Асланов билан футбол

Канал обуначилари ичида эрга тегмаган қизлар борми, улар нечта, билмайман, агар бўлишса, олтинга тенг маслаҳат:

Қизлар, "Манчестер Юнайтед" мухлисига эрга тегинглар. Улар жуда сабрли, садоқатли, тажрибали бўлишади. Ҳаётнинг ҳар қандай зарбаларига тайёр, эсанкираб қолишмайди. Хотиржам қарши олишни билишади, сизга ҳам буни ўргатишади. Бундан ташқари, ўта юксак дид соҳибидирлар.

Ягона камчилик, ёшига нисбатан бироз қарироқ кўриниши мумкин. Аммо буни ҳам аслида ижобий хислат сифатида баҳоласа бўлади.

@aslanov_futbol

Канални аввалдан кузатганлар яхши билади - ёзишни бошлаганимда Сулшер тренер эди. Кейин тен Хаг, Аморим, аввалроқ, ван Гаал, Жозе пайтидаям бошқа жойларда ёзиб турардим. Ҳеч қачон, менимча, ҳеч қачон мураббий истеъфосининг тарафдори бўлмаганман. Доим нимадир ўзгаришидан умид қилардим.

Бўлмаса, «Ливерпул»дан 0:5, 0:7 лар бўлган, «Гримбси», «МК Донс»лар, «Астана»лар бўлган, яна кўп. Лекин энг кризисли даврларда ҳам умид берувчи қандайдир ўйинлар, ўн беш дақиқаликлар бўлардики, мана, шунақа ўйнашни кўпайтирсак, ўхшаб кетиши мумкин, деб ҳар ўйинни кутганман.

Лекин мана бу жамоада ҳеч нарса йўқ. Охирги беш ўйинда ўн дақиқа бўлмадики, жамоа қандайдир учқун кўрсатсин, футболчиларда нимагадир хоҳиш билинсин. Йўқ, унақа дақиқаларни топа олмайсиз.

Сигнал деган нарса бор. Клуб раҳбарияти ёзда керакли трансферларни қилмасдан, аслида жиддий мақсадлар шартмаслигини тренер ва футболчиларга кўрсатган бўлса, Каррик баъзи футболчиларга бўлган нохолис муносабати билан бошқаларга ёмон сигнал берди. Ҳаммаси боғлиқ.

Бу жамоа худди шу туришда машғулотлар билан яхши бўлиб қолмайди. Ўйинлар билан эса янада бадтарлашади. Нимадир қилинмаса, келаси йили Манчестер дербиси Чемпионшипда бўлади. Эртагаёқ нимадир қилиш керак. Жамоани АПЛда сақлаб қолиш керак.

Кейин эса ҳаммасини нолдан бошлаш керак. Уилкоксдан тортиб, костюм кийиб ишлайдиган ҳар бир ходим кетиши керак. Магуайр, Далот, Мазрауи, Мартинес, Шоу, де Лигт, Маунт, Зиркзе, Рэшфорд, Доргу, ҳаммаси кетиши керак. Бруно ҳам кетиши шарт, яна формага қайтиб 343 та ассист бериш эҳтимоли бўлса-да, тўғриси, мен унинг башарасидан зерикдим. Янги башаралар керак.

Эрталаб тургунимча илк қадам қўйилмаса, яъни Каррик бўшатилмаса, бу жамоани томоша қилишдан фойда йўқ.

@aslanov_futbol

Мен барибир Бруно ва Тилемансни олдинги чизиққа қўйиш экспериментларини тушунмаяпман. Биринчи марта бўлса, майли, қани кўрайликчи, деймиз, лекин учинчи ўйиндирки, иш бермаяпти, «МЮ» умуман тўп назоратини 40 фоизгаям олиб чиқа олмаяпти.

Олдинги чизиқда тезкор, югурадиганлар прессинг қилиши керак. Мбемо ва Куня қанотда орқада, Бруно ва Тилеманс эса тинмай прессинг қилишга мажбур бўлмоқда. Бу футболчилар тезмас, иккинчидан, кейин вақтида ортга қайта олишмайди ҳам, учинчидан, марказ бой берилади, тўртинчидан, асосий креатив футболчиларни чарчатиб нимага керак? Тилеманс бутун умр орқада, кўпроқ тўп билан ўйнаган, ноаниқ паслар ортидан югуриб юриш учун эмаску?

Албатта, бу ягона муаммо эмас, лекин ҳамма кўриб турган нарсани Каррик нега кўрмаяпти ё бу ўзгариш нима бера олиши мумкину, биз билмаймиз, тушунмадим.

Тилеманс марказда ниманидир эплай олмаётган бўлса, ҳозирги позицияси учун тайёр Зиркзе борку? Нега баъзи футболчилар ёмон ўйнасаям (Бруно) барибир ўйнайвериши керак?

Агар бешта ўхшамаган таймдан кейин ҳам ҳозир худди шунақа схемада 2-таймни бошласа, Каррикни дарҳол истеъфога чиқариш керак. Агар нималарнидир ўзгартириб, «МЮ» 4:1 ютса, мана шу расво 1-тайм учун Каррикни барибир истеъфога чиқариш керак.

Албатта, раҳбарларниям қўшиб.

@aslanov_futbol

«Барселона» қачон ростанам катта жамоага айланади? Чемпионлар Лигасини ютиш учун нима қилиш керак?

@aslanov_futbol

https://daryo.uz/uz/2026/10/21/mashgulotlar-chempioni-barselonaning-yoqimsiz-maglubiyati-haqida/

Баъзи манбалар тахминига кўра, Хвича тиззасидан оғир жароҳат олган, хочсимон боғлами узилган бўлиши мумкин.

Агар тасдиқланса, футболчининг бу мавсумда формага қайтиши эҳтимоли паст.

Жароҳат енгилроқ деб умид қиламиз.

@aslanov_futbol

[poll]

Шу ўйиндаям энг кўп xG Ферран Торресда :)

@aslanov_futbol

Хвича, Дембеле каби футболчилар чиқиб кетгач, «Барселона» ўйин бизники, деб ўйлади шекилли.

«ПСЖ» бугунам ютса, «Сити» каби буларниям яхшилаб текшириш керак :)

@aslanov_futbol

Ҳар икки жамоа тўпга деярли тенг эгалик қилаётган бўлса-да, «ПСЖ» анча самарали - бир таймда 10 та аниқ зарба бериш - катта муваффақият. «Барселона» эса жисмоний томондан ютқазяпти. Менимча, «ПСЖ» билан унинг қуроли билан курашиш, ўйинни вертикаллаштириш…

Ҳар икки жамоа тўпга деярли тенг эгалик қилаётган бўлса-да, «ПСЖ» анча самарали - бир таймда 10 та аниқ зарба бериш - катта муваффақият.

«Барселона» эса жисмоний томондан ютқазяпти. Менимча, «ПСЖ» билан унинг қуроли билан курашиш, ўйинни вертикаллаштириш режаси ўхшамади. Ахир жамоа бошқача ўйнашни ҳам билади. Марказда Родри билан, бироз хотиржам ҳаракат қилиш мумкин, худди ўтган йилги «Бавария» сингари. Лекин ўшанда ҳам ҳимоячилар мукаммал ҳаракат қилишлари керак бўлади.

Умуман, бугунги «Барса»да Родрининг ўрни Ямалдан кам эмаслиги кўринмоқда.

@aslanov_futbol

Эрик Тен Хаг инглизларга катта интервю берибди ва табиийки, асосий мавзу мураббийнинг "Манчестер Юнайтед"даги фаолияти ҳақида бўлган. Эътиборга олиш мумкин бўлган баъзи гаплар:

* Тен Хаг Скотт Мактоминейнинг сотилишига буткул қарши бўлган ва у жамоага голлар олиб келиши мумкинлигини айтган. Лекин раҳбарият барибир футболчини сотиб юборган.

* Криштиану Роналду билан боғлиқ зиддиятлар ҳақида. Роналдуга бўлган асосий эътироз унинг югурмаслиги бўлган. Нафақат прессинг қилиш, шунингдек тўп билан ҳам, тўпсиз ҳам Роналду умуман югуришни истамаган. Машғулотларда Роналду жамоадошларига "чарчаб қолмасликни, ўйинга ўзларини асрашни" кўп бор айтган, лекин мураббий бунинг учун ҳам футболчи ўз жисмоний ҳолатини қайсидир даражагача олиб чиқиши керак деб ҳисоблаган.

* Эрик тен Хаг жамоа менталитетини Мадриддан келганлар (Роналду, Каземиро, Варан бўлганди тен Хаг пайтида, айнан кимни айтган, номаълум) бузган деб ҳисоблайди. Улар "Реал"да футболчилар учун қулай шароит, услуб ва машғулотлар бўлишига ўрганиб қолишган ва Манчестерга ҳам шу менталитетни олиб келишган.

* Рэшфорд ва Санчони жазолаш масалаларида клуб мураббийнинг қувватламаган.

* Эрик тен Хаг клубга Деклан Райс ва Ҳарри Кейнни олиб келишни жуда кўп марта сўраган. Ёш футболчилар айнан шундай шериклар билан ривожланиши мумкин, деб ҳисоблаган.

Албатта, бу фикрларнинг барчаси Эрик тен Хагнинг версияси.

@aslanov_futbol

Daily Mail ёзишича, «Манчестер Сити»дан жуда кўп очко олиб ташланар экан, шу даражадаки, клуб камида икки йил Чемпионшипда ўйнашига тўғри келармиш.

Албатта, манба у қадар ишончлимас, ҳақиқий жиддий нашрлар ҳали жим.

@aslanov_futbol

Юқоридаги пост остидаги комментларда (ўша каналнинг ўзида) нега Месси, Неймар, Мбаппе каби футболчилар бор пайтида ундай қилишмасди, деб сўрашибди.

Биринчидан, Месси, Мбаппе, Неймар каби футболчилар билан жамоа спорт формасини устунликка айлантириш қийин эди барибир, чунки, бу футболчилар тўпсиз ўйнашда камчиликлари бор, кўп югуришмасди.

Иккинчидан, Месси ёки Мбаппе каби футболчилар ҳар йили "Олтин тўп" учун курашишади, кўп гол уриш, кўп ассистлар қилиш орқали ўз статистикасини кўпайтириш учун қайғуришади. Шунинг учун уларни соғ пайтида ротация қилиш имконсиз эди. Ҳар ўйинда майдонга тушишни талаб қилишарди. Акс ҳолда мураббийда муаммо бўлиши аниқ.

Луис Энрикенинг омади келгани, "ПСЖ"нинг ҳозирги сиёсатига имкон туғдирган жиҳат ҳам шу - Дембеле, Хвича, Дуэ ва бошқалар ҳақиқий жамоавий футболчилар, айнан Энрике қўл остида суперюлдузга айланишди, шунинг учун мураббий нима деса шу бўляпти.

Ханси Флик ҳам агар "Реал"ни ютиб олса, Ямални кўпроқ ротация қилиш ҳақида ўйлашни бошлаши керак. Ёзда жаҳон чемпионати бўлганини эътиборга олсак, бу темпда баҳорда Ямал ҳозирги спорт формасида бўлмаслиги мумкин. Бу эса "Барселона"ни анча кучсиз қилади.

@aslanov_futbol

«Челси» АПЛда охирги марта 17 январда ўз дарвозасини дахлсиз сақлаганди. Мана, 21 ўйин ўтиб яна бунинг уддасидан чиқилди. Қизиғи, ўша ўйинда бугунги қатнашган дарвозабонлар - Мартинес ҳам, Пандерс ҳам ҳали «Челси»да эмасди.

«Эвертон» эса илк мағлубиятига учради. Энди чемпионатда ютқазмаган атиги икки жамоа қолди - «Сити» ва «Брентфорд».

@aslanov_futbol

Агар бугун «Қўқон 1912» «Нефтчи»дан очко олса, яъни бизнинг футболимизда бунинг иложи бўлса, бундан кейин Суперлигани қолдирмасдан кўриб боришга ваъда бераман. :)

@aslanov_futbol

«Чемпион ҳикоялари» рукни давом этади. Бу сафарги қаҳрамон - Педри.

@aslanov_futbol

https://daryo.uz/uz/2026/10/16/chempion-hikoyalari-pedri-oilasi-realdan-rad-javobini-olgani-gol-nishonlashi-va-boshqalar-haqida/