Baxmal tumani hokimligi

ARNASOYDA FERMERLAR ILG‘OR TAJRIBALAR BILAN TANISHDILAR

Sharof Rashidov tumanidagi fermer xo‘jaliklari rahbarlari tajriba almashish maqsadida Arnasoy tumanidagi “Xorazm” fermer xo‘jaliklari hududiy uyushmasi hududida joylashgan paxta dalalasiga borishdi.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🥇 Jizzaxlik sportchilar yana bitta oltin jamg‘arishdi

G‘allaorollik Madina Muxtorova Osiyo rekordi bilan Para Osiyo o‘yinlarining oltin medalini qo‘lga kiritdi!
Aichi-Nagoya–2026 Para Osiyo o‘yinlarida para yengil atletika bo‘yicha ayollar o‘rtasida F40 klassining yadro uloqtirish bahslarida Madina Muxtorova 9,10 metr natija bilan Osiyo rekordini o‘rnatib, oltin medalga sazovor bo‘ldi.
Jizzaxlik atletlar Para Osiyo o‘yinlarining ilk ikki kunida 2 ta oltin va bitta kumush medalga ega chiqishdi.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🥉 BAXMALLIK FAROG‘AT MUHAMMADQULOVA —PARA OSIYO O‘YINLARI SOVRINDORI!

Yaponiyaning Aichi-Nagoya shahrida o‘tkazilayotgan Para Osiyo o‘yinlarida Baxmallik sportchi Farog‘at Muhammadqulova yadro uloqtirish (F40) dasturida bronza medalini qo‘lga kiritdi.

Ushbu yutuq nafaqat sportchimiz, balki butun Baxmal ahli uchun ham katta quvonch va faxrdir.
Farog‘at Muhammadqulovani ushbu muvaffaqiyat bilan samimiy muborakbod etamiz! Kelgusi musobaqalarda ham ulkan zafarlar va yangi yutuqlar tilaymiz!

🌐Ijtimoiy tarmoqdagi sahifamiz
@baxmal_tumani_hokimligi

XALQARO TURNIRDA BAXMALLIK YOSH GIMNASTIKACHINING YORQIN G‘ALABASI!

Baxmal tumani sport maktabi tarbiyalanuvchisi Mamadaliyeva Malika xalqaro turnirda 1-o‘rinni egalladi!
2026-yil 9–11-oktabr kunlari Toshkent shahridagi Oksana Chusovitina maktabida badiiy gimnastika bo‘yicha “Noila Cup – Kuzgi fantaziya” xalqaro turniri bo‘lib o‘tdi.

Mazkur nufuzli musobaqada 7 ta mamlakatdan jami 350 nafar yosh sportchi ishtirok etib, o‘z mahorat va iste’dodlarini namoyish etdi.

Xalqaro turnirda Baxmal tumani sport maktabining badiiy gimnastika treneri Xalibayeva Indira Norqulovna rahbarligida 3 nafar yosh sportchi ishtirok etdi.

Quvonarlisi, 2019-yilda tug‘ilgan, Baxmal tumani sport maktabi tarbiyalanuvchisi, 5-maktab o‘quvchisi Mamadaliyeva Malika o‘z yosh toifasida faxrli 1-o‘rinni qo‘lga kiritdi.

🇺🇿 Baxmal yoshlari — xalqaro maydonlarda yuksak marralar sari!

🌐Ijtimoiy tarmoqdagi sahifamiz
@baxmal_tumani_hokimligi

💬 “Siz mamlakatingizni dunyoga ochdingiz” — Marko Rubio Prezident Shavkat Mirziyoyev islohotlariga yuksak baho berdi

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Jizzax va Sirdaryo viloyatlari jurnalist ayollari voleybol maydonida kuch sinashdi

"IIB boshlig‘i kubogi” uchun Jizzax va Sirdaryo viloyatlari ommaviy axborot vositalari vakillaridan iborat to‘rtta jamoa voleybol bo‘yicha o‘zaro bellashdi.

Qizg‘in va murosasiz kechgan bahslarda ishtirokchilar o‘zlarining chaqqonligi, mahorat va jamoaviy hamjihatligini namoyon etdilar.

Musobaqa yakuniga ko‘ra, Jizzax viloyati teleradiokompaniyasi jamoasi uchinchi, "Yangi Sirdaryo” gazetasi jamoasi ikkinchi o‘rinni egalladi.

Birinchi o‘rin esa "Jizzax haqiqati — Джизакская правдa” gazetalari jamoasiga nasib etdi.

Taqdirlash marosimida Jizzax viloyati IIB boshlig‘i, viloyat voleybol federatsiyasi rahbari G‘ayrat Qodirov ishtirok etdi. G‘olib va sovrindorlar qimmatbaho sovg‘alar bilan taqdirlandi.

Mazkur musobaqa jurnalist ayollar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish hamda hududlar o‘rtasidagi hamkorlik va do‘stlik aloqalarini mustahkamlashga xizmat qildi.
📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

JIZZAXLIK TADBIRKORLAR VA INVESTORLAR DIQQATIGA!

Davlat aktivlarini xususiylashtirish bo‘yicha “Roadshow” taqdimoti o‘tkaziladi

21-oktabr kuni Jizzax shahrida xususiylashtirilishi belgilangan davlat aktivlari bo‘yicha “Roadshow” taqdimoti bo‘lib o‘tadi.

Davlat aktivlarini boshqarish agentligi tomonidan tashkil etilayotgan tadbirda tadbirkorlar, investorlar va ishbilarmon doiralar vakillari ishtirok etishga taklif etiladi.

Taqdimot davomida xususiylashtirish jarayoniga kiritilgan korxonalardagi davlat ulushlari, bo‘sh turgan davlat mulki obyektlari hamda sotuvga chiqarilishi belgilangan yer uchastkalari haqida batafsil ma’lumot beriladi.

Shuningdek, davlat mulki obyektlarini ijaraga olish imkoniyatlari, ulardan samarali foydalanish va yangi biznes loyihalarini amalga oshirish masalalari yuzasidan ma’lumotlar taqdim etiladi.

Mazkur tadbir tadbirkorlar va investorlar uchun yangi investitsiya imkoniyatlari bilan tanishish, istiqbolli loyihalarni amalga oshirish hamda o‘z biznes faoliyatini kengaytirish uchun muhim imkoniyat hisoblanadi.

Barcha tadbirkorlar, investorlar va ishbilarmon doiralar vakillarini taqdimotda faol ishtirok etishga taklif etamiz!

Tadbir haqida ma’lumot:
📅 Sana: 21 oktabr, soat 10:00
📍 Manzil: Jizzax shahri, Sh. Rashidov ko‘chasi, 64-uy, Jizzax Kibersport arenasi.
📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Zomindagi "Yoshlik” mahallasida 1,3 kilometr yo‘l asfaltlanmoqda

Zomin tumanida mahallalar infratuzilmasini yaxshilash, aholi uchun qulay yashash sharoitlarini yaratish va ichki yo‘llarning holatini yaxshilash borasidagi ishlar izchil davom ettirilmoqda. Bu jarayonda aholi tashabbuslarini qo‘llab-quvvatlash va fuqarolarning ovoz berish orqali bildirgan takliflarini amalga oshirishga alohida e’tibor qaratilmoqda.

Jumladan, tumandagi "Yoshlik” mahallasida joylashgan Elobod ko‘chasida "Ochiq budjet” tashabbusi doirasida g‘olib deb topilgan loyiha asosida asfaltlash ishlari olib borilmoqda. Loyiha doirasida ko‘chaning 1,3 kilometr qismiga asfalt yotqizish belgilangan bo‘lib, ayni paytda ushbu ishlar amalga oshirilmoqda.

Mazkur loyihaning hayotga tatbiq etilishi, avvalo, mahalla aholisi uchun kundalik hayotda muhim bo‘lgan qulayliklarni yaratishga xizmat qiladi. Yo‘lning asfaltlanishi transport vositalarining ravon harakatlanishini ta’minlash, piyodalar uchun qulaylik yaratish va ayniqsa, noqulay ob-havo sharoitida harakatlanish bilan bog‘liq qiyinchiliklarni kamaytirishga yordam beradi.

E’tiborlisi, ushbu loyiha fuqarolarning tashabbusi bilan ilgari surilib, ovoz berish jarayonida aholi tomonidan qo‘llab-quvvatlangan. Bu esa "Ochiq budjet” tizimi orqali mahalliy ahamiyatga ega muammolarni aniqlash va ularni hal etishda aholi ishtirokining muhimligini ko‘rsatadi.

Mahallalarda ichki yo‘llarni ta’mirlash va obodonlashtirish ishlari aholining turmush sifatini oshirish, hududlar infratuzilmasini rivojlantirish hamda kundalik harakatlanish sharoitlarini yaxshilashda muhim ahamiyat kasb etadi.

"Yoshlik” mahallasida amalga oshirilayotgan ushbu loyiha ham fuqarolar tashabbusi aniq amaliy natijaga aylanayotganining namunasidir. Bunday ishlar mahallalarni obod qilish, aholi murojaatlarida ko‘tarilgan masalalarni hal etish va odamlarga munosib sharoit yaratishga xizmat qiladi.
📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎥 Videoreportaj: Jizzaxda keksalarga ehtirom va e’tibor ko‘rsatilmoqda

Jizzaxda "Keksalar haftaligi” doirasida nuroniylar va mehnat faxriylarini e’zozlash, ularga g‘amxo‘rlik ko‘rsatishga qaratilgan tadbirlar tashkil etilmoqda. Markaziy poliklinikalarda keksalar uchun bepul tibbiy ko‘riklar va mutaxassislar maslahatlari yo‘lga qo‘yildi.

"Qo‘sha qarishing saodati” tadbiri o‘tkazilib, turmush qurganiga 60 yildan oshgan namunali oilalar e’zozlandi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

📍 Baxmal tumanida o‘rganishlar davom etmoqda!

Baxmal tumanidagi tashkilotlarda ma’naviy-ma’rifiy ishlar holatini o‘rganish, mavjud kamchiliklarni aniqlash va faoliyat samaradorligini oshirishga qaratilgan ishlar davomida videolavha tayyorlandi.

🎥 E’tiboringizga mazkur jarayonlardan lavhalarni havola etamiz!

Respublika Ma’naviyat va ma’rifat markazi Jizzax viloyati bo‘limi

✅BIZNI KUZATIB BORING
🇺🇿🇺🇿🇺🇿🇺🇿🇺🇿 🇺🇿🇺🇿🇺🇿🇺🇿🇺🇿🇺🇿
✅Telegram🌐Instagram✅Facebook

🎥 Videoreportaj: Baxmallik yoshlar bilan ochiq muloqot

Jizzax viloyatida yoshlarning murojaatlarini manzilli o‘rganish, mavjud muammolarga yechim topish va ularning bandligini ta’minlash maqsadida ochiq muloqotlar o‘tkazilmoqda. Navbatdagi uchrashuv Baxmal tumani yoshlari ishtirokida tashkil etildi.

Muloqotda ishsiz yoshlarning bandligini ta’minlash, mavjud imtiyoz va imkoniyatlardan samarali foydalanish masalalari muhokama qilindi. Shuningdek, muvaffaqiyatga erishayotgan baxmallik yoshlarning faoliyati yoshlarga namuna sifatida ko‘rsatilib, faol yoshlarga tashakkurnomalar topshirildi.

📹 Batafsil — videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

"KO'Z O'NGIMIZDA"

Baxmal tumanini ijtimoiy-iqtisodiy rivojlantirish, aholi turmush farovonligini oshirish, yangi ish o‘rinlarini yaratish, tadbirkorlik va investitsiyalarni kengaytirish, qishloq xo‘jaligi hamda turizm salohiyatidan samarali foydalanish borasida izchil ishlar amalga oshirilmoqda.

🌐Ijtimoiy tarmoqdagi sahifamiz
@baxmal_tumani_hokimligi

Samarqandda O‘zbekiston va AQSh hamkorligi uchun ochilgan yangi imkoniyatlar ikki mamlakat kompaniyalarining qo‘shma korxonalar tashkil etishi, texnologiyalar almashishi va yangi bozorlarga birgalikda chiqishiga kuchli sur’at bag‘ishlaydi.
—
Открывшиеся в Самарканде новые возможности для сотрудничества Узбекистана и США придадут компаниям двух стран мощный импульс для создания совместных предприятий, обмена технологиями и совместного выхода на новые рынки.

📲https://gov.uz/oz/jizzax  sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Jizzax viloyatining doimiy aholisi 1 million 545 ming nafardan oshdi

Milliy statistika qo‘mitasi ma’lumotlariga ko‘ra, 2026-yil 1 oktabr holatiga Jizzax viloyatining doimiy aholisi soni 1 million 545 ming 176 kishini tashkil etdi.

Mamlakat bo‘yicha doimiy aholi soni esa 39 million 535 ming 225 nafarga yetgan. O‘tgan yilning mos davriga nisbatan aholi 692,2 ming kishiga yoki 1,8 foizga ko‘paygan.

Hududlar kesimida Jizzax viloyati doimiy aholi soni bo‘yicha mamlakatning boshqa viloyatlari qatorida o‘z o‘rniga ega.

Aholi sonining ortib borishi hududda ijtimoiy infratuzilmani rivojlantirish, yangi ish o‘rinlari yaratish, ta’lim va tibbiyot xizmatlarini kengaytirish, shuningdek, aholi ehtiyojlariga mos uy-joy va kommunal xizmatlar tizimini takomillashtirish masalalarining dolzarbligini oshiradi.

Jizzax viloyatida ham demografik ko‘rsatkichlar hududni rivojlantirish, aholi uchun munosib turmush sharoitlarini yaratish va ijtimoiy xizmatlar sifatini oshirishda muhim omillardan biri hisoblanadi.
📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🎙Videoreportaj: "Yoshlar hududi” — yoshlar hayotidagi yangiliklar va imkoniyatlar

Jizzax FM radiosida efirga uzatilayotgan "Yoshlar hududi” loyihasining navbatdagi sonida yoshlar uchun yaratilgan imkoniyatlar va qonunchilikdagi yangiliklar muhokama qilindi.

Dastur mehmoni — Jizzax viloyati Adliya boshqarmasi bosh konsultanti Maxfuzaxon Yakubjanova ta’lim kreditlarini ajratish tartibidagi o‘zgarishlar haqida ma’lumot berdi.

Efirda Prezidentning PF-82-son Farmoniga muvofiq, ta’lim kreditlari miqdori talabalarning o‘zlashtirish ko‘rsatkichlariga bog‘liq ekani tushuntirildi. O‘qish natijalari yuqori bo‘lgan talabalarga kontrakt summasining 100 foizi, belgilangan ko‘rsatkichlarga yetmaganlarga esa 80 foizi miqdorida kredit ajratilishi ta’kidlandi.

📹 Batafsil videolavhada.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Arnasoyda paxta topshirish rejasi bajarildi, dalalarda hosilni yig‘ib olish davom etmoqda

Arnasoy tumanida paxta topshirish rejasi bajarilgan bo‘lsa-da, dalalarda yetishtirilgan hosilni to‘liq yig‘ib olish ishlari davom etmoqda. Asosiy e’tibor mavjud hosilni nes-nobud qilmasdan yig‘ishtirib olish, terim jarayonini samarali tashkil etish va fermer xo‘jaliklarida yetishtirilgan paxtani to‘liq qabul qilishga qaratilgan.

Tuman hokimi "Barakali dehqon paxtasi” fermer xo‘jaligida bo‘lib, paxta terimi jarayoni va dalalarda olib borilayotgan ishlar bilan tanishdi.

Ma’lum qilinishicha, fermer xo‘jaligining 20 gektar maydonida Xitoy seleksiyasiga mansub paxtaning olti xil navi yetishtirilgan. Ayni paytda ushbu maydonlardagi hosilni zamonaviy texnikalar yordamida yig‘ib olishga alohida e’tibor qaratilmoqda.

Tuman hokimi paxta hosilini to‘liq yig‘ishtirib olish, terim jarayonini samarali tashkil etish va dalalarda qolib ketayotgan hosilning nobud bo‘lishiga yo‘l qo‘ymaslik masalalariga e’tibor qaratdi.

Qishloq xo‘jaligida erishilgan natijani saqlab qolish, yetishtirilgan mahsulotni to‘liq yig‘ib olish hamda fermerlar mehnati samaradorligini oshirish muhim ahamiyatga ega. Shu nuqtayi nazardan, reja bajarilganidan keyin ham terimni oxiriga yetkazish, dalalarni hosildan to‘liq tozalash va mavsumni uyushqoqlik bilan yakunlash dolzarb vazifa bo‘lib qolmoqda.

Arnasoy tumanida davom etayotgan terim ishlari ham yetishtirilgan paxtaning har bir chigitini nobud qilmasdan yig‘ib olish va qishloq xo‘jaligi mavsumini samarali yakunlashga qaratilgan.
📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🥈 Yoqutxon Xolbekova — Para Osiyo o‘yinlari kumush medali sohibasi!

Para yengil atletika bo‘yicha ayollar o‘rtasida F12 klassida nayza uloqtirish bahslarida ishtirok etgan O‘zbekiston vakili Yoqutxon Xolbekova 32,43 metr natija qayd etib, kumush medalni qo‘lga kiritdi.

Ma’lumot uchun, nayza uloqtirish Yoqutxon Xolbekovaning asosiy ixtisoslashgan sport yo‘nalishi hisoblanmaydi. Shunga qaramay, sportchimiz ushbu yo‘nalishda ham sovrindorlar safidan joy oldi.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Jizzax viloyati hokimi hamda uning o‘rinbosarlari tomonidan fuqarolar qabuli jadvali

Fuqarolar o‘zlarini qiynayotgan masalalar, taklif va murojaatlari bilan belgilangan qabul kunlarida ishtirok etishlari mumkin.

Jizzax viloyati hokimi va o‘rinbosarlarining qabul jadvali quyida ilova qilinadi.

📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

Assalomu alaykum, hurmatli Jizzaxliklar!

📆 Bugungi sana: 20-Oktabr. Seshanba.
📅 Yilning: 292-kuni
⏳ Yil yakuniga 73 kun qoldi

📜 BUGUN TARIXDA

✈️ 1929 yil — Germaniyada Dornier Do X yo‘lovchi kemasining ilk parvozi amalga oshirildi.
🗳 1945 yil — Fransiyada ayollar birinchi marta ovoz berish huquqiga ega bo‘ldi.
📚 1955 yil — “Qirolning qaytishi” kitobi nashr etildi — bu “Uzuklar hukmdori” trilogiyasining yakuniy qismi edi.
💥 1963 yil — Fransiya yer osti yadro sinovlarini o‘tkazdi.
🎟 1970 yil — SSSRda Sportloto lotereyasining birinchi tiraji bo‘lib o‘tdi.
⚫️ 1982 yil — Moskvaning Lujniki stadionida fojia yuz berdi — tiqilinchda 66 kishi halok bo‘ldi.

🎂 Bugun tavallud topganlar:

🧠 1616 yil — Tomas Bartolin, daniyalik anatom, inson limfa tizimini kashf etgan olim.
✍️ 1854 yil — Artur Rimbaud, fransuz shoiri, simvolizm yo‘nalishining asoschilaridan biri.
🎭 1921 yil — Lyudmila Makarova, teatr va kino aktrisasi.

Kuningiz fayzli, ishingiz unumli, niyatlaringiz ijobat bo‘lsin!
📲https://gov.uz/oz/jizzax sayti va sahifalari:👇

Telegram|jizzaxviloyatihokimi|Facebook|YouTube|Instagram|ok.ru|@jizzaxuz_bot|X|

🟢Муҳим лайфҳак: ишга кираётганда фақат бугунги маошни эмас, келажагингизни ҳам ўйланг!

Қаҳрамонларимиз Хасан ва Хусан бир хил касбда, бир хил муддат меҳнат қилди. Аммо уларнинг танлови бошқача бўлди:

✅ Хасан расмий ишлади — унга меҳнат стажи юритилди, иш ҳақини расмий олди ва унинг учун иш берувчиси ижтимоий солиқ тўлади. Натижада у пенсия ёшида муносиб пенсияга эга бўлди.

❌ Хусан норасмий ишлади — маошини қўлига ("конверт" шаклида) олди, бироқ меҳнат стажи шаклланмади ва келажакдаги пенсияси учун етарли асос яратилмади.

Хусаннинг ҳолига тушмаслик учун доимий равишда:

🔵 сиз билан қандай шаклда меҳнат шартномаси расмийлаштирилганини текширинг;
🔵 иш ҳақингизни тўлиқ расмий олаётганлигингизга эътибор беринг;
🔵 меҳнат стажингиз электрон тизимда акс этаётганини назорат қилинг.

⚠️ Унутманг! Норасмий иш бугун қулай кўриниши мумкин, аммо унинг салбий оқибати пенсия ёшида билинади.

https://t.me/JizzaxPensiyarasmiykanal

❗️KORRUPSIYAGA GUVOH BO‘LDINGIZMI?

✅ SHAXSAN PENSIYA JAMG‘ARMASI IJRO ETUVCHI DIREKTORIGA MUROJAAT QILISHINGIZ MUMKIN.

Pensiya jamg‘armasi tizimidagi xodimlar tomonidan korrupsiyaga yo‘l qo‘yilishiga guvoh bo‘lsangiz, shaxsan Pensiya jamg‘armasi ijro etuvchi direktoriga quyidagi Telegram manzili orqali murojaat qilishingiz mumkin!

🔵 https://t.me/pension_antikor

✅ Hurmatli fuqarolar, siz tomoningizdan yuborilgan murojaatlar va shaxsingiz haqidagi barcha ma’lumotlar sir saqlanadi.

https://t.me/JizzaxPensiyarasmiykanal

✅ Расмий юқори ойлик фуқаронинг келажакдаги пенсиясида ҳам кўриниши керак

Фуқаро расмий ишласа, иш ҳақи тўлиқ кўрсатилса ва ижтимоий солиқ тўланса, бу унинг келажакдаги пенсиясида сезилиши керак.

Амалда пенсияни ҳисоблашда иш ҳақининг пенсия ҳисоблаш базавий миқдорининг 12 бараваригача бўлган қисми, яъни қарийб 6 млн сўм инобатга олинади. Масалан, фуқаронинг ойлиги 10 млн сўм бўлса, унинг 4 млн сўмлик қисми пенсия ҳисоб-китобига таъсир қилмайди. Ойлик ошгани сари бу фарқ янада катталашади.

💬 Натижада юқори маош олувчи фуқарода табиий савол туғилади: «Даромадим тўлиқ расмийлаштирилиб, кўпроқ ижтимоий солиқ тўланса-ю, бунинг ҳаммаси пенсиямда кўринмаса, менинг манфаатим нимада?»

💬 Тўланган ижтимоий солиқ билан келажакдаги пенсия ўртасидаги боғлиқлик етарли даражада сезилмаса, расмий ишлашга қизиқиш пасайиши ва иш ҳақини «конвертда» бериш каби ҳолатлар сақланиб қолиши мумкин.

✅ Шу боис иш ҳақининг белгиланган чегарадан юқори қисмини фуқаронинг шахсий пенсия жамғармаси билан боғлаш муҳим. Бунда кўпроқ расмий ишлаган ва тизимга кўпроқ ҳисса қўшган фуқаро ўз маблағи келажакдаги пенсияси учун жамғарилаётганини кўради.

Бу юқори ойлик олувчиларга имтиёз бериш эмас, балки адолатли ёндашувдир. Натижада:

🔹 расмий ишлашга қизиқиш ортади;
🔹 даромадларни яширишга эҳтиёж камаяди;
🔹 ижтимоий солиқ базаси кенгаяди;
🔹 пенсия тизимининг молиявий барқарорлиги мустаҳкамланади.

Албатта, жамғарма механизми тўлиқ шаффоф бўлиши шарт. Фуқаро ўз маблағи қаерда сақланаётгани, қандай кўпаяётгани ва қай тарзда кафолатланганини аниқ кўра олиши керак.

🔍 Батафсил https://telegra.ph/Rasmij-yuқori-ojlik-fuқaroning-kelazhakdagi-pensiya-manfaatida-ҳam-kўrinishi-kerak-08-23 ўқинг.

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb

➡️ Фуқаро пенсиясини кўрса, унга ишонади, ишонса — жамғаришга қизиқади

❔ Пенсия тизимида фуқаро учун энг муҳим савол оддий: “Менинг иш стажим, тўланган ижтимоий солиқларим ва жамғарган маблағларим қаерда кўринади?”

➡️ Пенсия соҳасида ишонч фақат ҳуқуқий кафолат эмас. У инсоннинг хулқ-атворига ҳам бевосита таъсир қилади — одам кўрмаган нарсасига ишонмайди. 

➡️ Агар фуқаро ўз телефони орқали "Менинг иш стажим — шунча, мажбурий ва ихтиёрий жамғармам — шунча, унга қўшилган йиллик даромад — шунча" деб аниқ кўра олса, пенсия у учун мавҳум мавзудан реал капиталга айланади.

➡️ Натижада маблағлар "Қаердадир турибди" деган тасаввур йўқолиб, тизимда шаффофлик ошади ва фуқароларда ихтиёрий жамғариш одати шаклланиши осонлашади.

🌍 Хорижий тажриба ҳам шуни кўрсатадики, кўп давлатлар пенсия тизимида фақат тўлов миқдорини эмас, фуқаронинг ўз пенсия ҳуқуқини қандай кўриши ва тушуниши масаласига ҳам катта эътибор беради.

🔍 Батафсил https://telegra.ph/Fuқaro-pensiyasini-kўrsa-unga-ishonadi-ishonsa--zhamғarishga-қiziқadi-08-23 ўқинг.

https://t.me/JizzaxPensiyarasmiykanal

❔ Нега айримлар юқори, бошқалар эса кам пенсия олади? Пенсия миқдорини нима белгилайди?

"Умрим меҳнатда ўтди, нега пенсиям кам?", "Ҳамкасбим билан бирга ишлаганмиз, нега унинг пенсияси кўпроқ?" каби саволлар фуқароларда кўп учрайди.
Уни белгилашда:

🔵 расмий иш стажи;
🔵 расмий ҳисобланган иш ҳақи;
🔵 пенсия ҳисоблаш учун танланган иш ҳақи даври;
🔵 қонунчиликда белгиланган имтиёз ва устамалар;
🔵 ахборот тизимларидаги маълумотлар муҳим аҳамиятга эга.

Амалда пенсия ҳисоблашда сўнгги 10 йиллик меҳнат фаолияти давомидаги энг юқори иш ҳақи олинган кетма-кет 5 йиллик давр инобатга олинади

☝️ Шу сабабли бир жойда ва бир хил лавозимда ишлаган икки фуқаронинг пенсия миқдори турлича бўлиши мумкин.

☝️ Энг муҳими, келажакдаги пенсия пенсия ёшига етганда эмас, меҳнат фаолияти давомида шаклланади. Норасмий ишлаш, иш ҳақининг бир қисмини "конвертда" олиш ёки меҳнат стажи ҳақидаги маълумотларни текширмаслик кейинчалик пенсия миқдорига таъсир қилиши мумкин.

https://t.me/JizzaxPensiyarasmiykanal

❓Сизга тўланаётган пенсия пуллари қаердан келишини биласизми?

✔️ Маълумки Ўзбекистонда пенсия тизими ҳозирча солидар, яъни “ишлаётган авлод — пенсионер авлодни молиялаштиради” тамойилига асосланган.

Бугунги ишловчилар ва иш берувчилар томонидан тўланадиган ижтимоий солиқлар ҳисобидан амалдаги пенсионерларга пенсия тўланади.

💬 Ва бу жараёнда фуқароларнинг расмий ишлашни расмийлаштириши, расмий иш ҳақи олиши ва иш берувчилар томонидан ижтимоий солиқларни мунтазам тўлаши катта аҳамиятга эгадир.

https://t.me/JizzaxPensiyarasmiykanal

👨🧑 Ўзбекистонда нодавлат секторда ишлаётган 12,3 миллиондан ортиқ фуқароларнинг 5,5 миллион нафари ўзини ўзи банд қилган шахсларни ташкил қилмоқда.

📇 Бугунги кунда Ўзбекистонда иқтисодиётда банд аҳолининг асосий қисми — 12,3 миллиондан ортиғи нодавлат секторда меҳнат қилмоқда. Шундан 5,5 миллиондан зиёди ўзини ўзи банд қилганлар бўлса, яна 1,3 миллиондан ортиқ ватандошларимиз чет элда меҳнат қилмоқда.

☝️Бу меҳнат нафақат бугунги даромад манбаи, балки эртанги иш стажи ва келажакдаги пенсия ҳуқуқининг ҳам пойдеворидир. Бу пойдеворнинг мустаҳкамлиги эса инсоннинг меҳнат фаолияти давомида бугун қабул қилаётган қарорларига боғлиқ.

❓Бугун қабул қилаётган қайси қарорлар эртанги иш стажингизга таъсир қилади?

➡️ Батафсил https://telegra.ph/Ish-stazhi-bugungi-қarorlar-ehrtangi-pensiyaga-қandaj-tasir-қiladi-08-23 ўқинг.

https://t.me/JizzaxPensiyarasmiykanal

🤔 Ахир иккимиз ҳам бир хил ишладик. Нега сенга пенсия тайинланди-ю, менга тайинланмади?

Айрим фуқароларда шу ва шунга ўхшаш саволлар туғилади.

✅ Ўзини ўзи банд қилган фуқаролар келажакларини ўйлаб, Пенсия жамғармасига ижтимоий солиқ тўлашса, уларга иш стажи ҳисобланади.

✅ Бу эса келажакда уларга пенсия тайинланишига замин яратади.

https://t.me/JizzaxPensiyarasmiykanal

💰 ЎЗ ПЕНСИЯНГИЗНИ ЎЗИНГИЗ ЯРАТИНГ!

🛡 Келажакда фақат давлат пенсиясига таяниб қолмасдан, ўзингиз учун қўшимча пенсия жамғармасини бугундан шакллантиришингиз мумкин.

🖥 Ихтиёрий бадал тўланг, маблағингизни жамғариб боринг ва унга ҳисобланадиган фоизлар ҳисобига келажакда қўшимча даромадга эга бўлинг.

📌 Қанча ва қачон жамғариш — ўз ихтиёрингизда.

✔️ Бугун ўзингизга сармоя киритинг — эртанги фаровонлигингизни мустаҳкамланг!

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb

Videoreportaj: Do‘stlik tumanidagi Chinobodlik pillakorlar ulkan maqsadlar sari intilishmoqda

Do‘stlik tumanida pillachilik mavsumi uyushqoqlik bilan davom etmoqda. Ipak qurtlari markazlashgan qurtxonalar va aholi xonadonlarida agrotexnik talablar asosida parvarish qilinmoqda.

“Chinobod” mahallasida 200 quti ipak qurti qabul qilinib, 100 qutisi pillaxonaga, 100 qutisi xonadonlarga joylashtirildi. Bu esa pillachilikni keng qamrovda tashkil etishga xizmat qilmoqda.

Ayni paytda pillakorlar yuqori ishtiyoq bilan mehnat qilib, yuqori hosildorlikka erishishni maqsad qilgan. Mazkur ishlar aholi bandligini ta’minlash va pillachilikni rivojlantirishda muhim ahamiyat kasb etmoqda.

📹 Batafsil — videolavhada tomosha qiling

📲 https://gov.uz/oz/jizzax sayti va sahifalari:👇

https://t.me/jizzaxviloyatihokimligi| https://t.me/jizzaxviloyatihokimi| https://www.facebook.com/pressslujba/| https://www.youtube.com/c/Jizzaxviloyatihokimligi| https://www.instagram.com/jizzaxviloyathokimligi/| http://ok.ru/| https://t.me/jizzaxuz_bot| https://twitter.com/Jizzaxviloyath1|