🏛TARIX VA SAYOHAT🌍

🏔 ҒЕЛОН — ҚАШҚАДАРЁНИНГ ҚОРЛИ ТОҒЛАРИ ВА ҚИШКИ САЁҲАТ МАНЗИЛИ

🇺🇿 Қашқадарё вилоятининг Шаҳрисабз туманида жойлашган Ғелон атрофидаги баланд тоғлар қиш фаслида қалин қор билан қопланиб, ажойиб манзара ҳосил қилади.

⛷ Қорли тоғ ёнбағирларида чанғи учаётган спортчилар,тоғ манзаралари ҳудуднинг қишки ўлкан туризм салоҳиятини намоён этади.

🏔 Баланд тоғлар, кенг қорли ёнбағирлар ва табиий ландшафт Ғелон атрофини тоғ саёҳати ҳамда қишки спорт турлари учун истиқболли масканга айлантирмоқда.

🏗 Туризм истиқболи: Татарстан билан ҳамкорликда Ғелонда тоғ-чанғи курортини ривожлантириш режалаштирилган. Лойиҳанинг биринчи босқичини 2027 йилда ишга тушириш кўзда тутилмоқда.

💎 Ғелон — Қашқадарёнинг қишки туризм салоҳиятини намоён этадиган гўзал тоғли ҳудудларидан бири.

📍 Ғелон атрофи | Шаҳрисабз тумани, Қашқадарё вилояти

🎥 Видео:Умид Нормуратов

Обуна бўлинг: @Tarix_va_sayohat

🇧🇷 БРАЗИЛИЯДА «САМОВИЙ ШАРШАРА» СУРАТГА ОЛИНДИ

🌈 Бразилиянинг Сан-Паулу штатидаги Каса-де-Падра ғори яқинида осмондан шаршара қуйилаётгандек кўринадиган ноодатий табиат ҳодисаси тасвирга олинди.

💧 Сув томчилари, Қуёш нурлари ва тасвирга олиш бурчаги уйғунлиги натижасида шаршара гўё осмондан бошланаётгандек кўринган.

☀️ Осмонда пайдо бўлган рангли ёруғлик ҳалқаси эса манзарани янада таъсирчан қилган.

📹 Ушбу ғаройиб тасвирларни бразилиялик фотограф Гиба Мораис (Giba Morais) суратга олган.

📍 Сан-Паулу | Бразилия

🎥 Видео: Giba Morais

Обуна бўлинг: @Tarix_va_sayohat

🇨🇺 1960 ЙИЛ 19 ОКТАБРЬ — АҚШ КУБАГА ҚАРШИ ҚИСМАН ИҚТИСОДИЙ ЭМБАРГО ЖОРИЙ ЭТДИ

🔹 1960 йил 19 октябрда АҚШ президенти Дуайт Эйзенхауэр маъмурияти Кубага маҳсулот экспорт қилишни кескин чеклади.

🔹 1959 йилда Фидель Кастро АҚШга ташриф буюрганида, Эйзенхауэр у билан учрашмади. Президент ўша пайтда гольф ўйнаш учун Вашингтондан кетган эди. Кастро билан АҚШ вице-президенти Ричард Никсон музокара ўтказди.

🔹 1960 йилда икки мамлакат муносабатлари кескин ёмонлашди. АҚШ Куба шакарининг импорт квотасини қисқартирди. Куба бунга жавобан АҚШга тегишли ва бошқа хорижий компанияларни миллийлаштиришни кенгайтирди.

🔹 Совет Иттифоқи Кубани иқтисодий қўллаб-қувватлади. Москва оролга нефть етказиб берди ва Куба шакарини сотиб олишга келишди. Фидель Кастро СССР раҳбари Никита Хрущёвни Кубанинг дўсти сифатида таърифлади.

🔹 Шу даврда АҚШ махсус хизматлари Кастро ҳукуматини ағдариш режалари устида ишлади. Кейинчалик Кастрога суиқасд қилишга қаратилган махфий режалар ҳам маълум бўлди.

🔹 1962 йил 7 февралда президент Жон Кеннеди маъмурияти Кубага қарши кенг қамровли тўлиқ савдо эмбаргосини кучга киритди.

☢️ 1962 йил октябрда Кариб инқирози юз берди. Бундан аввал АҚШ Туркияга Совет Иттифоқи ҳудудига зарба бера оладиган ядровий ракеталарни жойлаштирган эди. СССР эса бунга жавобан, шунингдек, Кубани АҚШнинг эҳтимолий ҳужумидан ҳимоя қилиш мақсадида оролга ядровий ракеталар жойлаштирди. Икки давлат ўртасидаги қарама-қаршилик дунёни ядровий уруш ёқасига олиб келди.

🌍 Кубага қарши эмбарго халқаро муносабатлар тарихидаги энг узоқ давом этган иқтисодий санкциялардан бирига айланди.

📍 Куба — АҚШ | 1960 йил 19 октябрь

Обуна бўлинг: @Tarix_va_sayohat

🌍 КУН ВА ТУН ҚАНДАЙ АЛМАШИНАДИ? — ЕР САЙЁРАСИНИНГ ТЎХТОВСИЗ ҲАРАКАТИ

☀️ Ҳар куни тонг отади, Қуёш чиқади ва кун бошланади. Кечга бориб Қуёш ботади ва тун кириб келади. Бу ҳодисанинг асосий сабаби — Ернинг ўз ўқи атрофида айланишидир.

🌎 Ер ўз ўқи атрофида ғарбдан шарққа қараб айланади. Шу сабабли Қуёш бизга шарқдан чиқиб, ғарбга ботаётгандек кўринади. Аслида эса бу кўринма ҳаракат Ернинг айланиши натижасидир.

🌗 Ернинг Қуёшга қараган томонида кун, Қуёш нурлари тушмайдиган қарама-қарши томонида эса тун бўлади.

⏳ Ер ўз ўқи атрофида юлдузларга нисбатан бир марта тўлиқ айланиши учун тахминан 23 соат 56 дақиқа вақт сарфлайди. Қуёшга нисбатан ўртача кун-тун даври эса 24 соатни ташкил этади.

🌍 Ер айланишда давом этар экан, сайёранинг турли ҳудудлари навбатма-навбат Қуёш нурларига юз тутади. Шу тариқа тонг отади, кун бошланади, оқшом тушади ва тун кириб келади.

🌍 Қизиқарли факт: Ер экваторидаги нуқталар сайёранинг ўз ўқи атрофида айланиши туфайли соатига тахминан 1670 километр тезликда ҳаракатланади. Биз эса бу ҳаракатни сезмаймиз.

📍 Ер сайёраси | Қуёш тизими

Обуна бўлинг: @Tarix_va_sayohat

🇬🇧 Британияда 1,3 тоннадан оғир улкан ошқовоқ етиштирилди

Хэмпшир графлигидан 65 ёшли Иэн Патон «Багира» деб номланган улкан ошқовоқни қарийб 4 ой давомида етиштириб, унинг вазнини 1295,8 килограммга етказди. Бу 3 октябрь куни расман қайд этилган жаҳон рекорди эди.

Ошқовоқнинг айланаси 5,97 метрдан ошган. Унинг энг жадал ўсиш даврида ҳар куни қарийб 590 литр сув талаб қилинган, Патон эса унга қараш учун кунига 6 соатгача вақт сарфлаган.
Қизиғи, Британиялик боғбоннинг рекорди атиги бир ҳафта сақланди. 10 октябрь куни АҚШнинг Род-Айленд штатида Рон Уоллес 1431,5 килограммлик ошқовоқ етиштириб, янги жаҳон рекордини ўрнатди.

Обуна бўлинг:@Tarix_va_sayohat

📆 НЮРНБЕРГ СУДИ ҲУКМИ ҚАНДАЙ ИЖРО ЭТИЛГАН ЭДИ?

🧑‍⚖️ 1946 йил 16 октябрь куни Германиянинг Нюрнберг шаҳрида нацистлар Германиясининг юқори мартабали раҳбарларига нисбатан чиқарилган ўлим ҳукмлари ижро этилди.

📜 Халқаро ҳарбий трибунал 12 нафар шахсни ўлим жазосига ҳукм қилган эди. Улар орасида Геринг, Риббентроп, Кейтел, Розенберг, Франк, Фрик, Калтенбруннер, Штрайхер, Йодль, Заукель, Зейсс-Инкварт ва Борман бор эди.

🔹 Бироқ амалда 10 киши қатл этилди. Герман Геринг қатлдан бир неча соат олдин заҳар ичиб, ўз жонига қасд қилди. Мартин Борман эса сиртдан ҳукм қилинган эди.

🔹Қатллар 16 октябрга ўтар кечаси Нюрнберг қамоқхонасининг спорт залида осиш йўли билан амалга оширилди. Ҳукмни АҚШ армияси сержанти Жон Вудс ёрдамчиси иштирокида ижро этди.

🔹 Қатл этилганларнинг жасадлари, шунингдек, Герингнинг жасади Мюнхен шаҳридаги Остфридхоф қабристони крематорийсида куйдирилди.

🔹 Куллар кейинчалик Исар дарёсининг ирмоқларидан бирига сочиб юборилди. Бу қарор нацистлар раҳбарларининг қабрлари улар тарафдорлари учун зиёратгоҳга айланмаслиги мақсадида қабул қилинган.

📍 Нюрнберг | Германия, 1946 йил 16 октябрь

Обуна бўлинг: @Tarix_va_sayohat

🇹🇷 ТУРКИЯ СОҲИЛЛАРИДА 4700 ЙИЛЛИК КЕМА ҚОЛДИҚЛАРИ ТОПИЛДИ

⚓ Туркиянинг Анталья вилоятидаги Кекова ороли яқинида археологлар тахминан 4400–4700 йил аввал чўккан савдо кемасига оид қадимий буюмларни аниқлашди.

🏺 Денгиз тубидан 30 дан ортиқ сопол идиш ва учта тош лангар топилган. Кеманинг ёғоч корпуси сақланиб қолмаган, лангарларнинг айнан шу кемага тегишли экани эса ҳали тасдиқланмаган.

📜 Топилмалар илк бронза даврига мансуб деб баҳоланмоқда. Тадқиқотчилар кеманинг узунлиги тахминан 10 метр бўлганини тахмин қилишмоқда.

🌍 Сопол идишлар Иордан водийсида тайёрланган бўлиши мумкин. Бу эса минг йиллар аввал Шарқий Ўрта ер денгизи ҳудудида савдо алоқалари мавжуд бўлганидан далолат беради.

🫒 Идишларда зайтун мойи ёки шароб ташилган бўлиши мумкин. Айримларида қадимги маҳсулот қолдиқлари ҳам аниқланган.

🔎 Агар археологларнинг дастлабки хулосалари тасдиқланса, ушбу топилма дунёдаги энг қадимги кема ҳалокатларидан бирига оид далил бўлиши мумкин.

📅 Топилма 2024 йилда аниқланган, кенг кўламли сувости қазишмалари эса 2026 йилда бошланган.

📍 Кекова ороли | Анталья, Туркия

Обуна бўлинг: @Tarix_va_sayohat

🇧🇹 БУТАН — БАХТНИ ДАВЛАТ ТАРАҚҚИЁТИ БИЛАН БОҒЛАГАН ҚИРОЛЛИК

🏔 Ҳимолай тоғлари бағрида, Ҳиндистон ва Хитой ўртасида жойлашган Бутан — қадимий анъаналари, тоғли табиати ва ўзига хос давлат сиёсати билан ажралиб турадиган мамлакат.

📜 Бутан тарихидан: XVII асрда Нгаванг Намгял мамлакатни бирлаштиришда муҳим роль ўйнаган. 1907 йилда Угьен Вангчук биринчи меросий қирол бўлди. 2008 йилда Бутан конституциявий монархия ва парламент демократиясига ўтди.

💎 Бутан ҳақида 5 та қизиқарли факт:

🔹 1. Ялпи миллий бахт. Бутан тараққиётни баҳолашда иқтисодий кўрсаткичлар билан бир қаторда аҳоли фаровонлиги, маданият, атроф-муҳит ва бошқарув сифатига ҳам эътибор қаратади.

🔹 2. Тоғ чўққиларига чиқиш тақиқланган. Бутанда 2003 йилдан буён тоғ чўққиларини альпинизм мақсадида забт этиш тақиқланган. Бироқ белгиланган йўналишларда тоғ сайрлари ва пиёда саёҳатларга рухсат берилади.

🔹 3. Ўрмонлар Конституция билан ҳимояланган. Мамлакат ҳудудининг камида 60 фоизи доим ўрмон билан қопланган бўлиши шарт.

🔹 4. Телевидение кеч кириб келган. Бутанда телевидение ва интернет хизматлари 1999 йил 2 июнда расман ишга туширилган.

🔹 5. «Йўлбарс уяси» монастири. Қоя бағрида, денгиз сатҳидан тахминан 3120 метр баландликда жойлашган Паро Такцанг Бутаннинг энг машҳур тарихий обидаларидан биридир.

🌿 Ўсимликлар дунёси. Бутаннинг тоғли ҳудудларида субтропик ўрмонлардан тортиб, баланд тоғ ўтлоқларигача бўлган турли табиий минтақалар мавжуд. Мамлакатда рододендронлар, орхидеялар ва игнабаргли дарахтлар ўсади.

🐅 Ҳайвонот дунёси. Бутан ўрмонлари ва тоғларида Бенгал йўлбарси, қор қоплони, қизил панда, Осиё фили ва бошқа ноёб ҳайвонлар учрайди. Мамлакат биологик хилма-хилликни муҳофаза қилишга катта эътибор қаратади.

🌍 Бутан тараққиётни фақат иқтисодий ўсиш билан эмас, балки аҳоли фаровонлиги, маданий мерос ва табиатни асраш билан ҳам боғлайдиган давлатлардан биридир.

📍 Бутан Қироллиги | Ҳимолай тоғлари

Обуна бўлинг: @Tarix_va_sayohat

🇷🇺 МОСКВА-СИТИ — 90-ҚАВАТДАН МОСКВА МАНЗАРАСИ

🏙 Москва-Сити — Россия пойтахтидаги замонавий осмонўпар бинолардан ташкил топган халқаро ишбилармонлик маркази.

📜 Мажмуани барпо этиш ғояси 1990-йиллар бошида пайдо бўлган. Қурилиш ишлари 1990-йиллар охирида бошланган.

🏗 «Федерация» мажмуасининг «Восток» минораси 373,7 метр баландликка эга. 2017 йилда қуриб битказилган ушбу бино ўз вақтида Европанинг энг баланд осмонўпар биноси бўлган.

🌆 90-қаватдан Москва шаҳрининг кенг панорамаси, атрофдаги осмонўпар бинолар ва пойтахтнинг узоққа чўзилган манзаралари намоён бўлади.

🛍 «Афимолл Сити» (AFIMALL City) — Москва-Сити ҳудудида жойлашган йирик савдо-кўнгилочар маркази. Унинг ички кўриниши ва савдо галереялари ҳам видеодан ўрин олган.

🎥 Ушбу видеодаги кадрларнинг бир қисми Москвага саёҳат давомида канал админи томонидан тасвирга олинган.

📍 Москва-Сити | Москва, Россия

Обуна бўлинг: @Tarix_va_sayohat

🇷🇺 МОСКВА-СИТИ — МОСКВАНИНГ ЗАМОНАВИЙ ҚИЁФАСИ

🏙 Осмонўпар бинолар, бетакрор меъморчилик ва баландликдан намоён бўлган Москва манзаралари!

🎥 Москва-Ситига саёҳатимиздан махсус видеолавҳа.

🌍 Келинг, Москвани биргаликда саёҳат қиламиз!

Тўлиқ видео «Тарих ва саёҳат» каналида!

Обуна бўлинг:@Tarix_va_sayohat

🇦🇲 АРМАНИСТОНДА ХАЛҚАРО ҲАВО ШАРЛАРИ ФЕСТИВАЛИ — 2026

🎈 Арманистонда «Discover Armenia from the Sky» («Арманистонни осмондан кашф этинг») халқаро ҳаво шарлари фестивали бўлиб ўтди.

📅 2026 йил 6–11 октябрь кунлари ўтказилган фестивалда Арманистон ва хорижий мамлакатлардан келган 20 га яқин ҳаво шари иштирок этди.

🌄 Фестиваль доирасида Ереван, Гарни ва Апаран ҳудудларида ҳаво шарлари парвозлари режалаштирилган.

🎥 Осмонга кўтарилган ҳаво шарлари Арманистоннинг тоғли манзаралари билан уйғунлашиб, томошабинларга гўзал лавҳаларни тақдим этди.

📍 Арманистон

Обуна бўлинг: @Tarix_va_sayohat

🇰🇷 СЕУЛДА ҲАНГИЛ КУНИ МУНОСАБАТИ БИЛАН ДРОНЛАР ШОУСИ

🇰🇷 Жанубий Корея пойтахти Сеулда 9 октябрь — Ҳангил (корейс алифбоси) куни муносабати билан дронлар шоуси ташкил этилди.

📜 Ҳангил алифбоси 1443 йилда Чосон сулоласи ҳукмдори Буюк Сежонг ташаббуси билан яратилган ва 1446 йилда расман эълон қилинган.

✍️ Ўша даврда Кореяда асосан хитой иероглифларидан фойдаланилган. Уларни ўрганиш мураккаб бўлгани сабабли, оддий халқнинг савод чиқариши қийин эди.

👑 Қирол Сежонг халқнинг барча қатламлари осон ўрганиши ва ўз фикрини ёзма равишда ифодалай олиши учун янги ёзув тизимини жорий этган.

📅 Бугун Жанубий Кореяда 9 октябрь Ҳангил куни сифатида нишонланади.

📍 Сеул | Жанубий Корея

Обуна бўлинг: @Tarix_va_sayohat

🇪🇬 🇺🇿 Ўзбекистонликлар 1 ноябрдан Мисрга бориш учун олдиндан виза олишлари шарт

Элчихона хабарига кўра, эндиликда саёҳатлар фақат туроператорлар орқали ташкил этилади.

Янги тартибга биноан, 40 ёшгача бўлган сайёҳлар мамлакатга фақат яқин оила аъзолари ҳамроҳлигида ва камида $5 минг нақд пул билан, 40 ёшдан ошганлар эса мустақил равишда, лекин камида $3 минг нақд маблағ билан киритилиши мумкин.

Чегарада меҳмонхона брони, телефон рақами ва маблағ тасдиғи талаб қилинади, сайёҳлик визасини бошқа турга ўзгартириб бўлмайди.

Обуна бўлинг: @Tarix_va_sayohat

🚣‍♀️ Британиялик эркак қайиқда иккита океанни бир ўзи сузиб ўтди

54 ёшли Дейв Белл Тинч ва Ҳинд океанлари орқали қарийб 28,7 минг км масофани 327 кунда босиб ўтди. У ушбу вақт давомида бирор марта қуруқликка тушмаган.

Саёҳатчи кунига 12 соатдан эшкак эшиб, овқатини ўзи тайёрлаган ва қайиғини таъмирлаб борган. Ҳозирда Белл жаҳон рекорди расман тан олинишини кутмоқда.

Обуна бўлинг: @Tarix_va_sayohat

📺 «ТЕЛЕФОТ» — ТОШКЕНТДАГИ НОЁБ ИХТИРО

📡 XX аср бошларида Россия, АҚШ, Буюк Британия ва Японияда телевизион тасвирни узатиш бўйича турли тажрибалар олиб борилаётган эди. Дастлабки тизимларнинг кўпчилиги механик усулларга асосланган.

📜 1925 йилда Борис Грабовский, В. И. Попов ва Н. Г. Пискунов тасвирни электрон усулда узатиш ва қабул қилишга мўлжалланган «Радиотелефот» қурилмаси учун ихтиро аризасини топширди. 1928 йилда ихтирога №5592 патент берилди.

🎞 1928 йил 26 июлда Тошкентда Борис Грабовский ва Иван Белянский иштирокида ҳаракатланаётган инсон тасвирини электрон усулда узатиш ва экранда қабул қилиш бўйича муваффақиятли тажриба ўтказилди. Бу электрон телевидение тарихидаги энг илк муваффақиятли тажрибалардан бири ҳисобланади.

🏛 Бугун Ўзбекистон тарихи давлат музейида ушбу тарихга оид ноёб экспонатлар — 1928 йилги Тошкентдаги биринчи телевизор кинескопи, «Радиотелефот» схемаси ва ихтирога оид ҳужжатларни кўриш мумкин.

🎥 Видеодаги экспонатлар Ўзбекистон тарихи давлат музейида канал админи томонидан тасвирга олинган.

📍🏛 Ўзбекистон тарихи давлат музейи | Тошкент

Обуна бўлинг: @Tarix_va_sayohat

🎥 📱«ТАРИХ ВА САЁҲАТ» — YOUTUBE’ДА!

🌍 Тарихий обидалар, саёҳат манзиллари ва ноёб лавҳаларни янада чиройли ва сифатли тарзда томоша қилинг!

▶️ YouTube каналимизга обуна бўлинг: https://youtube.com/@tarix_va_sayohat

🐻 Курил кўлидаги она айиқ ва болалари видеоси ижтимоий тармоқларни забт этмоқда

🇷🇺 Россиянинг Камчатка ўлкасида жойлашган Курил кўли ёввойи қўнғир айиқларни табиий муҳитда кузатиш мумкин бўлган дунёдаги энг машҳур масканлардан бири ҳисобланади.

🐾 Сўнгги кунларда она айиқнинг болалари билан бирга сайр қилиши акс этган таъсирли видео ижтимоий тармоқларда кенг тарқалиб, миллионлаб томошабинларнинг эътиборини тортмоқда.

🐟 Курил кўли атрофида ҳар йили лосось балиқларининг оммавий уруғ ташлаши кузатилади. Шу боис бу ерда юзлаб қўнғир айиқлар тўпланиб, ўз болаларини ов қилиш ва мустақил яшашга ўргатади.

🌋 Курил кўли Жанубий Камчатка қўриқхонаси ҳудудида жойлашган бўлиб, вулқонлар, тоғлар ва ёввойи табиат манзаралари билан машҳур.

📹 Табиатнинг ана шундай таъсирли лавҳалари инсон ва ёввойи табиат ўртасидаги нозик мувозанатни яна бир бор ёдга солади.

Обуна бўлинг:

🏛 Санкт-Петербургдаги Эрмитажда сақланаётган Варахшанинг асл девор расмлари.

🇺🇿 Варахша — Бухоро воҳасида жойлашган қадимий шаҳар бўлиб, VII–VIII асрларга оид бетакрор девор расмлари билан машҳур.

🎨 Унинг энг машҳур ёдгорликларидан бири — "Қизил зал" девор расмларидир. Бу рангтасвирларда фил миниб кетаётган ҳукмдорлар, йиртқич ҳайвонлар билан олишув саҳналари, сарой ҳаёти ва ов манзаралари маҳорат билан тасвирланган. Улар Сўғд тасвирий санъатининг энг юксак намуналаридан ҳисобланади.

🏛 XX асрнинг 1949–1954 йиллардаги олиб борилган археологик қазишмалар натижасида топилган "Қизил зал" девор расмларининг бир қисми Санкт-Петербургдаги Давлат Эрмитаж музейи коллекциясига топширилган ва бугунга қадар шу ерда сақланмоқда.

🎥 Ушбу видеода сиз Эрмитаж музейида сақланаётган Варахша девор расмларининг асл девор расмларини томоша қиласиз. Кадрлар канал админи томонидан Санкт-Петербургга ташриф давомида шахсан тасвирга олинган.

📜 Варахша девор расмлари нафақат Ўзбекистон, балки бутун Марказий Осиёнинг илк ўрта асрлар санъати ва маданиятини ўрганишда беқиёс аҳамиятга эга.


Обуна бўлинг:

🏛️🇺🇿 Тарихий_воқеа

🎉 Ўзбекистон учун яна бир тарихий ютуқ!

Пусан шаҳрида бўлиб ўтаётган ЮНЕСКО Бутунжаҳон мероси қўмитасининг 48-сессиясида Тошкентнинг модернизм меъморчилиги объектлари расман ЮНЕСКОнинг нуфузли Халқаро мерос рўйхатига киритилди.

📜 Эътиборлиси, бу — сўнгги 25 йил ичида Ўзбекистон тақдим этган миллий номинациянинг ЮНЕСКО рўйхатига илк бор киритилиши ҳисобланади.

🏙️ Бу нафақат бир нечта биноларнинг, балки зилзиладан кейин қайта қад ростлаган Тошкентнинг бутун бошли тарихий даври халқаро миқёсда эътироф этилганини англатади.

Бу мамлакатимиз маданий меросини асраб-авайлаш ва уни келажак авлодларга етказиш йўлидаги яна бир улкан қадамдир.

🇺🇿 Табриклаймиз! Бу тарихий воқеа барчамиз учун ғурур!

Обуна бўлинг:

❗️ Султон Мурод IV Усмонийлар тарихида шайхулисломни қатл эттирган деярли ягона султон ҳисобланади.

🏛 Усмонийлар давлати тарихида Султон Мурод IV (1623–1640) қатъиятли ва муросасиз ҳукмдор сифатида танилган.

📜 1634 йилда айрим тарихий манбаларга кўра, Мурод IV Изник қозисини қатл эттирганини танқид қилган шайхулислом Аҳизода Ҳусайн Афандини ҳам қатл эттиришга буйруқ берган. У Усмонийлар тарихида қатл этилган илк шайхулислом ҳисобланади.

🔹 Бу воқеа Усмонийлар тарихида жуда ноёб ҳолат ҳисобланади. Чунки ўша даврда шайхулисломлар ва бошқа юқори мартабали уламолар одатда лавозимидан четлатилар ёки сургун қилинар эди. Уларга нисбатан ўлим жазосини қўллаш деярли учрамасди.

👑 Мурод IV фақат шу қарори билангина эмас, балки давлатда қаттиқ тартиб ва интизом ўрнатишга қаратилган сиёсати билан ҳам машҳур бўлган.

🔹 1632 йилдан бошлаб давлат бошқарувини тўлиқ ўз қўлига олди ва марказий ҳокимиятни мустаҳкамлади.

🔹 Тамаки чекиш, спиртли ичимликлар истеъмоли ва қаҳвахоналар фаолиятини тақиқлади. Қонунбузарларга нисбатан жуда қаттиқ жазолар қўлланилган.

🔹 1638 йилда Бағдодни Сафавийлардан қайтариб олиб, Усмонийлар тарихидаги энг муҳим ҳарбий ғалабалардан бирига эришди.

🔹 1639 йилда имзоланган Қасри Ширин шартномаси Усмонийлар ва Сафавийлар ўртасидаги чегарани белгилаб берди. Ушбу келишув билан белгиланган чегаранинг катта қисми бугунги Туркия–Эрон давлат чегараси асосини ташкил этади.

📚 Тарихчилар Мурод IV даврини Усмонийлар давлатида марказий ҳокимият янада кучайган, бироқ қаттиқ интизом ва кескин жазолар билан ҳам ёдда қолган давр сифатида баҳолайдилар.

Обуна бўлинг:

🇪🇸 Барселона — Испаниянинг энг гўзал ва бетакрор шаҳарларидан бири

🌊 Ўрта ер денгизи соҳилида жойлашган Барселона нафақат Испаниянинг, балки Европанинг энг машҳур сайёҳлик шаҳарларидан бири ҳисобланади. Ҳар йили бу ерга миллионлаб сайёҳлар ташриф буюради.

🏛 Шаҳар ўзининг ноёб меъморчилиги билан дунёга машҳур. Айниқса, машҳур меъмор Антони Гауди лойиҳалаган Саграда Фамилия ибодатхонаси, Парк Гуэль, Каса Батльо ва Ла Педрера Барселонанинг асосий рамзларига айланган.

⚽️ Барселона дунё футболининг рамзий шаҳарларидан бири ҳисобланади. Машҳур «Барселона» футбол клуби ва унинг «Камп Ноу» стадиони ҳар йили дунёнинг турли бурчакларидан миллионлаб футбол мухлисларини ўзига жалб этади.

🏖 Шаҳарда тарихий маҳаллалар, кенг соҳиллар, музейлар ва гўзал боғлар уйғунлашган. Готик квартал, Ла Рамбла кўчаси ва Барселона порти шаҳарнинг энг машҳур масканларидир.

🎨 Барселона Каталониянинг маданий маркази бўлиб, бу ерда каталон тили ва маданияти асрлар давомида сақланиб келмоқда.

🌍 Тарих, меъморчилик, денгиз соҳили ва замонавий ҳаёт уйғунлашган Барселона дунёда бир марта бўлса-да боришга арзийдиган шаҳарлардан бири ҳисобланади.

Обуна бўлинг:

🌪🌈 Табиатдаги ғаройиб мўъжиза: АҚШда камалак фонидаги торнадо тасвирга олинди

Табиат ҳодисаси кўл устида содир бўлган пайтда осмонда ноёб 360° ли камалак пайдо бўлган.

Кадрлар шу қадар таъсирлики, уларни сунъий интеллект ёрдамида яратилгандек тасаввур уйғотади, аммо бу — ҳақиқий видео.

Обуна бўлинг:

⛵️ Санкт-Петербургдаги машҳур «Алвон елканлар» («Алые паруса») байрамига 66 минг нафар битирувчи ташриф буюрди

🇷🇺 Санкт-Петербург шаҳрида Россиянинг энг машҳур ва гўзал битирув байрамларидан бири — «Алвон елканлар» («Алые паруса») тантанаси бўлиб ўтди.

🔹 28 июнга ўтар кечаси Нева дарёси бўйлаб «Россия» номли машҳур қизил елканли кема алвон елканларини ёзган ҳолда сузиб ўтди. Бу байрамнинг энг кутилган ва энг таъсирли лаҳзасига айланди.

🔹 2026 йилги байрам мавзуси — рус халқ эртаклари бўлди. Театрлаштирилган томошаларда ёруғлик ва зулмат образлари орқали инсоннинг улғайиш йўли, эркинлик ва янги ҳаёт сари қадам қўйиши ҳақидаги ғоялар ифодаланди.

🔹 Сув, ёруғлик ва фейерверклар уйғунлигида намойиш этилган бу шоу ҳар йили минглаб битирувчилар ва сайёҳларни ўзига жалб этади ҳамда Санкт-Петербургнинг энг машҳур анъаналаридан бири ҳисобланади.

Обуна бўлинг:

💎 250 миллион йиллик табиат мўъжизаси

🇷🇺 Россиянинг Приморье ўлкасидаги Тўрт Қоя бурни (Мыс Четырёх Скал) ўзининг ғаройиб шаклдаги улкан тошлари билан сайёҳларни ҳайратга солади.

🌋 Олимларнинг фикрича, бу тошлар тахминан 250 миллион йил аввал вулқон жинсларидан ҳосил бўлган.

🌊 Шундан сўнг миллионлаб йиллар давомида денгиз тўлқинлари, шамол ва ёмғир уларни аста-секин емириб, бугунги силлиқ шакллари ва бетакрор табиий нақшларини яратган.

📸 Бугунги кунда Тўрт Қоя бурни (Мыс Четырёх Скал) Приморьенинг энг гўзал табиат ёдгорликларидан бири бўлиб, ўзининг ноёб қоятошлари ва Тинч океани манзаралари билан сайёҳларни ўзига жалб этади.

Обуна бўлинг:

🚀🌏 Инсон ўзи туғилиб ўсган ва унга доимо бепоёндек туюлган Ер шари шунчалик кичик эканини — уни бир қарашда қамраб олиш мумкинлигини кўрганда, унинг руҳиятига нима бўлар экан?!

Фақат шунинг ўзиёқ инсон ақлини ларзага келтириши мумкин. Коинот эса яна қандай сирларни тайёрлаб қўйганини ким билади… Бу хавотирларни текширмасдан туриб рад этиб бўлмас эди, текширмасдан туриб эса уларни инкор қилиб бўлмасди. Фақат битта йўл қолган эди — бориб кўриш.

1961 йил 12 апрель куни СССР Ҳарбий-ҳаво кучларининг катта лейтенанти Юрий Алексеевич Гагарин “Восток” кемасида инсоният тарихида илк бор космосга парвоз қилди.

Инсон ўзи учун янги, нотаниш муҳитга қадам қўйди. Йўлда жуда кўп тўсиқлар, муаммолар ва илгари фан ва техникада ҳеч қачон ҳал қилинмаган вазифалар кўп эди. Энг муҳими эса — инсон умуман коинотда яшай оладими ёки йўқлиги ҳам номаълум эди.

Ушбу материал илк бор 2007 йил апрель ойида журналда чоп этилган бўлиб, уни техника фанлари номзоди, 1962–1969 йилларда космонавтлар гуруҳи аъзоси бўлган Валентина Пономарёва (1933–2023) тайёрлаган эди.

🚀Бу парвоз инсоният тарихида янги даврни бошлаб берди ва коинотни ўрганиш йўлидаги илк қадам бўлди.


Обуна бўлинг:

Амир Темур лашкари

Ҳарбий куч бўлинмалари асосан отлиқлардан иборат бўлиб, улар ўнлик, юзлик, минглик ва туманларга (ўн минглик) бўлинган. Пиёда қўшинлар, кам сонли бўлган ва улар асосан қалъаларни қамал қилишда қатнашган.

“У кўк сутимидан (Хитой ипак матосидан) тикилган кўйлак кийган, бошида зарҳал кашта ва қимматбаҳо тошлар билан безатилган баланд учли қалпоқ кийган. Қалпоқнинг учи олтиндан ясалган бўлиб, ундан иккита ўралган қизил соч орқа томондан елкаларигача тушиб турган.”

XV асрда Самарқандга ташриф буюрган испаниялик саёҳатчи Руи Гансалес де Клавихо Амир Темур лашкарбошиларидан бирини шундай тасвирлаган.


Обуна бўлинг: