Iqtisodchi Kundaligi

Bir narsa doim meni hayratga solar edi. Toshkent aeroportidan ancha kichik terminallarga ega Olmota aeroporti Toshkent aeroportidan ancha ko’proq yo’lovchiga xizmat qilar edi.

Hozir esa Olmota aeroporti terminallari yangilanibdi. 2023 yilda juda bir xarob, kichik va tiqqilinch edi, obod bo’lib qolibdi.

Men o’ylayotganim, balki bizga yangi aeroport kerak emasdir. Terminallarni yangilab, ikki uch barobar ko’proq passajirga xizmat qilish mumkin.

Сўмга нима бўлаяпти?

Сўнгги 9 та сессиядан буён сўм долларга нисбатан қадрсизланмоқда. Бу даврда сўм 2 фоизга қадрсизланишга улгурди. Шунингдек, долларнинг расмий курси 31 июлдан буён энг юқори даражага қайтди. Йил бошидан буён ҳисоблаганда эса сўм эришган барча мустаҳкамланишини йўқотди. Хўш, сўмга нима бўлаяпти?

Доллар глобал миқёсда мустаҳкамланмоқда. Таъкидлаш керакки октябрь ойида аксарият валюталар долларга нисбатан қадрсизланмоқда. Хусусан, октябрь ойида танлаб олинган 39 та валютанинг 26 таси долларга нисбатан қадрсизланган. Фақатгина 8 та валюта бу даврда долларга нисбатан мустаҳкамланган. Яъни глобал миқёсда ҳам аксарият валюталар долларга нисбатан қадрсизланмоқда, сўм эса улар қаторида. Долларнинг мустаҳкамланиши ўз навбатида сентябрь ойида АҚШ Марказий банкининг фоиз ставкасини оширганлиги ҳамда октябрь ойидаги йиғилишда ошириш бўйича кутилмалар ошаётганлиги билан изоҳланади. АҚШда инфляциянинг тезлашаётганлиги эса фоиз ставкаси оширилишининг эҳтимолини янада кучайтирмоқда.

Сўм аксарият қадрсизланган валюталар қаторида бўлишига қарамасдан у энг юқори қадрсизланган валюталардан бири, бу эса сўм курси ўзгаришига глобал долларнинг мустаҳкамланишидан ташқари бошқа омиллар ҳам таъсир қилаётганлигини кўрсатади.

Ҳозирча маълумотлар мавжуд бўлмаган лекин эҳтимолий сабаблар.

Бир марталик қарз ёки шунга ўхшаш бошқа мажбуриятлар бўйича тўловлар. Учинчи чорак якуни билан ҳукумат ёки хусусий секторларнинг қарз тўлови бўйича бир марталик талаби валюта бозорида қисқа муддатли талабнинг ошишига олиб келган бўлиши мумкин.

Реал курс. Май ойидан реал курс мустаҳкамланишни бошлаган эди. Марказий Банк ишлаб чиқарувчиларнинг ташқи рақобатдошлиги йўқотилишининг олдини олиш учун (стерилизация бўйича) интервенцияларни ортга сураётган бўлиши мумкин. Ўзи умуман жорий йилда мамлакатимиз ўтган йилга нисбатан сезиларли кам олтин экспорт қилди. Бу эса Марказий банкнинг валюта орқали стерилизация имкониятлари олдинги йилгидан камроқ эканлигини кўрсатади.

Пул ўтказмаларининг мавсумий мўтадиллашиши. Ёз тугаши билан пул ўтказмалари мавсумий пасайишни бошлайди. Бу эса бошқа омиллар қатори сўм қадрсизланишига қўшимча омил бўлиб хизмат қилаётган бўлиши мумкин.

Умуман олганда, мослашувчан курснинг ўзига хос хусусияти шундаки у ташқи ёки ички шокларга жавоб беради. Яъни агар сўм қандайдир воқеликка (импорт талаби ортиши, пул ўтказмалари секинлашиши ва бошқалар) жавоб бераётган бўлса демак бу яхши ҳодиса. Охир оқибат Марказий банк номинал курс бўйича таргет юритмайди. Яъни курс ҳозирги каби ички ёки ташқи омилларга реакция қилади.

Номинал курснинг кескин қадрсизланиши бўйича эса менда қандайдир кутилмалар ҳозирча мавжуд эмас. Яъни сўмнинг сурункали қадрсизланишига сабаб ҳозирча кўринмаяпти (экспорт, инвестициялар фаол ўсмоқда).

@Mirkonomika

Anorbank: xalqaro reyting pasaydi, ammo bankda aslida qanday vaziyat?

So‘nggi haftalarda Anorbank atrofidagi voqealar keng muhokama qilindi. Aksiyador bilan bog‘liq xabarlar va Fitch reytingining pasayishi bankning moliyaviy holati haqida turli savollarni keltirib chiqardi.

Ammo bu yerda muhim bir farq bor. Fitch — bankning kreditga layoqatliligi va kelgusidagi xatarlarini baholovchi xalqaro agentlik. Markaziy bank esa banklarning kapitali, likvidligi va majburiy prudensial me’yorlarga rioya etilishini bevosita nazorat qiladi.

Shuning uchun xalqaro reytingning pasayishi bank regulyator talablarini buzganini yoki uning faoliyati avtomatik cheklanishini anglatmaydi.

Markaziy bank ma’lumotlariga ko‘ra, 1-sentabr holatida Anorbank kapital yetarliligi 13 foizni tashkil etgan (minimal talab — 12 foiz). Likvidlik ko‘rsatkichlari ham belgilangan me’yorlardan yuqori bo‘lgan.

Shu bilan birga, Fitch kapital va korporativ boshqaruv bilan bog‘liq xatarlarga e’tibor qaratgan edi.

5-oktabr kuni bank aksiyadorlari 100 milliard so‘mlik qo‘shimcha aksiyalar chiqarishni ma’qulladi. Ushbu mablag‘lar kapitalga kelib tushsa, bankning moliyaviy imkoniyatlari mustahkamlanib, kelgusidagi reyting baholashlariga ham ijobiy ta’sir ko‘rsatishi mumkin.

Aksiyador bilan bog‘liq vaziyatda ham o‘zgarishlar bor: Qahramonjon Olimov kuzatuv kengashidan chiqish uchun ariza bergan, uning kartochkasi esa 15-oktabr holatiga ko‘ra Interpolning ochiq bazasida ko‘rinmayapti.

Xulosa shuki, bir oy avvalgi xavotirlar fonida bugun Anorbank atrofida ijobiy o‘zgarishlar kuzatilmoqda. Muhimi, bank vaziyatga faqat bayonotlar bilan emas, balki kapitalni mustahkamlash va korporativ boshqaruvga oid amaliy qarorlar bilan ham javob bermoqda.

- Kuchugimning (ismini aytdi) bogʻchasini oʻzgartirdim, - dedi Aleks.
- Yoʻgʻe? - dedi yana bir Aleks.

Bu ikki hamkasbimning ertalabki suhbatidan. Ular kamida 10 daqiqa davomida uy jonivoriga kunduzi qarab turadigan markazni boshqasi bilan almashtirishga nega majbur boʻlgani haqida gaplashdi…

Yiliga kamida 200-300 ming dollar topadigan amerikaliklarning kundalik tashvishlari nimalardan iborat? Ular oʻzaro suhbatlarda nimalar haqida gaplashadi?

Odatda, siyosat haqida gaplashilmaydi. Kamida, ishxonada shunday. Chunki siyosat - nozik mavzu. Ayniqsa, siyosiy qutblashish kuchaygan bir paytda ikkinchi tomonning qarashini bilmay turib, siyosat haqida gap boshlash katta xato va odobsizlik hisoblanadi.

Tirikchilik tashvishlari, narx-navo ham mavzular orasida yoʻq. Chunki ularda moddiy yetishmovchilik yo’q.

Uy jonivorlarini sevishadi. Kuchuklar haqida soatlab gapirish mumkin. Kuchugini qayerga olib borgani, nimalar qilgani haqida. Bunda odatda 2-tomonning ham uy jonivori boʻlishi kerak. Ular bir-birlarining kuchuklari nomini yoddan biladi.

Taomlar - katta mavzu. Kecha qaysi restoranga borgani, qanday taom buyurtma qilgani har kuni boʻladigan suhbatlarda, albatta, kamida 30-40 foiz joyni band qiladi. Ovqatlar haqida berilib va batafsil gaplashish Amerika madaniyatining ajralmas bir qismi.

Ichimliklarga (alkogolli va alkogolsiz) ham alohida bob ajratiladi. Nima yoqishi va yoqmasligi, qayerda qaysi ichimlik zo’rligi haqida uzoq gaplashish mumkin.

Shaharda qanaqadir konsertlar oʻtkazilgan boʻlsa, bu ham suhbatlarda quloqqa chalinadi. Ayniqsa, qoʻshiqchilar va musiqa - koʻp muhokama qilinadigan mavzu. Men eng noʻnoq boʻlgan soha bu - chunki qoʻshiqchilarni kuzatmayman va tinglamayman.

Yana, sayohatlar haqida koʻp gap ketadi. Har yili deyarli hamma kamida bir marta taʼtil paytida xorij safarida boʻladi. Qayerlarga borgani, nimalar qilgani haqida gap ketishi tabiiy.

“Dam olish kunlaring qanday o’tdi?”, - degan savol, odatda, har dushanba kuni beriladi. Hech kim uyda oʻtirdim demaydi. Qayergadir borgan, qanaqadir xobbisi bilan shugʻullangan boʻladi. Bu mavzu muhokamasi ham uzoq choʻzilishi mumkin.

Shu bilan umr ham o’tib ketadi…

@bmamadiev

Chilonzorga Yangihayotning hokimi Hayot Inog‘omov hokim bo‘libdi (#)

Albatta, inflyatsiya minus epsilon bo’lishi kerak. Plyus emas.

Rag’batlarni o’ylasakchi?

https://t.me/sumundermatress/133

Suhbatlarda, intervyularda va albatta o'zim yozganlarimda bir g'oyani ko'pdan beri gapirib kelaman: bizga xususiylashtirish kerak. O'zbekistonda davlatni o'rni hamma sohada haddan tashqari katta va bu bizni rivojlanishimizni sekinlashtiruvchi omillardan biri, samaradorlikni oshirish uchun albatta bu kerak narsa.

Lekin nimani to’liq xususiylashtirib bo’lmaydi, degan savol ham tez-tez yangraydi. Yaxshi javoblardan biri — penitensiar tizim, chunki mahbuslar xizmat ko’rsatuvchini tanlay olmaydi, “insoniy munosabat”ni shartnomaga yozib qo’yish mumkinku, lekin nazorat qilish juda qiyin, xususiy operator esa xarajatni aynan shu yerdan qisqartiradi.

Xuddi shu mantiq bilan politsiya, sud va armiya ham, chunki ular davlatning majburlov vakolatini amalga oshiradi va bu vakolatni sotib bo’lmaydi; soliq yig’ish va bojxona, chunki yig’ilgan summadan ulush oladigan xususiy yig’uvchi fuqaroni siqishga moyil bo’ladi; saylovlar, statistika va yer kadastri, chunki ularning qadri to’liq betaraflik va ishonchga bog’liq, ishonch yo’qolsa, ma’lumotning o’zi ham qadrsizlanadi. Markaziy bank, chunki pul-kredit siyosati foyda maqsadiga bo’ysunmasligi kerak. Suv, kanalizatsiya, elektr uzatish tarmoqlari va gaz quvurlari, chunki bular tabiiy monopoliyalar, bitta ko’chaga ikkinchi quvur yotqizish iqtisodiy jihatdan ma’nosiz, ularni sotsak, davlat monopoliyasi o’rniga xususiy monopoliya paydo bo’ladi. Universal pochta xizmati, chunki uzoq qishloqqa xat yetkazish ham hamyonbop narxda bo’lishi kerak, bu esa foydasiz yo’nalish, xususiy egasi daromadli shahar marshrutlarini olib qoladi, chekka hududlarni esa yo yopadi, yo narxni keskin ko’taradi, holbuki pochta orqali pensiya, rasmiy xatlar, sud va soliq bildirishnomalari ham yetib borishi mumkin. Endi to'g'ri Daniya pochtasi buni to'xtatdi, lekin hali hamma yer ham Daniya emas. Shu bilan birga, posilka va kuryerlik xizmati allaqachon raqobatli bozor, uni bemalol xususiy sektorga sotish mumkin. Temir yo’l izlari va magistral yo’llar ham shu sababdan; sanitariya-epidemiologiya xizmati, chunki uning foydasi pul to’lamaganlarga ham tegadi, demak bozor uni yetarlicha ta’minlamaydi. Favqulodda xizmatlar va havo harakatini boshqarish, chunki bu yerda xatoning narxi inson hayoti, iste’molchi esa “boshqa provayder”ni tanlashga ulgurmaydi va nihoyat o’rmonlar, milliy bog’lar, yer osti suvlari kabi umumiy resurslar, chunki xususiy egasi ularni kelajak avlod hisobiga tezroq ekspluatatsiya qilishga moyil bo’ladi.

Shubhasiz, bu sohalarda ham ko’p narsani raqobatli tenderga berish mumkin: elektr ishlab chiqarish, qamoqxona oshxonasi, yo’l qurilishi va hokazo. Davlatda faqat tarmoq va nazorat qolsa bo’ldi. Qolgan barcha sohalarda, ayniqsa raqobat mumkin bo’lgan joylarda, davlat chiqib ketishi kerak.

Asosiysi bu narsa qanday amalga oshirilishi kerak degan savol qoladi. Qisqa javob: ochiq, adolatli auksionda, eng ko'p mablag' taklif qilgan tashkilot sotib olishi kerak. Hech qanday "go'zallik tanlovlari", "kelajakda ko'proq investitisiya kiritadigan" tashkilotlar emas. Bugun, hozir eng ko'p pul sanaydigan. Agar hozir pul to'la olmasa - kelajaka sarmoya kiritishi o'ta shubhali va'da.

Qiziq insho ekan. Nega Viktoriya davri elitasi shunchalik samarali bo’lgan?

SI tarjimasi - abstrakt:

Muvaffaqiyatli odamlar haqidagi kitoblar ko’pincha muvaffaqiyatni ancha jozibasiz qilib ko’rsatadi. Ularga ko’ra, ta’lim jadal va qat’iy bo’lishi, IQ ni oshirishga hamda fan, texnologiya, muhandislik va matematikadan iborat “STEM” to’rtligiga qaratilishi kerak. Voyaga yetgach esa hayot qattiq tartib bo’yicha kechadi: ertalab soat 5 da turish, sovuq vanna, har kuni sport zaliga borish, spirtli ichimlikni juda kam ichish yoki umuman ichmaslik, Huel’ga boy ratsion va staxanovchilarga xos ish soatlari. Ayniqsa oxirgi jihat alohida hayajon uyg’otadi: qudratli odamlar haqidagi hikoyalarda ular mehnatiga necha soat sarflashi zo’r qiziqish bilan batafsil yoritiladi.

Viktoriya davri Britaniyasining elitasi esa boshqacha yashagan. Ularning maktab va universitetlari unchalik akademik bo’lmagan, STEM fanlariga esa juda kam o’rin berilgan. Voyaga yetgach, ular kech turishgan, ko’p ichishgan va uyg’oq vaqtlarining hayratlanarli darajada katta qismini bazmu ziyofatlarda o’tkazishgan. Ular ziyofat, sport, dam olish, raqs va kiyinib-yasanishni yaxshi ko’rishgan. “Zerikarli, quruq odamlar” degan obro’larining aksincha, ular, ehtimol, juda quvnoq odamlar bo’lgan.

Shunga qaramay, XIX asr Britaniyasi elitasi o’z mezonlariga ko’ra nihoyatda muvaffaqiyatli edi. Asrning katta qismida Britaniya yer yuzidagi eng boy davlat bo’lgan. Uning kompaniyalari jahon savdosi, sanoati va moliyasida hukmronlik qilgan. Ulkan harbiy-dengiz floti dunyo okeanlarida hukmron edi, kichkina armiyasi esa ulkan imperiyani nazorat qilib turgan holda ketma-ket ko’plab urushlarda g’alaba qozongan. Britaniya kontinental Yevropani larzaga solgan inqiloblar va fuqarolar urushlarisiz asta-sekin demokratiya sari harakatlangan. Britaniya elitasining farovonligi ular bo’ysundirgan va ezgan yuz millionlab odamlar hisobiga erishilgan, degan azaldan mavjud qarash bor va bu, shubhasiz, hech bo’lmaganda qisman to’g’ri. Ammo o’z mezonlari bo’yicha olganda, Britaniya hukmron sinfi g’alabalarga to’la asrni boshdan kechirgan.


https://worksinprogress.co/issue/the-seven-vices-of-highly-effective-victorians/?v2

Bir joyda o’qib qoldim, AQShliklar va yevropaliklar do’stlikni har xil tushunishadi. Yevropaliklar o’z do’stlari bilan muammolari va tashvishlarini bo’lishishadi, AQShliklar esa do’stlariga o’z tashvish va muammolarini aytishga tortinishadi. Begonalarga nisbatan esa yevropaliklar yopiqroq bo’lishadi, AQShliklar esa teskarisi: begonalarga juda ochiq bo’lishadi, eng chuqur alamlari, tashvishlari va muammolarini aytib bera olishadi. Shuning uchun ham AQShdan bo’lmaganlar AQShliklarni o’ta ochiq deb o’ylashlari mumkin, chunki ular endi ko’rib turgan odamiga juda chuqur dardlarini aytishlari mumkin. Yevropaliklarda esa teskarisi: begonalarga bu narsa aytilmaydi.

Dard aytish bu yordam so’rash, ya’ni qarzga botish degani. Amerikacha individualizmda “o’zimga o’zim yetaman” muhim qadriyat, do’stni yuklab qo’yish esa uni noqulay holatga solish. Begonaga aytganda qarz paydo bo’lmaydi. Yevropada esa aksincha: do’stlik aynan bir-biringizni yuklay olishingiz uchun mavjud, majburiyat do’stlikning ma’nosi.

Men o’ylab qoldim, Sharqda qanaqa ekan? Ya’ni biz, o’zbeklar, ko’proq yevropaliklardekmizmi? Yaqin Sharqda qanaqa?

“3 ta zarur maslahat bog’cha tanlashda” - Aziza Tohtasinova poytaxtimizdagi birinchi raqamli xususiy bog’cha va maktablarning yosh iqtidorli boshqaruvchisi

Videoning to‘liq qismini YouTube kanalimizda tomosha qiling! 💚


👇👇👇👇👇👇👇👇

https://youtu.be/HYG0pD086BU?si=RkhdEWJ-pX7AcdnR

YouTube | Instagram | Facebook


#younguzbekistan #azizatoxtasinova

«Не было бы счастья, да несчастье помогло» https://t.me/paiziev24/2466

вДудь o’zining Tour dasturida Qozog’iston haqidagi videolarini joylabdi. Men ham shu hafta oxirida Qozog’istonga ketyapman, bir necha shaharda bo’laman. Oxirgi marta borganimga ancha yil bo’lgan edi, shuning uchun juda o’z vaqtida chiqdi.

Qozog’istonda sizni hayratda qoldirgan yoki yoqqan joy bormi?

Agar Olmaota va Astanada ko’rish, borish, eshitish, tinglash, yurish, yeyish, o’qish yoki suzish uchun biron joy bilsangiz, marhamat kanal botiga yozib qoldiring. Men albatta qimiz barga bormoqchiman, Terrenkurdan yugurmoqchiman va tog’dagi qahvaxonada qahva ichmoqchiman.

Yana bir narsa: kimni uchratishim yoki suhbatini olishmni tavsiya berasizlar?


https://youtu.be/dcAQLCKj0Jo

Axborotlarni saqlashgina emas - kompyut masalasi ham bor. Ko'rpacha tagidagi so'm kanali shunday deyapti:

https://t.me/sumundermatress/130

Tvitterda ko'rib qoldim, SI tarjimasi:

Bugun yana bir “tuynuk” sirining yechimi topildi.

Bilasizmi, nega Daniyada shunchalik zo’r pishiriqxonalar ko’p-u, Germaniya va Avstriyada 99% joyda oddiy, qiziqarsiz bulkalar sotiladi? Aslida hammasi oddiy: Daniyada istalgan odam gigiyena bo’yicha bir-ikki tekshiruvdan o’tib pishiriqxona ocha oladi, kraft pishiriqxonalar portlashining sabablaridan biri ham shu. Ya’ni so’zma-so’z: o’rta bo’g’in menejer yoki dasturchi Jiradagi tiketlarni u yoqdan bu yoqqa surib, bema’ni ishdan zerikib, xamir qorgani va tajribalar o’tkazgani ketadi.

Avstriyada pishiriqxona ochmoqchimisiz? Pishiriqchilik qattiq tartibga solingan hunar, shuning uchun avval, marhamat, GewO § 94 Z 3 bo’yicha uch yillik kurslarni bitiring. Ular sizga kipferli va boshqa hech kimga keraksiz yarim oy bulkalarni million donalab yopishni o’rgatadi. Keyin 2365 yevro to’lab Meisterprüfung topshiring. Aynan shu uch yil ichida bulkalar bilan umuman shug’ullanishni xohlaysizmi-yo’qmi, tushunib ulgurasiz.

Menda bu eskirgan sertifikatlar, sertifikatsiyalar va sertifikatsiyani tasdiqlashlar tizimi innovatsiyalarga qanday to’sqinlik qilishi haqida nazariya bor, lekin uni bu postdan o’zingiz chiqarib olasiz.

Rasmda: davlat bema’ni ishlar bilan shug’ullanmay, odamlarga shunchaki ijod qilishga imkon berganda paydo bo’ladigan chiroyli kraft bulkalar.



O'zbekistonda ham yemakxonalarni sifati va narxi yaxshiligini sabablaridan biri (aslo yagona sabab emas) - davlat regulyatsiyasi nisbatan kamligi deb o'ylayman.

Жонли эфир:

http://youtube.com/watch?v=RJjHROJh-FI

Aytmoqchi, o'n yilcha bo'lib qoldi bu bashoratlar ro'yxatimga. Oldin boshqa tarmoqlarda, 7 yildan beri menimcha shu yerda, hali biror yili ham xato chiqmadi.

Uzun ro'yxat bashoratni osonlashtiradi - lekin kamida o'ntacha odam uje ro'yxatda yo'q. Shuning uchun har yili bashorat qilish qiyinroq.

Lekin Vudfordga hozir berilgani, Kreps uchun buni kechiktiradi.

Aholini kreditlashni nazorat qilish uchun minimal absolyut chegara emas, daromadga nisbatan chegara to’g’riroq.

Masalan, oyiga 5 million so’m topadigan odam ipoteka, avtokredit va iste’mol kreditlari bo’yicha jami 3 milliondan ko’p to’lov qilmasligi kerak. Xuddi shunday, 20 million topadigan odamda ham 8 millioncha qolishi kerak. Ya’ni chegara hamma uchun bir xil 680 ming so’m emas, balki daromad darajasiga bog’liq bo’lishi kerak.

Buning uchun oxirgi 12 oydagi o’rtacha daromadni olib, qarz yukini shu daromadning ma’lum ulushi bilan cheklash kerak. Balki qoldiq 40% emas, 30% bo’lishi ham yetarlidir, balki 20% ham - agar absolyut raqam katta bo'lsa, lekin tamoyilning o’zi muhim: chegara daromadga qarab belgilanishi ham lozim. Daromadi oshsa - marhamat ko'proq qarz olish imkoni bo'lsin. Ko'pchilik qo'rqadigan muvozanat odamlar qarz olayotganida kelajakdagi daromadlarini va qarz yukini og'irligini yaxshi proeksiya qila olmasliklari mumkin. Ayniqsa, daromadlari hozir yuqori bo'lmasa.

Nobel berilish mavsumidamiz.

Shu haqida oʻzimni taxminlarimni yozib qoʻyay (ancha yillik an’ana axir - hali biror yili xato bo’lmadi):

1. Woodford va Kreps - nazariya

2. Jon List, Charles Manski — eksperimental iqtisodiyot uchun.

3. Stock va Uotson - vaqtlar seriyasi uchun.

4. Barro — endogen iqtisodiy oʻsish uchun va makro

5. Blanchard, Rogoff, Reinhart, Menkyu — makroiqtisodiyot uchun (aynan qaysi kombinatsiyada berilishini aytish qiyin).

6. Phillips, Donald Andrews— Ekonometrika uchun.

7. Pakes, Bresnahan, Berri, Porter — tarmoqlar tahlili uchun (industrial organization).

8. Janet Yellen - makro va mehnat iqtisodiyoti

9. Kiyotaki, Wright, Moore — mutanosiblik nazariyasi.

10. Loewenstein, Camarer, Rabin - psixologiyani iqtisodiyotga tadbiqlari

11.  Grossman, Helpmann, Kortum, Melitz — savdo iqtisodiyoti.

12. Syusan Athey - metodlar uchun.

Bu roʻyxatdan birortasi ham bu yili olmasligi ehtimoli baland, lekin bu roʻyxatdan qaysidir odam keyingi 30 yilda olishi ehtimoli 100% atrofida.

Mutolaa ilovasida “Yulduzli tunlar” asarini oʻqishni boshladim. Meni kuzatadigan obunachilarim bilan birga jarayonni yanada qiziqarli qilish uchun ilovada oʻzimning shaxsiy «Marra» kitobxonlik marafonimni ham tashkil qildim. Bu marafon orqali bir vaqtning oʻzida jamoaviy bo‘lib bitta asarni oʻqib, uning ustida boshqa kitobxonlar bilan fikr almashsa bo'ladi ekan.

Mutolaa grafigi va kunlik nazoratni ilova toʻliq avtomat tarzda oʻz zimmasiga oladi. Marafon yakunidagi testda eng yuqori natija koʻrsatgan 10 nafar faol ishtirokchi esa bir yillik Mutolaa Premium obunasiga ega boʻladi.

Qo'shilish uchun havola: https://mutolaa.com/davra/post/474271

Oxirgi yigirma yilda, Yevropaga turizm uchun boradigan amerikaliklar soni ikki barobar ko'payibdi.

Abu Dabidagi Nyu York Universitetining sobiq vitse kansleri - Mariët Westermann Toshkentdagi zamonaviy san'at markazini ochilishiga kelibdi. Meni endi ishga olishayotgan payti aynan Mariet kampusni yetakchisi edi. Mariët hozirda Guggenheim Muzeyi rahbari. Guggenheim bu yili Abu Dabida ochilishi ham kutilmoqda.

https://t.me/shmirziyoyev

Yangi podkast!

Muallif - Humoyun Sobirov juda yaxshi tayyorlanganlari esimda qoldi. Podkastga omadlar tilab qolaman.

https://youtu.be/3B2APeNWPfc?si=EwPxm8Ynn3PmlM8Q

Odisseya haqida maqola ekan.

Yaxshi. Men ham shunday deb o'ylayman. Gomerik mualliflardan biri Nolan.

https://daryo.uz/uz/2026/09/04/odisseya-kristofer-nolanning-eng-muhim-filmi-haqida