Faqat Endocrine

Aytishlaricha diabet diagnozi qo'yilgan bemorlarning aksariyati diabetiklar maxfiy tashkilotiga a’zo ekan va ular yashirincha kim o'zarga glukozasini balandroq qilish o'ynasharkan.

Ular nimalar qondagi glukozani ko'tarishini xatto shifokorlardan yaxshi bilishadi.

Bu tashkilot a’zolariga risklarni tushuntirsangiz ham dieta va jismoniy mehnat, hayot tarziga amal qilishni xohlashmaydi. Shundan bilib olasiz.

Ogoh bo’ling ular oramizda🥶

12-haftalik Homilador ayol TSH miqdori 3.0 mIU/L Ginekolog tavsiyasiga ko'ra Dyufaston ichadi. Hozirda Siydik yo'llari infeksiyasi aniqlangan. Bog'langan billuribin yuqori. Next step management qanday bo'lishi kerak deb hisoblaysiz?

Bemorda Thyrotoxic holat ham Anti-TPO baland and Anti-TSH antibody baland bo'lsa, qanday diagnoz qo'yasiz?

Oftalmapatiya yo'q.

Siz sohangizni juda yaxshi bilasiz, bunga shubha yo'q. Lekin judayam detallarga boy ko'rsatmalar berishingiz bemor ko'rsatmalarni chalkashtirib yuborishiga olib kelishi mumkin.

Bemorning "tushundim" - degan gapi doim ham tushunganini anglatmaydi. Bazan u shunchaki tasdiqlash uchun yoki nimadir deyishim kerak, bo'lmasam savodsizdek ko'rinaman degan fikr bilan ham "ha tushundim" deydi savolingizga.

Diabetik bemorlar ayniqsa, yoshi katta bemorlar bilan ishlashda shu kabi vaziyatlarni hisobga oling.

Oddiy gaplar lekin reallikda juda muhim chunki bemor ko'rsatmalarizga amal qilmasa, ming juda ajoyib taktika qo'llagan bo'lmang, oxirida natija bo'lmaganida sizni ayblaydi.

Demak mavzu aktual. Bu reputatsiyangiz masalasi axir.

Doctor Hause ning "Ko'ngildan chiqqani ko'ngilga boradi", "Hamma aldaydi" - degan gaplari esimga tushib, bir dardlashay dedimda siz bilan😁

Diabetik bemorizda ayniqsa 1-tip diabetiklarda, kasallik (shamollash, infeksiya) davrida qondagi glyukoza darajasini o'lchash chastotasi oshiriladi.

O'lchovlar har 2-3 soatda, hatto tun davomida ham amalga oshirilishi kerak.

Zarur hollarda bu chastotani har 1-2 soatgacha oshirish yoki imkon bo'lsa, uzluksiz glyukozani monitoring qilish (CGM) tizimidan foydalanish tavsiya etiladi.

SGLT-2 ingibitorlari qo’llarkansiz. Osmotik diurez hisobidan gipovolemiya kuzatilishini, bemorda diareya, qayt qilish kabi suyuqlik yo’qotiladigan holatlar bu guruh dorilar tasiridagi gipovolemiyani battar qilishini hisobga oling.

Bunday vaziyatda juda muhim hayotiy organlarga masalan buyrakka qon yaxshi yetib bormaydi. Va juda tez bir necha 10 daqiqadan soatlargacha bo’lgan muddatda orqaga qaytmas bo’lib ishdan chiqishi mumkin buyrak funksiyasi.

Bu vaziyatni qanday bilamiz dersiz?!
Bemorda ortostatik gipotenziya(suyuqlik kamligi uchun) va eGFR(СКФ) tushib ketadi.
Bu dorini to’xtatish uchun ko’rsatma hisoblanadi.

Bu vaziyatda Creatinine dastlab normal ekanligiga aldanmang. Sirkulator hajm kamligi uchun muskullarga ham qon kam borgan va creatinine dastlab normada turadi. Shuningdek muammo filtratsiyada bo’lmaydi. Bu ham creatinine ni normada turishiga sabab bo’ladi.

Qoidaga ko’ra eGFR <30 bo’lsa SGLT-2 ingibitor to’xtatiladi. Yuqoridagi vaziyatda esa <30 dan past bo’lishini kutmang.

Organizm o’zi sizga hamma narsa haqida shivirlaydi. Quloq solsangiz bo’lgani

Foydali deb topsangiz Endokrinolog do’stlaringizga yuborib qo’yishni unutmang👋

Bir muddat oldin juda go'zal bo'lganlarni ko'rdik. Akromegaliya qalbidagi go'zalligidan boshqa barchasini yo'q qilib tashlagan.

@faqatEndocrine

Xatto o'zini aldab yashaydigan odamlar, qanday qilib shifokorga yolg'on gapirmasin.

130 kg li qandli diabeti bor bemorga "Ovqatlanish tartibi qanaqa, shunga qarab sizga davo belgilaymiz" - desam, "Deyarli hech nima yemiyman" - deganidan keyin yana bir marta amin bo'ldimki, hamma aldaydi.

O’zbekiston quyoshli mamlakat.

Lekin bemorlarimning juda ko’pida quyoshdan paydo bo’luvchi vitamin D kam chiqadi.

Nazarimda quyosh bilan munosabatimizni ham qayta ko’rib chiqishimiz kerak😁

Bolada bo'y o'sishi bilan bog'liq muammo bo'lsa

O'sishi past + vazni past = ichakda muammo(Kron, Seliakiya..), yallig'lanish yoki oziqlanish bilan bog'liq muammo haqida o'ylang;

O'sishi past + vazni normal yoki yuqori = endokrin yoki steroidlar fonidagi jarayon haqida o'ylang

Do’xtir xalqning bolasi bo’lishi kerak.

Onasi duo qilsa baraka topadi.

Onasining kasalligiga yechim berish hisobiga yashashni o’ylash insoniylikka to’g’ri kelmaydi.

“Odamlar ko’proq kasal bo’lsin tushum yaxshi bo’ladi” - deydiganlar ham bor. Bu xususiy klinikalar bilan bog’liq muammo.

Niyatni to’g’ri qilaylik.

“Shu paytdayam keladimi?!” - deydiganlar ham bor. Bu davlat klinikalari bilan bog’liq muammo.

Adolat soati bilan smenezdagi soat mos tushsin. Rizqni halollab olaylik.

Ensani qotiradigan gaplarni ham kimdir gapirish kerakku.
Nima dediz?

Kasallik aniqlanmadi degani ham diagnoz.

Odamlar bazan sog’lom bo’lishi ham mumkin

“Ishchi diagnoz” yopishtirishga urinmang.

Bemor konsultatsiyaga pul to’ladi degani shifokor qandaydir kasallik aniqlab berishi shart degani emas.

Siz hech nimaga majbur emassiz hurmatli hamkasb😊


@faqatEndocrine

“Qayerda bo’lsez ham topib boramiz, do’xtir” - degan gapni taxdit deb bilmasangiz, siz to’g’ri yo’ldasiz😁


@faqatEndocrine

Bemorlarni qo’rqitish mumkin emas.

Hurmatga erishish, motivatsiya shakllantirish orqali ham istalgan xulq atvorni shakllantirish mumkin ularda.

Gap uqmas bemorlarni qo’rqitmasez bo’lmaydi dersiz.

Unda sizga psixiatriya asoslarini, positive va negative reinforcement va punishment kabi bazal metodlarni qo’llab ko’rishni tavsiya qilaman.

Ochig’ini aytaman men tibbiyotda hamma narsani bilmayman.

Shunchaki nimani bilsam, boridan foydalanishga urinaman.

Siz alternative takliflar bersangiz ham jon deb o’rganib olaman😊

Bemorlar ham odam faqat sog’lig’ida muammosi bor odam.

Ular klient emas, biz sotuvchi emasmiz

Bemorlarga har qanday dori darmondan oldin, tushunilish va do’stona munosabat kerak.

Umid qilamanki Endokrinologik holatlarga biroz hazilomuz yondashuvim hech kimni hafa qilmaydi.

Agar kimnidir jahlini chiqargan bo’lsam, ayb mendamas gormonlarizda bo’lishi mumkin.

Jahldorlar, keling o’zim davolab qo’yaman😊

Ayollar juda 90x60x90 bo'lib ketishi shart emas, 90x80x90 ham bo'laveradi😁

Chunki bel aylanasi 80 sm dan yuqori bo'lsa, metabolik sindrom uchun shubxa uyg'onadi.

Shubxali bo'lish yaxshimas lekin sizga aytsam🤦🏻‍♂️😂


@FaqatEndocrine

Insulinoterapiya boshlanganda boshqa gipoglikemik preparatlarni davom ettirish yoki bekor qilish taktikasi qanday?

Kombinatsiyalangan terapiya (insulin va boshqa gipoglikemik preparatlar) glikemik nishonlariga erishish bilan birga, umumiy insulin ehtiyojini va vazn ortishini kamaytirishi mumkin. Lekin, polifarmatsiya xavfi va qo'shimcha xarajatlarni ham hisobga olish kerak.

Preparatlar bo'yicha taktika:

- Metformin: Odatda insulin bilan birga davom ettiriladi.

- GLP-1 va SGLT2 ingibitorlari: Ayniqsa yurak, vazn yo'qotish va buyrak foydasi uchun qo'llanilgan bo'lsa, davom ettirilishi mumkin.

- DPP-4 ingibitorlari: Bazal insulin bilan foydali bo'lishi mumkin bo'lsa-da, prandial insulin boshlanganda odatda bekor qilinadi (ko'pchilik hollarda to'xtatish afzal).

- Sulfonilmochevina, meglitinidlar va pioglitazon: Insulin (ayniqsa prandial insulin) boshlanganda, nisbiy samaradorligi pasayishi va nojo'ya ta'sirlar tufayli odatda kamaytiriladi va to'xtatiladi.

Istisno: Pioglitazon faqat og'ir insulin rezistentligi (masalan, lipodistrofiya) bo'lganlarda insulin bilan qo'shilishi mumkin.

@faqatEndocrine