Raqobat qo‘mitasi

👍👍👍👍👍👍 | #Кун_рақами

🤔 Рақобатни ривожлантириш ва истеъмолчилар ҳуқуқларини ҳимоя қилиш қўмитаси Сирдарё вилояти ҳудудий бошқармасига ўтган 2026 йилнинг 9 ойи давомида истеъмолчилардан жами 969 та мурожаатлар келиб тушган.

➡️ Амалга оширилган ишлар натижасида истеъмолчилар фойдасига 4.5 млрд сўмдан ортиқ маблағлар қайта ҳисоб-китоб қилинган.

Telegram | Press_service | Facebook | Instagram | YouTube

#Апелляция_кенгаши

Қўмита Апелляция кенгаши “Оҳангаронцемент” АЖга нисбатан қабул қилинган қарор ва кўрсатмани ўз кучида қолдирди

🇺🇿 Рақобат қўмитасининг Тошкент вилояти ҳудудий бошқармасига “SARKOR-ISHONCH-777” МЧЖ ҳамда “EAST” МЧЖ томонидан “Оҳангаронцемент” АЖнинг хатти-ҳаракатларидан норози бўлиб йўлланган мурожаат келиб тушган.

⚡️ Мурожаатни ўрганиш жараёнида аниқланишича, 2025 йил ноябрь–декабрь ойларида “Оҳангаронцемент” АЖ билан “SARKOR-ISHONCH-777” МЧЖ ҳамда “EAST” МЧЖ ўртасида тузилган шартномаларга асосан, харидорларга цемент маҳсулотини белгиланган муддатларда етказиб бериш мажбурияти олинган.

🖋 Бироқ, ўрганишлар давомида цемент маҳсулотини шартномаларда белгиланган муддатларда юклаб жўнатиш таъминланмаганлиги, шунингдек, биржа савдолари натижалари бўйича шартнома мажбуриятларининг лозим даражада бажарилмаганлиги натижасида “Оҳангаронцемент” АЖ томонидан “Рақобат тўғрисида”ги Қонуннинг 29-моддаси талабларига риоя этилмаганлик ҳолатлари аниқланди.  

Маълумот учун: Ўзбекистон Республикаси “Рақобат тўғрисида”ги Қонунинг 29-моддасига мувофиқ, биржа савдоларини ўтказиш чоғида рақобатни чеклайдиган ёки чеклашга олиб келиши мумкин бўлган ҳаракатларни содир этиш тақиқланган.

✈️ Юқоридагиларга асосан, Тошкент вилояти ҳудудий бошқармаси Махсус комиссияси томонидан “Рақобат тўғрисида”ги Қонуннинг 29-моддаси талаблари бузилганлиги бўйича “Оҳангаронцемент” АЖга нисбатан белгиланган тартибда иш қўзғатилиб, натижаси юзасидан молиявий жарима қўллаш ҳақида қарор қабул қилинди.

‼️ Шу билан бирга, қонунбузилиш ҳолатларини бартараф этиш, келгусида бундай ҳолатларга йўл қўймаслик бўйича бажарилиши мажбурий бўлган кўрсатма берилди.

✈️ Шунингдек, “Оҳангаронцемент” АЖ томонидан ҳудудий бошқарманинг мазкур қарори ва кўрсатмасидан норози бўлиб берилган апелляция шикояти Рақобат қўмитаси Апелляция кенгаши томонидан кўриб чиқилиб, кенгашнинг қарорига асосан, ҳудудий бошқарма томонидан “Оҳангаронцемент” АЖга нисбатан қабул қилинган қарор ҳамда кўрсатма ўз кучида қолдирилган.

Telegram |Press_service| Facebook | Instagram | Youtube

👍👍👍👍👍👍 | #Kun_raqami

🤔 Raqobatni rivojlantirish va iste’molchilar huquqlarini himoya qilish qo‘mitasi Samarqand viloyati hududiy boshqarmasiga o‘tgan 2026-yilning 9 oyi davomida iste’molchilardan jami 4 212 ta murojaat kelib tushgan.

➡️ Amalga oshirilgan ishlar natijasida iste’molchilar foydasiga 8,4 mlrd so‘mdan ortiq mablag‘ qayta hisob-kitob qilingan.

Telegram | Press_service | Facebook | Instagram | YouTube

Raqobat qo‘mitasi tomonidan reklamalarda davlat tili talablariga rioya etilishi yuzasidan o‘rganishlar o‘tkazildi

🇺🇿 Mamlakatimizda davlat tilining nufuzini oshirish, uning jamiyat hayotidagi o‘rnini mustahkamlash hamda davlat tilida axborot taqdim etish madaniyatini yuksaltirishga alohida e’tibor qaratilmoqda.

✈️ Qo‘mita tomonidan muntazam ravishda tashqi yozuvlar, xususan, peshlavhalar, reklama va boshqa e’lonlar hamda axborot matnlarining davlat tili qoidalariga muvofiqligi yuzasidan o‘rganishlar olib boriladi.

✈️ Jumladan, respublika hududlarida joriy yilning o‘tgan davr mobaynida 16 057 ta monitoringlar o‘tkazilgan. Shundan 4 496 ta holatda turli kamchiliklar aniqlangan. Bunda, 2 344 ta holatda peshlavhalar, tashqi yozuv va boshqa e’lonlar matni, 975 ta tashqi reklamalar matni boshqa tillarda berilganligi, 841 ta peshlavha, tashqi yozuvlar va boshqa e’lonlardagi hamda 336 ta tashqi reklama vositasidagi reklama va axborotlari matnida lug‘aviy ma’nosi buzilganligi va imloviy xatolar mavjudligi aniqlangan bo‘lib, kamchiliklarni tezkor bartaraf etish choralari ko‘rilgan hamda ularni davlat tili va reklama to‘g‘risidagi qonunchilik talablariga muvofiqlashtirilishi ta’minlangan.

⚡️ Raqobat qo‘mitasi tomonidan olib borilgan o‘rganishlar davomida go‘zallik salonlari, avtoservislar hamda qurilish materiallari savdosi bilan shug‘ullanuvchi tadbirkorlik subyektlariga reklamani joylashtirishda davlat tili va reklama to‘g‘risidagi qonunchilik talablariga rioya etish yuzasidan tegishli tushuntirishlar berildi.

✈️ Shu o‘rinda, tadbirkorlik subyektlari tomonidan reklamani tayyorlash, joylashtirish va tarqatishda davlat tili hamda reklama to‘g‘risidagi qonunchilik talablariga amal qilishlari lozim.

O‘zbekiston Respublikasining "Reklama to‘g‘risida"gi Qonuni 6-moddasiga muvofiq, O‘zbekiston Respublikasi hududida reklama davlat tilida tarqatiladi. Reklama mazmunining tarjimasi belgilangan talablarga rioya etilgan holda boshqa tillarda ham takrorlanishi mumkin.

Shuningdek, tovar belgilari, xizmat ko‘rsatish belgilari hamda qonunchilikda belgilangan tartibda ro‘yxatga olingan boshqa belgilarning asl shakli va tilini saqlash bilan bog‘liq talablar ham inobatga olinishi lozim.

Tashqi reklamani joylashtirishda ularning mazmuni, imloviy va uslubiy jihatdan to‘g‘ri rasmiylashtirilishiga, shuningdek, amaldagi qonunchilik talablariga muvofiqligiga e’tibor qaratish zarur.

‼️ Raqobat qo‘mitasi tadbirkorlik subyektlarini tashqi reklama, peshlavha va axborot ko‘rsatkichlarini joylashtirishda davlat tili va reklama to‘g‘risidagi qonunchilik talablarga rioya etishga chaqiradi.

✈️ Qo‘mita tomonidan tashqi reklama va axborot obyektlarining qonunchilik talablariga muvofiqligini o‘rganish ishlari davom ettirilmoqda.

Davlat tiliga hurmat — qonunchilikka hurmatdir!

Telegram | Press_service | Facebook | Instagram | YouTube

🇺🇿 21-oktabr — O‘zbek tiliga Davlat tili maqomi berilgan kun!

🇺🇿 1989-yil 21-oktabrda o‘zbek tiliga davlat tili maqomi berilgani xalqimiz tarixida muhim voqea bo‘ldi. O‘tgan 37 yil davomida ona tilimiz davlat boshqaruvi, ta’lim, fan, iqtisodiyot va raqamli makonda o‘z o‘rnini mustahkamlab bormoqda.

📚 Til — faqat muloqot vositasi emas, balki iste’molchi huquqlarining ajralmas qismi hamdir. Har bir fuqaro tovar va xizmatlar, ularning narxi, tarkibi va xususiyatlari haqidagi ma’lumotni davlat tilida to‘liq va tushunarli tarzda olish huquqiga ega. Reklama, yorliq va shartnomalarning davlat tilida bo‘lishi — qonun talabi va iste’molchiga hurmat belgisidir.

🤝 Qo‘mita o‘z faoliyatida ana shu huquqlarni himoya qilish, bozorda halol raqobat va iste’molchiga aniq, tushunarli ma’lumot yetkazilishini ta’minlashga alohida e’tibor qaratadi.

🎉 Barchangizga sog‘lik, tinchlik va ezgu ishlaringizda omad tilaymiz. Ona tilimizning nufuzi yanada yuksalaversin!

Oʻzbekiston Respublikasi Raqobatni rivojlantirish va iste'molchilar huquqlarini himoya qilish qoʻmitasi.

Telegram | Press_service | Facebook | Instagram | YouTube

👍👍👍👍👍👍 | #Kun_raqami

🤔 Raqobatni rivojlantirish va iste’molchilar huquqlarini himoya qilish qo‘mitasi Navoiy viloyati hududiy boshqarmasiga o‘tgan 2026-yilning 9 oyi davomida iste’molchilardan jami 1 224 ta murojaat kelib tushgan.

➡️ Amalga oshirilgan ishlar natijasida iste’molchilar foydasiga 2,1 mlrd so‘mdan ortiq mablag‘ qayta hisob-kitob qilingan.

Telegram | Press_service | Facebook | Instagram | YouTube

“VEON” компаниялар гуруҳининг “PERFECTUM” савдо белгиси остидаги “RUBICON WIRELESS COMMUNICATION” АЖ акцияларини сотиб олиш бўйича иқтисодий концентрация битимига розилик берилди

✈️ Рақобат қўмитаси томонидан “Veon” компаниялар гуруҳига кирувчи Бирлашган Араб Амирликларида рўйхатдан ўтган “VEON UZB Holding Ltd” компанияси томонидан Ўзбекистон Республикасида “Perfectum” савдо белгиси остида мобил алоқа хизматларини кўрсатувчи “Rubicon Wireless Communication” АЖнинг 100 фоиз акцияларини сотиб олиш бўйича аризаси кўриб чиқилди.

🔘 “VEON UZB Holding Ltd” компанияси Ўзбекистон Республикасида мобил алоқа хизматларини кўрсатувчи “Unitel” МЧЖ ХКнинг устав фондида 100 фоиз улушга эга.

📑 Қўмитанинг Махсус комиссияси томонидан ўтказилган таҳлил натижаларига кўра, мазкур битим юзасидан рақобатни таъминлашга қаратилган қуйидаги шартлар асосида олдиндан розилик бериш ҳақида қарор қабул қилинди:

➡️ “Perfectum” операторининг камида 3 йил давомида алоҳида фаолият юритишини ҳамда 5G Standalone технологиясини бошқа ҳудудларга кенгайтиришни таъминлаш;

➡️ амалдаги абонентлар учун 5G FWA тарифларини 12 ой давомида сақлаш, янги абонентларга қулай шартлар яратиш ва интернетнинг ўртача тезлигини 300 Мбит/с дан пасайтирмаслик;

➡️ абонентларга шартнома предметига алоқадор бўлмаган шартларни мажбуран юкламаслик ва уларнинг бошқа мобил операторларга ўтиш эркинлигини чекламаслик;

➡️ абонентларни Beeline ва VEON гуруҳига тегишли рақамли платформалар хизматларидан фойдаланишга мажбурламаслик ҳамда рақобатчи хизматлардан фойдаланишини чекламаслик;

➡️ абонентларга хизмат кўрсатиш шартларини асоссиз равишда ёмонлаштирмаслик ва уларнинг ҳуқуқларини ҳимоя қилиш;

➡️ абонентларнинг шахсий ва тижорат маълумотлари ҳимоясини таъминлаш, улардан рақобатни чеклаш мақсадида фойдаланмаслик ҳамда қонунчилик талабларига зид равишда хорижий серверларга узатмаслик;

➡️ “Рақобат тўғрисида”ги Қонун талабларига риоя этиш ва бозорда соғлом рақобат муҳитини таъминлаш.

Telegram | Press_service | Facebook | Instagram | YouTube

🇺🇿 Навоий вилоятининг Хатирчи тумани ҳокимлигида Рақобат қўмитаси раҳбарияти томонидан Қўмита ҳузуридаги Рақобат сиёсати ва истеъмолчилар ҳуқуқлари тадқиқотлар маркази ва German Sparkassenstiftung for International Cooperation ташкилоти (Германия) билан ҳамкорликда ўқув-семинар ташкил этилди.

🇺🇿 Президентнинг 2026 йил 11 сентябрдаги ПФ–193-сонли Фармони ижросини таъминлаш доирасида ўтказилган мазкур тадбирда қўмита мутасаддилари, тегишли ташкилотлар ва тижорат банклари вакиллари ҳамда ҳоким ёрдамчилари иштирок этдилар.

✈️ Тадбирни қўмита раиси ўринбосари У.Давлатов кириш сўзи билан очди. У семинарнинг айнан Хатирчи туманида ўтказилаётгани бежиз эмаслигини, туман вилоятда камбағаллик ва ишсизлик даражаси юқори бўлган ҳудудлардан бири эканини алоҳида қайд этди. Шу боис ҳудудда кам харажат талаб этадиган кичик лойиҳаларни амалга ошириш орқали янги иш ўринлари яратиш, аҳоли даромадларини ошириш ва туманни камбағалликдан холи ҳудудга айлантириш зарурлигини таъкидлади.

👥 Семинарга “Uzum Market” МЧЖ ХК вакилларининг жалб этилгани ҳам шу мақсадга хизмат қилади. Корхона электрон савдо орқали кичик тадбиркорликни қўллаб-қувватлаб келмоқда. Онлайн савдо катта сармоя талаб этмайди ва туман аҳолисига ўз маҳсулотини кенг бозорга чиқариб, барқарор даромад топиш имконини беради. Тадбирда корхона вакили онлайн савдо орқали товарларни сотиш, савдо жараёнларини бошқариш ва сотувчилар билан ишлаш бўйича тақдимот ўтказди. Шунингдек, франшиза асосида буюртмаларни топшириш пунктларини ташкил этиш, уларнинг даромадлилиги ва жой танлаш мезонлари ҳақида маълумот берилди.

✈️ Шунингдек, семинарда German Sparkassenstiftung for International Cooperation ташкилоти эксперти Лия Граубергер “Муваффақиятли лойиҳа бошқаруви: йўл харитасидан ҳаётий лойиҳага қадар — режалаштириш, лойиҳани асослаш ва тегишли молиялаштириш воситаларидан фойдаланиш” мавзусида тақдимот қилди.

🪪 Қўмита ҳузуридаги Рақобат сиёсати ва истеъмолчилар ҳуқуқлари тадқиқотлар маркази директори О.Жумаев ўз чиқишида ҳудудларнинг ишлаб чиқариш салоҳиятидан келиб чиқиб янги лойиҳаларни шакллантириш ва илғор тажрибаларни амалиётга татбиқ этиш муҳимлигини қайд этди.

👥 Семинар иштирокчиларнинг тадбиркорлик лойиҳаларини шакллантириш ва амалга ошириш бўйича билим ва кўникмаларини мустаҳкамлашга хизмат қилади.

Telegram | Press_service | Facebook | Instagram | YouTube

👍👍👍👍👍👍 | #Kun_raqami

🤔 Raqobatni rivojlantirish va iste’molchilar huquqlarini himoya qilish qo‘mitasi Namangan viloyati hududiy boshqarmasiga o‘tgan 2026-yilning 9 oyi davomida iste’molchilardan jami 2 264 ta murojaat kelib tushgan.

➡️ Amalga oshirilgan ishlar natijasida iste’molchilar foydasiga 4,8 mlrd so‘mdan ortiq mablag‘ qayta hisob-kitob qilingan.

Telegram | Press_service | Facebook | Instagram | YouTube

СИФАТ ТАЛАБЛАРИГА ЖАВОБ БЕРМАГАН 73 НОМДАГИ МАҲСУЛОТ АНИҚЛАНИБ, ТЕГИШЛИ ЧОРАЛАР КЎРИЛДИ

🇺🇿 Рақобат қўмитаси томонидан ҳамкор ташкилотлар билан биргаликда чакана савдо нуқталарида сотилаётган халқ истеъмол товарларининг сифат ва хавфсизлик талабларига мувофиқлигини аниқлаш мақсадида назорат хариди тадбирлари мунтазам ўтказиб келинмоқда.

🔬 Мазкур тадбирлар доирасида маҳсулотлар аккредитациядан ўтган лабораторияларда текширилиб, уларнинг давлат стандартлари ва норматив-техник ҳужжатлар талабларига мувофиқлиги баҳоланмоқда.

🇺🇿 Хусусан, “Ўзбекистон — 2030” стратегиясида белгиланган вазифалар ижросини таъминлаш мақсадида 2026 йилнинг ўтган саккиз ойида 60 турдаги 558 номдаги маҳсулот лаборатория экспертизасидан ўтказилди.

🤩 Натижада 73 номдаги маҳсулот норматив-техник талабларга жавоб бермаслиги маълум бўлди.

♻️ Мазкур маҳсулотларни савдо расталаридан қайтариб олиш ҳамда қонунчиликка мувофиқ чора кўриш учун тегишли материаллар Ўзбекистон техник жиҳатдан тартибга солиш агентлиги ва Санитария-эпидемиологик осойишталик ва жамоат саломатлиги қўмитасига юборилди.

‼️ Рақобат қўмитаси истеъмолчиларнинг саломатлиги ва ҳуқуқларини ҳимоя қилиш мақсадида назорат хариди тадбирларини давом эттиради.

Telegram | Press_service | Facebook | Instagram | Youtube

👍 Raqobat qo‘mitasining haftalik dayjesti

📆 (12 — 17 - oktyabr kunlari)

🗓 12 - oktyabr

✅ Havo yo‘llari orqali ichki qatnovlardagi yo‘lovchi tashish chipta narxlari pasaytirildi;

✅ Kun raqami: Qoraqalpog‘iston Respublikasi Raqobat qo‘mitasi tomonidan iste’molchilar foydasiga 9.6 mlrd so‘mdan ortiq mablag‘ qayta hisob-kitob qilindi;

✅ Iste’molchilar murojaatlari bo‘yicha amalga oshirilgan ishlar, “OLTIN VOHA” FMda;

✅ Buxoroda birja savdolari bo‘yicha seminar o‘tkazildi, "ISTIQLOL TV"da;
____

🗓 13 - oktyabr

✅ 10 mlrd so‘mga yaqin davlat xaridlaridagi qonunbuzilishlar yuzasidan tegishli choralar ko‘rildi;

✅ Kun raqami: Andijon viloyati hududiy boshqarmasi tomonidan iste’molchilar foydasiga 852 mln so‘mdan ortiq mablag‘ qayta hisob-kitob qilindi;

✅ Havo yo‘llari orqali ichki qatnovlardagi yo‘lovchi tashish chipta narxlari pasaytirildi, "TOSHKENT TV"da;

✅ Normativ-huquqiy hujjatlarning raqobat muhitiga ta’siri o‘rganildi, “JIZZAX” radiokanalida;

✅ Ichki aviaqatnovlarda chipta narxlari 20 foizgacha arzonlashtirildi, “O'ZBEKISTON 24” telekanalida;

✅ "Yevropa Ittifoqining raqobat va davlat yordami sohasidagi qonunchiligi hamda uni qo‘llash amaliyoti" mavzusidagi xalqaro seminar bo‘lib o‘tdi;
____

🗓 14 - oktyabr

✅ Ro‘yxatdan o‘tgan asosiy yashash manzilida vaqtincha istiqomat qilmagan 800 ming nafarga yaqin fuqaro foydasiga 22 mlrd so‘mga yaqin asossiz qarzdorlik qayta hisob-kitob qilindi;

✅ Kun raqami: Buxoro viloyati hududiy boshqarmasi tomonidan iste’molchilar foydasiga 852 mln so‘mdan ortiq mablag‘ qayta hisob-kitob qilindi;

✅ Narx shakllanishi va raqobat masalalari muhokama qilindi, "Andijon FM"da;

✅ Raqobat qo‘mitasi Sirdaryo viloyati hududiy boshqarmasi tomonidan brifing o‘tkazildi, "SIRDARYO MTRK"da;

✅ Ijtimoiy tarmoqlarda “Bir manzil, bir telefon — ikki raqobatchi” – deb nomlangan tanqidiy maqola yuzasidan o‘rganish ishlari o‘tkazildi;
____

🗓 15 - oktyabr

✅ Tibbiyot muassasalarida iste’molchilardan asossiz daromad olingani aniqlanib, qonunbuzilishlarni bartaraf etish choralari ko‘rildi;

✅ Kun raqami: Farg‘ona viloyati hududiy boshqarmasi tomonidan iste’molchilar foydasiga 982 mln so‘mdan ortiq mablag‘ qayta hisob-kitob qilindi;

✅ Aholi murojaatlari va ularni hal etish masalalari, “JIZZAX” radiokanalida;

✅ Surxondaryo viloyati hududiy boshqarmasi tomonidan brifing o‘tkazildi, "ISHONCH TV"da;

✅ Raqobat qo‘mitasi tomonidan taksi agregatorlarining iste’molchilar hamda haydovchilarga ko‘rsatiladigan xizmatlar va narxlar yuzasidan o‘rganishlar boshlandi;
____

🗓 16 - oktyabr

✅ Raqobat qo‘mitasi takliflari asosida tashqi reklamani joylashtirish tartibi tadbirkorlar foydasiga qayta ko‘rib chiqilayotganligi bo‘yicha xabar berilgan edi. Ushbu takliflar asosida Hukumat qarori qabul qilindi;

✅ Kun raqami: Jizzax viloyati hududiy boshqarmasi tomonidan iste’molchilar foydasiga 982 mln so‘mdan ortiq mablag‘ qayta hisob-kitob qilindi;

✅ Tovarlar sifati va xavfsizligi nazorat xaridi orqali o‘rganilmoqda, “OLTIN VOHA” FMda;

✅ Suyultirilgan gaz yetkazib berishda davlat monopoliyasi tugatiladi.

Telegram | Press_service | Facebook | Instagram | YouTube

🔴 Suyultirilgan gaz yetkazib berishda davlat monopoliyasi tugatiladi

❗️ Prezident Shavkat Mirziyoyev ilgari davlat monopoliyasida bo‘lgan suyultirilgan gaz yetkazib berish sohasida bosqichma-bosqich bozor mexanizmlari joriy etilayotganini ma’lum qildi.

Telegram | Press_service | Facebook | Instagram | YouTube

👍👍👍👍👍👍 | #Kun_raqami

🤔 Raqobatni rivojlantirish va iste’molchilar huquqlarini himoya qilish qo‘mitasi Jizzax viloyati hududiy boshqarmasiga o‘tgan 2026-yilning 9 oyi davomida iste’molchilardan jami 1 647 ta murojaat kelib tushgan.

➡️ Amalga oshirilgan ishlar natijasida iste’molchilar foydasiga 3,2 mlrd so‘mdan ortiq mablag‘ qayta hisob-kitob qilingan.

Telegram | Press_service | Facebook | Instagram | YouTube

Рақобат қўмитаси таклифлари асосида ташқи рекламани жойлаштириш тартиби тадбиркорлар фойдасига қайта кўриб чиқилаётганлиги бўйича хабар берилган эди. Ушбу таклифлар асосида Ҳукумат қарори қабул қилинди

🇺🇿 Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисидаги (Вазирлар Маҳкамасининг 2026 йил 13 октябрдаги 563-сон) қарори қабул қилинди.

✈️ Мазкур қарорга мувофиқ, тадбиркорлик субъекти ўзи эгаллаб турган бино ёки иншоотнинг ташқи томонида (кириш жойида) жойлаштирган номи ва фаолият тури (ихтисослиги) тўғрисидаги ахборот (пешлавҳа) шу жумладан, фирма номи, товар ёки хизмат кўрсатиш белгиси, ташқи реклама объекти ҳисобланмайди ҳамда ушбу ахборот воситаси учун реклама жойининг паспортини расмийлаштириш талаб этилмайди.

✈️юридик шахсларнинг мулк ёки бошқа ашёвий ҳуқуқ асосида тегишли бўлган ўз автотранспорт воситаларига ўзига тегишли товар белгиси, фаолият турига тегишли ёзувлар ва ишлаб чиқарадиган маҳсулотлари (кўрсатадиган хизматлари) ҳақидаги реклама маълумотлари соддалаштирилган тартибда жойлаштирилади.

🪪 Бунда юридик шахслар автотранспорт воситаларига ўзига тегишли бўлган товар белгисини, фаолият турига тегишли ёзувлар ва ишлаб чиқарадиган маҳсулотлари (кўрсатадиган хизматлари) ҳақидаги реклама маълумотларини жойлаштириш учун хабарномани ЯИДХП орқали электрон шаклда юборади. Хабарнома ЯИДХПда қабул қилинган вақтдан бошлаб, Қорақалпоғистон Республикаси Вазирлар Кенгаши, вилоятлар ҳокимликлари ва Тошкент шаҳрида Департаменти хабардор қилинган ҳисобланади ва тизим томонидан реклама жойининг паспорти автоматик равишда шакллантирилади.

Хабарномада нотўғри маълумотлар, шунингдек, ўзгаларга тегишли товар белгилари тақдим этилганлиги аниқланган тақдирда, шакллантирилган реклама жойининг паспорти автоматик равишда бекор қилинади ва бу ҳақида юридик шахсга асослантирилган хат юборилади. Юридик шахслар автотранспорт воситаларига ўзига тегишли бўлган товар белгисини, фаолият турига тегишли ёзувлар ва ишлаб чиқарадиган маҳсулотлари (кўрсатадиган хизматлари) ҳақидаги реклама маълумотларини жойлаштириш ҳуқуқни берувчи реклама жойи паспортини расмийлаштириш учун йиғим ундирилмайди.

✈️ Шунингдек, Паспортни онлайн бекор қилиш мумкин. Реклама жойи паспортидан ихтиёрий воз кечиш учун Ягона интерактив давлат хизматлари портали орқали ариза юборилади. Маълумотлар солиқ органларига автоматик тарзда етказилади.

✈️ Қисқа муддатли реклама учун аниқ муддатлар белгиланди. Қурилиш объектларида реклама қурилиш тугагунча туриши мумкин, байрам ва тадбирлар учун эса 30 кунгача.

✈️ “Дизайн-код” энди тўсатдан ўзгармайди. Бу бўйича қарорлар фақат жамоатчилик муҳокамасидан, жумладан, regulation.gov.uz порталидан ўтгандан кейин қабул қилинади. Улар эълон қилингандан 3 ой ўтиб кучга киради. Рўйхатдан ўтган товар белгисидан фойдаланиш имконияти сақланиши шарт. Тошкент шаҳрининг “дизайн-коди” 10 декабргача тадбиркорлар ва ОАВ иштирокида муҳокама қилинади.

Мажбурий демонтажга аниқ тартиб жорий этилди:
➡️ демонтаж куни ва вақти ҳақида 2 кун олдин веб-сайтда эълон қилинади, эгасига эса ёзма хабар юборилади.
➡️ демонтаж фақат иш кунлари соат 09:00–18:00 оралиғида амалга оширилади.
➡️ демонтаж вақтида эгаси иштирокида далолатнома тузилади. Унда сана, вақт, сабаб, фотосуратлар ва конструкция сақлашга юборилган манзил кўрсатилади.
➡️ тадбиркорга оид қарорлар ва хабарномалар унинг юридик манзилига ёзма равишда ҳам юборилади.

Ташқи реклама объектларининг жойлаштирилиши бўйича жамоатчилик назорати “Халқ назорати” электрон портали орқали йўлга қўйилади.

✅ Қарор билан танишиш.

Telegram | Press_service | Facebook | Instagram | YouTube

Рақобат қўмитаси томонидан такси агрегаторларининг истеъмолчилар ҳамда ҳайдовчиларга кўрсатиладиган хизматлар ва нархлар юзасидан ўрганишлар бошланди

Сўнгги кунларда йирик такси агрегаторлари фаолиятида кузатилаётган техник носозликлар оқибатида бошқа рақобатчи бўлган агрегаторларда ҳам такси хизмати нархлари тиғиз вақтларда бир неча баробаргача қимматлашгани жамоатчиликнинг ҳақли эътирозларига сабаб бўлмоқда.

Мазкур ҳолат юзасидан Рақобат қўмитаси томонидан такси агрегаторларининг хизмат нархлари ва инсофсиз рақобатни амалга ошириши аломатлари бўйича ўрганишлар бошланди.

Ўрганиш давомида такси хизматлари нархларининг оширилиши асослилиги ҳамда рақобат тўғрисидаги қонунчилик талабларига риоя этилишига алоҳида эътибор қаратилмоқда.

Шу муносабат билан такси агрегаторларидан:

- дастурда такси хизматлари нархларини шакллантирувчи алгоритм созламаларини қайта кўриб чиқиш ва нархлар кескин ва сунъий тарзда ошишининг олдини олиш;

- ҳайдовчиларнинг маблағларини ўз ҳисобларига ўтказишда вужудга келган носозликларни бартараф этиш;

- асоссиз блокланган ҳайдовчиларни блокдан чиқариш чораларини кўриш;

- ҳайдовчилар томонидан бажарилган буюртмалар учун тўлаб берилиши кўзда тутилган барча бонусларни қайта ҳисоб-китоб қилиб, тўлаб бериш;

- “Рақобат тўғрисидаги” Қонун талабларидан келиб чиққан ҳолда хўжалик юритувчи субъектлар ёки уларнинг манфаатларини кўзлаб бошқа шахслар томонидан рақобатчиларга нисбатан инсофсиз рақобатни амалга оширмаслик;

- ҳайдовчилар ва истеъмолчилар учун 24 соат ишлайдиган техник ёрдам кўрсатиш марказларини узлуксиз фаолиятини таъминлаш.

Таъкидлаш жоизки, рақобат муҳитидаги ҳар қандай ҳаракат истеъмолчилар манфаатларига зид бўлмаслиги, хизматлар нархи ва сифати эса адолатли ҳамда шаффоф тамойилларга асосланиши лозим.

Қўмита агрегаторлар томонидан рақобат тўғрисидаги қонунчилик талаблари бузилганлиги ёки истеъмолчилар ҳуқуқлари поймол этилганлиги аниқланган тақдирда, ўрнатилган тартибда текшириш ўтказилиши ва қонунчиликда белгиланган тартибда тегишли чоралар кўрилишини маълум қилади.

Telegram | Press_service | Facebook | Instagram | YouTube

👍👍👍👍👍👍 | #Кун_рақами

🤔 Рақобатни ривожлантириш ва истеъмолчилар ҳуқуқларини ҳимоя қилиш қўмитаси Фарғона вилояти ҳудудий бошқармасига ўтган 2026 йилнинг 9 ойи давомида истеъмолчилардан жами 3 512 та мурожаатлар келиб тушган.

➡️ Амалга оширилган ишлар натижасида истеъмолчилар фойдасига 982 млн сўмдан ортиқ маблағлар қайта ҳисоб-китоб қилинган.

Telegram | Press_service | Facebook | Instagram | YouTube

Тиббиёт муассасаларида истеъмолчилардан асоссиз даромад олингани аниқланиб, қонунбузилишларни бартараф этиш чоралари кўрилди

🇺🇿 Рақобат қўмитасининг ҳудудий бошқармалари томонидан аҳолига кўрсатилаётган пуллик тиббий хизматлар нархларининг шакллантирилиши бўйича қонунчилик талабларига риоя этилиши юзасидан ўрганиш ишлари олиб борилмоқда.

Ҳудудлар кесимида мисоллар:

📍 Қорақалпоғистон Республикаси
Қорақалпоғистон Республикаси Рақобат қўмитаси томонидан 7 та тиббиёт муассасасида 2023–2026 йиллардаги пуллик тиббий хизматлар нархларининг шаклланиши ва қўлланилиши таҳлил қилинди. Айрим муассасаларда солиқ имтиёзларига қарамасдан фойда солиғи хизматлар таннархига киритилгани ва айрим хизматлар нархлари белгиланган тарифлардан оширилгани аниқланди. Оқибатда истеъмолчилардан жами 331,7 млн сўм асоссиз даромад олингани маълум бўлди.

6 та тиббиёт муассасасига нисбатан иш қўзғатилиб, асоссиз олинган 331,7 млн сўмни истеъмолчиларга қайтариш бўйича кўрсатмалар берилди. Яна бир муассасага нархлар калькуляцияларини қайта кўриб чиқиш юзасидан хат киритилди. Кўрилган чоралар натижасида айрим пуллик тиббий хизматлар тарифларини ўртача 16,22 фоизга пасайтиришга эришилди.

📍 Самарқанд вилояти
Ҳудудий бошқарма томонидан Республика ихтисослаштирилган онкология ва радиология илмий-амалий тиббиёт маркази Самарқанд филиалида хизматлар нархларининг шакллантирилиши ўрганилганида  “Истеъмолчиларнинг ҳуқуқларини ҳимоя қилиш тўғрисида”ги Қонуннинг 21-моддаси, Вазирлар Маҳкамасининг 239-сон ва 722-сон қарорлари билан тасдиқланган низомлар талаблари бузилгани ҳамда бунинг натижасида истеъмолчиларга 302,2 млн сўм ортиқча ҳисобланганлиги аниқланди. Филиалга мавжуд қонунбузилишларни бартараф этиб, келгусида бундай ҳолатларга йўл қўймаслик тўғрисида кўрсатма берилди.

📍 Сирдарё вилояти
Бошқарма томонидан Республика ихтисослаштирилган онкология ва радиология илмий-амалий тиббиёт маркази Сирдарё вилояти филиалида ўрганиш ўтказилди. Филиал томонидан 2025 йилда 4 790 нафарга яқин истеъмолчидан 76 млн сўмдан ортиқ асоссиз даромад олингани аниқланди.

Республика ихтисослаштирилган дерматовенерология ва косметология илмий-амалий тиббиёт маркази Сирдарё вилояти ҳудудий филиалида эса пуллик хизматлар нархини шакллантиришда билвосита харажатларни қайта тақсимлаш коэффициенти 38,2 фоиз ўрнига 47,4 фоиз қўлланилгани, яъни 9,2 фоизга юқори белгилангани аниқланди. Оқибатда 2024–2025 йилларда истеъмолчилардан 300 млн сўмга яқин маблағ ортиқча ундирилгани маълум бўлди.

“Истеъмолчиларнинг ҳуқуқларини ҳимоя қилиш тўғрисида”ги Қонун талаблари бузилганлиги юзасидан филиалларга нисбатан иш қўзғатилиб, ортиқча ундирилган маблағларни истеъмолчиларга қайтариш бўйича бажарилиши мажбурий бўлган кўрсатмалар берилди.

‼️ Қўмита томонидан истеъмолчиларнинг ҳуқуқ ва манфаатларини ҳимоя қилиш ҳамда нархларнинг асоссиз оширилишининг олдини олишга қаратилган ишлар давом эттирилмоқда.

Telegram |Press_service| Facebook | Instagram | Youtube

Ижтимоий тармоқларда “Бир манзил, бир телефон — икки рақобатчи” – деб номланган танқидий мақола юзасидан ўрганиш ишлари ўтказилди.

✈️ Рақобат қўмитаси томонидан "Telecom Soft" МЧЖ буюртмачилигида 2026 йил 12 октябр куни йўл ҳаракати қоидаларини автоматлаштирилган назорат қилиш тизимлари учун қурилмалари харид қилиш бўйича бошланғич нархи 10,3 млрд сўм бўлган танлаш савдосида “Рақобат тўғрисида”ги қонун талабларига мувофиқлиги юзасидан ўрганиш ишлари олиб борилди.

♻️ Олиб борилган ўрганиш натижасида, "Telecom Soft" МЧЖ томонидан “Рақобат тўғрисида”ги Қонунининг 29-моддаси талабларига риоя қилинмаганлиги, яъни савдоларда рақобатни чеклайдиган ёки чеклашга олиб келиши мумкин бўлган ҳаракатлар аломатлари кузатилди.

✈️Юқоридагиларга асосан "Telecom Soft" МЧЖ томонидан ўтказилган танлаш савдоси ихтиёрий равишда бекор қилинди.

🖋 Аниқланган қонунбузилишларнинг олди олиниши давлат маблағларининг самарали ва шаффоф сарфланишини таъминлайди, шу билан бирга тадбиркорлар учун очиқ ва адолатли рақобат муҳитини шакллантиришга хизмат қилади.

Telegram | Press_service | Facebook | Instagram | YouTube

👍👍👍👍👍👍 | #Кун_рақами

🤔 Рақобатни ривожлантириш ва истеъмолчилар ҳуқуқларини ҳимоя қилиш қўмитаси Бухоро вилояти ҳудудий бошқармасига ўтган 2026 йилнинг 9 ойлиги давомида истеъмолчилардан жами 1 404 та мурожаатлар келиб тушган.

➡️ Амалга оширилган ишлар натижасида истеъмолчилар фойдасига 840 млн сўмдан ортиқ маблағлар қайта ҳисоб-китоб қилинган.

Telegram | Press_service | Facebook | Instagram | YouTube

Рўйхатдан ўтган асосий яшаш манзилида вақтинча истиқомат қилмаган 800 минг нафарга яқин фуқаро фойдасига 22 млрд сўмга яқин асоссиз қарздорлик қайта ҳисоб-китоб қилинди

🇺🇿 Рақобат қўмитаси томонидан тегишли ташкилотлар билан ҳамкорликда республика миқёсида фуқароларнинг вақтинча яшаш жойи ўзгарган ёки хорижда бўлган даврида асосий яшаш манзили бўйича айрим коммунал хизматлар учун тўловлар ҳисобланиши ҳолатлари ўрганилди.

Маълумки, амалдаги меъёрий ҳужжатларга асосан абонентлар сонидаги ўзгаришлар тасдиқловчи ҳужжатлар асосида аниқланган тақдирда, қарздорлик қайта ҳисоб-китоби шахслар сони ўзгарган санадан бошлаб амалга оширилади. Тасдиқловчи ҳужжатлар мавжуд бўлмаган ҳолатларда эса, қайта ҳисоб-китоб ўтган уч ой учун амалга оширилади.

⚡️ Ўрганишларда вақтинча яшаш жойи ўзгарган ёки Ўзбекистон Республикаси ҳудудида бўлмаган шахслар яъни, хорижда вақтинча истиқомат қилаётган, ишлаётган, иш қидираётган (меҳнат мигрантлари) ва таҳсил олаётган абонентлар тўғрисидаги маълумотларнинг амалдаги ҳолатга мос келмагани ҳамда янги абонентлар ҳақидаги маълумотларнинг тизимга киритилмагани маълум бўлди.

🖋 Хусусан, мазкур ўрганишлар давомида ушбу даврда маиший чиқиндиларни олиб чиқиб кетиш хизмати кўрсатилмаган  қарийб 800 минг нафарга яқин фуқаро ҳамда ичимлик суви  таъминоти бўйича ҳисоблагич билан таъминланмаган хонадонларда эса 100 нафарга яқин фуқаро яшамагани аниқланди.

✈️Натижада хизмат кўрсатувчи корхоналар томонидан қарийб 800 минг нафарга яқин фуқаронинг ҳуқуқлари тикланиб, улар фойдасига 22 млрд сўмга яқин  асоссиз қарздорлик қайта ҳисоб-китоб қилиниши таъминланди.

🪪 Қўмита томонидан коммунал хизматлар соҳасида истеъмолчиларнинг номуайян доираси ҳуқуқларини ҳимоя қилиш мақсадида биллинг тизимларини миграция маълумотлари базалари билан интеграция қилиш ҳамда чет элда бир ойдан ортиқ бўлган абонентлар ва улар билан яшовчи шахслар учун қайтиб келгунга қадар ҳар ойлик қайта ҳисоб-китоб тизимини жорий этиш масаласи бўйича тегишли идора ва ташкилотларга таклифлар берилди.

Telegram | Press_service | Facebook | Instagram | Youtube