Buxoro tumani hokimligi

#hokim_hududlarda
#Buxoro_tumani

📍Xabar berganimizdek, Buxoro tumanining “Saxovat” mahallasida zamonaviy agrosanoat majmuasi hamda enoturizm markazini o‘z ichiga olgan yirik investitsiyaviy loyiha izchil amalga oshirilmoqda.

✔️“Buxoro Agro Star” MCHJ va “Gala River” MCHJ negizida tashkil etilgan “Oʻlmas Gold” MCHJ tomonidan barpo etilayotgan mazkur majmua hududda qishloq xo‘jaligi va qayta ishlash sanoatini rivojlantirish, yangi turistik yo‘nalishlarni shakllantirish hamda mahalliy va xorijiy sayyohlar uchun zamonaviy xizmatlarni yo‘lga qo‘yishga qaratilgan.

➡️Loyiha doirasida ishlab chiqarish, saqlash, qayta ishlash va xizmat ko‘rsatish yo‘nalishlari o‘zaro integratsiya qilinmoqda. Xususan, hududda yiliga 30 ming nafargacha mahalliy va xorijiy sayyohlarga xizmat ko‘rsatishga mo‘ljallangan enoturizm markazi tashkil etilmoqda.

🖥️Markazda tashrif buyuruvchilar uchun ishlab chiqarish jarayonlari bilan yaqindan tanishish, mahsulotlarni degustatsiya qilish, hududning qishloq xo‘jaligi salohiyati va mahalliy an’analarini o‘rganish imkoniyatlarini yaratish ko‘zda tutilgan.

⚡️Ayni paytda loyiha doirasidagi ishlar bir necha yo‘nalishda olib borilmoqda. Jumladan, plastik quti ishlab chiqarish sexi allaqachon ishga tushirilgan.

📈Shuningdek, sharbat ishlab chiqarish sexi, 500 tonna sig‘imga ega sovutgichli ombor, restoran, muzey va boshqa obyektlarda qurilish-montaj ishlari jadal davom ettirilmoqda.

⬇️Majmuaning ishlab chiqarish salohiyatini oshirish maqsadida zamonaviy texnologik uskunalar yetkazib berilmoqda. Shu bilan birga, obyektlarning barqaror faoliyat yuritishini ta’minlash uchun elektr ta’minoti tizimini yaxshilash, quyosh panellarini o‘rnatish hamda zarur muhandislik-kommunikatsiya va infratuzilma obyektlarini barpo etish ishlari bosqichma-bosqich amalga oshirilmoqda.

⌛Mazkur loyihaning amalga oshirilishi Buxoro tumanining nafaqat agrosanoat, balki turizm salohiyatini ham yanada oshirishga xizmat qiladi. Ayniqsa, qishloq xo‘jaligi, oziq-ovqat mahsulotlarini qayta ishlash va turizm yo‘nalishlarining bir majmuada uyg‘unlashuvi hududda yangi sayyohlik mahsulotlarini yaratish uchun keng imkoniyatlar ochadi.

📣Enoturizm markazining faoliyati orqali mahalliy va xorijiy sayyohlarga Buxoroning qishloq xo‘jaligi, uzumchilik va oziq-ovqat mahsulotlarini ishlab chiqarish an’analari bilan tanishish uchun yangi imkoniyatlar yaratiladi. Bu esa hududga tashrif buyuruvchilar sonini ko‘paytirish, xizmat ko‘rsatish sohasini rivojlantirish va yangi ish o‘rinlari yaratishga ijobiy ta’sir ko‘rsatishi kutilmoqda.

🔼Viloyat hokimi Botir Zaripov hududda bo‘lib, agrosanoat majmuasi va enoturizm markazidagi ishlar bilan tanishdi.

✔️O‘rganishlar davomida mazkur loyihani amalga oshirish jarayoni, ishlab chiqarish quvvatlarini ishga tushirish, muhandislik-kommunikasiya infratuzilmasini yaratish ishlari ko‘zdan kechirildi.

💬Yakunda tashabbus ijrosiga daxldor mas’ullarga tegishli tavsiyalar berilib, loyiha doirasidagi ishlarni jadallashtirish bo‘yicha zarur chora-tadbirlar belgilandi.

🔖Yirik agrosanoat va enoturizm majmuasining to‘liq ishga tushirilishi Buxoro tumanida ishlab chiqarish va turizmni rivojlantirish, zamonaviy xizmatlar ko‘lamini kengaytirish hamda hududning iqtisodiy salohiyatini yanada mustahkamlashga xizmat qiladi.

Buxoro.uz | Facebook | Instagram | YouTube

Buxoro tumanida Bilimlar kuni ko‘tarinki ruhda nishonlandi

Buxoro tumanida yangi o‘quv yilining boshlanishi — Bilimlar kuni munosabati bilan ta’lim muassasalarida bayram tadbirlari ko‘tarinki ruhda tashkil etildi.
Buxoro tumani hokimi Anvarjon Ochilov o‘zi tahsil olgan 18-sonli umumta’lim maktabida Bilimlar kuni tadbirida ishtirok etdi.

Tadbir O‘zbekiston Respublikasi Davlat madhiyasining yangrashi bilan boshlandi. Shundan so‘ng, Prezidentimizning mamlakatimiz maktablari o‘quvchilari hamda ustoz-murabbiylariga Bilimlar kuni munosabati bilan yo‘llagan bayram tabrigi o‘qib eshittirildi.

Tuman hokimi Anvarjon Ochilov maktab ostonasiga ilk bor qadam qo‘yayotgan jajji o‘quvchilarni samimiy qutlab, ularga yangi o‘quv yilida muvaffaqiyat, mustahkam bilim va ulkan zafarlar tiladi.

Bu yil Buxoro tumanida 2 645 nafar bola ilk bor maktab ostonasiga qadam qo‘yib, 1-sinf o‘quvchisi bo‘ldi.

Yangi o‘quv yili barcha o‘quvchilar, ustoz va murabbiylar uchun muvaffaqiyatli va unutilmas yil bo‘lishiga tilakdoshmiz!

Buxoro tumani: Qo‘lba qishlog‘idagi 50-maktab binosi mukammal ta’mirdan so‘ng foydalanishga topshirildi

https://gov.uz/oz/buxorotuman/news/view/212573

Kanalga ulanish👇👇👇

Hunarmandchilik to‘garaklari yarmarkasi tashkil etildi

Joriy yilning 18-may kuni Buxoro tumani “Kelajak” markazida “Hunarmandchilik to‘garaklari yarmarkasi” bo‘lib o‘tdi.

Mazkur yarmarka yoshlar, ota-onalar hamda mahalla faollarini markazdagi zamonaviy va istiqbolli yo‘nalishlar bilan yaqindan tanishtirishga xizmat qildi. Tadbir davomida 9 yo‘nalishdagi 64 turdagi to‘garak faoliyati namoyish etildi.

Tashrif buyurgan mehmonlar to‘garaklar faoliyati uchun yaratilgan shart-sharoitlar bilan yaqindan tanishib, o‘zlarini qiziqtirgan savollarga mutaxassislardan batafsil javob oldilar. Shuningdek, ular markaz faoliyati yuzasidan o‘z taklif va mulohazalarini ham bildirdilar.

Tadbir davomida hunarmandchilik, kasb-hunar va ijodiy yo‘nalishlarga qiziqayotgan yoshlar uchun yaratilgan imkoniyatlar alohida e’tibor markazida bo‘ldi.

Kelajak sari birga intilamiz!

Buxoro tumani “Kelajak” markazi
Axborot xizmati

Bugun Londonda Buyuk Britaniya Bosh vazirining investitsiyalar bo‘yicha maslahatchisi Varun Chandra hamda Markaziy Osiyo va Ozarbayjon bo‘yicha savdo vakili lord Jon Olderdays bilan uchrashuvimiz bo‘lib o‘tdi.

Muloqot chog‘ida UzNIF fondimizning jahon bozorlariga muvaffaqiyatli kirib borgani hamda Britaniya ishbilarmon doiralarining O‘zbekistonga bo‘lgan qiziqishi muttasil ortib borayotgani muhokama qilindi. Ta’kidlash joizki, mamlakatimizga yo‘naltirilgan investitsiyalar miqdori allaqachon bir milliard dollardan oshgan.

Mamlakatimiz tarixida ilk bor aksiyalarimiz xalqaro ommaviy savdoga chiqarildi: O‘zbekiston Milliy investitsiya jamg‘armasi “Franklin Templeton” bilan hamkorlikda bir vaqtning o‘zida London va Toshkent fond birjalarida IPO jarayonini boshladi.

Tizimli va izchil islohotlar natijasida iqtisodiyotimiz 3 barobar o‘sdi, davlat institutlari samaradorligi ortib, investorlar uchun kafolatlar mustahkamlandi. Natijada O‘zbekiston global kapital bozori uchun yanada ochiq va ishonchli hamkorga aylandi.

Mamlakatimiz IPO jarayonlarida “BlackRock”, “Franklin Resources”, “Redwheel” kabi ko‘plab yirik xalqaro investorlarning ishtirok etishi dunyo hamjamiyati tanlagan yo‘limiz, salohiyatimiz va kelajagimizga ishonch bildirayotganining yorqin isbotidir.

👍 Endi O‘zbekistonni faqat xaritadan emas, fond birjasidan ham izlashadi

18 may, 2026 yil.
London fond birjasi.
Yangi O‘zbekiston iqtisodiyoti uchun yangi start nuqtasi.

📌 Ilk bor O‘zbekistonning strategik davlat aktivlari global investorlar e’tiboriga chiqmoqda. Energetika, aviatsiya, telekommunikatsiya, transport va bank tizimidagi yirik kompaniyalarni birlashtirgan UzNIF fondi endi jahon kapital bozori bilan yuzma-yuz.

Eng muhimi – bu safar O‘zbekiston investor qidirmayapti. Investorlarning o‘zi O‘zbekistonga qiziqmoqda.

✅ BlackRock. Franklin Templeton. Redwheel.
Dunyo moliyasining eng yirik nomlari endi O‘zbekiston iqtisodiyotini kuzatuvchi emas, balki uning ishtirokchisiga aylanmoqda.

🟢Tadbirda O‘zbekiston Respublikasi Prezidenti Administratsiyasi rahbari Saida Mirziyoyeva hamda Iqtisodiy tadqiqotlar va islohotlar markazi direktori Obid Hakimov ishtirok etadi.

❗️Bu shunchaki IPO emas.
Bu – O‘zbekiston iqtisodiyoti xalqaro kapital bozorlariga yangi bosqichda kirib borayotganining amaliy ifodasi.

Bugun London fond birjasida nafaqat aksiyalar savdosi boshlanadi. Bugun Yangi O‘zbekistonning iqtisodiy imiji, ochiqligi va investision ishonchi xalqaro bahoga chiqadi.

https://t.me/Rasmiy_axborot_official

📣Qadrli buxoroliklar!

❗️Viloyat hokimi Botir Zaripovga murojaatingiz bormi?

✈️ https://t.me/ZaripovBotir guruhiga qo‘shiling va murojaatingizni yo‘llang.

✅Guruhga yuborilayotgan har bir murojaat tegishli tashkilotlar masullaridan iborat shtab tomonidan o‘rganiladi va qonuniy yechim izlanadi.

❗️Har bir murojaat ijrosi esa shaxsan Botir Zaripovning nazoratida.

https://t.me/buxorouz_official | https://www.facebook.com/buxorouzofficial | https://instagram.com/buxorouz_official | https://www.youtube.com/@bvhrasmiy

Buxoro tuman IIB boshlig‘i podpolkovnik Vafayev Farxod Axatovichning MUROJAATNOMASI

https://telegra.ph/Buxoro-tuman-IIB-boshligi-podpolkovnik-Vafayev-Farhod-Axatovichning-MUROJAATNOMASI-05-17

Kanalga ulanish👇👇👇

Buxoro | 14.05.2026

—

Бухара | 14.05.2026

FUTBOL BO‘YICHA DXX KUBOGINING BUXORO TUMAN BOSQICHI YAKUNLANDI

Besh tashabbus olimpiadasi doirasida futbol bo‘yicha O‘zbekiston Respublikasi DXX raisi kubogi uchun tashkil etilgan Buxoro tuman bosqichi musobaqalari yuqori kayfiyat va murosasiz bahslar ostida yakunlandi.

Musobaqalarda tumanning turli hududlaridan kelgan yoshlar faol ishtirok etib, o‘zlarining sport mahorati, jamoaviy hamjihatligi va g‘alabaga bo‘lgan intilishlarini namoyon etdilar. Bellashuvlar davomida muxlislar ham qiziqarli va shiddatli o‘yinlarga guvoh bo‘lishdi.

🏆 Musobaqa yakunlariga ko‘ra:
🥇 1-o‘rin — “Yangiobod”
🥈 2-o‘rin — “Kochkomar”
🥉 3-o‘rin — “Istiqbol”

👏 Barcha ishtirokchilarni munosib ishtiroki bilan samimiy tabriklaymiz. G‘olib jamoalarga musobaqaning keyingi bosqichlarida omad, yangi zafarlar va yorqin g‘alabalar tilaymiz!

📺 Buxoroda o‘tkazilgan “Media haftalik” media sohasi vakillari uchun muhim tajriba va muloqot maydoniga aylandi (video)

https://t.me/buxorouz_official | https://www.facebook.com/buxorouzofficial | https://instagram.com/buxorouz_official | https://www.youtube.com/@bvhrasmiy

#Festival
#Buxoro_tumani

III Xalqaro zardo‘zlik va zargarlik festivali doirasida qadimiy va navqiron Buxoro shahri yanada fayzli va ko‘tarinki muhitga burkandi. Tarixiy obidalar bag‘rida o‘tayotgan ushbu nufuzli xalqaro tadbir yuqori saviyada tashkil etilib, mehmonlar, sayyohlar hamda hunarmandlarda katta taassurot qoldirmoqda.

Festival davomida milliy qadriyatlar, zardo‘zlik va zargarlik san’atining noyob namunalari namoyish etilmoqda. Konsert dasturlari, xalq sayillari va madaniy chiqishlar esa tadbirga yanada o‘zgacha shukuh bag‘ishlamoqda.

Quvonarlisi, Buxoro tumani hunarmandlari ham festivalda faol ishtirok etib, o‘zlarining betakror ijod namunalari bilan mehmonlar e’tiborini qozonmoqda. Ular tomonidan tayyorlangan milliy hunarmandchilik mahsulotlari festival ishtirokchilari va xorijiy mehmonlarda katta qiziqish uyg‘otmoqda.

Kanalga ulanish👇👇👇