YANGI ASR UNIVERSITETI

🔖Олтинчи миллий дастур — маҳаллани жамият тараққиётининг асосий буюртмачисига айлантириш
Президент одамларнинг кайфияти, оилаларнинг фаровонлиги, ёшларнинг орзу-истаги ва тадбиркорларнинг ташаббускорлиги, энг аввало, маҳаллада намоён бўлишини таъкидлади.
Шу сабабли олтинчи миллий дастур маҳаллани жамият тараққиётининг асосий буюртмачисига айлантиришга йўналтирилади.
Туман буджети, инвеститсия дастури ва инфратузилма лойиҳалари маҳалла буюртмаси асосида ишлаб чиқилади.
Фуқароларнинг талаб ва эҳтиёжи, маҳалланинг фаровонлиги энг асосий мезон сифатида белгиланади.

🔖Еттинчи миллий дастур — Ўзбекистоннинг тинчлик ва дўстлик диёри сифатидаги нуфузини ошириш
Еттинчи миллий дастур Ўзбекистоннинг тинчлик ва дўстлик диёри, бағрикенг ўлка сифатидаги нуфузини ҳар томонлама юксалтиришга қаратилади.
Мамлакатда 130 дан ортиқ миллат ва элат вакиллари ҳамда 16 та диний конфессия аъзолари аҳил ва иноқ яшаётгани қайд этилган.
Ўзбекистоннинг очиқ, прагматик ва тинчликпарвар сиёсати узоқ муддатли тараққиётни таъминлашга қаратилади.
Марказий Осиёда аҳил қўшничилик, стратегик шериклик ва дўстлик алоқаларини кенгайтиришда тарихий ютуқларга эришилгани таъкидланди.
Мустақил Давлатлар Ҳамдўстлиги, Европа Иттифоқи, Америка, Осиё-Тинч океани минтақаси ва араб-мусулмон дунёси давлатлари билан муносабатлар янада мустаҳкамланди. Шарқий Европа, Африка ва Лотин Америкасида янги ҳамкорлик йўналишлари очилди.
Ўзбекистон билан дипломатик муносабат ўрнатган давлатлар сони қарийб 170 тага етган.

Умида Якупова

Манба: http://anhor.uz/

🌐 | 📷 http://www.instagram.com/yangiasruniversiteti/ |🔵 https://www.facebook.com/profile.php?id=100088968559496&mibextid=LQQJ4d 🌐 http://yangiasr.uz/ https://www.facebook.com/profile.php?id=100088968559496&mibextid=LQQJ4d https://www.youtube.com/@yangiasrunversteti

Мустақилликка 35 йил

🇺🇿Президент Шавкат Мирзиёев Ўзбекистон тараққиётининг келгуси босқичи учун инсон қадрини янада юксалтиришга қаратилган 7 та миллий дастур амалга оширилишини маълум https://t.me/Press_Secretary_Uz.

Давлат раҳбари мамлакат тарихнинг масъулиятли ва ҳал қилувчи палласида тургани, тараққиётнинг мутлақо янги даврига қадам қўяётганини таъкидлаган.
“Келгуси ўн йиллик биз учун миллий юксалиш даври бўлади”, — деган давлат раҳбари.
Президентга кўра, мазкур давр халқнинг ақл-заковати, меҳнати ва бирдамлиги орқали бунёд этилади.

🔖Биринчи миллий дастур — билим ва малакани ривожлантириш
Биринчи миллий дастур билим ва малакани келгуси тараққиётнинг асосий капиталига айлантиришга қаратилган.
Болаларнинг 6 ёшли тайёрлов гуруҳларига қамрови қисқа муддатда 100 фоизга етказилади. Хусусий боғча ташкил қилиш бўйича мавжуд имтиёзлар сақлаб қолинади.
Барча мактаблар халқаро баҳолаш дастурлари билан тўлиқ қамраб олинади.
Техникумларда халқаро таълим стандартлари жорий этилиб, ёшларни юқори даромадли касбларга ўқитиш йўлга қўйилади. Улардаги қамров 1 миллион нафарга етказилади.
“Бир сўз билан айтганда, Янги Ўзбекистонда касб эгалламаган бирорта йигит-қиз қолмайди”, — деган президент.
Шунингдек, келгусида камида 10 та университетни ТОП-1000 таликка киритиш катта марра сифатида белгиланди.

🔖Иккинчи миллий дастур — соғлом ва узоқ умр
Иккинчи миллий дастур халқнинг соғлом бўлиши ва узоқ умр кўришини таъминлашга хизмат қилади.
Аҳоли саломатлиги билан боғлиқ давлат харажатлари келгуси беш йилда ЯИМга нисбатан 5 фоизга етказилади.
Тиббиётда профилактикани кучайтириш орқали саломатликни асраш моделига ўтилади.
Давлат тиббий суғуртаси мамлакатнинг барча хонадонларига кириб боради.
Ихтисослашган тиббиётда рақобат муҳитини кучайтириш мақсадида дунёнинг энг нуфузли камида 5 та клиникаси жалб қилинади.
Ўзбекистон замонавий тиббиёт, фарматсевтика, биотехнологиялар ва тиббий таълим тараққий этган масканга айлантирилади.

🔖Учинчи миллий дастур — юқори технологияли иқтисодиёт
Учинчи миллий дастур иқтисодиётни юқори технология ва меҳнат унумдорлиги моделига ўтказишга қаратилади.
Бунинг учун келгуси ўн йилда 450 миллиард доллар хорижий инвеститсия жалб қилинади.
Иқтисодиётда юқори ўсиш суръати сақланган ҳолда, 2030-йилгача ЯИМ ҳажми 300 миллиард долларга етказилади. Саноатда 2 миллионта юқори даромадли иш ўрни яратилади.
Ёшлар салоҳиятини тўлиқ рўёбга чиқаришда стартап, венчур ва сунъий интеллектни ривожлантириш устувор йўналишга айланади.
Кичик бизнеснинг ўрта бизнесга, ўрта корхоналарнинг эса йирик компания ва корпоратсияларга айланиши учун яхлит экотизим йўлга қўйилади.
“Буларнинг ҳисобига келгуси ўн йилда жон бошига ялпи ички маҳсулот ҳажми 10 минг долларлик маррадан ошади”, — дея таъкидлаган Ппезидент.
🔖Тўртинчи миллий дастур — сув ва табиатга муносабатни ўзгартириш
Тўртинчи миллий дастур сув ва табиатга муносабатни тубдан ўзгартиришга қаратилади.
Глобал иқлим ўзгариши шароитида сув ва экология масалалари янада долзарб бўлиб бораётгани қайд этилди.
Келгуси беш йилда экин майдонларида сув тежайдиган технологиялар қамрови 100 фоизга етказилади.
Мактаб, боғча, шифохона ва кўп қаватли уйлар атрофидаги яшил ҳудудлар жамиятнинг дахлсиз бойлиги сифатида муҳофаза қилинади.
Яқин йилларда туман ва шаҳар марказларида яшиллик кўлами 30 фоизга етказилади.

🔖Бешинчи миллий дастур — суд мустақиллиги ва қонун устуворлиги
Бешинчи миллий дастур суд мустақиллигини кучайтириш ва қонун устуворлигини умумий қадриятга айлантиришга қаратилган.
Ҳуқуқий тарбия мактабдан бошлаб аниқ тизим асосида йўлга қўйилади.
Фуқаролар ва тадбиркорларнинг қонуний кафолатларини кучайтириш бўйича ислоҳотлар давом эттирилади.
Кибержиноятчилик, гиёҳвандлик ва одам савдосининг олдини олиш чоралари кучайтирилади.
Шунингдек, яширин иқтисодиёт, уюшган жиноятчилик, аёллар ва болалар ҳуқуқини камситишга қарши кураш янги босқичга кўтарилади.

Хотира

🔖Бугун 28 август куни Шаҳидлар хотираси хиёбонига давлат ва жамоат ташкилотлари вакиллари, уламолар, нуронийлар ва зиёлилар https://president.uz/oz/lists/view/9540.
Қатағон қурбонларини ёд этиш маросимида Президент Шавкат Мирзиёев иштирок этди. Ватан фидойилари ҳақига Қуръон тиловат қилиниб, дуо ўқилди. Элга ош тортилди.
"Шу кунларда эл-юртимиз билан биргаликда мустақиллигимизнинг 35 йиллигини катта хурсандчилик билан кутиб оляпмиз. Ўттиз беш йилдан буён ҳеч кимга қарам бўлмасдан, мана шундай тинч ва тиниқ осмон остида эркин ва фаровон яшаяпмиз. Бу – катта бахт, бебаҳо бойлик. Шундай улуғ кунларда истиқлол ва озодлик йўлида ҳалок бўлган қаҳрамон аждодларимизни эслаш, уларнинг хотирасига ҳурмат бажо келтириш – муқаддас бурчимиз". Шавкат Мирзиёев.
Маълумки, мустабид тузум даврида минглаб бегуноҳ ватандошларимизнинг умри хазон бўлган. 1937-53 йилларда Ўзбекистонда 100 минг одам қатағонга учраган. Уларнинг 13 минг нафари шафқатсиз отиб ташланган.
Қанчадан-қанча оилалар хонавайрон бўлиб, болалар етим қолган. Биргина 1937-38 йиллардаги катта қатағон даврида 7 мингга яқин ватандошимиз отилган.
2002 йил 31 августда Тошкент шаҳри Юнусобод туманида ташкил этилган “Шаҳидлар хотираси” ёдгорлик мажмуаси ҳудудида озодлик ва мустақиллик учун курашган фидойилар хотирасини ёд этиш мақсадида “Қатағон қурбонлари хотираси” музейи очилган. Музейнинг илмий экспозициясини шакллантириш борасида муайян ишлар амалга оширилган. Жумладан, 150 дан зиёд архив ҳужжатлари, 100 дан ортиқ тарихий фотосурат, 100 га яқин ашёвий буюмлар, 175 та китоб, кўплаб вақтли матбуот нашрларининг намуналари излаб топилди ва улар музей экспозициясидан ўрин эгаллаган.

 Бугун мана шу табаррук масканда туриб, тинч-осойишта ҳаётимиз, эришаётган ютуқларимиз учун Яратганга беҳисоб шукроналар айтамиз. Мана шундай озод ва фаровон кунларни орзу қилиб, армон билан ўтган қаҳрамон ота-боболаримиз, жасур момоларимизнинг руҳлари шод бўлсин! Юртимиз тинчлик, тараққиёт ва фаровонлик диёри сифатида янада гуллаб-яшнасин! Аллоҳ таолонинг ўзи Ватанимизни паноҳида асрасин! – деди Президент.
Уламолар қатағон қурбонлари ва Ватан озодлиги йўлида жон фидо этган аждодларимиз руҳига дуо қилиб, юртимиздаги тинчлик-хотиржамлик, файзу барака барқарор бўлишини тиладилар.

манба: http://president.uz/

🌐 | 📷 http://www.instagram.com/yangiasruniversiteti/ |🔵 https://www.facebook.com/profile.php?id=100088968559496&mibextid=LQQJ4d 🌐 http://yangiasr.uz/ https://www.facebook.com/profile.php?id=100088968559496&mibextid=LQQJ4d https://www.youtube.com/@yangiasrunversteti

http://telegraph.controller.bot/files/7891303786/AgACAgIAAxkBAAID1mqNhuQDKmi--Fs5nbLGlkJKt8oSAAJzH2sbvZppSDxNk5IqTVGqAQADAgADeQADPQQтадбир

🔰Маънавият ва маърифат кенгаши: Истиқболдаги вазифалар ва муҳим ташаббуслар

Бугун Янги аср университетида Маънавият ва маърифат кенгашининг расмий ташкил этилиши муносабати билан илк йиғилиш ўтказилди. Мазкур кенгаш таълим масканида маънавий-маърифий жараёнларни тизимли ташкил этиш, ёш авлодни ватанпарварлик руҳида тарбиялаш ҳамда интеллектуал салоҳиятини юксалтиришга йўналтирилган устувор вазифаларни мувофиқлаштиради.

✅Йиғилиш кун тартибидан ўрин олган асосий масалалар:
- Кенгашнинг низоми ва унинг таркиби тасдиқланди.
- Маънавият ва маърифат бўлимининг 2026–2027-ўқув йилига мўлжалланган йиллик иш режаси атрофлича кўриб чиқилиб, қабул қилинди.
- Ватанимиз мустақиллигининг 35 йиллигини муносиб нишонлаш, байрам тадбирини юксак савияда ташкил этиш бўйича масъулларга аниқ кўрсатмалар берилди.

Йиғилиш давомида университет ректори Б.Ишанджанов, шунингдек, проректорлар Ж.Азимбоев ва Ж.Жабборовлар сўзга чиқиб, кенгаш фаолиятининг институционал аҳамияти, талабалар билан ишлашда замонавий механизмларни жорий этиш ҳамда жамоада соғлом маънавий муҳитни мустаҳкамлаш борасидаги фикр-мулоҳазаларини билдирдилар.

Мазкур кенгаш йиғилишида проректорлар, кафедра мудирлари, "Қуёш" МФЙ раиси, ёшлар етакчиси, тюторлар ва бошқа масъул ходимлар иштирок этиб, белгиланган вазифаларни амалга ошириш юзасидан ўзаро фикр алмашдилар.


🌐 | 📷 http://www.instagram.com/yangiasruniversiteti/ |🔵 https://www.facebook.com/profile.php?id=100088968559496&mibextid=LQQJ4d 🌐 http://yangiasr.uz/ https://www.facebook.com/profile.php?id=100088968559496&mibextid=LQQJ4d https://www.youtube.com/@yangiasrunversteti

http://telegraph.controller.bot/files/7891303786/AgACAgIAAxkBAAIDxWqG1jf9maE3SV2XV1AqgERYhZ5fAAItFmsbGJQ5SMd5UQvGdzV7AQADAgADeQADPQQ#yangiliklar

🌐 2026 йил 18 август куни YANGI ASR UNIVERSITETIнинг араб тили йўналиши 4-босқич талабалари Мадина Абдуллаева ва Солиҳа Саттарова Уммон Султонлигидаги Султон Қобус институтида икки ой давомида араб тили бўйича малака ошириш учун жўнаб кетдилар.
Сафар олдидан, ўтган ҳафтада университет ректори Бахтиёр Ишанджанов ҳамда халқаро алоқалар бўлими бошлиғи Отабек Абдуллаев талабаларни қабул қилиб, уларга зарур тавсия ва йўриқномаларни берган эдилар.

🔖Шунингдек, шу куни университетнинг хитой тили йўналиши 4-босқич талабаси Лобар Аҳмедова Хитой халқ республикасининг нуфузли Далянь университетида бир семестр давомида грант асосида таҳсил олиш имкониятини қўлга киритди.
Шу муносабат билан университет раҳбарияти — ректор Бахтиёр Ишанджанов, ректор маслаҳатчиси Мирзиёд Маҳкамов ва Халқаро алоқалар бўлими бошлиғи Отабек Абдуллаев талаба билан учрашдилар. Суҳбат чоғида Лобарнинг ўқишдан кўзлаган мақсадлари ва келгусидаги режалари тингланди.
Раҳбарият талабага зарур бўлган барча ёрдамларни кўрсатишга тайёр эканлигини билдирди. Учрашув якунида Лобар Аҳмедовага эзгу тилаклар билдирилиб, жорий йилнинг 31 августида бошланадиган сафари олдидан оқ йўл тиланди.

🌐 | 📷 http://www.instagram.com/yangiasruniversiteti/ |🔵 https://www.facebook.com/profile.php?id=100088968559496&mibextid=LQQJ4d 🌐 http://yangiasr.uz/ https://www.facebook.com/profile.php?id=100088968559496&mibextid=LQQJ4d https://www.youtube.com/@yangiasrunversteti

http://telegraph.controller.bot/files/7891303786/AgACAgIAAxkBAAIC3Gn2BGNdjj3voTYtVl5bQV48fNOjAAIEFGsbVLKwS0gf3QpZWZFyAQADAgADeQADOwQ#xabarlar

🇺🇿 🇪🇺 "EU Village 2026" xalqaro ko'rgazmasida EduCATIA va RiskGovEU loyihalarimizning muvaffaqiyatli taqdimoti!

2-may kuni Toshkent shahridagi Yoshlar ijod saroyida Yevropa Ittifoqi tomonidan moliyalashtiriladigan loyihalar natijalari va keng imkoniyatlarni o'zida jamlagan yirik "EU Village 2026" tadbiri bo'lib o'tdi.

Tadbir doirasida "Tillar" kafedrasi mudiri, dotsent Umid Kulijanov Milliy Erasmus+ ofisi (NEO) stendida faol qatnashib, mamlakatimiz rivoji uchun strategik ahamiyatga ega bo'lgan ikkita yirik xalqaro loyihamizni ommaga tanishtirdi:

🔹 EduCATIA (CBHE) – AI texnologiyalarini joriy etish:
🇺🇿 Loyiha bevosita davlatimizning raqamli transformatsiya strategiyasini qo'llab-quvvatlaydi. Universitet o'quv dasturlariga sun'iy intellekt texnologiyalarini chuqur integratsiya qilish orqali, biz mehnat bozori uchun zarur bo'lgan eng zamonaviy raqamli ko'nikmalarga ega kadrlarni tayyorlashga o'z hissamizni qo'shamiz.

🔹 RiskGovEU (Jean Monnet Module) – Jamoat xavfsizligi va huquq:
🇺🇿 Global ekologik xavf-xatarlar ortib borayotgan davrda, ushbu loyiha tabiiy ofatlar xavfini boshqarish bo'yicha Yevropa Ittifoqining ilg'or huquqiy tajribasini mamlakatimiz boshqaruv tizimiga moslashtirishga yordam beradi. Bu milliy xavfsizlik va favqulodda vaziyatlarga javob berish salohiyatimizni huquqiy jihatdan mustahkamlaydi.

Ushbu ko'rgazma loyihalarimizni keng ommaga, OAV vakillariga va xalqaro hamkorlarga yetkazish uchun ajoyib platforma bo'ldi. Stendimizga kelib, ta'lim va huquq sohasidagi kelajak rejalari bilan qiziqqan barchaga rahmat! 🌍🎓

🌐 | 📷 http://www.instagram.com/yangiasruniversiteti/ |🔵 https://www.facebook.com/profile.php?id=100088968559496&mibextid=LQQJ4d 🌐 http://yangiasr.uz/ https://www.facebook.com/profile.php?id=100088968559496&mibextid=LQQJ4d https://www.youtube.com/@yangiasrunversteti