohida e’tibor qaratilmoqda.

👉 https://gov.uz/oz/shofirkon/news/view/155925