Yoshlar jamg'armasi

🇺🇿🇺🇸 Yoshlar tadbirkorligini rivojlantirish jamg‘armasi AQSh kompaniyalari bilan hamkorlik aloqalarini rivojlantirmoqda

2026-yil 19-oktabr kuni Samarqand shahrida AQSh Davlat kotibi Marko Rubioning O‘zbekistonga rasmiy tashrifi doirasida “C5+1” formatidagi vazirlar uchrashuvi hamda O‘zbekiston–AQSh Ishbilarmonlik va investitsiya kengashining ikkinchi yig‘ilishi bo‘lib o‘tdi.

Tashrif doirasidagi biznes uchrashuvlarida Yoshlar tadbirkorligini rivojlantirish jamg‘armasi vakillari ham ishtirok etib, American Councils, Citibank, Oppenheimer, Mastercard, Visa, JPMorgan va boshqa tashkilotlar vakillari bilan individual uchrashuvlar o‘tkazdi. Muloqotlar davomida o‘zaro aloqalarni yo‘lga qo‘yish, istiqboldagi hamkorlik imkoniyatlarini o‘rganish va kelgusidagi muloqotni davom ettirish masalalari muhokama qilindi.

O‘zbekiston va AQSh o‘rtasidagi iqtisodiy hamkorlikni kengaytirish, investitsiyalarni jalb etish hamda moliya va raqamli texnologiyalar sohalarida yangi imkoniyatlarni rivojlantirishga qaratilgan ushbu uchrashuvlar Jamg‘armaning xalqaro hamkorlik aloqalarini mustahkamlash yo‘lidagi muhim qadam bo‘ldi.

🤝 Maqsad — yoshlar tadbirkorligini qo‘llab-quvvatlash va xalqaro hamkorlik orqali yangi imkoniyatlar yaratish.

🌐Telegram | 🌐 Instagram |🌐LinkedI

Samarqandda “C5+1” formatidagi vazirlar uchrashuvi bo‘lib o‘tdi

Uchrashuvda Markaziy Osiyo TIV rahbarlari hamda AQSH Davlat kotibi Marko Rubio savdo va iqtisodiy hamkorlikni kengaytirish, uzoq muddatli investitsiyalarni jalb etish, transport, energetika va raqamli infratuzilmani rivojlantirish yuzasidan atroflicha fikr almashdi.

O‘zbekiston tomon biznes vakillarini ustuvor loyihalarni belgilash va ilgari surishga jalb etish uchun “C5+1” va “B5+1” formatlari o‘rtasida muntazam hamkorlikni yo‘lga qo‘yishni taklif etdi.

🌐Telegram | 🌐 Instagram |🌐LinkedI

#Bank-moliya akademiyasi
#memorandum_imzolandi

O‘zbekiston Respublikasi Bank-moliya akademiyasi va Yoshlar ishlari agentligi huzuridagi Yoshlar tadbirkorligini rivojlantirish davlat maqsadli jamg‘armasi o‘rtasida "Yoshlar tadbirkorligini rivojlantirish, yoshlarning tashabbuslarini qo‘llab-quvvatlash va ta’limiy hamda amaliy loyihalarni amalga oshirish to‘g‘risida"gi o‘zaro anglashuv memorandumi imzolandi.
—
Ўзбекистон Республикаси Банк-молия академияси ва Ёшлар ишлари агентлиги ҳузуридаги Ёшлар тадбиркорлигини ривожлантириш давлат мақсадли жамғармаси ўртасида "Ёшлар тадбиркорлигини ривожлантириш, ёшларнинг ташаббусларини қўллаб-қувватлаш ва таълимий ҳамда амалий лойиҳаларни амалга ошириш тўғрисида"ги ўзаро англашув меморандуми имзоланди.

👉 Телеграм каналимизга аъзо бўлинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

Yoshlar g‘oyasidan real biznes sari: yangi hamkorlik, yangi imkoniyatlar!

Yoshlar tadbirkorligini rivojlantirish davlat maqsadli jamg‘armasi va O‘zbekiston Respublikasi Bank-moliya akademiyasi o‘rtasida o‘zaro anglashuv memorandumi imzolandi.

Hamkorlik yoshlarning biznes g‘oyalarini puxta loyihalarga aylantirish, ularning iqtisodiy salohiyatini oshirish va istiqbolli tashabbuslarni moliyaviy qo‘llab-quvvatlashga qaratilgan.

Bank-moliya akademiyasi biznes loyihalarini shakllantirish va rivojlantirishga ko‘maklashsa, Jamg‘arma ularni amalga oshirish uchun imkoniyatlar yaratadi.

Maqsad — raqobatbardosh, barqaror va yangi ish o‘rinlari yaratadigan bizneslarni rivojlantirish.

#YoshlarJamgarmasi #YoshlarTadbirkorligi #BankMoliyaAkademiyasi #YoshlarBiznesi

🌐Telegram | 🌐 Instagram |🌐LinkedI

Yoshlar tadbirkorligini rivojlantirish davlat maqsadli jamg'armasi direktori - Mirzobek Kuldoshev oʻz marra marafonini e’lon qilmoqda.

• “Mutolaa”da yosh tadbirkorlar marrasiga qo'shiling va “Farovonlik paradoksi” asarini mutolaa qiling.

12-oktabrdan 4-noyabr kuniga qadar
• 22 kun davomida kuniga 26 daqiqadan kitobni mutolaa qilamiz va so’nggida hamma test ishlab, yopiq savollarga javob beradi.

🎁 Imtihonda eng yaxshi natija ko‘rsatgan
🥇 1-oʻrin: Merjlar to'plami va Garvard kitoblar toʻplami va 1 yillik premium..
🥇 2-oʻrin: Startapga oid kitoblar va 1 yillik premium.
🥇 3-oʻrin: Merjlar va  1 yillik premium.

Shuningdek, TOP 12 nafar kitobxonlar 1 yillik Mutolaa Premium bilan taqdirlanadilar.

Ushbu havola orqali qo'shiling: https://mutolaa.com/davra/post/526670


Mutolaa ilovasini yuklab oling

🌐Telegram | 🌐 Instagram |🌐LinkedI

“Ko‘mak” olis hududlarda yangi imkoniyatlar yaratmoqda

Bugun olis tumanlardagi yoshlar ham o‘z hududida xorijiy tillarni o‘rganish imkoniga ega.

“Ko‘mak” loyihasi doirasida 600 ta o‘quv markaziga ssuda ajratildi. Yoshlar tadbirkorligini rivojlantirish jamg‘armasi tomonidan 77 mlrd so‘m mablag‘ yo‘naltirildi. Natijada 30 mingdan ortiq yosh xorijiy tillarni o‘rganmoqda va 2 mingdan ortiq ish o‘rni yaratildi.

Loyiha qamrovi qanday?

Bugungi kunda “Ko‘mak” 158 ta tumanni qamrab olgan. Bu mamlakatimiz tumanlarining qariyb 90 foizida yoshlar uchun yangi ta’lim imkoniyatlari yaratilayotganini anglatadi.

Qaysi hududlarda o‘quv markazlari ko‘proq ochilgan?

• Surxondaryo viloyati — 99 ta;
• Buxoro viloyati — 82 ta;
• Qashqadaryo viloyati — 58 ta;
• Samarqand viloyati — 52 ta;
• Farg‘ona viloyati — 50 ta.

Hududlardagi bu tashabbuslar ta’lim imkoniyatlarini kengaytirish bilan birga, mahalliy tadbirkorlikni ham rivojlantirmoqda.

Biz uchun muhim natija — yoshlar qayerda yashashidan qat’i nazar, o‘z salohiyatini ro‘yobga chiqarish imkoniga ega bo‘lishi.

“Ko‘mak” orqali biz shu imkoniyatlarni yanada kengaytiryapmiz.

@alisher_sadullaev

⚡️Imkoniyatdan — natijagacha

Navoiy viloyati Konimex tumani Sho‘rtepa mahallasida yashovchi Xudoyqulov Munisbek oilaviy tadbirkorlik yo‘nalishida o‘z faoliyatini yo‘lga qo‘ygan.

U nonvoychilik bilan shug‘ullanib, mehnati orqali daromad topmoqda. Endilikda esa faoliyatini kengaytirish, ishlab chiqarish hajmini oshirish va biznesini yanada rivojlantirishni maqsad qilgan.

Munisbekning hikoyasi — yoshlar uchun yaratilayotgan imkoniyatlar to‘g‘ri foydalanilganda, ularni aniq natijaga aylantirish mumkinligining bir misoli.

🕊Telegram 📸Instagram 📺YouTube 🌍 Linkedin 🌍Veb sayt

Barcha ustoz va murabbiylarimizni 1-oktabr Ustoz va murabbiylar kuni bilan samimiy tabriklaymiz!

Yoshlarga berayotgan bilimingiz, mehnatingiz va fidoyiligingiz uchun tashakkur! 💐

#UstozlarKuni #YoshlarJamgarmasi

🌐Telegram | 🌐 Instagram |🌐LinkedI

🏫 Uyidagi g‘oyadan,150+ o‘quvchiga

Xovos tumani Qahramon mahallasida yashovchi Saparbayeva Sevinch o‘z uyida LINGUA ZONE o‘quv markazini tashkil etib, faoliyatini boshlagan.

Sevinch Xovos yoshlari bilan Alisher Sa’dullayev ishtirokidagi ochiq muloqotda o‘z g‘oyasini ilgari surgan. Keyinchalik loyihasini rivojlantirish uchun moliyaviy yordam olib, mahalladagi binoda yangi o‘quv markazini ochdi.

Bugun LINGUA ZONEda 150 nafardan ortiq o‘quvchi ta’lim olmoqda.

Bir g‘oya — katta natijalarga boshlovchi qadam.

#Yoshlar #Tadbirkorlik

🌐Telegram | 🌐 Instagram |🌐LinkedIn

Yoshlar markazida yangi o‘quv markazi ochildi!

Yoshlar ishlari agentligi direktori Alisher Sa’dullayev Samarqand viloyati Yoshlar markazida tashkil etilgan yangi o‘quv markazining ochilishida ishtirok etdi.

Mazkur markaz yoshlarning bilim va ko‘nikmalarini rivojlantirish, zamonaviy kasblarni egallashi hamda o‘z imkoniyatlarini ro‘yobga chiqarishi uchun qo‘shimcha sharoit yaratadi.

Ochilish marosimidan so‘ng Alisher Sa’dullayev markazda tahsil olayotgan yoshlar bilan muloqot qilib, ularning ta’lim jarayoni, qiziqishlari va kelgusidagi rejalari bilan tanishdi.

🌐Telegram | 🌐 Instagram |🌐LinkedIn

🇺🇿Mustaqilligimizning 35 yilligi muborak bo‘lsin!

Yurtimiz tinchligi, xalqimiz farovonligi va Vatanimiz taraqqiyoti bardavom bo‘lsin!

| 🌐 https://www.instagram.com/yoshlarjamgarmasi?igsh=aHN6Zm9mdTRhMXVq |🌐 https://www.linkedin.com/company/yoshlarjamgarmasi/

👻👻👻👻🇺🇿🇺🇿🇺🇿🇺🇿🇺🇿🇺🇿

🇺🇿 Mustaqilligimizning 35 yilligi muborak!

35 yil — bu xalqimizning bunyodkorligi, izlanishlari va ulkan marralari aks etgan sharafli tarixdir.

Bugun Yangi O‘zbekiston taraqqiyot yo‘lida yangi imkoniyatlar yaratilmoqda. Ayniqsa, yoshlarning g‘oya va tashabbuslarini qo‘llab-quvvatlash, ularni tadbirkorlikka jalb etish hamda munosib kelajak uchun sharoit yaratish — mamlakatimiz rivojining muhim yo‘nalishlaridan biridir.

Barchangizni O‘zbekiston Respublikasi davlat mustaqilligining 35 yilligi bilan samimiy muborakbod etamiz! Yurtimiz tinch, xalqimiz farovon, kelajagimiz yanada porloq bo‘lsin!

🇺🇿 Yagona Vatan, yagona xalq bo‘lib, yangi hayot va kelajak yaratamiz!

#Mustaqillik35 #Uzb35 #YoshlarTadbirkorliginiRivojlantirishJamgarmasi

🌐 | 🌐 https://www.instagram.com/yoshlarjamgarmasi?igsh=aHN6Zm9mdTRhMXVq |🌐 https://www.linkedin.com/company/yoshlarjamgarmasi/

Surxondaryolik yosh tadbirkorlarga xalqaro sertifikatlar topshirildi

“Yangi avlod tadbirkorlari” dasturi doirasida Yale School of Management bilan hamkorlikda tashkil etilgan 3 kunlik intensiv ta’limda Surxondaryodan 15 nafar yosh tadbirkor ishtirok etgan edi.

Yaqinda esa ushbu ta’lim dasturida faol qatnashgan yosh tadbirkorlarga Yale School of Management sertifikatlari tantanali ravishda topshirildi.

Yosh tadbirkorlarimizni ushbu muvaffaqiyat bilan muborakbod etamiz! 🇺🇿

🌐 | 🌐 https://www.instagram.com/yoshlarjamgarmasi?igsh=aHN6Zm9mdTRhMXVq |🌐 https://www.linkedin.com/company/yoshlarjamgarmasi/

Sirdaryoda yoshlar tashabbuslari o‘rganilmoqda

Bugun Sirdaryo viloyatining olis va chekka mahallalarida bo‘lib, ishchi guruhlari orqali yoshlar tomonidan bildirilayotgan tashabbus va takliflar o‘rganildi.

Shuningdek, 4-iyul kuni Xovos tumanida yoshlar bilan o‘tkazilgan ochiq muloqot davomida belgilangan topshiriqlarning ijrosi ham joyiga chiqqan holda ko‘zdan kechirildi.

O‘rganishlar davomida yoshlarning muammolari, tadbirkorlik tashabbuslari hamda yangi loyihalarni shakllantirish bo‘yicha takliflariga alohida e’tibor qaratildi.

Bildirilgan tashabbus va takliflar asosida yoshlar uchun yangi imkoniyatlarni yaratish, istiqbolli loyihalarni qo‘llab-quvvatlash bo‘yicha ishlar davom ettiriladi.

#YoshlarTadbirkorliginiRivojlantirishJamgarmasi #Sirdaryo

🌐 | 🌐 https://www.instagram.com/yoshlarjamgarmasi?igsh=aHN6Zm9mdTRhMXVq |🌐 https://www.linkedin.com/company/yoshlarjamgarmasi/

Yale School of Management professorlari Samarqandda!

Mehmonlarimiz Samarqandning tarixiy obidalari bilan
yaqindan tanishdilar.

Samarqandning betakror tarixi, qadimiy me'morchiligi va o'ziga xos muhiti mehmonlarimizda katta taassurot qoldirdi.

#YangiAvlodTadbirkorlari #YoshlarAgentligi #Yale

🌐 | 🌐 https://www.instagram.com/yoshlarjamgarmasi?igsh=aHN6Zm9mdTRhMXVq |🌐 https://www.linkedin.com/company/yoshlarjamgarmasi/

🇺🇿 Tadbirkorlar bilan ochiq muloqotda muhim tashabbuslar belgilandi.

Prezident Shavkat Mirziyoyev Xiva shahrida tadbirkorlar bilan ochiq muloqot o‘tkazdi. Unda mamlakatimiz hududlaridan 25 mingga yaqin tadbirkor ishtirok etdi.

Muloqot davomida tadbirkorlikni rivojlantirish va biznes uchun yanada qulay sharoit yaratishga qaratilgan 5 ta ustuvor yo‘nalish belgilandi.

🔹Biznesni moliyalashtirish — “Kredit xizmatlari yagona raqamli portali” orqali kredit olish jarayoni soddalashtiriladi. Biznesni endi boshlayotganlar uchun 5 mlrd so‘mgacha onlayn kredit, “Biznes start” dasturi doirasida esa 200 mln so‘mgacha garovsiz kredit berish yo‘lga qo‘yiladi.

🔹Hududlarda biznes imkoniyatlarini kengaytirish — davlat aktivlari uchun avans to‘lovi 30 foizdan 15 foizga tushiriladi. Banklar balansidagi 9 trln so‘mlik 2,5 mingta mulk tadbirkorlarga chegirmali narxda, boshlang‘ich to‘lovsiz va foizsiz bo‘lib to‘lash sharti bilan sotiladi.

🔹Sun’iy intellekt va investitsiyalar — “10 ming korxona uchun – sun’iy intellekt hamkor” dasturi amalga oshiriladi. Korxonalarning sun’iy intellekt joriy qilish xarajatlarining 50 foizi kompensatsiya qilinadi. Dastlabki bosqichga kamida 100 mln dollar ajratiladi. Shuningdek, 1 million yoshni zamonaviy kasblarga o‘rgatish maqsad qilingan.

🔹Eksport va milliy brendlar — “Eksport navigator” tizimi joriy etilib, xorijda talab yuqori bo‘lgan 100 ta mahsulot bo‘yicha bozor, tarif va logistika yechimlari ishlab chiqiladi. Eksportchilarni qo‘llab-quvvatlashga kamida 1 mlrd dollar yo‘naltiriladi.

🔹Biznesga ma’muriy bosimni kamaytirish — kichik biznesda inson sog‘lig‘i va boshqa tadbirkorlar manfaatiga zarar yetkazish bilan bog‘liq bo‘lmagan tekshiruvlarga 3 yil muddatga moratoriy joriy etiladi. Jarimalar miqdori o‘rtacha 2 barobar kamaytiriladi.

Shuningdek, joriy yilda yalpi ichki mahsulotni 180 mlrd dollardan, eksportni esa 40 mlrd dollardan oshirish vazifalari belgilandi.

📌 Manba: O‘zbekiston Respublikasi Prezidenti rasmiy veb-sayti. https://president.uz/oz/lists/view/9511?utm_source=chatgpt.com ⬅️

🌐 | 🌐 https://www.instagram.com/yoshlarjamgarmasi?igsh=aHN6Zm9mdTRhMXVq |🌐 https://www.linkedin.com/company/yoshlarjamgarmasi/

Prezidentimizning tadbirkorlar bilan ochiq muloqoti: birinchi qadamdan boshlab katta biznesga aylangunga qadar qo‘llab-quvvatlashga qaratilgan ulkan imkoniyatlar yaratilmoqda.

https://x.com/president_uz

HAR QANDAY KATTA BIZNES BIRINCHI QADAMDAN BOSHLANADI.

Bugun sizda shunchaki g‘oya bo‘lishi mumkin. Muhimi uni amalga oshirish uchun imkoniyat topish.

🚀 Yoshlar Tadbirkorligini Rivojlantirish Jamg‘armasi — yoshlarning g‘oyasini imkoniyatga, imkoniyatni esa biznesga aylantirishga ko‘maklashadi.

Sizda g‘oya bor, bizda imkoniyat.

#YoshlarTadbirkorliginiRivojlantirishJamgarmasi #YoshlarIshlariAgentligi #Biznes #Imkoniyat

🌐 | 🌐 https://www.instagram.com/yoshlarjamgarmasi?igsh=aHN6Zm9mdTRhMXVq |🌐 https://www.linkedin.com/company/yoshlarjamgarmasi/

Xalqaro hamkorlik doirasida

Rossiya delegatsiyasi Yoshlar ishlari agentligiga tashrif buyurdi.

Mehmonlarga Yoshlar ishlari agentligi amalga oshirayotgan loyihalar hamda Yoshlar tadbirkorligini rivojlantirish jamg’armasi faoliyati haqida ma’lumot berildi.

Uchrashuvda kelgusidagi hamkorlik masalalari muhokama qilindi.

#YoshlarIshlariAgentligi #YoshlarTadbirkorliginiRivojlantirishJamgarmasi

🌐 | 🌐 https://www.instagram.com/yoshlarjamgarmasi?igsh=aHN6Zm9mdTRhMXVq |🌐 https://www.linkedin.com/company/yoshlarjamgarmasi/

Yoshlar va tadbirkorlik: Toshkent Xalqaro Universitetida uchrashuv 🏛

Jamg‘arma jamoasi Toshkent Xalqaro Universiteti talabalari bilan uchrashib, yoshlarning biznes tashabbuslarini qo‘llab-quvvatlashga qaratilgan loyihalar taqdimotini o‘tkazdi.

Uchrashuv davomida talaba-yoshlar Jamg‘arma faoliyati, loyihalari va ulardan foydalanish tartibi bilan yaqindan tanishtirildi.Xususan, muloqot markazida yoshlarning ta’lim va tadbirkorlikdagi intilishlarini birlashtiruvchi “Ko‘mak” dasturi hamda uning bugungi kungi salmoqli natijalari turdi:

🔂400 ga yaqin o‘quv markazlari moliyalashtirildi;
🔂Tizim orqali jami 850 ga yaqin yangi ish o‘rinlari yaratildi;
🔂11 984 nafardan ortiq yoshlar ushbu markazlarda xorijiy tillarni o‘rganmoqda.

Universitet talabalari nafaqat nazariy bilim, balki biznes boshlash uchun zarur amaliy vositalar haqida batafsil ma’lumot oldilar. Tadbirning amaliy natijasi o‘laroq, yoshlar o‘z g‘oyalarini amalga oshirish va ssuda olish uchun  http://yoshlarfondi.uz/ sayti orqali onlayn ariza qoldirdilar.

Yoshlarning intilishlarini qo‘llab-quvvatlashda davom etamiz. Sizda g‘oya bor, bizda imkoniyat!

🌐 | 🌐 https://www.instagram.com/yoshlarjamgarmasi?igsh=MXVkNGY3NnJoOGRuOQ==

Yangi O‘zbekiston yoshlari – 2030: Kelajak strategiyasi taqdim etildi! ⚡️

⚡️ Bugun Yoshlar ijod saroyida mamlakatimiz yoshlari hayotida yangi davrni boshlab beruvchi “Yangi O‘zbekiston yoshlari – 2030” strategiyasining keng ko‘lamli taqdimoti bo‘lib o‘tdi.

Taqdimot davomida:
• Alisher Sa’dullayev hamda soha mutaxassislari strategiya doirasida 2030-yilgacha mo‘ljallangan barcha muhim va ustuvor maqsadli ko‘rsatkichlarni rasman e’lon qilishdi.

• Jamg‘arma tomonidan tashkil etilgan maxsus interaktiv stendda yoshlar uchun mo‘ljallangan o‘n to‘rtdan ortiq yangi loyiha hamda dasturlar namoyish etildi.

• Tadbir ishtirokchilari, yosh tadbirkorlar va startapchilar o‘zlarining istiqbolli loyihalari yuzasidan mutaxassislardan bevosita maslahatlar olishdi.

🚀 Strategiya doirasida yaratiladigan imkoniyatlar yoshlarimizning barqaror daromadga ega bo‘lishi va global bozorlarda o‘z o‘rnini topishi uchun mustahkam poydevor bo‘lib xizmat qiladi.

Sizda g‘oya bor, bizda imkoniyat!

🌐 | 🌐 https://www.instagram.com/yoshlarjamgarmasi?igsh=MXVkNGY3NnJoOGRuOQ==

“Yangi O‘zbekiston yoshlari – 2030” strategiyasi: Tadbirkorlik va startaplar uchun yangi ufqlar ⚡️

Kelajak – bu bugun qurilayotgan imkoniyatlar poydevoridir. Davlatimiz rahbari tomonidan ilgari surilgan mazkur strategiya yoshlarning biznes salohiyatini ro‘yobga chiqarish va bandligini ta’minlashga qaratilgan birinchi yaxlit hujjatdir.

Strategiyaning tadbirkorlik va bandlikka oid eng muhim maqsadli ko‘rsatkichlari:
🔹 Katta masshtab va natija: Yosh tadbirkorlar safini +30 foizga oshirish orqali 20 000 dan ortiq yangi ish o‘rinlarini yaratish.
🔹 Global bilimlar: “Yangi avlod tadbirkorlari” dasturi doirasida Garvard, MIT va Stenford kabi dunyo top-universitetlari tajribasi asosida 20 ming yoshni o‘qitish.
🔹 Moliyaviy ko‘mak:
• Saralangan 1 000 nafar tadbirkorga 206 million so‘mgacha (500 BHM) imtiyozli ssuda;
• Oyiga 10 mingdan ortiq kitob sotuvchi tadbirkorlarga 1 milliard so‘mgacha moliyaviy yordam.
🔹 Startaplarni qo‘llab-quvvatlash: 1 000 ta istiqbolli loyihani qo‘llab-quvvatlash va ulardan kamida 400 tasini xalqaro bozorga olib chiqish.
🔹 Infratuzilma uchun kompensatsiya: Kommunal tarmoqlarga (elektr, suv, kanalizatsiya) ulanish xarajatining bir qismini Jamg‘arma tomonidan qoplab berish.

Yangi O‘zbekistonni barpo etishda yosh tadbirkorlarning o‘rni beqiyos. Biz esa ushbu yo‘lda sizning eng yaqin strategik hamkoringiz bo‘lishga tayyormiz.

Sizda g‘oya bor, bizda imkoniyat!

Loyihalar bilan tanishish va ariza qoldirish: http://yoshlarfondi.uz/

🌐 | 🌐 https://www.instagram.com/yoshlarjamgarmasi?igsh=MXVkNGY3NnJoOGRuOQ==

Jamg‘arma haqida eng muhim 3 savolga javob beramiz

Tadbirkorlik yo‘lida birinchi qadamni tashlash har doim savollar bilan boshlanadi. Biz Jamg‘arma faoliyati haqida eng ko‘p beriladigan savollarni tahlil qildik va ularga qisqa, aniq va tushunarli javob berdik.

Videoda orqali quyidagi savollar javobini bilib olishingiz mumkin:
✅Jamg‘arma loyihalarida kimlar ishtirok eta oladi?
✅Qaysi yo‘nalishlar uchun mablag‘ ajratiladi?
✅Moliyaviy yordam olish shartlari qanday?

Sizni qiziqtirgan qo‘shimcha savol va takliflarni izohlarda qoldiring – barchasiga batafsil javob beramiz. Jamg‘arma loyihalari bilan tanishish va ariza qoldirish uchun: http://yoshlarfondi.uz/

Sizda g‘oya bor, bizda imkoniyat!

🌐 | 🌐 https://www.instagram.com/yoshlarjamgarmasi?igsh=MXVkNGY3NnJoOGRuOQ==

Qaysi orzu uchun harakatdasiz?

Ish shunchaki mas’uliyat emas, balki o‘zgarishlarga daxldorlik hissidir.

Jamg‘arma jamoasi a’zolaridan ishlash uchun sabablarini so‘raganimizda, javoblar turlicha bo‘ldi. Kimdir uchun bu yosh tadbirkor muammosining yechilishi bo‘lsa, kimdir uchun do‘stona jamoa ilhom manbai bo‘lib xizmat qilar ekan.

Aslida, sizning g‘oyalaringiz va intilishingiz ishlarimizga mazmun bag‘ishlaydi. Yosh tadbirkorlar muvaffaqiyati – bizni umumiy maqsad yo‘lida birlashtiruvchi asosiy kuchdir.

🌐 | 🌐 https://www.instagram.com/yoshlarjamgarmasi?igsh=MXVkNGY3NnJoOGRuOQ==

Tadbirkorlar uchun yaxlit ekotizim ⚙️

Yoshlar biznes maktabi, Ko‘mak, YoshlarVentures... Bu shunchaki loyihalar emas, balki Jamg‘armaning tadbirkorlik yo‘lingizda yordam beradigan maxsus dasturlaridir.

O‘zingizga mos yo‘nalishni tanlang:
• Boshlayotganlar uchun: "Ko‘mak" loyihasidan foizsiz ssudalar;
• Tadbirkorlar uchun: "Yoshlar biznes maktabi" orqali boshqaruv bilimlari;
• Startaplar uchun: "YoshlarVentures" orqali istiqbolli loyihalarga investitsiyalar.

💙G‘oyadan to yirik brendgacha bo‘lgan barcha amaliy yechimlar bir joyda jamlangan. Loyihalar bilan tanishish va ariza qoldirish uchun: http://yoshlarfondi.uz/

Sizda g‘oya bor, bizda imkoniyat. Keling, kuchlarni birlashtiramiz!

🌐 | 🌐 https://www.instagram.com/yoshlarjamgarmasi?igsh=MXVkNGY3NnJoOGRuOQ==

O‘zbekiston va AQSh: tadbirkorlikning yangi ufqlari sari ilk qadamlar! 🇺🇿🇺🇸

O‘zbekiston yoshlari uchun global miqyosdagi eng nufuzli loyihalardan biri – "Yangi avlod tadbirkorlari" dasturini amalga oshirish bo‘yicha amaliy harakatlar boshlandi.

Prezidentimiz tashabbuslari bilan ishlab chiqilayotgan ushbu dasturning metodologiyasini eng yuqori standartlarga muvofiq shakllantirish maqsadida, Yoshlar ishlari agentligi direktori Alisher Sa’dullayev va Yoshlar jamg‘armasi ijrochi direktori Mirzobek Quldoshov AQSHning nufuzli Yale University vakillari bilan uchrashuv o‘tkazishdi.

Tashrif davomida Yale University'ning o‘qitish dasturlari va boshqaruv modellari o‘rganildi. Jarayonda nafaqat akademik doira, balki Xitoy kompaniyalari asoschilari va xalqaro bank vakillari bilan hamkorlik istiqbollari muhokama qilindi.

"Yangi avlod tadbirkorlari" dasturi yoshlarimiz uchun shunchaki loyiha emas, balki dunyo biznes elitasiga chiqish uchun haqiqiy ko‘prik bo‘ladi. Hozirda poydevor qo‘yilmoqda, eng muhim yangiliklar esa hali oldinda.

Batafsil ma’lumot va loyiha startini o‘tkazib yubormaslik uchun: http://yoshlarfondi.uz/

🌐 | 🌐 https://www.instagram.com/yoshlarjamgarmasi?igsh=MXVkNGY3NnJoOGRuOQ==

AQSh safari – O‘zbekiston yoshlari uchun global imkoniyatlar sari

Davlatimiz rahbari tomonidan xorijiy oliygohlar hamkorligida 40 ming nafar yoshni biznesga o‘rgatuvchi “Yangi avlod tadbirkorlari” dasturini amalga oshirish vazifasi belgilangan edi. Ushbu strategik topshiriq ijrosini ta’minlash maqsadida Yoshlar ishlari agentligi jamoasining AQShda xizmat safari boshlandi.

Tashrif davomida Jamg‘arma ijrochi direktori Mirzobek Quldoshov nufuzli ta’lim va moliya institutlari bilan muzokara o‘tkazib, Jamg‘arma loyihalarini global ekotizimlarga integratsiya qilish borasida strategik kelishuvlarga erishmoqda.

Mazkur tashrif "Yoshlar Ventures" va “UzCombinator” loyihalarini jahon standartlariga moslashtirish, mahalliy startaplarni xalqaro investitsiya bozorlariga olib chiqishda tub burilish yasaydi.

Safarning asosiy natijalari:
• UzCombinator va ilm-fan: Cornell Tech bilan hamkorlikda PhD olimlarni startap asoschilariga aylantiruvchi tajriba yurtimizda joriy etiladi. Bu ilmiy loyihalarni real biznesga aylantirish imkonini beradi.

• Investitsiya va Ventures: NYU tadbirkorlik instituti bilan "Yoshlar Ventures" jamg‘armasi o‘rtasida hamkorlik o‘rnatildi. Endi mahalliy startaplarimiz xalqaro investitsiya platformalariga to‘g‘ridan-to‘g‘ri chiqish imkoniga ega.

• Global akseleratsiya: Founder Institute va Endeavor tarmoqlari orqali o‘zbek asoschilarini 14 haftalik xalqaro dasturlarga jalb etish hamda ularning loyihalarini jahon bozoriga eksport qilish choralari ko‘rilmoqda.

• Xalqaro tajriba: BMT Yoshlar ofisi bilan kelishuvga ko‘ra, yoshlarimiz uchun nufuzli tashkilotlarda amaliyot o‘tash va xalqaro loyihalarda ishtirok etish eshiklari ochilmoqda.

Ushbu tashrif yosh tadbirkorlar loyihalarini shunchaki mahalliy emas, balki global miqyosdagi brendga aylantirish yo‘lidagi muhim qadamdir!

🌐 | 🌐 https://www.instagram.com/yoshlarjamgarmasi?igsh=MXVkNGY3NnJoOGRuOQ==