Allim Tv - 🇰🇷🌐 Koreya va boshqa joylarga grant, programalar!

🇺🇿Maktab o'quvchilari uchun grant

Kimlar uchun: 15 yoshdan 17 yoshgacha bo'lganlar (9-sinfni bitirganlar).
TOPIK imtixonidan kamida 2-daraja sertifikat egasi bo'lish!
(Ko'pchilik so'ragan grant:)

Grant uchun 4 ta joy bor.

Grant qoplaydigan harajatlar: O'qishga kirish puli, o'qish puli( 3 yilga), turar joy (yotoqxona) va ovqat harajatlari.
O'qish muddati: 3 yil

Grantga hujjat topshirish usuli: Koreya Respublikasi ta'lim markazi 2-qavatiga topshirish kerak.
Agar savollar bo'lsa email orqali [email protected] ga yuborishingiz mumkin.

Kerakli hujjatlar:
1) Ariza shakli(1-shakl)
2) O'zini tanishtirish xati(2-shakl)
3) O'qish rejasi(3-shakl)
4) Maktab direktoridan tavsiyanoma(4-shakl)
5) Rozilik xati(5-shakl)

va yo'riqnomada ko'rsatilgan boshqa hujjatlar

MUHIM:
- Barcha shakllar Koreys yoki Ingliz tilida to'ldirilishi hamda barcha hujjatlar Ingliz(Koreys) tiliga notarial tarjima qilingan bo'lishi lozim. Maktabni tugatganlik haqida hujjat Koreys tiliga tarjima qilib, Apostil qilinishi kerak.

Manba: https://tashkec.uz/ru/news/center-events/33320

P.s. Maktab o'quvchilari uchun bu juda yaxshi imkoniyat! GKS bo'lmasa ham bu undan qolishmaydi:)

@allimtv

🇺🇿IV Koreys tili olimpiadasi

Bu olimpiada endi davomli o'tkaziladiganga o'xshidi. Vazirlik ham bunga yordam bermoqda.
(Bu yil ham olimpiada g'oliblaridan 10 nafari Koreyaga bepul borib-kelishadi:)

Joyi: Poytaxt va viloyatlarda joylashgan maktablarda, keyinchalik saytda e'lon qilinadi.
Ro'yxatdan o'tish sanasi: 15-oktabrgacha

Ro'yxatdan o'tish joyi: https://edux.center/

Kimlar uchun:
1) Koreys tilini biladigan, 9-10-11-sinf o'quvchilari
2) Litsey va texnikum 1-2-bosqich o'quvchilari

Manba: Koreya Respublikasi ta'lim markazi telegrami

P.s. Olimpiada g'oliblariga juda yaxshi sovg'alar beriladi. Kamiga GKS ga hujjat topshirganda qo'shimcha bal ham beriladi:)

@allimtv

🇺🇿Ustoz va murabbiylar kuni muborak!

Bir dono odam aytgan ekan. Biz hammamiz bir-birimizga ustozmiz deb. Shu gapda ham jon bor deb o'yliman.
Chunki bir-birimizdan o'rganadigan joylarimiz har doim topiladi.
Agar juda bo'lmasa boshqa odam qilayotgan noto'g'ri ishni qilib, men shunday qilmayman desak ham bu ham bir o'rganish:)

Bizga bilim bergan, to'g'ri yo'lni ko'rsatgan tarbiyachiyu, ustozlarimizni tabriklayman! Baxtimizga har doim sog'-salomat bo'linglar!
Har doim biron narsani, ilmni boshqalarga ulashib, savob olib yurish hammamizga nasib qilsin!
Bayram muborak!

Hurmat bilan allimtv kanali admini Sadulla:)

@allimtv

🇰🇷🇺🇿Koreyaga magistratura va Phdga grant

Chet elliklar Koreyashunoslik akademiyasida bepul o’qishlari mumkin. Academy  of Korean studies (AKS) akademiyasi 2027-yil Bahorgi semester uchun ro'yxatdan o'tish talablarini e’lon qildi.

Bu akademiyaning yaxshi tomoni:
1) Chet elliklar uchun o’qish bepul
2) Shu bilan birga oyiga 800 000 won (650$) stipendiya va boshqa stipendiyalarni ham olishlari mumkin.
3) Arzon yotoqxona puli va bepul Koreys tili darslari

Bu o’qishda o’qiydigan chet ellik talabalarning 76.5% i stipendiyalar olayotgani ham quvonarli.

Bu o’qishga 2027-yil Bahorgi semestr uchun online ro’yxatdan o’tish shu yilning 18-Sentabrgacha davom etadi.

Ro’yxatdan o’tish sayti: http://www.studyinkorea.go.kr/

Siz ham bu akademiyaga o’qishga topshirib bepul o’qish imkoniyati va yuqoridagi stipendiyalarni olishingiz mumkin.

Eng asosiy talab sizda bakalavr diplomi va TOPIK(kamida 4-daraja) yoki IELTS sertifikati bo'lishi kerak.

Bu akademiyada:
1) Gumanitar yo’nalish – Koreya tarixi, Eski qo’lyozmalarni saqlash, Filasofiya va Koreys tili va madaniyati fakultetlari;
2) San’at yo’nalishi – Folklorshunoslik, Din asoslari, Musiqashunoslik, San’atshunoslik, Adabiyotshunoslik fakultetlari;
3) Jamiyatshunoslik yo’nalishi – Siyosatshunoslik, Jamiyatshunoslik, Ta’lim fakultetlari bor.
4) Xalqaro Koreyashunoslik

Agar sizda muddati o’tmagan TOPIK yoki IELTS sertifikati bo’lmasa, o'qishga hujjat topshira olmaysiz:(

Faqatgina Xalqaro Koreyashunoslik fakultetiga IELTS 6.5 yoki TOEFL iBT 80 bilan hujjat topshirish mumkin!

Keyin TOPIK 4-darajadan past bo’lgan(3 yoki 2-daraja) sertifikat bilan bu o’qishga hujjat topshirish mumkin emas.

Sizga kerakli boshqa ma’lumotlar quyidagi fayllarda.

P.s. GKS GKS dib etvurasila mana silaga Koreyaga magistratura va PhD uchun grant:)
#aks #grant

🇰🇷 Stipendiya: 2026-yilgi Daewoong fondi stipendiyasi

Daewoong fondi Kuzgi qabulni e'lon qildi!

Kimlar uchun: Koreyada o’qiyotgan chet ellik talabalar (bakalavr, magistratura va PhD)
Stipenidya miqdori: Semestr davomida, har oy 500 000 won
Stipendiyaga ariza topshirish sanasi: 2026-yil 10-Sentabrgacha

Bu yil stipendiyaga hujjat topshirganlar 1 oylik kursda ham o'qishlari mumkin ekan. Kurs davomida til va ish bo'yicha tajriba olib, 500 ming won stipendiya ham berilar ekan. Bu kursdan muvaffaqiyatli o'tganlar tanlab olinar ekan (va bir semestr stipendiya olishadi:)
Bu stipendiyaga registratsiya qilish uchun siz Koreys va Ingliz (ikkala tilni ham) tillarini bilishingiz shart.
Til bilish sertifikati bo'lsa ham yaxshi!
Kerakli hujjatlar: 1) O'qish joyidan ma'lumotnoma; 2) Baholar haqida ma'lumotnoma

Daewoong fondi chet ellik talabalar orasidan iqtidorli yoshlarni tarbiyalash uchun Koreyadagi chet ellik talabalarga har yili stipendiya berib, internship qilish imkoniyatini ham yaratadi.

Bu programa orqali siz o’zingizga kerakli moddiy yordam(stipendiya), ajoyib tajriba va boshqa kerakli bilimlarni olishingiz mumkin.

Stipendiyaga hujjat topshirish sayti:
https://docs.google.com/forms/d/e/1FAIpQLSfA8qJYZsQucnY1AHX1azrE4xHFRgZzj_V11h5le_yV8XUS-A/viewform
#daewoong #stipendiya

Rasm manbasi Daewoong fondi Instagram sahifasi.

P.s. Yutish qiyin bo'lgan stipendiya, lekin omadiz kelib yutsez mazza qilasiz:)

🇰🇷Hansae fondidan magistrantlar uchun stipendiya

Stipendiyaga ro'yxatdan o'tish muddati: 17-Avgustgacha
Kimlar uchun: Koreyada o'qiydigan chet ellik magistratura talabalari (yoki endi o'qishga kirganlar)
Stipendiya berilish muddati: Magistraturani bitirgungacha (uzog'i bilan 5 semestr davomida)

Hansae fondi Koreyadagi chet ellik talabalar uchun stipendiya ajratib kelmoqda. Agar siz Koreyada magistraturada o'qisangiz bu stipendiyaga yozilishingiz mumkin.
(Ro'yxatdan o'tish uchun Koreys yoki Ingliz tilini bilish kifoya)

- Bu stipendiya bir semestrda bir marta beriladi.
- Stipendiya miqdori 2 000 000 won
- Magistraturani bitirgunga qadar bu stipendiyani olish mumkin.

Stipendiyaga ro'yxatdan o'tish tartibi:
1-bosqich: Quyidagi link orqali ro'yxatdan o'tish;
2-bosqich: Suhbatdan o'tish.
Majburiy hujjatlar: 1) Tarjima xol va ariza (onlayn to'ldiriladi); 2) O'qish joyidan (yoki o'qishga kirganligi) haqida hujjat!
Qo'shimcha hujjatlar (bo'lsa foydali): 1) TOPIK yoki IELTS sertifikati; 2) O'qishdagi baholar; 3) Professoringinzdan tavsiyanoma; 4) Portfolio. (Bu hujjatlar majburiy emas)

To'liq ma'lumot va ro'yxatdan o'tish havolasi : https://www.hansaeyes24foundation.com/business/index/scholarship

P.s. Koreyada magistraturada o'qiyotgan O'zbekistonlik yurtdoshlarimiz bu stipendiyaga albatta hujjat topshirishlari shart!

🇺🇿Buxoro Koreys Tili Ta’lim markazida 2026-yil 3-semestr uchun qabul!

Toshkentdagi Koreya Respublikasi ta'lim markazi qoshidagi Buxoro Koreys tili ta’lim markaziga 2026-yil 3-semestr uchun qabul ochiq!

Qabul muddati:
2026-yil 5-avgust – 26-avgust
(Guruhlar to‘lgach qabul yakunlanadi.)

Kimlar hujjat topshirishi mumkin?

- 13 yosh va undan kattalar
- 1-bosqich: barcha talabgorlar
- 2-bosqich: 1-bosqichni tugatganlar yoki TOPIK 1-daraja va undan yuqori sertifikat egalari

Darslar:
7-sentabr – 13-noyabr (10 hafta)
Dushanba, Chorshanba, Juma

Dars vaqtlari:
• 09:30–11:00
• 15:30–17:00
• 17:10–18:40

Kurs to'lovi: 100 000 so‘m

Kerakli hujjatlar:
• Pasport/ID karta (yoki tug‘ilganlik guvohnomasi) nusxasi
• 3,5 × 4,5 sm rangli foto
Ro‘yxatdan o‘tish faqat Buxoro Koreys Tili Ta’lim va Malaka Oshirish Markazida shaxsan amalga oshiriladi.

Natijalar 26-avgust soat 13:00 da e'lon qilinadi.

Manzil: Buxoro shahar Piridastgir ko'chasi 2-uy
Telefon raqami: +998 92 001 06 03
Manba Buxoro markazining telegram kanali: https://t.me/Tashkec_Bu

P.s. Endi Buxorodagilar ham 100 ming evaziga 2 oydan ko'proq muddatga Koreys tilini o'rganishlari mumkin. Bunaqa narxga Koreys tilini o'rgatadigan o'quv markazi butun O'zbekistonda bo'lmasa kerak:)

🇺🇿🇰🇷2027 KDI School magistratura va Phd granti

Faqatgina Ingliz tilidan sertifikati borlar uchun grant.

KDI School - Koreyani rivojlantirish instituti bo'lib, chet ellik talabalarga xalqaro rivojlanish va davlat boshqaruvi bo'yicha 3 yo'nalishda 1 yarim yillik magistratura va Phd  kurslarini taklif qiladi.

1) Master of public policy (MPP)
2) Master of development policy (MDP)
3) Master of public management (MPM)
4) Phd ham bor

Nega KDI School ga topshirish kerak?

1 - Chet ellik talablarga o'qish bepul
2 - O'zbekistonlik talabalar 1 million won oylik stipendiya olishlari mumkin
3 - Bu o'qishga hujjat topshirish uchun bank hisobi hujjati (KDB) kerak emas (O'qish uchun ham elchixona uchun ham) va boshqalar

KDI School grantiga onlayn hujjat topshirish sanasi : 14-Avgustgacha

Hujjatlarni onlayn topshirsh kerak.
Talablar:
1) Master uchun bakalavr diplomiga ega bo'lish, Phd uchun master diplomiga ega bo'lish!
2) Kamida IELTS 6 yoki boshqa Ingliz tilini bilish sertifikati bo'lishi


Qo'shimcha ma'lumotlar uchun: https://apply.kdischool.ac.kr/user/login

Batafsil ma'lumotni guideline dan olishingiz mumkin!

KDI School Sejongda joylashgan!

P.s. Magistratura va Phdda o'qimoqchi bo'lganlar uchun bu ajoyib imkoniyat!
#master #grant #kdischool #phd