Бухоро тиббиёти

🔴✅✅✅✅

🏥 Бухорода акушерлик ва реаниматология йўналишида халқаро тажриба асосида ўқув семинари давом этмоқда

🔵 Хабар берганимиздек, бугун ҳам РШТЁИМ вилоят филиалида кеча ўз ишини бошлаган ўқув семинарининг иккинчи кунида вилоятдаги даволаш-профилактика муассасаларида фаолият юритаётган мутахассислар ҳамда тиббиёт олий таълим муассасаларининг мазкур соҳага алоқадор мутахассислари иштирок этмоқда.

Республика шошилинч тиббий ёрдам илмий маркази Бухоро филиалида ташкил этилган машғулотлар тиббиёт фанлари доктори, профессор Алексей Пырегов иштирокида олиб борилмоқда.

🗓 Ўқувлар давомида акушерлик амалиётида учрайдиган оғир ҳолатларни эрта аниқлаш, шошилинч тиббий ёрдам кўрсатиш, реанимация чораларини амалга ошириш, туғруқ жараёнини оғриқсизлантириш ҳамда асоратларнинг олдини олишга доир долзарб масалалар муҳокама қилинмоқда.

Машғулотлар назарий билимларни мустаҳкамлаш, амалий кўникмаларни такомиллаштириш ва халқаро тажрибани тиббий амалиётга татбиқ этишга қаратилган.

😎Бухоро тиббиёти

# СИ_маҳсули

🏥 Аёл ва қизларга зарур профилактик кўриклар ҳақида маълумот.

😎Бухоро тиббиёти

⏺🟦🟦🟦🟦

✅«Ҳақиқий тиббиёт инсон танасини фақат бир-бирига уланган аъзолар йиғиндиси эмас, балки яхлит мўъжизавий дунё деб билади.»

✍🏻Илья Мечников

😎Бухоро тиббиёти

🏥 Когон туманида тиббиёт ходимлари учун маънавият ва маърифат соати ўтказилди

Бугун туман тиббиёт бирлашмасида вилоят соғлиқни сақлаш бошқармаси ташаббуси билан бош ва катта ҳамширалар, ўрта тиббиёт ходимлари ҳамда маънавият ва маърифат масалалари бўйича масъуллар иштирокида маънавият ва маърифат соати ташкил этилди.
Унда ёшлар тарбиясида маънавиятнинг ўрни, тиббиёт ходимларининг одоб-ахлоқ қоидалари, меҳнат ва ижро интизоми, кийиниш маданияти, беморлар ва уларнинг яқинлари билан муомала қилиш маданияти масалалари муҳокама қилинди. Йиғилишда бошқарманинг ҳамширалик иши бўйича бош мутахассиси А. Боймуродов ҳамда

Когон туман тиббиёт бирлашмаси даволаш ишлари бўйича ўринбосари Фаррух Шодиев иштирок этиб, тиббиёт ходимларининг касбий масъулияти ва одоб-ахлоқ меъёрларига қатъий риоя этиш муҳимлигини таъкидлашди.

Шунингдек, патронаж ишларини самарали ташкил этиш ва муассасаларда соғлом маънавий муҳитни мустаҳкамлаш бўйича тавсиялар берилди.

😎Бухоро тиббиёти

🏥 Ҳудудларда тиббий хизматлар сифати ўрганилди

Ўзбекистон Республикаси Президентининг 2025 йил 19 майдаги 88-сонли Фармони ҳамда 185-сонли қарори ижросини таъминлаш, ҳудудларда бирламчи тиббий-санитария ёрдамини тубдан яхшилаш ва аҳолига кўрсатилаётган тиббий хизматлар сифатини ошириш борасидаги ишлар изчил давом этмоқда.

Академик В. Воҳидов номидаги Республика ихтисослаштирилган хирургия илмий-амалий тиббиёт маркази директори ўринбосари Жамшид Ҳожибоев бошчилигидаги масъул мутахассислар Бухоро вилояти соғлиқни сақлаш бошқармаси бошлиғи ўринбосари Хушнуд Жалилов билан биргаликда Қоракўл, Олот ва Жондор туманларида бўлиб, тиббиёт муассасаларида амалга оширилаётган ишлар ва белгиланган вазифалар ижросини ўрганишди.

Ўрганишлар давомида оилавий поликлиника ва тиббиёт пунктларини тоифаларга ажратиш, бирламчи тиббий ёрдамни аҳолига янада яқинлаштириш, марказлашган лабораторияларни ташкил этиш, тиббиёт муассасаларида аутсорсинг хизматларини жорий қилиш ҳамда DMED электрон ахборот тизимини татбиқ этиш бўйича амалга оширилаётган ишларга алоҳида эътибор қаратилди.

Шунингдек, ҳар бир туманнинг ўзига хос хусусиятлари ва мавжуд имкониятларидан келиб чиқиб, белгиланган вазифалар ижросини таъминлаш, йўл хариталарини шакллантириш ва улардан самарали фойдаланиш масалалари муҳокама қилинди.

Ўрганишлар якунида мавжуд камчиликларни бартараф этиш, тиббий хизматлар сифати ва самарадорлигини ошириш, замонавий бошқарув механизмларини жорий этиш ҳамда белгиланган вазифалар ижросини таъминлаш юзасидан масъулларга амалий тавсиялар ва тегишли кўрсатмалар берилди.

😎Бухоро тиббиёти

🏥 Бухоро шаҳар тиббиёт бирлашмасида қатор долзарб масалалар муҳокама қилинди

Бухоро вилояти соғлиқни сақлаш бошқармаси бошлиғи Мухсин Раҗабов раислигида Бухоро шаҳар тиббиёт бирлашмасида йиғилиш бўлиб ўтди.

Йиғилишда тиббиёт муассасалари фаолияти, ички меҳнат тартиби қоидаларига риоя этиш, коррупциянинг олдини олиш, комплаенс назоратини кучайтириш ҳамда тиббий хизмат сифатини ошириш каби қатор долзарб масалалар муҳокама қилинди.

Кун тартибидаги масалалар танқидий таҳлил қилиниб, мавжуд камчиликларни бартараф этиш юзасидан тегишли вазифалар белгилаб олинди.

Шунингдек, оналик ва болаликни муҳофаза қилиш, она ва бола саломатлигини таъминлаш, бу борада тиббий хизматлар самарадорлигини оширишга алоҳида эътибор қаратилди. Мазкур йўналишдаx масъулларга муҳим топшириқлар берилди.

Йиғилишда коррупцияга қарши курашиш ва комплаенс назорати бўйича бош мутахассис Фаррух Исматов ҳам иштирок этди.

Йиғилиш якунида Бухоро шаҳар тиббиёт бирлашмаси раҳбари Хуршид Турдиев ва даволаш ишлари бўйича ўринбосари Салим Каримовга тиббиёт муассасалари фаолиятини такомиллаштириш, аниқланган камчиликларни бартараф этиш ҳамда оналик ва болаликни муҳофаза қилиш борасидаги ишларни кучайтириш бўйича тегишли топшириқлар берилди.

😎Бухоро тиббиёти

⏺🟦🟦🟦🟦

✅«Тоза ҳаво, сув ва қуёш нури — табиатнинг беминнат шифохонасидир.»

✍🏻 Себастьян Кнайпп

😎

#ОАВда_биз

Тез ёрдам тизимидаги ислоҳотлар самараси.

😎

⏺🟦🟦🟦🟦

✅«Шифокорнинг вазифаси баъзан даволаш, тез-тез ёрдам бериш ва ҳар доим таскин беришдан иборат.»

✍🏻 Эдвард Ли Трюдо

😎

Тиббиёт муассасаларида бўш иш ўринлари эълон қилинмоқда

Бухоро вилоятидаги соғлиқни сақлаш муассасаларида мавжуд бўш вакант лавозимлар учун очиқ ва шаффоф танлов эълон қилинмоқда.

Айни пайтда вилоят бўйича тиббиёт муассасаларида 100 дан ортиқ вакант лавозимлар бўйича танлов жараёнлари давом этмоқда. Ўзингизга мос бўлган лавозимни танланг, белгиланган талаблар билан танишинг ва танловда иштирок этинг.

Янги ваканциялар, талаблар ва танловлар ҳақидаги маълумотларни онлайн кузатиб боринг!

https://vacancy.argos.uz/hrm-vacancy-detail/137828
Иш стажи: талаб этилмайди
Мутахассислиги: инфекционист врач
Танлов тури: шифокорлар учун

https://vacancy.argos.uz/hrm-vacancy-detail/135734
Иш стажи: камида 2 йил
Мутахассислиги: оила шифокори
Танлов тури: давлат фуқаролик хизмати (мутахассис)

https://vacancy.argos.uz/hrm-vacancy-detail/135490
Иш стажи: талаб этилмайди
Мутахассислиги: гемодиализ врач
Танлов тури: шифокорлар учун

https://vacancy.argos.uz/hrm-vacancy-detail/128816
Иш стажи: талаб этилмайди
Мутахассислиги: окулист
Танлов тури: шифокорлар учун

https://vacancy.argos.uz/hrm-vacancy-detail/127509
Иш стажи: талаб этилмайди
Мутахассислиги: анестезиолог-реаниматолог
Танлов тури: шифокорлар учун
https://vacancy.argos.uz/hrm-vacancy-detail/131782
https://vacancy.argos.uz/hrm-vacancy-detail/131782
Иш стажи: талаб этилмайди
Мутахассислиги: психоневролог
Танлов тури: шифокорлар учун

https://vacancy.argos.uz/hrm-vacancy-detail/138249
Иш стажи: камида 1 йил
Мутахассислиги: шифокор-лаборант
Танлов тури: шифокорлар учун

https://vacancy.argos.uz/hrm-vacancy-detail/138245
Иш стажи: камида 1 йил
Мутахассислиги: врач-кардиолог
Танлов тури: шифокорлар учун

https://vacancy.argos.uz/hrm-vacancy-detail/100100
Иш стажи: камида 1 йил
Мутахассислиги: иммунолог врач
Танлов тури: шифокорлар учун

https://vacancy.argos.uz/hrm-vacancy-detail/137832
Иш стажи: талаб этилмайди
Мутахассислиги: ҳамширалик иши, даволаш иши
Танлов тури: ҳамширалик иши.

Танлов жараёнлари очиқ ва шаффоф тарзда ўтказилиб, номзодларнинг билим ва салоҳияти тест синовлари ҳамда суҳбат жараёнлари орқали баҳоланади.

Шунингдек, тест синовлари ва суҳбат жараёнлари интернет тармоғи орқали тўғридан-тўғри, видео форматда ёритиб борилади. Бу эса танлов жараёнларининг очиқлиги ва шаффофлигини таъминлашга хизмат қилади.

Ўзингизга мос вакант лавозимлар ва танловлар ҳақидаги янги хабарларни кузатиб боринг.

🔵

Вобкентда аҳоли учун тиббий кўрик ташкил этилди

Аҳолининг турли қатламлари, айниқса, олис ҳудудларда яшаётган фуқаролар, ижтимоий ҳимояга муҳтож оилалар ва Ижтимоий ҳимоя реестрига киритилган аҳолига доимий кўмак ва эътибор кўрсатиш бугунги давлат сиёсатининг муҳим йўналишларидан биридир.

Бу борада аҳолига тиббий хизматларни янада яқинлаштириш, касалликларни эрта аниқлаш, профилактик кўрикларни мунтазам ташкил этиш ва эҳтиёжманд фуқароларни манзилли қўллаб-қувватлашга алоҳида эътибор қаратилмоқда.

Шу мақсадда Вобкент туман тиббиёт бирлашмасига қарашли Кўп тармоқли марказий поликлиникада Бухоро давлат тиббиёт институти мутахассислари иштирокида аҳоли тиббий кўрикдан ўтказилди. Кўрикда кардиолог, терапевт, эндокринолог, жарроҳ, уролог, педиатр ва невролог каби мутахассислар иштирок этди.

Тадбир давомида 423 нафар фуқаро тиббий кўрикдан ўтказилди. Шундан 412 нафарига амбулатор, 9 нафарига стационар даволаниш тавсия қилиниб, уларга электрон йўлланмалар берилди.

Шунингдек, 40 ёшдан юқори фуқаролар скрининг текширувларидан ўтказилиб, саломатлик ҳолати баҳоланди. Аниқланган ҳолатлар бўйича фуқароларга тегишли тиббий тавсиялар берилди.

🔵

Prezidentimiz Olmazordagi zamonaviy farmatsevtika korxonasi bilan tanishdi.
—
Президент нашей страны ознакомился с современным фармацевтическим предприятием в Алмазаре.

https://president.uz/| https://www.facebook.com/Mirziyoyev/| https://www.instagram.com/mirziyoyev_sh/| https://www.youtube.com/channel/UC61Jnumjuz8NXhSuLoZD2xg| https://x.com/president_uz

Давлатимиз раҳбари Олмазордаги замонавий фармацевтика корхонасига борди

Президент Шавкат Мирзиёев “RomPharm NS” дори воситаларини ишлаб чиқариш корхонасида бўлди.

#Тайинлов

💼 Аҳоли саломатлигини таҳлил қилиш марказининг Бухоро вилояти бўлимига янги раҳбар тайинланди

Тегишли тайинловга асосан Тўлаев Фируз Чориевич Аҳоли саломатлигини таҳлил қилиш илмий-тадқиқот маркази давлат муассасасининг Бухоро вилоят соғлиқни сақлаш бошқармаси ҳудудий бўлими бошлиғи лавозимига тайинланди.

Ф. Тўлаев 1988 йилда Бухоро вилоятининг Жондор туманида туғилган. 2023 йилда Тошкент тиббиёт академиясини тамомлаган. Мутахассислиги — даволаш иши, радиология.

Меҳнат фаолиятини тиббиёт соҳасида бошлаган Ф. Тўлаев оила шифокори, бош врач ўринбосари, ҳудудий бўлим бош мутахассиси ҳамда соғлиқни сақлаш бошқармасида турли масъул лавозимларда ишлаган.

2025–2026 йилларда Бухоро вилояти соғлиқни сақлаш бошқармасининг тиббий ёрдамни ташкиллаштириш шўбасида бош мутахассис, 2026 йил февраль–август ойларида эса Соғлиқни сақлаш вазирлиги Назорат инспекциясининг Бухоро вилоят шўбаси бошлиғи лавозимида фаолият юритган.

Янги лавозимида Фируз Тўлаевга ҳудудда аҳоли саломатлиги кўрсаткичларини таҳлил қилиш, тиббий хизмат сифатини ошириш ва соғлиқни сақлаш соҳасидаги ишларни самарали ташкил этиш йўналишларида масъулиятли вазифалар юкланади.

😎

#Тайинлов

💼 Бошқармада янги лавозим тайинлови амалга оширилди

Соғлиқни сақлаш вазирининг тегишли буйруғига асосан Исматов Фаррух Фармонович Соғлиқни сақлаш вазирлигининг Комплаенс ва коррупцияга қарши ички назорат бошқармасининг Бухоро вилояти бўйича бош мутахассиси лавозимига тайинланди.

Ф. Исматов 1985 йилда Бухоро туманида туғилган. 2007 йилда ИИВ Академиясини тамомлаган. Мутахассислиги — тергов фаолияти. У 2003 йилдан ҳуқуқни муҳофаза қилувчи органлар тизимида фаолият юритиб, жазони ижро этиш тизимида турли масъул лавозимларда ишлаган.

Фаолияти давомида тезкор вакил, бўлим бошлиғи, жазони ижро этиш колонияси ҳамда тергов ҳибсхонаси бошлиғи каби лавозимларда меҳнат қилган.

Тайинловга қадар у Ўзбекистон Республикаси ИИВ ҳузуридаги Жазони ижро этиш департаментининг 17-сон жазони ижро этиш колониясида юридик таъминлаш гуруҳи катта юрисконсульти лавозимида фаолият юритган.

😎

Тиббиёт муассасаларида касбий одоб-ахлоқ ва маънавий-маърифий ишлар муҳокама қилинди

Бухоро вилояти соғлиқни сақлаш бошқармаси томонидан 11 сентябрь куни туман ва шаҳар тиббиёт бирлашмалари ҳамда даволаш-профилактика муассасалари билан видеоконференция шаклида «Маънавият ва маърифат» куни йиғилиши ўтказилди. Унда бош ва катта ҳамширалар ҳамда маънавият ва маърифат масалалари бўйича масъуллар иштирок этди.

Йиғилишда Соғлиқни сақлаш вазирлигининг 2022 йил 24 мартдаги 88-сонли «Одоб-ахлоқ кодексини тасдиқлаш тўғрисида»ги буйруғи ижроси муҳокама қилинди. Республика шошилинч тиббий ёрдам илмий маркази Бухоро филиали мутахассиси К.Ю. Ибрагимова томонидан Кодекснинг мазмун-моҳияти, тиббиёт ходимларининг касбий одоб-ахлоқи ва беморлар билан муносабатларидаги муҳим тамойиллар ҳақида маълумот берилди.

Шунингдек, барча тиббиёт муассасаларида ҳар ҳафтанинг жума куни «Маънавият ва маърифат» ўқувларини ташкил этиш, кутубхоналарни зарур адабиётлар билан бойитиш ҳамда бўлимларда маънавият бурчакларини шакллантириш бўйича вазифалар белгиланди.

Йиғилишда дори воситаларини электрон ДМЕД тизимида юритиш, сақлаш ва ишлатиш, уларнинг яроқлилик муддатларига риоя этиш, шунингдек, санитария-эпидемиологик талабларни таъминлаш масалаларига ҳам алоҳида эътибор қаратилди.

Бош ва катта ҳамшираларнинг йил бошида тузилган иш режалари ижроси танқидий муҳокама қилиниб, белгиланган вазифалар бажарилишини кейинги олти ойликда қатъий назоратга олиш таъкидланди. Йиғилиш якунида тиббиёт муассасаларида касбий маданият ва маънавий муҳитни янада яхшилаш бўйича қўшимча тавсиялар берилди.

😎

#Давр_қаҳрамонлари

📹 Шаҳло Аслонова " Соғлом турмуш" медали соҳибаси.

😎

Бухоро тумани тиббиёт бирлашмасида Мустақиллигимизнинг 35 йиллиги кенг нишонланди

Бухоро тумани тиббиёт бирлашмасида тиббиёт ходимлари иштирокида Ўзбекистон Республикаси Мустақиллигининг 35 йиллиги муносабати билан тантанали байрам тадбири бўлиб ўтди.
Тадбир давомида Бухоро туман ҳокимлиги томонидан 11 нафар тиббиёт ходимига Мустақиллигимизнинг 35 йиллиги кўкрак нишони тантанали равишда топширилди.

Шунингдек, ўз касбига масъулият билан ёндашиб, самарали меҳнат қилиб келаётган 6 нафар ўрта тиббиёт ходими муносиб тақдирланди.

Касаба уюшмаси томонидан эса 24 нафар ходимнинг мактаб ёшидаги фарзандларига ўқув қуроллари ва байрам совғалари улашилиб, болажонларга қувонч улашилди.

Тадбирда яна 2 нафар тиббиёт ходимига давлат гранти асосида хорижий давлатда малака ошириш учун йўлланмалар тантанали равишда топширилди.

Байрам тадбири кўтаринки кайфият, самимий тилаклар ва эзгу ниятлар руҳида ўтди.

😎

#ОАВда_биз

📹 Бухоро тиббиётидаги ислоҳотлар | Махсус репортаж

😎

ШИФОКОРЛАР ДИҚҚАТИГА!

Янги малака ошириш циклларига ҚАБУЛ БОШЛАНДИ!

Мутахассислар учун 144 соатлик замонавий ўқув дастурлари — билимларни янгилаш, амалий кўникмаларни мустаҳкамлаш ва касбий малакани янги босқичга олиб чиқиш учун.

ГАСТРОЭНТЕРОЛОГИЯ — 144 соат
НЕВРОЛОГИЯ — 144 соат
ЛОР КАСАЛЛИКЛАРИ — 144 соат
ЭНДОКРИНОЛОГИЯ — 144 соат
КАРДИОЛОГИЯ — 144 соат
УРОЛОГИЯ — 144 соат
ЭКГ ВА ХОЛТЕР МОНИТОРИНГИ — 144 соат
КЛИНИК ЛАБОРАТОРИЯ ДИАГНОСТИКАСИ — 144 соат
БАКТЕРИОЛОГИЯ — 144 соат

Цикл якунида давлат талабларига мувофиқ сертификат берилади.

Сертификат малака тоифасига қўйиладиган талабларга тўлиқ жавоб беради.
Малакангизни замонавий тиббиёт талаблари даражасига олиб чиқинг!

📞 Мурожаат учун: +998 95 600 55 77
Telegram: https://t.me/vrachmalaka

😎

Мустақиллик байрами арафасида эзгулик ва эътибор улашилди

Истиқлол халқимизнинг ўз тақдирини ўзи белгилаши, миллий қадриятларини асраб-авайлаши ва фаровон келажак барпо этиши учун кенг имкониятлар очиб берди. Шу боис Ўзбекистон Республикаси давлат мустақиллигининг 35 йиллиги муносабати билан юртимизнинг турли ҳудудларида инсон қадрини улуғлаш, меҳнат аҳлини эъзозлаш ва эзгуликка чорловчи тадбирлар ўтказилмоқда.

Бухоро вилоят болалар кўп тармоқли тиббиёт марказида ҳам Мустақилликнинг 35 йиллиги муносабати билан «Ягона Ватан, ягона халқ бўлиб, янги ҳаёт ва келажак яратамиз!» шиори остида тантанали тадбир ташкил этилди.

Унда марказда меҳнат қилаётган шифокорлар, ўрта ва кичик тиббиёт ходимлари, маъмурий-бошқарув ва техник ходимлар, шунингдек, соҳада кўп йиллар самарали меҳнат қилган фахрийлар иштирок этди.

Тадбирни марказ бош шифокори Жаҳонгир Шодиев очиб, жамоани улуғ айём билан самимий муборакбод этди. У ўз сўзида мустақиллик йилларида мамлакатимизда амалга оширилган кенг кўламли ислоҳотлар, миллий қадрият ва анъаналаримизнинг тиклангани, хусусан, соғлиқни сақлаш тизимида, жумладан, болаларга тиббий ёрдам кўрсатиш сифатини ошириш борасида амалга оширилаётган ишларга тўхталди.

Байрам муносабати билан марказда меҳнат қилаётган ходимларни рағбатлантиришга ҳам алоҳида эътибор қаратилди. Соҳадаги кўп йиллик самарали меҳнати, касбий фаоллиги ва тиббий хизмат сифатини оширишга қўшган муносиб ҳиссаси учун 30 нафарга яқин тиббиёт ходими Ташаккурнома ва эсдалик совғалари билан тақдирланди.

Шунингдек, 24–26 август кунлари марказ ходимлари ўртасида шашка ва шахмат, волейбол, футбол ҳамда енгил атлетика бўйича спорт мусобақалари ўтказилди. Беллашувларда турли бўлим ва тузилмалардан тузилган жамоалар фаол иштирок этиб, чаққонлик, матонат ва жамоавийлик намуналарини кўрсатди. Ғолиб ва совриндорлар эсдалик совғалари билан рағбатлантирилди.

Байрам тадбирлари доирасида марказ ходимларининг ижтимоий эҳтиёжларига ҳам эътибор қаратилди. Хусусан, ўрта ва кичик тиббиёт ходимларининг мактаб ёшидаги, жумладан, бу йил биринчи синфга қадам қўядиган фарзандларини қўллаб-қувватлаш мақсадида 21 нафар болага мактаб анжомлари совға қилинди.

Умуман, Мустақилликнинг 35 йиллиги муносабати билан марказда 260 нафар тиббиёт ходими турли шаклда рағбатлантирилди.

Бундай эзгу ташаббуслар, аввало, инсон меҳнатини қадрлаш, жамоада соғлом маънавий муҳитни мустаҳкамлаш, ходимларни ижтимоий қўллаб-қувватлаш ва уларнинг фарзандларига қувонч улашишга хизмат қилмоқда.

😎

⏺🟦🟦🟦🟦

✅ «Соғлиқ байрамга ўхшайди: у борлигида қадрига етмаймиз, йўқолганда эса қумсаймиз.»

✍🏻 Томас Фуллер

😎

⚡️Яшасин, Ўзбекистон Республикаси! Яшасин, Ўзбекистон халқи!

Бу йилги Мустақиллик байрами сценарийси мутлақо ўзгача бўлди.

Жуда чиройли, таъсирли ва энг муҳими — чуқур мазмунга эга. Саҳнада Ватан тарихи, миллий бирлик ва халқнинг муштарак руҳи уфуриб турибди.

Тарихий воқеалар ҳам холис ва адолатли талқин қилинган. Ўтмишдан сабоқ, бугундан ғурур, келажакка ишонч уйғунлашган.

Давлат раҳбарининг нутқи эса байрамнинг бутун мазмунини янада тўлдирди. Унда кечаги тарихдан бугунги ислоҳотларгача, бугунги ютуқлардан эртанги мақсадларгача бўлган йўл яхлит бир ғоя — халқ ва Ватан тақдири атрофида мужассамлашди.
Қисқаси, бу йилги Мустақиллик байрами ўйлантирадиган, таъсирлантирадиган ва қалбга етиб борадиган байрам бўлди.

Катта раҳмат, ҳурматли Президент!

😎

#Президент_табригидан
https://t.me/Press_Secretary_Uz халқимизнинг соғлом бўлиши ва узоқ умр кўришини таъминлашга хизмат қилади.

Аҳоли саломатлиги билан боғлиқ давлат харажатлари келгуси беш йилда ялпи ички маҳсулотга нисбатан 5 фоизга етказилади.

Тиббиётда профилактикани кучайтириш орқали саломатликни асраш моделигаx ўтилади.

Давлат тиббий суғуртаси мамлакатнинг барча хонадонларига кириб боради.

Ихтисослашган тиббиётда рақобат муҳитини кучайтириш мақсадида дунёнинг энг нуфузли камида 5 та клиникаси олиб келинади.

Юртимиз замонавий тиббиёт, фармацевтика, биотехнологиялар ва тиббий таълим тараққий этган масканга айлантирилади.

😎

Вобкентда ёшлар билан навбатдаги учрашув ўтказилди

Бухоро вилояти соғлиқни сақлаш бошқармаси бошлиғи Мухсин Ражабов бугун Вобкент туманида ўзига бириктирилган ёшлар билан учрашди.

Мулоқотда 20 нафардан ортиқ ёш иштирок этди. Учрашув аввалида бошқарма бошлиғи ёшларни Ўзбекистон Республикаси давлат мустақиллигининг 35 йиллиги билан табриклади.

Учрашув давомида ёшларнинг бандлигини таъминлаш, касб-ҳунарга йўналтириш, иш билан таъминлаш, саломатлигини мустаҳкамлаш, шунингдек, уларнинг яқин қариндошларига тиббий ва ижтимоий ёрдам кўрсатиш масалалари муҳокама қилинди.

Шунингдек, ёшларни тадбиркорликка жалб этиш, ижтимоий фаоллигини ошириш, соғлом турмуш тарзини тарғиб қилиш ҳамда жиноятчилик ва ҳуқуқбузарликларнинг олдини олиш бўйича фикр алмашилди.

Учрашув якунида ёшларнинг таклиф ва мурожаатлари тингланиб, уларни ҳал этиш бўйича масъулларга тегишли топшириқлар берилди.

😎

Бугун Пешкуда аҳоли учун сайёр қабул ўтказилади

Бугун, 19 август куни Бухоро вилояти соғлиқни сақлаш бошқармаси бошлиғи Мухсин Ражабов Пешку туманида аҳоли ва тиббиёт ходимлари билан сайёр қабул ўтказади.

Қабул давомида фуқароларнинг соғлиқни сақлаш соҳасига оид мурожаатлари, муаммолари ва таклифлари тингланиб, уларни ҳал этиш чоралари кўрилади. Аҳоли мурожаатларининг ўз вақтида кўриб чиқилиши ва ижобий ҳал этилиши доимий назоратда бўлади.

Шунингдек, тиббиёт ходимларининг соҳадаги муаммолари, таклиф ва ташаббуслари ҳам ўрганилади.

📍 Манзил: Пешку тумани, Шавғон МФЙ, 36-сон оилавий поликлиника
🕐 Вақти: 13:00

😎

⏺🟦🟦🟦🟦

✅«Тилингни асра — бошингга бало келмасин,
Сўзингни ўйлаб айт — кўнгилга яра солмасин.»

✍🏻Алишер Навоий

😎

Жондорда “Саломатлик марафони”: болаларга юқори технологияли жарроҳлик амалиётлари ўтказилди

Бухоро вилоятида кенг қамровда ташкил этилаётган “Саломатлик марафони” доирасида Жондор тумани аҳолисига малакали тиббий хизмат кўрсатиш ишлари изчил давом эттирилмоқда.

Марафон доирасида Бухоро вилояти Болалар кўп тармоқли тиббиёт маркази бош оториноларингологи Фаррух Пардаев томонидан ЛОР касалликлари эрта босқичда аниқланган икки нафар болада юқори технологияли жарроҳлик амалиётлари муваффақиятли ўтказилди.

Шунингдек, ортопедия ва урология йўналишларида ҳам беморларга зарур жарроҳлик амалиётлари бажарилиб, уларнинг саломатлигини тиклашга қаратилган тиббий ёрдам кўрсатилди.

“Саломатлик марафони” аҳоли саломатлигини муҳофаза қилиш, касалликларни эрта аниқлаш ва ўз вақтида даволаш, шунингдек, соғлом турмуш тарзини кенг тарғиб этишга қаратилган.

😎

РАСМИЙ МУНОСАБАТ

Бухоро шаҳар тиббиёт бирлашмасига қарашли 5-оилавий поликлиникаси оилавий шифокорлари ва ҳамшираларининг 2026 йил 17 август куни ижтимоий тармоқлар орқали йўллаган жамоавий мурожаати Бухоро вилояти соғлиқни сақлаш бошқармаси томонидан белгиланган тартибда ўрганиб чиқилди.

Мурожаатда баён этилган ҳолатларни холисона ўрганиш мақсадида соҳа мутaxассисларидан иборат ишчи гуруҳи тузилиб, 5-оилавий поликлиникада ўрганиш ишлари олиб борилди. Жараёнда мурожаат муаллифлари билан суҳбатлар ўтказилиб, улар томонидан билдирилган ҳар бир масала ва эътирозлар алоҳида кўриб чиқилди.

Ўрганиш давомида поликлиника раҳбарияти ва ходимларидан тегишли тушунтиришлар олинди, мавжуд ҳужжатлар таҳлил қилинди ҳамда мурожаатда келтирилган ҳолатларга ҳуқуқий ва ташкилий жиҳатдан баҳо берилди.

Шунингдек, поликлиника жамоаси иштирокида кенгайтирилган йиғилиш ўтказилиб, мурожаатда кўтарилган масалалар очиқ муҳокама қилинди. Йиғилишда меҳнат интизомига риоя этиш, хизмат вазифаларини белгиланган талаблар асосида бажариш, жамоада соғлом иш муҳитини шакллантириш, шунингдек, аҳолига тиббий хизмат кўрсатиш сифати ва маданиятини янада ошириш масалаларига алоҳида эътибор қаратилди.

Ўрганиш натижалари бўйича тегишли далолатнома расмийлаштирилди ҳамда масъулларга аниқланган камчиликларни бартараф этиш ва келгусида бундай ҳолатларнинг олдини олиш бўйича зарур чораларни кўриш юзасидан кўрсатмалар берилди.

Бухоро вилояти соғлиқни сақлаш бошқармаси ҳар қандай мурожаатни, жумладан, жамоавий мурожаатларни ҳам холисона ва қонуний асосда ўрганиш тарафдори. Тиббиёт муассасаларида ходимларнинг меҳнат ҳуқуқлари ва қонуний манфаатларини таъминлаш, шу билан бирга, хизмат интизоми ва касбий масъулиятни мустаҳкамлаш доимий эътиборда бўлади.

Мазкур мурожаат юзасидан ўрганиш натижалари асосида аниқланган ҳолатларга мувофиқ қонунчиликда белгиланган тартибда тегишли чоралар кўрилади.

😎

⏺🟦🟦🟦🟦

✅«Илм ва камолотни эгалла — бу дунёдан беҳуда, пушаймон ва ғамгин ҳолда кетмa.»

✍🏻Алишер Навоий

😎