Віцебская Вясна

🪖 У Полацку вырабляюць бронекамізэлькі «ZoV» – «правераныя ў баявых умовах»

Уцягнутым у расейскую ваенку апынулася беларускае прадпрыемства «ПОЛСПО» Бронекамізэлькі беларускай вытворчасці прадаюць у Расеі за 115 тысяч рублёў (каля $1400).

Назва камізэлькі складзеная з літараў Z, O і V, якія на пачатку поўнамаштабнай вайны выкарыстоўваліся як пазнакі на расейскай ваеннай тэхніцы, і праз гэта сталі сімваламі прыхільнікаў расейскай агрэсіі супраць Украіны.

Акрамя расейскіх вайскоўцаў гэтую камізэльку выкарыстоўваюць і беларускія сілавікі і спецслужбы.

🔗 Падрабязнасці — па спасылцы

📌 Адкрыць спасылку ў Беларусі

У віцебскім медуніверсітэце на хірургічныя спецыяльнасці месцаў для жанчын ў два разы меней, чым для мужчын

Даследаванне ў Год беларускай жынчыны правялі берасцейскія праваабаронцы. “Жанчынам-студэнткам адводзіцца ў сярэднім 38.7% хірургічных спецыяльнасцяў і 36.8% анэстэзіялагічна-рэаніматалагічных спецыяльнасцяў”, - піша Telegram-канал “Вясна|Брэст”.

Якая сітуацыя з гэтым у віцебскім медычным універсітэце ( у параўнанні са сталічным), можна ўбачыць з табліц да гэтага тэксту. На іх паказана і колькасць студэнтак, якія навучаюцца на спецыялізацыі "анестэзіялогія і рэаніматалогія".

“Аршанская газета” хацела паказаць восеньскую прыгажосць, але ў кадры трапілі сведчанні заняпаду беларускай вёскі

Раённая газета апублікавала фотарэпартаж “Осеннее очарование в Зубревичах”. Гэта па-сучаснаму аграгарадок, а даўней – вялікая вёска, дзе ў 1936 годзе нарадзіўся вядомы беларускі літаратар Янка Сіпакоў. У памяць пра гэта каля мясцовай школы ўстаноўлены вялікі камень з мемерыяльнай шыльдай. На жаль, у аб’ектыў фатографа ён не трапіў.

Але трапіла іншае. Побач з фотаздымкамі дзяцей, коцікаў і раскошы колераў восеньскага лісця асабліва непрывабна глядзіцца будынак канторы мясцовага сельскагаспадарчага прадпрыемства “Зубрэвічы-Агра”. Адсутнасць рамонту ў ім аніяк не кампенсуецца плакатамі на сценах. Дый закінутыя дамы ў кадры аніяк не дадаюць аптымістычных спадзеваў на росквіт жыцця ў Зубрэвчах.

Для полацкіх школьнікаў арганізавалі “патрыятычную” сустрэчу з адстаўнікамі КДБ

Арганізатарам выступіла прадпрыемства “Полацкводаканал”, а прысутнымі – вучні 10-й і 11-й школ горада. У якасці гасцей запрасілі ветэрана Вялікай Айчыннай вайны, ветэрана органаў КДБ, ганаровага грамадзяніна Полацкага раёна Рамана Прыбышчука і старшыню Полацкай арганізацыі ветэранаў КДБ Алега Юдаева.

Раману Прыбышчуку 98 гадоў. Ен нарадзіўся на Піншчыне, падлеткам дапамагаў мясцовым партызанам. Пасля вайны “разыскивал бывших полицаев и карателей по всей территории Советского Союза, задержанием агентов иностранных служб”, як пісала пра яго дзяржаўная газета “Витебские вести». Пра ўсё гэта за кубкам гарбаты ён і распавядаў полацкім школьнікам.

Другі суразмоўца, Алег Юдаеў, былы супрацоўнік КДБ і кіраўнік па вайскова-патрыятычным выхавані аднаго з полацкіх ліцэяў, актыўна падтрымліваў тэму. Варта зазначыць, што гэтая пара адстаўнікоў КДБ у апошнія гады вельмі часта “гастралюе” па ўстановах адукацыі Полацка і Наваполацка – іх запрашаюць на падобныя імпрэзы для “патрыятычнага выхавання”.

‼️Зноў мяняюць старшыню Віцебскага аблвыканкама

“Александр Рогожник освобожден от должности председателя Витебского областного исполнительного комитета в связи с болезнью”, - паведаміў Telegram-канал «Пул Первого». Адпаведны ўказ сёння падпісаў Аляксандр Лукашэнка.

Насутпным Указам Лукашэнка прызначыў выконваючым абавязкі старшыні Віцебскага аблвыканкама Сяргея Ляўковіча, які дагэтуль працаваў першым намеснікам Аляксандра Рагожніка.

На пасадзе кіраўніка вобласці той адбыў усяго каля 10-ці месяцаў, змяніўшы ў крэсле старшыні аблвыканкама змешчанага адтуль Аляксандра Субоціна. Працу Субоціна рэгулярна крытыкаваў Аляксандр Лукашэнка, напрыканцы заявіўшы, што Віцебская вобласці “патрабуе прарыву”. Аднак “прарыву” не атрымалася і пры чарговым кіраўніку: Рагожніка таксама не дужа хвалілі падчас пасяджэнняў “наверсе”.

Стан ягонага здароўя, які стаў прычынай адстаўкі, ніяк не каментуецца. Але яшчэ два дні таму, 18 кастрычніка, ён выступаў на абласных “Дажынках”.

Яшчэ ўчора “СБ” надрукавала пра яго ўхвальны артыкул, а сёння гэты міліцыянт зляцеў з пасады ⚠️

Віцебская вобласць – найгоршая ў барацьбе з “наркапагрозай”.  Гэта было засведчана сёння на пасяджэнні калегіі  абласной структуры МУС, якая праходзіць у Віцебску з удзелам Міністра унутраных спраў Івана Кубракова.

Праца  з распаўсюдам наркотыкаў і наркатычных рэчываў празнана “недастатковай”: у гэтай галіне  зафіксаваныя найгоршыя паказнікі.

У сувязі з тым на калегіі было прынята рашэнне аб службовым паніжэнні кіраўніка Упраўлення па наркакантролі і процідзеянні гандлю людзьмі. Гэтую пасаду да сённяшняга дня займаў палкоўнік міліцыі Дзяніс Шкурко.

Міністр унутраных спраў аддаў загад начальніку МУС аблвыканкама Аляксандру Купчэні “перабудаваць кіраванне тэрытарыяльнымі падраздзяленнямі і сфарміраваць працаздольны калектыў”.

Гумар сітуацыі ў тым, што літаральна два дні таму галоўнае прапагандысцкае выданне надрукавала ўхвальны артыкул  пад назвай «Оперативник — это универсал»: как за 30 лет изменилась специфика работы наркоконтроля Витебской области” з  падзагалоўкам “О чем болит душа полковника милиции Дениса Шкурко”.

У гэтым артыкуле – поўны набор штампаў афіцыйнай прапаганды: прыклады паспяховай працы, аповеды пра высокакваліфікаваны калектыў і парады кіраўніка, якога “адправілі на паніжэнне”.

На Віцебшчыне спрабуюць стымуляваць падпіску на дзяржСМІ “пакетным” спосабам

Жыхароў Гарадоцкага і Шаркаўшчынскага раёна агітуюць падпісвацца на “пакет” з двух выданняў, у які ўваходзіць абласная газета «Витебские вести» і “раёнка” – адпаведна, “Гарадоцкі веснік” або “Кліч Радзімы”.

Стымулам для “пакетнай” падпіскі павінна стаць латэрэя з агульным прызавым фондам 1 799 руб. 29 кап. Розыгрыш будзе праведзены ў студзені 2027 года, а ўдзельнічаць у латэрэі змогуць падпісчыкі абласной газеты і тыя, хто падпісаўся на “пакет” дзержвыданняў на першае паўгоддзя наступнага года.

Прычым сярод “пакетных” падпісчыкаў будуць разыграныя два асобныя прызы - “разумныя гадзіннікі” Xiaomi Redmi Watch 5 Active чорнага і срабрыстага колеру коштам па 128 руб.20 кап. Гэта адзін з самых дарагіх прызоў, даражэй толькі калонка Яндекс Станция Лайт 2 за 238 рублёў і робат-мыйшчык вокнаў за амаль 186 рублёў. Самы танны лот – напольныя вагі ( 27 руб.14 кап.)

Пры гэтым паўгадавая падпіска на абласную газету «Витебские вести» і “Гарадоцкі веснік” каштуе 126 рублёў – практычна як той «разумны гадзіннік», які можа прапануецца выйграць у латэрэю. Для жыхароў ці не самага беднага ў Беларусі Шаркаўшчынскага раёна камплект з “раёнкай” будзе каштаваць меней – каля 90 рублёў.

Самае смешнае, што мясцовыя навіны можна чытаць у інтэрнэце практычна бясплатна – на сайце гэтых выданняў. А калі захочацца ўбачыць іх “як у газеце”, то PDF-версія «раёнкі» на 6 месяцаў будзе каштоваць усяго 33 рублі. Толькі ўсё менш ахвотных чытаць “прылізаную” інфармацыю, дзе спрэс – усхваленне дзейнасці дзяржаўных органаў, і амаль няма звестак пра рэальную сітуацыю ў рэгіёне. Таму і праводзяць латэрэі з розыграшамі гадзіннікаў, прасоў і электрачайнікаў.

Пад Паставамі ўшанавалі памяць воінаў Расійскай імператарскай арміі

Мерапрыемства было прысвечана ўдзельнікам Першай сусветнай вайны. Падобныя імпрэзы праводзяцца ўжо не першы год з удзелам мясцовых рэканструктараў. Гэтым разам яны паказалі фрагмент бою, які адбыўся ў гэтых мясцінах у 1916 годзе.

Удзельнікам так хацелася дасягнуць поўнага рэалізму, што некаторыя дэталі "афармлення" не пажадана было бачыць дзецям, цяжарным жанчынам і асабліва ўражлівым асобам. Аднак газета "Пастаўскі край" адмыслова размясціла ў фотарэпартажы здымак, які больш пасуе да жахаў Хэлаўіна, чымсьці да аповеду пра гістарычную памяць...

Паводле гэтага ж фотарэпартажу, знакавымі элементамі імпрэзы сталі расейскі трыкалор і стужкі адпаведных колераў.

Міністр унутраных спраў Літвы Марцінас Кацялінас звернецца ў праваахоўныя органы, каб тыя ацанілі дзейнасць Вольгі Карач і яе арганізацыі

Суд можа разгледзець і пытанне ліквідацыі «Нашага дома».

Паводле ацэнкі Дэпартамента дзяржаўнай бяспекі (ДДБ) Літвы, грамадская ўстанова «Наш дом» («Mūsų namai»), якую ўзначальвае Вольга Карач, стварае спрыяльныя ўмовы для таго, каб у Літву траплялі і легалізаваліся асобы, якія супрацоўнічаюць са спецслужбамі варожых краін.

Пра гэта гаворыцца ў заяве, якую 19 кастрычніка апублікавала Міністэрства ўнутраных спраў Літвы. Саму Карач літоўскія спецслужбы лічыць пагрозай дзяржаўнай бяспецы. Аднак выслаць Карач з Літвы не могуць, бо высылка ў Беларусь пагражала б яе бяспецы, піша “Наша Ніва”.

Нават на "Дажынках" агітуюць ісці працаваць у міліцыю

І, канешне ж, паўсюль у Мёрах, дзе праходзяць абласныя "Дажынкі", сёння можна сустрэць вось такіх персанажаў. Каб грамадзяне не расслабляліся і не думалі, што можна весяліцца ў выходны дзень без належнага кантролю...

Судью, приговорившую политзаключенного к 3,5 года «химии», назначили работать в Витебск

Указом Лукашенко №355 от 7 октября Екатерина Унукович назначена судьей Октябрьского района Витебска на пятилетний срок. Как обратили внимание правозащитники «Весны», ранее она участвовала в политически мотивированном преследовании.

Унукович работала судьей Шумилинского района, куда была назначена еще в январе 2012 года. Именно там 18 декабря 2020 года она приговорила активиста и бывшего политзаключенного Дмитрия Кулакова к 3,5 годам «химии» по статьям 364 и 369 УК — за насилие или угрозу насилия в отношении сотрудника милиции и оскорбление представителя власти.

Палітычнай зняволенай прызналі Галіну Усцюгаву, былую супрацоўніцу Бешанковіцкага райвыканкама

 Мінскі гарадскі суд прызнаў яе вінаватай паводле пяці артыкулаў Крымінальнага Кодэкса РБ:
- чч. 1 і 2 арт. 361-4 - Садзеянне экстрэмісцкай дзейнасці;
- ч.3 арт. 361-1  - Стварэнне экстрэмісцкага фармавання;
- ч.1 арт.130  - Распальванне варожасці або варажнечы;
- ст.369-1  – Дыскрэдытацыя Рэспублікі Беларусь;
- ч.3 ст.361  – Заклікі да санкцый супраць Рэспублікі Беларусь.

Што канкрэтна ёй паставілі ў віну, пакуль не вядома.
18 верасня яе ўключылі ў пералік асобаў, датычных да экстрэмісцкай дзейнасці, які МУС перастаў абнаўляць на сваім сайце ўжо практычна месяц.
2 кастрычніка імя Галіны Усцюгавай з'явілася ў "спісе тэрарыстаў", які вядзе КДБ.

Галіна Усцюгава была дэпутаткай Бешанковіцкага райсавета мінулага склікання, дзе займалася пытаннямі аграпрамысловага комплекса і экалогіі. Раней - у 2000-я - яна была старшынёй Ульскага сельсавета. З 2013 года працавала начальнікам аддзела землеўпарадкавання Бешанковіцкага райвыканкама, потым працавала ў раённым аддзеле статыстыкі.

Пенсіянеры з ваколіц Магілёва пратэстуюць супраць далучэння іх вёсак да Дрыбінскага раёна

Яшчэ ўвесну стала вядома, што беларускія ўлады вырашылі гвалтам павялічыць тэрыторыю Дрыбінскага раёна як самага маленькага ў краіне. Новы адміністрацыйны падзел не ўзгадняўся з мясцовым насельніцтвам: людзям проста паведамілі, што Дрыбінскі раён будзе павялічаны за кошт далучэння частак тэрыторый Шклоўскага, Горацкага і Магілёўскага раёнаў. Разам з зямлёй і прыгоннымі сялянамі да Дрыбінскага раёна будуць далучаны і прадпрыемствы, якія знаходзяцца да гэтых тэрыторый.

Што гэта азначае для іх на практыцы, у TikTok распавялі жыхары вёсак Магілёўскага раёна, якіх вырашылі прымусова зрабіць “дрыбінцамі”. Для пенсіянераў – а менавіта яны складаюць большасць насельніцтва вёсак, якія вырашана далучыць, змены нясуць вялікія нязручнасці. Яны кажуць, што новы цэнтр раёна знаходзіцца ад іх за 60 км, тады як Магілёў – за 20, прычым у абласным цэнтры у многіх ёсць маладзейшыя сваякі, якія могуць дапамагчы ў вырашэнні жыццёвых пытанняў: дапамагчы дабрацца дадому ці ў госці, запісаць да лекара, вырашыць пытанні з раённымі ўладамі. У далёкім Дрыбіне – усё чужое, ды людзям проста нязручна перакройваць свае патрэбы пад новае адміністрацыйнае падзяленне.

Таму вясковыя пенсіянеры запісалі відэазварот да Аляксандра Лукашэнкі з просьбай правесці павелічэнне Дрыбінскага раёна больш гнутка- каб яно не парушаў інтарэсы жыхароў іншых рэгіёнаў. У каментарах гледачы падтрымалі гэтую ініцыятыву, заўважаючы, што ў 21-м стагоддзі з людзьмі нельга абыходзіцца так, як у часы прыгоннага права.

🗣 «Няма ніякіх падстаў казаць пра адлігу». Алесь Бяляцкі выступіў на Саміце свабоды

15 кастрычніка старшыня Праваабарончага цэнтра "Вясна" і лаўрэат Нобелеўскай прэміі міру Алесь Бяляцкі выступіў на Саміце свабоды.

Мерапрыемства праходзіла ў Вільні і было арганізаванае Міністэрствам замежных спраў Літвы і міжнароднай праваабарончай арганізацыяй "Freedom House". 

«Нам мала вызваленння палітычных зняволеных, нам неабходная свабода», — падкрэсліў праваабаронца.

Чытаць па спасылцы 👉 https://spring96.org/be/news/121441

🌿 Чытаць з Беларусі праз сайт-люстэрка

Пад Віцебскам усталявалі памятны знак ураджэнцам Узбекістана – удзельнікам Вялікай Айчыннай вайны

Гэта першы і адзіны выпадак, калі на абласным узроўні асобна ўшаноўваюць памяць прадстаўнікоў іншага народу, якія загінулі падчас вызвалення Віцебшчыны.

Памятны знак – вялікі камень з мемарыяльнай шыльдай – з’явіўся на вайсковым пахаванні каля вёскі Шапуры Віцебскага раёна. Тут ушанава памяць амаль 18 тысяч загінулых, сярод іх каля 700 з іх – гэта ўраджэнцы Узбекістана. І каля 50-ці з гэтай колькасці – выхадцы з Андзіжанскай вобласці. Той самай, з якой на дзяржаўным узроўні дасягнуты пагадненні пра прыём працоўных мігрантаў у гаспадаркі Віцебскага рэгіёну.

Таму ўстаноўка памятнага знака – гэта не столькі акт праяўлення памяці і павагі, колькі частка плану па падтрымцы сувязяў з краінай, за кошт грамадзян якой на Віцебшчыне спадзяюцца вырашыць кадравыя і, адпаведна, эканамічныя праблемы.

Нагадаем, у ліпені 2026 года ў Віцебскую вобласць прыбыла першая арганізаваная група з больш як 200 жыхароў Андзіжанскай вобласці. Іх прывезлі адмысловым чартарным рэйсам для размеркавання ў сельскія гаспадаркі. Прычым, як высветлілася, рэальныя ўмовы працы для прыезжых аказаліся значна горшымі, чым ім абяцалі на радзіме. І адказам на іх незадаволенасць стала вельмі хуткае падвышэнне заробкаў, паляпшэнне жыллёвых умоў і наданне ільготаў. Так што грамадзяне Узбекістану месцамі апынуліся ў значна выгаднейшым становішчы ў параўнанні з мясцовымі работнікамі.

Агулам у Віцебскай вобласці збіраюцца прыняць да 5 тысяч працоўных мігрантаў ў Андзіжанскай вобласці. Узбекскія прадпрымальнікі ўжо стварылі на Віцебшчыне больш за 10 фермерскіх гаспадарак на ільготных умовах. У Віцебску адкрыты асобны Гандлёвы дом, дзе прадаюцца тавары вытворцаў з Андзіжанскай вобласці. Распрацоўваецца і пытанне пра тое, каб прызнаць гэтую вобласць “пабрацімам” Віцебшчыны.

🔽Лепельскіх школьнікаў змушаюць прыходзіць на сустрэчы з Дзмітрыем Паўлічэнкам – камандзірам “эскадронаў смерці”

На працягу лета сілавік, вядомы ўдзелам у стварэнні таемнага фармавання, якое ў 1990-х гадах забівала апанентаў Аляксандра Лукашэнкі, праведзіў “практыкумы” са зброяй для выхаванцаў дзіцячага летніка ў Лепельскім раёне. Цяпер яго пачалі запрашаць і ў школы.

Выступы Паўлічэнкі перад дзецьмі ўсяляк заахвочвае кіраўнік раённага аддзела адукацыі Галіна Гарбёнак, якая лічыць, што такія “практыкумы”, дзе вучаць карыстацца зброяй і паказваюць прыёмы рукапашнага бою, - гэта складнік патрыятычнага выхавання. Таму адміністрацыі школ абавязалі прымаць Паўлічэнку і забяспечваць яму аўдыторыю “дзеля выхавання патрыятызму”.

Днямі Дзмітрый Паўлічэнка разам з дэпутатам Палаты прадстаўнікоў Віктарам Азаронкам наведаў Бароўскую сярэднюю школу. Гэта тандэм склаўся яшчэ 2 гады таму ў паездках па Лепельшчыне і наваколлях, і ў прыватнасці - у дзіцячы летнік у Бароўцы. Апошнім часам да тандэма далучаюцца прадстаўнікі спецназу, якія праводзяць практычныя заняткі, дзе падлеткам паказваюць сілавыя прыёмы і знаёмяць з рознымі відамі зброі. Па такім самым сцэнары адбылася і апошняя сустрэча ў Бароўцы.

Паўлічэнка шмат гаварыў пра “патрыятызм”, як ён яго разумее. А гэтае разуменне ў яго досыць спецыфічнае: прыкладам, аднойчы падчас сустрэчы з дзецьмі ён распавядаў, як у 2020-м пратэстоўцы "поджигали сотрудников милиции" і што "у каждого задержанного при себе был молоток, каска, бутылки с зажигательной смесью". А таксама пра "кропкі", дзе людзям "выдавались деньги, распространялись алкоголь и наркотики".

У прыхільніцы “русского мира” Эльвіры Мірсалімавай таксама ўзялі ўзор ДНК. ✏️Яна пракаментавала: “Гэта сапраўды зручна!”

Эльвіра Мірсалімава напісала ў сваім Тг-канале, што за ўчорашні дзень ёй “4 разы патэлефанавалі з розных аддзелаў” віцебскай міліцыі. Яе запрашалі на “гутаркі”, і на адну з іх яна сёння ўжо схадзіла.

За колькі дзён да гэтага яе выкдікалі на здачу біяматэрыялаў. “Насколько мне известно, ДНК собирают у всех родственников выдворенных из Белоруссии политических оппонентов. Но мне пояснили, это так: если мой труп найдут, меня сразу опознают. Подумала, что это, действительно, удобно, поэтому сдала”, - напісала Мірсалімава.

Сябе яна таксама ў пэўным сэнсе лічыць апанентам улады – калі сцвярджае, што ў Беларусі чыноўнікі занадта актыўна спрыяюць распаўсюду беларускай мовы і культуры, або калі сварыцца на прапагандыста Рыгора Азаронка, які часам згадвае Мірсалімаву ў сваіх тэлевізійных спічах. І, вядома, калі яе судзяць за “несанкцыянаванае пікетаванне” ў інтэрнэце, хаця “рускамірская” актывістка ўсяляк падкрэслівае, што яна “не бэчэбэшніца”.

Магчыма, пра узор ДНК ёй не паведамілі ўсёй праўды, або Эльвіра Мірсалімава яе свядома прыхоўвае. Сапраўды, генетычны матэрыял часта бяруць у сваякоў тых, хто находзіцца ў вымушанай палітычнай эміграцыі. Прыкладам, як яе сястра Крысціна, якая пакінула Беларусь пасля пераследу за ўдзел у пратэстах 2020 году. У адрозненне ад Эльвіры, яна не падтрымлівае ідэі " русского мира" і мае прабеларускія погляды.

👮🏻‍♂️👮🏼Полацкая міліцыя агітуе ў свае шэрагі вайскоўцаў

Агітацыйнае мерапрыемства, названае "профарыентацыйным", правялі ў вайсковай частцы 5530.

Энтузіязм "агітатараў" у пагонах быў накіраваны на хлопцаў, якія ў хуткім часе звольняцца ў запас. Замест грамадзянскіх прафесій ім прапаноўвалі ісці служыць у міліцыю, абяцаючы шырокія перспектывы - бесплатнае навучанне ў Акадэміі МУС, пенсію ў 48 гадоў, адпачынак ад 30 да 45 дзён, ільготныя крэдыты на жыллё і гэтак далей.

Застаецца пытанне: колькі ж патрабуецца сілавікоў у Беларусі, калі ў ях шэрагі бесперапынна зазаваюць, то школьнікаў, то навучэнцаў каледжаў, то вайскоўцаў?

Несуцяшальная статыстыка да Дня маці ў Віцебскай вобласці

Галоўнае абласное статыстычнае ўпраўленне падрыхтавала традыцыйны агляд да 14 красавіка. Але лічбы самі па сабе не адлюстроўваюць рэальнай карціны таго, з якой статыстыкай рэгіён ўвайшоў у цяперашні Год беларускай жанчыны.

Параўнаем сёлетнія паказнікі са статыстычнымі звесткамі 5-гадовай даўніны. Ці палепшылася сітуацыя пад уплывам ідэалагічнага “клопату” пра беларускую жанчыну-маці бясконцыя згадкі пра сямейныя каштоўнасці?

Суд Ушацкага раёну прызнаў "экстрэмісцкім" акаўнт праваабаронцаў пра смяротнае пакаранне ў Беларусі.

І яшчэ 5 інтэрнэт-рэсурсаў. Усё - у адзін дзень.

Матэрыялы ў суд падрыхтавала пракуратура Ушацкага раёна.

9 кастрычніка тамтэйшы суд прызнаў "экстрэмісцкай інфармацыйнай прадукцыяй"
акаўнты ў Instagram:
- "СТУДЫЯ НАЦЫЯНАЛЬНАЙ БЕЛАРУСКАЙ ТАТУIРОЎКИ Варшава"
- "ХАТКА- беларускае культурнае таварыства. Гданьск"
і акаўнты ў Facebook:
-"Смяротнае пакаранне ў Беларусi" - гэта старонка, створаная беларускімі праваабаронцамі для прыцягнення ўвагі да праблемы смяротнага пакарання, якое дагэтуль існуе ў Беларусі.
- "Беларускiя Студэнты за Свабоду".
- "Aliaksei Tsyhankou"
- "Yana Zmagar" .

13 кастрычніка гэтыя інтэрнэт-рэсурсы былі ўнесены ў "Рэспубліканскі спіс экстрэмісцкіх матэрыялаў.

Некалькімі днямі раней "плённай працай" у змаганні з "экстрэмізмам" вызначыўся суд Полацкага раёна і горада Полацка. 8 кастрычніка ён прызнаў "экстрэмісцкай інфармацыйнай прадукцыяй" 7 акаўнтаў у Facebook:
- "Рух Воля".
- "Баста."
- "Вольная Беларусь".
- "Caterine Bauré" - старонка беларускай праваабаронцы і юрысткі, якая жыве ў Францыі.
- "Юрась Дзяшук" - старонка беларускага журналіста-палітэмігранта.
- "Symon Gromyko" і "Volha Aheyeva" - гэта старонкі беларускіх актывістаў, вымушаных пакінуць радзіму.

Тэрыторыю Лёзненскага РАУС змусілі прыбіраць грамадзян, якія стаяць там на ўліку

Па ўсёй Віцебшчыне шырока разгарнуліся “добраахвотныя працы”, арганізаваныя ў межах “прафілактычных мерапрыемстваў” для тых, хто стаіць на ўліку ў крымінальна-выканаўчай інспекцыі. Цяперашняя актывізацыя – сезонная: падуліковых асобаў выкарыстоўваюць у якасці дворнікаў, якіх у рэгіёне бракуе катастрафічна.

У міліцыі запісваюць такое ў разрад “працатэрапіі” і “сацыялізацыі”, сцвярджаючы, што грамадска-карысная праца дапамагае ўстаць на “шлях выпраўлення”.

Грамадзян, якія знаходзяцца ў залежным ад міліцыі становішчы, звычайна накіроўваюць на нейкія грамадскія аб’екты – у паркі ці жылыя двары. У Лёзне пайшлі далей: міліцыя выкарыстала бясплатную працоўную сілу для ўборкі тэрыторыі свайго ж райаддзелу.

Мерапрыемства, як і паўсюль, было комплексным: падуліковых грамадзян спачатку выклікалі на гутарку пра неабходнасць весці законапаслухмяны лад жыцця, і толькі потым далі ў рукі граблі і мяцёлкі. Пайсці дахаты пасля “тэарэтычнай часткі”, адмовіўшыся ад бясплатнай прымусовай працы, немагчыма: для такіх рызыкантаў наступае адказнасць паводле арт. 24.3 КаАП – за непадпарадкаванне патрабаванням супрацоўнікаў міліцыі. І, адпаведна, пакаранне - ад штрафа да прымусовых прац і нават арышту.

Керамістаў, мастакоў, разьбяроў па дрэве і ювеліраў агітуюць перакваліфікавацца ў міліцыянты

Менавіта з такой мэтаў у віцебскім прафесійна-тэхналагічным каледжы праводзілі “Дзень выбара прафесіі”.

Гэтая навучальная ўстанова рыхтуе спецыялістаў у галіне дэкараўна-прыкладной творчасці, афарміцельскай і ювелірнай справе. А таксама кіроўцаў, спецыялістаў для лясной гаспадаркі і аператараў кампутарнай графікі. Але нават такі шырокі спектр спецыяльнасцяў кіраўніцтва навучальнай установы палічыла мала запатрабаваным у Беларусі, запрасіўшы супрацоўнікаў абласнога ўпраўлення МУС рэкламаваць “магчымасці для прафесійнай і асабістай самарэалізацыі ў міліцыі”.

Агітавалі падлеткаў стандартным наборам “плюшак”: ільготным крэдытаваннем на жытло, а таксама перспектывай атрымання службовага і арэнднага жылля і магчымасцю выйсці на пенсію пасла 20 гадоў службы. Для навучэнцаў разгарнулі выставу зброі і абмундзіравання, падрыхтаваную супрацоўнікамі АМАП. І напрыканцы раздалі анкеты пра тое, ці ўдалося кагосьці заагітаваць перакваліфікавацца ў міліцыянты па сканчэнні каледжа.

Віцяблянцы, якую абвясцілі ў міждзяржаўны вышук, прапанавалі напісаць распіску, што яна не вернецца ў Беларусь

Пра амаль што анекдатычны выпадак яна распавяла на ўмовах ананімнасці, атрымаўшы некалькі паведамленняў ад супрацоўніка беларускага крымінальнага вышуку ў сацыяльных сетках.

Жанчыне было прапанавана напісаць “распіску” пра тое, дзе яна жыве зараз, і што яна не збіраецца вяртацца на радзіму. А потым сфатаграфавацца з гэтым “дакументам” і даслаць аўтару прапановы. Тады, як патлумачыў супрацоўнік, ен нібыта зможа “прыпыніць” крымінальную справу, заведзеную супраць яе за “абразу прадстаўніка ўлады”.

Таксама супрацоўніка МУС цікавілі звесткі пра сям’ю віцяблянкі, і яе планы на бліжэйшую будучыню. Але жанчына ад размоваў на ўсе гэтыя тэмы адмовілася, бо падазрае, што ў крымінальным вышуку наўрад ці клапоцяцца пра тое, каб “прыпыніць” яе справу. І што найхутчэй там проста спрабуюць здабыць пра яе нейкія дадатковыя звесткі.

🤬 Палітзняволеную Вольгу Брыцікаву ў траўні змяшчалі ў ШІЗА

Паводле інфармацыі праваабаронцаў "Вясны", напрыканцы траўня палітзняволеную актывістку незалежнага прафсаюзнага руху Вольгу Брыцікаву змяшчалі ў штрафны ізалятар гомельскай калоніі № 4 на сем сутак.

Прычына спагнання невядомая. Пры гэтым адміністрацыя калоніі парушыла працэдуру: перад змяшчэннем у ШІЗА Вольгу не агледзеў лекар.

Нагадаем, Вольга — былая старшыня незалежнага прафсаюза "Нафтан". Жанчына адпрацавала на прадпрыемстве 16 гадоў і праз сваю пазіцыю была звольненая.

❤️‍🩹Лічба дня — 400

Менавіта столькі чалавек, паводле звестак кампаніі «Праваабаронцы супраць смяротнага пакарання», былі расстраляныя ў Беларусі за гады незалежнасці.

📌 Беларусь па-ранейшаму застаецца адзінай краінай у Еўропе, дзе захоўваецца і можа прымяняцца смяротнае пакаранне.

У Полацку АМАПаўцаў вучылі змагацца з “масавымі беспарадкамі”

Выяздное навучанне для супрацоўнікаў АМАПу з розных рэгіёнаў было падрыхтавана віцебскім упраўленнем УУС Віцебскага аблвыканкама.

Антураж пазнавальны па 2020-м годзе: шлемы, шчыты, дубінкі, гумавыя гранаты, дымавыя шашкі. І зброя.

Дзе ў Віцебску знайшлі "удзячных гледачоў" для мерапрыемстваў да Дня народнага адзінства

Арганізатары вырашылі скарыстацца прынцыпам "калі гара не ідзе да Магамета, то Магамет ідзе да гары": калі народ палкай не загоніш на ідэалагічныя імпрэзы, то іх можна перанесці туды, дзе народ будзе па-любаму.

Што гэта за месцы, дзе заўсёды ёсць людзі? Бінга! Гэта гандлёвыя цэнтры 🛍!

У гандлёвым цэнтры "Марко_сити" правялі дыялогавую пляцоўку да Дня народнага адзінства, для гарантыі наяўнасці публікі сагнаўшы туды яшчэ пэўню колькасць студэнтаў. Крэслы для гледачоў раставілі проста проста ў фае ГЦ. Так вырашыла адміністрацыя Чыгуначнага раёна Віцебска.

Па тым самым шляху пайшло і кіраўніцтва Кастрычніцкага раёна, зладзіўшы мерапрыемства з канцэртам у гандлёвым цэнтры "Интериум". Паколькі канцэрт ладзілі сіламі вучняў гімназіі №3, то публіку стваралі пераважна іх бацькі.

Але эфект "масавасці" для фотарэпартажаў быў дасягнуты 🙂

У Полацкім дзяржаўным універсітэце правялі адмысловы “круглы стол”, дзе раскрытыкавалі палітыку і эканоміку Латвіі

Мерапрыемства называлася «Латвия – Беларусь: конфронтация vs диалог». Яго сэнс зводзіўся да ухвалення пазіцыі Беларусі, якая адкрыла “бязвіз” для заходніх суседзяў насуперак пазіцыі “глыбокай канфрантацыі” з боку Латвіі.

Апошнюю папракнулі за “канцэпцыю савецкай акупацыі” і “палітычныя амбіцыі Рыгі”, якая захацела “разарваць масты , супрацьпаставіўшы гэтаму “фундамент национально-государственного строительства и индустриализации” у Беларусі.

У той час, як ідэолагі і праўладныя навукоўцы спаборнічалі ў папроках на адрас суседняй дзяржавы, іх красамоўства прымусілі слухаць студэнтаў, а таксама памежнікаў Полацкага памежнага атрада. А потым, паўтарыўшы асноўныя тэзы аратараў, пра гэта напісала і абласныя газета «Витебские вести» - каб чытачам таксама дасталася порцыя нянавісці да заходніх суседзяў. 🔗 https://tinyurl.com/mrxpssbz

Палітзняволеную Яну Пінчук адправілі на 15 сутак у ШІЗА пасля размовы з супрацоўнікам ГУБАЗіКу

 Пра гэта https://mediazonaby.com/news/2026/09/11/pinchuk «Медыязона», спасылаючыся на атрыманую інфармацыю. Паводле крыніцы «Медыязоны», у канцы жніўня ў Гомельскую жаночую калонію прыязджаў начальнік аддзела ГУБАЗіК Артур Гайко. Ён выклікаў на гутаркі некаторых палітвязняў. Сярод іх была і Яна Пінчук, на якую, праз тыдзень пасля размовы з Гайко, сталі пісаць рапарты. У выніку яе пазбавілі спаткання, а неўзабаве адправілі ў ШІЗА.

«Калонія сама б не ініцыявала гэтыя рапарты, гэта робіць ГУБАЗіК. 1 верасня ёй далі 15 сутак ШІЗА, а ў Яны астма. І ў нейкі момант яе не было ў калоніі. Ёсць верагоднасць, што яна была ў шпіталі», - распавяла крыніца «Медыязоны».

6 чэрвеня 2023 года палітзняволенай https://prisoners.spring96.org/be/person/jana-pinczuk 12 гадоў зняволення ва ўмовах агульнага рэжыму. Яе абвінавацілі паводле артыкулаў аб удзеле ў «экстрэмісцкім фармаванні» (частка 1 артыкула 361-1 КК), дзеяннях супраць нацбяспекі (частка 3 артыкула 361 КК), распальванні варожасці (частка 3 артыкула 130 КК), удзеле ў масавых беспарадках (частка 3 артыкула 293 КК) і стварэнні «тэрарыстычнай арганізацыі» альбо ўдзеле ў ёй (частка 1 артыкула 290-4 КК).

Паводле версіі следства, яна кіравала трыма «экстрэмісцкімі» тэлеграм-каналамі: «Витебск 97%», «Орша 97%» и «Новополоцк и Полоцк 97%».

Яну Пінчук ў Расіі ў 2021 годзе і ў Беларусь. У лістападзе 2023 года дзяўчыну ў спіс "тэрарыстаў" і пералік "асобаў, датычных да экстрэмісцкай дзейнасці".