Kitoblarda(n)..📚

Barca "qarg'ish tekkan" formasidayu, nimolarkin?😂

Barca "qarg'ish tekkan" formasidayu, nimolarkin?😂

-Ikkimizga ham zarar bo'ladigan narsalardan sen foydalan, iltimos...
-Nimaga?
-Chunki men bunday qilolmayman.....

#nc

@booktional

Inson har doim o'z xulosalari mahsuli bo'lib kelgan.

Eng boshidan shunday. "Borma kuyasan"dan boshlanadi. Odatda biz bizga qo'yilgan ta'qiqlarni shunchaki, inkor qilamiz. Natijasi qanday bo'lishiga intilamiz. Inson zoti shu sirli narsalarga har doim qiziqadi.

Har bir harakatda olinadigan xulosa bor. Ba'zilar bu xulosalarsan yetarlicha dars oladi. Ba'zilar shunchaki o'tkazib yuboradi, qutuladi.

Biz qo'limiz kuymagunigacha hushyorlikni yetarli darajada oshirmaymiz. Bekorga "og'zi kuygan qatiqni ham puflab ichar" deyishmaganda...

Ya'ni, insonni xulosalari katta qiladi. Yoshi 30 da lekin, xulosalari juda kam insonlarni ham uchratishimiz mumkin.
16 da-yu, olgan xulosalari keyingi hayotiga bemalol yetadigan insonlar ham bor.

Hayotingizni xulosalar bilan osonlashtirishingiz mumkin. Yoki ularsiz ham osonroq qilishingiz mumkin....

Demoqchi bo'lganim - xulosalarni ko'paytiravering...

#mulohaza

@booktional

Farosatli va aqlli insonga hamisha ogʻir boʻlgan. U, bir tomondan, oʻzining vijdoni bilan, ikkinchi tomondan, atrofidagi vijdonsizliklar bilan kurashib yashaydi. Bu yo'lda u ming boʻlakka boʻlinadi, oʻzi bilan kurash tushadi, oʻzini sud qiladi, o'ziga hukm o'qiydi, o'ziga oʻzi jazo beradi, oʻzini turli tomonga, turli burchaklarga sochib yuboradi, keyin yana o'zini birlashtirib, yaxlitlashtirib oladi.

...Vijdonli odamlarga hamisha ogʻir boʻlgan. Qarshi tura oladigan kuch bor. Bu - uning oʻzi. Ya'ni uning ko'nglidagi ma'rifat. Inson qay darajada ma'rifatli boʻlsa, uning maydalanishi shuncha qiyin. Ma'rifatli odam maydalanmaydigan odamdir. U nimagadir yon berishi mumkin.

#iqtibos

@booktional- kitoblarga oshufta qalblar manzili 🫀 📚 🩵

Molmisan!!!?

Bola edim, uyda qandaydir mehmondorchilik bo'lgandi, xonaga choynak ko'tarib kirganimda, kimdir " Mol ham oxuriga "bo'o' " -deb, kiradi dedi. Shundan keyin birorta davraga salomsiz kirmaydigan bo'ldim.

Amakimlar bilan yonma-yon hovlida yashardik, bir kuni akam bilan borganimizda uyni yarmiga kirganimda akam "Molmisan?!! Birovni uyiga chaqirmasdan kirasan" -dedi. Shundan keyin birorta uyga ovozsiz kirmaydigan bo'ldim.

Yosh bola edim. Masjidda namoz o'qib bo'lingandan keyin, sherigim qitiqlaganda chidolmay qattiq kulib yubordim. Bir amaki "Molmisan?!! Masjidda baland ovozda kulib bo'lmaydi" -dedi. Shundan keyin masjidda umuman tovush chiqarmaydigan bo'ldim.

12 yoshlarda edim, muzqaymoqni o'rami yeb bo'lib, kema qilib hovuzda o'ynayotgandim, bir kishi "Molmasmisan-ee? Suvga axlat tashlab bo'lmaydi!!! "-dedi. Shundan keyin suv tugul, yerga ham axlat tashlamaydigan bo'ldim.

Ifodali o'qish mashqlari bo'lardi maktabda. O'qituvchimiz kitobni baland ovozda o'qiyotganimda, "Molga o'xshab nega baland ovozda baqirasan?!!" -degandi. Shundan keyin har bitta gapimdagi ovoz ohangiga e'tiborliroq bo'ladigan bo'ldim.

Maktabda so'nggi qo'ng'iroq bayrami edi. Oyim ishga ertaroq ketib qolibdi, odatda kiyimlarimizni kechasi dazmollab qo'yardi. O'sha kuni dazmollanmagan oq ko'ylakni kiyib bordim. Tanish bir qiz "Molga o'xshab topganini ustiga tashlab olibdi" -dedi. Shundan keyin, ko'ylak dazmollashni o'rgandim.

Odamlarni xursand qilishni yoqtirardim. Yoqtirgan sinfdosh qizimga bitta sariq atirgul olib borgandim. "Mol-polmasmisan?!! Sariq atirgulni qizlarga berib bo'lmaydi!! " -degandi. Shundan keyin har bitta beriladigan sovg'a qattiq ahamiyat qaratadigan bo'ldim.

Yozgi ta'til edi, akam bilan yaylovga mollarga boqqani bordim. Kun bo'yi issiqda akam bilan o't tergandim. Mahallaga qaytishda qo'shnimizga ro'para bo'lganimizda " Molingga o'xshab sasib ketibsan-ku!" -degan, gapni eshitdim. Shundan keyin o'zimga qaraydigan, ozoda bola bo'ldim.

Bunday misollarni yozsam oxiri yo'q.
Angladim, ba'zi saboqlarni olish uchun kuchli travmalarni boshdan kechirish kerak.
Shunda ular butun umr hayotingizni ajralmas qismiga aynaladi....

#angladim

@booktional - kitoblarga oshufta qalblar manzili 🫀 📚 🩵

Web-qissa'ni yozganimda ichim to‘lib ketgandi (o‘sha meni hamma sog‘inmagan aprel oqshomlaridan birida edi). Bo‘ladi-ku, hammayoq bir xilda qorong‘i yoki umuman nimaga qarayotganingning farqi yo‘q - bir xil tasvir gavdalanaveradi. Xuddi ana shunday ahvolda edim. Yozish davomida barmoqlarim og‘rib ketardi. Ham yozib, ham tahrirni bir vaqtda bajarib, hali tugatilmagan hikoyani faqat bir insonga jo‘natardim. Ishonganim uchun, har tugul, qissani o‘qib, uning real hayotda bo‘lganini so‘rashlari mumkinligidan xavotirlanardim. O‘qiyotgan odam ham buni avval shunchaki men yozgan qissa ekanligiga sira ishonolmagandi.

Keyinchalik uni o‘qish uchun va boshqalarning fikrini bilish uchun o‘zimizning "Mutolaa" guruhiga jo‘natdim. Tabiiyki, ular ham buning real yoki real emasligiga qiziqishdi. Ba’zilar qissaning mohiyatini birgalikda tahlil qilishdi. Keyinchalik bu qissa boshqa yaxshi qo‘llarga yetib bordi. O‘qigan insonlar yaxshi fikr bildirishdi. Qissaning davomini tezroq yozishimni so‘rashdi. Ular qissadagi qizning taqdiri qanday yakunlanishi haqida so‘raydigan bo‘lishdi. Anonim so‘rovlarda ham anonim ovozlar yangrab qoldi. Bir yaxshi insonning qo‘llab-quvvatlashi bilan uni LITERATURE.UZ adabiy saytining rahbariga jo‘natdim. U kishi ham qissa yaxshi chiqqanini aytdilar. Yakunlasam, saytga joylashlarini aytdilar.


Qissaning davomini so‘ragan hammaga qizni o‘ldirishimni aytdim. Chunki qissa allaqachon tugagan. Voqealarning hammasi boshidan oxirigacha yakunlangan. Qizning o‘limidan ranjigan hammaga bir xil javob berardim. Mabodo qizni o‘ldirmaganimda, bu qissaning haqiqiyligiga hamma ishonib qolardi, deb o‘zimni oqladim. Shu zayl qissaning davomini ommaga oshkor qilishdan o‘zimni saqlab keldim.
Bugun ichimda nufuzga ishtiyoqmand odam qissa yaxshi chiqqan bo‘lsa, uni nimaga boshqalar o‘qimasligini, yaxshi qissani e’tirof etmasligini aytib, javrab turibdi. Nima qilishga hayronman. Qissaning davomini hamma o‘qisinmi yoki oxirida qizning o‘limi bilan hammasi tugasinmi?

Hayronman!?

-Qaragin, mebelni eng so'nggi modelidan oldim, shaharda uncha-muncha odamgamas bunaqasini olish. 700$ dedi, talashib o'tirmadim, shartda berib olaverdim. -Ha, ayniqsa kartejni boplapsan, oshna, BMW' kameraga zo'r tushadi. To'yxonani ham eng qimmatini buyurtma…

-Qaragin, mebelni eng so'nggi modelidan oldim, shaharda uncha-muncha odamgamas bunaqasini olish. 700$ dedi, talashib o'tirmadim, shartda berib olaverdim.
-Ha, ayniqsa kartejni boplapsan, oshna, BMW' kameraga zo'r tushadi. To'yxonani ham eng qimmatini buyurtma qilibsan. Qoyilman..
- Assalomu alaykum. Xush kelibsizlar, qanday kitob kerak edi?
-Oshnam uylanayotgandi, shunga qanaqadir oila degan kitob bor ekan, bormi?
-Baxtiyor oila kitobi bo'lsa kerak. Mana marhamat.
-Nechpul?
-65 000 so'm.
-Shu kichkinagina narsaya? Sal kelishtirib bering.
-O'zi do'konimizda kitoblar narxi juda arzon.
-E, bo'ldi qo'y. Boshqa joydan olamiz. Qimmatligini qara. Ketdik.....


#nc

@Booktional

Odisseyni o'qib bo'lib, miyyamda turli fikrlar paydo bo'ldi. O'zi qonuniyat eng boshdan g'alati edi, bir guruh ilohlar kelishib Odisseyga ma'lum yo'l xarita tuzib berishadi, va Odisseyni irodasini sinashmoqchi bo'lishadi. Va bu ilohlar orasida Odisseyni yoqtiradigan iloh(a)lar ham bor, uni yomon ko'radigan ham. Biroq shunchaki yoziqni almashtirish bu ilohlarga juda osondek. Mayli, bu shunchaki qadimdan beri kuylanib kelayotgan qissa bo'lsa, syujetni o'zgartirib uni buzib qo'ymoqchi emasman, shunchaki miyyamdagilarni yozib qo'ydim.


Biroq ruhlar olamida Agamennon va Axillesni suhbati mutloq e'tiborim tortdi. Shoh Agamennon Axillesga shunday xitob qiladi (quyidagilar meni bayonim Agamennon tilidan, nimaga men ham o'z badiiyatimni ishga solmasligim kerak ekan) :

Shuncha yil zabt etib bo'lmas deb qaralgan Troyaga urush ochdim. Odamlar nomimni asrlar davomida eslab yursin, fathim tillarda doston bo'lsin deya o'z uyimdan uzoqlarda sarson-sargardon bo'lib, urushlarda eng yaqin quroldosh birodarlarimdan ayrildim. Shoh Prayamning ulkan devorlar bilan qoplangan muhtasham shahrini o'n yil jang-u jadaldan so'ng ishg'ol qildim. Fathimdan sevinib, yo'qotilgan yillarim, do'st-u yorlarimning azobidan biroz bosilib, xonadonimga sharaf bilan qaytganimda nima bo'ldi?! Shuncha yil qilgan ishim nimaga yaradi, birodarim Axilles, nimaga kor qildi mening zafarim?! O'lganimdan keyin dostonlarda mavzu bo'layin deb qilgan ishlarimning natijasi meni o'ylantirib qo'ydi axir.

Yaxshi to'qidim, aslida kitobda Agamennon buqadar ko'p gapirmaydi. Lekin men uning aytganlaridan shularni tushundim. Urushlar, istilolar, jang-u jadallar bilan qozonilgan har qancha buyuklikning o'z yonidan o'z qiymatida to'lanadigan to'lovi bo'lishini fotihlar unutib qo'ygandi. Urushning jangohlardan olisdagi yuzini ko'rish uchun mana shu so'zlar kifoya edi.


#mutolaa

@booktional

Qanaqadir GPT promptlar chiqibdi, kitobni mazmunini grafik ko'rinishda tushuntiradigan. Uning eng asosiy mazmunini rasmochqichlar bilan tushuntirar ekan. Va hokazo va hokazo bir nimalar.

G'alatiroqmasmi, mabodo?!

Menimcha, haqiqiy kitobni sevib o'quvchi bunday narsalarga ehtiyoj sezmaydi. O'zi bunday uslub sun'iy idroklar chiqqanidan beri bor edi. Agar shunaqa qilib kitob o'qigandek, kitobni tushungandek bo'laman deydigan bo'lsangiz bu kitob o'qish bo'lmaydi, mutolaadan zavqlanish bo'lmaydi. Bu kitob haqida ma'lumot olish bo'ladi.

Ma'lumotombor bo'lish va mutolaasevar bo'lish orasidagi kam sonlilar qila oladigan tanlovda adashmanglar, aziz kitobxonlar.

#useful

Booktional - kitoblarga oshufta qalblar manzili. 🪐

O'zi kim "yig'lab o'qiladigan kitob - zo'r kitob" degan jinnicha qarashni ommalashtirdi.

So'kdim.

Menga kitob tavsiya qilinglar 🤓 😵‍💫

Menga kitob tavsiya qilinglar
🤓 😵‍💫

https://t.me/booktional_view/2737?single Bu yoqqa o'xshamagan rasmlarimni ulashib turaman.📷 @kinosoy Buyoqda o'z sevimli animation movie (sizlarni tilinglarda multfilm) ulashib turaman. 🎥 https://t.me/+S1KjonaygVVlYzIy Bu yoqda kinolar va shaxsiy fikrlarimni…

O'qishga kirganlar (bechoralar) shu post ostida to'planamiz va tabriklar qabul qilamiz.

Rasman sovchilik/unashtiruv/to'y mavsumi ochiq deb e'lon qilinadi🥳