Yuriskonsult_UZ

⚠️ KREDIT UCHUN PUL YECHILSA HAM, KARTADA 680 MING SO‘M QOLISHI KERAK!

🏦 Yangi talabga ko‘ra, bank kredit yoki kafillik to‘lovini mijozning bank kartasidan avtomatik yechib olganda, kartada eng kam ish haqining kamida yarmi saqlanib qolishi shart.

💰Hozirgi miqdor bo‘yicha bu — 680 000 so‘m.

🗓 Yangi qoida 2027-yil 10-yanvardan kuchga kiradi.

⚖️ Demak, kredit to‘lovi avtomatik yechilganda ham, kartangizda belgilangan miqdordagi pul qolishi kerak!

Kanalga a’zo boʻlish uchun👇

📌 Yuriskonsult_UZ

Savol yuborish uchun: 👉@Yuriskonsult_93

# muhim.
‼️ KADASTRSIZ UY-JOYLAR BO‘YICHA 2027-YILGI XATLOV JADVALI TASDIQLANDI


🏠 2027-yilda xatlov o‘tkaziladigan mahallalar jadvali bilan quyidagi portal orqali tanishishingiz mumkin:

🌐 etirof.kadastr.uz

📢 Yashab turgan uyingiz hujjatlari hali rasmiylashtirilmagan bo‘lsa, mahallangiz xatlov jadvaliga kiritilgan-kiritilmaganini tekshirib ko‘ring!

Kanalga a’zo boʻlish uchun👇

📌 Yuriskonsult_UZ

Savol yuborish uchun: 👉@Yuriskonsult_93

🚨 PENSIYAGA 1 YIL OLDIN CHIQISH MUMKINMI?

Ko‘pchilikni qiziqtiradigan savol: umumiy pensiya yoshiga yetmasdan pensiyaga chiqish mumkinmi?

☑ Ha, ayrim hollarda mumkin!

📌Amaldagi tartibga ko‘ra:

👩 Ayollar — ayrim shartlar asosida 55 yoshni kutmasdan, 54 yoshda pensiyaga chiqishi mumkin. Buning uchun kamida 20 yil ish staji bo‘lishi talab etiladi.

👨‍💼👩‍💼 Shtat qisqarishi, korxona tugatilishi yoki boshqa qonunda ko‘rsatilgan sabablar bilan ishdan bo‘shatilgan va ishsiz deb e’tirof etilgan shaxslar esa belgilangan shartlar asosida undan ham oldin pensiyaga chiqishi mumkin:
— erkaklar — 58 yoshdan;
— ayollar — 53 yoshdan.

⚠️ Bundan tashqari, zararli, og‘ir va alohida mehnat sharoitlarida ishlagan ayrim fuqarolarga ham pensiyaga imtiyozli shartlarda chiqish huquqi beriladi.

👉Demak, “pensiya yoshiga 1 yil qolgan bo‘lsa, hamma avtomatik ravishda pensiyaga chiqadi” degan qoida yo‘q. Buning uchun qonunda belgilangan alohida asos va shartlar mavjud bo‘lishi kerak.

⚖️ Huquqiy asos: “Fuqarolarning davlat pensiya ta’minoti to‘g‘risida”gi Qonunning 7, 9–14 va 12¹-moddalari.

Kanalga a’zo boʻlish uchun👇

📌 Yuriskonsult_UZ

Savol yuborish uchun: 👉@Yuriskonsult_93

⚙️ Yer soligʻi onalayn hisoblashni bilasizmi” bilsmasangiz video qoʻllanmani ko'rib chiqing☝️

Jismoniy shaxslar uchun moʻljallangan ushbu elektron xizmat orqali soliq organlariga bormasdan, yer soligʻi hisoblanishi toʻgʻrisidagi maʻlumotnomani onlayn tarzda olishingiz mumkin.

🏗 Ippodrom bozori va “Bunyodkor” stadioni hududlaridan samarali foydalanish rejalashtirilmoqda.

“Markaziy Ippodrom” AJga tegishli bino-inshootlar va yer maydonidan, shuningdek, “Bunyodkor” stadionining hozircha samarasiz foydalanilayotgan avtoturargohidan samarali foydalanish bo‘yicha loyihalar amalga oshirilishi rejalashtirilmoqda.

🏎 MASHINA OLASIZMI? BO‘LIB TO‘LASHGA QAYSI AVTOMOBILLARNI OLISH MUMKIN?

2026-yilda avtomobil olmoqchi bo‘lganlar uchun yaxshi yangilik!
Mashina pulini birdaniga to‘lash qiyin bo‘lsa, ayrim rasmiy dilerlarda muddatli to‘lov imkoniyati mavjud.

Qaysi mashina qancha turadi? Boshlang‘ich to‘lov qancha? Necha oyga bo‘lib to‘lash mumkin?
Barchasi bir joyda 👇
🔗 Batafsil: https://jet.bank.uz/article/avtomobillar-uchun-muddatli-tolov-narxi-173

Avtomobil olishni rejalashtirayotgan tanishingizga ham yuborib qo‘ying — balki asqotib qolar 😉


Kanalga a’zo boʻlish uchun👇

📌 Yuriskonsult_UZ

Savol yuborish uchun: 👉@Yuriskonsult_93

🚨 Uchastkavoylarga qo‘shimcha vakolatlar beriladi.

Endilikda profilaktika inspektorlarining vakolatlari kengaytiriladi. Ya’ni, mahallada tartibni saqlash bilan birga, ayrim ma’muriy huquqbuzarliklarga ham bevosita chora ko‘rishlari mumkin bo‘ladi.
🔹 Birinchidan, profilaktika inspektorlariga o‘z vakolati doirasida birinchi marta sodir etilgan 17 turdagi kam ahamiyatli ma’muriy huquqbuzarliklar bo‘yicha ma’muriy ogohlantirish qo‘llash vakolati beriladi.
🔹 Ikkinchidan, mahalla ko‘chalari va yo‘laklarida yo‘l harakati xavfsizligini ta’minlash maqsadida 4 turdagi yo‘l harakati qoidalarini buzish holatlari bo‘yicha ma’muriy jazo qo‘llash huquqi beriladi.
Bu 4 ta huquqbuzarlik:
🚗 128-modda — transport vositasini trotuar, piyoda va velosiped yo‘lkalaridan, yashil maydonlardan yurgizish hamda yo‘l belgilari va boshqa yo‘l harakati qoidalari talablariga rioya qilmaslik;
🚕 128-8-modda — transport vositasida odam tashish qoidalarini buzish;
🚆 130-modda — temir yo‘lning o‘tish joylaridan o‘tish qoidalarini buzish;
📄 135-modda — yo‘l harakati qoidalarida nazarda tutilgan hujjatlari bo‘lmagan holda transport vositasini boshqarish.
📌 Ilgari profilaktika inspektori asosan 128-6-modda — transport vositalarini to‘xtatish yoki to‘xtab turish qoidalarini buzish holatlari bo‘yicha chora ko‘rishi mumkin edi.
Boshqa huquqbuzarlik aniqlansa, tuman yoki shaharga biriktirilgan YPX xodimini chaqirishga to‘g‘ri kelardi.
Endilikda esa profilaktika inspektorlariga tuman (shahar) ichki ishlar organi boshlig‘i yoki uning o‘rinbosarlari vakolatiga kiruvchi yana 9 turdagi ma’muriy huquqbuzarliklar bo‘yicha ishlarni ko‘rib chiqish va ma’muriy jazo qo‘llash vakolati ham berilishi kutilmoqda.
⚖️ Qisqasi: uchastkavoyning vakolati kengaymoqda. Endi “YPX chaqirib beraman” degan gap o‘rniga, ayrim holatlarda masalani o‘zi joyida hal qilishi mumkin.

Endi magazinga mashina minib borishdan oldin “Pravangni ovolgin, do‘konning bo‘yida uchastkavoy turibdi” degan gaplar ko‘payib qoladiganga o‘xshaydi. 😂

⚖️Har kuni bir huquqbuzarlik haqida eslatamiz.

Biror kun qiziqib, Ma’muriy javobgarlik to‘g‘risidagi kodeksni (MJtK) varaqlab ko‘ring. Balki, “iya, men ham buni qilib qo‘ygan ekanman-ku!” degan xulosaga kelarsiz. 😄
Shu sababli bir fikr tug‘ildi, har kuni MJtKning bitta moddasini sodda tilda tushuntirib boramiz. Balki kimlargadir foydasi tegib qolar.
Demak, bugun boshladik. 👇

#TUHMAT.

📚 MJtK 40-modda Tuhmat haqida.
Tuhmat — bila turib yolg‘on, boshqa shaxsni sharmanda qiluvchi uydirmalarni tarqatish.
Sodda qilib aytganda, biror odam haqida haqiqatga to‘g‘ri kelmaydigan, uning obro‘siga putur yetkazishi mumkin bo‘lgan gapni ataylab boshqalarga tarqatish tuhmat bo‘lishi mumkin.
Masalan biror kishining qilmagan ishini “u shuni qilgan” deb, haqiqatligini bilmasdan emas, ataylab yolg‘onligini bila turib boshqalarga tarqarish.
⚠️ Qanday javobgarlik bor.
Bazaviy hisoblash miqdorining 20 baravaridan 60 baravarigacha miqdorda jarima.
Demak, “Shunchaki gapirdim-ku” deyishdan oldin gapning oqibatini ham o‘ylab qo‘ygan ma’qul.



Savol yuborish uchun: 👉 https://t.me/Yuriskonsult_93

🔥 RONALDO TOSHKENTGA KELISHI MUMKIN! 🇺🇿🐐
Osiyo Chempionlar Ligasi Elite musobaqasining yangi mavsumi uchun qur’a tashlandi. Va qur’a «Paxtakor» uchun juda qiziq raqiblarni taqdim etdi! 😍
🏠 TOSHKENTDA:
🇺🇿 Paxtakor — 🇹🇯 Istiqlol
🇸🇦 Al Nassr ⭐️
🇮🇷 Traktor
🇸🇦 Al Qodisiya
✈️ SAFARDA:
🇸🇦 Al Ahli
🇺🇿 Eyr Fors
🇸🇦 Al Hilol
🇸🇦 Al Ittihod
Eng katta voqea esa — «Paxtakor» o‘z maydonida «Al Nassr»ni qabul qiladi! 🔥
Demak, agar Cristiano Ronaldo «Al Nassr» safida Toshkentga tashrif buyursa, futbol afsonasini O‘zbekistonda jonli ko‘rish imkoniyati paydo bo‘ladi! 🐐🇺🇿

⚡️1-bosqichga tavsiya etilgan abituriyentlar diqqatiga!
Talabalar turar joyiga joylashish uchun ariza berish xizmati 1-bosqich talabalari uchun ham ishga tushirildi.
18-avgustdan 2026/2027-o‘quv yilida 1-bosqichga tavsiya etilgan abituriyentlar Davlat xizmatlari markazlari yoki http://my.gov.uz/ portali orqali talabalar turar joyiga joylashish uchun ariza topshirishlari mumkin.
Talabalar turar joylariga joylashtirish belgilangan tartib va mavjud o‘rinlardan kelib chiqqan holda amalga oshiriladi.
☝️Eslatma: reglamentga muvofiq dastlab imtiyoz va ustuvorliklarga ega talabgorlar talabalar turar joylariga qabul qilinadi. Shundan so‘ng, umumiy ro‘yxatdagi talabalar uchun yotoqxonada ortib qolgan o‘rinlar soniga nisbatan navbat asosida taqsimlanadi. Jumladan 1-kurs talabalari uchun 55 — 65 foizgacha joy ajratiladi.

Bu abituriyentning omadi bilan o‘ynashib bo‘lmas ekan 😂

1,1 ball! Gap yo‘q, yorvoribdi! 🔥

Shuncha savol ichidan bittasini topib, qolganlarini bir xil ishonch bilan xato belgilash hammaning ham qo‘lidan kelavermaydi. 😂

Tuxumdan chiqdi-yu, keltirib uni,

Shu loyqa hovuzga tomon otdilar.

Tashlandiq ushoq yeb o‘tadi kuni,

Xoru xas, xazonlar ustin yopdilar.

Dunyoda ko‘rgani shu tor hovuzcha,

Va mudroq tollarning achchiq xazoni.

Menga alam qilar, tilla baliqcha

Bir ko‘lmak hovuz deb bilar dunyoni…

Biz dunyoni qanday bo‘lsa shunday emas, qanday ko‘ra olsak shunday qabul qilamiz.

Surxondaryo va boshqa ayrim viloyatlarning elektr ta’minotida uzilish kuzatilganligi https://t.me/minenergy_uz

Baliq der: hayotning boshi daryoda,
Samandar der: borliq — o‘tda ifoda.
Qushlar der: tiriklik faqat havoda,
Haqiqat qolmadi, do‘stlar, dunyoda.
✍️ Gul Pocha Ulfat
(E. Vohidov tarjimasi)
Haqiqat bitta, ammo har kim uni o‘z dunyoqarashi bilan talqin qiladi. Eng katta adashish esa, o‘z qarashingni haqiqatning o‘zi deb bilishdir.

#Bilasizmi

⁉️Harbiy xizmat va Universitetda o'qish ish stajiga kiradimi?

“Fuqarolarning davlat pensiya taʼminoti toʻgʻrisida”gi Qonunning 37-moddasi (“b” va “e” bandlari)ga koʻra, pensiya olish huquqini beradigan ish stajiga quyidagilar qoʻshib hisoblanadi:

✅harbiy xizmatni oʻtash, shuningdek davlat xavfsizlik organlari, Milliy gvardiya va ichki ishlar organlaridagi xizmat;
✅oliy taʼlim muassasalarida, aspirantura, doktorantura va boshqa ilmiy bosqichlarda kunduzgi taʼlim olish (jumladan, xorijda oʻqish).

⚠️ESLATMA!

👉 Oliy taʼlimda oʻqigan davr ish stajiga qoʻshilishi uchun kamida 7 yil umumiy ish staji boʻlishi shart.

Harbiy xizmat davrini ish stajiga qoʻshish uchun esa oldindan ish staji talab etilmaydi.

#Bilasizmi
🗓 Qonunchilikka ko‘ra, oliy ta’lim tashkilotlarining biridan boshqasiga talabalar o‘qishini mos va turdosh ta’lim yo‘nalishiga, muayyan hududdagi oliy ta’lim tashkilotlarida mos va turdosh ta’lim yo‘nalishi mavjud bo‘lmagan taqdirda turdosh bo‘lmagan ta’lim yo‘nalishiga ko‘chirishga quyidagi holatlarda ruxsat beriladi:
🔹 talaba turmush qurishi munosabati bilan turmush o‘rtog‘i doimiy yashaydigan hududdagi oliy ta’lim tashkilotiga o‘qishni ko‘chirish uchun murojaat qilganda;
🔹 davlat organlari xodimlarining ish joyi tegishli vazirlik va idoralar tomonidan o‘zgartirilgan taqdirda, uning turmush o‘rtog‘i yoki voyaga yetmagan farzandi muayyan vazirlik yoki idora rahbari tavsiyasi asosida o‘qishini ko‘chirish uchun murojaat qilganda.
🧾 Oliy ta’lim tashkilotlari, tizimida oliy ta’lim tashkilotlari bo‘lgan vazirlik va idoralar hamda Davlat komissiyasi qarorlari asosida talabalarning o‘qishi ko‘chirilishi yoki qayta tiklanishi mumkin.

🚗 Qoidani buzmay yurgan haydovchilarga ham “bonus” bormi❓

✅ Ha, bor!

Agar siz 12 oy davomida YHQni buzmagan bo‘lsangiz, keyingi davrda sodir etgan birinchi qoidabuzarligingiz uchun jarima bali yozilmaydi.

⚠️ Lekin qoidabuzarlik uchun belgilangan asosiy jarimani baribir to‘laysiz biroq bali yozilmaydi.

Yana bir yaxshi imkoniyat:

🟢 Jarima balli olinganidan keyin 6 oy davomida boshqa tegishli qoidabuzarlikni sodir etmasangiz — 2 jarima balli olib tashlanadi.
Agar sizda 2 balldan kam bo‘lsa, 6 oydan keyin barcha jarima ballaringiz olib tashlanadi.
Qisqasi, 6 oy qoidaga rioya qilsangiz, jarima ballaringiz erishni boshlaydi. 😄



Kanalga a’zo boʻlish uchun👇

📌 Yuriskonsult_UZ

Savol yuborish uchun: 👉@Yuriskonsult_93

3-kun.

⚖️ Har kuni bir huquqbuzarlik haqida eslatamiz.

Biror kun qiziqib, Ma’muriy javobgarlik to‘g‘risidagi kodeksni (MJtK) varaqlab ko‘ring. Balki, “Iya, men ham buni qilib qo‘ygan ekanman-ku!” degan xulosaga kelarsiz. 😄
Shu sababli bir fikr tug‘ildi: har kuni MJtKning bitta moddasini sodda tilda tushuntirib boramiz. Balki kimlargadir foydasi tegib qolar.

🚫 Shahvoniy shilqimlik qilish.

MJtKning 41/1-moddasi shahvoniy shilqimlik qilish uchun javobgarlikni belgilaydi. Bunda:
🔹Shaxsga nisbatan uning uchun nomaqbul bo‘lgan va sha’ni hamda qadr-qimmatini tahqirlaydigan;
🔹 tashqi qiyofasi yoki qaddi-qomatini shahvoniy tarzda tavsiflash;
🔹 shahvoniy mazmundagi imo-ishoralar qilish;
🔹 teginish yoki chaqirish kabi shahvoniy xususiyatga ega harakatlarni sodir etish shahvoniy shilqimlik hisoblanishi mumkin.

Bunday harakat bir marta qo‘pol ravishda yoki bir necha marta sodir etilgan bo‘lsa:
⚠️ BHMning 2 baravaridan 5 baravarigacha jarima yoki 5 sutkagacha ma’muriy qamoq jazosi qo‘llanadi.
Agar xuddi shunday huquqbuzarlik ma’muriy jazo qo‘llanilganidan keyin 1 yil ichida takroran sodir etilsa:
➡️ BHMning 5 baravaridan 7 baravarigacha jarima yoki 15 sutkagacha ma’muriy qamoq jazosi qo‘llanadi.

Xo‘o‘sh bayram yaqin necha kun dam olamiz?

Prezident farmoniga muvofiq, 31-avgust — dushanba kuni ish haftasining turidan qat’i nazar, barcha xodimlar uchun qo‘shimcha dam olish kuni etib belgilangan.
Shunga ko‘ra:
🔹 5 kunlik ish haftasida ishlovchilar — 29-avgustdan 1-sentabrgacha, ketma-ket 4 kun dam oladi.
🔹 6 kunlik ish haftasida ishlovchilar — 30-avgustdan 1-sentabrgacha, ketma-ket 3 kun dam oladi.
📅 Dam olish kunlari:
🟡 29-avgust, shanba — 5 kunliklar uchun odatiy dam olish kuni
🔴 30-avgust, yakshanba — odatiy dam olish kuni
🔴 31-avgust, dushanba — barcha xodimlar uchun qo‘shimcha dam olish kuni
🔴 1-sentabr, seshanba — O‘zbekiston Respublikasi Mustaqillik kuni 🇺🇿
📌 2-sentabr, chorshanba — barcha uchun odatiy ish kuni.
Demak, 5 kunlik ish haftasida ishlovchilar 4 kun, 6 kunlik ish haftasida ishlovchilar esa 3 kun ketma-ket dam oladi.

Aslida, hayotning o‘zi — eng katta ne’mat. Yoruq olamda yashab, Alloh yaratgan bu betakror tabiatning bir qismi bo‘lish — chinakam baxtdir.

Shu bois, imkon topib, dunyoning go‘zal maskanlarini ko‘rishga, yangi joylarni kashf etishga harakat qilish kerak. Chunki har bir safar bu nafaqat manzara, balki qalb uchun orom, ruh uchun yangilanishdir.

Vaqt o‘tadi, ammo ko‘rilgan go‘zalliklar va his etilgan lahzalar inson xotirasida uzoq vaqt qoladi.