Ijtimoiy himoya tizimi xodimlarining malakasini oshirish markazi

Litva tajribasi: mahalliy darajada ijtimoiy xizmatlarni rivojlantirish

🤝 Bugun, 19-oktabr kuni Litvaning Vilnyus shahrida O‘zbekiston Respublikasi Prezidenti huzuridagi Ijtimoiy himoya milliy agentligi tizimi xodimlari uchun xalqaro o‘quv dasturi boshlandi.

19–23-oktabr kunlariga mo‘ljallangan dastur davomida ishtirokchilar quyidagi yo‘nalishlarda tajriba almashadilar:

✅ munitsipal darajada ijtimoiy xizmatlarni tashkil etish va boshqarish;
✅ oilalar va bolalarni qo‘llab-quvvatlash, ehtiyojlarni baholash hamda individual yordamni rejalashtirish;
✅ ijtimoiy xizmatlar ko‘rsatuvchi tashkilotlar o‘rtasida hamkorlikni yo‘lga qo‘yish;
✅ nodavlat notijorat tashkilotlari bilan hamkorlik va jamoaga asoslangan ijtimoiy xizmatlarni rivojlantirish;
✅ inqirozli vaziyatlarda yordam ko‘rsatish, ijtimoiy xizmatlar sifati va samaradorligini oshirish.

✅ Dastur doirasida Vilnyus, Panevėžys va Širvintos hududlaridagi ijtimoiy xizmat ko‘rsatish muassasalari, oilalarni qo‘llab-quvvatlash markazlari, bolalar va oilalar bilan ishlash xizmatlari hamda nodavlat tashkilotlar faoliyati bilan tanishish rejalashtirilgan.

Dasturning asosiy maqsadi - Litvaning ijtimoiy xizmatlarni tashkil etish va ko‘rsatish borasidagi tajribasini o‘rganish, mahalliy va munitsipal darajada xizmatlar samaradorligini oshirish hamda O‘zbekiston ijtimoiy himoya tizimida qo‘llash mumkin bo‘lgan ilg‘or amaliyotlarni o‘zlashtirishdan iborat.

💻Instagram      📝Facebook
📝Telegram        🐧xcom
🎞YouTube         🎖istc.uz

“Inson” markazlari supervayzerlari uchun o‘quv mashg‘ulotlari davom etmoqda

5–16-oktabr kunlari Ijtimoiy himoya tizimi xodimlarining malakasini oshirish markazida “Inson” ijtimoiy xizmatlar markazlari supervayzerlari uchun to‘rt bosqichli o‘quv dasturining 3-bosqichi doirasida 10 kunlik trening davom etmoqda.

1️⃣ Treningning birinchi haftasi to‘liq andragogika — kattalar ta’limi tamoyillari va metodlarini o‘rganishga bag‘ishlangan. Ishtirokchilar kattalar auditoriyasi bilan ishlash, o‘quv ehtiyojlarini aniqlash, samarali kommunikatsiya, fasilitatsiya, interfaol ta’lim metodlarini qo‘llash, shuningdek, superviziya mashg‘ulotlarini rejalashtirish va tashkil etish bo‘yicha bilim va ko‘nikmalarini rivojlantirmoqdalar.

2️⃣ Ikkinchi hafta esa amaliy mashg‘ulotlarga yo‘naltirilgan bo‘lib, unda ishtirokchilar murakkab ijtimoiy vaziyatlarni tahlil qilish, turli toifadagi bolalar va oilalar bilan ishlashga oid keyslarni ko‘rib chiqish, o‘quv dasturlari va trening mashg‘ulotlarini mustaqil ishlab chiqish hamda trener sifatida amaliy o‘tkazish bo‘yicha tajriba orttirmoqdalar.

✅ Shuningdek, trening doirasida kasbiy refleksiya, xatarlarni baholash, himoya omillari va mavjud resurslarni aniqlash, mutaxassislarning kasbiy rivojlanishini qo‘llab-quvvatlash masalalariga ham alohida e’tibor qaratilmoqda.

💻Instagram      📝Facebook
📝Telegram        🐧xcom
🎞YouTube         🎖istc.uz

Latviya tajribasi: ijtimoiy xizmatlar sifatini oshirish yo‘lida

5–9-oktabr kunlari O‘zbekiston Respublikasi Prezidenti huzuridagi Ijtimoiy himoya milliy agentligi tizimi xodimlari Latviyaning Riga shahrida amaliy o‘quv dasturi va tajriba almashish tashrifida ishtirok etdilar. Mazkur dastur Ijtimoiy himoya milliy agentligi hamda Latviya ijtimoiy xodimlar assotsiatsiyasi (Latvian Social Workers Association) hamkorligida tashkil etildi.

Dasturdan asosiy maqsad — ijtimoiy himoya tizimi xodimlarining kasbiy salohiyatini oshirish, Latviyaning ijtimoiy xizmatlar ko‘rsatish tajribasini o‘rganish hamda samarali ish usullarini O‘zbekiston amaliyotiga tatbiq etish imkoniyatlarini kengaytirishdan iborat.

🧠 O‘zbekiston delegatsiyasi tarkibida markaziy apparatning bosh mutaxassisi, hududiy boshqarmalar va tuman-shaharlarda faoliyat yurituvchi bosh ijtimoiy xodimlar, supervayzerlar hamda ijtimoiy xodimlar ishtirok etdilar. Bu esa dastur davomida olingan bilim va tajribalarni ijtimoiy himoya tizimining turli darajalarida qo‘llash uchun muhim imkoniyat yaratadi.

Bir hafta davomida ishtirokchilar quyidagi yo‘nalishlarda nazariy bilim va amaliy tajribaga ega bo‘ldilar:
✅ Ijtimoiy ishni tashkil etish va boshqarish — munitsipal darajada ijtimoiy ishning vazifalari va uni tashkil etish;
✅ Keys-menejment amaliyoti — ehtiyojlarni baholashdan intervensiyagacha bo‘lgan jarayonlar, oilaviy vaziyatlarni tahlil qilish va keyslarni muhokama qilish;
✅ Oila va bolalar bilan ijtimoiy ishlash — oilalarni qo‘llab-quvvatlash, bolalarni himoya qilish, murakkab ijtimoiy vaziyatlarda ishlash va idoralararo hamkorlik;
✅ Yoshlar bilan ishlash — xulq-atvor bilan bog‘liq muammolar, oilaviy parvarishdan tashqarida bo‘lgan yoshlar bilan ishlash va yoshlarni ijtimoiy reabilitatsiya qilish masalalari;
✅ Zo‘ravonlik va ruhiy salomatlik — zo‘ravonlikning erta belgilarini aniqlash, ruhiy salomatlik bilan bog‘liq muammolarni tushunish;
✅ Ijtimoiy xizmatlarda kasbiy etika va hamkorlik — maxfiylik tamoyillari, kasbiy mas’uliyat, mutaxassislar o‘rtasidagi hamkorlik va tajriba almashish.

✅ Dastur doirasida Latviyadagi ijtimoiy xizmatlar ko‘rsatuvchi muassasalar faoliyati bilan bevosita tanishishga alohida e’tibor qaratildi. Ishtirokchilar Riga shahrining ijtimoiy xizmatlar tizimi, oilalarni qo‘llab-quvvatlash markazlari, yoshlar bilan ishlash va ijtimoiy reabilitatsiya xizmatlari faoliyatini o‘rgandilar. Mutaxassislar bilan muloqotlar davomida xizmatlarni tashkil etish mexanizmlari, murojaatlar bilan ishlash, individual holatlarni tahlil qilish va fuqarolarning ehtiyojlariga mos yordam ko‘rsatish amaliyoti muhokama qilindi.

💻Instagram      📝Facebook
📝Telegram        🐧xcom
🎞YouTube         🎖istc.uz

Ota-ona suhbati — bolaning xotirjamligi va baxtiga yo‘l

👫 Bola uchun oila — dunyoning asosiy modeli. Ota-onalar oʻrtasida doimiy janjallar boʻlib turganda, normal ruhiy va jismoniy rivojlanish tayanadigan xavfsizlikning asosiy hissi yemiriladi. Ota-onalar ochiqchasiga janjallashmasa-da, «sovuq urush» holatida yashasa ham, bolalar hissiy zoʻriqishni nozik sezib oladi.

Bola nimani his qiladi. Oila buzilib ketishidan xavotir va qoʻrquv. Aybdorlik hissi: 10–12 yoshgacha boʻlgan bolalar koʻpincha ota-onam men sababli janjallashyapti, deb oʻylaydi. Kayfiyatning tez-tez oʻzgarishi, yigʻlash, jahldorlik yoki befarqlik.

Xulq-atvor qanday oʻzgaradi. Baʼzi bolalar odamovi boʻlib qoladi, gadjetlarga berilib ketadi, kichkintoylarga xos xulq-atvorga qaytadi yoki ota-onasini yarashtirishga urinadi. Boshqalari esa tajovuzkor va itoatsiz boʻlib qoladi, oʻzlashtirishi pasayadi.

Salomatlik qanday zarar koʻradi. Tibbiy sababsiz qorin va bosh ogʻrigʻi, tez-tez shamollash, yomon uyqu va qoʻrqinchli tushlar, tik va duduqlanish.

Ota-onalar nima qilishi kerak:
😮 bolani nizoga aralashtirmaslik va uni kimningdir tarafini olishga majburlamaslik;
😮 unga: «Sen aybdor emassan, bu bizning kattalar ishimiz», deb aytish;
😮 faqat janjalni emas, yarashuvni ham koʻrsatish;
😮 bola oldida ota yoki onani tanqid qilmaslik;
😮 xavotirli oʻzgarishlar sezilsa, bolalar psixologiga murojaat qilish.

Agar oilada tahdid yoki zoʻravonlik boʻlsa, ijtimoiy himoya organlariga, psixologga yoki ichki ishlar organlariga yordam soʻrab murojaat qilish kerak.

Mutaxassis yordamidan soʻng bola yana oʻzini xavfsiz his qiladi, aybdorlik hissidan xalos boʻladi, oʻqish, oʻyin va doʻstlariga qaytadi hamda kattalarga yana ishona boshlaydi.

Batafsil maʼlumot uchun videoroligimizni tomosha qiling.

Vaziyatlar: bolaga nima deyish kerak
1. Bola janjalning guvohi boʻldi
Oʻrniga: «Hech narsa boʻlgani yoʻq, xonangga kir».
Yaxshisi: «Bahslashganimizni eshitding. Qoʻrqib ketgandirsan. Dadang (onang) ikkimiz oʻzimiz hal qilamiz, sen esa hech narsada aybdor emassan».

2. Bola soʻraydi: «Ajrashib ketasizlarmi?»
Oʻrniga: «Bu sening ishing emas» yoki bajara olmaydigan vaʼdalar.
Yaxshisi: «Bu seni tashvishlantirayotganini tushunaman. Nima boʻlmasin, ikkalamiz ham seni yaxshi koʻramiz va doim ota-onang boʻlib qolamiz».

3. Bola oʻziga yopilib oldi, gapirgisi kelmaydi
Oʻrniga: «Qachongacha jim yurasan? Ayt, nima boʻldi!»
Yaxshisi: «Hozir senga qiyinligini koʻryapman. Gaplashging kelsa — men yoningdaman».
Yonida boʻling: birga rasm chizing, sayr qiling. Bolalar umumiy ish paytida tezroq ochiladi.

4. Bola jahli chiqib, qoʻpollik qilyapti
Oʻrniga: «Onang bilan qanday gaplashyapsan!»
Yaxshisi: «Juda jahling chiqqanini koʻryapman. Jahl qilish mumkin, lekin baqirish va haqorat qilish mumkin emas. Kel, avval tinchlanib olaylik, keyin gaplashamiz».

5. Bola yomon uxlaydi va qoʻrqadi
Oʻrniga: «Katta boʻlib qolding, oʻzing uxla».
Yaxshisi: «Hamma ham baʼzan qoʻrqadi. Men yoningda biroz oʻtiraman».
Kechki xotirjam odat yordam beradi: ertak yoki kun davomidagi yaxshi voqealar haqida suhbat.

6. Bola ota-onasini yarashtirishga urinadi
Oʻrniga: «Mana, hatto bola ham sen notoʻgʻri ekaningni tushunyapti».
Yaxshisi: «Bizga gʻamxoʻrlik qilganing uchun rahmat. Lekin bu kattalarning ishi, oʻzimiz uddalaymiz. Sening vazifang — oʻynash va oʻqish».

7. Bola qiyin davrda yomon baho olib keldi
Oʻrniga: «Faqat shu yetmay turgan edi!»
Yaxshisi: «Hozir diqqatingni jamlash qiyin ekanini koʻryapman. Kel, senga qanday yordam berishni birga oʻylab koʻramiz».

💻Instagram      📝Facebook
📝Telegram        🐧xcom
🎞YouTube         🎖istc.uz

☺️ Hár kúni janıńızda bolatuǵın sawǵa - sizge, áziz kásiplesler!

🤝 Búgingi kúnde supervayzerdiń wazıypası tek ǵana tekseriw emes, al xızmetkerge járdem beriw, jol-joba kórsetiw hám kásiplik ósiwine úles qosıw bolıp esaplanadı.

🧮 "Insan" oraylarınıń supervayzerlerine aymaqlıq trening hám ámeliyatlardı qolaylı shólkemlestiriw ushın arnawlı sumkalar hám tiyisli qollanbalar tapsırıldı..

✅ "Shańaraqqa kiriw" qollanbası bolsa qarım-qatnas, dáslepki tallaw hám ámeliy usınıslardı jámlep, empatiya hám etikalıq qatnasqa ayrıqsha itibar beredi. Itibar orayında - insan.

💬💬💬💬💬💬💬
Har kuni yoningizda bo‘ladigan sovg‘a - sizlarga, aziz hamkasblar!

Bugungi kunda supervayzerning vazifasi nafaqat tekshirish, balki xodimga ko‘maklashish, yo‘l-yo‘riq ko‘rsatish va kasbiy o‘sishiga hissa qo‘shishdir.

"Inson" markazlari supervayzerlariga trening va amaliyotlarni qulay tashkil etish uchun maxsus sumkalar hamda tegishli qo‘llanmalar topshirildi.

"Oilaga kirish" qo‘llanmasi esa muloqot, dastlabki tahlil va amaliy tavsiyalarni jamlab, empatiya va axloqiy yondashuvga alohida urg‘u beradi.
E’tibor markazida - inson.

📝 https://t.me/socialliq_qorgaw_QR | 💻 https://www.instagram.com/p/Cy3OKrTtlX0/?igshid=MTc4MmM1YmI2Ng== | 📝 https://www.facebook.com/profile | 🎖 http://ihma.uz/

🇺🇿 Aziz yurtdoshlar!

Ijtimoiy himoya tizimi xodimlarining malakasini oshirish markazi jamoasi Sizni O‘zbekiston Respublikasi davlat mustaqilligining 35 yilligi bilan chin qalbdan samimiy muborakbod etadi!

Mustaqillik – xalqimizning erkin va farovon hayot sari intilishi, milliy qadriyatlarimiz, ezgu orzu-umidlarimiz hamda buyuk kelajakka bo‘lgan ishonchimizning mustahkam timsolidir.

Ushbu ulug‘ ayyomda yurtimiz osmoni doimo musaffo, Vatanimiz tinch va obod, xalqimizning birdamligi va hamjihatligi yanada mustahkam bo‘lishini tilaymiz.

Har bir xonadonga tinchlik-xotirjamlik, sihat-salomatlik, baxt-saodat, fayzu baraka va farovonlik yor bo‘lsin!

Yurtimiz taraqqiyoti, xalqimiz farovonligi va ijtimoiy himoya tizimini yanada rivojlantirish yo‘lida olib borayotgan ezgu va mas’uliyatli faoliyatingizda ulkan muvaffaqiyatlar, yangi yutuqlar va zafarlar tilaymiz.

💻 https://www.instagram.com/ihma_markaz/      📝 https://www.facebook.com/profile.php?id=61554776203349&mibextid=vk8aRt
📝        🐧 https://x.com/ihma_markazi?t=4gBXmQpLZAye2EwPvvUizQ&s=09
🎞 https://youtube.com/@ihma_markaz         🎖 https://istc.uz/

Inson kapitalini rivojlantirish sari

👥 24–28-avgust kunlari Ijtimoiy himoya tizimi xodimlarining malakasini oshirish markazida hududiy boshqarmalarning Inson resurslarini rivojlantirish va boshqarish bo‘linmalari bosh hamda yetakchi mutaxassislari uchun 5 kunlik malaka oshirish treningi tashkil etildi.

↗️ Trening davomida ishtirokchilar zamonaviy HR-boshqaruv yondashuvlari, kadrlar ehtiyojini rejalashtirish va rekruting, xodimlar kompetensiyalarini baholash, elektron HR tizimlari, shuningdek, mehnat qonunchiligi bilan bog‘liq amaliy masalalarni chuqur o‘rgandilar.

🖋 Dastur doirasida, shuningdek, mehnat shartnomalarini rasmiylashtirish, ta’tillar, xizmat safarlari hamda mehnat nizolarini qonuniy tartibda hal etish kabi muhim yo‘nalishlarga alohida e’tibor qaratildi.

💻 Trening doirasida mashg‘ulotlarni olib borish uchun “Yurist va kadr” nodavlat ta’lim muassasasining malakali va tajribali mutaxassislari trener sifatida jalb etildi. Trenerlar tomonidan mavzular amaliy misollar, kasbiy tajriba va ishtirokchilarni qiziqtirgan savollar asosida yoritilib, treningning amaliy yo‘nalishiga alohida e’tibor qaratildi.

📌 Treningning yana bir muhim yo‘nalishi - xodimlarning kasbiy kuyishi va stressga bardoshliligi, mehnat muhitini yaxshilash hamda motivatsiyani oshirish masalalari bo‘ldi.

💻 https://www.instagram.com/ihma_markaz/      📝 https://www.facebook.com/profile.php?id=61554776203349&mibextid=vk8aRt
📝        🐧 https://x.com/ihma_markazi?t=4gBXmQpLZAye2EwPvvUizQ&s=09
🎞 https://youtube.com/@ihma_markaz         🎖 https://istc.uz/

👍Supervayzerning ish sumkasi: bilim, vosita va amaliyot bir joyda

Bugun ijtimoiy xizmatlar tizimida supervayzerning vazifasi nafaqat nazorat qilish, balki ijtimoiy xodimni qo‘llab-quvvatlash, yo‘naltirish, maslahat berish va uning kasbiy rivojiga ko‘maklashishdan iborat.

☺️ Shu maqsadda “Inson” ijtimoiy xizmatlar markazlarida faoliyat yuritayotgan supervayzerlar uchun hududlarda trening, seminar va shadovinglarni samarali tashkil etishda foydalanishga mo‘ljallangan maxsus sumka to‘plamlari yetkazib berildi.

To‘plam tarkibidan supervayzerning kundalik faoliyatida zarur bo‘ladigan ryukzak, bloknot, ruchka, beydjik va suv uchun termos o‘rin olgan. Ushbu to‘plamlar supervayzerlarning hududlarga chiqib, trening va amaliy mashg‘ulotlarni qulay hamda samarali tashkil etishlari uchun mo‘ljallangan.

🖋 Supervayzerlar uchun ishlab chiqilgan metodik materiallar esa amaliy faoliyatni yanada mustahkamlashga xizmat qiladi. Jumladan, “Oilaga kirish” bo‘yicha qo‘llanmada oilalar bilan ishlash jarayonida professional muloqot, birlamchi baholash, amaliy tavsiyalar, zarur atamalar hamda kundalik faoliyatda foydalanish mumkin bo‘lgan yondashuvlar jamlangan.

Eng muhimi, supervayzer faoliyatining markazida inson turadi. Shu sababli metodik materiallarda nafaqat ish jarayoni, balki empatiya, xavfsiz muloqot, refleksiya, etik yondashuv va ijtimoiy xodimni qo‘llab-quvvatlash masalalariga ham alohida e’tibor qaratilgan.

💻 https://www.instagram.com/ihma_markaz/      📝 https://www.facebook.com/profile.php?id=61554776203349&mibextid=vk8aRt
📝        🐧 https://x.com/ihma_markazi?t=4gBXmQpLZAye2EwPvvUizQ&s=09
🎞 https://youtube.com/@ihma_markaz         🎖 https://istc.uz/

🏃 Supervayzerlar uchun ikkinchi bosqich treninglari!

💻 https://www.instagram.com/ihma_markaz/      📝 https://www.facebook.com/profile.php?id=61554776203349&mibextid=vk8aRt
📝        🐧 https://x.com/ihma_markazi?t=4gBXmQpLZAye2EwPvvUizQ&s=09
🎞 https://youtube.com/@ihma_markaz         🎖 https://istc.uz/

Supervayzerlar uchun treninglar boshlandi!

✅ O‘zbekiston Respublikasi Prezidenti huzuridagi Ijtimoiy himoya milliy agentligi huzuridagi Ijtimoiy himoya tizimi xodimlarining malakasini oshirish markazida 20–24-aprel kunlari “Inson” ijtimoiy xizmatlar markazlari supervayzerlari uchun treninglarning ikkinchi bosqichi start oldi.

Mazkur bosqichda 2 ta guruhda jami 52 nafar mutaxassis ishtirok etmoqda.

Trening dasturi davomida ishtirokchilar:
✅ oilaga kirish metodlari
✅ oila bilan samarali suhbat olib borish texnikalari
✅ muloqotdagi keng tarqalgan xatolar
✅ stressni boshqarish va emotsional qo‘llab-quvvatlash
✅ motivatsiya berish ko‘nikmalari
✅ amaliy mashg‘ulotlar va rolli o‘yinlar orqali real keyslar ustida ishlash

kabi muhim yo‘nalishlar bo‘yicha bilim va ko‘nikmalarini mustahkamlashmoqda.

Treninglar davomida nazariya amaliyot bilan uyg‘unlashtirilib, ishtirokchilarning kundalik faoliyatida samaradorlikni oshirishga alohida e’tibor qaratilmoqda.

💻 https://www.instagram.com/ihma_markaz/      📝 https://www.facebook.com/profile.php?id=61554776203349&mibextid=vk8aRt
📝        🐧 https://x.com/ihma_markazi?t=4gBXmQpLZAye2EwPvvUizQ&s=09
🎞 https://youtube.com/@ihma_markaz         🎖 https://istc.uz/

✅ Malaka va mehr uyg‘unligi — sifatli parvarish asosi

🇺🇿 Xorazm viloyati hamda Qoraqalpog‘iston Respublikasida kunduzgi parvarish xizmati doirasida faoliyat yuritayotgan mutaxassislar uchun amaliy seminar-trening tashkil etildi.

👥 Unda kunduzgi parvarish xizmatlarida ishlayotgan tarbiyachi va ularning yordamchilari ishtirok etib, o‘z bilim va tajribalarini boyitish imkoniyatiga ega bo‘ldilar.

Mashg‘ulotlar davomida ishtirokchilar:
😮 bolalarning rivojlanish xususiyatlarini chuqurroq anglash,
😮 individual yondashuvni qo‘llash,
😮 kundalik parvarish jarayonini sifatli tashkil etish,
😮 inklyuziv muhitda samarali ishlash bo‘yicha yangi usullarni o‘rgandilar.

🏃Trening interaktiv shaklda o‘tkazilib, ishtirokchilar o‘zaro tajriba almashish, real holatlar asosida yechimlar ishlab chiqish imkoniyatiga ega bo‘ldilar.

Bunday tashabbuslar nogironligi bo‘lgan bolalarning rivojlanishi, jamiyatga moslashuvi va mustaqil hayotga tayyorgarligini mustahkamlashga xizmat qiladi.

💻 https://www.instagram.com/ihma_markaz/      📝 https://www.facebook.com/profile.php?id=61554776203349&mibextid=vk8aRt
📝        🐧 https://x.com/ihma_markazi?t=4gBXmQpLZAye2EwPvvUizQ&s=09
🎞 https://youtube.com/@ihma_markaz         🎖 https://istc.uz/

▶️#LIVE

🗣Professional (terapevtik) tutingan oilalar tizimini rivojlantirish bo‘yicha ToT trening boshlandi

🤩 Hamjamiyatlarni mustahkamlash va ijtimoiy farovonlikni rivojlantirish markazi tomonidan https://t.me/unicefuzbekistan bilan hamkorlikda “Zo‘ravonlikdan jabr ko‘rgan va ijtimoiy xavf ostida bo‘lgan bolalar uchun professional (terapevtik) tutingan oilalarni rivojlantirish” mavzusida ToT dasturi o‘z faoliyatini boshladi.

📝 Mazkur o‘quv dasturi 2026-yil 15–17-aprel kunlari davom etib, https://t.me/ijtimoiyhimoya_agentligining bolalarni ijtimoiy himoya qilish sho'basi mutaxassislari va ning tutingan oilalarni tayyorlash bo'yicha trenerlaridan iborat 28 nafar tinglovchining ToT trenerlar sifatida nazariy bilimlari va amaliy ko‘nikmalarini tizimli ravishda rivojlantirishga qaratilgan.

Trening doirasida quyidagi asosiy yo‘nalishlar qamrab olinmoqda:
🟢bolalarni zo‘ravonlikning barcha shakllaridan himoya qilish;
🟢bolaning rivojlanishiga ta’sir etuvchi ijtimoiy-psixologik omillar;
🟢travmatik tajribalar va ularning oqibatlari;
🟢zo‘ravonlik va boshqa salbiy omillarga duch kelgan bolalarga oilaviy muhitda qo'llab-quvvatlash usullari.

📝 Mazkur treningning strategik maqsadi – xavf guruhiga kiruvchi bolalar uchun professional (terapevtik) tutingan oilalar (PTO) modelini xalqaro standartlarga asoslangan holda o‘tkazishdan iborat.

📱 https://t.me/columbia_center 📱 https://www.facebook.com/profile.php?id=61564214443597
📱 https://www.instagram.com/uzb_columbia_center/ 📱 https://www.youtube.com/@columbia_center24
📱 https://www.linkedin.com/company/cacssw/

#viloyat

💻Supervayzerlar uchun o‘quv-amaliy mashg'ulot o‘tkazildi

☺️Inson ijtimoiy xizmatlar markazining supervayzerlari uchun o‘quv-amaliy tadbir tashkil etildi.

🏃Unda to‘rt bosqichli mexanizm asosida olib borilayotgan ishlar ko‘rib chiqilib, xodimlarning malakasini oshirishga alohida e’tibor qaratildi.

Tadbir davomida ishtirokchilar o‘zaro tajriba almashdilar.

🟢Ijtimoiy himoya milliy agentligi Surxondaryo viloyati boshqarmasi matbuot xizmati

Sahifalarimizga qo’shiling!

📝 https://t.me/ihma_surxondaryoviloyati📝 https://www.facebook.com/profile.php?id=100085258075677&sk=about💻 https://www.instagram.com/ihmasurxondaryo?igsh=MWl0aXVtZ2FjZG10cw==