Demokratik jarayonlarni tahlil qilish markazi|CADP

✅ Маҳаллий Кенгашлар, сиёсий партиялар ва маҳалла ҳамкорлиги — аҳоли муаммоларини ҳал этишнинг муҳим омили

🟢 Демократик жараёнларни таҳлил қилиш маркази Сурхондарё вилояти ҳудудий бўлинмаси ҳамда Ўзбекистон «Миллий тикланиш» демократик партияси Сурхондарё вилоят Кенгаши ҳамкорлигида «Маҳаллани ривожлантириш ва жамиятни юксалтириш йили» доирасида давра суҳбати ташкил этилди.

🟢 Унда маҳаллий вакиллик органлари масъулиятини ошириш, депутатларнинг сайловчилар билан ишлаш амалиётини такомиллаштириш ҳамда маҳаллалардаги долзарб муаммоларни ҳал этишда ҳамкорликни кучайтириш масалалари муҳокама қилинди.

🟢 Тадбир давомида депутатларнинг сайловчилар билан очиқ ва самарали мулоқотини йўлга қўйиш, аҳоли мурожаатларини чуқур ўрганиш, маҳаллалардаги мавжуд муаммоларни маҳаллий Кенгашлар ва уларнинг доимий комиссиялари муҳокамасига олиб чиқишнинг аҳамиятига алоҳида эътибор қаратилди.

🟢 Шунингдек, депутатлик сўровлари самарадорлигини ошириш, уларнинг натижалари юзасидан аҳолини мунтазам хабардор қилиб бориш, депутатлар, сиёсий партиялар фракциялари ва гуруҳлари ҳамда маҳалла институтлари ўртасидаги амалий ҳамкорликни мустаҳкамлаш бўйича фикр алмашилди.

🟢 Қайд этилганидек, аҳоли муаммоларини ўз вақтида аниқлаш ва уларнинг ечимига эришишда маҳаллий Кенгашлар, сиёсий партиялар ва маҳалла институтларининг ўзаро ҳамкорлиги муҳим аҳамият касб этади. Бунда депутатларнинг сайловчилар олдидаги масъулияти, жойлардаги муаммоларни ўрганиш ва уларнинг ҳал этилиши устидан таъсирчан депутатлик назоратини олиб бориш алоҳида ўрин тутади.

🟢 Давра суҳбати якунида аҳоли билан мулоқот самарадорлигини ошириш, депутатлик фаолияти натижадорлигини кучайтириш ҳамда маҳаллий Кенгашлар, сиёсий партиялар ва маҳалла институтлари ўртасидаги ҳамкорликни янада ривожлантириш юзасидан амалий таклиф ва тавсиялар билдирилди.

🚀Telegram| 🌐 Website| 🎬YouTube

ЯНГИ БОСҚИЧ: МАРКАЗИЙ ОСИЁДА ҲАМКОРЛИКДАН ҚЎШМА ҚИЙМАТ ЯРАТИШ САРИ

✅Ўзбекистон Республикаси Президенти Шавкат Мирзиёев 8 октябрь куни Туркманистондаги “Аваза” миллий сайёҳлик зонасида бўлиб ўтган Марказий Осиё ва Озарбайжон давлат раҳбарларининг саккизинчи Маслаҳат учрашувида иштирок этди.

Саммитда Марказий Осиё давлатлари ва Озарбайжон ўртасидаги кўп қиррали ҳамкорликни янада ривожлантириш, минтақавий барқарорликни мустаҳкамлаш ҳамда иқтисодий алоқаларни янги мазмун билан бойитиш масалалари муҳокама қилинди.

📈Учрашувда Президент Шавкат Мирзиёев томонидан илгари сурилган ташаббуслар минтақавий ҳамкорликнинг кейинги босқичи учун муҳим йўналишларни белгилаб берди. Эътиборли жиҳати — бу ташаббуслар мавжуд алоқаларни сақлаб қолиш билан чекланмасдан, уларни аниқ иқтисодий натижа ва қўшма лойиҳаларга айлантиришга қаратилган.

Хусусан, тарихий, иқтисодий ва транспорт алоқалари мавжуд ҳудудлар билан ягона ҳамкорлик маконини шакллантириш ғояси илгари сурилди. Бу ёндашув савдо, транспорт, энергетика, саноат ва янги технологиялар соҳаларидаги имкониятларни бир нуқтада бирлаштириш учун муҳим асос бўла олади.

🔹Иқтисодий ҳамкорликда эса янги ёндашув талаб этилмоқда. Энди фақат тайёр маҳсулотларни ўзаро сотиш эмас, балки давлатларнинг имкониятларини бирлаштириб, биргаликда якуний маҳсулот яратиш устувор вазифага айланиши керак.

Ўзбекистон Президентнинг «Олти иқтисодиёт — битта маҳсулот» формуласи айнан шу мақсадни ифодалайди. Ушбу ёндашув минтақада қўшилган қиймат занжирларини шакллантириш, инвестицияларни жалб қилиш ва ишлаб чиқариш кооперациясини кенгайтириш учун янги имкониятлар яратади.

🖇Шу билан бирга, Марказий Осиёни глобал савдонинг муҳим қуруқлик йўналишларидан бирига айлантириш учун транспорт ва инфратузилмавий лойиҳаларни мувофиқлаштириш масаласи ҳам кун тартибига қўйилди. Бу борада Инфратузилмавий ривожланиш бўйича кенгаш тузиш ташаббуси алоҳида аҳамиятга эга.

Энергетика соҳасида паст углеродли энергетика бўйича қўшма концепция тайёрлаш, муҳим минераллар бўйича минтақавий альянсни ривожлантириш ва минтақадаги захираларнинг ягона рақамли харитасини яратиш таклифлари ҳам келажак иқтисодиёти нуқтаи назаридан стратегик аҳамият касб этади.

⚡️Яна бир муҳим ташаббус — меҳнат бозорининг келгуси эҳтиёжларини ҳисобга олган ҳолда талаб юқори бўладиган касб ва компетенцияларнинг минтақавий атласини ишлаб чиқиш. Бу таълим тизимини иқтисодиётнинг реал эҳтиёжлари билан уйғунлаштириш, янги лойиҳалар учун малакали кадрлар тайёрлаш имконини беради.

Бу ташаббусларнинг умумий жиҳати шундаки, улар минтақадаги мавжуд имкониятларни алоҳида-алоҳида эмас, балки ўзаро боғлиқ ҳолда ривожлантиришга қаратилган. Савдо ва инвестициядан тортиб транспорт, энергетика, муҳим минераллар, технология ва кадрлар тайёрлашгача бўлган йўналишларнинг бир-бири билан уйғунлашуви минтақанинг иқтисодий салоҳиятини янада кенгайтириши мумкин.

📌Энг муҳими, бугун Марказий Осиёда шаклланган ўзаро ишонч ва яқин қўшничилик муҳити аниқ иқтисодий имкониятлар билан тўлдирилмоқда. Ўзбекистоннинг бу жараёнда илгари сураётган ташаббуслари эса мамлакатимизнинг минтақавий ҳамкорликка прагматик ва узоқ муддатли ёндашувини намоён этмоқда.

Зеро, минтақанинг келажак тараққиёти кўп жиҳатдан унинг умумий имкониятларини қай даражада бирлаштира олишига боғлиқ. Бугунги мулоқотлар ва ташаббуслар ана шу салоҳиятни умумий тараққиёт омилига айлантириш учун муҳим замин яратмоқда.

🌐 Каналга уланиш:
@deputat_pardayev_azamat

#MarkaziyOsiyo #fuqarolik_jamiyati #xalqaro_forum

✅ Самарқандда ўтказилган Марказий Осиё фуқаролик жамияти форуми якунлари

🟢 2026 йил 17 сентябрь куни Самарқанд шаҳрида Демократик жараёнларни таҳлил қилиш маркази ташаббуси билан ўтказилган “Демократик тараққиётда фуқаролик жамияти институтларининг аҳамияти: Ўзбекистон ва Марказий Осиё мамлакатлари тажрибаси” мавзусидаги форум 16 та давлатдан келган халқаро экспертлар ва 200 нафарга яқин иштирокчини бир майдонга жамлади.

🟢 Форум якунларида халқчил бошқарув ва ижтимоий шерикликни ривожлантириш, инсон манфаатларини таъминлашда фуқаролик жамияти институтларининг ролини кучайтириш, Марказий Осиё мамлакатлари ўртасида тажриба алмашинуви ва минтақавий мулоқотни кенгайтириш бўйича муҳим таклиф ва ташаббуслар илгари сурилди.

🟢 Якунларга кўра, фуқаролик жамияти институтларини қўллаб-қувватлаш, давлат органлари билан ҳамкорликни мустаҳкамлаш, қўшма ташаббуслар ва минтақавий алоқаларни ривожлантиришга қаратилган резолюция қабул қилинди.

📹 Форум якунлари батафсил — видеода.

🚀Telegram| 🌐 Website| 🎬YouTube

✅ Ўзбекистон–Озарбайжон муносабатларида янги таянч – жамиятлар ўртасидаги алоқалар

🟢 Демократик жараёнларни таҳлил қилиш марказининг Бухоро вилояти ҳудудий бўлинмаси раҳбари Жамшед Жўраев Озарбойжон давлат ахборот агентлигига берган шарҳида икки мамлакат жамиятлари ўртасидаги тўғридан-тўғри ва доимий алоқалар сифат жиҳатидан янги босқич кузатилаётганини таъкидлади. Ҳамкорлик энди расмий дипломатия доирасидан чиқиб, ННТлар, ҳудудлар, университетлар, экспертлар ва медиа ҳамжамиятларини ҳам қамраб олмоқда.

🟢 Бу жараённинг энг муҳим мисолларидан бири – 2026 йилда Ўзбекистон ва Озарбайжон ННТлари учун илк бор эълон қилинган қўшма грант танлови. Унинг ўзига хос жиҳати шундаки, лойиҳалар икки мамлакат фуқаролик жамияти институтлари иштирокида ҳамкорликда амалга оширилиши шарт. Яъни механизм оддий мулоқотни эмас, балки биргаликда ишлаш ва умумий натижа яратишни рағбатлантиради.

🟢 Ҳудудлараро муносабатлар ҳам тобора институционал тус олмоқда. 2025 йил ўрталарига келиб Тошкент-Боку, Самарқанд-Ганжа, Бухоро-Ланкаран, Хива-Шуша, Қўқон-Шеки каби қатор шаҳар ва ҳудудлар ўртасида шериклик алоқалари йўлга қўйилган. Бу эса халқаро ҳамкорликни пойтахтлар даражасидан маҳаллий бизнес, университетлар ва жамоат ташкилотлари даражасига олиб чиқмоқда.

🟢 Таълим соҳасидаги ҳамкорлик ҳам алоҳида стратегик аҳамият касб этмоқда. Ўзбекистон ва Озарбайжон ректорларининг биринчи форуми доирасида 60 дан ортиқ келишув имзоланган бўлиб, улар қўшма таълим дастурлари, академик мобиллик ва илмий тадқиқотларни ривожлантиришни назарда тутади.

🟢 Шу билан бирга, медиа, экспертлик ва ахборот алмашинуви икки жамият ўртасидаги ишонч муҳитини мустаҳкамловчи муҳим омилга айланмоқда.

🟢 Ж.Жўраев фикрича, ҳамкорликнинг кейинги босқичида асосий вазифа тантанали тадбирлар сонини кўпайтириш эмас, балки ННТлар, шаҳарлар, университетлар, экспертлар ва ОАВни бирлаштирувчи доимий жамоатчилик алоқалари инфратузилмасини шакллантиришдан иборат.

🟢 Зеро, давлатлар сиёсий йўналишни белгилаб бериши мумкин, аммо муносабатларнинг ҳақиқий барқарорлиги уларга қанчалик кўп фуқаролар, мутахассислар ва ташкилотлар бевосита жалб этилгани билан белгиланади.

👉 https://azertag.az/ru/xeber/zhamshed_zhuraev_svyazi_mezhdu_obshchestvami_vnosyat_osobyi_vklad_v_azerbaidzhano_uzbekskie_otnosheniya-4378493

https://www.youtube.com/@cadpuzb/videos🚀 Kanalga ulanish https://www.youtube.com/@cpr_uz–

🌐 https://cadp.uz/ | 🎬 https://www.youtube.com/@cadpuzb/videos

✅ Озарбайжоннинг C5 форматига қўшилиши нимани англатади?

🟢 Сўнгги йилларда Марказий Осиёда шаклланган янги сиёсий муҳит энди минтақадан ташқарига ҳам кенгаймоқда. Озарбайжоннинг Марказий Осиё давлатлари раҳбарларининг Маслаҳат учрашувлари форматига қўшилиши ана шу жараённинг муҳим кўринишларидан бири сифатида баҳоланмоқда.

🟢 Олий Мажлис Қонунчилик палатаси депутати Азамат Пардаев Озарбайжон давлат ахборот агентлигига берган шарҳида мазкур жараёнга эътибор қаратиб, уни сўнгги йиллардаги энг аҳамиятли минтақавий ўзгаришлардан бири сифатида қайд этди.

Сўнгги вақтларда амалда Марказий Осиё ва Жанубий Кавказ ўртасида иқтисодий, транспорт ва сиёсий боғлиқликни кучайтириш учун янги майдон шаклланмоқда.

Ўзбекистон ва Озарбайжон ўртасидаги муносабатлар ҳам бу жараён учун муҳим таянч бўлиб хизмат қилмоқда. Сўнгги йилларда икки давлат ҳамкорлиги иттифоқчилик даражасига кўтарилиб, саноат кооперацияси, энергетика, қишлоқ хўжалиги, транспорт, таълим ва бошқа йўналишларда амалий лойиҳалар кенгаймоқда.

Айниқса, Озарбайжоннинг C5 доирасига яқинлашуви:
— Марказий Осиёни Каспий денгизи орқали Европа бозорлари билан боғловчи транспорт йўлакларининг аҳамиятини оширади;
— минтақалараро савдо ва саноат кооперацияси учун янги имкониятлар яратади;
— энергетика ва логистика лойиҳаларини мувофиқлаштиришга хизмат қилади;
— Марказий Осиё ва Жанубий Кавказ ўртасида институционал ҳамкорликни мустаҳкамлайди.

Шу нуқтаи назардан, мазкур жараённи фақат C5 формати кенгайиши сифатида эмас, балки Марказий Осиё–Жанубий Кавказ ўртасида янги геоиқтисодий макон шаклланишининг белгиси сифатида баҳолаш мумкин.

👉 https://azertag.az/ru/xeber/azamat_pardaev_prisoedinenie_azerbaidzhana_k_formatu_c5___odin_iz_naibolee_znachimyh_regionalnyh_processov_poslednih_let___kommentarii-4378009

https://www.youtube.com/@cadpuzb/videos🚀 Kanalga ulanish https://www.youtube.com/@cpr_uz–

🌐 https://cadp.uz/ | 🎬 https://www.youtube.com/@cadpuzb/videos

#xalqaro_forum #fuqarolik_jamiyati #CADP

✅ https://telegra.ph/AHBOROT-HATI-08-06Самарқандда фуқаролик жамияти форуми ўтказилади

🟢 Демократик жараёнларни таҳлил қилиш маркази, БМТнинг Ўзбекистондаги доимий ваколатхонаси, БМТ Тараққиёт дастури ва ЕХҲТнинг Ўзбекистондаги лойиҳалари координатори ташаббуси асосида “Халқаро демократия куни” муносабати билан 2026 йил 17 сентябрь куни “Демократик тараққиётда фуқаролик жамияти институтларининг аҳамияти: Ўзбекистон ва Марказий Осиё мамлакатлари тажрибаси” мавзусидаги Марказий Осиё фуқаролик жамияти форуми ўтказилиш режалаштирилган.

🟢 Форум Олий Мажлис ҳузуридаги жамоат фонди, "Юксалиш" ҳаракати, Прогрессив ислоҳотлар маркази, "Тараққиёт стратегияси" маркази ҳамда Ўзбекистон нодавлат нотижорат ташкилотлари миллий ассоциацияси ҳамкорлигида ташкил қилинади.

🟢 Форумнинг мақсади – Янги Ўзбекистонда фуқаролик жамияти институтларига оид ижобий тажрибани тарғиб қилиш, уларнинг демократик тараққиётдаги ўрни ва аҳамиятини илмий-амалий жиҳатдан муҳокама қилиш, Марказий Осиё давлатлари ўртасида ўзаро тажриба алмашишдан иборат.

🟢 Форум якунлари бўйича алоҳида мақолалар тўплами нашр этилиши режалаштирилган. Тўпламга киритиш учун иштирокчилардан илмий мақолалар ва тезислар [email protected] электрон почтаси орқали 10 сентябрга қадар қабул қилинади.

👉 Мақола ва тезисларга қўйиладиган талаблар билан танишиш учун https://telegra.ph/AHBOROT-HATI-08-06.

https://www.youtube.com/@cadpuzb/videos🚀 Kanalga ulanish https://www.youtube.com/@cpr_uz–

🌐 https://cadp.uz/ | 🎬 https://www.youtube.com/@cadpuzb/videos

✅ Тадбиркорга ишонч – тараққиётга йўл

🟢Тараққиётнинг энг ишончли пойдевори — ташаббусга йўл, меҳнатга рағбат ва хусусий мулкка ишончдир. 2026 йил 18 август куни Хива шаҳрида Президент Шавкат Мирзиёевнинг тадбиркорлар билан ўтказган навбатдаги очиқ мулоқоти ана шу тамойилни янги иқтисодий вазифалар билан мустаҳкамлади. Унда эълон қилинган ташаббуслар тадбиркорларни ғоядан барқарор корхонага, ички бозордан миллий бренд ва экспортгача етаклайдиган яхлит тизимга айланмоқда.

🟢 Демократик жараёнларни таҳлил қилиш маркази Қашқадарё вилояти ҳудудий бўлинмаси раҳбари Даврон Кесимовнинг "Тадбиркорга ишонч – тараққиётга йўл" номли янги мақоласида мамлакатимизда тадбиркорликни қўллаб-қувватлаш борасидаги тизимли ислоҳотлар таҳлил қилинган.

"Тадбиркорга очилган йўл — янги корхонага, янги корхона — иш ўрнига, иш ўрни эса оила фаровонлигига олиб боради. Хивадаги очиқ мулоқотнинг энг катта мазмуни ҳам шунда: давлат ишонч ва имконият эшигини очмоқда, энди уни ҳудудларда аниқ маҳсулот, миллий бренд ва янги экспорт натижасига айлантириш барчамизнинг умумий вазифамиздир", — дейди муаллиф.

https://uza.uz/uz/posts/tadbirkorga-ishonch-taraqqiyotga-yol_897022

https://www.youtube.com/@cadpuzb/videos🚀 Kanalga ulanish https://www.youtube.com/@cpr_uz–

🌐 https://cadp.uz/ | 🎬 https://www.youtube.com/@cadpuzb/videos

✅ Наманганда амалга оширилаётган ислоҳотлар — таҳлил ва натижалар

"Инсон қадри учун" тамойили асосида Наманган вилоятида амалга оширилаётган кенг кўламли ислоҳотлар Наманган МТРКнинг "Янги Ўзбекистон: ислоҳотлар самараси" кўрсатувида муҳокама қилинди.

🟢 Кўрсатувда Демократик жараёнларни таҳлил қилиш маркази Наманган вилояти ҳудудий бўлинмаси раҳбари Муҳаммадали Убайдуллаев ҳудуддаги янгиланишлар, уларнинг аҳоли ҳаёти ва ижтимоий-иқтисодий жараёнларга таъсири юзасидан ўз таҳлил ва фикр-мулоҳазаларини билдирди.

👆 Батафсил — видеода.

https://www.youtube.com/@cadpuzb/videos🚀 Kanalga ulanish https://www.youtube.com/@cpr_uz–

🌐 https://cadp.uz/ | 🎬 https://www.youtube.com/@cadpuzb/videos

✅ "Қашқадарё–2030": ҳудуд тараққиётининг устувор йўналишлари

🟢 Демократик жараёнларни таҳлил қилиш марказининг Қашқадарё вилояти ҳудудий бўлинмаси раҳбари, Халқ депутатлари вилоят Кенгаши депутати Даврон Кесимовнинг "Қашқадарё–2030": салоҳиятдан фаровонлик сари" номли мақоласи эълон қилинди.

🟢 Мақолада Қашқадарё вилоятини 2030 йилга қадар ривожлантиришнинг асосий йўналишлари таҳлил қилинган. Хусусан, саноат ва қишлоқ хўжалигини ривожлантириш, инвестиция ва экспорт ҳажмини ошириш, янги иш ўринлари яратиш, камбағалликни қисқартириш, таълим ва тиббий хизматлар сифатини яхшилаш, сув ресурсларидан самарали фойдаланиш, экологик барқарорликни таъминлаш, қайта тикланувчи энергия ва туризм салоҳиятидан фойдаланиш масалаларига эътибор қаратилган.

🟢 Шунингдек, иқтисодий ўсиш натижаларининг аҳоли турмуш даражаси ва ҳаёт сифатида акс этиши стратегия самарадорлигини баҳолашнинг муҳим мезони сифатида қайд этилган.

👉 https://gov.uz/oz/qashqadaryo/news/view/207092

https://www.youtube.com/@cadpuzb/videos🚀 Kanalga ulanish https://www.youtube.com/@cpr_uz–

🌐 https://cadp.uz/ | 🎬 https://www.youtube.com/@cadpuzb/videos

✅ Ўзбекистон техник жиҳатдан тартибга солиш агентлиги Жамоатчилик кенгашининг навбатдаги йиғилиши бўлиб ўтди

🟢 Мазкур йиғилишда Ўзбекистон стандартлар институтининг 2026 йил январь–июль ойларида амалга оширган ишлари, асосий фаолият кўрсаткичлари ҳамда истиқболдаги вазифалар муҳокама қилинди.

🟢 Йиғилишда Жамоатчилик кенгаши раиси Азамат Пардаев, кенгаш аъзолари, Агентлик ҳамда Ўзбекистон стандартлар институти масъуллари иштирок этди. Унда стандартлаштириш тизимида амалга оширилаётган ислоҳотлар, жамоатчилик назорати, аҳоли ва тадбиркорлик субъектлари билан очиқ мулоқотни кучайтириш масалаларига алоҳида эътибор қаратилди.

🟢 Жамоатчилик кенгаши раиси томонидан узоқ йиллар давомида қайта кўриб чиқилмаган, замонавий технологик жараёнлар ва халқаро талабларга мос келмайдиган стандартларни босқичма-босқич хатловдан ўтказиш, уларни янгилаш ёки бекор қилиш бўйича таклифлар билдирилди. Шунингдек, стандартларни излаш ва улардан фойдаланиш жараёнларини соддалаштириш, электрон хизматларни ривожлантириш ҳамда соҳа мутахассисларининг касбий салоҳиятини мунтазам ошириш муҳим вазифа сифатида қайд этилди.

👉 https://t.me/UzstandardChannel

https://www.youtube.com/@cadpuzb/videos🚀 Kanalga ulanish https://www.youtube.com/@cpr_uz–

🌐 https://cadp.uz/ | 🎬 https://www.youtube.com/@cadpuzb/videos

Ҳудудлардан хабарлар

Самарқандда “Медиа ҳафталик” бошланди

27 апрель куни Самарқандда “Медиа ҳафталик” бошланди.
Ҳафталик доирасидаги машғулотларда ахборот хизматлари, даврий нашрлар вакиллари, блогерлар иштирок этмоқда.

Жараёнда мамлакатнинг етакчи медиа-экспертлари, муҳаррир ва продюсерлари иштирокида контент яратиш, фактчекинг, рақамли гигиена, SMM ва стратегик коммуникациялар каби муҳим мавзулар бўйича тренинглар олиб борилади.

Медиа соҳасида профессионал стандартларни шакллантириш, ахборот хизматлари ходимлари, журналист ва блогерлар компетенциясини оширишга қаратилган ушбу ҳафталик жамиятда жамоатчилик назорати, давлат идоралари очиқлик ва ҳисобдорлиги механизмлари самарадорлигини таъминлашга хизмат қилади.


https://www.youtube.com/@cadpuzb/videos🚀 Kanalga ulanish –

🌐 https://cadp.uz/ | https://www.youtube.com/@cadpuzb/videos

#hududlardan_xabarlar

ILM MAYDONIDAGI NATIJA: RAQOBAT EMAS, IMKONIYAT

Namanganda bir hafta davom etgan Abu Ali ibn Sino nomidagi xalqaro biologiya olimpiadasi yakunlandi.

Olimpiadada 12 davlatdan kelgan iqtidorli oʻquvchilar ishtirok etib, yakuniy natijalarga koʻra, 27 nafar ishtirokchi bronza, 19 nafar kumush, 11 nafar esa oltin medal bilan taqdirlandi.
Oʻzbekiston terma jamoasi ham munosib ishtirok etib, jami 11 ta medalni qoʻlga kiritdi (2 oltin, 3 kumush, 6 bronza).

Bu kabi nufuzli olimpiadalar yoshlarda ilm olishga bo‘lgan qiziqishni oshirib, ilmiy fikrlash, raqobatbardoshlik va xalqaro muhitda ishlash koʻnikmalarini shakllantiradi.

Qolaversa, O’zbekistonning ta’lim va ilm sohasidagi nufuzini oshirib, xalqaro hamkorlikni kengaytiradi.

Shu maʼnoda, bu jarayon 100 nafarga yaqin ishtirokchi uchun kelajakdagi ilmiy yoʻlini belgilab beruvchi muhim bosqich boʻldi.


https://www.youtube.com/@cadpuzb/videos🚀 Kanalga ulanish –

🌐 https://cadp.uz/ | https://www.youtube.com/@cadpuzb/videos

Ҳудудлардан хабарлар

Германия – меҳнат миграциясида стратегик ҳамкор

“KlettEdu” рекрутинг компанияси мамлакатимиз ёшларини немис тилига ўқитиш ва Германияда иш ўринлари билан таъминлашда фаол ҳамкорлик қилаётган хорижий компаниялардан бири.

25 апрель куни Бухорода Миграция ҳамда Ёшлар ишлари агентликлари ҳудудий бўлинмалари бошлиқлари мазкур компания раҳбари Ferdinant Aen билан учрашиб, бепул немис тили курсларини кенгайтириш масаласини муҳокама қилдилар.

Таъкидлаш мумкинки, айни пайтда вилоятда ташкил этилган бепул курсларда 100 нафарга яқин хотин-қизлар таҳсил олмоқда.

Бундай лойиҳалар бандликни таъминлаш ва аҳоли даромадларини оширишда стратегик аҳамиятга эга. Халқаро стандартлар асосида кадрлар тайёрлаш тизимининг йўлга қўйилиши эса ёшларнинг глобал меҳнат бозоридаги рақобатбардошлигини янада мустаҳкамлайди.


https://www.youtube.com/@cadpuzb/videos🚀 Kanalga ulanish –

🌐 https://cadp.uz/ | https://www.youtube.com/@cadpuzb/videos

Ҳудудлардан хабарлар

Бухоро – халқаро ҳамкорликнинг муҳим иштирокчиси

22 апрель куни Бухоро вилояти ҳокими Ботир Зарипов Афғонистон Саноат ва савдо вазири Нуриддин Азизий бошчилигидаги делегация билан учрашди.

Унда озиқ-овқат, текстиль, қурилиш ва фармацевтика маҳсулотлари экспорти имкониятлари муҳокама қилинди. Тадбиркорлар ўртасида B2B учрашувлар ўтказилиб, қатор келишувлар имзоланди.

Ушбу ташриф Бухоронинг халқаро иқтисодий ҳамкорликнинг муҳим иширокчисига айлангани, туризм ва экспорт имкониятлари учун янги саҳифа очилаётганини тасдиқлайди.

Энг муҳими, қўшни бозор билан тўғридан-тўғри иқтисодий мулоқот ҳудуднинг инвестицион жозибадорлигини кучайтиради.


https://www.youtube.com/@cadpuzb/videos🚀 Kanalga ulanish –

🌐 https://cadp.uz/ | https://www.youtube.com/@cadpuzb/videos

Ҳудудлардан хабарлар

Маҳаллаларда сервис хизмати: сифат ва бандлик уйғунлиги

Жорий йил 23 апрель куни Хоразм вилоятида “Маҳалла сервис компаниялари” фаолиятини ташкил этиш ва ривожлантиришга бағишланган амалий ўқув-семинар бўлиб ўтди.

Тадбирда Президент қарори асосида маҳаллабай ишлаш тизимини янги босқичга олиб чиқиш, яъни хусусий сервис компаниялари орқали сифатли коммунал ва ижтимоий хизматлар кўрсатишни ташкил этиш юзасидан зарур тавсиялар берилди.

Таъкидлаш жоизки, янги тизим маҳаллаларда яшаш шароитларини яхшилаш, аҳоли бандлигини таъминлаш ҳамда кичик бизнес учун янги имкониятлар яратишда муҳим аҳамиятга эга. Бу эса маҳаллалар озодалиги ва иқтисодий фаоллигини оширади.


https://www.youtube.com/@cadpuzb/videos🚀 Kanalga ulanish –

🌐 https://cadp.uz/ | https://www.youtube.com/@cadpuzb/videos