Ulugbek Samigjonov | Blog

10-xulosa: IT industriyasi "xaos" (tartibsizlik) ichida

"Bugungi kunda soha holatini bir jumla bilan qanday ta'riflagan bo'lardingiz?" degan savol berildi. Eng ko'p tilga olingan umumiy javob "xaos" boʻldi. Har 10 kishidan 3 nafari o'z javoblarida o'zgarish, xaotik, noaniq, beqaror va doimiy harakatda kabi so'zlardan foydalangan.

9-xulosa: Menejerlar hali ham baxt darajasini belgilovchi faktor

Menejerning samaradorligi burnout (kuchli toliqish) darajasiga ta'sir qiluvchi eng kuchli omil. Kuchli va o'z ishining ustasi bo'lgan rahbar qo'l ostida ishlash xodimlarning ruhiy holatiga keskin ijobiy ta'sir ko'rsatmoqda.

Samarali rahbar bilan ishlaydigan xodimlarning oʻz ishidan zavqlanish darajasi taxminan 65% ga yuqori, charchash (burnout) koʻrsatkichi esa ancha past.

8-xulosa: Startap asoschilari eng baxtlilar, kichik kompaniyalar esa eng yaxshi ish joyi

Startap asoschilari (Founders) eng baxtli qatlam, kichik kompaniyalar esa yiriklariga qaraganda qulay ish joyi bo'lib qolmoqda.

Asoschilar va top-menejerlar deyarli barcha ko'rsatkichlar boʻyicha yuqori o'rinda: ularda optimizm darajasi va ishdan zavqlanish eng yuqori, burnout va ishdan bo'shatilish xavotiri esa eng past. Asosiy sabab - egalik hissi (ownership)

Kompaniya qanchalik katta bo'lsa, xodimlarning ruhiy salomatligi, kelajakka ishonchi va ishdan mamnunligi shunchalik yomonlashib boradi. Kichik jamoalarda odamlar ko'proq erkinlikka ega va AIdan samaraliroq foydalanishmoqda. Yirik kompaniyalarda esa, aksincha.

7-xulosa: Dizayner va tadqiqotchilar eng katta xavotirda

Dizaynerlar va tadqiqotchilar (Researchers) AI keltirib chiqargan xavotirlarning eng markazida turishibdi, kompaniya asoschilari (Founders) va top-menejerlar (Executives) oʻzlarini eng qulay va xotirjam his qilayotganlar.

6-xulosa: Deyarli barchada ikki xil tuyg'u (Ambivalent)

Xodimlar orasida eng ko'p kuzatilgan holat, bu bir vaqtning oʻzida ham ijobiy, ham salbiy hislarni tuyish, ya'ni kuchli ikkilanishdir.

5-xulosa: Asosiy qo'rquv - ish hajmining haddan tashqari ortib ketishi (Overworked)

Eng ko'p tashvishga solayotgan narsa - AI sababli ish unumdorligi talabi (bar) o'sishi, lekin buning evaziga oylik maosh oʻzgarmasdan, shunchaki yanada ko'proq mehnat talab qilinishi. Xodimlar ishning yanada tezroq, qiyinroq va arzonroq bo'lib ketishidan xavotirda.

Xodimlar AIdan bo'shagan vaqt evaziga dam olishmayapti, aksincha, ularga yanada ko'proq vazifa yuklashmoqda.

4-xulosa: Samaradorlik oshgan, lekin sifat emas

AI xodimlarining ish tezligi va samaradorligini keskin oshirgan boʻlsa-da, yakuniy mahsulot sifatini yaxshiladi degani emas.

Samaradorlik ortishi ortidan insoniy tafakkur va intellektual qobiliyatlarning zaiflashishi kuzatilmoqda. Xodimlar endi mustaqil fikrlash hamda muammolarga chuqur yechim izlash o'rniga, shunchaki AIdan kelgan tayyor javoblarga tayanib qolmoqda.

3-xulosa: Mutaxassislari o‘z kasblarini tavsiya etishmayapti

Xodimlarining yarmidan ko'pi sohaga yangi kirib kelayotganlarga o'zlari tanlagan yo'ldan ketmaslikni maslahat bermoqda.

Tajribaga ega, aloqalarni yo'lga qo'yib olganlar sohada qolib, eplab ketishga ishonmoqda. Lekin orqadan kelayotganlarga esa qiyin bo'lishini tahmin qilishmoqda.

- - - - - - - -

Shaxsan o'zim hali ham sohani tavsiya qilaman. Sohaga kirishning eng yaxshi, va eng yomon payti ham hozir. Faqatgina qanday yondashishga bog'liq.

2-xulosa: Burnout (qattiq toliqish) ko'paygan, sohadagi karyera bo'yicha optimism esa tushgan

Hozirda har ikkinchi xodim jiddiy charchashni his qilayotganini aytgan. Har to'rtinchisi esa "juda qattiq" yoki "butkul" charchagan holatda.

Kelajakka ishonch bilan qarayotganlar soni yarimdan ham kamaydi.

1-xulosa: Soha xodimlari ikkiga ajralmoqda

1) Amplified - bular AI orqali kuch olganlar, ya'ni AI yordamida ko'proq va yaxshiroq qila olishga ishonishadi. Ular kelajakga optimistik qarashmoqda va burnout bo'lish holatlari kamroq.

2) Diminished - bular AI tufayli qadrimni yo'qotdim deb o'ylayotganlar. Kayfiyat tushgan, burnout holatlari esa oshgan. Kelajakka esa pessimistik qarashmoqda.

Dasturlashda ikki qiyin narsa bor:
1) O'zgaruvchiga nom berish
2) Microsoft orqali akkaunt ochish

Dasturlash yo'q bo'lib ketadi deyishganmidi 👀

Hozircha aksi

Ancha yillardan beri Notion'da startup g'oyalarini yig'ib kelaman. Hozirga kelib, 140 ga yaqin g'oya to'planibdi. Ba'zilarini amalga oshirib ham ko'rganman.

Lekin g'oya amalga oshmasa, uning qiymati nolga teng. Oxirgi oylarda sun'iy intellekt (AI) yordamida ularning ba'zilarini ishlab chiqdim. Ilgari 4 oy vaqt olgan ishlar hozirda 4 kunda bitdi.

Jarayonni tushuntirib, AI-agentlarni ishga tushirib qo'ydim. Birozdan keyin qaytib kelsam, tayyor ishlab turgan dasturni ishlab chiqdi. Bu huddi 5-10 ta middle dasturchilarni boshqarishga o'xshaydi. Nima qilishni bilsangiz, uni qildirish endi muammo emas.

Shundan kelib chiqib, buyog'iga oyiga bitta g'oyani ishlab chiqishni maqsad qildim. Kuniga bir soat ajrataman: birinchi hafta - ishlab chiqish (development), ikkinchi hafta - beta-testing, qolgan ikki hafta esa distribution.

Ko'ramiz, qayergacha borarkan. Nima bo'lganda ham, tajriba va bilim qoladi.

Jarayon bo'yicha update berib boraman.

Workshop yakunlandi. 24-yanvardan 28-fevralgacha davom etdi. 10ta ishtirokchi, 9ta dars, deyarli 30 soat ma'ruza, va ko'plab suhbat mavzulari va savollari ko'rib chiqildi. Umumiy olganda yaxshi o'tdi, ijobiy fikrlar bildirishdi, yangi insonlar bilan tanishdim.…

Easy 🥵😅

Workshop yakunlandi. 24-yanvardan 28-fevralgacha davom etdi. 10ta ishtirokchi, 9ta dars, deyarli 30 soat ma'ruza, va ko'plab suhbat mavzulari va savollari ko'rib chiqildi. Umumiy olganda yaxshi o'tdi, ijobiy fikrlar bildirishdi, yangi insonlar bilan tanishdim.…