A.Yunusov kundaligidan

#QalbBekati

Ta uzak yollardan
Koştum, geldim senin kollarına.
İçimde yanan hasretinle ben
Baktım durdum senin yollarına.
Sensizlik bir ölüm sanki...

😄@A_Yunusov_kundaligidan

Shunaqa gaplar...

#Nazmiyat
***
Kuy avjida uzilmasin tor,
She’r yarmida sinmasin qalam.
Yashab bo‘lmay umrini zinhor
Bu dunyodan ketmasin odam.

Qo‘ldan tushib sinmasin qadah,
Lab tekkanida to‘kilmasin may.
To‘xtamasin urib turgan qalb
Boshlab qo‘ygan qo‘shig‘i bitmay.

© Erkin Vohidov

😄@A_Yunusov_kundaligidan

Samimiyatga toʻla kecha...

⚡️ Andijon davlat chet tillari instituti Yoshlar bilan ishlash, ma'naviyat va ma'rifat boʻlimi tasarrufidagi "Ma'naviyat targʻibotchilari" guruhi a'zolari ochiq osmon ostida qaynoq qahva bilan kechki suhbat tashkil qildilar.

▶️ Video muallifi:"Ma'naviyat targʻibotchilari" jamoasi lideri— Shahlo Toʻlqinova.

​⚫️Bizni ushbu sahifada kuzating: ✅Telegram✅Instagram

Anasbek& Anisbek ♥️♥️

A&N❤️

#QalbBekati

Sen yağmursun, her damlan benim —
Yağ üstüme, ıslansın tenim!
Sen yağmursun, her damlan benim —
Yağ üstüme, ıslansın tenim!
Yıkansın içim, avunsun kalbim...

😄@A_Yunusov_kundaligidan

Yoningdaman nima boʻlsa ham...

😄@A_Yunusov_kundaligidan

Qaysi doʻkonda mijozni achchiq, qaynoq choylar bilan kutib oladi?

Faqat bizning 571da!

#Nazmiyat
***
Koʻzingni oʻynatma, kulma, qarama,
Nozli nigohlaring kerakmas sening.
Bogʻlab olarman, deb endi oʻylama
Tortgan u "oh"laring chin emas sening.

​Koʻp kunlar sudrading tusmol yoʻllarda,
Men-da tilsizlarcha ergashdim-ketdim.
Adashgan ekanman, bilsam, choʻllarda,
Mana endilikda tushunib yetdim…

​Tushundim: u totli xayollar – xayol,
Aldanmas bu yurak shirin soʻzingga.
Yoʻqol, ey aldamchi, yondashma, yoʻqol,
Termulish yoʻq endi orsiz yuzingga!

​Jilmayma, qarama, soʻzlama menga,
Eski afsonani kuylama menga…

​© Mirtemir

😄@A_Yunusov_kundaligidan

😍

#Nazmiyat

QADAHSOʻZ

​Oftobsan, sendan
Bir soyaman, Ota.
Sochni oq, bagʻrimni
Esa bosar gʻam.
Ona, senga nafim
Tegmadi hatto,
Ostonang qoʻrigan
Kuchugingcha ham.
Sodiq oʻshal itni
Doʻstdek qucharman,
Men bugun kuchuklar
Uchun icharman!..

​Olamdan uyingga
Boʻyladim, inim,
Ushoq joningda hech
Koʻrmadim tinim.
Holing ne kechgani
Xayolimda yoʻq,
Men faqat oʻzimni
Oʻyladim, inim.
Akalik toʻnini
Endi yecharman,
Men bugun kichiklar
Uchun icharman!..

​Sochiga tolpopuk —
Toj ilganlarim,
Gʻunchadek iymanib
Ochilganlarim.
Bir uyda tugʻilib,
Oʻsganim oʻshal,
Dunyoga bodroqdek
Sochilganlarim —
Singillar —
Suyuklar uchun icharman,
Beozor kiyiklar
Uchun icharman!..

​Mayli, yoqmaganim, mayli yoqqanim,
Mayli, xoh doʻst boʻlsin, mayli xoh gʻanim.
Dilida dard borki, boshida gʻavgʻo,
Taniganlarim-u, tanimaganim,
Men bugun barini bir-bir qucharman,
Yuragi kuyuklar uchun icharman!..

​Garchi sodda baytim, garchi toʻpori,
Koʻnglimdan toʻkilgan koʻnglimda bori.
Mayli, kutmasa ham kuyimni hech kim,
Mayli, tutmasa ham she’rim xumori.
Men-ku, yozdim yozsam yetgancha darmon,
Ertangi buyuklar uchun icharman!..

​© Muhammad Yusuf

😄@A_Yunusov_kundaligidan

#TavalludKun

👶👶 Bugun Anasbek va Anisbeklarning tavallud topgan kunlari! Shu munosabat bilan ularga oʻz tajribamdan kelib chiqib quyidagi otalik nasihatlarimni bermoqchiman.

😄@A_Yunusov_kundaligidan

#FaqatOlğa

Qanchalik holdan toygan bo'lsam ham, boshqalarning ishonchi va istiqbolga bo'lgan umidini sindirmaslik uchun tabassum ortiga yashirinib, yo'limda davom etishga majburman.

​😄

#LIVE

MUSTAQILLIK SHUKUHI — BOBUR SHAHRIDA!

🎥Ayni daqiqalarda Bobur shahrida O‘zbekiston Respublikasi davlat mustaqilligining 35 yillik ayyomiga bag‘ishlangan ulkan bayram tantanalari boshlanish arafasida.

✨Bayramona ruh, ko‘tarinki kayfiyat va Vatanga muhabbat tuyg‘ulari mujassam ushbu tantanali tadbirda Andijon davlat chet tillari instituti jamoasi ham ishtirok etmoqda.

🇺🇿35 YILLIK MUSTAQILLIK — YANGI O‘ZBEKISTONNING YANGI ZAFARLARI SARI!

#Mustaqillik35 #ADCHTI #BoburShahri #Live

👍Sahifalarimizni kuzatib boring:
⭐ https://adchti.uz/
🕊 https://t.me/adchti_uz 📱 http://www.fb.com/adchtiuz
📱 https://www.instagram.com/adchti_uz/ 📺 https://youtube.com/channel/UCyF4xElq1upKf3sYx-jbQpw

#QalbBekati

Ey benim bahtıyârim, gönlümün tahtı yârim,
Yüzünde göz izi var, sana kim baktı yârim,
Kalbinde aşk izi var, seni kim yaktı yârim,
Yüzünde göz izi var, sana kim baktı yârim...

​😄

OIKAA❤️❤️❤️❤️❤️

Asarimiz bosh qahramonlari♥️

Yakshanba ♥️

#TavalludKun

🎂 TAVALLUD KUNING MUBORAK BO‘LSIN, QIZIM! 🌷

Ba’zan hayot yo‘limizda shunday insonlar uchraydiki, ular bilan tanishuv oddiy tanishuv bo‘lib qolmaydi. Vaqt o‘tgan sari u inson shogird, keyin esa qalbga yaqin, o‘z farzandingdek ardoqli insonga aylanadi.

Shahina, seni Andijon davlat chet tillari institutiga ilk qadam qo‘ygan, jamoamizga endigina qo‘shilib kelgan kunlaringdan eslayman. Birinchi suratimizda qo‘lida sertifikat tutgan, hali oldinda katta yo‘l turgan beg‘ubor shogird qiz bor edi.

Birga tushgan soʻnggi suratga esa boshqacha tuyg‘u bilan qarayman. Chunki mana shu bir yil davomida sen nafaqat bilim va tajriba orttirding, balki mas'uliyatni, jamoa bilan ishlashni, tashabbus ko‘rsatishni, o‘z fikringni dadil ifodalashni va eng muhimi, o‘z yo‘lingni topishni o‘rganding.

Bir yil — aslida juda qisqa vaqt. Ammo shu qisqa fursatda “ustoz-shogird” degan munosabatimiz “ota-bola”dek mehr va ishonchga aylanib ulgurgani men uchun alohida baxt.

Bugun sening yutuqlaringga qarab, ustoz sifatida faxrlanaman. Chunki shogirdning ulg‘ayib, o‘z kuchiga ishona boshlaganini ko‘rish — ustoz uchun eng katta mukofotlardan biridir.

🌿 Shahina, hali oldinda seni juda katta marralar kutib turibdi. Men esa sening bugungi yutuqlaringdan ko‘ra, ertangi imkoniyatlaringga yana ham ko‘proq ishonaman.

Yangi yoshing hayotingga go‘zal imkoniyatlar, katta muvaffaqiyatlar, samimiy insonlar va unutilmas quvonchlar olib kelsin. Qalbingdagi ezgu niyatlaring birin-ketin ro‘yobga chiqsin.

Har doim o‘zingga ishongan, bilim olishdan va izlanishdan to‘xtamaydigan, yaxshilik qilishdan charchamaydigan Shahina bo‘lib qol!

🎉 Tavallud kuning muborak bo‘lsin, Qizim!

😄

Oʻtdi necha bahor, oʻtdi necha kuz,
Xatolar yoʻlida qoldirdim izim.
Vijdon bilan keldim ming bor yuzma-yuz,
Shu ming bor oʻzimni aldadim oʻzim!

© Abdushukur Yunusov

#Nazmiyat

Derazada bog‘ shovullar

“Mensiz qurib ketadi”, o‘yladi to‘shakdagi chol.
“Men o‘lsam qurib ketadi. Kim qaraydi,
Bu daraxtlarga. Kim suvlaydi?
Kim tagini chopar? Kim mehr beradi?”

Derazada daraxtlar shovullar.

“Bizsiz o‘lib ketadi bu chol, — shivirlaydi daraxtlar.
Qaridik — ildizlarimiz suv ichishdan ham qolgan,
Ammo chidash kerak,
Qurimasligimiz lozim,
Axir, bizsiz o‘lib ketadi bu chol...”

Chol o‘ladi.
Daraxtlar quriydi.

Faqat shu mehr qoladi bu dunyoda —
Yangi insonlar va yangi daraxtlarning
Ko‘nglini yaratgani!

© Usmon Azim

#QalbBekati

Sen mening Jonim,
Sen mening Yorim,
Sen mening birinchi
Asil Bahorim...

Bizning uyda tong😍

#UstozDuoasi🤲

Yo Olloh, o‘zing Mehribon va Rahmlisan! Niyat qilib, yangi shogirdlar bilan ish boshladik. Har birining qadamini qutlug‘, ilmga bo‘lgan intilishini ziyoda qilgin.

​Parvardigor, shu yoshlarga avvalo o‘zingga, qolaversa Vatanga, ota-onaga, kasbiga, bergan ahdiga va Ustozga sadoqat tuyg‘usini qalbining to‘riga mustahkam joyla. Ustozining qadriga yetadigan, ilm bergan qo‘lni eʼzozlaydigan, har qanday holatda ham ustozi ishonchini oqlab, hurmatini joyiga qo‘yadigan odobli va vafoli shogirdlardan bo‘lishini nasib etgin. Ularni har qanday egri yo‘llardan, noshukrlik va xiyonatdan o‘zing asragin.

​Boshlagan ishlarimizda ularga kuch-quvvat, sabr va matonat ber. Tilimizni hamjihatlikdan, dillarimizni mehr-oqibatdan ayrima. O‘rtamizdagi Ustoz-shogirdlik rishtalarini mustahkam qilib, har birimizni ikki dunyoda ham yuzimizni yorug‘ qilgin.

​El-yurtga sodiq, ilmga fidoyi, hurmat qozonadigan yetuk insonlar bo‘lib voyaga yetsin. Har bir ezgu niyatimizni O‘zing ijobat aylagin. Omin!

Vatan🩵🤍💚

Farzandlarimiz Vatanini sevuvchi, unga sadoqat bilan xizmat qiluvchi boʻlsinlar!

QADRIYAT — INSONNI INSON QILIB TURUVCHI TIRGAK

​Ko‘p hollarda shogirdlarim bilan suhbatlashganda bir savolni o‘rtaga tashlayman: "Sening hayotiy qadriyatlaring nimalardan iborat?" Afsuski, ko‘pchilik bu so‘zning nafaqat mazmunini, balki uning inson taqdiridagi o‘rnini ham to‘la anglamasligini ko‘raman.

​Aslida, Qadriyat — bu sizning ichki dunyongizdagi "oltin qoida"laringizdir. Bu — hamma "yo‘q" deb turganda, sizning vijdoningiz "ha" deyishi yoki butun dunyo botqoqlikka botsa-da, sizning toza qolishingizni ta’minlovchi ma’naviy qalqondir.

​Nega qadriyat shunchalik muhim?

​U sizning tanlovingizdir: Hayot chorrahalarida qolganda, sizga qaysi yo‘lni tanlashni qadriyatlaringiz aytadi. Agar qadriyatingiz "Halollik" bo‘lsa — millionlar, milliardlar va’da qilinganda ham, o‘zligingizni sotmaysiz.

​U sizning tirgagingizdir: Qiyinchiliklar kelganda, hamma narsadan voz kechgingiz kelganda, aynan o‘sha oliy tushunchalar sizni yerga yiqilishdan asraydi.

​U sizning "yuzingiz"dir: Odamlar sizni mansabingiz yoki boyligingiz bilan emas, aynan amal qiladigan qadriyatlaringiz bilan taniydi va hurmat qiladi.

​Mening kunlik lug‘atimning eng yuqori pog‘onasida shu so‘z turadi. Men shogirdlarimga ham buni uqtiraman: "O‘z qadriyating bo‘lsin!"

Agar hayotingizda Maqsad bo‘lsa-yu, Qadriyat bo‘lmasa, erishgan muvaffaqiyatingizning ta’mi bo‘lmaydi. Chunki qadriyatsiz muvaffaqiyat — bu poydevorsiz qurilgan imoratdir. Bir kun u, albatta, qulaydi.

​Aziz yoshlar, shogirdlarim — Oʻgʻil-Qizlarim!

Bugun o‘zingizga savol bering: Men nimalarni muqaddas bilaman? Mening hayotiy tamoyillarim nima? Or-nomusmi? Ilmmi? Oila sadoqatimi? Yoki shunchaki oqim bo‘ylab suzishmi?

​O‘z qadriyatlaringizni aniqlab oling va ularni hayotingizning oliy qonuniga aylantiring. Shunda sizni hech qanday bo‘ron yiqita olmaydi, hech qanday zulmat yo‘lingizdan adashtira olmaydi. Zero, insonning asli — uning qadriyatidir!

Yangi ish va oʻqish haftasi barchamizga muborak boʻlsin!

😄

#QalbBekati

Muhabbat olovdir, muhabbat isyon,
Har kuni ming oʻlib, qolgumdir omon...

😄