𝘽𝙖𝙝𝙤𝙙𝙞𝙧 𝙄𝙨𝙠𝙖𝙣𝙙𝙖𝙧𝙤𝙫 ✍🏻

ЎРГАНИШ ШАРТ!

Ассалому алайкум, аслзода кўрарманлар.

Биласиз, бошқа давлатларни кўкка кўтариб, ўзимизникиларни ерга уриб, гапирадиган одатим йўқ. "Войдоод, фалон миллатнинг дуҳоба иштони зўр экан" деб гапирадиган дуҳобачилардан эмасман!

Менинг ягона мақсадим - барча ривожланган давлатлар бир-биридан ўрганганидек, биз ҳам қайсидир амалда исботланган яхши тизимларни ўзимизда ҳам жорий қилиш.

Фойдаси борми, бор. Секин-секин хатоларни тўғрилаб, кучли жамиятга айланамиз-да, айланай) Кўмирқалблик қилиб, танқидни қилаверсак-да, таклифни бермасак, жамият-ку жамият, бизнинг қишлоқдаги Мардон қассобнинг оғили ҳам обод бўлмайди-да, ўргилай)

Хуллас, бугун ҳам ажойиб тизимлардан бирини ўрганиб келдим. Кўриб, фикрларингизни қолдиринг. Бизга ҳам шу тизим керакми, ё череччур керакми?))

Баҳодир НИППОНИЙ - Яхши кунларда сиз билан бирга. Айланай-ўргилайлардан сўранг)

Каналга қўшилиш👈

ДАБДАБАЛИ ТЎЙЛАР!

Ассалому алайкум, аслзода кўрарманлар.

Шакарбой ота билан "Дабдабали тўйлар" ҳақида гаплашдик.
Бир пайтлар Японияда ҳам катта тўйлар бўлган экан...

Кўринг ва фикрларингизни изоҳларда ёзиб қолдиринг.

Баҳодир НИППОНИЙ - Яхши кунларда сиз билан бирга. Тўйхоналардан сўранг)

Каналга уланиш👈

РАҲИМ БОБО КЎПРИГИ.

Ассалому алайкум, аслзода кўрарманлар. Токиодаги дунёга машҳур "Rainbow" кўпригини ўзимизнинг Раҳим бобо қурган десам, ишонасизми?

Ишонаверинг. Сиздан нима кетти? Дунёнинг нариги четида туриб олиб, бутун бошли Фаробий, Навоий, Буҳорий боболаримизни ҳам ўзлаштиришга ҳаракат қилишади. Биз ҳам секин-секин ўзлаштиришни бошласак нима қипти?

Хуллас, тамом. Энди, нимадир диққатга сазовор жой, тарихий-илмий манбаларни учратсам, ўзимиздан деб юборавераман)

Ҳа, майли, велиб кетсин. Келинг, яхшиси ажойиб "Фавворалар рақси"ни кўрсатай сизларга.

Баҳодир НИППОНИЙ - Яхши кунларда сиз билан бирга. Фавворалардан сўранг)

Каналга уланиш👈

ЯПОН МАКТАБЛАРИ!

Ассалому алайкум, аслзода кўрарманлар.

Япония мактаблари ҳақида видео лавҳа тайёрладим.

Энг қизиғи - видео тайёрлаётган пайтим "Зилзила бўлади" деган ваҳимали сереналар чалиниб кетса денг) Юракни ёришди)
Бу ҳақида эртага айтиб бераман.

Бугун, шу лавҳани кўриб турайлик.

Баҳодир Ниппоний - Яхши кунларда сиз билан бирга. Қизил шаҳодатномаси борлардан сўранг)

Каналга уланиш👈

РОСТДАН ЧИҚИНДИ ЙЎҚМИ?

Ассалому алайкум, аслзода кўрарманлар.

Бугун, Япон стадионларидан лавҳа тайёрлаб келдим.

Вақтингиз бўлганда кўрарсиз. Вақт масаласи ўзимда ҳам қийин бўлиб кетди. Шунга ҳижолат бўлиб "Кўрарсиз" деяпман))

Баҳодир Ниппоний - Яхши кунларда сиз билан бирга. Ҳижолатпарастлардан сўранг)

Каналга уланиш👈

УЗОҚ УМР КЎРИШ!

Ассалому алайкум, аслзода кўрарманлар.

Японлар ҳар доим соғлом кўринади-да, менга.

Ўзбекистондаги яқин танишларимнинг аксарияти, 50 ёшдан кейин қариликни бўйнига оволишади. Японлар эса, 70-80 ёшда ҳам диркиллаб, велосипед миниб, машқлар қилиб юришади. Шу 70-80 ёшли Японлар мендан соғлом бор-ку)

Бунинг бир нечта сабаблари бор. Шулардан бири - бадантарбия бўлса керак. Бугун шу ҳақида гаплашамиз.

Айтганча, кейинги душанбадан юришга чиқаман, югуришга чиқаман деб юрган дангаса дўстлар, пайсалга солавермай эртага эрталабдан бошланг!

Баҳодир НИППОНИЙ - Яхши кунларда сиз билан бирга. Соғломлардан сўранг)

Каналга қўшилиш👈

КИМ-КИМДАН ЎРГАНГАН?

Ассалому алайкум, аслзода кўрарманлар.

Ўтмишда "Буюк ипак йўли" орқали жуда кўп маҳсулотлар, маданиятлар, тизимлар давлатлардан давлатларга кириб келган дейишади. Табиийки, биз томондан ҳам кўп нарсалар Японларга, бошқа мамлакатларга кириб борган. Бугунги видеолавҳада гаплашадагинамиз олмақандлар ҳам биздан кириб келган бўлса керак. Нима демадингиз?

Баҳодир НИППОНИЙ - Яхши кунларда сиз билан бирга. Олмақандлардан сўранг)

Каналга қўшилиш👈

ДАРЁДА ЧЎКИБ КЕТИБДИ.

Ассалому алайкум, аслзода кўрарманлар.

Японларнинг яхши тизимларини шпионлик қилиб, ўрганишда давом этамиз.

Бир одамнинг дарёга чўкиб кетиши ва унинг қутқарилиши саҳнасини видеога олдим. Шуни сизларга улашмоқ истайди бу кангул.

Япониянинг ҳар битта соҳасини қамраб олган "Бахтсиз ҳодисаларга олдиндан тайёргарлик кўриш" тизимини бизда ҳам жорий қилсак, нур устига аъло нур бўлур эрди. Нима демадингиз?

Баҳодир НИППОНИЙ - Яхши кунларда сиз билан бирга. Бахтли ҳодисалардан сўранг)

Каналга уланиш👈

ЯПОН ҚИЗНИНГ ЁНҒОҒИ.

Ассалому алайкум, аслзода ўқирманлар. Саломатмисиз?

Бугун, сизларга ажойиб бир воқеани айтиб бермоқ истаюр бу суюқ кангул)
Шу десангиз, бугун эрталабдан "Нон ёпганда, нон ёпганда, менинг хотиним" деб қўшиқ айтиб, иссиққина нонлар, мурабболар билан нонуштани қилдим. Кейин,
"Офтоб чиқди, оламга, югурдим ишхонамга" деб, ишга машиналандим.

Ишга келсам, "Жўжа, жўжа жўжаларимнинггггг" дегандек, "Ҳамкасб, ҳамкасб, ҳамкасбларимнинг, турқлари совуқ" бўлиб ўтиришган экан. Ўзи эрталаб , ҳаммада кайфият яхши бўлмайди. Битта-битта қаҳвани ичиб, 1 соатлар ўтгандан кейин ҳамманинг кайфияти очилади.

Ишхонада 15 тача ҳодим ўтирибмиз. Жимлик. Ҳамма тиқир-тиқир қилиб, ўз ишини қилиб ўтирибди. Шунда бир қош-кўзлари попукдек, бир қошиқча асалдек, Япон қизча "Донгури коро коро"
"Думала ёнғоғим" деган болалар қўшиғини ҳиргойи қилишни бошлади. Қолган ҳамкасбларга ҳам унинг кайфияти таъсир қилиб, 15 киши жўр овозда ўша қўшиқни ҳиргойи қилишди. Тасаввур қилинг, кап-катта одамлар ишхонада "Арча-арча жон арча" деб куйлаяпти. Бу Японлар ажойиб халқ-да)

Кейин, Япон қизлар мендан "Сизларда ҳам шунақа болалар қўшиқлари борми?" деб сўраб қолди. Мен уларга "Оқ теракми, кўк терак" ни ўргатдим. 5 та Япон қиз ўрнидан туриб, менга қараб "Оқ теракми, кўк терак, биздан сизга ким керак?" деб турибди-ку) Суюқ кангул "Ўзлари биттамизни танла, ким керак? деб турганда, танла биттасини" деяпти) "Биттасини эмас, ҳаммасини танла" деган овоз ҳам бор ичимда) Аммо, садоқатли йигит эмасман-ми, "Сизларни танламайман. Хотинимни танлайман" дедим. Хонада кулги кўтарилди.

Ана, энди, ўта муҳим жойига келдик. Япон муваффақиятининг яна бир сирларидан бири - ана шу Япон болалар қўшиқлари ҳисобланади. Чунки, Японлар ана шу қўшиқлар орқали - болаларни навбатда туриш, бошқаларга ҳалақит бермаслик, қоидаларга риоя қилишга ўргатади.

1977 - йилдан бошлаб, ҳар йили болалар қўшиқларининг тўплами яратилади. 2006 йилда тарихий Япон қўшиқлари ва замонавий болалар қўшиқларининг 895 тасини тўплаб, бутун Япониядаги боғча ва мактаб болаларига ўргатилади. Натижада, Японлар 400-500 га яқин болалар қўшиқ ва шеърларини билишади.

Зўр, а? Сурхoндарёнинг энг чекка ҳудудидаги бола билан, Қорақалпоғистоннинг энг чекка ҳудудидаги бола. Тошкентдаги бола билан, Андижоннинг энг чеккасидаги бола бир-хил қўшиқ, бир хил тарбияда улғайса)

Хулосолог сифатида хулоса қиладиган бўлсам - бизда ҳам болалар қўшиқларини йиғиб, тўплаб, янгиларини яратиб, тизимли равишда ҳамма боғча ва мактабларимизда ўргатишимиз керак. Шунчаки ликир-ликир қўшиқ шеърлар эмас, одоб - ахлоқ, таълим тарбия, маданиятга чақирадиган қўшиқ ва шеърлар. Шунақа гаплар, аслзода ўқирманлар, жамият одобини шакллантириш фақатгина биргина соҳага эмас, жуда кўплаб соҳаларнинг тизимли ишлашига боғлиқ. Ооо ҳудди бўлажак таьлим вазиридек гапириб юбордим а?)) Жўжа-жўжа, жўжаларимнинг...

Баҳодир Ниппоний - Яхши кунларда сиз билан бирга. Патлари сариқлардан сўранг)

Каналга уланиш👈

ҚЎЛГА ТУШДИ.

Ассалому алайкум, аслзода кўрарманлар.

Бугун, деразамизнинг олдидан вертолёт ўтиб кетди. У вертолётни кўриб болалигимдаги ҳолат ҳам эсимга тушди)

Шуни сизларга ҳам улашмоқни маъқул топдим.

Баҳодир НИППОНИЙ - Яхши кунларда сиз билан бирга. Помидорчилардан сўранг)

Каналга уланиш👈

БЕЧОРА ЭРКАКЛАР.

Ассалому алайкум, аслзода кўрарманлар.

Биласиз, Шакарбой ота билан жамиятдаги муаммолар ҳақида кўп суҳбатлашамиз. Бу сафар "Бечора эркаклар" мавзусида суҳбатлашдик.

Аёлларни қийнайдиган муаммолар ҳақида гап гаплашганмиз. Шошилмай турсангиз, уни ҳам улашамиз)

Баҳодир НИППОНИЙ - яхши кунларда сиз билан бирга. Файласуфлардан сўранг)

Каналга уланиш👈

ҚУЁШ ЙЎҚ!

Ассалому алайкум, аслзода кўрарманлар.

Японияда 34-35 кун давомида тинимсиз ёмғир ёғди. Япон ҳамкасбларимиз ҳам "Тинимсиз ёмғир, қуёш йўқлигига кайфиятим тушиб кетди" деб юришибди. Ҳақиқатдан ҳам, ҳар доим булутли ҳаво ғалати бўлар экан.

Бўлди, давомини видеода гаплашамиз)

Баҳодир НИППОНИЙ - Яхши кунларда сиз билан бирга. Кунчиқарлардан сўранг)

Каналга уланиш👈

ТОКИОНИНГ ТЕПАДАН КЎРИНИШИ)

Ассалому алайкум, аслзода кўрарманлар.

Авваламбор, бугун "Устоз ва мураббийлар" куни билан барчаларингизни чин қалбимдан табриклайман.

Бизга харф ўргатган, илм берган, ҳаётда кичкинагина ўгит берган инсонлар - устозларимиз ҳисобланишади. Жамиятнинг таянчи бўлган барча устоз ва мураббийларимизга ташаккур!

Байрамга қуруқ қўл билан келиб бўлмайди деганларидек, Ниппоний шогиртларингиздан ажойиб видеолавҳа армуғон бўлсин сизларга)

Баҳодир НИППОНИЙ - Яхши кунларда сиз билан бирга. Армуғонлардан сўранг)

Каналга уланиш👈

НАМАНГАНДАГИ МУДҲИШ ҲОЛАТ ҲАҚИДА!

Ассалому алайкум, аслзода ўқирманлар.

Намангандаги мудҳиш воқеадан кейин роса стрессга тушиб қолдим. Японияда бўлган шундай ҳолатларнинг 10 дан ошиғини ўрганиб чиқдим. Ва Японлар бу иллатга қарши курашиш учун нималар қилишганини улашишни маъқул топдим. Зора, фойдаси тегиб қолар...

У ишни қилган махлуқ энг оғир жазони олсин. Фақат, бундан кейин, яна шундай жиноятлар камайиши учун нималар қилишимиз керак? Япония мисолида, занжирнинг 7 ҳалқасида тушунтиришга ҳаракат қиламан...

Баҳодир Искандаров!

БУ ҚАНДАЙ АДОЛАТСИЗЛИК?

Ассалому алайкум, аслзода ўқирманлар.

Бугун, машинамни автотураргоҳга қўйишда ажиб ҳолатни гувоҳи бўлдим. Шу ҳақида видео лавҳа тайёрладим. Шуни сизларга ҳам улашмоқ истади, бу суюқ кангул)

Айтганча, сезган бўлсангиз, ҳар бир чиқишимда ўзим ўқиган китоблардан иқтибос келтириб кетаяпман. Китобга тарғибот бўлсин деган умидим бор.

Яна бир айтганча, "Нега кенгруга ўхшаб сумкангни олдинга тақиб олдинг?" деган саволни қирқ юз-и, эллик марта сўрашлар бўлмасин) Кенгру мучалида туғилган бўлсам керак-да)

Баҳодир НИППОНИЙ - Яхши кунларда сиз билан бирга. Мавлонолардан сўранг)

Каналга уланиш👈

ДАХШАТЛИ ТУН!

Ассалому алайкум, аслзода кўрарманлар.

Иккинчи жаҳон урушида Ҳирошима ва Нагасакига ташланган бомба оқибатида 100 минглаб одам ўлган. Аммо, кўпчилик билмайдиган бир тарих - ўша атом бомбасидан қолишмайдиган бомбалар Токиога ҳам ташланган.

Шакарбой ота билан айни мавзуда жуда кўп суҳбатлашганман. Урушни ўз танасида ҳис этиб кўрган бу инсондан ТИНЧЛИКНИНГ қадрига етишни ўрганаман.
Юртимизнинг тинчлигига кўз тегмасин. Бутун дунё тинч бўлсин!

Айтганча, ушбу суҳбатни кўргандан кейин, онажонингизга яхши кўришингизни айтиб қўйинг. Бу дунёдан ўтган бўлсалар ҳақларига дуо қилиб қўйинг!

Ўзим бошлаб берай - Аяжон сизни яхши кўраман!

Баҳодир Искандаров!

ЯПОН ҚАЙНОТАМ!

Ассалому алайкум, аслзода ўқиғувчилар. Соғ-омонмисиз? Ҳай этти, ҳуй этти икки коски тўй этти деганларидек, Ниппоний ҳам туппани ичига солинган шалғамдек видеоблоггер бўлиб кетти. Ёзмай қўйди деб зиҳ бўлманг) Бугун сизларға Япон қайнотам ҳақида айтиб бераман.

Хуллас, Японияда менга устозлик қилган, миридан-сиригача ҳамма нарсани ўргатган отамдек бир инсон бор. У одам камбағалгина оиладан чиққан, рўзғорини аранг ўтказадиган одам эди. Кейин, маҳалладаги Япон ёшларига компьютердан, АЙТИдан сабоқ бериб, катта бир компанияға асос солган. Топиш-тутуши ҳам анча яхшиланиб қолған одам эди.

Аммо, камбағалликдан чиққани учунми ўта хасис ва паст одам бўлиб қолған. Ҳаттоки, ўз оиласига ҳам яхши рўзғорлик қилмайди. Оиласи болаларига Суши, балиқлар олиб бериш ўрнига "Шалғамни Самурайларнинг дуоси, қовоқни императорларнинг мўъжизаси" деб фақат сабзавот олиб борарди. Аммо, ўз касбининг устаси, билимли одам. Мен бечора ҳеч нарсани уҳда қилолмайдиган пайтимда ўргатган. Шунинг учун ҳурматим баланд.

Хуллас, шу одам ўргатди. Мен бир компанияға ишга кирдим. Орадан йиллар ўтиб, ўша компаниядағи директор ўринбосари ўлиб қолиб, ўрниға мени сайлашмоқчи бўлишди. Мен бир маърифатпарвар, адолатпарвар, ғурурли ва лавозимни ҳушламайдиган йигит бўлганлигим учун у лавозимни ҳушламадим. Аммо, бошлиқнинг амри вожиб мажбурлаб сайлашди. Ҳаммаси шу ердан бошланди. Айрим ҳамкасблар ичиқоралиқ ҳам қилишди.

Ҳалиги, менга ҳамма нарсани ўргатган устозим эса, бутун маҳаллага, бутун компанияга "Бу болани ўзим одам қилғанман" деб мақтаниб, ғурурланиб юрди. Энг қизиғи, орқа аваротдан эшитишимча - мени куёв ҳам қилмоқчи бўлган. Япон қизларға ошуфта кўнглум қуюлмайдурғанға ўхшайди, устозим куёв қиламан деса, рад жавобини берсам ноҳақлик бўлади деб рози бўлдим.
Чунки, устозимнинг хотини ҳам мени боласидек яхши кўрарди. Қизи ҳам шунчалар гўзал қиз эрдики- мусаввир бўлганимда унинг портретини чизғани гулларнинг рангли камлик қиларди.

Шомдан кейин, у Япон қиз билан кўришадиган бўлдик. У қизға тўйимиз ҳақидаги хабарни етказмоқчи эдим. Кўришдик. У қизга :

Насиб этмушдир менга, гулларнинг - Сакураси...

деганимни биламан, ўзимнинг Раъном - "Дадаси, туринг. Болаларни боғчага олиб бориш керак" деб уйғотиб юборса бўладими?) Япон хотиним-у, Гулларнинг Сакураси ҳам велди) Уҳлашдан олдин "Меҳробдан Чаён" ни ўқиган мен аҳмоқ деб ишга жўнадим)

Баҳодир Ниппоний - Яхши кунларда сиз билан бирга. Чаёнлардан сўранг)

Каналга уланиш👈

ТОШБАҚАЗОТНИНГ ТУГАШИ ДЕВНИНГ БОШЛАНИШИ)

Ассалому алайкум, аслзода кўрарманлар. Гап йўғида гап рукнимизни давом эттирамиз)

Ҳайвонот боғида бир-биридан ажойиб, бир-биридан ғаройиб ҳайвонларни кўрдик. Аммо, мен тошбақа ҳақида видео қилишга қарор қилдим. Савиям пасайиб кетганми, ё кўтарилгани шуми билмадим))

Хуллас, тошбақалар ҳақида гаплашамиз)

Баҳодир НИППОНИЙ - Яхши кунларда сиз билан бирга. Дорихоналардан сўранг)

Каналга уланиш👈

ГУЛНИНГ ҲАМ ҲАЛОЛИ БОРМИ?

Ассалому алайкум, аслзода кўрарманлар.

3-4 кунлик тарбиявий соат тугаб, яна ижодга қайтаяпмиз. Бизни соғинганлар, хавотир олганлар, йўқлаганлар ҳаммаларингизга ташаккур!

Қанақа тарбиявий соат десангиз, баъзи-баъзида лирик чекиниш қилиб, ўзимни-ўзим тарбиялаб тураман. Тафаккур дегандек)

Хуллас, бугун сизларга Япониядаги Ҳалол дўконлар ҳақида қисқача айтиб берай.

Баҳодир НИППОНИЙ - яхши кунларда сиз билан бирга. Ҳалолларидан сўранг)

Каналга уланиш👈

"ҲАВАС" БАЛОСИ!

Ассалому алайкум, аслзода кўрарманлар.

Бугун ҳам Шакарбой ота билан ажойиб мавзуда суҳбатлашдик.

Ҳавас-ҳавас деб ўзини унутганлар учун десак ҳам бўлади.

Албатта, кўринг!

Айтганча, Шакарбой ота билан кейинги мавзумиз нима ҳақида бўлсин? Фикрингизни ёзиб қолдиринг.

Баҳодир НИППОНИЙ - Яхши кунларда сиз билан бирга. Файласуфлардан сўранг)

Каналга уланиш👈

ХАЛҚДА АЙБ ЙЎҚ...

Ассалому алайкум, аслзода ўқирманлар.

Бугун, Республика маънавият ва маърифат маркази раҳбари - Отабек ака, Ҳасанов билан интервью қилдик. Отабек ака тасаввур қилганимдан-да, самимий ва яхши инсон эканлар.

Сиёсий фанлар доктори, олим инсон. Бизга ана шундай раҳбарлар жуда керак.

Отабек ака, кўп саволларимга "Халқда айб йўқ, биз ташкил қилишимиз керак экан" деб жавоб бердилар.

Японияга бўлган ташриф жамиятимиз ривожи учун анча ижобий таъсир қилишига ишондим. Отабек ака Ҳасановга миллатимиз маънавияти ва маърифати ривожида қилаётган ишларига муваффақиятлар тилаб қоламан!

Баҳодир НИППОНИЙ - Яхши кунларда сиз билан бирга. Маънавиятли ва маърифатлилардан сўранг)

БОЛАЛАРИНГИЗНИ АСРАНГ!

Ассалому алайкум, аслзода ўқирманлар.

Ўтган йили Самарқанд, Андижон, Тошкентдаги истироҳат боғларига бордим. Афсуски, кўнгилочар ўйинлар, мосламалардан ташқари - "Фалон пул тиксанг, фалон совғани ютиб оласан!" деган ўйинлар роса оммалашибди. Бир қарашда болалар учун оддий ўйин, беғараз кўринган нарса - келажакда салбий оқибатларга олиб келиш эҳтимоли бор. Шундай экан зинҳор ба зинҳор болаларингизни ундай ўйинларга яқинлаштирманг.

Япония мисолида - оддий ўйиндан бошланган мана шундай қиморлар миллионлаб одамларнинг уйини қуритган. Бугун Япониядаги қиморбозларни бу йўлдан қайтара олмай ҳалак бўлишаяпти.

Бўлди, қолганини видеода гаплашамиз...

Баҳодир НИППОНИЙ - Яхши кунларда сиз билан бирга. Антиқиморвозлардан сўранг)

Каналга уланиш👈

ЙИГИТНИНГ ОМАДИ БИЛАН ЎЙНАШМАНГ!

Ассалому алайкум, аслзода кўрарманлар.

"Йигитнинг омади билан ўйнашманг дебсан-у, ҳеч нарса ўзгармабди-ку. Қани омад?" дейишга шошилманг)

Аҳир, минусга қараб кетмаганининг ўзи омад эмасми? Бундан баттар ҳам бўлиб кетмаганини ўзи омад эмасми?))

Кайфиятингизни кўтариш учун ҳазиллашаман-да. Аслида, бугун сизларга жамоат транспортидан фойдаланиш ҳақида айтиб бермоқчиман.

Кўринг ва албатта, жамоат транспортида ҳаракатланинг. Ана шунда, автотиқинларга ҳам, табиатга ҳам, чўнтакка ҳам, жамиятга ҳам фойдангиз тегади.

Баҳодир НИППОНИЙ - яхши кунларда сиз билан бирга. Жамоат транспортларидан сўранг)

ҚОП-ҚОРА ТИШЛАР!

Ассалому алайкум, аслзода кўрарманлар.


Бугун сизларга Япон маданиятининг қизиқарли жиҳатларидан бирини айтиб бермоқчиман.

Бу одат - ОҲАГУРО дейилади. Экраннинг қаршисига яхшилаб ўтириб олинг ва лавҳадан баҳра олинг)

Баҳодир НИППОНИЙ - Яхши кунларда сиз билан бирга. Қоратишлардан сўранг)

ЯПОН МАКТАБЛАРИДА АЖОЙИБ ТИЗИМ!

Ассалому алайкум, аслзода кўрарманлар.

Хабарингиз бор, Япониядаги пичоққа илинадиган тизим борки, ёритишга ҳаракат қилаяпман.
Мақсад - ажойиб тизимларни ўзимизга мослаб ўзлаштириш.

Фойдаси бўладими, бўлади. Сабаби - ҳукумат даражасида, вазирликлар, вилоят ҳокимлари, университет ректорлари, мактаб директорлари ва бир қанча ташкилотлар ҳамкорлик масаласида, шундай тизимларни ўзимизда жорий қилиш масаласида мурожаатлар қилишаяпти. Насиб этса, бизнинг жамиятда ҳам навбатда туриш, ўзини тутиш, чиқиндини саралаш, йўл-ҳаракати қоидалари, қонун-қоидаларга риоя қилиш кабилар гуллаб-яшнайди. Мен бунга ишонаман!

Биздан талаб қилинадигани эса - кўмирқалблик қилмасдан, жамият учун, ватан учун озгина бўлса ҳам ҳисса қўшиш.

Кўмирқалбларга эса - ҳар доимги гапни айтамиз десам - ўғлимиз адашиб "Ўзимизни босинг" деб юборди. Шу-шу ўзимни босиб юрибман))

Баҳодир НИППОНИЙ - яхши кунларда сиз билан бирга. Ўзини босиб олганлардан сўранг)

https://www.instagram.com/bahodir_nipponiy?igsi=dHR1dTFoa3JkNnlw&utm_source=qr

КРЕДИТ БАЛОСИ.

Ассалому алайкум, аслзода кўрарманлар.

Сиз соғинган Шакарбой ота билан жуда муҳим мавзуда суҳбат уюштирдик.

Эшитинг ва хулоса қилинг!

Баҳодир НИППОНИЙ - Яхши кунларда сиз билан бирга. Отаҳонлардан сўранг)

https://www.instagram.com/reel/DcVK7e-q5by/?igsi=MWlsdGg1NGwzNmYzdA==

ДИРЕКТОР УЁҚҚА, БУҒАЛТЕР БУЁҚҚА)

Ассалому алайкум, аслзода кўрарманлар.

Япониянинг яқин тарихи ва ўзимизнинг ҳозирги даврни кўрсам, кўп ўхшашликлар топавераман-да.

Бир пайтлари Японияда энг баланд бино бўлган бино - бугун унчалик баланд эмас. Чунки, ҳозир бундан 2 баробар узун бинолар қурилиб кетган. Бизда ҳам яқин келажакда осмонўпар бинолар кўпайиб, ҳозирги баланд деган биноларимиз ҳам паст-паст бўлиб қолса керак.

Хуллас, шу бинолар ҳақида видеолавҳа тайёрладим. Кўриб-кўрингчи?))

Баҳодир НИППОНИЙ - Яхши кунларда сиз билан бирга. Осмонўпар бинолардан сўранг)

ШЕЪРИМИЗ ҚЎШИҚ БЎЛИБ КЕТИБДИ)

Ассалому алайкум, аслзода ўқирманлар.

Анча йиллар олдин бир қалам тебратиб, бир шиғир ёзган эдим. Шу шиғиримизни эркак овозли, фавқулотда истедод эгаси, ажойиб ҳонанда, бастакор, композитор, шоир дўстимиз Дилмурод Шер қўшиқ қилибдилар.

Бир эшитиб кўринг ва албатта изоҳларда фикрларингизни қолдиринг.

Баҳодир Ниппоний - Яхши кунларда сиз билан бирга. Ҳонандалардан сўранг)

https://www.instagram.com/reel/DcRAT9StyLq/?igsh=bTQzaWQwZGI1djNp)

НАФСИМ ҚУРСИН!

Ассалому алайкум, аслзода кўрарманлар.

Сарлавҳага парво қилманг. Баъзи-баъзида нафсимиз билан урушиб турмасак бўлмайди)

Бугун жонажон, қадимий ва ҳамиша навқирон Кеио университетига келган эдим. Шу ердан бир-иккита лавҳаларни сизларга ҳам улашмоқ истади, бу суюқ кангул)

Айтганча, кўмирқалбларни ичини ёндириб, Баҳодир Ниппонийни нафақат телеграмда, балки https://www.instagram.com/bahodir_nipponiy?igsh=dHR1dTFoa3JkNnlw&utm_source=qr ҳам кузатамиз дейдиган палаги тоза, аслзода, самимий дўстлар инстаграмга ҳам галинг) https://www.instagram.com/bahodir_nipponiy?igsh=dHR1dTFoa3JkNnlw&utm_source=qr йўқ, аммо мана шу Ниппоний учун очаман дейдиган даражада яхши инсонлигингизни биламан😆👇

https://www.instagram.com/bahodir_nipponiy?igsh=dHR1dTFoa3JkNnlw&utm_source=qr


Баҳодир Ниппоний - Яхши кунларда сиз билан бирга. АнтиНАФСлардан сўранг)

ОДАМНИ УРИБ ЮБОРДИ.

Ассалому алайкум, аслзода кўрарманлар. Японияда машинада одамни уриб юборди. Аммо, бу автоҳалокат эмас, мактаб болаларининг амалиёт дарси.

Японияда менинг энг ёқтирган тизимларимдан бири мана шу. Болаларга мактаб давридан бошлаб йўл ҳаракати қоидаларини жуда пухта ўргатиши. Энг қизиғи - Японлар, болаларга мактабда ўргатишса, ҳар 3 йилда, 5 йилда ҳайдовчилик гувоҳномасини янгилаш тизими орқали, ҳайдовчиларга ҳам ўргатишади. Натижада, бутун жамият ҳар доим огоҳ бўлиб туради.

Қойилотун-қойилунми?
Бизда ҳам шу тизимни жорий қилиш керак. Нима демадингиз?

Баҳодир НИППОНИЙ - Яхши кунларда сиз билан бирга. Шпионлардан сўранг)

https://www.instagram.com/bahodir_nipponiy?igsh=dHR1dTFoa3JkNnlw&utm_source=qr)