DA VOLI

Беларускі Halloween зь Лявонам Вольскім і Паўлам Трыпуцём! 🎃🎸

31 кастрычніка ў Варшаве — тэматычны акустычны канцэрт у новым мейсцы!

Сустракайце ў госьці чарапы ды косьці!

Адсьвяткуйма Halloween разам пад улюбёныя гіты й рэдкія восеньскія песьні.

Кожнага госьця, хто прыйдзе ў касьцюме ці з тэматычным макіяжам, чакае прывітальны напой! 🍹

📍 новы Beer Station (ul. Żurawia 22, Warszawa)
📆 31 кастрычніка 2026
19:00 — дзьверы
19:30 — старт

Першыя 20 квіткоў па прома-кошце.
🎫 https://pl.fridayticket.com/ru/warszawa/belaruski-halloween-z-lavonam-volskim-i-paulam-trypucem-48641.html

Зьвярніце ўвагу: колькасьць мейсцаў абмежаваная!

🕯 «Дзяды» — канцэрт-рэквіем Сяргея Чарняка ў Варшаве.

Запрашаем вас на асаблівы музычна-паэтычны вечар, дзе слова беларускіх паэтаў сустрэнецца з гукамі акустычнай гітары.

Гэты канцэрт — даніна памяці продкаў, роздум пра наша мінулае і дыялог з вечнымі тэмамі: памяццю, любоўю, стратай і надзеяй. У выкананні Сяргея Чарняка прагучаць вершы класікаў беларускай паэзіі пад гітару — словы, якія яднаюць пакаленні і дапамагаюць адчуваць свае карані.

🎸 Сяргей Чарняк — акустычная гітара
📅 22 кастрычніка
🕖 Пачатак а 19:00
📍 Beer Station, Варшава, Żurawia 22
🤍 Уваход — данат

Прыходзьце, каб разам паслухаць, адчуць і ўспомніць. Пакуль мы памятаем — сувязь з продкамі жыве.

🔎 Шукаем людзей, якія перасякаліся за кратамі з палітвязнем Аляксандрам Баравікам

Аляксандр Баравік — сталяр-станочнік. 15 траўня 2023 года яго асудзілі паводле арт. 369 (абраза прадстаўніка ўлады) Крымінальнага кодэкса і прызначылі адзін год пазбаўлення волі ў калоніі ва ўмовах агульнага рэжыму.

У 2024 годзе мужчыну асудзілі паўторна. Яго абвінавацілі ў «гвалце або пагрозе гвалтам у дачыненні да службовай асобы, якая выконвае службовыя абавязкі, або іншай асобы, якая выконвае грамадскі абавязак», «абразе Лукашэнкі», «распальванні расавай, нацыянальнай, рэлігійнай або іншай сацыяльнай варожасці» і «абразе прадстаўніка ўлады».

Месцазнаходжанне палітвязня і вынесены яму прысуд праваабаронцам пакуль невядомыя.

✍️ Калі вы перасякаліся з Аляксандрам за кратамі і можаце расказаць пра яго, калі ласка, напішыце праваабаронцам на @Viasnainfo

💔 Дзень бацькі без таты: як палітычны пераслед руйнуе беларускія сем'і

21 кастрычніка ў Беларусі адзначаецца Дзень бацькі. Звычайна гэта добрая нагода адзначыць ролю мужчыны ў выхаванні дзяцей і падкрэсліць важнасць бацькоўскай апекі. Аднак сёння сотні беларускіх сямей сустракаюць гэтае свята ў разлуцы, бо таты апынуліся ў зняволенні па палітычных матывах.

Сярод палітвязняў у Беларусі — мінімум адзін адзінокі бацька, мінімум 23 шматдзетных бацькоў, мінімум 86 бацькоў непаўналетніх. Гэта бацькі дзяцей з інваліднасцю, шматдзетныя таты, адзінокія бацькі і тыя, чыіх малых забіралі ў прытулкі.

"Вясна" распавядае пра мужчын з рознымі лёсамі, якіх аб'ядноўвае адно: працяглыя тэрміны зняволення і дзеці, якія мусяць расці без бацькоўскай падтрымкі.

Чытаць па спасылцы 👉 https://spring96.org/be/news/121480

🔹 Крохкая сувязь: як аднавіць кантакт з дзецьмі пасля вяртання з-за кратаў. Частка першая

🔹 Крохкая сувязь: як аднавіць кантакт з дзецьмі пасля вяртання з-за кратаў. Частка другая

📌 Шукаем людзей, якіх завочна асудзілі ў апошні год

Юрысты «Вясны» шукаюць людзей, якіх у Беларусі судзілі завочна цягам апошніх 12 месяцаў.

✍️ Напісаць праваабаронцам @zvarot96

Адзін дзень працы праекта «Квіток ДаВолі»

Праязныя квіткі не з'яўляюцца самі па сабе.
За імі — канкрэтная праца і людзі, якія дапамагаюць арганізаваць дарогу тым, каму патрэбная падтрымка.
Каб гэтая праца працягвалася, нам патрэбная ваша падтрымка.

Кожны ваш унёсак — гэта яшчэ адзін квіток да новага пачатку. Падтрымайце «ДаВолі»!

https://donate.stripe.com/9B6aEWeKSdfa3Vp77k28800


https://zrzutka.pl/p78yme/award/s8bp7x

Разам мы можам больш!

13 кастрычніка Анджэй Пачобут у Лодзі.

Шчыра запрашаем вас на сустрэчу з Анджэем Пачобутам, прадстаўніком польскай меншасці ў Беларусі, журналістам і абаронцам свабоды слова, права на незалежную памяць. Сустрэча адбудзецца 13 кастрычніка а 18:00 у аўдыторыі А1 на філалагічным факультэце Лодзінскага ўніверсітэта ( Pomorska ul., 171/173). Уваход вольны.

Падрабязнасці:
https://facebook.com/events/s/otwarte-spotkanie-z-andrzejem-/1603722731160292/

🇵🇱 Праца па найме ці B2B у Польшчы? Дзе больш грошай і менш падаткаў?

Вам прапануюць перайсці на B2B, але вы не ведаеце, ці гэта выгадна? Даўно думаеце адкрыць уласную справу, але палохаюць падаткі, ZUS і бухгалтэрыя?

💡 24 кастрычніка запрашаем у Беларускі Дом на бясплатную сустрэчу з эксперткай па падатках і бухгалтарскім уліку!

🗓 24 кастрычніка (субота), 12:00
📍 Беларускі Дом у Варшаве, ul. Kryniczna 6
💚 Удзел бясплатны і без рэгістрацыі!

Разбярэмся ў пытаннях, якія важна высветліць, перш чым адкрываць уласную дзейнасць у Польшчы:

👩‍💼 Нашая госця — Małgorzata Dankowska, сузаснавальніца і кіраўніца кансалтынгавай кампаніі, якая спецыялізуецца на падаткаабкладанні і бухгалтарскім уліку.

Гэта магчымасць атрымаць інфармацыю непасрэдна ад эксперткі і задаць свае пытанні! Не прымайце фінансавыя рашэнні навобмацак — прыходзьце разбірацца разам!

Чарнагорыя адмяняе бязвізавы рэжым для беларусаў. Ёсць выключэнні

Без чарнагорскай візы можна будзе знаходзіцца ў краіне да 30 дзён пры наяўнасці дзейнай візы Шэнгенскай зоны, ЗША, Вялікабрытаніі, Канады, Аўстраліі, Японіі, Новай Зеландыі або Ірландыі.

https://www.polskieradio.pl/396/7816/Artykul/3744518

«Я не вінаваты!» - канцэрт Вольнага Хору прысвечаны Ночы расстраляных паэтаў.

На 89 гадавіну «Чорнай ночы», калі савецкая ўлада расстраляла творчую інтэлігенцыю Беларусі, Вольны Хор выступіць з адмысловай праграмай твораў на вершы забітых паэтаў, рэпрэсаваных творцаў пад час Сталінскіх рэпрэсій, а таксама твораў сучасных беларускіх паэтаў і кампазітараў, напісаныя ў турмах.

У канцэрце таксама прымуць удзел беларускія акторы. Акрамя песень прагучаць вершы растраляных паэтаў і аповеды пра жыццё і творчасць беларускіх рэпрэсаваных аўтараў.

30 кастрычніка, 19:30 запрашаем у касцёл св.Ганны ў Варшаве ўшанаваць памяць загінулых творцаў Беларусі і пражыць частку нашая гісторыі разам.

Не вiнаватыя! Не зламаныя!
Не забытыя!

🔎 Шукаем людзей, якія перасякаліся за кратамі з палітвязнем Дзмітрыем Сасноўскім

Дзмітрый Сасноўскі — адзін з фігурантаў справы «Атрадаў грамадзянскай самаабароны Беларусі». Яго асудзілі да 20 гадоў калоніі ўзмоцненага рэжыму і штрафу ў памеры 700 базавых велічыняў (22 400 рублёў).

Мужчыну абвінавацілі ў «стварэнні экстрэмісцкага фармавання», «удзеле ў тэрарыстычнай арганізацыі», «акце тэрарызму ў дачыненні да дзяржаўнага або грамадскага дзеяча», «незаконных дзеяннях з агнястрэльнай зброяй, боепрыпасамі і выбуховымі рэчывамі», «закліках да санкцый» і «распальванні сацыяльнай варожасці».

✍️ Калі вы перасякаліся з Дзмітрыем за кратамі і можаце расказаць пра яго, калі ласка, напішыце праваабаронцам на @Viasnainfo

У ЦБС працягваюцца бясплатныя заняткі польскай мовы для былых палітзняволеных — у невялікіх групах і ў спакойнай, падтрымліваючай атмасферы.

І зараз у нас ёсць вольныя месцы ў групе для пачаткоўцаў. Яна падыдзе тым, хто робіць першыя крокі ў польскай: будзем разбірацца з асновамі, папаўняць слоўнікавы запас і паступова пераходзіць да жывой размовы.

🗓 Заняткі праходзяць па серадах і пятніцах у дзённы час.

Хочаце далучыцца? Для запісу пішыце ў Telegram @cbs_education.

Do zobaczenia! 💛🇵🇱

Да 10 000 еўра на навучанне для беларусаў і беларусак, якія пацярпелі ад рэпрэсій

Асвоіць новую прафесію, вывучыць мову для працы ці пацвердзіць свой дыплом за мяжой — з гэтымі выдаткамі можа дапамагчы праграма Еўрапейскага саюза EU4Belarus — SALT.

Падтрымка прызначаная для беларусаў і беларусак, якія праз палітычны пераслед страцілі магчымасць працаваць або працягваць адукацыю. 

Праграма можа аплаціць да 10 000 еўра на прафесійнае навучанне, перападрыхтоўку, павышэнне кваліфікацыі, моўныя курсы і іспыты, а таксама прызнанне дакументаў аб адукацыі.

Для ўдзелу трэба пацвердзіць факт рэпрэсій і скласці план навучання з тлумачэннем, як яно дапаможа ў прафесійным развіцці. Адукацыйныя паслугі павінны аказвацца пастаўшчыкамі з ЕС

🔗 Умовы ўдзелу і форма заяўкі

📢 Набор на анлайн-курсы польскай мовы — узровень A1!

Беларускі Дом запрашае рэпрэсаваных беларусаў на бясплатны анлайн-курс польскай мовы для пачаткоўцаў (узровень A1).

Курс прызначаны для людзей, якія пацярпелі ад палітычных рэпрэсій і цяпер жывуць у Польшчы, а таксама толькі пачынаюць вывучаць польскую мову.

🗓 Заняткі будуць праходзіць онлайн:
• аўторак — 16:00–17:30
• чацвер — 13:30–15:00
• пятніца — 16:00–17:30

Падчас курса ўдзельнікі будуць вывучаць:
🇵🇱 базавую граматыку і лексіку;
🗣 размоўную польскую мову;
📚 карысныя выразы для паўсядзённых сітуацый;
🤝 мову, неабходную для жыцця, працы і інтэграцыі ў Польшчы.

Колькасць месцаў абмежаваная! Рэгістрацыя - ТУТ.
Запрашаем да ўдзелу!

📌 Лічба дня — 235

Мінімум столькі чалавек, паводле звестак праваабаронцаў «Вясны», былі асуджаныя ў Беларусі па «справе Гаюна».

✍️ Калі вашых блізкіх затрымалі ці ўжо асудзілі па гэтай справе, паведаміце, калі ласка, праваабаронцам праз тэлеграм @ViasnaSOS і @Viasnainfo. Па вашым жаданні, інфармацыя будзе цалкам непублічнай.

🔎 Шукаем людзей, якія перасякаліся за кратамі з палітвязнем Яўгенам Кладавым

Яўген Кладаў — рабочы з Баранавічаў, якога судзілі паводле абвінавачанняў у «стварэнні экстрэмісцкага фармавання», «распальванні варожасці», «закліках да санкцый», «арганізацыі масавых беспарадкаў», «абразе прадстаўніка ўлады» і «абразе Лукашэнкі».

Праваабаронцам прысуд Яўгену невядомы. Цяпер ён адбывае тэрмін у ПК № 15.

✍️ Калі вы перасякаліся з Яўгенам за кратамі і можаце расказаць пра яго, калі ласка, напішыце праваабаронцам на @Viasnainfo

Польшча хоча прадоўжыць ільготы пры выдачы віз беларусам на 2027 год

У агульным парадку збор за заяву на нацыянальную польскую візу для грамадзян Беларусі, якія падаюць дакументы ў сваёй краіне, прапануецца захаваць на ўзроўні 60 еўра, а для гуманітарных візаў пакінуць нулявую стаўку.

https://www.polskieradio.pl/396/7816/Artykul/3743809

🔎 Шукаем людзей, якія перасякаліся за кратамі з палітвязнем Русланам Лабанком

Руслан Лабанок — бізнэсовец, заснавальнік і былы дырэктар візавага цэнтра Іспаніі ў Мінску. Яго асудзілі паводле ч. 1 арт. 356 Крымінальнага кодэкса — за здраду дзяржаве, а таксама паводле ч. 1 і ч. 2 арт. 431 — за дачу хабару.

6 сакавіка 2023 года яму вынеслі прысуд — 11 гадоў калоніі ўзмоцненага рэжыму.

Зараз палітвязень адбывае прысуд у следчай турме № 8 у Жодзіна.

✍️ Калі вы перасякаліся з Русланам за кратамі і можаце расказаць пра яго, калі ласка, напішыце праваабаронцам на @Viasnainfo

Сёння – гадавіна пачатку стварэння БНФ

19 кастрычніка 1988 года ў мінскім Чырвоным касцёле адбыўся ўстаноўчы сход таварыства памяці ахвяраў сталінізму «Мартыралёг Беларусі», па выніках якога быў створаны аргкамітэт Беларускага Народнага Фронту «Адраджэньне» – грамадска-палітычнага руху за дэмакратычныя рэформы, нацыянальнае адраджэнне і дасягненне фактычнага суверэнітэту Беларусі.

БНФ стаў першай альтэрнатывай камуністычнай партыі ў БССР і адыграў важную ролю ў працэсе аднаўлення незалежнасці Беларусі. Стваральнікамі і ўдзельнікамі руху былі такія выбітныя асобы, як З. Пазьняк, В. Быкаў, Р. Барадулін, Н. Гілевіч, А. Бяляцкі, П. Панчанка, В. Вячорка, А. Мальдзіс, У. Конан, А. Трусаў і многія іншыя. БНФ адыграў найвышэйшую ролю ў адкрыцці народу праўды пра Курапаты і Чарнобыльскую катастрофу, арганізоўваў масавыя дэманстрацыі супраць камуністычнай улады і за дэмакратычныя рэформы, а таксама спрычыніўся да прыняцця ключавых заканадаўчых актаў у першыя гады аднаўлення незалежнасці, у тым ліку аб наданні беларускай мове статусу адзінай дзяржаўнай і вяртанні нацыянальнай сімволікі.
У 1993 г. для ўдзелу ва ўтварэнні дзяржаўных уладаў была заснаваная парламенцкая Партыя БНФ, якая ў далейшым удзельнічала ў першых прэзідэнцкіх выбарах з кандыдатурай З. Пазьняка. У 1999 г. партыя змяніла назву на Кансерватыўна-Хрысціянскую Партыю – БНФ, пасля чаго ў ёй адбыўся раскол, у рэзультаце якога была створаная асобная партыя пад старой назвай. У 2023 г. падчас зачысткі рэжымам палітычнага поля, па выніках якой у краіне не засталося ніводнай легальнай палітычнай сілы, абедзве партыі былі ліквідаваныя.

Паведамляе праваабарончы цэнтр Вясна.

❗️ Афіцэра спецназа асудзілі за "здраду дзяржаве" да 19 гадоў калоніі

У Мінскім абласным судзе за "здраду дзяржаве" (ч. 2 арт. 356 Крымінальнага кодэкса) асудзілі 23-гадовага афіцэра з Бабруйска Яўгена Жарыкава.

Мужчыне прызначылі 19 гадоў калоніі ва ўмовах узмоцненага рэжыму, а таксама штраф у памеры 500 базавых велічыняў (22 500 рублёў). Справа разглядалася ў закрытым рэжыме, таму падрабязнасці абвінавачвання невядомыя.

Прысуд быў вынесены яшчэ ў траўні, але праваабаронцам "Вясны" пра яго стала вядома толькі цяпер.

Чытаць па спасылцы 👉 https://spring96.org/be/news/121454

🧬 У Беларусі ў палітвязняў і сваякоў эмігрантаў патрабуюць здаваць ДНК

Апошнім часам з’яўляецца ўсё больш інфармацыі пра патрабаванні здаваць ДНК у Беларусі — у тым ліку да палітвязняў і сваякоў тых, хто з’ехаў з краіны. Але ці абавязкова здаваць біяматэрыял?

📌 Нагадаем пра гайд «Вясны» «Здаць адбіткі ды біяматэрыялы: ці можна адмовіцца?» У ім тлумачым, у якіх выпадках такое патрабаванне законнае, а калі ад працэдуры можна адмовіцца.

Чытаць па спасылцы 👉 https://spring96.org/be/news/117178

27 гадоў Маршу Свабоды

17 кастрычніка 1999 года ў Мінску адбыўся Марш Свабоды – масавае шэсце, арганізаванае аб'яднанымі сіламі беларускай апазіцыі на знак пратэсту супраць палітыкі Лукашэнкі і чарговай пагрозы страты незалежнасці праз інтэграцыйныя працэсы з Расіяй. Акцыя, у якой узялі ўдзел ад 20 да 40 тыс. чалавек, адзначылася жорсткімі сутычкамі паміж міліцыяй і пратэстоўцамі, сярод якіх былі байцы «Белага Легіёну», падрыхтаваныя да процістаяння спецназу, а таксама шмат прадстаўнікоў іншых патрыятычных, нацыяналістычных і анархісцкіх беларускіх арганізацый і рухаў.

Марш Свабоды стаў адным з найбольш масавых і паспяховых выступаў беларускай апазіцыі супраць палітыкі Лукашэнкі. Па выніках акцыі працэс інтэграцыі Беларусі з РФ быў прыпынены, пачаўся рэзкі рост продажаў незалежнай беларускай прэсы, а да шэрагаў апазіцыі далучылася значная колькасць моладзі.

❗️У Беларусі яшчэ +8 новых палітвязняў

Гэта Галіна Усцюгова, Віктар Масько, Антон Дакучаеў, Інга Казючыц, Сяргей Казінскі, Святаслаў Падвашэцкі, Дзмітрый Зара і Аляксандр Руткевіч.

Хто гэтыя людзі і чаму праваабаронцы лічаць іх справы палітычна матываванымі 👉 https://spring96.org/be/news/121445

Спіс усіх палітвязняў Беларусі 👉 prisoners.spring96.org

🇵🇱 Працаваць па найме ці адкрыць уласную дзейнасць у Польшчы? Што выгадней, якія падаткі давядзецца плаціць і што трэба ведаць перад рэгістрацыяй бізнесу?

Пра гэта можна будзе даведацца непасрэдна ад эксперткі ў сферы падаткаў і бухгалтарскага ўліку — і задаць свае пытанні.

🗓 24 кастрычніка (субота), 12:00
📍 Беларускі Дом, ul. Kryniczna 6
🙋 Удзел БЯСПЛАТНЫ!

Тэма сустрэчы: «Індывідуальная прадпрымальніцкая дзейнасць у Польшчы — альтэрнатыва працы па найме і спосаб вядзення ўласнага бізнесу»

Нашая госця — Małgorzata Dankowska, сузаснавальніца і кіраўніца кансалтынгавай кампаніі, якая спецыялізуецца на падаткаабкладанні, бухгалтарскім уліку

Падчас сустрэчы пагаворым пра тое, што такое jednoosobowa działalność gospodarcza, у якіх выпадках варта яе адкрываць.

Сустрэча будзе асабліва карыснай беларусам, якія ўжо працуюць у Польшчы, разглядаюць магчымасць пераходу на B2B або плануюць адкрыць уласны бізнес.

✊ Зварот да былых палітвязняў

Дапамажыце даведацца пра стан і месцазнаходжанне тых, хто застаўся за кратамі.

🔎 Праверыць актуальны спіс і статус зняволеных можна ў нашай табліцы палітвязняў 👉 https://prisoners.spring96.org/be/list?status[]=0&view=1

Нам важная любая інфармацыя: дзе зараз знаходзіцца чалавек, ці змяніўся яго статус альбо месца ўтрымання (этапаванне, ШІЗА, ПКТ), у якім ён псіхалагічным і фізічным стане і гэтак далей.

Рэжым робіць усё, каб утварыць вакол палітвязняў інфармацыйны вакуум і сцерці іх імёны з парадку дня. Менавіта ваша ўважлівасць і салідарнасць дапамагаюць прабіць гэтую сцяну маўчання. Дзякуючы вам сваякі даведваюцца праўду пра сваіх блізкіх, а свет бачыць рэальны стан рэчаў. Ваша дапамога — гэта рэальны шанец абараніць тых, хто пакуль не можа прамовіць за сябе сам.

📌 Даслаць даныя праваабаронцам бяспечна і ананімна можна на @Viasnainfo.

🔎 Шукаем людзей, якія перасякаліся за кратамі з палітзняволеным Апанасам Афанасенкавым

Апанас Афанасенкаў быў асуджаны судом Гомельскага раёна паводле ч. 1 арт. 368 Крымінальнага кодэкса (абраза Лукашэнкі).

10 верасня 2024 года супраць Апанаса разгледзелі крымінальную справу паводле ч. 1 арт. 411 КК (злоснае непадпарадкаванне патрабаванням адміністрацыі папраўчай установы, якая выконвае пакаранне ў выглядзе пазбаўлення волі).

Цяпер ён адбывае прысуд у ПК № 14.

✍️ Калі вы перасякаліся з Апанасам за кратамі, калі ласка, напішыце праваабаронцам на @Viasnainfo

🔎 Шукаем людзей, якія перасякаліся за кратамі з палітвязнем Аляксандрам Пелешам

Аляксандр Пелеш быў асуджаны ў Гродзенскім абласным судзе паводле ч. 1 і 2 арт. 368 КК (абраза Лукашэнкі), арт. 369 КК (абраза прадстаўніка ўлады), арт. 391 КК (абраза суддзі альбо народнага засядацеля), ч. 1 арт. 130 КК (распальванне расавай, нацыянальнай, рэлігійнай альбо іншай сацыяльнай варожасці) і арт. 370 КК (здзек з дзяржаўных сімвалаў).

Цяпер ён адбывае пакаранне ў ПК № 2.

✍️ Калі вы перасякаліся з Аляксандрам за кратамі і можаце расказаць пра яго, калі ласка, напішыце праваабаронцам на @Viasnainfo

Belarus Passport Center у Вільні згортвае дзейнасьць. Што будзе далей з «пашпартам Новай Беларусі»? https://smarturl.click/dLQ7jz

Як стала вядома Свабодзе, адкрыцьцё новых пашпартных цэнтраў у Польшчы альбо іншых краінах пакуль не плянуецца.

Аднак самі дакумэнты працягнуць выдаваць, нягледзячы на нізкую актыўнасьць патэнцыйных уладальнікаў і панесеныя выдаткі. На пачатак верасьня 2026 году, выдалі каля 600 пашпартоў, яшчэ 60 заявак былі ў працы.

Дарадца ў прававых пытаньнях Сьвятланы Ціханоўскай Лявон Марозаў распавёў нам, што працуе над юрыдычным прызнаньнем пашпарту.

«Верагодней, што гэтае прызнаньне будзе не ў Эўразьвязе. Умоўна, калі Армэнія дае „дабро“, мы ваш пашпарт „новай Беларусі“ забярэм і зробім яго трэвэл-дакумэнтам.

То бок ён будзе ўмоўна армянскім юрыдычна, а палітычна беларускі».

Лавэлас, знахар і вышывальнік: 11 фактаў пра Касьцюшку, якія вы наўрад ці ведаеце → https://smarturl.click/y60DL

🗓 15 кастрычніка 1817 году ў Швайцарыі памёр нацыянальны герой Беларусі, Польшчы, Францыі й ЗША Тадэвуш Касьцюшка. Ён быў таленавітым вайскоўцам і ня менш цікавай асобай.

Зь імем Касьцюшкі зьвязаная яшчэ адна падзея дня. У 1968 годзе ў вёсцы Леніна Горацкага раёну адкрылі Музэй савецка-польскай баявой садружнасьці. У кастрычніку 1943 году ў гэтых мясьцінах упершыню ўступіла ў бой зь нямецкімі войскамі сфармаваная ў СССР польская пяхотная дывізія імя Касьцюшкі.

Піша выданне Наша Ніва