Икки Нур | Ҳаж ва Умра

🚫Ҳаёти давомида бир марта ширк қилган инсон тавбасиз ўлса, агар: Аллоҳ абадул-абад жаҳаннам оловида ёқади, жаҳаннамда қайнаётган сувларда суғоради, жаҳаннамдаги заққум мевасидан едиради, ҳаттоки унинг тиконлари ҳалқумига қадалиб, аламли азоб беради, жаҳаннам аҳлининг фаржларидан оқиб турган йирингларни ичиради.

🚫Бутун умрлар ширк қилишлар билан тугаб кетди.
Эй халқим, кўзингни оч!
Бир умр бизларни зиёратгоҳлардан сўрашга ўргатиб, уни ибодат деб уқтирилди.

🔴«Пирлар, авлиёлар руҳи уради», деб қўрқитилди.
Мана натижа: Аллоҳнинг уйида туриб ҳам ширк излаб чиқиб кетади бизнинг халқимиз.
Қаердан бўлмасин ширк, бидъатларни ўйлаб топади халқимиз.
Илм эшиклари, жаннат эшиклари турганда жаҳаннам эшикларини қидириб юради халқимиз.
Тупроқдан, девордан, масжид устунларидан, эшикларидан, каптардан қолган дондан мадад сўраб юради халқимиз.

🔴Ҳар бир қилинаётган ширкка динларини бузганлар — сиз шериксиз!
Ҳар бир оғиздан чиқаётган ширкий, куфр калималарига сизлар, эй қабрни улуғлашга чақириб, инсонларнинг эътиқодини бузганлар — уларга шериксиз энди!
Ҳатто ўлиб кетсангиз ҳам, қабрингизга қиёматгача сизга эргашганларнинг ширклари алангаси етиб бориб, қабрларингиз ўтга тўлади.

🔴Динни билиб туриб ҳақни — Аллоҳнинг каломини ўзгартириб, тирик Аллоҳдан эмас, ўликлардан тиланишни ўргатганлар — Макка-Мадинада бўлаётган ширкларга сиз шериксиз!
Аллоҳнинг динини қўйиб, Макка мушрикларидай санамларга сиғинаётган халқнинг залолатига сиз шериксиз!

🔴Қабр олдида мотивация олаётганлар, сизларга жаҳаннам «хушхабари» келди. Халқини муртад қилаётганларга дўзах «хушхабари» келди.

🔴Устунларга қараб дуо қилувчиларни, тупроқни чўнтагига солиб кўтариб кетувчи жоҳилларнинг ҳамма амалига уларга ўша амални ибодат деб ўргатганлар — шериксизлар!
Арафот тупроғини бошидан сочиб ўтирибди ўзбек миллати бугун — уларнинг ҳар бирининг гуноҳига, маъсиятига, азобига тенг шериксизлар энди!

➖رَبَّنَا هَٰؤُلَاءِ أَضَلُّونَا فَآتِهِمْ عَذَابًا ضِعْفًا مِّنَ النَّارِ ۖ قَالَ لِكُلٍّ ضِعْفٌ وَلَٰكِن لَّا تَعْلَمُونَ➖

«Мана шулар адаштирди бизни, уларга дўзахдан икки баравар азоб бер» дейилганда, Аллоҳ тарафидан уларга:
«Ҳар бирингиз учун дўзахда икки баравар азоб бор», дейилади.

🔵 Икки Нур | Ҳаж ва Умра

🔴Арофатдаги ширклар🔴

🚫Таржимаси:
Эй инсонлар, бу ҳаром! Бу оддий тош, сизларга ҳеч нарсада ёрдам бермайди. Агар ҳозирги кунда Расулуллоҳ соллаллоҳу алайҳи ва саллам келиб мана шу қилаётганингизни кўрганларида, ҳаммангиздан ғазабланган бўлар эдилар. Аллоҳга қасам ичиб айтаманки, Пайғамбаримиз Муҳаммад соллаллоҳу алайҳи ва саллам ғазабланган бўлар эдилар бу ҳолатни кўриб. Ҳаммангиз ширк қиляпсиз. Уят сизларга, уят! Биз бу тошлардан сўрамаймиз, фақат Аллоҳдан сўраймиз. Ҳаммангизга бу нарсани етказяпман. Уялмайсизларми???

🔴🔴🔴

Илмсиз, жоҳил инсонлар дунёни ширк ва бидъат ботқоғига тўлдириб юбормоқда. Умра сафарига элликбоши номи билан олиб келаётган кимсаларнинг аксари жоҳиллардир. Улар Каъбани зиёрат қилишга келганларни Арофат, Муздалифага олиб бориб: «Дуо қилиш яхши амаллардан», — деб, бечора оми халқни ширк эшикларига, жаҳаннам эшикларига йўллашмоқда.

🚫Инсонлар Арофатга фақат Зулҳижжанинг 9-куни чиқишлари шарт!
🚫Бошқа вақтда у ерга чиқиш — бидъат. У ердаги устунларга суркалиб дуо қилиш — Ислом миллатидан чиқарувчи катта ширкдир!

🔴Эй инсонлар!
Мол-дунё учун ҳар қандай ишдан тўхтай олмаётган Ҳожибоши, элликбошилар! Аллоҳнинг динини ўзартирасизми❓
Аллоҳнинг динига туҳмат қиласизми❓
Аллоҳдан берилаётган ризқингизни ҳаром қиласизми❓

Бугунги кунда Арофат тоғига ўзбеклар тўлиб кетган. Ҳаммаси: «Муқаддас жойда дуоларим ижобат бўлади», — деб, у ердаги тоғу тошга юзини суриб, тупроғидан табаррук учун олиб қайтишяпти.
Аллоҳдан сўраш ўрнига тупроқдан сўрайсизларми❓
Аллоҳнинг фазли-марҳамати билан Унинг уйида меҳмон бўлиб туриб ҳам У Зотга ширк қиласизларми❓

Каъба — муқаддас жой, ўша ердан чиқмай дуода бўлинг! Аллоҳнинг балоси бошингизга ёғилмасдан тўхтанг! Арофат, Мино, Муздалифага бориб зиёрат қилинмайди! У ерларга йилда бир марта — Пайғамбаримиз борган куни борилади.

🔴Эй инсонлар, кўзингизни очинглар!
🚫Жоҳил элликбошилар ўзидан тўқиб айтаётган ҳадисларга ишониб, Маккадан покланиб қайтиш ўрнига мушриклардан бўлиб қайтманглар.
🚫Умрага расмга тушиб, ширк ва бидъат қилгани боргандан кўра, уйингизнинг ичида истиғфор айтиб, йиғлаб ўтиринг — шунда нажот топасиз!

🚫Ширк қилишдан тўхтанглар!🚫

🔵 Икки Нур | Ҳаж ва Умра

🌴Сизда неъматлар кўпми ёки мусибатларми?!

🌴Шукр қилинг.
Аллоҳнинг ҳудудларини сақланг.

🕋 Муқаддас диёрга одоб-ахлоқли бўлиб келинг!

https://t.me/ikkinur_hajvaumra

🚶🤲🕋🤲

Роббим, уйингни соғиндим...

Сен томон келмоқдаман,
Нажотингни сўраб келмоқдаман.
Дунё гўзаллигини ортда қолдириб,
Охиратнинг гўзал ҳаётини сўраб келмоқдаман.

Лаббайкаллоҳумма лаббайк...

🔵 Икки Нур | Ҳаж ва Умра

✨ Икки Ҳарамдаги энг катта хатолардан бири...

Кўпинча бу муборак масканларда юрганимизда азон айтилаётган вақтда сўзлашиб ўтиришга гувоҳ бўламиз. Ваҳоланки, бу жуда катта беэътиборликдир!

🕋 Сиз Аллоҳнинг меҳмонисиз!
Бутун умрингиз давомида сизга беҳисоб яхшиликлар берган Зотнинг уйига меҳмон бўлиб келибсизми, энди ўзингиздан ҳам у Зотга гўзал одоб ва итоат кўрсатинг!

🔖Жобир ибн Абдуллоҳ розияллоҳу анҳудан ривоят қилинади. Расулуллоҳ соллаллоҳу алайҳи ва саллам айтдилар:
«Ким азонни эшитганидан сўнг ушбу дуони ўқиса, Қиёмат кунида унга менинг шафоатим ҳалол бўлади.»
🪶(Имом Бухорий ривояти)

✅️Азондан кейин ўқиладиган дуо:
👉Арабча матни:
«اللَّهُمَّ رَبَّ هَذِهِ الدَّعْوَةِ التَّامَّةِ، وَالصَّلاَةِ الْقَائِمَةِ، آتِ مُحَمَّدًا الْوَسِيلَةَ وَالْفَضِيلَةَ، وَابْعَثْهُ مَقَامًا مَحْمُودًا الَّذِي وَعَدْتَهُ»

👉Ўқилиши:
«Аллоҳумма Робба ҳазиҳид-даъватит-таммати вас-солатил-қоимаҳ, аати Муҳаммаданил-васийлата вал-фазийлаҳ, вабъасҳу мақомам-маҳмуданиллазий ваъадтаҳ».

👉Маъноси:
«Эй ушбу мукаммал даъватнинг ва ўқиладиган намознинг Парвардигори бўлмиш Аллоҳим! Муҳаммад алайҳиссаломга васила (жаннатдаги энг олий мақом) ва фазилат бергин. Уни Ўзинг ваъда қилган мақтовли мақомда қайта тирилтиргин!»

⭐️⭐️⭐️⭐️⭐️

🌺Аллоҳ таоло бизни ҳам, сизни ҳам Ўзи яхши кўрган ва рози бўладиган гўзал амалларга муваффақ қилсин!

🔱

📖 АЁЛЛАР УЧУН МАДИНА шаҳрида жойлашган марказлар!
(Араб тили ва шаръий билимлар ўргатади, бепул)

✅Саудияга тур виза ёки бизнес виза орқали келганлар ўқишлари мумкин.

🌹Марказларга бориб, тафсилотларини билиб оласизлар!

🌹

➡️Марказ Тоййиба
https://maps.app.goo.gl/bNRtnVtHM5uVWQLb9

➡️Марказ Мишқот
https://goo.gl/maps/uDgBNKktvNkxdpdV9

➡️Марказ Манар Ал Магрифа (Ухуд)
https://maps.app.goo.gl/u3JBNvzA1ycgE3DD6

➡️Марказ Зикра
https://maps.google.com/?q=24.454744,39.580360

⭐️⭐️⭐️⭐️⭐️

🕋📿📿

🔵Ибодатни илм билан қилинг.

🔵Ҳарамда сизга берилган имкониятлардан фойдаланинг!

🔵

🕋 Макка Ҳарамининг энг гўзал қулайликлардан бири — ибодатдан сўнг сизни меҳмонхонангизга етказиб қўювчи автобуслардир.

🔘Ҳарамнинг энг гўзал неъматларидан бири — чарчаган оёқларингиз Раҳмоннинг уйига талпиниб, сўнг меҳмонхона томон йўл олганида, сизга хизматга шай турган бепул автобуслардир.

🫀Саждадан сокинлик топган қалб билан, Аллоҳнинг меҳмони бўлиш бахтини туйиб, манзилингизга оҳиста қайтасиз... Бу шунчаки қулайлик эмас, бу Рoббимизнинг Ўз меҳмонларига кўрсатган чексиз ғамхўрлигидир!

🔱

📎Макка Ҳарамидаги назоратчилардан бири айтади:
«Тавоф вақтида бир аёл баланд овозда кулиб гаплашаётгани қулоғимга эшитилди. Қарасам, ўзига оро берган, бўяниб, зийнатли кийимлар кийган бир қиз экан. Унга қараб:

— “Синглим Аллоҳдан қўрққин, устингдаги ҳижоб шариат буюргандай ҳижоб эмас, яна уни устига Каъба атрофида тавофда кулиб овозингни кўтарасанми? Қара, қанча эркакларни сенга кўзи тушаяптиʼʼ, дедим, у эса менга:
— “Эй шейх, мен истаганимни қиламан, ишингиз бўлмасинʼʼ, деди.
— “Сен ўлимдан қўрқмайсанми?ʼʼ дедим.
У эса сўзларимни масхара қилиб:
— Ўлимга айтиб қўйинг, мени 9-эшик олдида кутиб турсинʼʼ, деганини эшитиб юрагим қўрқувдан титраб кетди, Аллоҳдан паноҳ сўраб, бошқа гапирмасдан ортимга қайтдим.

📎Ҳожиларни Сафо-Марвада тартиблаш билан шуғулланиб, иш вақтим тугагач, шеригим билан ташқарида бир қадах қаҳва ичиб бўлиб, Ҳарамга 9-эшик орқали кириб кетаётганимизда, эшик олдида шовқин тумонат одам тўпланиб олганди. Қарасам ўша қиз эшик тагида аянчли ҳолда ўлиб ётибти».

🎤Эй ўзини «муслима» деб ҳисоблаб, турли-туман гўзал ҳижобларга бурканиб ўзини алдаб юрганлар!

🎤Ижтимоий тармоқда  ўзини «реклама» қилаётган аёллар, фалон-фалон «ДОМЛА»ни аёли бўлиб туриб, барча эркакларникидай бўлиб, экран бўшатмаётган «МАШҲУР ЮЛДУЗЧАЛАР!»

⏰Ўлим сиздан бир қадам нарида турганини, сизни жон томирингизни суғуриб олишга шай турганини унутманг! Ибодат ниятида муқаддас тупроқни босганда ҳам ўзингизни мақтаб, даюс жуфтингизга суяниб туриб, дуолар қилиб, суратга тушмай туринг. Ўлим сиз томон қадам қўйган бўлиши мумкин. Сизни огоҳ этган овоз Аллоҳнинг охирги эслатувчиси бўлиши мумкин, кибр қилиб “осмонлардаги ойманʼʼ деб ўйламанг.

⛔️Аллоҳга тавбага улгурмай, ҳатто тавоф қилаётган жойингиздан ҳам ўлим сизни хор қилиб, қабрга ташлайди. Қимматбаҳо кийимлар кафанга, макияжли юзлар тупроққа ўралади.

⛔️Аллоҳ Қиёмат куни энг
БИРИНЧИ бўлиб РИЁКОР ОЛИМНИ юзи билан ЖАҲАННАМГА улоқтиради.

⛔️Муқаддас заминни кир суратларингиз, нопок қадамларингиз билан булғаманг. Аллоҳ ҳар сонияда бўғзингиздан жонингизни суғуриб олишга қодир Зотдир!

🔴КАЪБАГА  МАҚТАНИШГА ЭМАС — ГУНОҲЛАРДАН ТАВБАГА КЕЛИНГ!

🔱

📄 МАСЖИДУЛ ҲАРАМДА СУТРА ҚУЛАЙЛИГИ ВА МУҲИМ ОДОБЛАР

⚡️ https://t.me/ikkinur_hajvaumra

📄Масжидул Ҳарамда саломатлигингиз ёмонлашса: Қаерга ва кимга мурожаат қилиш керак?

⚡️ https://t.me/ikkinur_hajvaumra

🕋🕋
🕋🕋 Макка шаҳрида яшовчи, доимий иқомага эга бўлган ва шаръий илмларини оширишни истаган муҳтарама опа-сингиллар диққатига!

🌱🌱ХУШХАБАР!

🕋 Аллоҳнинг меҳмонларига хизмат қилиш ва кўнгилли фаолиятда иштирок этишни истаган аёл-қизлар учун!

«Байтуллоҳ зиёратчи аёллар уюшмаси» томонидан «Макка барча тилларда сўзлайди» номли ўқув дастурининг 4-мавсумига қабул бошланди.

Ушбу бепул ўқув дастури Аллоҳнинг меҳмонларига юқори савияда хизмат кўрсатиш учун кўнгиллиларни тайёрлашга қаратилган.

✍️Дастур давомийлиги:
• 3 ой
• Жами 160 соат

📍Дарслар шакли:
Эрталабги вақтда, уюшма биносида офлайн (ҳозирги иштирок билан) ўтказилади.

🌟 Дастур афзалликлари:
• Ҳаж ва Умра вазирлиги томонидан тасдиқланган иштирок сертификати.
• Молиявий рағбатлантириш (мукофотлар).
• Аллоҳнинг меҳмонларига хизмат қилиш дастурларида иштирок этиш учун устувор тарзда номзод сифатида кўриб чиқилиш.

📌Қабул шартлари:
• Макка шаҳрида яшаши.
• Саудия Арабистонида амал қилаётган доимий иқома (яшаш рухсатномаси)га эга бўлиши.
• Араб тилини яхши билиши ва мулоқот қила олиши.
• Шаръий илмларни ўрганишга қизиқиши ва дастурда мунтазам иштирок этиши.

🖋Рўйхатдан ўтиш ва қабул шартлари билан танишиш учун:
https://forms.gle/z9SFSRrSWan5hux7A

📌Уюшма манзили:
https://g.co/kgs/7RffJqk

🎀🎀🎀

🔱 Икки Нур | Ҳаж ва Умра

🕋 Ҳарамда кенг тарқалган 20 та хато.

Қуръон, суннат ва уламолар сўзлари асосида🔽

Аллоҳ таоло:
«Расул сизларга нима берса, уни олинглар, нимадан қайтарса, ундан қайтинглар».
деди. (Ҳашр, 7)

Расулуллоҳ ﷺ дедилар:
«Мендан ҳаж маносикларингизни (ибодатингларни кўринишини) ўрганинглар.»
(Муслим)

Шунинг учун Ҳарамдаги ҳар бир ибодат Расулуллоҳ ﷺнинг суннатларига мувофиқ бўлиши лозим.

1. Каъба деворлари ва кисвасини силаб барака излаш.

⏺Бу суннат эмас.

2. Мақоми Иброҳимни ушлаш, ўпиш ёки юзга суртиб барака хосил бўлади деб ўйлаш:

⏺Жоиз эмас.

Буюрилган амал — унинг ортида икки ракъат намоз ўқишдир. Мақоми Иброҳимни ўраб қўйилган тошни атрофида тирбандлик ҳосил қилиб, уни силаб ўпиб, ундан барака талаб қилишлик бу ширк амалларидан бўлади. Каъбага ибодат қилгани келиб, ширк амалини қилиб кетиш нақадар аянчли.

3. Каъбанинг барча рукнларини силаш.

⏺Фақат Қора тош силанади, имкон бўлса ўпилади. Яман рукнига эса имконият бўлса қўл теккизилади. Ким унга қўл теккизса, гуноҳлари кечирилади дейилган, лекин суннат амал, вожиб эмас.

4. Ҳажарул Асвадга етиш учун мусулмонларга озор бериш.

⏺Озор бериш ҳаром, истилом эса суннат.
Демак, ушламасангиз гуноҳкор бўлмайсиз. Чунки бу суннат, имкон бўлса қилинади. Озор берсангиз эса масжид худудида ҳаром бўлган озор амалини қилган бўласиз.

5. Ҳар бир шавт (айланиш) учун махсус дуоларни вожиб деб ҳисоблаш.

⏺Бундай дуолар Расулуллоҳ ﷺдан собит бўлмаган.

6. Жамоа бўлиб баланд овозда дуо қилиш.

⏺Бу тавоф қилувчиларга халақит беради.

7. Тавоф пайтида суратга тушиш ва видео билан машғул бўлиш.

⏺Бу ихлосга ва хушуъга зарар етказади.

8. Каъбага юз ёки қоринни босиб дуо қилиш.

⏺Бу ҳақда саҳиҳ далил йўқ.

9. Кисвадан ип, мато ёки бошқа нарсаларни олиб, барака излаш ёки Каъбага кийим кўтариб келиб, тавофда бирга олиб юриб, уни баракали бўлди деб эътиқод қилиш.

⏺Бу жоиз эмас.

10. Каъба деворига ёзиш ёки унга қоғоз илиш.

11. Замзам сувини деворларга сепиш.

12. Замзамда таҳорат қиламан деб одамлар ўтадиган йўлларни сирпанчиқ қилиб сув тўкиш.

13. Намоз ўқиётганларнинг олдидан ўтиш. Намозда икки кишини ўрнини эгаллаб бошқага жой бермай ўтириш.

14. Сафларни кесиб ўтиш ва туртишиш.

15. Ҳарамда овозни кераксиз баланд қилиш ва бекорчи гаплар гаплашиб ўтириш.

16. Дуони фақат Каъбага тегиб қилинса қабул бўлади деб эътиқод қилиш.

17. Аёлларнинг эркаклар орасига кириб Қора тошга интилиши.

18. Суннат амал деб билмаган нарсаларни ибодат қилиш.

19. Бидъат амалларни “ҳамма қилаяпти” деб оқлаш.

20. «Масжидул ҳарамда ухласа таҳорат кетмайди» деб гумон қилиш ёки суп пуркавчи нарсалардан фойдаланиб таҳорат қилиш.

«Расулуллоҳ ﷺ қилмаган ҳар қандай ибодат, агар уни қилишга сабаб ҳам, имконият ҳам бўлган бўлса ҳам, бидъатдир.»

———-

👉Мултазам — Қора тош билан Каъбанинг эшиги орасидаги жойдир.

👉Мултазам олдида дуо қилиш масаласида уламолар ўртасида ихтилоф бор.

1. Мултазамга ёпишиб дуо қилиш жоизми?

Кўпчилик муҳаддис ва фуқаҳолар буни жоиз деб айтганлар, чунки бу ҳақда баъзи саҳобалардан ривоятлар келган. Лекин бу ривоятлар Расулуллоҳ ﷺдан саҳиҳ даражада собит бўлмаган.

Абдуллоҳ ибн Аббос ва бошқа баъзи саҳобалардан Мултазамга ёпишиб дуо қилганлари ривоят қилинган.

2. Бу суннати муаккада эмас.
«Агар киши Мултазамга келиб, кўксини, юзини ва қўлларини қўйиб Аллоҳга дуо қилса, бу жоиздир. Бу ҳақда саҳобалардан ривоятлар келган.

3. Аммо одамларга озор бериш мумкин эмас.

«Мултазамга ёпишишда одамларга озор етказилмаса, бунинг зарари йўқ. Аммо тирбандлик бўлса, мусулмонларни сиқиб, озор бермаслик керак. Чунки озор бериш ҳаром, Мултазамга ёпишиш эса вожиб ҳам, суннати муаккада ҳам эмас.»

Энг афзал ибодат — Расулуллоҳ ﷺга эргашишдир. Каъбани улуғлаш дегани унга тегиниш ёки уни силаш эмас, балки Аллоҳ ва Расули ﷺ буюрганидек ибодат қилишдир.

Расулуллоҳ ﷺ дедилар:
«Ким бизнинг динимизда ундан бўлмаган нарсани киритса, у рад қилингандир.»
(Бухорий ва Муслим)

🔱 Икки Нур | Ҳаж ва Умра

🕋🕋

🟰Умра ёки Ҳаж ибодатини ният қилган бирор инсонга Мийқотдан эҳром ниятисиз ўтиб кетиш жоиз эмас.

🟰Узрли аёл ҳам Мийқотда ҳудди пок холатдаги аёлларни амалини қилади, яъни ғусл қилиб, эҳром кийимини кийиб:
«Лаббайка Аллоҳумма умро», деб Мийқотдан ният қилиб ўтади, ҳамда узрлиги тугагунча эҳром ҳолатда бўлиб, эҳромни бузувчи амаллардан сақланади.

🟰Узрлиги тугагач ғусл қилиб, покиза кийим кийиб, Умра ибодатини бажаргани Масжидул Ҳаромга бориб, тавоф, саъй қилиб сочидан кесади ва шу билан умра ибодати тугайди.

✅️Агар аёл киши пок бўлсаю йўлда узрлиги келишидан гумон қилса, унда Мийқотда эҳромни ШАРТЛИ ният қилади.

✅️Агар ШАРТли ният қилгач йўлда узрлиги келса, ўша вақтдан эҳромдан чиққан ҳисобланади ва узри тугагач ғусл қилиб, Танъим масжидидан бошқатдан эҳромни ният қилиб, Умра ибодатини бажаради.

🔖Шартли ниятни лафзи:
«فَإِنْ حَبَسَنِي حَابِسٌ فَمَحِلِّي حَيْثُ حَبَسْتَنِي.»

🔖Ўқилиши:
«Лаббайка Аллоҳумма умро, фаин ҳабасани ҳабисун фа маҳиллий ҳайсу ҳабастани».

🔖Маъноси:
«Агар йўлда ибодатимни бажаришга бирор тўсиқ, моънелик чиқса, ўша жойда эҳромдан чиқаман».

🔱 Икки Нур | Ҳаж ва Умра