Народныя амбасады Беларусі

🇮🇪 У Ірландыі беларусы змогуць працягваць ВНЖ з пратэрмінаваным пашпартам

Кожны выпадак будуць ацэньваць індывідуальна, а заяўнікам трэба будзе патлумачыць, чаму яны не могуць атрымаць новы дакумент.

Пра гэта паведаміў міністр міграцыі Ірландыі Колм Брофі ў адказ на запыт дэпутата — піша «Зеркало».

Раней падобныя захады для беларусаў прынялі Іспанія, Швецыя і Данія.

📚«Беларусь. Галасы забароненых кніг»

За што ў Беларусі забараняюць кнігі, хто ацэньвае іх «шкоднасць» і як агулам працуе механізм цэнзуры? Дакладных адказаў на гэтыя пытанні няма. Асаблівасць беларускай сітуацыі – у адсутнасці ўцямнага тлумачэння з боку рэпрэсіўных структур. Кнігі знікаюць з бібліятэк, крам, школьных праграм – і разам з імі знікаюць важныя ідэі пра мову, гісторыю, свабоду.

Арганізатары выставы аб’ядналі гісторыі аўтараў і іх твораў, якім дзяржава вынесла прысуд: «экстрэмізм», «шкода для нацыянальных інтарэсаў», «непажаданая інфармацыя».

"Мы даем галасы кнігам, якім у краіне наканавана маўчаць, нагадваючы нам пра тое, што слова працягвае жыць, пакуль ёсць тыя, хто хоча яго прачытаць".

Выстава арганізавана Народнымі амбасадамі Беларусі сумесна з Асацыяцыяй беларусаў Латвіі «Суполка» і Беларускім ПЭНам ў супрацоўніцтве з Нацыянальнай бібліятэкай Латвіі.

🗓 21 кастрычніка а 17:00
📍 Mūkusalas iela 3, Rīga  (галерэя M паверха)

Уваход па папярэдняй рэгістрацыі
👉 па спасылцы.
Пры сябе мець пасведчанне асобы.

Народныя амбасады | Ананімны зварот | Падтрымаць нас

⚡️Адкрываць свет - файная справа! Дзелімся водгукам сям'і, у якой і мама, і тата перажылі турму ў Беларусі.

”Вялікі беларускі дзякуй за неверагодны адпачынак! Мы - сям'я былых палітычных зняволеных. Спачатку нашыя дзеці былі 3 гады без таты, а за месяц да яго вяртання дадому затрымалі маму. На 2 гады дзеці засталіся без яе. Пасля ўз'яднання сям'і мы марылі аб сумесным адпачынку, і наша мара здзейснілася! Італія, сонца, мора, неверагодныя краявіды… Гэта былі лепшыя 10 дзён за апошнія 5 гадоў. Калі шчаслівы ты, і тым жа шчасцем свецяцца вочы родных, якія побач, - гэта найлепшыя моманты. Зараз мы ведаем, як выглядае рай: гэта — любімая Італія. Яшчэ раз шчыры дзякуй за цудоўныя апартаменты каля мора, падтрымку ўвесь час адпачынку і за ўсё тое неабходнае дзеля нашых уражанняў!”

❤️Дзякуй Народным амбасадам Беларусі! Няхай такія водгукі натхняюць кожнага, хто спрычыніўся да адпачынку сем'яў!

Каардынацыйная Рада 4-га скліканьня прыняла рэзалюцыю «Аб безумоўнай і неадкладнай адмене сьмяротнага пакараньня ў Беларусі»

У рэзалюцыі адзначаецца, што права на жыцьцё і недатыкальнасьць чалавечай годнасьці вызначаюць межы любой дзяржаўнай улады. Сьмяротнае пакараньне парушае гэтыя прынцыпы, робіць судовую памылку фатальнай і незваротнай ды ператварае правасудзьдзе ва ўзаконенае пазбаўленьне жыцьця ад імя дзяржавы.

Асобна ў дакумэнце падкрэсьліваецца небясьпека зьменаў 2022 і 2023 гадоў, якімі рэжым Лукашэнкі пашырыў сфэру прымяненьня сьмяротнага пакараньня на так званыя «замах на тэрарызм» і «дзяржаўную здраду». Ва ўмовах татальнага палітычна матываванага перасьледу і поўнага зьнішчэньня незалежнага суду гэтыя нормы могуць быць выкарыстаныя супраць палітычных апанэнтаў рэжыму.

Рэзалюцыя надзяляе дэлегацыю Каардынацыйнай Рады мандатам адстойваць поўную і безумоўную адмену сьмяротнага пакараньня падчас патэнцыйнага Круглага стала паміж дэмакратычнымі сіламі і прадстаўнікамі рэжыму. Дэлегацыя павінна дамагацца замацаваньня гэтага рашэньня ў выніковых палітычных дамоўленасьцях, увядзеньня неадкладнага мараторыю, замены ўжо вынесеных сьмяротных прысудаў і поўнага выключэньня сьмяротнага пакараньня з крымінальнага заканадаўства з наступным замацаваньнем яго забароны ў Канстытуцыі Беларусі.

Адмена сьмяротнага пакараньня — гэта ня толькі пытаньне правоў чалавека, але і неабходная ўмова вяртаньня Беларусі ў эўрапейскую прававую прастору. Яна адкрые шлях да будучага далучэньня Беларусі да Рады Эўропы і міжнародных мэханізмаў абароны правоў чалавека.

Рэзалюцыя прынятая Агульным паседжаньнем Каардынацыйнай Рады 4-га скліканьня 8 кастрычніка 2026 году. За рэзалюцыю прагаласавалі 52 дэлегаты, супраць — 1. 

Аўтар праэкту рэзалюцыі — Мікіта Семяненка, фракцыя «Кааліцыя Латушка і Рух “За Свабоду”». Канчатковая рэдакцыя ўлічвае прапановы іншых дэлегатаў і дэлегатак Каардынацыйнай Рады.

Поўны тэкст рэзалюцыі

Банк не хоча адкрываць рахунак?

Беларусы ў ЕС па-ранейшаму сутыкаюцца з адмовамі банкаў праз грамадзянства, дакументы або дадатковыя праверкі. Пры гэтым, у многіх выпадках можна звярнуцца па basic payment account — базавы плацёжны рахунак. Але не ўсе ведаюць пра такую магчымасць.

Што гэта і як патрабаваць адкрыцця базавага рахунку ў ЕС — у картках.

🛡️ Октябрь — месяц кибербезопасности!

Digital Skills Coalition Belarus присоединяется к European Cybersecurity Month (ECSM) 2026 — общеевропейской кампании по повышению осведомлённости о кибербезопасности, которую координирует ENISA при поддержке Европейской комиссии и партнёров по всей Европе.

И мы решили, что лучший способ говорить о цифровой безопасности — не только читать о ней, а делать.

Поэтому запускаем:

🔥 30 ДНЕЙ — 30 ЗАДАНИЙ ПО ЦИФРОВОЙ БЕЗОПАСНОСТИ

Каждый день октября здесь, в нашем Telegram-канале, будет появляться одно небольшое практическое задание. Будем проверять пароли, настраивать 2FA, разбираться с фишингом, приватностью, VPN, резервными копиями, безопасностью смартфонов и компьютеров, восстановлением аккаунтов, физическими ключами безопасности, безопасным использованием AI и многим другим.

А помогать нам будут новые герои Digital Skills Coalition Belarus:

🦊 Киберлисица — думает, исследует и раскрывает цифровые головоломки.

🐕 Киберпёс — замечает угрозы и предупреждает команду, когда что-то не так.

🦫 Кибербобр — обожает технологии и… нажимает практически на всё, что видит. Ссылка? Клик! QR-код? Уже сканирует! «Разрешить приложению доступ»? Палец уже над кнопкой.

Именно поэтому официальный девиз European Cybersecurity Month — #ThinkB4UClick — ему особенно пригодится 🙂

🎁 А ещё будут призы.

Участников, которые выполнят все 30 заданий, ждут полезные для цифровой безопасности подарки: privacy screens для телефонов и компьютеров, годовые VPN-подписки, физические ключи безопасности и ещё несколько сюрпризов.

Первое задание — уже Завтра.

30 дней. 30 заданий. 30 небольших действий для более защищённой цифровой жизни.

🔗 Подробнее о нашей кампании

🔗 European Cybersecurity Month — ENISA:

🔗 ECSM 2026 — EU Agenda

#CyberSecMonth #ThinkB4UClick #DigitalSkillsBY

⚖ «Наша агульная мэта — зрабіць так, каб гэтыя доказы сталі асновай для канкрэтных дзеянняў»

25 верасня ў Вільні юрыдычны дарадца Святланы Ціханоўскай Леанід Марозаў і праваабаронцы абмеркавалі абарону беларусаў і адказнасць рэжыму Лукашэнкі за рэпрэсіі.

Падчас сустрэчы, у якой брала ўдзел і прадстаўніца Народнай амбасады Беларусі ў Літве Алена Волкава, былі разгледжаны наступныя пытанні:
— сітуацыя з палітычнымі зняволенымі і рэпрэсіямі, якія працягваюцца;
— дакументаванне злачынстваў і міжнародныя механізмы адказнасці;
— транснацыянальныя рэпрэсіі і злоўжыванні механізмамі Інтэрпола;
— юрыдычныя праблемы, з якімі сутыкаюцца беларусы і беларускі за мяжой;
— падрыхтоўка даследавання Belarus: «Welcome Home» — пра выпадкі затрыманняў і пераследу беларусаў і беларусак пасля вяртання ў Беларусь з-за мяжы.

Больш падрабязней пра сустрэчу
👉 па спасылцы.

Народныя амбасады | Ананімны зварот | Падтрымаць нас

🌍 Праект па мэпінгу праблем беларусаў за мяжой прадстаўлены на Minsk Forum 2026

22-23 верасня ў Варшаве прадстаўніца Народнай амбасады Беларусі ў Славеніі, сяброўка Міжнарднай камісіі КР Аляксандра Мамаева прыняла ўдзел у Minsk Forum 2026.

Падчас панэлі «Прававыя дакументы беларускай дыяспары і прававы статус беларусаў у краінах пражывання» яна прадставіла праект Mapping Legalization and Document Problems of Belarusians in Exile, які рэалізуецца пры падтрымцы GMF.
Праект ахоплівае 20 краін Еўропы. На аснове інтэрв’ю з экспертамі ў кожнай краіне, аналізу заканадаўства і адміністрацыйнай практыкі, статыстыкі і канкрэтных кейсаў беларусаў даследуюцца праблемы легалізацыі, дакументаў, мабільнасці і бяспекі.

Сярод ключавых пытанняў — пратэрмінаваныя беларускія пашпарты і магчымасць атрымання пашпартоў іншаземца, падаўжэнне ВНЖ і ПМЖ, міжнародная абарона і натуралізацыя без адмовы ад беларускага грамадзянсва, атрыманне і прызнанне дакументаў з Беларусі, апастыль, даведкі і пасведчанні, дакументы для дзяцей, якія нарадзіліся за мяжой. Таксама даследуюцца пытанні доступу да банкаўскіх паслуг, транснацыянальных рэпрэсій і выкарыстання механізмаў Interpol.

Асобная ўвага надаецца добрым практыкам: рашэнням, якія ўжо працуюць у адных краінах і могуць быць выкарыстаныя ў іншых. Па кожнай краіне будуць падрыхтаваныя канкрэтныя рэкамендацыі для нацыянальных уладаў, дыяспары і беларускіх дэмакратычных сіл.

«Няма краіны, дзе былі б вырашаныя ўсе праблемы беларусаў. Але няма і краіны, дзе мы не маглі б знайсці хаця б адно карыснае рашэнне.
У многіх выпадках нам не трэба вынаходзіць новае. Трэба знайсці тое, што ўжо працуе ў іншай еўрапейскай краіне, адаптаваць і перанесці гэтую практыку.
Таму наш праект — гэта не толькі мэпінг праблем. Фактычна мы таксама робім мэпінг рашэнняў », — падсумавала Аляксандра Мамаева.

Пасля прэзентацыі ўдзельнікі працавалі ў групах, дзе абмеркавалі асноўныя праблемы беларусаў у розных краінах, магчымыя шляхі іх вырашэння, што могуць зрабіць нацыянальныя ўлады і якая каардынацыя з беларускімі дэмакратычнымі сіламі для гэтага неабходная.

Здымкі: Нямецка-беларускае таварыства (dbg e.V.)

Народныя амбасады | Ананімны зварот | Падтрымаць нас

🎉 Сёння дзень народзінаў Алеся Бяляцкага!

Народная амбасада Беларусі ў Літве шчыра віншуе Алеся Бяляцкага з Днём народзінаў!

Большую частку свайго жыцця Алесь прысвяціў абароне правоў чалавека, дапамозе людзям і адстойванню чалавечай годнасці. Яго шматгадовая праца стала важнай часткай гісторыі беларускага праваабарончага руху і атрымала міжнароднае прызнанне.
Сёння мы жадаем Алесю найперш здароўя і сіл, натхнення і новых задум, больш светлых і радасных момантаў, часу з роднымі, сябрамі і аднадумцамі.
І няхай наперадзе будзе яшчэ шмат гадоў плённай працы дзеля правоў чалавека і свабоднай Беларусі.

З Днём народзінаў, Алесь! 🌿🤍❤️🤍

🎼 Ці шмат музыкі ў вашым жыцці сёння?

Запрашаем на вечар, прысвечаны дню нараджэння Міхала Клеафаса Агінскага — кампазітара, дыпламата і палітычнага дзеяча, чыя біяграфія і спадчына сталі часткай еўрапейскай гісторыі.

Фларэнцыя займала ў яго жыцці асаблівае месца: тут Агінскі правёў апошнія гады жыцця і тут, у базіліцы Санта-Крочэ, ён пахаваны.

Вечар распачнецца з афіцыйных прывітанняў, пасля якіх прафесар Jan Władysław Woś выступіць з дакладам «Michał Kleofas Ogiński. Un europeo tra patria, musica e libertà».

Пасля канцэрта запрашаем застацца на аперытыў і працягнуць вечар разам.

Мерапрыемства арганізавалі Народная амбасада Беларусі ў Італіі і Цэнтр беларускай дэмакратычнай супольнасці сумесна з Ганаровым консульствам Рэспублікі Польшча ў Фларэнцыі.

📅 25 верасня | 17:30
📍 Via di S. Giuseppe, Firenze

Уваход вольны. Будзем рады бачыць вас у Фларэнцыі! 🤍❤️🤍

🏴󠁧󠁢󠁳󠁣󠁴󠁿 Прадстаўніца Народнага консульства Беларусі ў Шатландыі Ірына МакЛейн узяла ўдзел у экспертным вэбінары Офіса Святланы Ціханоўскай «Падтрымка беларусаў сёння, пашырэнне магчымасцей заўтра: сацыяльная палітыка для Новай Беларусі»

​У сваім выступе Ірына прадставіла сацыяльную палітыку як аснову будучай грамадскай дамовы паміж грамадзянамі і дзяржавай. У цяперашняй Беларусі доступ да занятасці, сацыяльнай падтрымкі і дзяржаўных паслуг звязаны з сістэмай палітычнай залежнасці. У дэмакратычнай Беларусі сацыяльная абарона мусіць грунтавацца на правах грамадзян, празрыстых рашэннях, прафесійнай незалежнасці і магчымасці аспрэчваць дзеянні дзяржаўных інстытутаў.

​Асобная ўвага была нададзеная эканамічнай абгрунтаванасці будучай сістэмы.

​«Моцная сацыяльная дзяржава патрабуе ўстойлівага фінансавання, аднак выдаткі на ахову здароўя, сацыяльную дапамогу, адукацыю і падтрымку сем’яў таксама з’яўляюцца інвестыцыямі ў чалавечы патэнцыял і эканамічную актыўнасць.
​Практычным прыкладам салідарнасці стала «Раёнка», лічбавая платформа для бясплатных і ананімных медыцынскіх кансультацый людзям унутры Беларусі. У верасні пачаўся збор сродкаў, пачатак кансультацый запланаваны на кастрычнік. Праект дазволіць адначасова аказваць неабходную дапамогу і захоўваць прафесійныя сувязі паміж беларускімі лекарамі за мяжой і людзьмі ўнутры краіны».

Народныя амбасады | Ананімны зварот | Падтрымаць нас

🇸🇮 Прадстаўніца Народнай амбасады Беларусі ў Славеніі і сяброўка Міжнароднай камісіі Каардынацыйнай рады Аляксандра Мамаева прыняла ўдзел у Bled Strategic Forum 2026.

Bled Strategic Forum, які праходзіў 31 жніўня – 1 верасня у Славеніі – гэта адзін з ключавых міжнародных форумаў у рэгіёне, які штогод збірае палітычных лідараў, дыпламатаў, прадстаўнікоў міжнародных арганізацый і экспертнай супольнасці.

Сёлета ў цэнтры дыскусій былі еўрапейская і рэгіянальная бяспека, вайна Расіі супраць Украіны і перспектывы міру, будучыня трансатлантычных адносін, пашырэнне Еўрапейскага саюза, кібербяспека і супрацьдзеянне дэзінфармацыі.

«Для нас вельмі важна прысутнічаць на такіх міжнародных пляцоўках, каб Беларусь заставалася на парадку дня еўрапейскіх партнёраў. Гэта таксама магчымасць дзяліцца беларускай экспертызай у пытаннях рэгіянальнай бяспекі і адначасова выкарыстоўваць міжнародныя кантакты для вырашэння канкрэтных праблем беларусаў, якія жывуць за мяжой», — адзначыла https://slovenia.belarusabroad.org/

Падчас размоваў з прадстаўнікамі  Міністэрства замежных спраў Славеніі, замежнымі палітыкамі і дыпламатамі, асобная ўвага была нададзена Беларусі, сітуацыі з правамі чалавека і транснацыянальнымі рэпрэсіямі, а таксама практычным праблемам беларусаў у Славеніі і магчымым шляхам іх вырашэння.

| https://t.me/PEofBelarus_bot | https://buy.stripe.com/6oE7t3eCX0xg5yMbIJ

Запрашаем правесці апошнія выходныя верасня разам - мерапрыемствы будуць на любы густ!

🔻26 верасня: сустрэча з Паўлам Севярынцам + прэзентацыя кнігі + барбекю🔥 Будзе магчымасць пазнаёміцца і паразмаўляць у нефармальнай атмасферы.

🔻27 верасня: традыцыйны спартыўны турнір, 4 edition🏆 Будзе валейбол, камандная гульня, спаборніцтвы, заўзятары і пазітыўныя эмоцыі.

‼️Дакладныя месцы, час і поўную праграму абодвух дзён апублікуем крыху пазней у афішах.

🏠 Прыязджаеце здалёк? Мы зможам дапамагчы з начлегам тым, каму ён патрэбны. Калі ласка, пазначце гэта пры рэгістрацыі.

👉 Каб узяць удзел, https://forms.gle/MeRUBDgVcysfVc2z6

Можна далучыцца да аднаго з мерапрыемстваў або прыехаць да нас на ўсе выходныя 26–27 верасня.

Захоўвайце даты, запрашайце знаёмых з Италіі — пабачымся ў Фларэнцыі! 🤍❤️🤍І чакайце на афішы!

❗️ Рэпрэсіі на "экспарт": як палітычны пераслед у Беларусі выходзіць за межы краіны

Рэпрэсіўная машына ў Беларусі ўсё больш засяроджваецца на тых, хто знаходзіцца па-за межамі краіны, спрабуючы крыміналізаваць любыя праявы міжнароднай актыўнасці і ўвагі да краіны.

На 18 жніўня 2026 года ў Беларусі існуе 376 "экстрэмісцкіх фармаванняў" — і як мінімум 19 з іх звязаныя з замежнымі арганізацыямі. Геаграфія пераследу пашырылася на ўвесь свет — ад суседняй Польшчы да далёкага Лас-Вегаса, тэматыка ахоплівае разнастайныя сферы жыцця — ад медыя да адукацыі, а агульная колькасць “экстрэмісцкіх матэрыялаў”, звязаных з замежжам, толькі за няпоўны 2026 год папоўнілася дзесяткамі новых пазіцый. 

Чытаць па спасылцы 👉 https://spring96.org/be/news/120955

https://storage.googleapis.com/spring96/read.html?page=/be/news/120955

Кіпр пачаў выдаваць беларусам дазволы на жыхарства з пратэрмінаванымі пашпартамі: https://smarturl.click/XQk6Z

Адпаведнае адміністрацыйнае рашэньне дзейнічае з траўня 2026 году, паведамілі Радыё Свабода ў Офісе намесьніка міністра міграцыі і міжнароднай абароны Кіпру.

У адказ на запыт Свабоды ў Офісе намесьніка міністра пацьвердзілі, што Міграцыйны дэпартамэнт Кіпру ўхваліў рашэньне, якое дазваляе грамадзянам Беларусі з пратэрмінаванымі беларускімі пашпартамі атрымліваць або працягваць дазволы на жыхарства.

Кіпрскія ўлады таксама пацьвердзілі Свабодзе, што дзеці, народжаныя на Кіпры ў сем’ях, дзе абое бацькоў зьяўляюцца грамадзянамі Беларусі і ня могуць атрымаць для дзіцяці беларускі пашпарт, здолеюць атрымаць дазвол на жыхарства на падставе выдадзенага на Кіпры пасьведчаньня аб нараджэньні.

🇱🇻 Дзень Рыгі Запрашаем наведаць беларускі стэнд, арганізаваны Народнай амбасадай Беларусі ў Латвіі сумесна з Асацыяцыяй беларусаў Латвіі «Суполка». "15 жніўня ў Верманскім садзе наш стэнд пад бел-чырвона-белым сцягам ужо трэці раз прадставіць дэмакратычную…

Пратэрмінаваныя пашпарты: як Офіс Ціханоўскай дамагаецца рашэнняў для беларусаў за мяжой? 

Міжнародны аддзел Офіса Святланы Ціханоўскай працягвае сістэмную працу над праблемай пратэрмінаваных беларускіх пашпартоў. Пра тое, як вядуцца перамовы з урадамі розных краінаў і якіх вынікаў ужо ўдалося дасягнуць, распавёў дыпламатычны дарадца Святланы Ціханоўскай Дзяніс Кучынскі.

📌 Праца вядзецца адразу ў двух кірунках
1. Агульнаеўрапейскі. Дзякуючы https://t.me/tsikhanouskaya былі выпрацаваныя рэкамендацыі для краінаў Рады Еўропы адносна легалізацыі беларусаў, у тым ліку тых, хто мае пратэрмінаваныя пашпарты.
2. Індывідуальная праца з кожнай краінай. Бо кожная мае свае механізмы легалізацыі: у Літве і Польшчы дзейнічаюць сістэмныя рашэнні, у іншых краінах выкарыстоўваюцца пашпарты замежніка або іншыя формы легалізацыі.

📌 Кейс за кейсам — разам з дыяспарай
Каманда Офіса супрацоўнічае з беларускімі дыяспарамі, заклікае іх уздымаць праблему праз мясцовыя інстытуты — амбудсменаў, праваабарончыя структуры і нацыянальныя органы ўлады. Адначасова пытанне прасоўваецца і на палітычным узроўні.

А якія вынікі? У Іспаніі беларускія пашпарты — як дзеючыя, так і пратэрмінаваныя — прызнаюцца для шэрагу адміністрацыйных працэдур. Цяпер ёсць https://t.me/tsikhanouskaya: Міграцыйная служба афіцыйна прызнала, што вяртанне ў Беларусь дзеля атрымання новага пашпарта можа быць небяспечным і весці да палітычна матываванага пераследу. Гэта дазваляе беларусам у Швецыі прэтэндаваць на пашпарт іншаземца, а ў асобных выпадках — падаваць заявы на атрыманне або падаўжэнне ВНЖ без дзеючага беларускага пашпарта.

Важна разумець, што такія рашэнні не з’яўляюцца хутка. Кожны такі кейс — гэта месяцы, а часам і гады сустрэч, перамоваў, збору доказаў і працы з дзяржаўнымі інстытуцыямі. Праца працягваецца і з іншымі краінамі. Кожнае такое рашэнне стварае прэцэдэнт і дадатковы аргумент для перамоваў з наступнымі дзяржавамі.

📌 Чаму гэта так складана?
Рашэнні па дакументах часта прымаюць не міністэрствы замежных справаў, а МУС, міністэрствы юстыцыі або іншыя профільныя ведамствы. Акрамя таго, краіны павінны пераканацца, што чалавек сапраўды не можа бяспечна вярнуцца ў Беларусь, таму працэс патрабуе дадатковых праверак. Менавіта таму неабходная праца адразу на некалькіх узроўнях — палітычным, экспертным і адміністрацыйным.

Дзяніс Кучынскі:
«Рэжым Лукашэнкі стварыў пастку не толькі для беларусаў і беларусак, але і для ўрадаў іншых краінаў, якія цяпер вымушаныя шукаць прававыя механізмы для вырашэння гэтай праблемы.

Пытанне пратэрмінаваных беларускіх пашпартоў рэгулярна ўздымаецца падчас сустрэч Святланы Ціханоўскай з міністрамі дзяржаваў. Паралельна перамовы працягваюцца на працоўным узроўні — менавіта так удалося дасягнуць прагрэсу ў Іспаніі.

Таму поспех магчымы толькі праз сумесныя намаганні — дзяржаўных органаў, парламентарыяў, міжнародных партнёраў і беларускіх дыяспар. Менавіта такая сінергія дапамагае знаходзіць рашэнні і адкрывае шлях да новых змен».

🇱🇻 Дзень Рыгі

Запрашаем наведаць беларускі стэнд, арганізаваны https://latvia.belarusabroad.org/ сумесна з Асацыяцыяй беларусаў Латвіі https://t.me/supolka_latvia.

"15 жніўня ў Верманскім садзе наш стэнд пад бел-чырвона-белым сцягам ужо трэці раз прадставіць дэмакратычную Беларусь побач з павільёнамі еўрапейскіх амбасад".

Расклад актыўнасцей на стэндзе:
12:00 – 14:00 — майстар-клас з https://www.instagram.com/yakubouskayaolga
15:00 – 17:00 — майстар-клас з Вольгай Якубоўскай
12:00 – 17:00 — аквагрым з беларускімі сімваламі для ўсіх ахвотных

📚 Беларускія кнігі ад https://gutenbergpublisher.eu/

16:50 — Выступ беларускага гурта https://www.youtube.com/channel/UCQN2dx05UgXw0ad739LtTOw на галоўнай сцэне!

🗓 15 жніўня (субота)
🕖 12:00 – 18:00
📍 https://maps.app.goo.gl/oL1QgkvwkKJ6bFvd8

| https://t.me/PEofBelarus_bot | https://buy.stripe.com/6oE7t3eCX0xg5yMbIJ

🇧🇬 Добрыя навіны ад https://www.facebook.com/share/p/1EvHFUpNgd/

"У нас вызначылiся некаторыя пазітыўныя зрухі адносна магчымасці атрымання часовага дакумента, які сведчыць асобу, пры аб’ектыўнай немагчымасці замяніць пашпарт.

Згодна з лістом кіраўніка Дырэкцыі «Міграцыя», асобы, якія маюць дазвол на пастаяннае або на доўгатэрміновае пражыванне (паводле Дырэктывы Савета ЕС 2003/109/EC), змогуць пры жаданнi атрымаць часовы дакумент замежнiка.

У сувязі з адсутнасцю паўнавартаснага аналага пашпарта замежніка ў Рэспубліцы Балгарыя, гэты дакумент, на жаль, будзе мець вельмі абмежаваны функцыянал, але, магчыма, стане важным крокам наперад i дапаможа часова вырашыць праблемы (прынамсi, для дзяцей), а над пошукам больш зручнага рашэння адмысловая група пры МУС Балгарыi працягне працаваць i надалей.

У перспектыве, канешне, вырашэнне пытання беларусаў з часовым дазволам на пражыванне, i, згодна з нашымi крынiцамi, падчас будучай сесii Народнага сходу Балгарыi плануецца з'яўленне заканапраекта, якi будзе скiраваны на далейшае паляпшэнне умоў для легалiзацыi беларусаў у Балгарыi".

| https://t.me/PEofBelarus_bot | https://buy.stripe.com/6oE7t3eCX0xg5yMbIJ

Швецыя афіцыйна прызнала немагчымасць бяспечнага атрымання пашпартоў беларусамі на радзіме і спрасціла выдачу дакументаў

Міграцыйная служба Швецыі абнавіла сваю прававую пазіцыю адносна немагчымасці атрымаць новы беларускі пашпарт. Цяпер прызнана: беларусы пры вяртанні на радзіму з-за замены пашпарта могуць сутыкнуцца з палітычна матываваным пераследам, у тым ліку з затрыманнямі.

Гэта рашэнне — вынік працяглай і сістэмнай працы Офіса Святланы Ціханоўскай, Народных амбасадаў, беларускай дыяспары ў Швецыі, а таксама праваабарончых арганізацый. Пасля таго, як рэжым забараніў консульствам выдаваць пашпарты, каманда Офіса правяла серыю сустрэч з урадам і Міграцыйнай службай Швецыі, перадаючы доказы рэпрэсій і затрыманняў на мяжы.

Што гэта значыць на практыцы для беларусаў у Швецыі:

– Права на пашпарт іншаземца (främlingspass): Калі ў вас сканчаецца ці ўжо скончыўся пашпарт, Швецыя разглядае вас як чалавека, які фізічна не можа яго атрымаць. Гэта дае магчымасць атрымаць шведскі пашпарт іншаземца.
– Заявы на ВНЖ без дзеючага беларускага пашпарта: заяўнік можа быць вызвалены ад патрабавання мець пашпарт, калі яго немагчыма атрымаць у разумныя тэрміны праз беларускае консульства ці ўлады на радзіме. У цяперашніх умовах Міграцыйная служба прызнае, што беларус за мяжой такой магчымасці не мае, таму заявы на атрыманне ці падаўжэнне ВНЖ могуць разглядацца нават без дзеючага пашпарта.

Важна ўдакладніць, што прававая пазіцыя абноўлена толькі адносна пытання наяўнасці дзеючага беларускага пашпарта пры здзяйсненні міграцыйных працэдур. То бок іншыя крытэры прадастаўлення легалізацыі ў Швецыі на тых ці іншых падставах застаюцца нязменнымі. 

«Мы доўга працавалі над тым, каб краіны Еўропы зразумелі: паездка за пашпартам у Беларусь для многіх — гэта прамы шлях у турму. Рашэнне Швецыі паказвае, што такія крокі ў напрамку спрашчэння жыцця беларусаў магчымыя. Я шчыра дзякую ўсім беларусам і дыяспары ў Швецыі, Народным амбасадам, арганізацыям і актывістам, якія не спыняліся і адвакатавалі гэтае пытанне. Гэта наш супольны вынік і прыклад для іншых краін Еўропы, што трэба працягваць працаваць і лабіяваць інтарэсы беларусаў»,
— дыпламатычны дарадца Святланы Ціханоўскай Дзяніс Кучынскі.

🥂 Першы дыпламатычны прыём Народных амбасадаў Беларусі

7 жніўня ў Варшаве адбыўся першы дыпламатычны прыём, арганізаваны Народнымі амбасадамі Беларусі.

Мы сабралі разам дыпламатаў і дыпламатак з розных краін, міжнародных партнёраў і партнёрак, прадстаўнікоў і прадстаўніц беларускай дэмакратычнай супольнасці і нашых сяброў і сябровак, якія на працягу многіх гадоў падтрымліваюць Беларусь і беларусаў.

Гэта быў вечар жывых размоў, новых знаёмстваў і сустрэч з тымі, з кім нас ужо звязваюць гады супрацоўніцтва. Без доўгіх прамоў і фармальнасцяў, але з вялікай колькасцю ідэй, планаў і размоў пра Беларусь.

Для Народных амбасадаў гэта першы досвед правядзення дыпламатычнага прыёму такога фармату — і мы вельмі рады, што ён атрымаўся менавіта такім: цёплым і ўтульным.

Дзякуем усім, хто быў з намі ў гэты вечар, і хто дапамог зрабіць гэтую сустрэчу магчымай!

| https://t.me/PEofBelarus_bot | https://buy.stripe.com/6oE7t3eCX0xg5yMbIJ

Памёр вядомы беларускі палітык Аляксандр Мілінкевіч. 

Спачуванні родным, сябрам. Спачуванні ўсёй Беларусі.

Што вырашылі на Канферэнцыі «Новая Беларусь»? Галоўнае — коратка

Два дні дыскусій, дзевяць рэзалюцый, новыя праекты, кадравыя змены і асобны акцэнт на Украіне, палітвязнях, еўрапейскай будучыні і падтрымцы беларусаў.

Сабралі галоўныя вынікі Канферэнцыі «Новая Беларусь»:

– дэмакратычныя сілы прынялі дзевяць рэзалюцый з ключавымі пазіцыямі;
– асобная ўвага — беларуска-ўкраінскай супрацы і недапушчэнню поўнага ўцягвання Беларусі ў вайну;
– Вольга Зазулінская прызначаная кіраўніцай Місіі дэмакратычнай Беларусі ў Кіеве;
– прадстаўленыя новыя інструменты і ініцыятывы для беларусаў, у тым ліку Belarus Network, «Раёнка», «Падарожжа», абнаўленні «Трох сланоў» і платформы «Прастора»;
– дадзены старт кампаніі «Постлукашэнкаўская Беларусь»;
– працягнецца праца па вызваленні палітвязняў, падтрымцы беларусаў і еўрапейскай будучыні краіны;
– будуць узмацняцца прадстаўніцтвы ў Кіеве, Таліне, Празе і Бруселі.

Поўны матэрыял з вынікамі — https://tsikhanouskaya.org/be/news/kanferenczyya-novaya-belarus-zavyarshylasya-u-varshave-galounyya-vyniki.html.

Юхно: Справай беларускі займаюцца праваабаронцы

🔺 У Італіі затрымалі беларуску Карыну Зданевіч-Спыхальскую. Яе арыштавалі яшчэ 1 лютага ў аэрапорце Орыа-аль-Серыа паводле ордэра, выдадзенага ў Берасці ў 2021 годзе.

🎤 Сітуацыю каментуе прадстаўніца Народнай амбасады Беларусі ў Італіі Юлія Юхно.

Больш на: https://racyja.com/by/hramadstva/juchno-spravaj-belaruski-zajmajucca-pravaabaroncy/

🇦🇹 На тыдні адбылося некалькі мерапрыемстваў з удзелам прадстаўніцы Народнай амбасады Беларусі ў Аўстрыі Анастасіі Свірковай

9 траўня яна сумесна з іншымі беларусамі і беларускамі Аўстрыі прыняла ўдзел у штогадовым фэсце Europatag Wien (Дзень Еўропы). На беларускім стэндзе былі прадстаўлены кнігі, творы мастацтва і ўзоры народнай творчасці. Наведвальнікі фестывалю і мінакі цікавіліся ня толькі пра беларускую культуру, а таксама і пра бягучую палітычную сітуацыю ў Беларусі.

10 траўня адбылася ўрачыстая цырымонія, прысвечаная вызваленню канцлагера Маўтхаўзэн. https://austria.belarusabroad.org/ штогод фарміруе дэлегацыю для ўдзелу ў гэтай цырымоніі, як важную частку дзейнасці па захаванні гістарычнай памяці і ўмацаванні міжнародных і дыпламатычных сувязей з Дэмакратычнымі сіламі Беларусі.

У гэтым годзе цырымонія была прысвечана сапраўдным віноўнікам нацысцкіх злачынстваў і ахвярам лагера.  Беларуская дэлегацыя прыняла ўдзел ва ўрачыстым шэсці, а таксама ўсклала кветкі ля манументу Дачкам і Сынам Беларусі. Памяць загінулых была таксама ўшанаваная ля ўкраінскага манумента. Падчас асабістай гутаркі з паслом Украіны ў Аўстрыі дэлегацыя выказала падзяку за супрацьстаянне агульнаму ворагу.

11 траўня Анастасія завітала ў Дыялог-бюро і разам з Валерам Мацкевічам і Алісай Рыжычэнка прыняла ўдзел у мерапрыемстве, прысвечанам Каардынацыйнай радзе і бягучым выбарам у яе. Падчас мерапрыемства удзельнікі і ўдзельніцы даведаліся аб прыродзе і значэнні Каардынацыйнай рады, аб парадку галасавання і важнасці ўдзелу ў выбарах.  Значная частка змястоўных зносін прайшла ў фармаце кулуарных гутарак, у якіх прадстаўніца Народнай амбасады таксама правяла асабістыя сустрэчы.

| https://t.me/PEofBelarus_bot | https://buy.stripe.com/6oE7t3eCX0xg5yMbIJ

⬜️ Народная амбасада Беларусі ў Польшчы запрашае на "Прыемны Прыём" ў Беларускім Моладзевым Хабе!

Як і шматлікія іншыя дыпламатычныя пляцоўкі ў Варшаве, Народныя Амбасады далучаюцца 16 траўня да Ночы музеяў і ладзяць свой урачысты "Прыемны Прыём" у стылі Дранік-party.
Чакаем усіх у госці, дзе будзем частаваць дранікамі, халадніком, радаваць музыкай ды танцамі.

Пачатак а 14:00.

📅 16.05.2026 (субота)
⏰ 14:00–20:00
📍 Беларускі Моладзевы Хаб, ul. Dożynkowa 6a

Арганізатары: 🌐
⬜️ https://t.me/polskastudent

🇸🇮 8 мая ў Любляне адбылася сустрэча беларускай дыяспары з Настай Рагатко — аўтаркай кнігі https://nosissoboj.com/

Падчас сустрэчы, арганізатарам якой была Народная амбасада Беларусі ў Славеніі, Наста https://www.facebook.com/reel/2487837705064728 ўрывак з кнігі, распавяла гісторыю яе напісання і прасоўвання. Таксама ўдзельнікі абмяркоўвалі жыццё беларускай дыяспары ў Славеніі: хто і калі пераехаў, чаму выбраў менавіта гэтую краіну, як змянілася жыццё пасля эміграцыі і з якімі пытаннямі легалізацыі сутыкаюцца беларусы.

«Вечар прайшоў у вельмі цёплай і шчырай атмасферы. Размовы пра Беларусь, эміграцыю, памяць, траўму 2020 года і спробы нанова выбудоўваць жыццё ў іншай краіне нечакана аб’ядналі вельмі розных людзей. У кожнага — свая Беларусь, свой досвед і свой боль, але ўсіх аб’ядноўвае тое, як моцна працягвае балець за краіну. Насты сапраўды атрымалася напісаць пра гэта так, каб гэта адгукнулася кожнаму — і ад гэтых гісторый не хацелася памерці», - падзялілася сваімі ўражаннямі ад сустрэчы прадстаўніца https://slovenia.belarusabroad.org/ Аляксандра Мамаева.

| https://t.me/PEofBelarus_bot | https://buy.stripe.com/6oE7t3eCX0xg5yMbIJ