АZAN UZZ

#Ҳадис

«ЖАННАТ БОҒЛАРИ ЁНИДАН ЎТСАНГИЗ САЙЛ ҚИЛИНГ»

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:
   - «Жаннат боғлари ёнидан ўтсангиз сайл қилинг», дедилар. Мен:
   - «Жаннат боғлари нимадир?» дедим.
   - «Масжидлар», дедилар».
   - «Сайл нимадир?» дедим.
   - «Субҳаналлоҳи, вал ҳамду лиллаҳи, ва лаа илаҳа иллаллоҳу ва Аллоҳу акбар», дедилар».

Термизий ривоят қилган.

Шарҳ: Демак, масжидлар жаннатнинг боғлари ҳисобланар экан. Уларнинг ёнидан ўтганда сайл қилиб, меваларидан еб қолиш керак.

Бундай фойдали сайлни қилиш қийин эмас — банда «Субҳаналлоҳи, вал ҳамду лиллаҳи, ва лаа илаҳа иллАллоҳу ва Аллоҳу акбар» деб қўйса, бас.

Жаннат боғларида сайл қилишни истаган одам ушбу улуғ ибораларни ёд олиб, доимо айтиб юришга одатланиши керак.

  «Ҳадис ва Ҳаёт» китобидан.
ХАЙРЛИ ВА ТИНЧ ОСУДА ТУН ХАМРОХ БУЛСИН
АЛЛОХГА ОМОНАТМИЗ

https://t.me/AZAN_UZZ

“ШАФОАТИМ УММАТИМДАН КАБИРА ГУНОҲ ҚИЛГАНЛАР УЧУНДИР”, ДЕГАН ҲАДИС ҲАҚИДА
#ҳадис

2268-САВОЛ: “Шафоатим умматимдан гуноҳи каби қилганлар учундир”, деган ҳадис хусусида бир масала чалкаш бўлиб қолди. Бу ҳадис саҳиҳми? Агар саҳиҳ бўлса, унда гуноҳи кабира қилган одам: “Расулуллоҳ соллаллоҳу алайҳи ва олиҳи васаллам мени шафоат қиладилар”, деб гуноҳда давом этаверадику?

💬 ЖАВОБ: Бисмиллаҳир Роҳманир Роҳийм. “Менинг шафоатим умматимдан гуноҳи кабира гуноҳ қилганлар учундир”, деган ҳадисни Имом Абу Довуд ва Имом Термизий саҳиҳ иснод билан ривоят қилганлар. Имом Бухорий ва Имом Муслимнинг “Саҳиҳ”ларида уни қўллаб-қувватлайдиган далиллар мавжуд. Жумладан, Абу Ҳурайра розияллоҳу анҳудан ривоят қилган ҳадисда Набий соллаллоҳу алайҳи васаллам: “Ҳар бир пайғамбарнинг ижобат бўладиган бир дуоси бордир, у ўша билан дуо қилади. Мен эса дуойимни охиратда умматимга шафоат қилиш учун сақлаб қўйишни хоҳладим”, деганлар (Муттафақун алайҳ).
Расулуллоҳ соллаллоҳу алайҳи васалламнинг ўз умматларидан бўлган осий ва гуноҳкорларга шафоат қилишлари маъносида келган нарсалар ҳам саҳиҳ ва собитдир. Аммо Набий соллаллоҳу алайҳи васалламнинг шафоатлари собит бўлганига ва Аллоҳ таолонинг авфи, фазли ва марҳамати кенглигига таяниб, бу ҳадисдан катта гуноҳлар эшиги очиб қўйилган ёки уларга беписанд бўлиб, истаган гуноҳини қилиш мумкин экан, деб тушуниш катта хатодир. Уламолар огоҳлантирадики, бу ҳадис гуноҳ қилишга рухсат эмас. Шафоат Аллоҳнинг изни ва шартлари билан бўлади. Гуноҳкорга тавба қилиш вожиб бўлиб қолаверади. Аллоҳ таоло мағфират қилувчи ва раҳмли бўлгани каби, ҳисоби тез ва азоби шиддатлидир.
Мусулмон киши ҳамиша ўзини гуноҳлардан сақламоғи лозим. Охиратдаги мукофотлар, мислсиз ва абадий неъматлар ҳақидаги оят ва ҳадисларга таяниб, Аллоҳ таолонинг шиддатли азоби ва иқоби ҳақидаги таълимотларни унутиб қўймаслиги лозим. Токи бундай бепарволик уни Аллоҳ ҳаром қилган амалларни қилишига ва Унинг жазосидан хотиржам бўлиб қолишига сабаб бўлмасин. Зеро, Аллоҳ таоло: “Аллоҳнинг макридан фақат зиён кўрувчи қавмгина хотиржам бўлур” (Аъроф сураси, 99-оят). Валлоҳу аълам.

Ўзбекистон мусулмонлари идораси
Фатво маркази.

https://t.me/AZAN_UZZ

ФИТНАЛАР ДАВРИДАГИ ЭНГ АФЗАЛ АМАЛ

Бугунги шиддатли, турли маънавий хавф-хатарлар ва синовлар кўпайган замонда мўмин киши учун энг тўғри йўл – ибодат ва солиҳ амалларни кўпайтиришдир.

Расулуллоҳ соллаллоҳу алайҳи васаллам айтдилар:
«Туннинг зулматли парчалари каби келадиган фитналар бошланишидан аввал солиҳ амалларни қилишга шошилинг! У пайтда киши мўмин бўлиб тонг оттиради ва кофир бўлиб кун боттиради, ёки мўмин бўлиб кун боттиради ва кофир бўлиб тонг оттиради – дунёнинг арзимас матоҳи эвазига ўз динини сотиб юборади».

(Имом Муслим ривояти)

•┈┈┈┈┈┈┈┈┈┈┈┈┈┈┈•
Яқинларингизга ҳам улашинг


https://t.me/AZAN_UZZ

Жаннатдаги “ҳамд уйи”

Ким фарзандининг ўлимига сабр қилиб, Аллоҳ таолодан савоб умид қилса, унга жаннатда “Ҳамд уйи” бунёд этилади. Абу Мусо розийаллоҳу анҳудан ривоят қилинади: "Расулуллоҳ соллаллоҳу алайҳи васаллам айтдилар: “Агар банданинг боласи вафот этса, Аллоҳ таоло фаришталарига: “Бандамнинг боласи жонини олдиларингми?” дейди. Улар: "Ҳа", дейдилар. У Зот: “Унинг қалби меваси жонини қабз қилдиларингми?” дейди. Улар айтишади: “У сенга ҳамд айтди ва истиржоъ айтди”. Шунда Аллоҳ таоло: “Бандам учун жаннатда бир уй қуринглар ва уни “ҳамд уйи” деб номланглар", дейди" (Имом Термизий ривояти).

Аллоҳ таолонинг раҳмати шу қадар кенгки, мўмин банданинг бирор яқини, дўстими, қариндошими вафот этса, унга сабр қилиб, савоб умид килса, Аллоҳнинг раҳмати ила жаннат мукофот қилиб берилади. Кўпчилик якинларининг вафотига сабр қила олмайди, Аллоҳдан савоб умид қилмайди, ўлимнинг сабабини Парвардигор қадари эмас, балки бошқа сабабларга боғлайди. Қуйидаги ҳадисни диққат билан ўқинг: Абу Ҳурайра розийаллоҳу анҳудан ривоят қилинади: "Расулуллоҳ соллаллоҳу алайҳи васаллам дедилар: “Аллоҳ таоло айтади: “Мўмин бандам учун унинг дунё аҳлидан яхши кўрганини қабз қилсам, сўнг ундан савоб умид қилса (сабр этса) Менинг ҳузуримда фақат жаннат мукофоти бор” (Имом Бухорий ривояти)”.

«Фазилатли амаллар» китобидан.

https://t.me/AZAN_UZZ

Сахийлик ва бахиллик

Абдуллоҳ ибн Аббосдан ривоят қилинади, Расулуллоҳ соллаллоҳу алайҳи ва саллам шундай дедилар: «(Одамлардаги) сахийлик Оллоҳ таолонинг сахийлигидан бир қисмдир. Саховат қилинглар, Оллоҳ сизларга саховат қилади. Огоҳ бўлингизким, улуғ ва қудратли Оллоҳ сахийликни яратди, кейин уни инсон сувратига киргизиб, бошини (жаннатдаги) Тубо дарахтининг илдизи узра мустаҳкамлади ва новдаларини «Сидратул мунтаҳо», яъни жаннат четидаги Нилуфар шохлари билан боғлади. Саховат дарахтининг баъзи шохлари дунё оламида осилиб туради. Кимки бу шохни маҳкам тутса, шу шох уни жаннатга элтади. Огоҳ бўлингизким, сахийлик иймоннинг белгиси, иймон эса жаннатдадир. Оллоҳ таоло бахилликни Ўз ғазабидан яратди ва унинг бошини (жаҳаннамдаги) Заққум дарахтининг илдизи узра мустаҳкамлади. Бахиллик дарахтининг айрим шохлари дунё оламида осилиб туради. Кимки шу шохга ёпишса, бу шох уни дўзахга олиб киради. Огоҳ бўлингизким, бахиллик куфрдан, куфр эса жаҳаннамдадир».

Ибн Аббосдан ривоят қилинган ҳадис.

https://t.me/AZAN_UZZ

ЁЛВОРИБ ДУО ҚИЛИШ ВА УНИНГ МАҲБУБЛИГИ СИРИ ҲАҚИДА

Расулуллоҳ соллаллоҳу алайҳи васаллам: «Албаттa, Аллоҳ ёлвориб дуо қилганларга муҳаббат қилади», деганларини эшитдим».

Абу Аблуллоҳ деди: Дуода ёлвориш изланишдир. Мўмин Аллоҳнинг маҳбубидир. Маҳбубнинг сўраши қанча кўпайса, муҳаббат қилувчига у яна ҳам маҳбуброқ бўлади. Аллоҳ таоло унинг овозига муҳаббат қилади.
У зот соллаллоҳу алайҳи васаллам дедилар: «Аллоҳ таоло Жаброил алайҳиссаломга: «Эй Жаброил, батаҳқиқ, фалончининг ҳожатини чиқардим ва дуосини ижобат қилдим. Лекин уларни ундан бироз ушлаб тураман, чунки унинг овозини эшитишни яхши кўраман», дейди».
Ваҳб розияллоҳу анҳудан ривоят қилинади: «Аллоҳ таоло: «Балони тушириб, ундан дуони чиқариб олурман», дейди.

https://t.me/AZAN_UZZ

Набавий ҳадислар асосида нафсни поклаш

Нафсни поклаш борасида Расулуллоҳ соллаллоҳу алайҳи васалламдан ривоят қилинган, улар ҳақида тафаккур қилиб, уларга амал қилиш муҳим бўлган икки ҳадис бор.

✅Биринчи ҳадис – ёмонликлардан холи бўлиш ҳақида.

Набий соллаллоҳу алайҳи васалламдан: «Кишининг ўз нафсини поклаши нима?» деб сўралди.

У зот: «Аллоҳ қаерда бўлсанг ҳам, сен билан бирга эканини билишингдир», дедилар.

Бу тушунча кўплаб гуноҳлардан воз кечишда жуда фойдалидир. Агар инсон ҳаётининг ҳар бир ҳолатида Аллоҳ таоло у билан бирга эканини қалбан ҳис этса, гуноҳлардан тийилиш унга осонлашади.

Бунга қуйидаги сўзларни такрорлаб юриш ҳам ёрдам беради:
«Аллоҳ мени кузатиб турибди. Аллоҳ мени кўриб турибди. Аллоҳ мен билан бирга».

✅Иккинчи ҳадис – гўзал хулқ ва фазилатлар билан зийнатланиш ҳақида.

Расулуллоҳ соллаллоҳу алайҳи васалламдан эҳсон нима экани сўралганда, у зот шундай дедилар:
«Аллоҳга Уни кўриб турганингдек ибодат қилишингдир. Гарчи сен Уни кўрмасанг-да, албатта, У сени кўриб туради».

Чунки ким Аллоҳ таолонинг ўзи билан бирга эканини қалбан чиндан ҳис этиш мақомига эришса, кейинги босқичда гўё Уни кўриб тургандай ибодат қилиш мақомига юксалади.

Ана шунда инсон ибодатнинг ботиний сирлари билан зийнатланади, унинг нурлари ва гўзал самараларидан баҳраманд булади
https://t.me/AZAN_UZZ

Савол: Имом рукуъда турган вақтида намозга шошиб келаётган кишининг оёқ товушларини эшитса, рукуъни узун қилиб турадими?

✅Жавоб: Бундай қилиш макруҳдир.

Баъзи уламолар: «Бундай қилиш naмозни бузади», деганлар;

Баъзи уламолар: «Агар келувчини таниса, рукуъни узун қилиб туриши макруҳ бўлади», деганлар;

Баъзи уламолар: «Агар қурбат ҳосил қилишни ният қилган бўлса, ажр олади», деганлар. Бу ҳукм «Жомеур-румуз»да Зоҳидий раҳматуллоҳи алайҳдан нақл қилинган.

Мен айтаманки, ушбу масалани «Ғоятул мақол фийма ятааллақу бин ниол»* (Оёқ кийимларга боғлиқ масалаларга тегишли айтилган гапларнинг чегараси) номли рисоламда батафсил баён қилганман.

https://t.me/AZAN_UZZ

🧎‍♂️ ТУНГГИ НАМОЗНИНГ УЛКАН АЖРЛАРИ

Набий соллаллоҳу алайҳи васаллам шундай дедилар:
«Ким (кечаси намозда) ўнта оят билан қоим бўлса, ғофиллардан деб ёзилмайди. Ким юзта оят билан қоим бўлса, итоаткорлардан (қонитийн) деб ёзилади. Ким мингта оят билан (қоим бўлиб) қироат қилса, унга чексиз-ҳисобсиз ажр-мукофотлар (муқонтирийн) ёзилади».

(Абу Довуд, Ибн Хузайма, Ибн Ҳиббон ва Ибн Сунний ривояти)

📌 Эслатма ва тавсия:

⏺10 та оят: Масалан, «Фотиҳа» сурасига «Ихлос» ва «Кавсар» сураларини қўшиб ўқисангиз, оятлар сони 10 тадан ошади ва ғофиллар қаторидан ўчириласиз.

⏺100 та оят: «Тaборак» (Мулк) ва «Қиёмат» суралари ёки «Воқеа» сураси тахминан шунча оятни ташкил қилади.

⏺1000 та оят: Қуръони каримнинг охирги икки пораси (30- ва 29-поралар) деярли мингга яқин оятдан иборат.

🤲 Аллоҳ таоло барчамизни тунлари ибодат билан бедор бўлувчи солиҳ бандаларидан қилсин!

АЛЛОХИМ ИБОДАТЛАРДА БОЙ ТУН ХАДЯ КИЛСИН
ХАЙРЛИ ТУН ДИНДОШЛАРИМ
ЭРТАГА КАДАР АЛЛОХГА ОМОНАТМИЗ

https://t.me/AZAN_UZZ