Oʻskin Azimov....✍️She'rlari

''Ayriliqdan Charchadim, Ayrilmaylik jonim''

Ko‘nglimni ezdi-ku hijron azobi
Sensiz o‘tmayapti umrimning bobi
Sevgimiz bo‘lmasin ayriliq tobi
Ayriliqdan charchadim, ayrilmaylik, jonim.

Ko‘zlarim yo‘llaring poylab charchadi
Yuragim sog‘inchdan ohlar sochadi
Bu dardim yurakni sekin parchalar
Ayriliqdan charchadim, ayrilmaylik, jonim.

Sog‘inchning ko‘zlari yo‘limda intizor
Sensiz o‘tgan har kun qalbimga ozor
Muhabbat bor ekan, bo‘lmaylik bezor
Ayriliqdan charchadim, ayrilmaylik, jonim.

Mayli, bu dunyoning tashvishi kelsin
Mayli, yo‘llarimiz sinovga to‘lsin
Faqat sevgimizga ayriliq kelmasin
Ayriliqdan charchadim, ayrilmaylik, jonim.

Qo‘llaring qo‘limda qarib boraylik
Bir yostiq boshida orom olaylik
Baxtimiz taqdirga doston bo‘laylik
Ayriliqdan charchadim, ayrilmaylik, jonim.

Sensiz o‘tgan kunlar yurakka alam
Sensiz bu dunyoda topolmam malham
Bir umr yonimda qolgin, sevgilim
Ayriliqdan charchadim, ayrilmaylik, jonim.

©Muallif... ✍ O'skin Azimov

@Azimov_1227

“Cho‘pon va shaharlik qiz”

Shahar shovqinida ulg‘aygan bir qiz
Qalbida yashardi ming xil orzu, iz
Taqdir yo‘llarida uchratdi bir yigit
Cho‘ponni sevib qoldi shaharlik qiz.

Qo‘lida qo‘y-qo‘zi, dilida armon
Tog‘larda o‘tardi kunlari hamon
Uning boyligi — bir pokiza vijdon
Shuni sevib qoldi shaharlik qiz.

Shahar chiroqlari so‘ndi ko‘zida
Qishloqning tonglari qoldi izida
Bir cho‘pon sevgisi yashab qalbida
Cho'poni haydadi, shaharlik qiz.

Ular uchun dunyo go‘yo tor bo‘ldi
Muhabbat yo‘llari g‘amga zor bo‘ldi
Bir kun kelib osmon ham qorong‘u bo‘ldi
Cho‘ponni yo‘qotdi shaharlik qiz.

Endi o‘sha yaylov huvillab qoldi
Cho‘ponning izlari shamolda qoldi
Qizning yuragida bir armon qoldi
Sevgisini yo‘qotdi shaharlik qiz.

Bir paytlar kulganlar jim qoldi bunda
Bir paytlar aytilgan so‘z qoldi yodda
Cho‘ponning nomini aytadi tunda
Ko‘z yoshiga cho‘mdi shaharlik qiz.

Muhabbat ba’zida visol emasdir
Baxtning har yo‘li ham davom emasdir
Ayriliq yurakka bitgan bir darddir
Cho‘ponni unutmas shaharlik qiz.

Bir sevgi tugadi, ammo o‘lmas iz
Bir umr yurakda yashaydi o‘sha his
Taqdir ayirdi-yu, qoldirdi yolg‘iz
Cho‘ponni sevgan o‘sha shaharlik qiz.

Agar sevgi uchun berilsa bir jon
Bu sevgi qoladi avlodlarga doston
Cho‘pon ketgan bo‘lsa, muhabbat omon
Uning sevgisi bilan yashar shaharlik qiz.

©Muallif.... ✍ O'skin Azimov
@Azimov_1227

"Seni sog'inib men, Devona böldim"

Aytgin, qaytasanmi, kutaymi seni
Yurak unutolmas hech qachon seni
Sog‘inch ham sevgidan bir nishon bo‘ldi
Seni sog‘inib men, devona bo‘ldim.

Tunlar bedor o‘tdi, ko‘zim yo‘llarda
Ismingni takrorlar yurak xayolda
Sensiz bu dunyoyim ham g‘aribday bo‘ldi
Seni sog‘inib men, devona bo‘ldim.

Bir kun qaytib kelsang, qarshi olarman
Dardimni ko‘zlaring uzra solarman
Seni kutib yashash menga jon bo‘ldi
Seni sog‘inib men, devona bo‘ldim.

Yomg‘irlar yog‘sa ham seni eslayman
Har tomchi ichida ovozing tinglayman
Sog‘inchning o‘zi ham menga doston bo‘ldi
Seni sog‘inib men, devona bo‘ldim.

Qancha uzoqlashsang, shuncha yaqinroq
Yurakka singgansan, bo‘lib eng kerakroq
Sensiz har bir kunim menga hijron bo‘ldi
Seni sog‘inib men, devona bo‘ldim.

Agar hamon meni eslasang bir bor
Qaytgin, yuragimda qolmasin g‘ubor
Sensiz bu ko‘nglimga sog‘inch toj bo‘ldi
Seni sog‘inib men, devona bo‘ldim.

Yillar o‘tsa hamki, kutarman seni
Ko‘nglimdan chiqarib bo‘lmas hech seni
Sevgi deb atalgan bir armon bo‘ldi
Seni sog‘inib men, devona bo‘ldim.

Ko‘chalardan seni izlaydi ko‘zim
Sukutga aylangan har bitta so‘zim
Seni deb yuragim beqaror bo‘ldi
Seni sog‘inib men, devona bo‘ldim.

Xotirang qolibdi qalbim tubida
Isming jaranglaydi tunlar jimida
Bir shirin xotirang ming armon bo‘ldi
Seni sog‘inib men, devona bo‘ldim.

Qaytmasang, aytgin, umid qilmayin
Yo‘llaringga boqib, seni kutmayin
Kutish ham sevgimga bir imtihon bo‘ldi
Seni sog‘inib men, devona bo‘ldim.

Sensiz bahorlarning gullari so‘lar
Ko‘nglimda ayriliq dardlari o‘ynar
Kulgan kunlarim ham go‘yo xazon bo‘ldi
Seni sog‘inib men, devona bo‘ldim.

Bir bora ovozing eshitsam agar
Yurakdagi dardim tarqalar magar
Sening bir so‘zingga jonim qurbon bo‘ldi
Seni sog‘inib men, devona bo‘ldim.

©Muallif... ✍ O'skin Azimov
@Azimov_1227

“Hayollarda yashagan, Hayotimning egasi”

Hayolimda sening bilan suhbatlar qurdim
Kelmagan kunlarga umidlar surdim
Bir seni deb qancha tunlarni ko‘rdim
Hayollarda yashagan Hayotimning egasi.

Ko‘zlarim yo‘lingni kutar bearmon
Yuragim sen deya uradi hamon
Sening isming bilan uyg‘onar bu jon
Hayollarda yashagan Hayotimning egasi.

Seni izlab o‘tdi necha bahorim
Sog‘inch bilan to‘ldi mening diydorim
Sen bo‘lmasang, yarim qolar hayotim
Hayollarda yashagan Hayotimning egasi.

Balki sen bilmassan seni kutganim
Bir tabassumingni baxt deb bilganim
Kelarsan deb eshik tomon chopganim
Hayollarda yashagan Hayotimning egasi.

Tunlar jim, osmon ham go‘yo tinglaydi
Yurak seni so‘rab har tun yig‘laydi
Masofalar sevgimni aslo sindirmas
Hayollarda yashagan Hayotimning egasi.

Men seni ko‘rmasam ham tushlarda ko‘raman go‘yo
Xayolimda sen-la yashayman go‘yo
Bu muhabbat menga bo‘ldi bir dunyo
Hayollarda yashagan Hayotimning egasi.

Agar taqdir bizni uchrashtirmasa
Agar yo‘llar bizni birlashtirmasa
Yuragim baribir sendan kechmasa
Hayollarda yashagan Hayotimning egasi.

Bir kun balki sen ham meni toparsan
Sog‘inch degan tuyg‘uni sen ham bilarsan
Kechikkan muhabbat bo‘lsa-da, kelarsan
Hayollarda yashagan Hayotimning egasi.

Yillar o‘tsa, sochlarimga tushsa qor
Yuragimda qolur sendan bir yodgor
Sevgi o‘lmas ekan, agar bo‘lsa chinor
Hayollarda yashagan Hayotimning egasi.

Sen kelmagan kunlar o‘tar jim-jitdan
Men seni kutarman yana umiddan
Balki bir kun chiqarsan mening oldimdan
Hayollarda yashagan Hayotimning egasi.

©Muallif..... ✍ O'skin Azimov
@Azimov_1227

Live stream finished (49 minutes)

Live stream started

"Ne uchun yonib kuymoqdamiz ikkimiz"

Ne uchun yonib kuymoqdamiz ikkimiz
Barbir, barbir birga boʻlolmaymizku ayt
Odamlar nima desa desin mayli
Gulim, sendan bita iltimos meni sevishdan qayt

Ne uchun yonib kuymoqdamiz ikkimiz
Ayriliq deb atalgan sovuq bir qurol
Peshonamizga allaqachon yozilgan goʻyo
Qanchalar urinmaylik — birga boʻla olmaymiz.

Ne uchun yonib kuymoqdamiz ikkimiz
Dardimiz suyangan tog‘imiz bo‘ldi
Qismat degan balo yo‘limiz boʻldi
Muhabbatimizdan avval ayriliq oʻldi

Ne uchun yonib kuymoqdamiz ikkimiz
Qo‘llarimiz yetar, ammo taqdir yetkazmas
Bir-birimizga eng yaqin odam bo‘lsak ham
Nega bilmadim, hayot bizni yonma-yon yurishga qo‘ymas

Ne uchun yonib kuymoqdamiz ikkimiz
Men yonaman — lekin bilmam ovoz chiqmaydi
Sen kuyasan — buni hech kim sezmaydi
Bizning sevgimizni odamlar bilmaydi

Ne uchun yonib kuymoqdamiz ikkimiz.

© Muallif...✍ Oʻskin Azimov



Instagram. oskin_azimov2

"Kuch Zakovatdadur, Zakovatda"

Kuch zakovatdadur, zakovatda,
Yurakda nur yotar – haq hikmatda
Bilimga intilgan yigit-qizlar
Topadi baxtini faqat illatda
Kuch esa zakovatdadur, zakovatda.

O‘rganib o‘tmishdan saboq olar
Ertaga qat’iy qadamlar solar
Bir elni ko‘targan asl dono boʼlar
Yutuqning ildizi ham mahoratda
Kuch esa zakovatdadur, zakovatda.

Jahonda eng ulug‘ boylik aqlin
Bu bilan yengasan minglab talqin
Yuksalar, ko‘klarni kesar aqlin
Uchmoqning qanoti bor tafakkurda
Kuch esa zakovatdadur, zakovatda

Aql bor joyda rohat, ziynat, nur bo‘lar
Bilim bor yerda qoloqlik yo‘q bo‘lar
Har bir fikr chiqqan joyda nur boʻlar
Chirog‘ yonar butun boshli sahroda
Kuch esa zakovatdadur, zakovatda.

Aql ochar ko‘ngildagi minglab sirlarni
Fikr ochar bo‘g‘ilib yotgan yo‘llarni
Zakovat ko‘targan har bir insonni
Yuksaltirar o‘zining har bir darajasida
Kuch esa zakovatdadur, zakovatda.

© Muallif...✍ Oʻskin Azimov



Instagram. oskin_azimov2

Live stream finished (15 minutes)

"Özimcha mag'rurman, Kekaygan boshim"

O‘zimcha mag‘rurman, kekaygan boshim
Bukilmasin deyman, egilmas qoshim
Dard kelsa — jim turib, tishlayman toshim
O‘zimcha mag‘rurman, shudir bardoshim.

Boylikka aldanmas, ko‘nglimning ko‘zi
Maqtovga uchmaydi dilimning so‘zi
Bir kunlik shuhratga sotilmas o‘zi
O‘zimcha mag‘rurman, kekaygan boshim.

Qancha tosh otsalar, yo‘limdan qaytmas
Qalbimdagi olov shamolda so‘nmas
Meni yiqitganlar g‘alaba qilmas
O‘zimcha mag‘rurman, kekaygan boshim.

Yelkamda dunyoning yuklari tursa
Ko‘zimda yosh turib, yuzimda kulsa
Ichimda bo‘ronlar ming marta ursa
O‘zimcha mag‘rurman, kekaygan boshim.

@Azimov1227

©Muallif..... ✍O'skin Azimov

Kimnidir ranjitib ne foyda topay
Bir kun kelib o'zim pushaymon bo'lay
Bugun menga kulgan, ertaga yig'lar
Bu foniy dunyoda nega kibr qilay.

Boylik deb yugurib umrni yondim
Ko'ngillarni sindirib ne foyda oldim
Bir siqim tuproqqa aylansa badan
Ayting, bu dunyodan nimani oldim.

Bugun bor davlatim, ertaga yo'qdir
Bugun kulgan yuzim, ertaga so'lg'ir
O'lim degan haqiqat kutib turibdi
Hech kim undan qochib ketolgan yo'qdir.

Yaxshilik qilgin-u, evazin kutma
Hech kimning aybini yuziga tutma
Ko'ngil degan uyga ozor bermagin
Qalbni sindirmagin, keyin yig'lama.

Dunyo bir soyadir, o'tadi bir kun
Bahor ham ketadi, keladi hazon
Bugun meniki deb maqtangan inson
Ertaga tuproqning bag'rida pinhon.

Shon-u shuhratlarning bari qoladi
Noming yaxshi bo'lsa, elda yuradi
Molu davlat emas inson ziynati
Go'zal xulqi bilan qadri ortadi.

Har kim o'z yo'lida hisobin beradi
Yashirin amallar bir kun ko'rinadi
Til bilan emas, amal bilan inson
Rabbining huzurida qadr topadi.

Qanchalar urushma bu o'tkinchi joyda
Hech kim qolmagan-ku bu eski saroyda
Bugun sen ketarsan, ertaga men ham
Navbat kutib turar har bir insonda.

Sabr qilgan banda armon ko'rmaydi
Shukr qilgan qalbning nuri so'nmaydi
Kimki Haq yo'lidan og'may yashasa
Oxiratda yuzi aslo sharmanda bo'lmaydi.

Foniy dunyo mehmonxona emasmish
Bir nafasning o'zi katta ne'matmish
Kim umr qadrini bilib yashasa
Oxirat yo'liga eng boy odam shul emish

Sabrning ortida yorug' tong bordir
Har qorong'u tunning bir sabohi bordir
Ko'nglingni Allohga bog'lab yashagin
Har dardning ortida bir hikmat bordir.

©Muallif... O'skin Azimov

@Azimov_1227

"Qo'shrabotim ''

Yillar meni olib ketdi Toshkentlariga
Sog‘inch soldi yuragimnig yaralariga
Tushlarimda qayta-qayta yo‘l olaman
Qo‘shrabotning chang bosgan köchalariga.

G‘o‘jimsoyim, sening tikka qoyang bor
Asrlardan so‘zlaydigan soyang bor
G‘o‘jim ota qo‘l ochilgan maskanda
Ne-ne otam qoldirgan duoying bor.

Qo‘rg‘onimning Köktinota maskanlari
Ko‘p eshitgan otalarning dostonlari
Qabrlarin ziyoratga kelgan odamlarning
Duo bilan titrar edi osmonlari.

Qizilbelim, mag‘rur turar cho‘qqalaring
Qizilqum-u Do‘ltaxona yonbag‘irlaring
Chöqi tog‘i bulut quchib turgan mahal
Yuragimga muhrlangan manzaralaring

Zarmitanim, bag‘ring to‘la tillalarga
Ne-ne mehnat singgan sening qoyalaringa
Ammo sendan qimmat emas bir hovuch tuproq
Jon berarman men o‘sgan o‘sha joylaringa

Agar bir kun bu dunyodan ketar bo‘lsam
So‘nggi bor bir yurt havosin yutar bo‘lsam
Meni olib boring Qo'shrabot tomon
G'o'jimsoyning tuprog‘iga yotar bo‘lsam.

Chunki meni tog‘lar tanib qolgan
Soylar meni bolalikdan eslab qolgan
Men ketarman, ammo mendan keyin ham
Qo‘shrabotim yuraklarda yashab qolgan.


©Muallif... ✍ O'skin Azimov
@Azimov_1227

"Endi sizni tushunib yetayapman, Ota"


Bolaligim o‘tib ketdi shamolday yelib
Qadringizni bilolmadim yoshlikka berilib
Har bir tanbehingiz ortida mehr yashirinib
Endi sizni tushunib yetayapman, Ota

Tunlar bilan ishlab charchab qaytganingizni
Biz deb ko‘p dardlarni ichga yutganingizni
Bir burda non topib, ro‘zg‘or tutganingizni
Endi sizni tushunib yetayapman, Ota

Men hafa bo‘lib ham gapirmay yurardim ba’zan
Siz esa ko‘nglim deb kuyinardingiz har dam,
Dunyoda farzandga otaday yo‘q mehribon odam
Endi sizni tushunib yetayapman, Ota

Yillar o‘tib men ham hayot darsin olayapman
Og‘ir kunlar nima ekan asta bilayapman
Siz bosgan izlardan yelib yugurib
Endi sizni tushunib yetayapman, Ota

Bor ekansiz uyimizda baraka, duolar
Siz bilan mazmunli ekan barcha bahorlar
Otajon, boshimizdan arimasin soyalar
Endi sizni tushunib yetayapman, Ota.

©Muallif.... ✍ O'skin Azimov

@Azimov_1227

"Birovni norozi qilib baxtga yetolmaysan"


Do‘stim, yozgan satrlarim senga atalgan
So‘nggi sovuq so‘zlaring yurakka qadalgan
Bir lahza to‘xtab o‘yla, vijdoningni uyg‘otgin
Birovni norozi qilib baxtga yetolmaysan.

Aytar gaplarim ko‘p, ammo jimman ichimda
Har bir so‘zim og‘riq, yashirin bir kechimda
Agar ozgina bo‘lsa rahm yuraging ichra
Birovni norozi qilib baxtga yetolmaysan.

Bir kun kelib o‘zing ham shu dardni his etarsan
Kimnidur ko‘nglin og‘ritib nimaga erisharsan
Hayot qonuni shuki — qaytadi har bir armon
Birovni norozi qilib baxtga yetolmaysan.

Yolg‘on tabassum bilan baxtni yashirib bo‘lmas
Ko‘ngilni sindirgan holda kulib yashab bo‘lmas
Har bir og‘riq iz qoldirur, yurak unutolmas
Birovni norozi qilib baxtga yetolmaysan.

Sen balki o‘zingni oqlab ming bahona toparsan
Ammo jim yuraklarning nolasini unutarsan
Bir kun kelib o‘sha dardni o‘zing ham totib ko‘rarsan
Birovni norozi qilib baxtga yetolmaysan.

Endi ortga qarab ko‘r, kimlarni yo‘qotding
Qaysi qalblarni sindirib, nimaga erishding
Bir lahza baxt uchun nechta ko‘ngilni sindirding
Birovni norozi qilib baxtga yetolmaysan.

Dunyo aylana, qaytadi har bir qilgan ishing
Bugun kulganing balki ertaga tushar boshing
Adolat jim emas, yozib borar har bir ishing
Birovni norozi qilib baxtga yetolmaysan.

Men esa jim ketarman, so‘zlarim qolur senda
Bir kun eslarsan bu satrni yuraging tubida
Shunda tushunarsan balki kech bo‘lgan paytingda
Birovni norozi qilib baxtga yetolmaysan.

©Muallif.... ✍ O'skin Azimov

@Azimov_1227

"Charchadim Dunyoning tashvishlaridan"

Har kimning dardi bor, aytmas ichida,
Ko‘zlarda yosh yashar kulgu ichida,
Men ham jim yuraman sinib-sekinlab,
Charchadim dunyoning tashvishlaridan.

Ko‘nglimda bo‘ronlar, sokin ko‘rinib
Dardlarim ichimda yotar bilinib
Yuragim charchagan, so‘zsiz ezilib
Charchadim dunyoning tashvishlaridan

Tunlarim bedor, o‘ylarim og‘ir
Sabrim sinovda, yurak hamon tir
Kimga aytay dardim — barchasi sir
Charchadim dunyoning tashvishlaridan

Umidlar uzoq, yo‘llarim tuman
Bir kulgu ortida yashirin armon
Kulib yuribmanu, ichimda to‘fon
Charchadim dunyoning tashvishlaridan

Odamlar ichida yolg‘izman go‘yo
So‘zlarim ichimda qolgan bir daryo
Ko‘nglimni kemirar o‘tli savdo
Charchadim dunyoning tashvishlaridan

©Muallif.... ✍ O'skin Azimov

@Azimov_1227

"Qishlog'imni Sog'indim Ona"

Otam aytar ketgin Toshkentga
Onam aytar qaytma qishloqqa
Men aytaman, qaytay qishloqa
Qishlog'imni Sog'indim Ona

Shahar shovqin, ko‘nglim tortmaydi
Begona ko‘cha mehr bermaydi
Bolalik izlari ko‘zdan ketmaydi
Qishlog‘imni sog‘indim, Ona

Tong saharda xo‘rozlar sayrar
Dalalarda shamollar yayrar
Yuragim ham o‘sha yoqqa qayrar
Qishlog‘imni sog‘indim, Ona

Beton uylar ko‘kka cho‘zilgan
Ammo mehrsiz, jonsiz tuyilgan
Bir mehr topmay qalbim ezilgan
Qishlog‘imni sog‘indim, Ona

Qishlog'imiz ko‘z oldimda turar
Bolalari chang ko'cha yelib yurar
Odamlari loydan uylar qurar
Qishlog‘imni sog‘indim, Ona

Suv bo‘yida o‘ynagan damlar
Do‘stlar bilan kulgan onlar
Yodga tushsa titrar bu jonlar
Qishlog‘imni sog‘indim, Ona

Tunlari ham uyqum kelmaydi
Yurak tinmay o‘sha joyni so'raydi
Ko‘zlarimdan sog‘inch ketmaydi
Qishlog‘imni sog‘indim, Ona

Bir kun kelib qaytarman, Ona
Ko‘zlaringda yosh bilan yana
Bag‘ring ochib kutarsan yana
Qishlog‘imni sog‘indim, Ona

So‘nggi yo‘lim o‘sha tomonga
Tuprog‘ing ham davo jonimga
Yuz qo‘ysam bas muqaddas zamingga
Qishlog‘imni sog‘indim, Ona

Agar bir kun charchasa bu jon
Orzularim qolsa armon-arman
Qo‘ying meni o‘sha qishloqqa hamon
Qishlog‘imni sog‘indim, Ona

Qabrim bo‘lsin o‘sha yerlarda
Bolaligim qolgan izlarda
Ruhim kezsin tanish yo‘llarda
Qishlog‘imni sog‘indim, Ona

Oxir nafas olsam ham agar
Tilimda shu sog‘inchli satr
Yuragimda bitta so‘z yashar:
Qishlog‘imni sog‘indim, Ona


©Muallif.... ✍ O'skin Azimov

@Azimov_1227

"Bayramingiz muborak, aziz ayollar"


Siz osmonning eng porloq yulduzi,
Siz hayotning eng shirin tuyg‘usi.
Siz Erkakning asil koʻzgusi.
Bayramingiz muborak, aziz ayollar

Qo‘lingiz tegmagan giyoh ham so‘lar,
Siz borgan uylarga bahtlarham toʻlar
Siz bilan ochilar bahor, gul-u zar.
Bayramingiz muborak, aziz ayollar

Onam, opam, singlim, jondan azizim,
Sizga atab she’rlar bitaman bugun.
Siz bor joyda yashnar hayot nurlari,
Bayramingiz muborak, aziz ayollar

Sizlar uchun gullar ochilsin har kun,
Sizlar uchun qushlar chalsin kuylarin
Sizlarga baxt tilaymiz, shodlik tilaymiz,
Bayramingiz muborak, aziz ayollar


©Muallif.......✍ Oʻskin Azimov


@Azimov_1227

"Bugun tunda kelarmish Bahor "


Kel, ey bahor, yuragim dardi
Seni kutib koʻzlarim toldi
Tunda sevging boʻlsin yor-yor
Bugun tunda kelarmish Bahor


Yaproqlar pichirlar ,kel,ey navbahor
Muhabbat kelarkan, yurakda qaror
Yomgʻirlar yuvsin, hijronni toʻkib
Bugun tunda kelarmish Bahor


Shamollar olib kelar bir hidni
Qalbimda uygʻotar eski tuygʻuni
Balki bu sevgi, balki sogʻinchdir
Bugun tunda kelarmish Bahor


Sevgi uyg‘onar tun bag‘rida,
Armonlar erir gulning hidida.
Sen kel, ey bahor, orzular izlab,
Bugun tunda kelarmish Bahor


Tong shabbodasin olib yel bilan,
Erkalatadi bog‘ni sel bilan.
Sevintirar qizlarni, Gul bilan
Bugun tunda kelarmish Bahor


© Muallif....✍ Oʻskin Azimov


@Azimov_1227

"Kutilmaganda kelarkan Sevgi degani"

Kutilmaganda kelarkan sevgi degani
Bir nigohda titrar ekan yurak joni
Kutmagan payt, kutmagan bir manzilda
Taqdir yo‘lingni burar ekan bitta oni

Rejasiz, hisob-kitobsiz kirib kelarkan
Qalbing eshigin sezdirmay ochib kelarkan
“Yo‘q” degan joyingda “ha”ni o‘rgatib
Eng qattiq ko'ngilni ham titratib qöyarkan

Kutilmaganda kelarkan sevgi degani
Ko‘zingda porlar ekan umid chirog‘i
Kecha begona bo‘lgan bir inson bugun
Butun umringga aylanar yagona bog‘i

U kelganda qo‘rquv ham chekinar sekin
G‘urur ham bosh egib qolarkan jim-jit
Og‘riqni ham shifoga aylantirib
Yurakka sabr, labga tabassum berib qöyarkan

Muallif... ✍ O'skin Azimov

@Azimov_1227

"G'öjimsoyim" 2

Yana yozgim kelar senga atab she'r
Yana yozgim kelar nominga atab qasida
Qancha yozsamham tugamas tarixing
Sen mening Otamsan, sen mening Onamsan qishlog'im

Bobomham tug'ulgan sening bag'ringda
Otamham ulg'aygan dala dashtingda
Onamning mehri bor har bir yeringda
Yana neni yozay aytgin qishlog'im

Kun kelib sochimga tushsa ham oqlar
Yelkamni buksa ham zamonlar, yillar
Bir parcha tuprogʻing menga toj bo‘lar
Nomimdan ulugʻsan, mening qishlogʻim

Qor yogʻsa tomingda bolalik kulgum
Yoz kelsa dalangda peshona terim
Duo boʻlib oʻqir har kecha dilim
Qiblam ham sen bölding, mening qishlogʻim

Kimlardir boylikni orzu qilgandir
Kimlardir shon-shuhrat ketidan yurgandir
Menga esa yetar, bir chimdim tuprog'ing
Eng katta boyligim, mening qishlogʻim

Kun kelib sukunat quchar tanamni
Yillar yelkasiga ortar nomimni
Tuproq quchogʻida topar jonimni
Abadiy maskanim, mening qishlogʻim

Men ketar yoʻllardan yana qaytarman
Bu tuproq bagʻriga bosh egib yotarman
Gʻoʻjimsoy nomini oxirgi nafasda
Tilimda aytib jon taslim etarman.

Muallif.... ✍ O'skin Azimov

@Azimov_1227

"Men Sevgidan oʻldim,Sevgidan"

Qoʻlim hechham bir ishga bormas
Odamlar meni gʻiybat qilishdan qaytmas
Bir inson holim soʻrashga kelmas
Men Sevgidan oʻldim, Sevgidan

Dushman xanjar bilan oʻldirsaham mayliydi
Tanamni qirq boʻlaklarga boʻlsaham mayliydi
Uzoq uzoqlarga band qilsaham mayliydi
Men Sevgidan oʻldim, Sevgidan

Ko‘zimda tun, yuragimda bitmas dog‘
Kulib yursam ham ichimda mingta tog‘
Dardimni tinglamas na do‘st, na chog‘
Men Sevgidan o‘ldim, Sevgidan

Endi u qaytmas sen shuni, bil
Bu ko‘ngil singandi, bo‘ldi xasdek chil
Tirikman deb yuraman, aslida o‘lik dil
Men Sevgidan o‘ldim, Sevgidan

Bir zamon kulganim endi gunohdek
Har bir nafasim ham chiqmas panohdek
Yashashning o‘zi ham bo‘ldi azobdek
Men Sevgidan o‘ldim, Sevgidan

Ko‘chalar guvohdir jim qadamimga
Har yoshim guvohdir ko‘zda namimga
Baxt kulib boqmadi hech bir damimga
Men Sevgidan o‘ldim, Sevgidan

Qismat menga kuldi achchiq kulgida
Yurak parcha-parcha har bir koʻzguda
Isming jaranglaydi so‘nggi so‘zimda
Men Sevgidan o‘ldim, Sevgidan

Dunyoga sig‘madim, dunyo tor bo‘ldi
Har bir quvonchim ham unga zor bo‘ldi
Tirik yuragimga qabriston qurildi
Men Sevgidan o‘ldim, Sevgidan

Oxirgi nafasim ismingsiz chiqmas
Bu dardni vaqt ham hech qachon yutmas
Tanam tirik qolar, ruhim uyg‘onmas
Men Sevgidan o‘ldim, Sevgidan

Ko‘zimda yoshlardan dengizlar to‘ldi
Yuragim sabri ming bor o‘ldi
Birgina muhabbat jonimni oldi
Men Sevgidan o‘ldim, Sevgidan

Agar nomim qolar boʻlsa biror yodda
“Sevdi, ammo oʻldi” yozing shu toshda
Bu umrim yakun topdi bitta so‘zda
Men Sevgidan o‘ldim, Sevgidan

Qabrim boshida gul emas, armon bitsin
Yozilmas dardimni shamollar o‘qisin
Kim so‘rasa holimni, shu so‘zni desin
U Sevgidan o‘ldi, Sevgidan

© Muallif....✍ Oʻskin Azimov

@Azimov_1227

"Qishlogʻimga qaytgim kelayapti Onajon"


Usti boshim shaltoq, burnim esa qon
Lovullab turardi, tanamdagi mittigina jon
Bilmam, oʻsha vaqtlar edim bolajon
Qishlogʻimga qaytgim kelayapti Onajon

Tandirdan non uzib bering ohista
Men suvga botirib yey bir pasda
Boshimdan silang bolam deb asta
Qishlogʻimga qaytgim kelayapti Onajon

Dar buloq suvin ichayin toʻyib toʻyib
Xlor suvni ichiraverib ichim ketti kuyib
Sizsiz buyoqlarda ketayapman yonib
Qishlogʻimga qaytgim kelayapti Onajon

Boshqa hechham shoʻxlik qilmayman
Mushik dumin hechham kesmayman
Toshkentlarga boshqa qaytib kelmayman
Qishlogʻimga qaytgim kelayapti Onajon

Bir gapingiz ikki qilmasman
Chizgan chizigʻingizdan chiqmasman
Ostona xatlab ketmasman
Qishlogʻimga qaytgim kelayapti Onajon

Kechalari uxlay olmay yotipman Ona
Shahar chiroqlari ko‘nglim to‘ldirmas
Yuragimda bir alam, bir sog‘inch, bir g‘am yana
Qishlogʻimga qaytgim kelayapti Onajon

Qishlogʻimizning hidi turar dimog‘imda
Bolalik izlarim yotar har bir qadamimda
Sho‘rvangizning ta’mi ketmaydi labimda
Qishlogʻimga qaytgim kelayapti Onajon

Ko‘chamizda bolalar yugurar yelib
Men ham ularga qo‘shilardim kulib
Endi esa shahar orasida yelib-yugurib
Qishlogʻimga qaytgim kelayapti Onajon

Bog‘imizdagi teraklar ham eslaydi meni
Hovlimizdagi it ham tanir ovozim
Sizning mehringizdan boshqa hech kim bilmas dardim
Qishlogʻimga qaytgim kelayapti Onajon

Shu shaharda yuribman har kun o‘zimni bosib
Ko‘nglim esa qolgan o‘sha hovlimizda osilib
Siz bergan duo yurubdi yo‘llarim yoritib
Qishlog‘imga qaytgim kelayapti Onajon

Hamma sigʻgan Toshkentga
Men sigʻolmayapman Ona
Hamma ketayotgan qishloqqa
Men ketayolmayapman Ona


© Muallif...✍ Oʻskin Azimov

@Azimov_1227

Instagram.. oskin_azimov2