Jahongir Ganiev⚖️

2009-yilda Janubiy Koreyaning Kyonsannam-do viloyati Changvon shahrida taksi haydovchisini o‘ldirganlikda ayblanib, umrbod qamoq jazosiga hukm qilingan O‘zbekiston fuqarosi Bozorov Akmal (37 yosh) 15-kuni sudning ishni qayta ko‘rishni boshlash va jazoni ijro etishni to‘xtatib turish haqidagi qaroridan so‘ng, qariyb 17 yil deganda qamoqxonadan chiqdi.

Shu kuni soat 18:35 atrofida Changvon qamoqxonasidan chiqqan Akmal ko‘z yoshlarini tiyolmay, qamoqxonaning asosiy darvozasi oldida uni kutib turgan otasini quchoqladi.

Akmal shunday dedi:
“Shu paytgacha nohaqlik azobini tortib yashadim. Shu bilan birga, jabrlanuvchining oila a’zolari ham katta aziyat chekayotgandek tuyulib, ulardan chin dildan uzr so‘rayman. Oldinda qolgan sud jarayonida bor haqiqatni aytaman”.
Bu so‘zlar uning ishni qayta ko‘rishni boshlash masalasi muhokama qilingan sud jarayonlarida marhumning yaqinlari yana qayg‘uli xotiralarni eslab, qiynalgan bo‘lishidan xavotir bildirgani sifatida talqin qilinmoqda.

Sudning bu galgi qarori haqida u:
“Shunchaki ko‘z yoshimdan boshqa hech narsa kelmadi. Shuncha vaqtdan keyin tashqariga chiqqanimga hali ham ishona olmayapman”, — dedi.

U yana shunday ta’kidladi:
“Ishni qayta ko‘rish bo‘yicha sud jarayoni yakunlanib, menga nisbatan qo‘yilgan nohaq ayblovlardan to‘liq oqlanganimdan keyin, imkon qadar tezroq ota-onam yashaydigan ona yurtimga qaytishni istayman. Menga yordam bergan advokat Pak Jun Yongga ham minnatdorchilik bildiraman”.
Akmal va uning vakillari shu kuni marhumning yaqinlari huzuriga borib, ular bilan ko‘rishganidan so‘ng ishni qayta ko‘rish jarayoniga jiddiy tayyorgarlik boshlaydi.

U 2009-yil mart oyida Changvon shahri Uichang-gu tumani Myongso-dong hududida 50 yoshlardagi taksi haydovchisini o‘ldirib, pul va qimmatbaho buyumlarini talon-toroj qilganlik — ya’ni bosqinchilik bilan bog‘liq qotillik va boshqa ayblovlar bo‘yicha sudlangan. Keyingi yili Oliy sud hukmni qonuniy kuchda qoldirgan.

Koreyaga talaba sifatida kelgan Akmal 2009-yil iyul oyida Changvonda taksida bosqinchilik qilganlik gumoni bilan hibsga olingan. Shundan so‘ng u mazkur taksi haydovchisining bosqinchilik bilan bog‘liq qotilligi bo‘yicha gumon qilinuvchi sifatida ko‘rsatilgan.

Keyinchalik u ishini qayta ko‘rishni so‘rab murojaat qilgan, biroq arizasi rad etilgan. O‘tgan yil yanvar oyida esa asosan ishlarni qayta ko‘rish bilan shug‘ullanuvchi advokat Pak Jun Yong orqali sudga yana ariza topshirgan.
Sud o‘sha paytda politsiya xodimlari tergov davomida Akmalni aybini tan olishga undash maqsadida unga “voqea joyidan sening DNKing topildi” yoki “vafot etgan jabrlanuvchi tirik” deb yolg‘on ma’lumot berganini tan oldi. Shuningdek, uning tarjimon yordamidan foydalanish huquqi buzilgan, deb topdi.

Shu asosda sud 15-kuni ishni qayta ko‘rishni boshlash va jazoni ijro etishni to‘xtatib turish haqida qaror chiqardi.

Seul immigratsiyasi 배달 bo‘yicha reydlarni jiddiy boshlagan yana. Juda ko‘pchilikni tergovga chaqirishyapti...

Juda ko‘p joylardan ma’lumot yig‘ishgan ekan. Boshliqlar hatto Telegramdagi yozishmalargacha berishgan ekan.

사장님:"축구 봤어 자헌아?우리가 2:0으로 이겼네”

“아뇨, 저 야구 팬입니다…

Koreyada 2026-yil uchun aholi jon boshiga GNI taxminan 45 ming dollar bo‘lishi kutilmoqda. Dollar kursini shartli 1 350 von deb hisoblasak, bu 60 mln 750 ming von degani. Agar shu prognoz tasdiqlansa, GNIga bog‘liq viza daromad talablari ham oshishi mumkin.

Hozircha bu taxmin, rasmiy miqdor hali e’lon qilinmagan.
https://news.einfomax.co.kr/news/articleView.html?idxno=4436368&utm_source=chatgpt.com&fbclid=IwdGRjcAUutnljbGNrBS62PGV4dG4DYWVtAjExAHBkb2YFc3J0YwZhcHBfaWQMMzUwNjg1NTMxNzI4AAEeKhCG5oDPxFaw8rXQqvHra1BIYVVEH6bpGQis0lWnTedhiXfnZZbx65BGI8c_aem_bYqhuY8ucMCFjFrPHZRP3A

O‘zbekistonda katta o‘zgarishlar bo‘layotganini bu safar kelib yanada ko‘proq his qildim.

Har qadamda o‘quv markazlari, xususiy maktablar. Ayrimlaridagi sharoitlarni ko‘rib, odamning o‘zi ham yana o‘qigisi kelib ketadi. Ilm olish uchun imkoniyatlar ham, tanlov ham ancha ko‘paygan.

Kundalik xizmatlarda ham qulayliklarni sezdim. Banklarda navbat tizimlashtirilgan. Davlat xizmatlaridan xohlasangiz onlayn, xohlasangiz borib foydalanasiz. Ko‘p hujjatlarni avvalgidek ortiqcha yugur-yugurlarsiz olish mumkin. Bunday o‘zgarishlar odamning vaqtini ham, asabini ham tejaydi.

Koreyada ota-onalarning: «Farzandim mana shu o'quv markazda o‘qiydi, mana bu yaxshi kursga boradi», deb faxrlanib gapirishlariga ko‘p guvoh bo‘lganman. Hozir O‘zbekistonda ham shunday ota-onalarni ko‘ryapman. Farzandining ta’limiga jiddiy e’tibor berib, imkoniyati yetganicha yaxshi maktab va kurslarni tanlayotganlar talaygina.

Meni ayniqsa shu holat quvontirdi. Ota-onalar farzandining bilimiga mablag‘ va vaqt ajratayotgani, bolalar uchun tanlov ko‘payayotgani — kelajak uchun katta umid beradi.

Yurtimizdagi yaxshi o‘zgarishlarni ham ko‘ra bilish va qadrlash kerak. Men bu safar ularni ko‘rib, chin dildan xursand bo‘ldim.

F-2-R vizasida yurganlar, sizlarda yillik daromadni GNI miqdoriga yetkazishni iloji bormi o'zi? 🤔

Oyliklar unchalik yuqori emas, deb eshitgandim. Yuqoridagi inson esa oziq-ovqat kompaniyasida ishlab, oxirgi ikki yilning har birida GNI miqdoridan yuqori daromad qilgan ekan.

Sizlarda vaziyat qanday? Asosiy oylikning o‘zi yetadimi yoki qo‘shimcha ish soatlari va bonuslar hisobiga yetkazyapsizlarmi?

F-5 — 영주권 olish uchun qancha rasmiy daromad kerak? GNI talablarini tushunib olaylik.

Ko‘pchilik “F-5 uchun daromad GNI ning bir baravari bo‘lishi kerakmi yoki ikki baravari?” deb so‘raydi. Javob siz topshirayotgan F-5 turiga bog‘liq. Hamma 영주권 uchun bir xil daromad talabi qo‘yilmaydi.

GNI — Koreyaning bir kishiga to‘g‘ri keladigan yillik yalpi milliy daromadi. Bu eng kam ish haqi emas. Immigratsiya ayrim vizalar uchun daromad talabini aynan shu ko‘rsatkichga qarab belgilaydi.

2026-yil 1-apreldan 2027-yil 31-martgacha qo‘llanadigan GNI bazasi — 52 416 000 von, ya’ni 5 241,6만 원. Shunga ko‘ra, GNI ning bir baravari yiliga 52 416 000 von, ikki baravari esa 104 832 000 von — 1억 483만 2천 원 bo‘ladi.

F-5-1 — umumiy 영주권 uchun odatiy daromad talabi GNI ning ikki baravari. Hozirgi baza bilan bu yiliga kamida 104 832 000 von degani. E-7, D-8, D-9 yoki tegishli F-2 maqomidan ushbu turga topshirayotgan odam faqat yashash muddatiga emas, daromad talabiga ham qarashi kerak.

F-2-7 dan o‘tiladigan F-5-16 uchun ham odatiy talab GNI ning ikki baravari — yiliga 104 832 000 von. Demak, F-2-7 da 3 yil yashaganingizning o‘zi yetmaydi: daromad va boshqa shartlar ham bajarilishi kerak. Ayrim turlarda belgilangan sof mol-mulk mezoni orqali ta’minot qobiliyatini isbotlash imkoniyati ham bor.

F-5-10 — tegishli bakalavr, magistr diplomi yoki texnik malaka asosidagi 영주권 uchun daromad talabi GNI ning bir baravari. Hozir bu yiliga kamida 52 416 000 von degani. Ushbu turda ariza beruvchining o‘z daromadi hisobga olinadi. “Ayolim yoki erimning daromadini qo‘shib, talabni to‘ldiraman” degan hisob F-5-10 uchun to‘g‘ri kelmaydi. Diplomdan tashqari ish va yashash muddati talablari ham bajarilishi kerak.

Koreyada doktorlik diplomini olganlar uchun F-5-15, koreys fuqarosining turmush o‘rtog‘i uchun F-5-2, odatiy 영주권 egasining turmush o‘rtog‘i yoki voyaga yetmagan farzandi uchun F-5-4, ball tizimi orqali 영주권 olgan shaxsning tegishli oilasi uchun F-5-18 yo‘llarida asosiy daromad mezoni odatda GNI ning bir baravari hisoblanadi. Oilaviy daromadni qo‘shish, mol-mulk bilan tasdiqlash va yengilliklar esa har bir tur bo‘yicha alohida tekshiriladi.

Bu raqamlarni oyga bo‘lsak, bir baravar GNI 4 368 000 von, ikki baravar GNI esa 8 736 000 von chiqadi. Lekin bu faqat tushunish uchun hisob: immigratsiya yillik, hujjat bilan tasdiqlangan daromadni tekshiradi.

Yana bir muhim masala: bank kartasiga tushgan jami pul, korxonaning savdo aylanmasi va shaxsiy daromad bir xil narsa emas. Ayniqsa biznes qilayotganlar “yiliga 2억 savdo qildim, demak daromadim ham 2억” deb hisoblamasin. Soliq hujjatlarida ko‘rsatilgan va immigratsiya tan oladigan daromadni tekshirish kerak.

영주권ga tayyorgarlikni avval mos F-5 turini aniqlashdan boshlang. Bir yo‘lda sizdan GNI ning ikki baravari talab qilinsa, diplomingiz va ish holatingizga mos boshqa yo‘lda bir baravari talab qilinishi mumkin. Shuning uchun vizangiz, diplomingiz, ish tarixingiz va rasmiy daromadingizni birgalikda baholab, keyin reja tuzing.

Ushbu summalar 2026-yil 1-oktabr holatidagi qo‘llanadigan GNI bazasi bilan hisoblandi. Keyingi davr uchun baza yangilanganda talab qilinadigan summa ham o‘zgaradi.

E-7-4 vizasiga 2024-yil 27-noyabrdan keyin ariza topshirgan, ammo Topik 2-darajaga ega bo‘lmagan ishchilar uchun koreys tilini bilish talabi majburiy hisoblanadi!

2024-yil 27-noyabr kuni koreys tili bo‘yicha 2-darajasiz E-7-4 vizasiga o‘tgan ishchilar vizasini 2026-yil 31-dekabrgacha uzaytirishda koreys tili talabini bajarishlari kerak.

Ba’zi odamlar: «Joriy yilning 31-dekabrigacha koreys tili sertifikati talab qilinmaydi», deyishmoqda. Ammo bu ma’lumot faqat ayrim holatlardagina to‘g‘ri.

Agar siz 2024-yil 27-noyabrdan keyin E-7-4 vizasiga o‘tgan bo‘lsangiz, asosiy qoidaga ko‘ra, koreys tili talabini bajarmasdan joriy yilda vizangizni uzaytira olmaysiz.

Biroq bunday holatda ham E-7-4 vizasini oxirgi marta 6 oyga uzaytirib berishlari mumkin.Agar ushbu 6 oy ichida ham koreys tili bo‘yicha 2-darajani olmasangiz, keyinchalik vizangiz boshqa uzaytirilmaydi.

Shuning uchun koreys tilini oldindan tayyorlab, kerakli darajani o‘z vaqtida olib qo‘ying!

Koreyada mashina sug'urtasi bo'lgan 책임보험 va 종합보험: farqi, qoplash chegarasi va narxi

Koreyada ko‘pchilik vatandoshlarimiz avtomobil sug‘urtasining arzonroq turi —va ko'pchilik tilida O'zbekcha pohom bo'lib qolgan 책임보험, ya’ni minimal majburiy sug‘urta bilan yurishadi.😬

Lekin 책임보험 borligi avariya natijasida yetkazilgan barcha zararlarni sug‘urta kompaniyasi to‘liq qoplaydi degani emas.

1. 책임보험 nima?
책임보험 — avtomobil egasi qonun bo‘yicha majburiy ravishda qilishi kerak bo‘lgan minimal sug‘urta.

U asosan quyidagilarni qoplaydi:
▪️ 대인배상Ⅰ — siz sababli boshqa odam jarohatlansa yoki vafot etsa;
▪️ 대물배상 — boshqa avtomobil yoki mol-mulkka zarar yetkazilsa.
Minimal 대물배상 chegarasi bir avariya uchun 20 million von.

Masalan, siz 70 million vonlik avtomobilga zarar yetkazdingiz. Agar 대물 sug‘urtangiz faqat 20 million von bo‘lsa, sug‘urta shu limitgacha to‘laydi. Qolgan zarar aybdor haydovchining zimmasida qolishi mumkin.

Shuning uchun 책임보험ni “faqat bir tomonni qoplaydigan sug‘urta” deb tushunish qisman to‘g‘ri. U asosan qarshi tomon zararini qoplaydi, lekin faqat belgilangan chegaragacha. O‘z avtomobilingizning zarari esa odatda qoplanmaydi.

2. Odam jarohatlansa qancha qoplanadi?
책임보험dagi 대인배상Ⅰ to‘lovi jarohatning shifokor tomonidant belgilangan 상해급수 — jarohat darajasi asosida hisoblanadi.
Yo‘l-transport hodisalarida ko‘p uchraydigan:
▪️ 척추 염좌 — bo‘yin yoki bel umurtqasining cho‘zilishi;
▪️ qo‘l-oyoq mushaklari va paylarining yengil cho‘zilishi;
▪️ avariyadan keyingi o‘tkir stress holati
odatda 12급 jarohat darajasiga kiritiladi.
⚠️ 12급 uchun 책임보험ning maksimal qoplash chegarasi — 1 200 000 von.
Bu faqat kasalxona uchun ajratilgan alohida pul emas. Davolanish xarajati va jabrlanuvchiga tegishli boshqa zararlar ham shu umumiy limit doirasida hisoblanadi.

Jarohat darajalari bo‘yicha maksimal limitlar:
▪️ 1급 — 30 million von
▪️ 2급 — 15 million von
▪️ 3급 — 12 million von
▪️ 4급 — 10 million von
▪️ 5급 — 9 million von
▪️ 6급 — 7 million von
▪️ 7급 — 5 million von
▪️ 8급 — 3 million von
▪️ 9급 — 2,4 million von
▪️ 10급 — 2 million von
▪️ 11급 — 1,6 million von
▪️ 12급 — 1,2 million von
▪️ 13급 — 800 ming von
▪️ 14급 — 500 ming von

O‘lim holatida 대인배상Ⅰ bo‘yicha bir jabrlanuvchiga maksimal 150 million vongacha qoplanadi. Ammo haqiqiy zarar belgilangan limitdan oshsa, ortiqcha qismi aybdor haydovchidan talab qilinishi mumkin.

3. 종합보험 nima?
종합보험 — majburiy sug‘urtaga qo‘shimcha ravishda kengroq himoya beradigan avtomobil sug‘urtasi.
Unga quyidagilarni kiritish mumkin:
✅ 대인배상Ⅱ — 대인배상Ⅰ limitidan oshgan inson salomatligiga yetkazilgan zarar; odatda 무한, ya’ni limitsiz tanlanadi.
✅ 대물배상 — boshqa avtomobil va mol-mulk zarari; 200 million, 500 million yoki 1 milliard von kabi yuqori limit tanlanishi mumkin.
✅ 자동차상해 yoki 자기신체사고 — haydovchi va avtomobildagi sug‘urtalangan odamlarning jarohati.
✅ 무보험자동차에 의한 상해 — sug‘urtasiz yoki qochib ketgan avtomobil sababli jarohatlanish.
✅ 자기차량손해(자차) — o‘z avtomobilingizning zarari.

종합보험 qilganingiz o‘z avtomobilingiz avtomatik ravishda qoplanadi degani emas. Buning uchun polisda 자기차량손해(자차) alohida kiritilgan bo‘lishi kerak.

4. Narxlari qancha farq qiladi?
책임보험 va 종합보험 uchun hammaga bir xil belgilangan narx yo‘q. Sug‘urta summasi har bir haydovchi uchun alohida hisoblanadi.
Narxga quyidagilar ta’sir qiladi:
▪️ haydovchining yoshi;
▪️ avtomobil modeli, ishlab chiqarilgan yili va qiymati;
▪️ Koreyadagi sug‘urta tajribasi;
▪️ avariya va sug‘urta to‘lovlari tarixi;
▪️ yo‘l harakati qoidabuzarliklari;
▪️ avtomobilni kimlar boshqarishi;
▪️ tanlangan qoplash limitlari;
▪️ 자차 qo‘shilgan yoki qo‘shilmagani;
▪️ sug‘urtani agent yoki internet orqali rasmiylashtirish.

보험개발원 ma’lumotiga ko‘ra, 2025-yilda Koreyadagi shaxsiy avtomobillar uchun bir yillik sug‘urta to‘lovi o‘rtacha 680 000 von bo‘lgan.

Lekin bu 책임보험 yoki 종합보험ning belgilangan narxi emas, balki barcha shaxsiy avtomobil sug‘urtalari bo‘yicha umumiy o‘rtacha ko‘rsatkich.
Yangi haydovchi, Koreyada birinchi marta sug‘urta qilayotgan shaxs, avariya tarixi bor haydovchi yoki qimmat avtomobil egasida sug‘urta narxi 1 million vondan ancha yuqori chiqishi mumkin.
Rasmiy hisoblash misolida, sug‘urta tajribasi inobatga olinishidan oldingi asosiy narx 1 million von bo‘lsa:
▪️ 1 yildan kam tajribada — taxminan 1 381 000 von;
▪️ 1–2 yillik tajribada — taxminan 1 153 000 von;
▪️ 2–3 yillik tajribada — taxminan 1 103 000 von;
▪️ 3 yildan ortiq tajribada — taxminan 1 000 000 vonlik koeffitsiyent qo‘llanadi.

Bu tayyor sug‘urta narxi emas. Ushbu misol sug‘urta tajribasi yakuniy narxga qanchalik ta’sir qilishini ko‘rsatadi.
5. Qaysi sug‘urta xavfsizroq?
책임보험:
▪️ arzonroq;
▪️ qonuniy minimal talabni bajaradi;
▪️ qoplash chegarasi juda past;
▪️ o‘z avtomobilingiz odatda qoplanmaydi;
▪️ katta avariyada ortiqcha zarar haydovchining zimmasida qolishi mumkin.
종합보험:
▪️ qimmatroq;
▪️ qarshi tomonning katta miqdordagi zararini qoplaydi;
▪️ haydovchi va yo‘lovchilarni himoya qilish imkonini beradi;
▪️ 자차 qo‘shilsa, o‘z avtomobilingiz ham qoplanadi;
▪️ katta avariya tufayli qarzdor bo‘lib qolish xavfini kamaytiradi.
Yiliga bir necha yuz ming vonni tejash maqsadida faqat 책임보험 bilan yurish katta xavf tug‘dirishi mumkin. Qimmat avtomobil, bir nechta mashina yoki odam jarohati ishtirok etgan avariyada zarar o‘nlab, hatto yuzlab million vonga yetadi.

Shuning uchun imkon qadar:
✅ 대인배상Ⅱ — 무한
✅ 대물배상 — kamida 2–5억 von
✅ 자동차상해
✅ 무보험차상해
✅ imkoniyatga qarab 자기차량손해(자차)
kiritilgan 종합보험 tanlash xavfsizroq.

Sug‘urtani rasmiylashtirishdan oldin narxnigina emas, 대인Ⅱ, 대물 한도, 자차, 자기부담금 va 운전자 범위ni ham tekshiring.

Bugun D-2 vizasini uzaytirishga borgan bir talabadan immigratsiya xodimi:
— Bu uylaringiz bir xonali ekan, 17 kishi qanday sig‘ib yashayapsizlar? — deb so‘rabdi😬

Xullas, bitta uy manziliga 17 kishi ro‘yxatdan o‘tgan ekan. Immigratsiya xodimi ham hayron🫡

Salomat...

Hozirgi paytda viza muddatini uzaytirish tartibi biroz o‘zgargan.

Oldin immigratsiya idorasiga hujjat topshirganingizda, ko‘p hollarda viza muddati o‘sha kunning o‘zidayoq uzaytirib berilardi. Hozir esa hujjatlarni qabul qilib, qo‘lingizga 접수증 — hujjatlar qabul qilinganligi to‘g‘risidagi ma’lumotnoma berishyapti va natija odatda 2–3 hafta ichida ma’lum bo‘lishini aytishyapti.

Shuning uchun vizasining tugash muddati yaqinlashayotganlar oldindan 방문예약 qilib, hujjatlarini ertaroq tayyorlab qo‘yganlari ma’qul. Natija darhol chiqmayotganini ham hisobga olinglar.

🎤 Murojaat xati bo'yicha jonli suhbat

Koreyadagi yurtdoshlarimizning hayotini yana ham yaxshilash, yillar davomida qayta-qayta duch kelinaveradigan muammolarga tizimli yechim berish tashabbusi bo'yicha bir guruh faollar harakat qilishdi.

Buning uchun avval fikr va takliflar qabul qilindi, o'rganildi va tahlil qilinib, Koreya tomoni hal qilib bera olishi mumkin bo'lgan eng asosiylari ajratib olindi.

Muammo va takliflar keng yoritilib, asoslantirilib, katta https://t.me/salomkorea ko'rinishiga keltirildi va bu tashabbusni qo'llab-quvvatlagan Koreyadagi yurtdoshlarimiz nomidan tegishli davlat tashkilotlariga yuborildi.

Mana shu tashabbus bo'yicha 2026.08.30 (yakshanba) kuni onlayn jonli suhbat o'tkazishni rejaladik.

👉 Jonli suhbat qayerda bo'ladi?
https://t.me/SalomKoreya Telegram guruhida.

- Qachon bo'ladi?
2026.08.30 (yakshanba) kuni Koreya vaqti bilan soat 22:00 da.

Hamma faollarni taklif qilib qolamiz.

2016-yil 30-avgust — xuddi shu kuni Koreyaga birinchi marta kelgan ekanman. Bugun roppa-rosa 10 yil bo‘libdi…

Aeroportga tushganimizda uning kattaligiga anqayib qarab, sumkalarimizni topolmay adashib qolganmiz. Keyin hammamizni bitta kichkina sariq avtobusga joylashtirib, universitetga olib ketishgan. O‘sha kuni havo biroz dim va yoqimsiz edi. Oldimda qanday hayot, qancha qiyinchilik va sinovlar kutib turganini esa umuman bilmasdim.

Xayolimda faqat o‘qish emas, Koreyada oson pul topish ham bor edi. Go‘yoki bir joyga boraman-u, shunchaki bitta knopkani bosaman — tamom, 100 dollar naqd pul! 😅

Oradan ko‘p o‘tmay, birinchi marta “택배”ga — ishlashga chiqdim. Ish topganimdan xursand bo‘lib, enamni ko‘rgandek bo‘lganman. Ichimda esa haligacha o‘sha “bir marta bosib, 100 dollar topadigan knopka”ni qidirardim.

Lekin u yerga borganimda meni furaning ichiga tiqib:
— Karobkalarni tez taxla! — deyishdi.
Oddiy tezlikda ham emas, xuddi videoni 4X tezlikka qo‘ygandek ishlash kerak edi. Shunda tushundim: men qidirgan knopka bu yerda yo‘q ekan. Balki o‘sha knopkaning o‘zi men ekanman — meni bosishsa, tinmay ishlashim kerak edi 😂

Koreyadagi hayotim mana shunday boshlangan.
Keyinchalik o‘qish, tungi ishlar, uyqusiz kunlar, til bilmaslik, sog‘inch, pulsizlik, yiqilishlar va yana qayta turishlar bo‘ldi. Ba’zan hammasini tashlab, uyga qaytgim kelgan kunlar ham ko‘p bo‘lgan.

Lekin har safar “shuncha yo‘lni bekorga bosib o‘tmaganman”, deb o‘zimni yana oldinga undaganman.
O‘sha aeroportda hayron bo‘lib turgan, hayotni juda oson tasavvur qilgan bolaga bugungi kunimni ko‘rsata olganimda, balki u ishonmagan bo‘lardi.

Bu 10 yil menga pul hech qachon bitta knopkani bosish bilan kelmasligini, har bir yutuq ortida mehnat, sabr, ko‘z yosh va katta tavakkal borligini o‘rgatdi. Eng muhimi, Koreya menga nafaqat o‘qish va ishlashni, balki hayot uchun kurashishni ham o‘rgatdi.

Bugun ortga qarab, o‘sha kichkina sariq avtobusga chiqqan kunimni tabassum bilan eslayman. Chunki o‘sha avtobus meni faqat universitetga emas, butunlay boshqa hayot sari olib ketayotgan ekan.

Hali yo‘lning oxiriga yetganim yo‘q. Balki eng yaxshi kunlarim hali oldindadir…

O‘zbekistondan Koreyaga yuboradigan ayrim konsalting markazlarining bozori juda ayanchli holatga kelib qolibdi. Bittasi bank hisobidagi mablag‘ni soxtalashtirsa, boshqasi tug‘ilganlik haqidagi guvohnomani o‘zgartirib, begona odamlarni ota-ona sifatida ko‘rsatib, ularning daromad hujjatlarini topshirar ekan.

Qanday qilib odamning kelajagi bilan bunchalik bemalol o‘ynash mumkin?
Mayli, shu hujjatlar bilan viza ham olindi, deylik. Ammo keyinchalik hujjatlarning soxtaligi aniqlansa nima bo‘ladi? Konsalting egasi chetga qochib ketishi mumkin, lekin barcha javobgarlik ariza topshirgan insonning zimmasida qoladi. Viza bekor qilinishi, o‘qish va yashash huquqi yo‘qotilishi, mamlakatdan chiqarib yuborilish yoki keyingi viza arizalarida jiddiy muammolar paydo bo‘lishi mumkin
.
Eng achinarlisi, ko‘pchilik hujjatlarini hatto bir marta o‘qib ham ko‘rmaydi. “Hammasini konsalting qiladi”, deb o‘z kelajagini butunlay begona odamlarning qo‘liga topshiradi. Ammo hujjatda sizning ismingiz, pasportingiz va imzoingiz turibdi. Ertaga muammo chiqsa, “Buni konsalting tayyorlagan, men bilmaganman”, degan gap har doim ham sizni javobgarlikdan qutqarmaydi.

Albatta, halol va mas’uliyatli ishlaydigan konsalting markazlari ham bor. Lekin kimga murojaat qilishingizdan qat’i nazar, topshirilayotgan har bir hujjatni shaxsan tekshiring. Bank ma’lumoti, ota-onaning daromadi, tug‘ilganlik guvohnomasi va boshqa hujjatlarning barchasi haqiqiy ekaniga o‘zingiz ishonch hosil qiling. Tushunmagan joyingiz bo‘lsa, so‘rang. Hujjat nusxalarini o‘zingizda saqlang. Hech qachon bo‘sh qog‘ozga imzo qo‘ymang.
Avvalo, har bir inson o‘z hujjati va kelajagi uchun o‘zi mas’ul bo‘lishi kerak. Mas’uliyatdan qochib, hamma ishni konsaltingga yuklab qo‘yishning oqibati mana shunday bo‘ladi. Bir kunlik viza uchun ko‘p yillik kelajagingizni xavf ostiga qo‘ymang.

Hammayoq soxtalikka to‘lib ketayotgan bir paytda, hech bo‘lmasa o‘z hujjatimizga o‘zimiz e’tiborli bo‘laylik.