SamISI rektori Muhiddin Poʻlatov |rasmiy kanal

#OAVda_chiqishlar

QUDRATLI DAVLAT USTOZLAR MEHNATI BILAN YARALADI

✍️ Muhiddin POʻLATOV
Samarqand iqtisodiyot va servis instituti rektori

📰 "Zarafshon" gazetasi, 03.10.2026-yil 86-son

🌟🌟🌟🌟🌟🌟🌟🌟🌟
✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

Aziz ustoz va murabbiylar! Qadrli hamkasblar!

Sizlarni, ta’lim va tarbiya yo‘lida fidokorona mehnat qilayotgan barcha ustoz va murabbiylarni, soha faxriylarini O‘qituvchi va murabbiylar kuni bilan chin qalbimdan muborakbod etaman!

Ustozlik — shunchaki kasb emas, balki inson qalbiga ezgulik, bilim va ishonch urug‘ini qadash, yosh avlodning kelajagiga beqiyos hissa qo‘shishdek ulug‘ va sharafli vazifadir.

Bugun biz erishayotgan har bir yutuq, jamiyatimiz taraqqiyotida o‘z o‘rnini topayotgan har bir yosh ortida, albatta, ustozning mashaqqatli mehnati, sabri, bilimi va mehr-muhabbati mujassam. Sizlarning fidoyiligingiz tufayli yoshlarimiz zamonaviy bilimlarni egallab, mustaqil fikrlaydigan, Vatan ravnaqiga munosib hissa qo‘sha oladigan yetuk mutaxassislar bo‘lib voyaga yetmoqda.

Ayniqsa, ta’lim sifatini oshirish, ilm-fan va innovatsiyalarni rivojlantirish, yoshlarni zamon talablari asosida tarbiyalash yo‘lida amalga oshirayotgan samarali mehnatingiz tahsinga loyiq.

Qadrli ustozlar!

Sizlarga avvalo mustahkam sog‘lik, oilaviy xotirjamlik, qalb hotirjamligi va farovon hayot tilayman. Ilm va ta’lim yo‘lidagi ezgu faoliyatingizda kuch-g‘ayrat, yangi ilmiy va ijodiy yutuqlar, shogirdlaringiz kamolotidan doimo faxrlanish baxti yor bo‘lsin!
Mehnatingiz hamisha e’zozda, qadringiz baland, obro‘-e’tiboringiz yanada ziyoda bo‘lsin!

Barchangizni kasb bayramingiz — O‘qituvchi va murabbiylar kuni bilan yana bir bor samimiy muborakbod etaman!

Hurmat bilan,
Samarqand iqtisodiyot va servis instituti rektori
Muhiddin Egamberdiyevich Po‘latov

Telegram |Facebook |Instagram |

#Harbiy_tayyorgarlik

Harbiy tayyorgarlik oʻquv markazining ustuvor yoʻnalishlari belgilandi

Samarqand iqtisodiyot va servis instituti rektori Muhiddin Egamberdiyevich Po‘latov boshchiligida Harbiy tayyorgarlik o‘quv markazi faoliyatini yo‘lga qo‘yishga bag‘ishlangan yig‘ilish o‘tkazildi.

Yig‘ilish avvalida markazga ishga qabul qilingan rahbar xodimlar hamda professor-o‘qituvchilar institut rahbariyatiga tanishtirildi.
Uchrashuv davomida Harbiy tayyorgarlik o‘quv markazida o‘quv jarayonlarini samarali tashkil etish, ta’lim sifatini ta’minlash va belgilangan vazifalarni sifatli amalga oshirish masalalari muhokama qilindi.

Shuningdek, Harbiy tayyorgarlik oʻquv markazining ustuvor vazifalari va kelgusida amalga oshirilishi lozim boʻlgan ishlar borasida yo‘nalishlar belgilab olindi. Markaz faoliyatini zamonaviy talablar asosida tashkil etish, o‘quv jarayoniga ilg‘or tajribalarni joriy etish hamda talabalar uchun zarur shart-sharoitlarni yaratish bo‘yicha tegishli tavsiya va ko‘rsatmalar berildi.

🌟🌟🌟🌟🌟🌟🌟🌟🌟
✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞

AZIZ YURTDOSHLAR, QADRLI HAMKASBLAR VA TALABA-YOSHLAR!

​Sizlarni eng ulug‘, eng aziz ayyomimiz — O‘zbekiston Respublikasi Davlat mustaqilligining 35 yilligi bilan chin qalbimdan samimiy muborakbod etaman!

​Mustaqillik milliy o‘zligimiz, erkin va farovon hayotimiz hamda yorug‘ kelajagimiz poydevoridir.​

Ushbu qutlug‘ ayyomda barchangizga mustahkam sog‘liq va xotirjamlik, xonadonlaringizga fayzu baraka, ilmiy, pedagogik va ijodiy faoliyatingizda ulkan zafarlar tilayman!

​Yurtimiz tinch, osmonimiz musaffo, mustaqilligimiz abadiy bo‘lsin!

​Hurmat bilan,
Samarqand iqtisodiyot va servis instituti rektori
Muhiddin Egamberdiyevich Po‘latov

Telegram | Facebook | Instagram |

#LIVE #TalabaExpo

Samarqand iqtisodiyot va servis instituti rektori Muhiddin Egamberdiyevich Po‘latov “Talaba Expo–2026” kasb ko‘rgazmasini ko‘zdan kechirib, ish beruvchilar va talabalar bilan muloqot qildi.

🌟🌟🌟🌟🌟🌟🌟🌟🌟
✅ https://sies.uz/|🔹 http://www.facebook.com/SamISIchannel/|🔹 https://t.me/SamISI_channel
🔹 https://t.me/SamISI_LIVE|🔹 https://www.instagram.com/samisi_rasmiy|🔹 https://www.youtube.com/@SamisiRasmiy https://youtube.com/@samisi_rasmiy

⚠️⚠️⚠️⚠️

Hurmatli fuqarolar, professor-o‘qituvchilar va talabalar!

Telegram ijtimoiy tarmog‘i orqali Samarqand iqtisodiyot va servis instituti rektori nomidan tarqatilayotgan «xodimlar ma’lumotlari sizib chiqishi bo‘yicha tekshiruv ishlari» haqidagi «rasmiy» ko‘rinishdagi xabar mutlaqo soxta (feyk) hisoblanadi.

Mazkur xabarlar fuqarolarni, xususan xodimlar hamda professor-o‘qituvchilarni chalg‘itish maqsadida tarqatilmoqda.

❗️Iltimos, bunday soxta xabarlarga ishonmang va ularni boshqalarga tarqatmang. Shuningdek, turli ko‘rinishdagi noma'lum fayllarni ochmaslik va qo‘ng‘iroqlarga javob bermaslikni tavsiya beramiz.

| https://www.facebook.com/rektorsamisi | https://instagram.com/samisi_rektor_official?igshid=OGQ5ZDc2ODk2ZA== |

#SamISI95 #Xalqaro_hamkorlik #Ispaniya

Barselonada O‘zbekiston–Ispaniya OTMlari rektorlari forumi davom etmoqda

Ispaniya Qirolligining Barselona shahrida O‘zbekiston va Ispaniya oliy ta’lim muassasalari rektorlari forumi o‘z ishini davom ettirmoqda.

Forumning birinchi qismi Ispaniya Qirolligining Madrid shahrida https://t.me/samisi_channel. Forumda O‘zbekistondan 30 nafarga yaqin oliy ta’lim muassasalari rahbarlari ishtirok etdi.

Forum doirasida Ispaniyaning yetakchi universitetlari bilan ta’lim, ilm-fan va innovatsiyalar sohasidagi hamkorlikni yanada rivojlantirish masalalari muhokama qilinmoqda. Xususan, qo‘shma ta’lim dasturlarini yo‘lga qo‘yish, ilmiy loyihalarni amalga oshirish, professor-o‘qituvchilar va talabalar almashinuvini kengaytirish, qisqa muddatli stajirovkalar tashkil etish hamda seminar va mahorat darslarini o‘tkazish bo‘yicha qator tashabbuslar ilgari surilmoqda.

Forum davomida Universitat Pompeu Fabra (UPF) vakillari bilan samarali uchrashuv bo‘lib o‘tdi. Muzokaralar jarayonida universitet professor-o‘qituvchilarini Samarqand iqtisodiyot va servis institutiga jalb etish, akademik mobillik dasturlarini rivojlantirish hamda Erasmus+ dasturlari doirasidagi loyihalarda hamkorlikni yo‘lga qo‘yish masalalari muhokama qilindi.

Uchrashuv yakunida tomonlar o‘rtasida dastlabki aloqalar o‘rnatilib, istiqboldagi hamkorlik yo‘nalishlari yuzasidan kelishuvlarga erishildi. Mazkur muloqotlar institutning xalqaro aloqalarini kengaytirish va ta’lim sifatini yangi bosqichga olib chiqishda muhim qadam bo‘lib xizmat qiladi.

🌟🌟🌟🌟🌟🌟🌟🌟🌟
✅ https://sies.uz/|🔹 http://www.facebook.com/SamISIchannel/|🔹 https://t.me/SamISI_channel
🔹 https://t.me/SamISI_LIVE|🔹 https://www.instagram.com/samisi_rasmiy|🔹 https://www.youtube.com/@SamisiRasmiy https://youtube.com/@samisi_rasmiy

⚠️⚠️⚠️⚠️

Hurmatli fuqarolar, professor-o‘qituvchilar, xodimlar va talabalar!

Telegram ijtimoiy tarmog‘ida Samarqand iqtisodiyot va servis instituti rektori nomidan tarqatilayotgan «xodimlarni tekshiruv ishlari o‘tkazilyapti» mazmunidagi «rasmiy» ko‘rinishdagi xabarlar mutlaqo soxta ekanini ma’lum qilamiz.

Mazkur xabarlar fuqarolarni chalg‘itish, ishonchdan foydalanish hamda shaxsiy yoki xizmatga oid ma’lumotlarni qo‘lga kiritish maqsadida tarqatilayotgan bo‘lishi mumkin.

Shu munosabat bilan barchangizdan hushyorlik va ehtiyotkorlikni so‘raymiz:
— noma’lum shaxslar yoki akkauntlardan kelgan shubhali xabarlarga ishonmang;
— noma’lum havola va fayllarni ochmang;
— shaxsiy ma’lumotlar, parollar va xizmatga oid ma’lumotlarni begonalarga yubormang;
— rektor yoki institut rahbariyati nomidan kelgan shubhali murojaatlarni avval rasmiy manbalar orqali tekshiring;
— shubhali xabarlarni boshqa shaxslarga tarqatmang.

Axborot xavfsizligi — har birimizning mas’uliyatimiz. Hushyor bo‘ling, soxta xabarlarga aldanmang!

Telegram |Facebook |Instagram |

#Qabul2026 #Abituriyent2026

Samarqand iqtisodiyot va servis instituti rektori Muhiddin Egamberdiyevich Po‘latov 2026–2027-o‘quv yili uchun oliy va professional ta’lim muassasalarining kirish test sinovlari o‘tkazilayotgan hududlarga tashrif buyurdi.

Tashrif davomida rektor test sinovlari o‘tkazilayotgan binolarda abituriyentlar uchun yaratilgan shart-sharoitlar, kutish va ro‘yxatdan o‘tish jarayonlari, sanitariya-gigiyena talablari hamda xavfsizlik choralarini ko‘zdan kechirdi. Shuningdek, mas'ul xodimlar bilan suhbatlashib, test sinovlarining adolatli, shaffof va belgilangan tartiblar asosida tashkil etilishi yuzasidan amalga oshirilayotgan ishlar bilan tanishdi.

🌟🌟🌟🌟🌟🌟🌟🌟🌟
✅𝐕𝐞𝐛-𝐬𝐚𝐲𝐭|🔹𝐅𝐚𝐜𝐞𝐛𝐨𝐨𝐤|🔹𝐓𝐞𝐥𝐞𝐠𝐫𝐚𝐦
🔹𝐒𝐢𝐞𝐬_𝐥𝐢𝐯𝐞|🔹𝐈𝐧𝐬𝐭𝐚𝐠𝐫𝐚𝐦|🔹𝐘𝐨𝐮 𝐓𝐮𝐛𝐞