RoboContest.UZ

🏆 Dasturlash tanlovi final bosqichi ishtirokchilari aniqlandi! «Electronic Autonomous Solutions» AJ hamkorligida ilmiy-amaliy forum doirasida tashkil etilayotgan dasturlash musobaqasining saralash bosqichi yakunlandi. Saralash bosqichi natijalariga ko‘ra…

Nufuzli musobaqalar masalalaridan tuzilgan dars rejalari qo'shildi.

Olimpiadalarga tayyorlanuvchi o'quvchilar uchun bu yilgi olimpiadaga tayyorlanish uchun qulay imkoniyat.

Ushbu dars rejalar Plus va undan yuqori obunaga ega bo'lgan foydalanuvchilar uchun to'liq ochiq.

O'qituvchi va murabbiylar kuni munosabati bilan : 6 oylik obunaga −30%, 12 oylik obunaga −40% chegirma amal qilmoqda.
@robocontest

Bugun soat 19:00 da umumiy sovrin jamg‘armasi 84 000 000 so‘m bo‘lgan sport dasturlash musobaqasi boshlanadi!


«Electronic Autonomous Solutions» AJ hamkorligida ilmiy-amaliy forum doirasida dasturlash musobaqasida qatnashing.

🏆 Sovrinlar
🥇 1-o‘rin — 25 000 000 so‘m
🥈 2-o‘rin — 15 000 000 so‘m
🥉 3-o‘rin — 10 000 000 so‘m

🏅 4–20-o‘rinlar — har biriga 2 000 000 so‘mdan

📅 Musobaqa bosqichlari

🔹 Saralash bosqichi — Online

3-oktabr kuni soat 19:00 da RoboContest.uz platformasida online formatda o‘tkaziladi.

Saralash bosqichi yakunlariga ko‘ra eng yaxshi natija ko‘rsatgan 20 nafar ishtirokchi final bosqichida ishtirok etish uchun taklif etiladi.

🔹 Final bosqichi — Offline

10-oktabr kuni Toshkent shahridagi INHA Universityda offline formatda o‘tkaziladi.

Final bosqichiga saralash natijalariga ko‘ra TOP-20 ishtirokchi taklif etiladi.

⚠️ Final bosqichida ishtirok etish uchun ishtirokchi 20–30 yosh oralig‘ida bo‘lishi va Toshkent shahrida o‘tkaziladigan offline finalda shaxsan qatnasha olishi kerak.

📝 Ro‘yxatdan o‘tish

Musobaqada ishtirok etish uchun quyidagi ikki bosqichni bajarish shart:

1. Ushbu RoboContest contestiga ro‘yxatdan o‘tish.
2. Tashkilotchilar tomonidan taqdim etilgan Google Formani to‘ldirish:

🔗 https://forms.gle/HWgtEADqCtYjhrgx8

💻 Musobaqa formati

ACM ICPC formatida;
Yakka ishtirokchi;
Sun’iy intellekt vositalaridan foydalanish taqiqlanadi;
Tashqi internet resurslaridan foydalanish taqiqlanadi.

Telegram guruhga qo'shiling.

Tizimda endi akkauntni o'chirishingiz mumkin.

Bu uchun sozlamalarga kirib, xavfsizlik bo'limidan uni o'chirishingiz mumkin.

Akkaunt 14 kundan keyin o'chiriladi.

@robocontest

1-oktabr - O‘qituvchi va murabbiylar kuni!

Barcha ustoz va murabbiylarimizni chin qalbimizdan tabriklaymiz!

Siz bergan har bir bilim, aytgan har bir so‘z va bildirgan har bir ishonch shogirdlaringiz kelajagida o‘z aksini topadi.

Bugungi yutuqlar - kechagi sabr, mehnat va ustoz bergan bilimning mevasi.

Barcha ustozlarimizga mustahkam sog‘liq, cheksiz kuch-g‘ayrat, ilhom va shogirdlari bilan birga yanada katta muvaffaqiyatlar tilaymiz!

Bayramingiz muborak bo‘lsin, aziz ustozlar!

@robocontest

Dasturlash asoslari bo'yicha dars rejasi
https://robocontest.uz/study-plans/dasturlash-asoslari

Saytda Otabek Aralov Abduxamitovich tomonidan tayyorlangan masalalar to'plami Dars rejasi ko'rinishida tayyorlandi.

Gym contestlar birozdan keyin yakunlanadi.

@robocontest

Arxivdagi masalalarni yechish paytida sizga endi 🤖 RoboAI maslahat beradi. Sinab ko'ring.

Barcha uchun kuniga 5 ta so'rov bepul.

Umumiy sovrin jamg‘armasi 64 000 000 so‘m bo‘lgan loyihalar tanlovi e’lon qilindi!
Sizda muhandislik g‘oyasi, innovatsion ishlanma yoki kelajak texnologiyalariga oid tayyor loyiha bormi? Unday bo‘lsa, bu imkoniyat aynan siz uchun!
«Electronic Autonomous Solutions» AJ hamkorligida o‘tkazilayotgan ilmiy-amaliy forum doirasida eng iqtidorli va izlanuvchan yoshlar hamda muhandislar o‘rtasida amaliy loyihalar tanlovi start oldi.
🎯 Tanlov yo‘nalishlari:

Dron va FPV texnologiyalari
Antidron texnologiyalari
Radioelektron boshqaruv, aloqa va telemetriya
Avtonom navigatsiya, Sun’iy intellekt va Computer Vision
Payload (foydali yuk) texnologiyalari
Aviamodel, aeromodellashtirish va Aerodinamika
Kosmik va raketa texnologiyalari
Elektr dvigatel va energetika
Agro va sanoat dronlari
Aerospace Robotics
Boshqa innovatsion yo‘nalishlar

🏆 G‘oliblarni munosib mukofotlar kutmoqda:
🥇 1-o‘rin — 25 000 000 so‘m
🥈 2-o‘rin — 15 000 000 so‘m
🥉 3-o‘rin — 10 000 000 so‘m
🏅 4–10-o‘rinlar — har biriga 2 000 000 so‘mdan

🗓 Muhim sanalar:
⏳ Ro‘yxatdan o‘tishning oxirgi kuni: 1-oktabr (shu kuni ham qabul qilinadi).
📋 Top-10 loyihalar e’loni: 4-oktabr (Final bosqichiga yo‘llanma).
🎤 Final : 9-oktabr.
Ishtirokchilar yosh chegarasi : 20-30 yosh.
🔥 Ikkilanmang! O‘z iqtidoringizni namoyon eting va texnologik inqilobning bir qismiga aylaning.

🔗 Hoziroq quyidagi havola orqali ro‘yxatdan o‘ting: hackathon.uz

Telegram guruhga a'zo bo'ling

Masaladagi xatoni ko'rdingizmi, endi bitta tugma bilan masala muallifiga xabar berish mumkin.

🏆 Asilbek MITda

IOIda kumush medali sohibi Asilbek Sunnatov O’zbekistonda birinchilardan bo’lib MITga o’qishga qabul qilindi!

Bu ajoyib natija bilan Asilbekni, uning oila a’zolarini va o’qituvchilarini tabriklaymiz.

https://t.me/cp_uz

Robocontestdan yana bir katta yangilik!

Jamoamizning 2021-yildan beri faol a’zosi bo’lgan Shohruh Rahmatillayev O’zbekiston Respublikasi Raqamli texnologiyalar vazirligi tomonidan e’lon qilingan stipendiya dasturi g’olibi bo’ldi!

Bu stipendiyaga O’zbekistonning IT ga ixtisoslashtirilgan universitetlar talabalari orasidan tanlov asosida saralangan Shohruh, o’zining bilimga bo’lgan fidoyiligi, intizomi va izchil mehnati bilan bu yuqori e’tirofga sazovor bo’ldi.

Ushbu yutuq — yillar davomida dasturlash va raqamli texnologiyalar sohasida qilgan mashaqqatli mehnatning munosib natijasi. Shohruhning bu muvaffaqiyati nafaqat uning shaxsiy g’alabasi, balki butun Robocontest jamoasi uchun ham g’urur va ilhom manbaidir.
Robocontest jamoasi nomidan Shohruhni ushbu ulkan yutuq bilan chin dildan tabriklaymiz! Kelgusidagi o’qish va kasbiy faoliyatida yanada yorqin yutuqlar, ilhom va muvaffaqiyatlar tilaymiz. Oldinga, yuqoriga — maqsadlaring sari!

Robocontestdan katta yangilik! 🚀

Jamoamizning 5-yillik faol a’zolaridan biri, xalqaro fan olimpiadalari g‘olibi https://t.me/nuraziz_ungboyev dunyoning eng nufuzli oliy ta’lim muassasalaridan biri — University of Chicago ga $420,000 miqdoridagi to‘liq grant asosida qabul qilindi va IT yo'nalishiga kirgan birinchi O'zbek bo'ldi. Shuningdek, u El-Yurt Umidi jamg‘armasi stipendiyasi sohibi bo‘lish bilan birga, Odyssey Scholarship dasturi doirasida ham qo‘llab-quvvatlanmoqda.

Bunday katta yutuq nafaqat Nurazizning shaxsiy muvaffaqiyati, balki Robocontest jamoasi va butun yoshlarimiz uchun ham katta motivatsiya va faxrdir. Uning bugungi natijasi ortida yillar davomida qilgan mehnati, qat’iyati va bilimga bo‘lgan cheksiz intilishi turibdi.

Robocontest jamoasi nomidan Nurazizni ushbu ulkan yutuq bilan samimiy tabriklaymiz. Uning kelgusidagi ilmiy faoliyatida ham katta muvaffaqiyatlar, yangi yutuqlar va yanada baland marralarni zabt etishini tilab qolamiz.

Oxirgi paytlarda PhD ishim doirasida bir loyiha ustida ishlayapman.

Ko‘pchilik RoboContest’ni faqat dasturlash musobaqalari platformasi deb biladi. Lekin aslida boshida unday emas edi.

RoboContest nomini 2020-yilda tanlaganimizda maqsad robototexnika bo‘yicha ham testlar va musobaqalar qilish edi.
Keyinchalik platforma ko‘proq dasturlash tomonga rivojlanib ketdi.

Endi esa robototexnika qismini RoboContest’ga qo‘shyapman.


O‘quvchilar quyidagi imkoniyatlarga ega bo’lish:
Arduino kod yozadi, sensor va motorlarni ulaydi, hammasini simulyatsiya orqali ishlatib ko‘radi va buning uchun real hardware shart bo‘lmaydi.

Bugun bunday platformalar bor - masalan Wokwi yoki Tinkercad.
Lekin men qilayotgan tizim ulardan biroz boshqa yo‘nalishda.

Asosiy farqlari bu
- register-level simulyatsiya — mikrokontroller ichida nima bo‘layotganini ham ko‘rish mumkin bo‘ladi
- bir nechta qurilmalarni ulash — Arduino va boshqa qurilmalar o‘rtasida aloqa qilish mumkin
- sxema va kod to‘g‘ri yig‘ilganmi yoki yo‘qmi tizim tekshiradi (masala ko’rinishida)

Ya’ni o‘quvchi faqat simulyatsiya qilib ko‘rmaydi, balki tizim uning ishini ham tekshirib bera oladi.

Yaxshi tomoni — tizim deyarli tayyor.
Agar hammasi reja bo‘yicha ketsa, 1–2 oy ichida ishga tushadi.

Keyinchalik bu ham http://RoboContest.uz/ platformasining bir qismiga mumkin, lekin hali bir qarorga kelmadim.

Robototexnika bo’yicha ta’lim bilan shug’ullanadigan ustozlar, yoki shu sohaga qiziqadiganlar bo’lsa, sizning fikringiz muhim, izohlarda yozib qoldirishingiz mumkin

https://t.me/adizbek_ergashev

Al-Xorazmiy nufuzli olimpiadasi saralash viloyat bosqichi. 7-sinf Editorial