Komporuz

Суюлтирилган газ таъминотида бозор механизмлари босқичма-босқич жорий этилади

Ўзбекистонда суюлтирилган газ етказиб бериш соҳасида давлат монополиясидан бозор механизмларига ўтиш жараёни бошланмоқда. Президентнинг 2026 йил 12 сентябрдаги ПҚ–326-сон қарори соҳада хусусий тадбиркорлар иштирокини кенгайтириш ва рақобат муҳитини шакллантиришни назарда тутади.

Қарорга мувофиқ, 2026 йил 1 октябрдан Андижон вилоятида тажриба лойиҳаси амалга оширилиши белгиланган. Унга кўра, тадбиркорлар импорт қилган суюлтирилган газни маиший баллонларда истеъмолчиларга тўғридан тўғри, эркин нархларда етказиб бериши мумкин.

Шу билан бирга, аҳолига суюлтирилган газ етказиб бериш устувор вазифа сифатида белгиланган. Асосий эътибор мавжуд ресурслардан самарали фойдаланиш, хонадoнларни газ билан ўз вақтида ва етарли миқдорда таъминлашга қаратилади.

Янги механизмлар барча ҳудудларда бир вақтнинг ўзида жорий этилмайди. Тизимни бошқа ҳудудларга босқичма-босқич татбиқ этиш қарорда белгиланган талаблар бажарилиши ва тегишли шартлар таъминланишига боғлиқ.

@Komporuz

#обуначиларимиздан

Мактaбларда ўқувчиларга нисбатан қўл кўтариш ҳолатларида «Биз ҳам калтак еганмиз, кам бўлганимиз йўқ», «биз устоздан, директордан (ота-онамиздан) қўрқиб турар эдик» каби сўзлар билан жисмоний куч ишлатишни, умуман қўрқувни (қўрқитишни) оқланиши хавотирли.

Бизга болалигида руҳи синдирилган, қўрқоқ ва аламзада авлод эмас, ўз мустақил фикри ва сўзига эга бўлган, керак бўлса уни ҳимоя қила оладиган қадди баланд авлод керак. Қўрқоқ одам қулликка мойил бўлади. Қўрқоқ ташаббус қилмайди, ўзгариш қилмайди. Қўрқоқ «йўқ» демайди, «хўп бўлади» деб ҳамма нарсага рози бўлаверaди.

Қўрқоқ «қонунлар ишласин» демайди, «шундай топшириқ бўлди» дейди. Ҳаммани сўзсиз итоатга чорлайди, мабодо имкон берилса ўзи ҳам куч ишлатиш, зўравонлик ва қўрқитишни бошлайди. Айрим амалдорларнинг қўли (кўпинча тили) қичиб туришининг замирида, энди бизнинг навбатимиз (давримиз) келди деган «дембелча фикрлаш» ётади. Таълим муассасаларида куч ишлатишни ва умуман қўрқувни тарғиб этишни бас қилиб, ўқувчиларни ота-оналар, ўқитувчиларни ҳурмат қилиш руҳида тарбиялаш лозим.

Уй ҳайвони (сигир)ни ҳам урмасдан тарбиялайдиган, ўрта маълумотли уй бекаларини биламан. Нега энди тарбиялашнинг турли методикаларини йиллар давомида ўқиган олий маълумотли педагог бу йўлдан бормаслиги керак?

@Komporuz

#обуначиларимиздан

ANDIJON FUTBOLI: EHTIROS EMAS, XOLIS TAHLIL VA ANIQ SAVOLLAR KERAK!
Andijon futbol klubi atrofidagi muhokamalarga hissiyot bilan emas, xolis yondashish vaqti keldi.
Afsuski, «rahbarlar» degan umumiy jumla ko‘pchilik tomonidan, avvalo, viloyat rahbariyatiga nisbatan talqin qilinmoqda.
Aslida-chi? Mas’uliyat kimning zimmasida va natija uchun kim javob berishi kerak?
Andijon viloyati hokimi Sh. Qo‘shaqbayevich 2026-yil boshida viloyat futbolini rivojlantirish, klubga sarmoya jalb qilish va muxlislarni rozi qilish maqsadida tadbirkorlar, homiylar hamda tegishli tashkilotlarni bu ishga jalb etdi.
Endi asosiy savol: shuncha mablag‘ kimga, qanday vakolat va mas’uliyat bilan ishonib topshirildi?
Keling, hissiyotga berilmay, quyidagi savollarga javob izlaylik.
1. Andijon futbol klubiga bosh murabbiy etib S. Babayanni kim tavsiya qilgan va bu qaror qanday asosda qabul qilingan?
2. Faxriy futbolchilar bilan muzokaralarni kim olib borgan, shartnomalar va moliyaviy kelishuvlar uchun kim mas’ul bo‘lgan?
3. Elbek Samadov 2026-yildagi shartnomalar, muzokaralar va moliyaviy kelishuvlarda ishtirok etmagan bo‘lsa, nega aynan u tanqidlar nishoniga aylanmoqda?
4. Agar Samadov futbolchilar bilan shartnomalar tuzish yoki jamoaning safar xarajatlarini boshqarishga mas’ul bo‘lmagan bo‘lsa, bu masalalarda uning javobgarligi nimaga asoslanmoqda? Uning rahbarligi davrida klub erishgan yutuqlarni ham unutmaslik kerak emasmi?
5. Bugun Samadovni tanqid qilayotgan fan-klub rahbari N. To‘ychiyevning avvalgi faoliyati qanday bo‘lgan? U Samadov rahbarligi davrida klubdan maosh olganmi yoki muxlislik faoliyatini beg‘araz olib borganmi? Bu masalada taxminlarga emas, aniq ma’lumotlarga tayanish lozim.
6. Andijon klubi 2026-yilgi mavsumni qanday natija bilan yakunlaydi? Uchinchi o‘rin uchun kurashadimi yoki Superligada jon saqlab qolish uchun kurashishga majbur bo‘ladimi? Ajratilgan mablag‘, tarkib va imkoniyatlar bilan amaldagi natijalar o‘rtasidagi tafovutga kim izoh beradi?
7. Viloyat hokimi Sh. Qo‘shaqbayevich Andijon futboliga katta sarmoya jalb etish, homiylarni biriktirish va klubni qo‘llab-quvvatlash uchun imkoniyat yaratgan bo‘lsa, yana qanday ishlar qilinishi kerak edi? Futbolni rivojlantirish uchun sharoit yaratish bilan maydondagi natija uchun javob berish bir xil mas’uliyatmi?
8. Yuqoridagi savollar yuzasidan Andijon viloyati futbol assotsiatsiyasi vitse-prezidenti B. Karimov hamda bosh murabbiy S. Babayanning mas’uliyati va faoliyati ham xolis baholanishi kerak emasmi?
9. Eng muhim masala — viloyat hokimi tomonidan jalb etilgan mablag‘lar kimga ishonib topshirilgani, ular qanday sarflangani va qanday natija berganidir. Byudjet mablag‘lari hamda homiylik pullari osmondan tushmaydi. Ularning har bir so‘mi ortida xalq ishonchi, tadbirkorlar mehnati va katta mas’uliyat turibdi.
Xulosa
Viloyat rahbarining futbolni qo‘llab-quvvatlashi — muhim tashabbus. Ammo bu boshqa mas’ullarni javobgarlikdan ozod qilmaydi. Futbolni rivojlantirish bahonasida boshqa sohalardagi muammolarga ko‘z yumish ham to‘g‘ri emas.
Bizga aybdor qidirish uchun ehtirosli shiorlar emas, aniq javoblar, ochiq moliyaviy hisobot va mas’uliyat kerak.
Andijon futboli hech kimning shaxsiy obro‘si yoki manfaatidan ustun turishi kerak emas. Bu — minglab muxlislarning ishonchi va viloyatning sha’ni.
Savol oddiy: imkoniyat yaratildi. Endi natija va mablag‘lar uchun kim javob beradi?

@Komporuz

#обуначиларимиздан

Assalomu alaykum hurmatli Andijon viloyati Buloqboshi tumani Maktabgacha va maktab ta’limi boʻlimi mudiri M. Boltaboyev!
Ushbu habarni yozar ekanman men holis baholovchi inson sifatida yuz berayotgan vaziyatni baholamoqchiman. Men uzoq yillar 7-umumiy oʻrta ta'lim maktabida faoliyat yuritaman. Kuni kecha maktabimizi hamda ayrim hodimlar to'g'risida yozilgan fikrlarga oʻzimni fikrimi bildirmoqchiman. Mana bir necha yildirki shu yerda ishlab halol rizq topib oilamizi , bolalarimizi shu yerdan ishlab olib borayotgan pullarimizga boqyapmiz. Yaxshimi- yomonmi bir jamoa sifatida uzoq yillar ishlab kelyapmiz. Men yozilgan ushbu habarni oʻqib biroz dilim ogridi sababi Abdullayeva Jumagul ismli ayol maktabimizda zavuch sifatida faoliyat yuritishni boshlagandan buyon hali biror bir ustozni hali biror bir hodimni noxaq ayblamadi. Bu ayol haqida gapiradigan boʻlsam, Jumagul judayam samimiy , oqkoʻngil ayol. Chunki hammani tushunishga harakat qilib kelyapti, kimimiz nima iltimos qilsak qoʻlidan kelganicha iltimosimizi beoʻrin qoldirmaydi. Hurmatli qorgoncha ahli, jamoadoshlar sizlardan iltimos qilib qolaman vaziyatni bu qadar boʻrtirib ommaga Elon qilmang iltimos. Bitta rahbar nima qilishi kerak boʻlsa shu ayol ham qoʻlidan kelganicha harakat qilyapti, vaqti kelganda izlanyapti mana biz guvohmiz. Bunchalar birovlarga loy chaplashga urinmaylik birodarlar. Ahir tuhmat ham, zarracha yomonlik ham bir kun nohaq boʻlsa oʻzimizga qaytishi bor. Dilfuza davrida ham Jumagul davrida ham maktab oʻz ornida turibdi uni davri yaxshi edi buni davri yomon edi deyiwga hech kimni haqqi yoʻq. Har ikkisi ham oʻziga yarasha uddaburon, mehnatsevar insonlar. Atrofga nazar solaylik maktabimiz yildan yilgan zamonaviylashib yangi elektron doskalar , yangi stol stullar bilan boyitilmoqda. Shularni shukrini ham ado qilaylik odamlar. Hadeb u yomon bu yomon deyaversak yaratganga ham xush kelmaydi. Men ushbu gaplarni kimnidir yonini olish yoki qoralash maqsadida emas balki odilona inson sifatida aytmoqdaman. Kelinglar qoʻrgʻoncha ahli, hamda jamoadoshlar bugundan dunyoqarashimizi yaxshi tarafga oʻzgartiraylik. Illat izlaganga illat bu dunyo , hikmat izlaganga hikmat bu dunyo. Faqatgina hamma narsadan hikmat qidiraylik azizlar.

@Komporuz

#обуначиларимиздан

МИННАТДОРЧИЛИК ХАТИ

Ўзбекистон Республикаси Ички ишлар вазири, генерал-лейтенант Азиз Анварович Тошпўлатовга

Ҳурматли Азиз Анварович!

Биз, Андижон вилояти Пахтаобод тумани жамоатчилик назорати вакиллари ҳамда туман фуқароси Абдураҳмон Юлдашев, Сизга туманимизда жамоат тартиби ва қонун устуворлигини таъминлаш йўлида сидқидилдан хизмат қилиб келаётган ички ишлар органлари ходимларининг фидойилигини эътироф этиб, ўз миннатдорчилигимизни билдиришни жоиз деб билдик.

Айниқса, Пахтаобод тумани Ички ишлар бўлими бошлиғининг биринчи ўринбосари, подполковник Ҳасанов Одилбекнинг хизмат фаолияти алоҳида эътибор ва юксак эътирофга лойиқдир.

Ушбу масъул ходимнинг туманимизда тинчлик ва осойишталикни сақлаш, жиноятчилик ҳамда ҳуқуқбузарликларнинг олдини олиш, фуқаролар хавфсизлигини таъминлаш ва қонун устуворлигини қарор топтириш борасида олиб бораётган фидокорона ишларини юксак қадрлаймиз.

Бизнинг эътиборимизни тортган энг муҳим жиҳат — подполковник Ҳасанов Одилбекнинг ўз хизмат вазифасига бўлган масъулияти, касбига садоқати ва халқ осойишталигини шахсий манфаатларидан устун қўяётганидир. Унинг хизмат зарурати туфайли ҳафталаб ишхонада қолиб, дам олиш ва шахсий вақтини ҳам халқ хизматига бағишлаётгани ҳақида эшитганмиз. Бундай фидойилик ҳар қандай эътироф ва ҳурматга муносибдир.

Зеро, халқнинг тинчлиги ва хавфсизлиги йўлида тунни тун, кунни кун демай меҳнат қилиш, ҳар бир ҳуқуқбузарликнинг олдини олишга интилиш ва фуқаролар ишончини қозониш ҳар бир раҳбар ва ходимдан юксак ирода, ҳалоллик ҳамда ватанпарварликни талаб этади.

Ишонамизки, подполковник Ҳасанов Одилбек каби ўз касбига садоқатли, ташаббускор ва фидойи ходимларнинг самарали меҳнати Пахтаобод туманида қонун устуворлигини мустаҳкамлаш, жиноятчиликнинг олдини олиш ва аҳоли фаровонлигини таъминлашга муносиб ҳисса бўлиб қўшилмоқда.

Ҳурматли Азиз Анварович!

Сиздан Пахтаобод туманида жамоат тартиби ва қонунийликни таъминлаш йўлида астойдил хизмат қилаётган подполковник Ҳасанов Одилбекнинг меҳнатларини муносиб эътироф этиш ҳамда унинг хизмат фаолиятига ижобий баҳо бериш масаласига эътибор қаратишингизни сўраймиз.

Халқ манфаатини устувор деб билган, ўз бурчига садоқат билан ёндашган ва юрт осойишталиги учун фидойилик кўрсатаётган ходимларнинг қадрланиши бошқа ходимлар учун ҳам юксак намуна бўлиб хизмат қилади, деб ҳисоблаймиз.

Сизга мамлакатимизда тинчлик ва осойишталикни таъминлаш, қонун устуворлигини мустаҳкамлаш ҳамда халқ манфаатларига хизмат қилиш йўлидаги масъулиятли фаолиятингизда муваффақиятлар тилаймиз.

Чуқур ҳурмат ва самимий миннатдорчилик билан,

Андижон вилояти Пахтаобод тумани жамоатчилик назорати вакиллари ҳамда фуқаро

Абдураҳмон Юлдашев

Сана: «_17_» _октябрь___ 2026 йил

@Komporuz

#обуначиларимиздан

Andijon viloyati, Andijon tumani (56-IDUM) ya'ni 51- maktabning bir guruh pedagog hodimlari nomidan shikoyat arizasini yuboryapmiz!. Iltimos,shuni kórib beringlar! Biz maktabda , DAVLAT muassasasida ishlaganimiz uchun har oy oyligimizdan 12% daromad soliĝini tólab boramiz. Kasaba uyushmasi, nafaqa fondiga ham vaqtida ushlanib boradi. Bunga mingdan -ming rozimiz, chunki bu 12% Vatanimiz rivoji uchun. Biz bu bilan VATANIMIZga oz bòlsa ham xissa qóshyapmiz.
Ammo, undan tashqari maktabimiz ÓIBDÓ si (zavuch) BÓRONOV RAVSHANBEK tomonidan har oy maktab chiqimi uchun uchun 50ming sóm pul miqdorida belgilangan holda muntazam har bir pedagogdan majburiy olinib kelinmoqda. Holbuki,bu chiqim pulida ózlari ,rahbarlar yóq!!!! Aynan shu oktabr oyida avans pul miqdori juda ham kam tushganligi va kuzgi mavsumga ótish barobarida oilaviy harajatlarimizdan oshinolmadik va kópchilik ustozlar bu chiqim pulini bu oy óz vaqtida berolmagani uchun. Zavuchimiz ochiqdan - ochiq maktabimizning rasmiy gruppasida ustozlarga nisbatan haqoratomuz sózlar bilan, insonni izzat nafsini paymol qiladigan sózlar yozdi. Shu órinda yana bir gapni aytib ótsam , kóp hollarda ertamangi óquvchilar saflanish retuvalida barcha óquvchilar oldida ustozlarni yomon sózlar bilan haqorat qilgani ham ma'lum. Bu sóralayotgan chiqim puli bir yilda yoki 3,4 oyda bir yiĝilsa mayli edi. Afsuski , har oy "qólingizni ehsoni" deb majburlashlar bólib kelmoqda. Ta'kidlashicha, sóralayotgan chiqim puli vaqtida berilmasa dars soatiga ta'sir etilishini vaj qilib pópisa qilib ótdi va albatta shaxsan ózi shuĝullanishini ta'kidladi. Bu tazyiqlar natijasida kunlik normada dars ótishimizga bosim bólib ,erkin ishlolmayapmiz!! Holbuki, maktab davlatniki bólsada óz manfaati uchun qachongacha BÓRONOV RAVSHANBEKga alohida pul berishimiz kerak va shartmi?? Iltimos,shu masalada amaliy yordam berishingizni sóraymiz. Biz bu murojaatimiz bilan kimgadur tuxmat qilmoqchi emasmiz. Shuning uchun sózimiz isboti bilan quyidagi maktab gruppasida yozgan yozishmalarini havola etamiz!!!

@Komporuz

#обуначиларимиздан

Ассалому алайкум хурматли Компоруз жамоаси ва кузатувчилари, сизлар сабаб жуда куплаб мурожаатлар ижобий ечимини топяпти.
Бизни мурожаат хам уз ечимини топади деган умидда ёзяпмиз.
Бизнинг мурожаат Андижон вилояти ИИБга янги рахбар булиб келган Абдумажид Шермухамедовга ва Андижон вилояти ИИБ ЙХХБ боглигига.
Аввало Андижонимизга янги лавозим билан хуш келибсиз.
Биз бир нечта хайдовчилар Андижон туман ЙХХБ инспектори Шохобидинов Сирожидин (0049) деган ходимдан жуда безилладик, сабаби бу ходимда на муомила маданияти бор, на инсонийлик жихати бор доим асабий бир холатда. Бундай ходимлар билан психологик сухбатлар, хушмуомилалик ходимни асосий вазифаси эканлиги эрталабки йигилишларда тушунтириладими. Уйида ёки юкоридаги рахбарлари асаббузарлик килаётган булса буни аламини хайдовчилардан олиши керакми. Илтимос Вилоят ИИБ рахбари ва Вилоят ЙХХБ рахбарлари шу ва шунга ухшаш ходимлар билан профилактик сухбатлар уюштириб, натижаси тугрисида конунда белгиланган тартибда изох беришингларни илтимос киламиз.

#обуначиларимиздан

АНДИЖОН ВИЛОЯТИ РАҲБАРИЯТИ ВА «КОМПОРУЗ» ЖАМОАСИГА ҚАТЪИЙ ОЧИҚ МУРОЖААТ!
Ҳурматли Андижон вилояти ҳокими Абдураҳмонов Шухратбек Қўшоқбаевич!
Сиздан Андижон шаҳридаги 38-ДМТТда юзага келаётган вазиятга жиддий эътибор қаратишингизни сўраймиз.
Биз бу муассасада ишлаётган ходимлар сифатида бугунги муҳитдан жуда жиддий хавотирдамиз. Богча болалар учун меҳр, тарбия ва хавфсизлик маскани бўлиши керак. Аммо ходимларнинг таъкидлашича, муассасада сўнгги вақтларда босим, жанжал, қўрқитиш ва носоғлом иш муҳити кучайган.
❗ НЕГА ТАЖРИБАЛИ ХОДИМЛАР БИРИН-КЕТИН КЕТИШГА МАЖБУР БЎЛМОҚДА?
Янги раҳбар келганидан кейин узоқ йиллардан бери ишлаб келган айрим ходимлар ариза ёзиб ишдан кетгани айтилмоқда.
Ходимларга «ишламасангиз, ариза ёзиб кетинг» мазмунида муносабат бўлганми?
Агар бўлган бўлса — нега?
Бу ҳолатга ким ҳуқуқий баҳо беради?
❗ РАҲБАР ТАЙИНЛОВИ ҲАМ ОЧИҚЛИКНИ ТАЛАБ ҚИЛАДИ
Дилфуза исмли раҳбар ушбу лавозимга тайинланишидан олдин белгиланган тартибда суҳбатдан ўтганми?
Унинг раҳбарлик лавозимига малакаси, тажрибаси ва тегишли ҳужжатлари тўлиқ ўрганилганми?
Тайинлов жараёнида барча қонунчилик талабларига риоя қилинганми?
Бу саволларга расмий ва аниқ жавоб берилишини сўраймиз.
❗ ҚАРИНДОШ-УРУҒЧИЛИК МАСАЛАСИ ҲАМ ТЕКШИРИЛСИН!
Муассасада раҳбарга яқин қариндошлар ва таниш-билишлар жамланиб бораётгани ҳақида ходимлар ва ота-оналар орасида эътирозлар мавжуд.
Бу маълумотлар ҳақиқатми ёки йўқми — холис комиссия текширсин!
Агар қонунбузилиш аниқланса, чора кўрилсин.
❗ БОЛАЛАР ХАВФСИЗЛИГИ — ЭНГ АСОСИЙ МАСАЛА!
Муассасада санитария ҳолати, овқатланиш сифати ва каламушлар пайдо бўлаётгани ҳақида жиддий шикоятлар бор.
Агар бу ҳолат тасдиқланса, бу оддий камчилик эмас.
Бу  болалар саломатлиги ва хавфсизлиги масаласи!
Шунинг учун Санэпидқўмита ва бошқа ваколатли ташкилотлар томонидан 38-ДМТТда навбатдан ташқари текширув ўтказилишини сўраймиз.
🍲 Овқат маҳсулотлари қандай сақланмоқда?
🥩 Гўшт ва бошқа маҳсулотлар белгиланган меъёрда берилмоқдами?
🧼 Ошхона ва гуруҳларнинг санитария ҳолати қандай?
🐀 Каламушларга қарши дезинфекция ва дератизация ишлари ўтказилганми?
Бу саволларга ҳужжат ва далиллар асосида жавоб берилсин.
❗ ВИДЕОКАМЕРАЛАР БОЛА ХАВФСИЗЛИГИ УЧУНМИ ЁКИ ХОДИМЛАРНИ ДОИМИЙ НАЗОРАТ ҚИЛИШ УЧУНМИ?
Ходимларнинг айтишича, раҳбар томонидан гуруҳларга тез-тез кириб чиқиш ва видеокузатув орқали доимий назорат қилиш ҳолатлари мавжуд.
Камералар болалар хавфсизлиги учун ўрнатилган.
Шу сабабли улардан фойдаланиш тартибига ҳам ҳуқуқий баҳо берилишини сўраймиз.
❗ БИТТА ТАРБИЯЧИ 30 НАФАР БОЛА БИЛАН ЁЛҒИЗ ҚОЛИШИ ҚОНУНИЙМИ?
Айрим гуруҳларда тарбиячи ёрдамчиси бўлмасдан, бир нафар тарбиячи кўп сонли болалар билан ишлаётгани айтилмоқда.
Бу ҳолат амалдаги меъёрларга мосми?
Масъуллар жойига чиқиб текширсин!
📢 ҲУРМАТЛИ У. ШУКУРОВ!
Андижон вилояти Мактабгача ва мактаб таълими бошқармаси раҳбариятидан ҳам илтимос:
38-ДМТТга комиссия юбориш билан чекланманг.
Жойига боринг.
Ходимларни алоҳида қабул қилинг.
Ота-оналар билан очиқ суҳбатлашинг.
Ҳужжатларни текширинг.
Ошхона ва гуруҳларни кўздан кечиринг.
Камера ёзувларини қонун доирасида ўрганинг.
Ва энг муҳими ходимлардан раҳбар иштирокисиз тушунтириш хатларини олинг.
Чунки ходим раҳбарнинг олдида ҳақиқатни очиқ айта олмаслиги мумкин.
❗ Биз кимнидир ноҳақ айблашни эмас, ҲАҚИҚАТНИ талаб қиляпмиз!
Агар биз айтган ҳолатлар асоссиз бўлса  расмий равишда тушунтириб берилсин.
Агар тасдиқланса  айбдорларга нисбатан қонун доирасида чора кўрилсин.
Бизга қўрқув муҳити эмас  соғлом иш муҳити керак.
Бизга жанжал эмас  ҳурмат ва муомала маданияти керак.
Бизга қариндош-уруғчилик эмас  адолатли кадр сиёсати керак.
Бизга энг муҳими болалар учун хавфсиз ва соғлом боғча керак!
🙏 Ҳурматли «КОМПОРУЗ» жамоаси ушбу мурожаатимизни назоратга олиб масъул ташкилотлардан жавоб олинишига кўмаклашишингизни сўраймиз.
Агар зарур бўлса бизда бу мудирани ва дугоналарини устидан мавжуд далиллар, ҳужжатлар, фото-видеолар ва гувоҳлар кўрсатмаларини тақдим этишга тайёрмиз.

#обуначиларимиздан

Salom, admin. Siz yoritib borayotgan Sirdaryo viloyati Mirzaobod tumanidagi bog‘cha masalasi bo‘yicha yozmoqdaman. Mening kichik farzandim ham shu bog‘chaga qatnaydi.

Rostini aytsam, hozir bu bog‘chaga bo‘lgan ishonchim qolmadi. Oldin katta farzandlarim ham shu bog‘chaga qatnagan. O‘sha paytda logoped yo‘q edi. Kichik farzandimni bog‘chaga berganimizda esa yig‘ilishda yangi direktorga logoped masalasini taklif qilgan edik. “Mutaxassis olamiz, albatta”, deb aytishgandi. Biz ham shu gapga ishonganmiz.

Ammo afsuski, hozir qarasak, bizni shunchaki ishontirib qo‘yishgan ekan, degan xulosaga kelishga majbur bo‘lyapmiz. Bog‘chada logoped bor, deyiladi, lekin farzandim undan amalda foydalanmayapti. Bizning sharoitimiz ham og‘irroq, shaharga borib pullik tekshirtirish va logopedga olib borishga imkonimiz yo‘q. Shu sababli bog‘chadagi mutaxassisga umid qilgandik.

Endi savol tug‘iladi: agar shu bog‘chada vaziyat shunday bo‘lsa, boshqa davlat bog‘chalarida ahvol qanday ekan?

Iltimos, mas’ullar bu holatni jiddiy tekshirsin. Logoped shtatda bor-yo‘qligi emas, bolalar haqiqatdan ham logoped ko‘rigidan o‘tayaptimi, mashg‘ulotlar olib borilyaptimi — shular aniqlansin.

Biz ota-onalar farzandlarimiz uchun ishonib topshiramiz. Ishonchni suiiste’mol qilmaslik kerak. Bizni ham, bolalarimizni ham aldashmasin. Insofni o‘zlariga bersin.

#обуначиларимиздан

Ассалому алайкум сизларга мурожат килишимдан максад им кушним бор Косимова Зарнигор жамолиддинова Андижон туман чем мфй Асака йули гулшан махалласида яшайди шу аел Хар хил жойларга езиб бутун кушниларни халоватини бузяпти Уни Ичида мени хам ишимда чакириб ишдан куйяпти онаси Анора шу келиб кизига ургатяпти кейин Кизи бизни Хар хил ташкилотга ездиб бизга зарар утказяпти илтимос шу езувчилигиги чора борми куриб берилар мен Мирзаахмедова Зухра шу номера алокага чикилар 934420160 илтимос

#БОЗОРЛАР_СОТИЛАДИ

❗️Ҳудудларда 18 та бозор ва савдо мажмуасидаги давлат улушлари сотувга чиқарилади

Наманган вилоятида:
«Наманган авто магистрай савдо комплекси» — 51%;
«Ихтисослаштирилган қурилиш моллари савдо комплекси» — 51%;
«Яшил деҳқон бозори» — 68%;
«Дўстлик савдо саноат комплекси» — 51%;
«Чуст деҳқон бозори» — 51%;
«Янгиқўрғон деҳқон бозори» — 51,42%;
«Тўрақўрғон марказий деҳқон бозори» — 51%.

Самарқанд вилоятида:
«Тойлоқ деҳқон бозори» — 51%;
«Самарқанд инновацион автомобиллар бозори» — 51%;
«Гулобод ёпиқ савдо комплекси» — 51%.

Сурхондарё вилоятида:
«Лолазор Денов Барака» — 51%;
«Жарқўрғон деҳқон (озиқ-овқат) бозори» — 54,6%.

Тошкент вилоятида:
«Қибрай деҳқон бозори» — 51%.

Фарғона вилоятида:
«Фарғона Юсуфжон файзи қурилиш моллари савдо комплекси» — 51%;
«Рапқон деҳқон бозори» — 51%;
«Яккатут деҳқон бозори» — 52,1%;
«Бешариқ Умаровлар файзи» — 51%;
«Бешариқ Турон саноат савдо комплекси» — 51%.

Жами 18 та бозор ва савдо мажмуасидаги давлат улушлари сотувга чиқарилади.