Barqaror rivojlanish markazi NNT

ОБОД МАЙДОН — ХАВФСИЗ МУҲИТ

🍁 Қалин ўт босиб, чиқинди тўпланган, қаровсиз қолган майдонларни одамлар одатда четлаб ўтади. Кўздан пана ва ташландиқ жойлар эса ҳуқуқбузарликлар содир этилиши учун қулай шароит яратиши мумкин. Бундай ҳудудларни тозалаш, кўкаламзорлаштириш ва аҳоли фойдаланадиган дам олиш жойларига айлантириш атрофни кузатишни осонлаштиради, одамлар қатновини кўпайтиради ва муҳитнинг хавфсизлигини оширишга хизмат қилади.
Бу ёндашув АҚШнинг Филадельфия шаҳрида амалда синовдан ўтказилган. 2018 йилда АҚШ Миллий фанлар академиясининг PNAS журналида эълон қилинган тадқиқот 541 та бўш ер майдонини қамраб олган. Уларнинг бир қисми тозаланиб, майса ва дарахтлар экилган, паст тўсиқлар ўрнатилиб, мунтазам парвариш йўлга қўйилган. Бошқа майдонлар фақат тозалаб турилган, назорат гуруҳидаги ҳудудларга эса ўзгартиш киритилмаган.

➡️БАТАФСИЛ: https://brmnnt.uz/news/detail/obod-maydon-xavfsiz-muhit

Бизни кузатишда давом этинг!
🇺🇳 brmnnt.uz 🚀Telegram 🔵Facebook 📷Instagram 🎬Youtube

Иқлим ва БРМ: метанни камайтириш – барқарор келажакнинг янги устувор йўналиши

💭 Иқлим ўзгариши ҳақида сўз борганда, одатда биринчи бўлиб карбонат ангидрид – CO₂ тилга олинади. Аммо глобал исиш суръатини жиловлаш учун фақат CO₂ чиқиндиларини камайтиришнинг ўзи етарли эмас. Сўнгги йилларда халқаро экспертлар атмосферада нисбатан қисқа муддат сақланса-да, иқлимга кучли таъсир кўрсатадиган метан, қора углерод, тропосфера озони ва гидрофторуглеродлар каби ифлослантирувчиларга тобора катта эътибор қаратмоқда.
⚠️ Уларнинг айримлари атмосферада CO₂ га нисбатан анча қисқа вақт сақланади, бироқ шу даврнинг ўзида иссиқликни ушлаб қолиш таъсири юқори бўлади. Шунинг учун бундай чиқиндиларни тез суръатда камайтириш глобал исишни яқин истиқболда секинлаштиришнинг самарали йўлларидан бири ҳисобланади. Climate and Clean Air Coalition маълумотларига кўра, қисқа умр кўрувчи иқлим ифлослантирув-чиларини қисқартириш иқлимни муҳофаза қилиш билан бирга ҳаво сифати ва инсон саломатлигига ҳам ижобий таъсир кўрсатади.

⛓ БАТАФСИЛ: https://brmnnt.uz/news/detail/iqlim-va-brm-metanni-kamaytirish-barqaror-kelajakning-yangi-ustuvor-yonalishi

Бизни кузатишда давом этинг!
🇺🇳 brmnnt.uz 🚀Telegram 🔵Facebook 📷Instagram 🎬Youtube

Марказий Осиё ва Озарбайжон: ҳамкорликнинг янги босқичи

"Аваза" учрашуви минтақавий ҳамкорликни амалий мазмун билан бойитиш учун янги имкониятлар очади

#️⃣ Ўзбекистон Республикаси Президенти Шавкат Мирзиёев Туркманистон Президенти Сердар Бердимуҳамедовнинг таклифига биноан 7-9-октабр кунлари амалий ташриф билан ушбу мамлакатда бўлади. Мамлакатимиз етакчиси “Аваза” миллий сайёҳлик зонасида Марказий Осиё ва Озарбайжон давлат раҳбарларининг саккизинчи Маслаҳат учрашувида ҳамда Мустақил Давлатлар Ҳамдўстлигининг навбатдаги саммитида иштирок этади.

📃 БАТАФСИЛ: https://brmnnt.uz/oz/news/detail/markaziy-osiyo-va-ozarbayjon-hamkorlikning-yangi-bosqichi

Бизни кузатишда давом этинг!
🇺🇳 brmnnt.uz 🚀Telegram 🔵Facebook 📷Instagram 🎬Youtube

↗️«Янги Ўзбекистон: Барқарор келажак сари. 2016–2026» фотоальбоми Ўзбекистоннинг БМТ Барқарор ривожланиш мақсадлари доирасида босиб ўтган ўн йиллик йўлини акс эттиради. Нашрда инсон фаровонлиги, таълим, гендер тенглиги, тоза энергия, инновация, экологик барқарорлик ва халқаро ҳамкорлик соҳаларидаги ислоҳотлар ва натижалар ёритилиб, барқарор тараққиётнинг бош мақсади - инсон қадри эканига урғу берилади.

↗️ БАТАФСИЛ: https://drive.google.com/file/d/1sqYQL1uX7B1qGy_dfzrFD1FpObzFQ6FY/view

Бизни кузатишда давом этинг!
🇺🇳 brmnnt.uz 🚀Telegram 🔵Facebook 📷Instagram 🎬Youtube

🇺🇿 Ватанимизнинг олтин даврини, янги буюк тарихини албатта барчамиз биргаликда яратамиз!

Янги Тошкентда Ўзбекистон Республикаси давлат мустақиллигининг 35 йиллигига бағишланган тантанали маросим бўлиб ўтди.

🍩 БАТАФСИЛ: https://brmnnt.uz/news/detail/vatanimizning-oltin-davrini-yangi-buyuk-tarixini-albatta-barchamiz-birgalikda-yaratamiz

Бизни кузатишда давом этинг!
🇺🇳 https://brmnnt.uz/ 🚀 🔵 https://www.facebook.com/brm.nnt.uz 📷 https://www.instagram.com/brm_uz/ 🎬 http://www.youtube.com/@sdcenteruz

🗓️ 2026 йил 26 август куни ИИВ Академиясида ички ишлар органлари ва нодавлат нотижорат ташкилотлари ўртасидаги ҳамкорликни янада мустаҳкамлашга бағишланган давра суҳбати бўлиб ўтди. Тадбирда ўзаро ҳамкорликнинг бугунги ҳолати ва уни ривожлантиришнинг устувор йўналишлари муҳокама қилинди.

Давра суҳбатида Барқарор ривожланиш маркази вакили ҳам иштирок этиб, ҳуқуқбузарликлар профилактикаси, ижтимоий масалаларни ҳал этиш ҳамда жамоатчилик билан очиқ мулоқотни кучайтиришга доир фикр ва таклифларини билдирди.

Шунингдек, ички ишлар органлари ва нодавлат нотижорат ташкилотлари ўртасида қўшма ташаббусларни амалга ошириш, тажриба алмашиш ва амалий ҳамкорликни кенгайтириш истиқболлари юзасидан фикр алмашилди.

Бизни кузатишда давом этинг!
🇺🇳 https://brmnnt.uz/ 🚀 🔵 https://www.facebook.com/brm.nnt.uz 📷 https://www.instagram.com/brm_uz/ 🎬 http://www.youtube.com/@sdcenteruz

😎 Барқарор ривожланиш маркази ҳамда 🏫 https://uza.uz/uz/posts/barqaror-iqtisodiy-osish-omillari-video_901071 ҳамкорлигида тайёрланадиган «Мақсад» лойиҳасининг навбатдаги сонида «Барқарор ривожланиш мақсадлари ойлиги» доирасида амалга оширилган тизимли саъй-ҳаракатлар, эришилган муҳим натижалар ва келгусидаги устувор вазифалар атрофлича муҳокама қилинди.
Суҳбат меҳмони — Олий Мажлис Сенатининг Бюджет ва иқтисодий масалалар қўмитаси раиси Эркин Гадоев бўлди.

#БРМ2030
#SDGsUzbekistan
#SDGs2030
Бизни кузатишда давом этинг!
🇺🇳 https://brmnnt.uz/ 🚀 🔵 https://www.facebook.com/brm.nnt.uz 📷 https://www.instagram.com/brm_uz/ 🎬 http://www.youtube.com/@sdcenteruz

https://www.uzbekembassy.in/toshkent-dehli-strategik-sheriklikning-yangi-bosqichi/?lang=uz
Ўзбекистон ва Ҳиндистон ўртасидаги муносабатлар тарихий яқинликдан саноат кооперацияси, инвестициялар, технологиялар ва минтақавий боғлиқликка асосланган амалий шериклик сари бормоқда 

🇺🇿🇮🇳 Ўзбекистон–Ҳиндистон муносабатларининг бугунги босқичини бир ибора билан ифодалаш мумкин: тарихий яқинликни амалий шерикликка айлантириш даври. Асрлар давомида савдо йўллари, илм-фан ва маданият орқали боғланган икки халқ ўртасидаги муносабатлар ҳозир инвестициялар, саноат, технологиялар, транспорт, фармацевтика, таълим ва энергетика каби соҳаларда янги мазмун касб этмоқда.
🔎 Ҳиндистон Бош вазири Нарендра Модининг Ўзбекистонга кутилаётган ташрифи ана шу жараёнга янги суръат бағишлаши мумкин. Масала навбатдаги олий даражадаги учрашувнинг ўзида эмас, балки йиллар давомида шаклланган сиёсий ишончни аниқ иқтисодий ва технологик натижаларга айлантириш имкониятидадир. Ўзбекистон ва Ҳиндистон 2011 йилда стратегик шериклик муносабатларини ўрнатган. Кейинги йилларда Президент Шавкат Мирзиёев ва Бош вазир Нарендра Моди ўртасидаги мунтазам мулоқот бу шерикликка изчиллик бағишлади.

🌐БАТАФСИЛ: https://brmnnt.uz/oz/news/detail/toshkentdehli-strategik-sheriklikning-yangi-bosqichi

Бизни кузатишда давом этинг!
🇺🇳 https://brmnnt.uz/ 🚀 🔵 https://www.facebook.com/brm.nnt.uz 📷 https://www.instagram.com/brm_uz/ 🎬 http://www.youtube.com/@sdcenteruz

КЎЛЛАР - СУВ ХАВФСИЗЛИГИНИНГ ТИРИК КЎЗГУСИ

📌27 август - Бутунжаҳон кўллар куни

💧 Кўлнинг чекиниши баъзан бир қарашда фақат сув камайгандек кўринади. Аслида эса сув ортга чекинган жойда бутун бир табиий мувозанат ўзгаради: балиқ захираси камаяди, қушларнинг яшаш муҳити қисқаради, тупроқ шўрланади, чанг кўпаяди, маҳаллий аҳолининг турмуш тарзи ва даромад манбаларигача таъсир кўрсатади. Шу маънода кўллар ҳолати — муайян ҳудудда сув ресурсларидан қай даражада оқилона фойдаланилаётганини кўрсатиб турувчи ўзига хос табиий мезондир.
🇺🇳 БМТ Бош Ассамблеяси 2024 йил 12 декабрда 27 августни Бутунжаҳон кўллар куни деб белгилади. 2025 йилдан бошлаб нишонланаётган мазкур сана кўллар ва улар билан боғлиқ экотизимларни муҳофаза қилишга халқаро эътиборни кучайтиришни кўзда тутади. Эътиборлиси, тегишли резолюция лойиҳасининг ҳаммуаллифлари қаторида Ўзбекистон ҳам бўлган.

🔴 БАТАФСИЛ: https://brmnnt.uz/news/detail/kollar-suv-xavfsizligining-tirik-kozgusi

Бизни кузатишда давом этинг!
🇺🇳 https://brmnnt.uz/ 🚀 🔵 https://www.facebook.com/brm.nnt.uz 📷 https://www.instagram.com/brm_uz/ 🎬 http://www.youtube.com/@sdcenteruz

Ўзбекистон Республикаси Мустақиллигининг 35 йиллиги муносабати билан Барқарор ривожланиш маркази ходимлари тақдирланди

😎 Мустақиллик байрами арафасида Барқарор ривожланиш маркази ходимлари мамлакатнинг барқарор ижтимоий-иқтисодий ва сиёсий-ҳуқуқий ривожланиш жараёнларини комплекс ўрганиш, таҳлил қилиш ва таклифлар ишлаб чиқишга қўшган муносиб ҳиссаси учун «Ўзбекистон Республикаси Мустақиллигининг 35 йиллиги» эсдалик нишони билан тақдирландилар.
Тақдирланганлар:
🔹Э. Саминов — Марказ директори;
🔹А. Халбеков — Бўлим бошлиғи;
🔹Ж. Исаев — Бўлим бошлиғи.

Барқарор ривожланиш маркази жамоаси ҳамкасбларни ушбу юксак мукофотлар билан самимий табриклаб, келгуси фаолиятларида муваффақиятлар тилайди!

Бизни кузатишда давом этинг!
🇺🇳 https://brmnnt.uz/ 🚀 🔵 https://www.facebook.com/brm.nnt.uz 📷 https://www.instagram.com/brm_uz/ 🎬 http://www.youtube.com/@sdcenteruz

🇺🇳 🏫 Барқарор ривожланиш маркази ва https://uza.uz/uz/posts/iqlim-ozgarishi-ayollar-hayotiga-qanday-tasir-korsatmoqda-video_888364 «Мақсад» лойиҳаси доирасида атроф-муҳитни асраш ва экологик маданиятни тарғиб қилувчи машҳур «Ўрик гули» блоги асосчиси, «Келажак бунёдкори» медали совриндори Мўътабар Хушвақтова ҳамда Барқарор ривожланиш маркази эксперти Гулҳаё Барноева билан барқарор ривожланишнинг барча мақсадлари билан узвий боғлиқ 🇺🇳 #БРМ13 экология ва экологик миграция ҳақида суҳбат.

Бизни кузатишда давом этинг!
🇺🇳 https://brmnnt.uz/ 🚀 🔵 https://www.facebook.com/brm.nnt.uz 📷 https://www.instagram.com/brm_uz/ 🎬 http://www.youtube.com/@sdcenteruz

https://xs.uz/uz/news/-7d178c1e 
🇺🇿Ер масаласи фақат кадастр, мулк ёки ижара муносабати эмас. Бу — озиқ-овқат хавфсизлиги, тадбиркорлик муҳити, уй-жой сиёсати, инвестиция жозибадорлиги, сув ресурслари ва экологик барқарорлик билан боғлиқ стратегик йўналишдир. Ўзбекистонда сўнгги йилларда ер ажратишда очиқлик, электрон аукцион, мулк ва ижара ҳуқуқларини ҳимоя қилиш, қишлоқ хўжалиги ерларидан самарали фойдаланиш бўйича муҳим ислоҳотлар амалга оширилмоқда. Эндиги асосий вазифа — ушбу ўзгаришларни ягона, тушунарли ва замонавий Ер кодекси мантиғига жамлашдан иборат.

🗒️Ўзбекистон Республикасининг амалдаги Ер кодексида ер умуммиллий бойлик сифатида белгиланган. У халқ ҳаёти, фаолияти ва фаровонлигининг асоси бўлгани учун ундан оқилона фойдаланиш ва уни давлат томонидан муҳофаза қилиш зарурлиги қайд этилган. Кодексда ер қонунчилигининг вазифалари қаторида тупроқ унумдорлигини тиклаш ва ошириш, табиий муҳитни асраш, ер участкаларига бўлган ҳуқуқларни ҳимоя қилиш ҳам белгиланган. Демак, ерга муносабатда учта мезон — иқтисодий самара, ҳуқуқий кафолат ва экологик масъулият бир-биридан ажралмаслиги керак.

🎞БАТАФСИЛ: https://brmnnt.uz/news/detail/yer-umummilliy-boylik-islohotlar-mantigi-va-yangi-kodeks-zarurati

Бизни кузатишда давом этинг!
🇺🇳 https://brmnnt.uz/ 🚀 🔵 https://www.facebook.com/brm.nnt.uz 📷 https://www.instagram.com/brm_uz/ 🎬 http://www.youtube.com/@sdcenteruz

Барқарор келажак сари қадам: илм ва амалиёт интеграцияси

Юртимиз равнақи ва ёшлар камолоти йўлида дуал таълим ҳамда стратегик ҳамкорликнинг аҳамияти

⬆️ 2026 йил 22 июндан 17 июлга қадар Diplomat University, Халқаро муносабатлар таълим йўналиши 2-курс талабалари Барқарор ривожланиш марказида 20 кунлик интенсив малакавий амалиёт ўтадилар. Ушбу давр мобайнида талабалар БМТнинг «2030 йилгача бўлган даврда барқарор ривожланиш соҳасидаги Кун тартиби» глобал дастури ҳамда унинг доирасида қабул қилинган Ўзбекистон Республикаси Вазирлар Маҳкамасининг 2022 йил 21 февралдаги 83-сонли «2030 йилгача бўлган даврда барқарор ривожланиш соҳасидаги миллий мақсад ва вазифаларни амалга оширишни жадаллаштириш бўйича қўшимча чора-тадбирлар тўғрисида»ги қарорининг мазмун-моҳиятини ҳуқуқий ҳамда амалий жиҳатдан чуқур ўргандилар. Шунингдек, улар БМТ шафеълиги остида фаолият юритувчи нуфузли илмий-иқтисодий тармоқ ҳисобланган Барқарор ривожланиш ечимлари тармоғи (SDSN) фаолияти ва Глобал барқарор ривожланиш ҳисоботи (SDR) рейтингида давлатларнинг тутган ўрнини баҳолаш тизимини атрофлича таҳлил қилдилар.

📖 БАТАФСИЛ: https://brmnnt.uz/oz/news/detail/barqaror-kelajak-sari-qadam-ilm-va-amaliyot-integratsiyasi

Бизни кузатишда давом этинг!
🇺🇳 https://brmnnt.uz/ 🚀 🔵 https://www.facebook.com/brm.nnt.uz 📷 https://www.instagram.com/brm_uz/ 🎬 http://www.youtube.com/@sdcenteruz

📰 «Учитель Узбекистана» газетасида Барқарор ривожланиш маркази эксперти Муслим Эргашбаевнинг https://drive.google.com/file/d/1Gldo7IyjjF_XuNv7cYg9mBOYQ-kTzNj2/view Унда бугунги кунда инсон капитали мамлакат тараққиёти, миллий хавфсизлиги ва халқаро рақобатбардошлигини белгиловчи бош стратегик омил эканлиги ифода этилади.
🇺🇳 Мақолада «Ўзбекистон — 2030» стратегияси ва БМТ Барқарор ривожланиш мақсадлари (#БРМ) доирасида таълим сифатини ошириш, болаларни мактабгача таълим билан қамраб олиш даражасини 84 фоизга етказиш борасидаги тарихий ютуқлар ҳамда ўқитувчиларни ортиқча қоғозбозликдан халос этиб, уларнинг касбий маҳоратини ошириш зарурлиги алоҳида эътироф этилган.

📝 БАТАФСИЛ: https://brmnnt.uz/oz/news/detail/oqituvchi-islohotlarni-harakatga-keltiruvchi-kuch

Бизни кузатишда давом этинг!
🇺🇳 https://brmnnt.uz/ 🚀 🔵 https://www.facebook.com/brm.nnt.uz 📷 https://www.instagram.com/brm_uz/ 🎬 http://www.youtube.com/@sdcenteruz