FUTUHAT

Kanalga manfaat izlab kirgan bo'lsangiz, shu heshteglar bilan qidiring (vaqtni tejash uchun):

1. Hofizlarning hikoyalaridan yig'ilgan anglashlar: #hofizlardan heshtegi bilan.
2. Muhim tavsiyalar: #tavsiya heshtegi bilan.
3. Ustozlardan eshitganimiz: #ustozlar_nasihatidan heshtegi bilan.

Kanaldagi postlar eslatma va targ'ib ma'nosida yoziladi.

O'zimizga manfaat istab boshlangan, shu maqsad ila davom etyabmiz, biiznillah.

Ushbu Mus’hafni otam endi Qur’on oʻqishni boshlaganimda hadya qilgan edilar, u bilan hifzimni boshladim va u bilan tugatdim. Hech qaysi darsimni boshqa Mus’hafdan yodlamaganman va topshirmaganman. 604 ta betni hammasini shu Qur’ondan yod olganman. ™️ bu…

#hofizlardan

Har safar dars topshirishing yo Badr (sanog'ing kam bo'lsa ham, tavakkuling yuqori) yo Hunayn (sanog'ing ko'pligiga aldanib qolasan).

Biz zohirlar bilan mashg'ulmiz, ular botinga (asliga) qarashgan...

abu AbdurRohman qissasi.pdf

Bayram kuni tabriklar, hadiyalar hammasi yaxshi-yu, oddiy kunda ilm olishga kelganda - na ilmning, na muallimning rioyasi qolmasligi achinarli.

Ustozidan 18 yillab ajramagan, uylari tomon biror marta oyoq uzatmagan Abu Hanifadek shogirdlar qayerdayu, biz qayerda.

Shu haqiqatga amal yetishmayotgandek:
Ilmning barakasi - ustozlarning duosi va ilm ahliga xizmatda.

Ulardan faqat o’rganishga emas, ularga ergashib, rangidan rang olishga intilishimiz lozim.

Ustozga xizmat - dinning javhari.
Ustozga muhabbat bo’lmasa - ilm yuqmaydi.

#hofizlardan
Hofizlik sari yohud ahli Qur'onlar...

Hofizlarning hikoyasini eshitishdan, o'qishdan hech erinmayman. Yillardirki o'qib, eshitib kelganim hikoyalardan hosil bo'lgan xulosam esa shular bo'ldi:

1-bosqich. Motive: Hofizlik maqomi, toj, libos, darajotlar...
Asosan mana shular uchun intilayotgan, hifzga endi kirishgan, oqsashlar/to'xtashlar/vasvasalar ko'p uchraydigan bir bosqich. Bu bosqichda tashqi motivatsiyaga ko'proq suyanib qolinadi, ozgina muvaffaqiyatsizlik ortga qaytishiga ham sababchi bo'lishi mumkin. Tezroq hifzni tugatishni istaydi.

2-bosqich. Motive: Qur'on - Allohga bog'lanish uchun eng muhim vosita, hifz esa bunga eng oson va tez yo'l.
Hifz qilganini namozlarida o'qib rohat topadi, har yodlagan surasi bilan qalban bog'lanishga intiladi. Tashqisidan ko'ra ichki motivatsiya kuchliroq. Hifzdan qaytish endi variant ham emas, hayotining ajralmas qismiga aylanib bo'lgan. Qur'ondan vaqt ayamaydi. Hifzni tugatishni hohlaydi, lekin unga focus qilmay qo'ygan, jarayondan zavq ola biladi.

3-bosqich. Motive: Qur'on - ma'rifatlar xazinasi, Allohning kalomidan boshqa narsada qalbning bahori yo'q.
Qur'on - hayot. Kunduzi tilovati, tunlari qiyomi ila yashaydi. Hech qanday tashqi faktorning aloqasi yo'q. Hech kim eslatma, nazorat, targ'ib qilishiga ehtiyoj yo'q. Hifzni tugatish uchun yodlamaydi (necha marta tugatsa ham, jiddu-jahdi so'nmaydi).

P.S.: Oxirgi bosqichga yetgan insonlar haqiqiy Qur'on ahllari edilar. Ularni ko'rishingiz bilanoq Qur'on esingizga keladi. Ular Qur'on haqida so'zlashsa muhabbatidan sizga ham yuqtirayotganini his qilasiz.

P.S.2: Bu subyetkiv kuzatuvlar, ehtimol, biz bilmagan ko'p narsalar bor yana...

#insights va #تدبرات birlashganda…

Oxirgi paytlar, darslardan, hikmatlardan, ustozlar nasihatidan olingan katta ochilish - duo qila olish ham bir ilm.

- Nimani so’rash
- Qanday so’rash
- Qay holda so’rash
- va eng muhimi, duoning mag’zini anglash…

Solihlar, anbiyolar misolida , zotan.

Amaliy foyda uchun:
1. https://t.me/weareululalbab.
2. https://t.me/weareululalbab.
3. https://t.me/weareululalbab
4. https://t.me/weareululalbab.
5. https://youtu.be/gchXlC_dr5Y?si=k6J3Qm3nzI-D-jD1 (aslida ancha chuqur hikmatlardan, ustoz bilan o’rganishga ehtiyoj bo’lishi ham mumkin).

Rosulullohni ﷺ tushimda ko’rdim…

Shu kabi xabarlarni eshitganingizda, faqatgina hissiyotlarga berilmasdan, amaliy chora haqida ham hech o’ylab ko’rganmisiz? Ya’ni, “men ham shunday ne’matga loyiq bo’lish uchun nima qildim?”, deb savol berdingizmi hech?

Ulamolar ta’kidlashicha, shu muhabbatni uyg’otuvchi va ixlos ila mutolaada bardavom bo’lgan insonga shunday muborak tush ko’rish nasib qiladi, deya ta’rif berilgan xos kitoblar bor.

Shulardan eng mashhurlari va ko’p tavsiya beriladiganlari:
- “Riyozus solihiyn”
- “Shamoilul Muhammadiyya”
- “Shifo”
- va yana ko’plab rabboniy ulamolar tomonidan ta’lif etilgan siyrat kitoblari.

P.S.: “Shifo” asarining yana https://t.me/qamarbooks Rabiul avval oyiga chinakam tuhfa bo’libdi. Ustozlar bilan o’qish va fahmiga yetish nasib qilsin.

Bitmas sog’inchlar malhami….

Bu sog’inch, bu g’am, bu mahzunlik bitmaydi, zotan, shunisi bilan go’zal ham.

Lekin malham bo’la oladigan go’zal manbaalar bor - muattar hadislar, siyrat, salovotlar.

Kirib kelgan Robiul avval oyi esa aynan shu muhabbat yana ham jo’sh uradigan, u zot ﷺ ga bo’lgan ehtirom, ta’ziym izhor etiladigan oydir.

#amaliy vazifa uchun:
- siyratni/hadislarni o’rganish va https://t.me/arabicuz maslahat beriladi.

https://youtu.be/U_msvEWsRbE?si=eXJSrNHFI4pqfPMy?

"O'qishga arziydimi?" #insights

Oxirgi paytlar kashf qilganim muhim bir xislat - G'arb olamining "self-development" kitoblarini Islom prizmasi ila o'qiy olish.

To'xtang-to'xtang, ular targ'ib qilayotgan "ertaroq tur, samarador bo'l, vaqtingni qadrla"larni biz asrlar avval bilib bo'lganmiz deyishga shoshilmang (men kabi).

Keling, musulmon yoshlarining (aksar) qismiga bir nazar solaylik - maqsadsizlik, himmatsizlik, ummatga xizmat bir chetda tursin, o'z kun tartibini to'g'irlay olmaslik va shu kabi maishiy masalalar bilan o'ralashib qolganmiz.

"Self-development" kitoblarda esa aynan mana shu zamonaviy dunyoning zamonaviy yechimlari taqdim etilgan. Oson yechimlar, tizimli yondashuv va eng muhimi ilmiy tadqiqotlarga asoslangan. (Ba'zilarini o'qib "koshki shuni musulmonlar yozganda edi", deb yuboradi inson).

Islom prizmasi ila o'qish nima?
Qadriyatlarimizga asoslangan holda, manfaatlisini olib, zid kelgan o'rinlarda Islomiy ta'limotlarni ustun qo'yamiz.

Hammasi ham birdek manfaatli emas-ku?
To'g'ri, kitoblarning barchasi ham "must-read" bo'lmasligi tabiiy, orasida "overhyped" kitoblar ham bor.
Lekin Atomic habits, Mindset, Deep work, Why we sleep va yana shu kabi kitoblarning amalda qo'llash ila hayot sifatini sezilarli darajada oshirish mumkin, Allohning izni bilan.

Manfaatli ilm niyati bilan boshlang, amaliga qasd ila o'qing.

#ibrat

Bu insonlarni tanishimiz shart!
https://t.me/weareululalbab namoyondalari:

Doktor Zakiy Usmon - ( 2 yoshligida oyoqlari falaj, ikki ko'zi ojiz bo'lib qolgan hofiz, mufassir, voiz) Azharga o'qishga qabul qilingandan keyin, o'qishga qatnashga yechim qidirdi. Oilasi baland binoning 4-qavatida yashagani bois chiqib tushish muammo tug'dirgan. Otasi bu ishga yechim topib, birinchi qavatda pillapog'ona ostiga bo'yra solib, biroz yegulik va zarur narsalarini olib tushib, o'g'liga joy qilib berdi. Usmon darsga qabul qilinganidan hursand bo'lib, darsga borish uchun shu joyda yashashga ham rozi bo'ldi.

Shayxa Rizo Sarhon - (ko'zi ojiz qoriya, tahfizul Qur'on markazi ustozasi) 6 yoshida Qur'on yodlashning yo'llarini qidirib, o'z ziraklarini sotib, magnitafon va tilovatlar yozilgan tasmalarni sotib oladi. Ko'zi ojizligi holida ham Allohning qadariga rozilik ila shunday deydi: "Odamlar mendagi ne'matlarni bilganlarida edi, menga hasad qilgan bo'lishar edi".

Imom Zamaxshariy - (oyog'i qattiq sovuqda qolib ketib kesilgan bir umr yog'och oyoqda yurgan balog'at ilmi olimi, "Al-Kashshof" tafsiri sohibi) Safar qiyinchiliklariga qaramay, Xorazmdan Xuroson, Shom, Bog'dod va Makkaga shaharlariga ilm izlab safar qiladi. Arablar u zotni ta'riflab "Mana shu oqsoq bo'lmaganda, arab tilini bilmay o'tib ketar edik", deyishadi.

Shayx Abdulbosit Xoshim - (ko'zi ojiz qori, o'n xil kubro qiroatlarda oliy sanad egalaridan biri) 6 kunlik chaqaloq paytidan yetim qolgan. Shayx talabalik chog'idagi qiyinchiliklarni shunday eslaydi: "Talabalik paytimda juda ko'p mashqqatlarga duch kelganman. Ba'zan yo'qchilik tufayli axlat titib, non topib, o'shani yuvib yegan paytlarim ham bo'lgan". Shayxning moxirligi, ovozi va o'qish uslubi mashhur qori Abdulbosit Abdussomdaga o'xshagani uchun "Kichik Abdulbosit" deb nom chiqarganlar.

Hali ham ilm olishga uzrli bahonam bor deb o'ylaysizmi?!

38. Ey iymon kеltirganlar! Sizga nima bo‘ldiki, Allohning yo‘lida qo‘zg‘oling dеyilsa, yerga yopishib oldingiz. Yoki oxiratni qo‘yib, hayoti dunyoga rozi bo‘ldingizmi? Oxirat oldida bu hayoti dunyo juda oz-ku?!

Kim nima desa desin-u, bu tilovatlarni hech narsaga almashmagan bo'lardim. Eng nodir va qalblarning tubigacha yetib boradiganlaridan.

Hoziroq quloqchinlarni olib, qalbingiz ila tinglang: https://youtu.be/UZ50gdaS-5A?si=bQBA95UbkY3zdCmi

#تدبرات

Shu paytgacha eshitganim eng og’ir savollardan: “ … (ne’matga) qanday erishdingiz?”

Qalbni bir zumni o’zida ham (ne’matning hisobidan) xavf, ham (cheksiz fazlu-marhamatga) quvonch, (nuqson-kamchiliklarga qaramay ato etilganiga) hamd, (mahrum etilishdan) qo’rquv egallaydi.

Hissiyotlar qurshovidan javobga til bormay qoladi.

و لله الحمد

Ustozlar #ibrat idan olingan #insights

Havas qilganim insonlarning barchalarida shu xislatlarni topdim:

- dunyo/oxiratiga foydali ishda yetarlicha haris bo'lolish;
- maishiy muammo/tashvishlardan ortib ulug' maqsadlar tomon intilish;
- nafsidan orttirib boshqalarga ham xizmat qilolish;
- yangi qiyinchilik/fikr/tanqidni ochiq fikr va to'g'ri yondashuv ila qabul qilolish;
- (avvalgisining mantiqiy davomi) doimo ilmga, o'z ustida ishlashga intilish;
- va deyarli barchalarida, mulohazalarini doimiy yozib yurish (odatda blog yuritish orqali, lekin istisnolar ham bor).

Shu xislatlar ularning kuchli shaxsiyati ortidagi eng muhim faktorlardan ekanligi ko'rinib turadi.

Aksincha, zaif shaxsiyatlarda esa aynan shular yetishmaydi odatda.