Мансур ЖУМАЕВ шеърлари

#olis_yaqin_ovozlar

ONA TILIM

Odam soʻramasa, hayot tutmas bol,
Ot chopmasa, shamol oʻpmas yolini.
Bir bor koʻrganmisiz tildan qolgan chol
Va tili chiqmagan goʻdak holini?

Til bilan tirikdir yer uzra har kim,
Uningsiz vujudga baxt ham sigʻmaydi.
Tildan qolgan bobo ingraydi sim-sim
Va tili chiqmagan goʻdak yigʻlaydi.

Oynaga toʻsh urgan notavon qushday,
Bezabon el chiqmas ozod hovliga.
Yo tildan qolgan chol holiga tushgay,
Yo tili chiqmagan goʻdak holiga.

Mening ona tilim, sen sabab izhor
Qiloldim sevgimni — uygʻoq nafasman:
Demak, tildan qolgan cholmasman zinhor,
Yo tili chiqmagan goʻdak emasman!

Mansur Jumayev

Yoshlikjurnali.uz
@yoshlikjurnali

*
Титрадим самовот тузган тадбирдан,
Унут туйғуларим барг ёзди бирдан.
Кўкламай бўлурми, ўсмай бўлурми,
Ҳаёт иси келиб турса ёмғирдан?!

*
Titradim samovot tuzgan tadbirdan,
Unut tuyg'ularim barg yozdi birdan.
Ko'klamay bo'lurmi, o'smay bo'lurmi,
Hayot isi kelib tursa yomg'irdan?!

@Mansur_Jumayev

O‘zimni unutdim

🎼 Musiqasi: Bahrom Rasulov
✍️ She’ri: Mansur Jumaev

Telegram | Instagram | YouTube

*
Дард бору, дарак йўқ дармонимиздан,
Сўраманг, айтмайлик армонимиздан.
Ё раббий, бизга ғам донин илинма,
Бир капсан шодлик бер хирмонимиздан.

Мансур Жумаев



*
Dard bor-u, darak yo‘q darmonimizdan,
So‘ramang, aytmaylik armonimizdan.
Yo rabbiy, bizga g‘am donin ilinma,
Bir kapsan shodlik ber xirmonimizdan.
Mansur Jumayev

O‘zimni unutdim

🎤 Kuyladi: Anora
🎼 Musiqasi: Bahrom Rasulov
✍️ She’ri: Mansur Jumaev

Telegram | Instagram | YouTube

*
Ўзимни унутиб, чорладим сени,
билмадим бу дунё ўнгимми-ҳушим?
Азизам, кел, менга эслатгин мени,
азизам, кел, мени ёдимга тушир.

Кўнглим синиқларин кўзимдан тергин,
оғриқларим айтиб қўрқит, учунтир;
азизам, кел, мени изоҳлаб бергин,
азизам, кел, мени тушунтир!

Азизам, кел фақат, келсанг бас, тамом,
бус-бутун эгаллаб ол борлиғимни:
бир сен исботлашинг мумкиндир
ҳамон
бу дунёда мен борлигимни.

📝Мансур Жумаев
🎤Эркин Бозоров

Kitob muborak boʻlsin!!!

Men hech narsa deyolmayapman. Hech narsa. Yelkamdagi omonatingizdan biri muxlislaringizga yetib bordi. To abad xizmatingizdaman😢😢😢😢😢❤️❤️

*
Ўзимни унутиб, чорладим сени,
билмадим бу дунё ўнгимми-ҳушим?
Азизам, кел, менга эслатгин мени,
азизам, кел, мени ёдимга тушир.

Кўнглим синиқларин кўзимдан тергин,
оғриқларим айтиб қўрқит, учунтир;
азизам, кел, мени изоҳлаб бергин,
азизам, кел, мени тушунтир!

Азизам, кел фақат, келсанг бас, тамом,
бус-бутун эгаллаб ол борлиғимни:
бир сен исботлашинг мумкиндир
ҳамон
бу дунёда мен борлигимни.

📝Мансур Жумаев
🎤Мурод Абдуллаев

Iqbol akaga katta rahmat!

СУЖУД

Мен сўзга сажда қилдим,
мен сизга сажда қилдим,
қалб қанотин қайирган
бир қизга сажда қилдим...

Кўксим кўкламга ватан,
туроб вужудимга тан,
Ватан сужудимга тан,
танамда томир ёйган
илдизга сажда қилдим.

Тупроқ, менинг онамсан,
титроқ, менинг онамсан,
Ватан, менинг онамдан
кўпроқ менинг онамсан!

Она, азизим ўзинг!
Яна азизим Ўзинг!
Изларингни ўпган ер,
отизга сажда қилдим.

Шароб тутган кўзага
лаб босганча бўсага,
товонингни тусаган
ялпизга сажда қилдим...

Она!
Ватан!
Ёру Ер
ва дилим зиндонида
занжирларин узган шеър,
мен сизга сажда қилдим...
мен сизга сажда қилдим...

Мансур Жумаев

"Esingdami aka, yoz oqshomlari?"

✍Mansur Jumayev
🎤Erkin Bozorov

Dunyoda bir baxtsiz boʻlsa ham hatto,
Baxtliman deyishga boʻlmaydi haqqim.

Mansur Jumayev

Negadir bugun, ayni damda Mansur Jumayev haqida yozgim keldi.
Men Mansur akani hayotda koʻrmagan, sheʼrlari orqali tanigan odamman. Biroq, akaning har satrida, har sheʼrida nimadir bor ediki, men qayta-qayta oʻqirdim, juda mehr qoʻygandim, sheʼriyatning boshqacha yoʻlini koʻrgandim bu sheʼrlarda. Lekin shaxsiyatlari bilan keyin qiziqdim. Bilsam, Mansur aka 2024-yilda vafot etgan ekanlar. Judayam yomon ahvolga tushganman, hali ham xotirimga "Mansur aka yoʻq-da" degan gap kelib qolsa ich-ichimdan toʻkilaman. Kimdir, bularni balandparvoz gaplar der, lekin men Mansur akani xayolan sogʻinaman, gʻoyibona suhbatlashaman.
Tengdoshlari qandaydir davra tuzganda, "Qaqnus" efirlarida, "SOʻZ" loyihasining konsertlarida va hokazo, doim "shu yerda Mansur aka boʻlsaydi, qaniydi hayot boʻlganlarida" degan xayol aylanaveradi ongimda.
Toʻgʻri, men sheʼr yozaman, lekin, ustozim yoʻq. Sheʼriyatda yurish esa ustozsiz boʻlmaydi. Xudo xohlasa ustoz ham toparman. Biroq, agar hayot boʻlsalar, men poytaxt borsam, sheʼrlarimni birinchi Mansur akaga koʻrsatardim. Men u kishini xarakterlarini bilmayman, hamsuhbat boʻlmaganman lekin nimadir iliqlik meni shu tomonga tortib turadi, u inson sheʼrlarimni birma bir oʻqib, maslahatlar berib, taʼbir joiz boʻlsa koʻnglimni sindirmay tanqid qiladigan ustozdek koʻrinadi.
Oldinroq xotiralariga atab filmdek bir koʻrsatuv tayyorlandi. Koʻzimda yosh bilan tomosha qildim. 33 yillik umr shoir uchun oz, biroq bu Xudoning irodasi. Mansur akadan saviya jihatdan ulkan meros qoldi, yuksak sheʼrlar, baland satrlar qoldi. Mening koʻnglimda ham bu insonga boʻlgan mehr hech qachon botmaydigan quyoshdek boʻlib qoldi. Mansur akani Olloh rahmatiga olsin.


https://t.me/Xushnud_BEK1

Ketar bo‘lsam ne g‘am sen bor
Ikki olam aro she'rim.

✍Mansur Jumayev

Turksoy tashkiloti rahbari, yozuvchi Sulton Rayev va Ozarbayjon yozarlar birligi raisi o'rinbosari Salim Babullaoglu o'zbekcha she'r o'qishganda...

*
Юрак зарбин матн қилдим,
Шеърни изҳор хатим қилдим.
Сочларингни ўқиб чиққач,
Кўзларингни хатм қилдим.

Куйса куйсин дил, ғамим йўқ,
Сендан ўзга, бил, ғаним йўқ.
Сени қандай севиб қолдим,
Худо ҳаққи, билганим йўқ!

✍️ Мансур Жумаев

https://www.instagram.com/reel/DVlU2OMCO93/?igsh=M2J0OHU5OGU0bW56

Ismoiliy, katta rahmat!

🎙Алишер Сабрий

ИШҚУЛЛОҲ

Кимсан боқийми, фоний,
ерликми ё осмоний,
ё фиръавни мисрийсан,
ё кисрои эроний,
қайсар руммомидинг ё,
қавми туббомидинг ё,
ё шери турк, ё эй жон,
хулафои мусулмон,
ё ердаги қиролсан,
ё кўкдаги ҳилолсан
нечук санга қул бўлдим,
кошки эди билолсам...
сан ровий, раводирман,
сан чолғу, наводирман
эл бир кун сани ман деб
ўйларми, хавотирман.
Кимсан, сенингми дунё,
несан, сенингми дунё,
ё мен сенинг эдимми,
ё сен менингмидинг ё?!
Қалб деган мулким билан
сафирман силкинг билан;
ризоман, агар роббий
ўлдурса илкинг билан.
Эй ишқи Ҳақ, ишқулло,
маним ошиқлигим, o,
санам сезганмидинг ё,
санам севганмидинг ё?!
Келу ошиқ қошига,
боқмай кўзим ёшига,
сочиб юбор руҳимни
ошиқларнинг бошидан.
Сан қалбимга асиру,
санга асирман асру,
ғарибман дунёсида,
ишқ ичра вале масрур.
Битганим бор хатимми,
ишқ аввалу хатмми
севги билан сийлагай
Тангри муҳаббатимни!

© Мансур ЖУМАЕВ

https://t.me/JaloliddinRumiy

Fatih Sulton Yilmaz Mansur akani hayotda ko'rmagan, suhbatlashmagan, ammo yangi kitobini "Aka"ning pok ruhlariga bag‘ishladilar. O‘tgan yili Yozuvchilar uyushmasiga kelib kitobni menga sovg'a qildilar. Bugun "Turk dunyosi she'r antologiya"sida Mansur Jumayevning qator she'rlarini chop etibdilar.

Bu kutilmagan mujda oilamizga katta quvonch bag‘ishladi. Mansur akani eslaganlarni Xudo har ikki dunyoda aziz, boshlarini baland, yuzlarini yorug‘, umrlarini uzoq qilsin.

Fatih bey va uning jamoasidan, butun Turk xalqidan minnatdormiz. Darhaqiqat, tirik she'rlar, uyg‘oq qalblar bor bo‘lsin.

Navoiyni o‘qi(ma)gan shoirlar – Yoshlar she’riyatida Hazrat obrazi bormi?

Afsuski, bunday baxtga yosh shoirlar tugul, katta avlod vakillarining ham ko‘pi muyassar bo‘lib ulgurmagan.

Batafsil: https://oyina.uz/uz/article/5014

Rasmiy sahifalarimiz👇

Telegram | Instagram | X | YouTubeu


P/s: Hali Navoiyni, Mansur akani ko‘p anlaymiz, ularga ko‘p qaytamiz. Mansur akaning ta'biri bilan aytganda "Qalamingizga qurt tushmasin", Suhrob. Juda xursand bo'ldik. Oyina.uz, "Til va adabiyot ta'limi" jurnali
Xususan, Farruxbek Jabborbek og‘aga tashakkur!!!

***
Koʻzyoshi ham kutmagin
sevinmagan odamdan;
sevgi soʻrma,
sevgilim,
sevilmagan odamdan.

Ishq tilasang har mahal,
oshiq boʻlib soʻragin;
barmoqlaringga mahtal
eshik mening yuragim.

Yoʻling tushgan zamoni,
yoymay ovozasini,
bir yoʻl chertib oʻt, jonim,
qalbim darvozasini.

Faqat bir shart:
chorlasam,
kirsang,
hasrat chekish yoʻq,
bu eshikdan, azizam,
kirish bordir,
chiqish yoʻq!

Mansur Jumayev

@meninghikoyalarim1

Кетар бўлсам не ғам, сен бор –
икки олам аро, шеърим!

Мансур Жумаев

Tojikistonlik aziz birodarlarimizga katta rahmat!
Adabiy do‘stligimiz, qardoshligimiz va ijodiy rishtalarimiz abadiy bo‘lsin! Adabiyot xalqlarimiz qalbini yanada yaqinlashtirsin!

Ба бародарони азизи тоҷикистониамон барои меҳрубонӣ ва дастгирӣ самимона ташаккури зиёд!
Дӯстии адабӣ, бародарӣ ва риштаҳои эҷодии мо абадӣ бод! Бигзор адабиёт дилҳои халқҳои моро боз ҳам ба ҳам наздик созад.

*

Худойим навбати билан жазолар,
Ҳосидни ҳасрати билан жазолар.
Зарра ҳаволанган доно мардини
Нодоннинг суҳбати билан жазолар.
Мансур Жумаев.

*
Xudoyim navbati bilan jazolar,
Hosidni hasrati bilan jazolar.
Zarra havolangan dono mardini
Nodonning suhbati bilan jazolar.

Mansur Jumayev

*
Сабаб кўп бошлайман десанг гар ҳужум,
Лекин ҳар хас учун жон тикма, тушун.
Ўт очсанг арзийди нафсингга фақат,
Курашсанг арзийди комиллик учун.

*
Қонимда тупроқнинг зайли кезади,
Руҳимда осмоннинг майли кезади.
Мажнуний саҳрога айланди кўнглим,
Қачон бу саҳрони Лайли кезади?!

Мансур Жумаев