Qumqo‘rg‘on tumani hokimligi

Yoshlar bilan ochiq muloqot: muammolar va amaliy yechimlar

Yoshlarning muammolarini o‘z vaqtida aniqlash, murojaatlarini tinglash va ularni amaliy hal etish Surxondaryo viloyati Davlat xavfsizlik xizmati boshqarmasi boshlig‘i Aliyor Eshmatov tomonidan hududlarda olib borilayotgan ishlarning muhim yo‘nalishlaridan biridir.

Viloyatning turli hududlarida yoshlar bilan muntazam ochiq muloqotlar tashkil etilib, ularning taklif va murojaatlarini o‘rganish, mavjud muammolarni mas’ul tashkilotlar bilan hamkorlikda hal etishga alohida e’tibor qaratilmoqda. Murojaatlar ijrosi esa doimiy nazoratga olinib, har bir masala yuzasidan amaliy choralar ko‘rilmoqda.

Ana shunday uchrashuvlardan biri Qumqo‘rg‘on tumani hokimligida bo‘lib o‘tdi. Unda Surxondaryo viloyati DXX boshqarmasi boshlig‘i Aliyor Eshmatov, Qumqo‘rg‘on tumani hokimi Farrux Xoliqov, viloyat va tuman darajasidagi mas’ul tashkilotlar rahbarlari hamda 74 nafar muammosi bor yoshlar ishtirok etdi.

Ochiq va samimiy muloqot davomida yoshlarning murojaatlari birma-bir tinglanib, bandlik, ta’lim, tadbirkorlik, ijtimoiy qo‘llab-quvvatlash va boshqa yo‘nalishlardagi muammolari muhokama qilindi. Har bir masala yuzasidan tegishli mas’ullarga aniq vazifalar belgilab berildi.

Murojaatlarni qonuniy va ijobiy hal etish, yoshlarni shunchaki va’dalar bilan emas, balki amaliy yordam orqali qo‘llab-quvvatlash, belgilangan vazifalar ijrosini ta’minlash bo‘yicha mas’ullarga tegishli topshiriq va ko‘rsatmalar berildi.

Bunday ochiq muloqotlar yoshlarning muammolarini joyida o‘rganish, ularni qiynayotgan masalalarga manzilli yechim topish hamda davlat idoralari va yoshlar o‘rtasidagi hamkorlikni yanada mustahkamlashga xizmat qiladi.

✍️ Qumqo‘rg‘on tuman hokimligi Axborot xizmati 

Telegram kanalimizga obuna bo‘ling
https://t.me/qum_axborot

Ijtimoiy tarmoqlar orqali bizni kuzating:
📱Qumqo‘rg‘on.uz |  📱Telegram |📱Facebook |📱 Instagram | 📱YouTube

Yangi agroloyihalar — iqtisodiy o‘sish va bandlik omili

Qumqo‘rg‘on tumanida qishloq xo‘jaligi salohiyatini oshirish, zamonaviy agroloyihalarni rivojlantirish, eksportbop mahsulotlar yetishtirish hamda yangi ish o‘rinlarini yaratishga qaratilgan tashabbuslar izchil amalga oshirilmoqda.

Bugun Surxondaryo viloyati hokimi Ulug‘bek Qosimovning tumanimizga tashrifi davomida “Uyas” mahallasi va unga tutash hududlardagi 47 gektar maydonda yengil konstruksiyali issiqxonalar tashkil etish ishlari bilan tanishildi.

Tashrif davomida loyiha doirasida faoliyat olib borayotgan tadbirkorlar bilan uchrashuv o‘tkazilib, mavjud muammolar va ularni bartaraf etish masalalari muhokama qilindi. Viloyat hokimi mas’ullarga tadbirkorlarni har tomonlama qo‘llab-quvvatlash, yuzaga kelayotgan muammolarga amaliy yechim topish hamda loyihani izchil amalga oshirish yuzasidan tegishli topshiriqlar berdi.

Shuningdek, “Jaloir” mahallasida “Baraka Pro Agro” MCHJ tomonidan tashkil etilishi rejalashtirilgan logistika markazi loyihasi taqdimoti bilan tanishildi. Loyihaning amalga oshirilishi mahsulotlarni saqlash, saralash va yetkazib berish imkoniyatlarini kengaytirishga xizmat qilishi ko‘zda tutilgan.

Mas’ullarga tadbirkorga zarur ko‘mak ko‘rsatish, mavjud masalalarni tezkor hal etish va loyiha doirasidagi ishlarni qisqa muddatlarda boshlash choralarini ko‘rish bo‘yicha topshiriqlar berildi.

Mazkur loyihalar tumanda qishloq xo‘jaligi ishlab chiqarishini kengaytirish, mahsulotlar eksportini rivojlantirish va aholi bandligini ta’minlashda muhim ahamiyat kasb etadi.

✍️ Qumqo‘rg‘on tuman hokimligi Axborot xizmati 

Telegram kanalimizga obuna bo‘ling
https://t.me/qum_axborot

Ijtimoiy tarmoqlar orqali bizni kuzating:
📱Qumqo‘rg‘on.uz |  📱Telegram |📱Facebook |📱 Instagram | 📱YouTube

Prezident Shavkat Mirziyoyev Toshkent shahridagi yangi Zamonaviy sanʼat markaziga tashrif buyurib, bu yerda yaratilgan sharoitlar bilan https://president.uz/oz/lists/view/9579
—
Президент Шавкат Мирзиёев посетил новый Центр современного искусства в Ташкенте и https://president.uz/ru/lists/view/9579 с созданными здесь условиями.

#Mirziyoyev #tanishuv #markaz #zamonaviysanat

https://president.uz/| https://www.facebook.com/Mirziyoyev/| https://www.instagram.com/mirziyoyev_sh/| https://www.youtube.com/channel/UC61Jnumjuz8NXhSuLoZD2xg| https://x.com/president_uz

Qumqo‘rg‘on tumanida 18-apreldan 18-mayga qadar mamlakatimizda o‘tkazilayotgan “Chorvachilikda sanitariya-epidemiya-gigiyena” oyligi doirasida amaliy seminar tashkil etildi. Unda tuman hokimi Farrux Xoliqov rahbarligida tegishli tashkilot rahbarlari va soha mutaxassislari ishtirok etdi.

Seminar davomida chorvachilik sohasini rivojlantirish, mavjud yutuqlar bilan bir qatorda uchrayotgan kamchilik va muammolar atroflicha muhokama qilindi. Xususan, chorva mollari sonini ko‘paytirish, ularning mahsuldorligini oshirish, yem-xashak bazasini mustahkamlash, zamonaviy agrotexnologiyalarni joriy etish hamda veterinariya xizmatlari sifatini yaxshilash masalalariga alohida e’tibor qaratildi.

Shuningdek, chorvachilikda sanitariya, epidemiologiya va gigiyena talablariga qat’iy rioya etish, kasalliklarning oldini olish, profilaktik tadbirlarni o‘z vaqtida amalga oshirish hamda chorva mollarini parvarishlash madaniyatini oshirish zarurligi ta’kidlandi.

✍️ Qumqo‘rg‘on tuman hokimligi Axborot xizmati 

Telegram kanalimizga obuna bo‘ling


Ijtimoiy tarmoqlar orqali bizni kuzating:
📱 https://gov.uz/oz/qumqorgon https://studio.youtube.com/channel/UCAjqe49eYiO9xPyKFBaK14w📱📱 https://www.facebook.com/profile.php?id=61585404165497📱 https://www.instagram.com/qumqorgon_hokimligi/📱 https://studio.youtube.com/channel/UCAjqe49eYiO9xPyKFBaK14w

“Payshanba – yoshlar kuni” doirasida Rahbar va yoshlar uchrashuvi bo‘lib o‘tdi

Qumqo‘rg‘on tumanida “Payshanba – yoshlar kuni” munosabati bilan navbatdagi “Rahbar va yoshlar uchrashuvi” Do‘stlik mahallasida joylashgan 3-sonli umumtalim maktabida ochiq muloqat tarzida tashkil etildi.

Unda tuman hokimi F.Xoliqov, tuman prokurori o‘rinbosari S.Ismoilov, tuman IIB boshlig‘i M.Amonturayev hamda tuman Davlat soliq inspeksiyasi rahbari B.Turdiyev ishtirok etib, yoshlar bilan ochiq va samimiy muloqot olib bordi.

Uchrashuv davomida yoshlar o‘zlarini qiynayotgan dolzarb masalalar, mavjud muammolar, shuningdek, turli taklif va tashabbuslarini erkin bayon etishdi. Ayniqsa, zamonaviy va talab yuqori bo‘lgan kasb-hunarlarga o‘qitish, sifatli ta’lim olish imkoniyatlarini kengaytirish hamda iqtidorli yoshlarning tashabbuslarini qo‘llab-quvvatlash masalalari muhokamaning asosiy yo‘nalishiga aylandi.

Bildirilgan har bir murojaat e’tibor bilan tinglanib, ularni ijobiy hal etish yuzasidan tegishli soha mutasaddilariga aniq topshiriqlar berildi. Shuningdek, muammolarni qisqa muddatlarda bartaraf etish bo‘yicha amaliy chora-tadbirlar belgilab olindi.

Mazkur uchrashuv ochiqlik va o‘zaro ishonch ruhida o‘tib, yoshlarning g‘oya va tashabbuslarini ro‘yobga chiqarish, ularni har tomonlama qo‘llab-quvvatlash borasida muhim vazifalar belgilanishiga xizmat qildi.

✍️ Qumqo‘rg‘on tuman hokimligi Axborot xizmati 

Telegram kanalimizga obuna bo‘ling


Ijtimoiy tarmoqlar orqali bizni kuzating:
📱 https://gov.uz/oz/qumqorgon https://studio.youtube.com/channel/UCAjqe49eYiO9xPyKFBaK14w📱📱 https://www.facebook.com/profile.php?id=61585404165497📱 https://www.instagram.com/qumqorgon_hokimligi/📱 https://studio.youtube.com/channel/UCAjqe49eYiO9xPyKFBaK14w

Maktab hududini obod etish bo‘yicha aniq vazifalar belgilandi

Qumqo‘rg‘on tumani hokimi Farrux Xoliqov “Do‘stlik” mahallasida joylashgan 3-sonli umumta’lim maktabiga tashrif buyurib, ta’lim muassasasida olib borilayotgan obodonlashtirish ishlari bilan yaqindan tanishdi.

Tashrif davomida maktab hududining umumiy holati hamda tashqi infratuzilma atroflicha ko‘zdan kechirildi. Xususan, hududdagi yashil maydonlar, sport maydonchalari, yo‘laklar va dam olish maskanlarining holati o‘rganilib, mavjud kamchiliklar bo‘yicha mas’ullarga tegishli ko‘rsatmalar berildi.

Shuningdek, o‘quvchilar uchun yanada qulay, xavfsiz va zamonaviy ta’lim muhitini yaratish masalalariga alohida e’tibor qaratildi. Maktab hududini ko‘kalamzorlashtirish, manzarali daraxt va gul ko‘chatlarini ekish, mavjud infratuzilmani tartibga keltirish hamda hududni obod va saranjom saqlash bo‘yicha aniq vazifalar belgilab berildi.

✍️ Qumqo‘rg‘on tuman hokimligi Axborot xizmati 

Telegram kanalimizga obuna bo‘ling


Ijtimoiy tarmoqlar orqali bizni kuzating:
📱 https://gov.uz/oz/qumqorgon https://studio.youtube.com/channel/UCAjqe49eYiO9xPyKFBaK14w📱📱 https://www.facebook.com/profile.php?id=61585404165497📱 https://www.instagram.com/qumqorgon_hokimligi/📱 https://studio.youtube.com/channel/UCAjqe49eYiO9xPyKFBaK14w