"TERMIZ MTU" filiali Rasmiy kanali

🇺🇿 MUSTAQILLIK BAYRAMIGA MUNOSIB TUHFA!

Xalqimiz xavfsizligi va qulayligi — doimo e’tiborda!

Yurtimiz mustaqilligining 35 yilligi arafasida “Termiz mintaqaviy temir yo‘l uzeli” filialida aholi uchun yana bir muhim va ezgu loyiha hayotga tatbiq etildi.

Xayrabod – Denov stansiyalari oralig‘ida temir yo‘l ostidan barpo etilgan piyodalar tunneli foydalanishga topshirildi.
Mazkur zamonaviy inshoot, avvalo, hududda istiqomat qiluvchi mahalliy aholi, talabalar hamda maktab o‘quvchilarining temir yo‘lni xavfsiz va qulay kesib o‘tishini ta’minlash maqsadida bunyod etildi.

Endilikda fuqarolar temir yo‘l izlaridan bevosita kesib o‘tib, o‘z hayotini xavf ostiga qo‘ymasdan, maxsus tashkil etilgan tunnel orqali xavfsiz harakatlanish imkoniyatiga ega bo‘ldilar.

Bu kabi bunyodkorlik ishlari — inson qadri, xalqimiz osoyishtaligi va fuqarolar xavfsizligini ta’minlashga qaratilayotgan amaliy e’tiborning yorqin ifodasidir.

Mustaqillik — bunyodkorlik, taraqqiyot va xalq farovonligi timsoli!

El-yurtimiz xavfsizligi va qulayligi yo‘lida bunyod etilgan ushbu inshoot Mustaqilligimizning 35 yilligiga munosib tuhfalardan biridir!

"Termiz MTU" filiali matbuot xizmati

Rasmiy sahifalarimiz: 🚉
📱 |📱 https://www.facebook.com/termiz.mtu/ |📱 http://termez.railway.uz/|

“Termiz MTU” filialida O‘zbekiston Respublikasi Mustaqilligining 35 yilligiga bag‘ishlangan tantanali tadbir bo‘lib o‘tdi.

Joriy yilning 28-avgust kuni Termiz temiryo‘lchilar madaniyat saroyida O‘zbekiston Respublikasi Mustaqilligining 35 yilligiga bag‘ishlangan tantanali tadbir bo‘lib o‘tdi. Unda halol mehnati, fidoyiligi va kasbiga bo‘lgan sadoqati bilan hamkasblariga o‘rnak bo‘lib kelayotgan bir guruh ilg‘or xodimlar e’tirof etildi va munosib taqdirlandi.

Tadbir davomida “Termiz MTU” filiali boshlig‘i G‘.O.Mamadaliyev so‘zga chiqib, soha vakillarini ushbu ulug‘ ayyom bilan samimiy qutladi. O‘z nutqida u temiryo‘lchilarning mamlakatimiz iqtisodiy taraqqiyotini ta’minlash, soha infratuzilmasini izchil rivojlantirish hamda tizimning barqaror va xavfsiz faoliyat yuritishidagi beqiyos hissasini alohida e’tirof etdi.

Tadbirning eng hayajonli qismida ko‘p yillik samarali va fidokorona mehnati bilan ajralib turgan soha fidoyilariga "O‘zbekiston Respublikasi Mustaqilligining 35 yilligi" esdalik nishonlari tantanali ravishda topshirildi. Uzoq yillik mehnating ushbu yuksak e’tirofi — soha xodimlarining mashaqqatli va mas’uliyatli faoliyatiga berilgan yuksak bahodir.

Filial jamoasi barcha mukofotlangan hamkasblarni qizg‘in tabriklab, ularga kelgusi faoliyatida ulkan zafarlar, mustahkam sog‘liq, oilaviy xotirjamlik va yangi kasbiy marralarni zabt etishni tilaydi.

"Termiz MTU" filiali matbuot xizmati

Rasmiy sahifalarimiz: 🚉
📱 |📱 https://www.facebook.com/termiz.mtu/ |📱 http://termez.railway.uz/|

IJODIY UCHRASHUV.

Mamlakatimiz mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida temiryo‘lchi xodimlar uchun ma’naviy-ma’rifiy tadbir tashkil etildi.

Tadbir doirasida Surxondaryolik taniqli yozuvchi Xolmuxammad Karimiy bilan temiryo‘lchilar o‘rtasida samimiy va mazmunli ijodiy uchrashuv bo‘lib o‘tdi.
Uchrashuv davomida adib o‘z ijod yo‘li, hayotiy tajribalari hamda bugungi kunda kitobxonlik va ma’naviyatning jamiyat hayotidagi o‘rni xususida fikr yuritdi. Shuningdek, Vatanga muhabbat, milliy qadriyatlar va yosh avlod tarbiyasiga oid mavzularda samimiy suhbat bo‘lib o‘tdi.

Savol-javob va ochiq muloqot ruhida o‘tgan uchrashuv temiryo‘lchi xodimlarda katta taassurot qoldirdi. Bunday ma’naviy-ma’rifiy uchrashuvlar xalqimizning boy ma’naviy merosini targ‘ib etish, kitobxonlik madaniyatini yuksaltirish hamda Vatanga sadoqat va milliy qadriyatlarga hurmat tuyg‘ularini yanada mustahkamlashga xizmat qiladi.

Yagona Vatan, yagona xalq bo‘lib, yangi hayot va kelajak sari!

"Termiz MTU" filiali matbuot xizmati

Rasmiy sahifalarimiz: 🚉
📱 |📱 https://www.facebook.com/termiz.mtu/ |📱 http://termez.railway.uz/|

Prezident Shavkat Mirziyoyev "Shahidlar xotirasi" yodgorlik majmuasida qatag‘on qurbonlarini yod etish marosimida https://president.uz/ru/lists/view/9540
—
Президент Шавкат Мирзиёев https://president.uz/ru/lists/view/9540 в церемонии поминовения жертв репрессий в мемориальном комплексе «Шахидлар хотираси».

#Mirziyoyev #marosim #shahidlar #xotira

https://president.uz/| https://www.facebook.com/Mirziyoyev/| https://www.instagram.com/mirziyoyev_sh/| https://www.youtube.com/channel/UC61Jnumjuz8NXhSuLoZD2xg| https://x.com/president_uz