Asrorxon domla Habibullayev

Сизнинг қалбингиз гўзал бўлса, сўзингиз ҳам гўзал бўлади. Йўлингиз ҳамда сўнгингиз гўзал бўлади!

• Киши ўзи билан Аллоҳ ўртасидаги алоқасини яхшиласа, Аллоҳ ҳам бандалари ва унинг ўртасидаги алоқасини яхшилайди.

Али ибн Абу Толиб розияллоҳу анҳу

💐Қуръони каримнинг 16 ўрнида "Аллоҳ яхши кўради", деган жумла ва яна 16 ўрнида "Аллоҳ яхши кўрмайди", деган жумлар келган. Уни қуйидаги тартибда берилган.

Аввалгиси: Яхши кўрадиганлар:

1. "Аллоҳ эҳсон қилувчиларни яхши кўради" (Бақара сураси, 195‑оят).

2. "Албатта, Аллоҳ тавба қилувчиларни севади ва покланувчиларни севади". (Бақара сураси, 222‑оят).

3. "Бас, Аллоҳ тақводорларни яхши кўради". (Оли Имрон сураси, 76‑оят).

4. "Аллоҳ яхшилик қилувчиларни севади". (Оли Имрон сураси, 134‑оят).

5. "Аллоҳ сабрлиларни севади". (Оли Имрон сураси, 146‑оят).

6. "Аллоҳ гўзал амал қилувчиларни севади". (Оли Имрон сураси, 148‑оят).

7. "Албатта, Аллоҳ таваккал қилувчиларни севади". (Оли Имрон сураси, 159‑оят).

8. "Албатта, Аллоҳ яхшилик қилувчиларни севади". (Моида сураси, 13‑оят).

9. "Албатта, Аллоҳ адолат қилувчиларни севади". (Моида сураси, 42‑оят).

10. "Зотан, Аллоҳ эҳсон қилувчиларни севади". (Моида сураси, 93‑оят).

11. "Албатта, Аллоҳ тақводорларни севади". (Тавба сураси, 4‑оят).

12. "Албатта, Аллоҳ тақводорларни севади". (Тавба сураси, 7‑оят).

13. "Аллоҳ эса покланувчиларни севади". (Тавба сураси, 108‑оят).

14. "Аллоҳ адолат қилгувчиларни суяди". (Ҳужурот сураси, 9‑оят).

15. "Албатта, Аллоҳ адолат қилувчиларни яхши кўради". (Мумтаҳана сураси, 8‑оят).

16. "Албатта, Аллоҳ Ўз йўлида худди жипс бинодек бўлиб, сафда туриб уруш қиладиганларни яхши кўради" (Саф сураси, 4‑оят).

Иккинчиси хуш кўрмайдиганлар:

1. "Албатта, Аллоҳ тажовузкор бўлганларни хуш кўрмас" (Бақара сураси, 190‑оят).

2. "Ва ҳолбуки, Аллоҳ фасодни хуш кўрмас" (Бақара сураси, 205‑оят).

3. "Ва Аллоҳ ҳар бир кофир, гуноҳкорни хуш кўрмас" (Бақара сураси, 276‑оят).

4. "Аллоҳ, албатта, кофирларга муҳаббат қилмас" (Оли имрон сураси, 32‑оят).

5. "Ва Аллоҳ золимларни хуш кўрмас" (Оли имрон сураси, 57‑оят).

6. "Ва Аллоҳ золимларни севмайди". (Оли имрон сураси, 140‑оят).

7. "Албатта, Аллоҳ ўзини юқори тутувчи ва одамлар устидан фахр қилувчиларни хуш кўрмас" (Нисо сураси, 36‑оят).

8. "Албатта, Аллоҳ хиёнатчи ва гуноҳкор бўлган кимсани хуш кўрмас". (Нисо сураси, 107‑оят).

9. "Аллоҳ фасод қилгувчиларни севмас" (Моида сураси, 64‑оят).

10. "Албатта, Аллоҳ ҳаддидан ошувчиларни севмас" (Моида сураси, 87‑оят).

11. "Албатта, Аллоҳ хоинларни севмас" (Анфол сураси, 58‑оят).

12. "Албатта, Аллоҳ барча хоин ва кофирларни хуш кўрмас" (Ҳаж сураси, 38‑оят).

13. "Ҳовлиқма, албатта, Аллоҳ ҳовлиққанларни суймас" (Қасос сураси, 76‑оят).

14. "Албатта, Аллоҳ бузғунчиларни суймас" (Қасос сураси, 77‑оят).

15. "Албатта, Аллоҳ ҳеч бир мутакаббир ва мақтанчоқни севмас" (Луқмон сураси, 18‑оят).
16. "Аллоҳ барча димоғдор ва мақтанчоқларни суймайди" (Ҳадид сураси, 23‑оят).

Ўзимизга ўзимиз савол берайлик. Ҳақиқатда биз Аллоҳ севган амалларни бажариб, ёқтирмайдиган амаллардан четланмоқдамизми?

– Аллоҳ севадиган амалларни ўқинг ва уни ҳаётингизга татбиқ қилинг.

– Аллоҳ севмайдиган амалларни ҳам ўқинг ва улардан четланинг.

– Мана шу нарсаларни амалга оширсангиз, демак ахлоқингиз ва ҳаётингизга Қуръонни амалий татбиқ қилибсиз!

«Оғзимдан ҳануз ўша ширинлик таъми кетгани йўқ!»

Касалхонада бир кекса киши ётарди. Ҳар куни унинг олдига бир йигит келар, ёнида бир соатдан кўпроқ ўтирар, овқатланишига ва ювиниб-покланишига ёрдам берар, касалхона боғида айлантириб келар, ётишига кўмаклашар ва унинг ҳолидан тўлиқ хотиржам бўлгачгина кетар эди..!

Кунларнинг бирида ҳамшира кекса отахонга дори бериш ва аҳволидан хабар олиш учун кириб:
— «Машааллоҳ, Аллоҳ ўғлингизни паноҳида асрасин, ҳар куни сизни кўргани келади-я», — деди.
Отахон ҳамширага қаради, аммо дарҳол жавоб бермади. Кўзларини юмди-да, сўнг шундай деди:
— «Қанийди, ўғилларимдан бири бўлганида эди!..

Бу йигит биз яшаган маҳалладаги бир етим бола эди. Бир куни отаси вафот этганидан сўнг, уйининг эшиги олдида йиғлаб ўтирганини кўриб қолдим. Кўнглини кўтариб, овутдим ва унга ширинлик олиб бердим. Ўшандан кейин у билан бошқа гаплашмаган ҳам эдим!..
У менинг ва аёлимнинг ёлғиз қолганимизни билгач, ҳолимиздан хабар олиш учун ҳар куни йўқлаб келадиган бўлди. Баданимдан қувват кетиб, заифлашиб қолганимда эса, аёлимни ўз уйига олиб кетди, мени эса даволатиш учун касалхонага ётқизди...
Мен ундан: «Ўғлим, нега биз учун бунчалик машаққатни бўйнингга оляпсан?» — деб сўраганимда,
у табассум қилди ва шундай деди:
«Оғзимдан ҳануз ўша ширинликнинг таъми кетгани йўқ!»».

Сиз баъзан ўзингиз сезмаган ҳолда кимгадир оддийгина кичик бир яхшилик қилишингиз мумкин. Эҳтимол, айтган биргина яхши сўзингиздир, аммо унинг асари ва таъсири ҳеч қачон тугамайди.

Барчага бир эслатма:

Яхшиликни (эҳсонни) экавер, ҳатто ўз ўрни бўлмаса ҳам,
Зеро, эҳсон қаерга экилмасин, ҳеч қачон зое кетмас.
Яхшиликнинг устидан замонлар ўтиб, қанча узоқ чўзилмасин,
Унинг мевасини уни эккан кишидан бошқа ҳеч ким ўрмас!

Ҳаётини туну кун мол-дунё йиғиш билан ўтказди. Ва тўсатдан ўлим олиб кетди.
У ё қўлидаги дунёсидан фойдаланмади ва ё Охирати учун амал қилиб қолмади. Энди мол-дунёси бошқаларники, ҳисобни эса у беради.

Нўъмон ибн Башир розияллоҳу анҳудан ривоят қилинади:«Расулуллоҳ соллаллоҳу алайҳи васаллам шундай дедилар: «Мўминлар ўзаро раҳм қилишлари, дўстликлари ва меҳрибончиликларида худди бир танадек – унинг бир аъзоси бемор бўлса, бошқа аъзолари ҳам бедор бўлиб, иссиғи чиқиб, у билан бирга дард чекади».

Муттафақун алайҳ.

Абу Яъқуб Наҳрижурий айтади:

Кимнинг тўқлиги фақат егуликка боғлиқ бўлса, унинг очлиги ҳеч қачон кетмайди.

Кимнинг бойлиги фақат мол-дунё билан ўлчанса, унинг фақирлиги ҳеч қачон кетмайди.

Ким эҳтиёжини одамлардан сўраса, унинг маҳрум-бечоралиги ҳеч қачон битмайди.

Ким Аллоҳдан ўзгаларга кўз тикса, тама қилса, хор-зорлигича қолади.

http://telegraph.controller.bot/files/308674133/AgACAgIAAxkBAAECgfBqmrc_hKMulEXB0l0Cq91Gaa45UQACKyVrG7n22EgUj9H7vyGk-QEAAwIAA3kAAz0EШАНБА КУНИ ҚАБРИСТОНГА БОРИШ
#қабристон

❓ 2225-САВОЛ: Шанба куни қабристонга бориб, вафот этган яқинлари ёки бошқа марҳумлар учун Қуръон тиловат қилиш мумкин эмасми?

💬 ЖАВОБ: Бисмиллаҳир Роҳманир Роҳим. Қабрларни зиёрат қилиш динимизда тарғиб қилинган амаллардан саналади. Зиёратни ҳафтанинг исталган кунида қилиш мумкин, таъқиқланган кун йўқ. Афзал кунлар жума, шанба, душанба ва пайшанба кунлари ҳисобланади. Шунингдек, қабр бошида Қуръони каримни тиловат қилиш ҳам таъқиқланган эмас, аксинча савобли амаллар сирасига киради.
Абдуллоҳ ибн Умар розияллоҳу анҳудан ривоят қилинади:
“Расулуллоҳ соллаллоҳу алайҳи васалламнинг “Қачон бирингиз вафот этса, уни ушлаб турманглар. Уни қабрига тезроқ элтинглар. Унинг бош тарафида Бақара сурасининг боши, икки оёғи тарафида Бақаранинг охири ўқилсин”, деганларини эшитдим” (Имом Табароний ва Байҳақий ривоят қилганлар).
Аллома Ибн Обидин раҳимаҳуллоҳ шундай деганлар:
وَتُزَارُ فِي كُلِّ أُسْبُوعٍ كَمَا فِي مُخْتَارَاتِ النَّوَازِلِ. قَالَ فِي شَرْحِ لُبَابِ الْمَنَاسِكِ: إِلَّا أَنَّ الْأَفْضَلَ يَوْمُ الْجُمُعَةِ وَالسَّبْتِ وَالاِثْنَيْنِ وَالْخَمِيسِ
“Мухторотун навозил” да (қабристон) ҳар ҳафта зиёрат қилинади, дейилган. “Шарҳи Лубобил Маносик” да бундай дейилган: “Бироқ жума, шанба, душанба ва пайшанба кунлари зиёрат қилиш афзал саналади...” (“Раддул муҳтор” китоби). Валлоҳу аълам.

pinned a photo

МУЛОЙИМЛИК — ҚАЛБЛАРНИ ЗАБТ ЭТАДИГАН КУЧ


Бисмиллаҳир роҳманир роҳим.

Алҳамдулиллаҳи Роббил оламин. Дуруду салавотлар Пайғамбаримиз Муҳаммад ﷺга бўлсин.

Азиз мўминлар!

Баъзи инсонлар қаттиқ гапирса, ўзини кучли деб ўйлайди.

Овозини баландлатса — таъсирлиман, деб ўйлайди.

Қўпол муомала қилса — мени ҳамма ҳурмат қилади, деб ўйлайди.

Аммо Ислом бизга бошқача ҳақиқатни ўргатади:

Қалбни бақириб эмас, мулойимлик билан забт этиш мумкин.

Аллоҳ таоло Пайғамбаримиз ﷺга шундай марҳамат қилган:

«Аллоҳнинг раҳмати сабабли уларга мулойим бўлдингиз. Агар қўпол ва қаттиқдил бўлганингизда, албатта, улар атрофингиздан тарқалиб кетган бўлар эдилар.»

(Оли Имрон, 159-оят).

Қаранг!

Бу гап оддий инсон ҳақида эмас.

Саҳобалар билан муомала қилаётган Расулуллоҳ ﷺга айтилмоқда.

Демак, инсонларни ўзимизга яқинлаштиришда мулойимликнинг ўрни қандай буюк!

Оилада ҳам шундай.

Фарзандингиз хато қилса, уни ҳақорат билан тарбиялай олмайсиз.

Хотинингиз хато қилса, уни қўполлик билан ислоҳ қила олмайсиз.

Ота-онангиз билан келишмовчилик бўлса, баланд овоз билан уларнинг кўнглини топа олмайсиз.

Қаттиқ сўз одамни бир лаҳза жим қилиши мумкин, аммо унинг қалбини сиздан узоқлаштириши мумкин.

Мулойим сўз эса баъзан йиллар давомида очилмаган қалб эшигини очади.

Расулуллоҳ ﷺ дедилар:

«Мулойимлик қайси нарсада бўлса, уни безайди. Қайси нарсадан олинса, уни хунук қилади.»

(Имом Муслим ривояти).

Азизлар!

Мулойимлик — заифлик эмас.

Аксинча, жаҳли чиққан пайтда ҳам ўзини тия олиш — куч.

Қўпол гапириш осон.

Мулойим қолиш қийин.

Ҳақоратга ҳақорат билан жавоб бериш осон.

Лекин оғир сўзни ютиб, чиройли сўз билан жавоб бериш — ҳақиқий тарбия.

МАСЖИДДА КЕЧИККАН ШЕРИККА ЖОЙ ОЛИБ ҚЎЙИШ
#масжид

❓ 2204-САВОЛ: Жума намозига эртароқ келиб, шеригим учун ёнимдан жой олиб қўйсам бўладими? Масалан, дўппимни қўйиб, келган бошқа одамларга “бу жойга одам келади”, деб жойни банд қилиб турсам, бунинг шариатга зид жойи йўқми?

💬 ЖАВОБ: Бисмиллаҳир роҳманир роҳим. Масжидлар Аллоҳ таолонинг уйи бўлиб, у ерда ҳеч бир инсон учун махсус ёки хослаб қўйилган жой бўлмайди. Шу сабабли, жума ёки бошқа намозларга кеч келадиган биродарларингиз учун жойнамоз, дўппи ёки бошқа бирор буюм қўйиб, жойни банд қилиб туриш шариатимизда дуруст саналмайди. Чунки масжидга эртароқ келган намозхон олдинги сафлардан жой олишга бошқалардан кўра ҳақлироқдир. Жойни бу тарзда банд қилиш эрта келганларнинг ҳаққини поймол қилиш ва уларга нисбатан ноҳақлик ҳисобланади.
Агар дўстингиз масжидга кеч келса, одамларнинг елкасини ошиб ўтмасдан, орқароқдан бўлса ҳам бошқа бўш жойга ўтириши лозим. Демак, сиз масжидга борганингизда ўзингиз учун жой эгаллашингиз тўғри, аммо ҳали келмаган одам учун жой ушлаб туришингиз жоиз эмас. Валлоҳу аълам.

Ўзбекистон мусулмонлари идораси
Фатво маркази.

👍 https://www.youtube.com/c/Fatvouzb 👍 https://www.instagram.com/fatvouz/ 👍 https://www.facebook.com/diniysavollar 👍 https://ummalife.com/fatvouz

😎 https://t.me/diniysavollar ✅ https://t.me/diniysavollar🗣

ЧАҚИМЧИЛИК

Чақимчилик қилишнинг сабаблари
1. Гапи нақл қилинаётган шахсга ёмонлик етказиш нияти.
2. Гап айтилаётган одамга яхши кўриниш.
3. Ўзини ўзи хурсанд қилиш ва бошқалар.

Чақимчиликнинг зарарлари:

1. Чақимчилик дўзахга олиб борувчи йўлдир.
2. Чақимчилик улфатлар орасида адоват оловини ёқади.
3. Чақимчилик озор, зарар, алам, хусумат ва нафратдир.
4. Чақимчиликнинг охири войдир.
5. Чақимчилик яхшиликларни кетказади.
6. Чақимчилик пасткашлик, қўрқоқлик, заифлик, макр, ялтоқлик ва мунофиқликдир.

ЧАҚИМЧИЛИКНИ ДАВОЛАШ

Аввало чақимчи қиладиган чақимчилиги туфайли Аллоҳ таолонинг ғазабига дучор бўлишини билиб қўйиши керак. Шунингдек, унинг савоблари чақимчилик қилинган одамга олиб берилишини ҳам билиб қўйсин.

Чақимчилик пайти бўлиб қолса, ўзининг айбларини ўйласин ва уларни тузатишга киришсин. Агар ўзини айблардан холи деб билса, шукр қилиш ила машғул бўлсин. Ўзини ўзи энг ёмон айблардан бири - чақимчилик ила булғамасин. Ўзининг айби бўла туриб, бошқаларни айблашдан уялсин. Ўзи ҳақида бировнинг чақимчилик қилишини истамаганидек, ўзи ҳам ўзгалар ҳақида чақимчилик қилишни истамасин.

Чақимчиликга боис бўлган сабабга назар солсин ва ўша сабабни йўқ қилиш пайида бўлсин. Дарднинг давоси уни келтириб чиқарган сабабини йўқ қилиш ила бўлади.
Чақимчи билан қандай муомалада бўлинади?
Бу ҳақда имом Заҳабий айтади: «Кимга чақимчилик етиб келса ва унга: «Сен ҳақингда Фалончи ундай деди, бундай деди», дейилса, қуйидаги олти тавсияни амалга оширсин:

1. Чақимчига ишонмасин. Чунки у чақимчилиги сабабли фосиқ бўлди.

2. Уни бу ишдан қайтарсин. Унга насиҳат қилсин ва чақимчилигини қораласин.

3. Аллоҳ таоло учун уни ёмон кўрсин. Чунки Аллоҳ таоло чақимчини ёмон кўради. Аллоҳ таоло учун ёмон кўриш вожибдир.

4. Чақимчилик қилинаётган одам ҳақида ёмон гумонга бормасин. Чунки Аллоҳ таоло Ҳужурот сурасида марҳамат қилади:
«Эй иймон келтирганлар! Кўп гумонлардан четда бўлинглар, чунки баъзи гумонлар гуноҳдир» (12-оят).

5. Чақимчилик уни қарши тараф зиддига олиб бормасин.

6. Чақимчининг гапини бошқаларга айтиб, ўзи чақимчилик қилиб юрмасин.

Шайх Муҳаммад Содиқ Муҳаммад Юсуф

"Руҳий тарбия" китобидан.