ҚР Пенсия қоры

🆕 Фуқароларнинг иш стажларини, устамаларини инобатга олиш, пенсияни бошқа манзилга кўчириш каби хизматларда янги қулайликлар яратилмоқда.

✈️ Вазирлар Маҳкамасининг "Фуқароларга давлат пенсияларини тайинлаш бўйича ихчам хизмат кўрсатиш тизимини босқичма-босқич жорий этиш чора-тадбирлари тўғрисида"ги Қарори қабул қилинди.
(2026 йил 19 октябрь, 576-сон.)

Мазкур Қарор билан Вазирлар Маҳкамасининг 592-сон Қарорига фуқароларнинг ижтимоий ҳимоясини кучайтириш ва бошқа қулайликлар яратишга хизмат қилувчи қуйидаги ўзгартиришлар киритилди:

⏩ 2005–2016 йилларда ишлаган фуқаролар бирор ташкилотда ишлаган бўлса ва бу ҳақида меҳнат дафтарчасида ёзувлар мавжуд бўлса, шунингдек, иш берувчи томонидан унинг жамғариб бориладиган пенсия ҳисобварағига календар йил давомида камида бир марта мажбурий бадал ўтказилган бўлса, энди тегишли иш даври архив маълумотномасисиз иш стажига инобатга олинади;

⏩ фуқаронинг 18 ёшгача ногиронлиги бўлган болага қараб турган даврини пенсия ҳисоблашда иш стажи сифатида инобатга олиш учун электрон тиббий хулосанинг ўзи асос ҳисобланади. Энди фуқародан болага қараб турилганлиги тўғрисида ортиқча ҳужжат талаб этилмайди;

⏩ пенсияга қўшиб ҳисобланадиган устама ҳақлардан энг юқори миқдори энди проактив (фуқаро мурожаат қилмаган ҳолда) қўшиб ҳисобланади;

⏩ энди пенсионер яшаш манзили ўзгарган тақдирда исталган Давлат хизматлари маркази орқали ёки my.gov.uz портали орқали онлайн пенсиясини кўчириш учун ариза юбориши мумкин.

Veb-sayt |Telegram | Facebook | Instagram | Youtube

🇺🇿 🇹🇭 Ўзбекистон ва Тайланд Давлат пенсия жамғармалари ўртасида пенсия тизимини ривожлантиришда ҳамкорлик масалалари муҳокама қилинди.

🔵 Халқаро валюта жамғармаси ва Жаҳон банкининг йиллик йиғилиши доирасида Пенсия жамғармаси делегациясининг Тайланд Давлат пенсия жамғармаси (GPF) вакиллари билан учрашуви бўлиб ўтди.

🔵 Учрашувда Пенсия жамғармаси ижро этувчи директорининг ўринбосари Н.Шадиходжаев, Тайланд Давлат пенсия жамғармаси (GPF) Бошқарувчисининг стратегия масалалари бўйича ўринбосари Ман Жуттижудата ҳамда инвестициялар бўйича ўринбосари Пречада Пансинг иштирок этди.

🔵 Ўзаро мулоқот давомида икки давлат пенсия тизимининг ҳозирги ҳолати, жамғариб бориладиган пенсия тизимини ривожлантириш ва бошқариш, пенсия активларини инвестиция қилиш, рискларни бошқариш каби йуналишлар муҳокама қилинди.

🤝 Якунда томонлар мазкур йўналишларда ўзаро тажриба алмашинувини давом эттириш ва жамғариб бориладиган пенсия тизимини бошқаришда кадрлар салоҳиятини ошириш бўйича ҳамкорликни йулга қўйишга келишиб олинди.

Veb-sayt |Telegram | Facebook | Instagram | Youtube

ПЕНСИЯ ИСЛОҲОТЛАРИ: ФУҚАРОЛАР ЎЗ КЕЛАЖАГИДАН ХАВОТИР ОЛМАСЛИГИ ЛОЗИМ

✈️ Пенсия тизимидаги ислоҳотлардан кўзланган мақсад нима? Таклиф этилаётган ўзгаришлар фуқароларнинг келгуси пенсия таъминотига қандай таъсир қилади?

✒️ Ушбу саволларга Пенсия жамғармаси ижро этувчи директори Муродбек Атаджоновнинг "Yuz.uz" сайтида эълон қилинган мақоласида батафсил жавоб берилади.

✈️ Мақолада пенсия тизимини такомиллаштириш, фуқароларнинг меҳнат ҳиссасини пенсияда адолатли акс эттириш, шахсий жамғармаларни ривожлантириш кабилар ҳақида сўз боради.

📖 Ўзбек тилидаги мақолани ушбу ҳавола орқали ўтиб тўлиқ ўқишингиз мумкин.

📖 Шунингдек, мақолани қорақалпоқ тилида ҳам ўқишингиз мумкин.

Veb-sayt |Telegram | Facebook | Instagram | Youtube

🤔 Кўпчилик пенсия ҳақида фақат пенсия ёшига яқинлашганда ўйлайди.

✅ Аслида эса келажакда қанча пенсия олишингиз бугун қабул қилаётган қарорларингизга боғлиқ.

✈️ Расмий ишлаяпсизми?
✈️ Меҳнат шартномангиз расмийлаштирилганми?
✈️ Иш ҳақингизни расмий оляпсизми?

📌 Бу саволларга бугунги жавобингиз эртанги пенсиянгизни белгилайди. Пенсия бир кунда тайинланади. Лекин унинг пойдевори йиллар давомида қурилади.

📺 Бу мавзуда қаҳрамонларимиз Эгривой ва Тўғривойнинг суҳбатини томоша қилинг.

Veb-sayt |Telegram | Facebook | Instagram | Youtube

🧐 "Конверт"даги ойлик бугун фойдали, эртагачи?

Баъзи иш жойларида иш ҳақининг бир қисми расмий, қолган қисми эса "конверт"да берилади.

❎ Диққат қилинг! "Конверт"да берилган иш ҳақи норасмий бўлиб, келажакда пенсия ҳисоблашда инобатга олинмайди.

🔵Бу ҳозир шу шаклда иш ҳақи олиб ишлаётганларга яхши ва жозибадор кўриниши мумкин. Аммо эртага пенсия ҳисобланганда фақат расмий ҳисобланган иш ҳақи инобатга олинади.

☝️Чунки норасмий даромад эртанги пенсиянгизни камайтириши мумкин. Доимо расмий равишда ишлашга ва иш ҳақи олишга ҳаракат қилинг!

Veb-sayt |Telegram | Facebook | Instagram | Youtube

💬 Пенсия таъминотида нималар ўзгармоқда?

❓ Кимларга пенсия аризасиз тайинланади? Ишламаётган оила аъзоси учун стаж тўплаш мумкинми? Пенсия ҳисоблашдаги маълумотларни олдиндан қандай текшириш мумкин?

📄 Президентнинг ПҚ-355-сон Қарори пенсия хизматларида янги имкониятларни назарда тутмоқда:

🔘 айрим пенсияларни проактив шаклда — фуқаронинг алоҳида мурожаатисиз тайинлаш;
🔘 иш стажини тўплаш имкониятларини кенгайтириш;
🔘 “Менинг пенсиям” хизмати орқали маълумотларни олдиндан текшириш;
🔘 қоғоз ҳужжатларга эҳтиёжни камайтириш.

✔️ Қайси ўзгариш қачон кучга кириши ва фуқаролар учун нимани англатишини мақоламизда оддий тилда тушунтирдик.

🇺🇿 Батафсил ўзбек тилида
🇷🇺 Батафсил рус тилида

Veb-sayt |Telegram | Facebook | Instagram | Youtube

➡️ Иш стажи кам бўлган пенсионерлар сони нега кўпаймоқда?

⚠️ Аҳоли ўртасидаги норасмий меҳнат ва ижтимоий солиқ тўламаслик пенсияга бевосита салбий таъсир кўрсатади.

Қонунчиликка кўра, тўлиқ пенсия тайинланиши учун:

🔹 эркакларга — 25 йил;
🔹 аёлларга — 20 йил иш стажи талаб этилади.

Агар фуқаронинг иш стажи белгиланган минимал стаж талабига етмаса, унга мавжуд стажига мутаносиб равишда тўлиқ бўлмаган иш стажи билан пенсия тайинланади.

📊 Рақамларга эътибор беринг:

🔴2010 йилда янги тайинланган пенсиялар орасида тўлиқ иш стажига эга бўлмаганлар улуши 6 фоизни ташкил этган бўлса, 2025 йилда бу кўрсаткич 61 фоизга етган;
🔴 бугун ҳар 3 нафар янги пенсионернинг 2 нафари тўлиқ иш стажисиз пенсияга чиқмоқда;
🔴 умумий пенсионерлар таркибида бундай фуқаролар улуши 2010 йилдаги 3 фоиздан 2025 йилда 39 фоизга кўтарилган;
🔴 пенсионерларнинг 47 фоизи 820 минг сўмдан 1 миллион сўмгача миқдорда пенсия олади.

Мазкур ҳолатнинг асосий сабаблари:

🔴 норасмий ишлаш;
🔴 иш ҳақини «конвертда» олиш;
🔴 ижтимоий солиқ тўланмаслиги;
🔴 меҳнат фаолиятини тасдиқловчи ҳужжатларнинг архивга топширилмаслиги;
🔴 айрим даврларда фуқароларнинг расмий иш билан қамраб олинмагани бўлиб қолмоқда.

☝️Пенсия миқдори расмий иш стажи, иш ҳақи ҳамда тўланган ижтимоий солиққа боғлиқ. Шунинг учун норасмий бандлик фақат бугунги даромад масаласи эмас — у эртанги пенсия миқдорига ҳам таъсир қилади.

Veb-sayt |Telegram | Facebook | Instagram | Youtube

🎙 Брифинг: Пенсия хизматларида янги рақамли имкониятлар: фуқаролар учун қандай қулайликлар яратилади?

Пенсия хизматларини рақамлаштириш доирасида қуйидаги ишлар амалга оширилади:

🔍 2027 йил 1 январдан Пенсия жамғармаси томонидан фуқаролардан қоғоз шаклидаги ҳужжатлар ва маълумотларни қабул қилиш амалиёти бекор қилинади.

🔍 2026 йил 1 ноябрдан ишсиз деб эътироф этилган шахсларга муддатидан олдин тайинланадиган пенсиялар ҳамда 2027 йил 1 январдан боқувчисини йўқотганлик пенсияслари проактив (фуқаролар мурожаат қилмаган) шаклда тайинланади.

🔍 2027 йил 1 январдан фуқаролар “Менинг пенсиям” онлайн хизмати орқали ўз пенсиясига доир муҳим маълумотларни олдиндан кўриб бориш имкониятига эга бўлади.

🔍 Белгиланган муддатларда фуқаролар имтиёзли пенсияга чиқиш, пенсия тўловини нақд пул шаклига ўтказиш, тўхтатиб турилган пенсия тўловини тиклаш, пенсия миқдоридан ушлаб қолинганлагик, ихтиёрий равишда тўланган ижтимоий солиқ тўғрисида ҳамда яшаш манзили ўзгарганда пенсия ҳужжатларини янги манзил бўйича ҳисобга қўйиш каби хизматлардан онлайн фойдаланиш имкониятлари яратилмоқда.

🔍 2026 йил 1 октябрдан фуқаролик-ҳуқуқий шартнома асосида фаолият юритаётган фуқароларга белгиланган миқдорда ижтимоий солиқ тўланган тақдирда, 1 йиллик иш стажи автоматик ҳисобланади.

🔴 Маълумот учун: фуқаронинг фуқаролик-ҳуқуқий шартномалар асосидаги фаолияти бўйича йил давомида тўланган ижтимоий солиқларининг жами миқдори ўзини ўзи банд қилган шахслар учун белгиланган ижтимоий солиқ миқдоридан кам бўлмаса, унга 1 йиллик иш стажи автоматик равишда ҳисобланади.

🔴 Бунда фуқародан қўшимча равишда ижтимоий солиқ тўлаш талаб этилмайди.

🔍 2027 йил 1 январдан расмий даромадга эга бўлган шахс ишламайдиган оила аъзосининг ҳам келажакда иш стажига эга бўлиши учун ихтиёрий равишда ижтимоий солиқ тўлаши мумкин бўлади.

📌Бунда ҳар ойда меҳнатга ҳақ тўлашнинг энг кам миқдорининг 12 фоизи миқдорида ижтимоий солиқ тўловини амалга ошириши керак.

📱 Фуқаро тўланган маблағлар ва шаклланган иш стажини мобил илова ёки шахсий кабинет орқали кузатиб бориш имкониятига эга бўлади.

Veb-sayt |Telegram | Facebook | Instagram | Youtube

✈️ Хусусий ва корпоратив пенсия тизими яратилса, бу фуқарога ва иш берувчига нима беради?

Veb-sayt |Telegram | Facebook | Instagram | Youtube

❓Сизга тўланаётган пенсия пуллари қаердан келишини биласизми?

✔️ Маълумки Ўзбекистонда пенсия тизими ҳозирча солидар, яъни “ишлаётган авлод — пенсионер авлодни молиялаштиради” тамойилига асосланган.

Бугунги ишловчилар ва иш берувчилар томонидан тўланадиган ижтимоий солиқлар ҳисобидан амалдаги пенсионерларга пенсия тўланади.

💬 Ва бу жараёнда фуқароларнинг расмий ишлашни расмийлаштириши, расмий иш ҳақи олиши ва иш берувчилар томонидан ижтимоий солиқларни мунтазам тўлаши катта аҳамиятга эгадир.

➡️ Батафсил маълумот билан видеороликда танишишингиз мумкин.

Veb-sayt |Telegram | Facebook | Instagram | Youtube

🔍 Меҳнат фаолиятингизни текширишни унутманг!

🖥 Ҳар бир расмий иш куни, ҳар бир иш стажи ва ҳар бир тўғри маълумот — келажакдаги муносиб пенсия сари муҳим қадам.

📲 Бугун текширинг — эртанги хотиржамлигингизни таъминланг!

✔️ Шунда пенсия тайинлаш жараёни ҳам проактив тарзда тезкор ва қулай амалга оширилади.

Veb-sayt |Telegram | Facebook | Instagram | Youtube

#ОАВ_биз_ҳақимизда

🎤 Пенсия таъминоти тизимини такомиллаштиришга қаратилган ислоҳотлар юзасидан матбуот анжумани ўтказилди.

Veb-sayt |Telegram | Facebook | Instagram | Youtube

#пенсия_ислоҳоти

❤Пенсия тизимини янада такомиллаштиришга қаратилган Фармон лойиҳасига ўз таклифларингизни қуйидаги телеграм бот орқали ҳам юборишингиз мумкин.

❤ Телеграм бот: @Pensiya_taklif_bot

Veb-sayt |Telegram | Facebook | Instagram | Youtube

🎓 Пенсия ҳақида билим — келажак учун муҳим кўникма

💬 Пенсия тизими қандай ишлайди? Давлат пенсияси қандай шаклланади? Жамғариб бориладиган пенсия нима? Ижтимоий суғурта бизга қачон ва қандай ёрдам беради?

📚 «Аҳоли фаровонлигини таъминлаш ва пенсия таъминоти тизимини ислоҳ қилиш чора-тадбирлари тўғрисида»ги Президент Фармони лойиҳасида 2027/2028-ўқув йилидан бошлаб иқтисодиёт, молия ва ижтимоий таъминот йўналишларида таҳсил олаётган ёшлар учун:
🔵 давлат пенсия тизими;
🔵 жамғариб бориладиган пенсия тизими;
🔵 ижтимоий суғурта асослари
бўйича махсус ўқув модулларини босқичма-босқич жорий этиш таклиф этилмоқда.

🔖 Мазкур йўналишдаги ишларни Олий таълим, фан ва инновациялар вазирлиги, Мактабгача ва мактаб таълими вазирлиги ҳамда Иқтисодиёт ва молия вазирлиги ҳамкорликда амалга ошириши режалаштирилмоқда.

✔️ Мақсад — ёшларнинг меҳнат фаолиятини бошлашидан олдин пенсия ва ижтимоий суғурта тизимлари қандай ишлашини тушунишига кўмаклашишдир.

🔔 Чунки келажакдаги пенсия ҳақидаги билим пенсия ёшига етганда эмас, меҳнат фаолиятининг бошиданоқ зарур.

Veb-sayt |Telegram | Facebook | Instagram | Youtube

1️⃣2️⃣3️⃣4️⃣

🟣Jamg‘arib boriladigan pensiya: kelajak uchun qo‘shimcha daromad

Pensiya davrida davlat pensiyasidan tashqari qo‘shimcha daromad manbaiga ega bo‘lish uchun fuqarolarning shaxsiy pensiya jamg‘armalarini shakllantirish va uzoq muddatli jamg‘arishni rag‘batlantirishga qaratilgan yangi mexanizmlar taklif etilmoqda.

Xususan:
✔️fuqaro tomonidan jamg‘arilgan mablag‘ga davlat tomonidan qo‘shimcha badal kiritish;
Mazkur jamg‘arish mexanizmi ixtiyoriy bo‘lib, fuqaro qo‘shimcha mablag‘ jamg‘arish yoki jamg‘armaslikni mustaqil ravishda tanlaydi.
✔️yuqori daromad oluvchi fuqarolarning daromadidan ma’lum qismini shaxsiy pensiya hisobvarag‘iga yo‘naltirish;
✔️uzoq muddatli jamg‘arish orqali pensiya davri uchun qo‘shimcha moliyaviy manba shakllantirish nazarda tutilmoqda.

🎥 Taklif etilayotgan mexanizmlar qanday ishlaydi va ular fuqaroga qanday imkoniyat yaratadi? Batafsil videorolikda.

#PensiyaIslohoti

Telegram | Facebook | Instagram | Youtube | Х

⏳ Кечроқ пенсияга чиқиш — юқорироқ пенсия имконияти

Пенсия ёшига етгандан кейин ҳам меҳнат фаолиятини давом эттиришни истаган фуқаролар учун пенсияга кечроқ чиқишни рағбатлантирувчи механизм таклиф этилмоқда.

📈 Бунда фуқаро меҳнат фаолиятини давом эттириб, пенсияга кейинроқ чиқишни танласа, унинг келгусидаги пенсия миқдорини ошириш имконияти яратилади.

Бу фуқарога ўз хоҳиши ва меҳнат имкониятидан келиб чиқиб қарор қабул қилиш ҳамда узоқроқ меҳнат қилгани учун юқорироқ пенсия олиш имконини беради.

💚 Кечроқ пенсияга чиқиш қандай афзаллик беради? Видеода батафсил танишишингиз мумкин.

Veb-sayt |Telegram | Facebook | Instagram | Youtube

📊 Пенсия ҳисоблашда иш ҳақи даври — 20 йилгача!

😇 Пенсия ҳисоблашда инобатга олинадиган иш ҳақи даврини амалдаги 5 йилдан 20 йилгача босқичма-босқич ошириш таклиф этилмоқда.

✔️ Бу фуқароларнинг узоқ йиллик меҳнат фаолияти давомида олган иш ҳақларини пенсия ҳисоб-китобида кенгроқ инобатга олиш имконини беради.

💚 Таклиф қандай ишлайди? Видеода батафсил.

Veb-sayt |Telegram | Facebook | Instagram | Youtube

1️⃣2️⃣3️⃣4️⃣

✔️Pensiya hisobida ish haqi davri kengaytiriladi

Pensiya hisoblashda inobatga olinadigan ish haqi davrini amaldagi 5 yildan bosqichma-bosqich 20 yilgacha oshirish taklif etilmoqda.

📆 Bunda davr har yili 1 yildan kengaytiriladi. Hisobga olinayotgan davrning ish haqi eng past bo'lgan 10 foizi chiqarib tashlanadi hamda tartib 2016-yildan keyingi elektron ma’lumotlar asosida qo‘llanadi.

🎯Mazkur yondashuv pensiya miqdorini fuqaroning uzoq yillik mehnati, rasmiy ish haqi, ish staji va to‘langan ijtimoiy solig‘iga to‘laroq bog‘lashga qaratilgan.

📌 Batafsil — fotokartochkalarda.

#Pensiya #PensiyaTizimi #IjtimoiyHimoya #Islohotlar #Mehnat

Telegram | Facebook | Instagram | Youtube | Х

🔵 Келажакдаги пенсия таъминоти бугунги тўғри маълумотлардан бошланади.

✅ Иш стажингиз, иш ҳақингиз ва суғурта бадаллари тўғрисидаги маълумотлар рақамлаштирилганини мунтазам текшириб боринг.

✅ Тўлиқ ва аниқ маълумотлар пенсия тайинлаш жараёнини енгиллаштириб, пенсиянгизни тўғри ҳисобланишига хизмат қилади.

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb

💰 ИЖТИМОИЙ СОЛИҚ — ПЕНСИЯ ТИЗИМИНИНГ МУҲИМ МАНБАИ

Иш берувчи ҳар ой ходим учун ижтимоий солиқ тўлайди. Аммо бу маблағлар қандай ҳисобланади ва қаерга йўналтирилади?

📊 Бир ойда қанча?
📆 Бир йилда-чи?
⏳ Бутун меҳнат фаолияти давомида қанча бўлади?

🎥 Видеода оддий мисол орқали барча саволларга жавоб топамиз.

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb

🇺🇿Азиз юртдошлар!

🤩 Барчангизни Ватанимиз Мустақиллигининг 35 йиллик шодиёнаси билан самимий муборакбод этамиз!

Мустақиллик айёми хонадонингизга бахт-саодат, чексиз қувонч, тинчлик-тотувлик ва қут-барака олиб келсин. Юртимиз тинчлиги, халқимиз фаровонлиги ҳамиша барҳаёт ва бардавом бўлсин.

Байрам муборак!

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb

🤔 Пенсия жамғармаси: пенсия пулими ёки умумий ижтимоий тўловлар манбаи?

Пенсия тизими оддий суғурта тамойилига асосланади: фуқаро бугун расмий ишлаб, ижтимоий солиқ тўлайди, кексаликда эса шу қўшган ҳиссасига кўра Пенсия жамғармаси томонидан пенсия тўланади.

Яъни инсоннинг тизимга қўшган ҳиссаси унинг келажакдаги пенсиясида аниқ кўриниши керак. Аммо бугун Пенсия жамғармаси икки хил вазифани бажармоқда:

1⃣ расмий ишлаб, тизимга ҳисса қўшган фуқароларнинг пенсиясини молиялаштирмоқда;
2⃣ бола парвариши, ҳарбий хизмат ва олий таълим даврларини иш стажига қўшиш, шунингдек, кам миқдордаги пенсияларни минимал истеъмол харажатларига етказиш каби умумий ижтимоий вазифаларни ҳам бажармоқда.

📈 Таҳлилларга кўра, 2025 йилнинг ўзида ижтимоий солиққа бевосита боғлиқ бўлмаган бундай харажатларга 21 трлн сўм йўналтирилган.

Бола парвариши, ҳарбий хизмат ва олий таълим даврларини стажга қўшиш — муҳим ижтимоий кафолатлар. Кам пенсия олувчиларни қўллаб-қувватлаш ҳам давлатнинг вазифасидир.

✅️ Бунда ижтимоий солиқ маблағлари пенсия суғуртасига йўналтирилиши, умумдавлат ижтимоий мажбуриятлари эса Давлат бюджетидан молиялаштирилиши мақсадга мувофиқ. Бир қатор хорижий давлатлар тажрибасини кузатсак ҳам, айнан, пенсия суғуртаси билан умумий ижтимоий ёрдам харажатлари алоҳида манбалардан қопланади.

➡️Батафсил https://telegra.ph/Pensiya-zhamғarmasi-pensiya-pulimi-yoki-umumij-izhtimoij-tўlovlar-manbai-08-23 ўқинг.

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb

📣 МУҲИМ ЭЪЛОН: 28 АВГУСТ КУНИ (ЭРТАГА) ХАЛҚ БАНКИ САЙЁР КАССАЛАРИ ИШЛАЙДИ

📣 Август ойи учун пенсия маблағларини нақд пул шаклида ҳали олмаган пенсионерлар диққатига!

✔️ Мустақиллигимизнинг 35 йиллик байрами муносабати билан пенсия тўловларини ўз вақтида етказиб бериш мақсадида 28 август куни АТ "Халқ банки"нинг Сайёр кассалари тўлиқ иш куни тартибида фаолият юритади.

✔️ Шу муносабат билан, август ойи пенсия маблағларини ҳали олмаган пенсионерлар 28 август куни (ЭРТАГА) Сайёр кассалар орқали пенсия маблағларини олишлари мумкин.

🛫 Ушбу хабарни август ойи пенсиясини ҳали олмаган пенсионер яқинларингизга юбориб қўйинг.

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb

👱Ишламайдиган турмуш ўртоғингиз учун ижтимоий солиқ тўласангиз унга иш стажи ёзилишини биласизми?

Бугунги кунда жисмоний шахс меҳнатга ҳақ тўлаш тарзидаги ўз даромадларидан турмуш ўртоғи учун ихтиёрий асосда ижтимоий солиқ тўлаши мумкин.

✅ Мазкур ижтимоий солиқ тўланган давр турмуш ўртоғи учун иш стажига ҳисобга олинади.

🔍 Батафсил видеоролик орқали танишишингиз мумкин.

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb

📣 МУҲИМ ЭЪЛОН: 27 АВГУСТ КУНИ (БУГУН) ХАЛҚ БАНКИ САЙЁР КАССАЛАРИ ИШЛАЙДИ

📣 Август ойи учун пенсия маблағларини нақд пул шаклида ҳали олмаган пенсионерлар диққатига!

✔️ Мустақиллигимизнинг 35 йиллик байрами муносабати билан пенсия тўловларини ўз вақтида етказиб бериш мақсадида 27 август куни АТ "Халқ банки"нинг Сайёр кассалари тўлиқ иш куни тартибида фаолият юритади.

✔️ Шу муносабат билан, август ойи пенсия маблағларини ҳали олмаган пенсионерлар 27 август куни (бугун) Сайёр кассалар орқали пенсия маблағларини олишлари мумкин.

🛫 Ушбу хабарни пенсиясини ҳали олмаган пенсионер яқинларингизга юбориб қўйинг.

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb

❓Сизга тўланаётган пенсия пуллари қаердан келишини биласизми?

✔️ Маълумки Ўзбекистонда пенсия тизими ҳозирча солидар, яъни “ишлаётган авлод — пенсионер авлодни молиялаштиради” тамойилига асосланган.

Бугунги ишловчилар ва иш берувчилар томонидан тўланадиган ижтимоий солиқлар ҳисобидан амалдаги пенсионерларга пенсия тўланади.

💬 Ва бу жараёнда фуқароларнинг расмий ишлашни расмийлаштириши, расмий иш ҳақи олиши ва иш берувчилар томонидан ижтимоий солиқларни мунтазам тўлаши катта аҳамиятга эгадир.

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb

❔ Нега айримлар юқори, бошқалар эса кам пенсия олади? Пенсия миқдорини нима белгилайди?

"Умрим меҳнатда ўтди, нега пенсиям кам?", "Ҳамкасбим билан бирга ишлаганмиз, нега унинг пенсияси кўпроқ?" каби саволлар фуқароларда кўп учрайди.
Чунки пенсия миқдори фақат неча йил ишлаганингизга боғлиқ эмас. Уни белгилашда:

🔵 расмий иш стажи;
🔵 расмий ҳисобланган иш ҳақи;
🔵 пенсия ҳисоблаш учун танланган иш ҳақи даври;
🔵 қонунчиликда белгиланган имтиёз ва устамалар;
🔵 ахборот тизимларидаги маълумотлар муҳим аҳамиятга эга.

Амалда пенсия ҳисоблашда сўнгги 10 йиллик меҳнат фаолияти давомидаги энг юқори иш ҳақи олинган кетма-кет 5 йиллик давр инобатга олинади

☝️ Шу сабабли бир жойда ва бир хил лавозимда ишлаган икки фуқаронинг пенсия миқдори турлича бўлиши мумкин.

☝️ Энг муҳими, келажакдаги пенсия пенсия ёшига етганда эмас, меҳнат фаолияти давомида шаклланади. Норасмий ишлаш, иш ҳақининг бир қисмини "конвертда" олиш ёки меҳнат стажи ҳақидаги маълумотларни текширмаслик кейинчалик пенсия миқдорига таъсир қилиши мумкин.

📱 Шунинг учун http://my.gov.uz/ портали орқали рақамлаштирилган меҳнат стажингиз, расмий иш ҳақингиз ва жамғариб бориладиган пенсия тизимига ўтказилган бадалларни мунтазам текшириб боринг.

Эртанги пенсиянгиз учун бугундан ҳаракат қилинг!

https://gov.uz/uz/pj | https://t.me/PensionFundRUz | https://www.facebook.com/pensiyauzb/ | https://www.instagram.com/pensiyauzb/ | https://www.youtube.com/@pensiyauzb