Jonibek Turapov | Shaxsiy IT blog

O'zgalar kodi bilan ishlash azobi va foydasi

Nega boshqalarning kodini o'qish yozishdan ko'ra qiyinroq?

O'zimiz yozgan kodni oylab o'qimay, oradan vaqt o'tib qaytib kirsak, nima yozganimizni o'zimiz ham tushunmay qoladigan paytlar bo'ladi. Endi tasavvur qiling, boshqa birov yozgan, logikasi umuman begona bo'lgan loyihani davom ettirish qanday azob?

Lekin bitta haqiqat bor: haqiqiy kuchli dasturchi bo'lish uchun faqat kod yozishning o'zi yetarli emas, boshqalarning kodini o'qishni ham eplash kerak.

Ishga kirganingizda sizga doim ham noldan, oppoq qog'ozdan loyiha berishmaydi. 90% holatda kimdir boshlagan, ba'zan "spagetti" bo'lib yotgan kodni to'g'rilash va davom ettirishga to'g'ri keladi.

GitHub yoki ochiq kodli (open-source) loyihalarni titkilash orqali, siz xayolingizga ham kelmagan qisqa va chiroyli yechimlarni o'rganib olasiz. Buni sizga hech qaysi pullik kurs o'rgatmaydi.

O'zgalar kodini o'qiyotganda "buni qaysi ahmoq yozgan" degan xayol kelmasligi uchun avvalo o'zimiz toza kod yozishni odat qilishimiz kerak.


— @jonibek_turapov

Men aslida hech narsani bilmayman

Assalomu alaykum! Dasturlashda 3-4 yil tajribangiz bo'lsa ham, ba'zida shunday his paydo bo'ladiki: "Men o'zi umuman kod yozishni bilmayman, shunchaki AIdan nusxa olyapman xolos". Buni butun dunyo IT olamida "Imposter Syndrome" (Qalloblik sindromi) deb atashadi.

Katta kompaniyalardagi Senior dasturchilar ham buni his qilib turadi. Qaysidir murakkab Vue.js yoki Laravel logikasini yecholmay, StackOverflow yoki AIdan tayyorini olganingizda o'zingizni aybdor his qilmang.

Dasturchining vazifasi — hamma kodni yoddan bilish emas, balki muammoga to'g'ri yechim topishdir.

Vositalardan to'g'ri foydalanish ham katta mahorat. 😎


— @jonibek_turapov

Ish suhbatiga (intervyuga) Sun'iy Intellekt bilan tayyorlanamiz!

Agar sizni yaqin orada ish suhbati kutib turgan bo'lsa yoki shunchaki o'z bilimingizni sinab ko'rmoqchi bo'lsangiz, ChatGPT yoki Claude kabi neyrotarmoqlardan ajoyib intervyuer (suhbat oluvchi) sifatida foydalanishingiz mumkin.

Buning uchun AI'ga quyidagi maxsus promtni (buyruqni) yuborishingiz kifoya:
"Sen [LAVOZIM] bo'yicha HR va Technical Interviewer'san. Menga ish suhbatini o'tkaz. Savollarni bittadan ber, har bir javobimni bahola va xatolarimni batafsil tushuntir."

Matndagi [LAVOZIM] qismiga o'zingizning yo'nalishingizni yozasiz.
Masalan: Sen Junior Laravel Developer uchun interviewer bo'l.

Shundan so'ng, AI sizga xuddi haqiqiy suhbatdagi kabi dasturlashga oid texnik va mantiqiy savollarni berishni boshlaydi. Sizning har bir yozgan javobingizni tahlil qilib, qayerda xato qilganingizni yoki qanday qilib yaxshiroq javob berish mumkinligini ko'rsatib boradi.

🎯 Haqiqiy intervyudan oldin hayajonni bosish va o'zingizni sinab ko'rish uchun juda zo'r usul!

#foydali #ai #suniy_intellekt #intervyu #maslahat #dasturlash

— @jonibek_turapov

Eski kodni yamashmi yoki boshidan yozish?

Assalomu alaykum! Dasturlashda hammamiz bir holatga ko'p duch kelamiz: o'zimiz yoki boshqalar yozgan, logikasi murakkablashib ketgan ESKI kodlar.

Ba'zida muddat oz qolgani yoki shunchaki eringanimiz uchun o'sha eski yondashuvni "yamab" ketgimiz keladi. Lekin tajribamdan kelib chiqib aytamanki, ESKI yondashuvni yamashdan ko'ra, ma'lumotlar bazasi arxitekturasi to'g'rilab, boshidan refaktor qilish kelajakda ancha vaqtni va asabni tejaydi.

Agar poydevor (ya'ni baza arxitekturasi) xato qurilgan bo'lsa, ustiga qurilgan Laravel kontrollerlari va Vue.js komponentlarida qancha vaqtinchalik yechimlar qo'llamaylik, tizim baribir og'irlashib boraveradi. Shunday paytda qo'rqmasdan kodning muammoli qismini asl holatiga qaytarib, toza arxitektura bilan qayta yozish eng to'g'ri qarordir.


— @jonibek_turapov

Kod to'g'ri, lekin ishlamayapti... Aybdor kim?

Dasturlashda shunday asabbuzar holatlar bo'ladiki, kodingiz 100% to'g'ri, mantiq joyida, lekin brauzerda natija umuman xato chiqadi. Ko'pincha bunday paytda aybdor bizning kodimiz emas, balki ish muhitimiz bo'lib chiqadi.
Muammo nimada bo'lishi mumkin?

1️⃣Kesh (Cache) qurboni: Laravel'da, ayniqsa Vue.js bilan ishlaganda eski keshlar qolib ketishi ko'p pand beradi. Birinchi navbatda loyihani va brauzerni keshdan tozalab turish kerak.

2️⃣Kengaytmalar (Extensions) xalaqiti: Ba'zan brauzerdagi qandaydir plagin kodingiz ishlashiga to'sqinlik qilayotgan bo'ladi. Ularni tekshirish uchun Chrome'dagi Kengaytmalar (Расширения) bo'limiga kirish kerak. O'sha yerdan vaqtincha barchasini o'chirib, loyihani toza muhitda sinab ko'ring.

3️⃣Hammasini noldan boshlash: Agar brauzer yoki tahrirlovchingiz tushunarsiz xatoliklar beraversa, ularning sozlamalarini boshlang'ich sozlamalariga qaytarib, noldan ishga tushirish eng tezkor yechimdir.


— @jonibek_turapov

O'zbekiston sun'iy intellekt startaplari uchun $200,000 mukofotli prezident tanlovini e'lon qildi

Vazirlar Mahkamasi №288-son qaror bilan President AI Award nizomini tasdiqladi. Tanlov uch yo'nalishni qamrab oladi: Eng yaxshi startap, Akseleratsiya va Inkubatsiya.

G'oliblar IT Park Ventures tomonidan ulush evaziga investitsiya oladi — 1-o'rin $100,000, 2-o'rin $60,000, 3-o'rin $40,000. Mablag' ikki bosqichda ajratiladi: yarmi shartnoma tuzilishi bilan, qolgan qismi esa bir yil ichida KPI bajarilishiga qarab.

👉 Batafsil Pivot.uz'da o'qing

Instagram | LinkedIn | Facebook | YouTube


@jonibek_turapov

9-may — Xotira va qadrlash kuni muborak bo'lsin!

Bugun yurtimizda tinchlik va osoyishtalik qadrini teran anglaydigan, o'tganlar xotirasini yod etib, keksalarimizga ehtirom ko'rsatadigan ulug' ayyom. Bugungi dorilomon kunlar, musaffo osmon va erkin hayotimiz uchun kurashgan insonlar jasorati hech qachon unutilmaydi.

Aynan mana shu tinchlik sharofati bilan biz bugun xotirjamlikda o'z sevimli ishimiz bilan shug'ullanib, yangi loyihalar ustida ishlayapmiz, texnologiyalarni o'rganyapmiz va kelajak sari dadil qadam tashlayapmiz. Tinchlik va xotirjamlik bor joydagina chinakam rivojlanish bo'ladi.

Barcha faxriylarimizga mustahkam sog'liq, uzoq umr va xotirjamlik tilayman. O'tganlarning xotirasi hamisha qalbimizda barhayot. Yurtimiz osmoni doimo musaffo bo'lsin, tinchligimizga ko'z tegmasin! 🕊

Yandex Cup 2025: O‘zbekistonlik dasturchilar xalqaro maydonda

Yaqinda Istanbul shahrida bo‘lib o‘tgan Yandex Cup 2025 xalqaro dasturlash musobaqasi natijalari e’lon qilindi. Bu musobaqa dunyoning turli davlatlaridan kuchli dasturchilarni jamlagan yirik IT tadbir bo‘ldi va eng quvonarlisi — unda o‘zbekistonlik mutaxassislar ham g‘oliblikni https://www.spot.uz/oz/2025/12/23/yandex-cup/.

Saralash va final bosqichlarida 21 ta davlatdan 196 nafar ishtirokchi qatnashib, murakkab algoritmik va amaliy vazifalar ustida bellashdi. Natijada ikki nafar vatandoshimiz o‘z yo‘nalishida eng yuqori natijani ko‘rsatdi:

1. Nazarbek Boltaboyev — Frontend yo‘nalishida
2. Akobir Abdug‘aniyev — Backend yo‘nalishida

Bu yutuq shunchaki shaxsiy muvaffaqiyat emas, balki O‘zbekiston IT sohasining xalqaro darajada ham raqobatbardosh ekanini ko‘rsatadigan natija deb hisoblayman.

Yandex Cup doirasida dasturchilar ML, frontend, backend, mobil ilovalar, analitika va algoritmlar kabi yo‘nalishlarda bellashdi. Musobaqaning umumiy mukofot jamg‘armasi ham ancha yuqori bo‘lib, ishtirokchilar uchun yaxshi rag‘bat vazifasini o‘tagan.

Menimcha, bunday musobaqalar yosh dasturchilar uchun nafaqat tajriba, balki o‘ziga bo‘lgan ishonchni oshirish va global IT hamjamiyatiga kirib borish uchun katta imkoniyat. O‘zbekistonlik dasturchilarning bu kabi yutuqlari kelajak uchun yanada katta motivatsiya beradi.

Web dasturlashni boshlash kerakmi? AI saytlarni o‘zi qilib berayotgan bo‘lsa ham?

So'nggi paytlarda menga ko'p berilayotgan savollardan biri:

Web dasturlashni boshlashni maslahat berasizmi? Hozir sun'iy intellekt saytlarni o'zi qilib berayapti-ku…"

To'g'risini aytsam, bu savol mantiqli. Chunki bugun AI oddiy landing page, blog, hatto kichik CRM loyihani ham bir necha daqiqada generatsiya qilib bera oladi.

⚠️ Lekin muhim savol boshqa:

AI kod yozayaptimi — yoki tizim qurayaptimi?

AI sizga kod beradi.
Lekin:
— Biznes logikani kim tushunadi?
— Loyihaning arxitekturasini kim o'ylaydi?
— Kengaytiriladigan, xavfsiz tizimni kim quradi?
— Muammo chiqqanda mas'uliyatni kim oladi?

AI — bu tezkor yordamchi.
Dasturchi — bu qaror qabul qiluvchi.

Bugun oddiy sayt qilish osonlashdi.
Lekin real loyihalar oddiy emas.

Startup'lar, SaaS platformalar, korporativ tizimlar — bular shunchaki "kod generatsiya" bilan bitmaydi. Bu yerda fikrlash, tajriba va muhandislik kerak.

Shuning uchun web yo'nalishi o'lgan emas.
Shunchaki talab o'zgaryapti.

Oldin: "Kod yozishni bilsa bo'ldi."
Hozir: "Tizim fikrlay oladimi?"

Agar hozir web'ni boshlamoqchi bo'lsangiz:

— Faqat kod yozishni emas, qanday ishlashini tushuning.
— Frontend yoki backend tanlang — lekin chuqur kiring.
— Git, database, deploy, xavfsizlikni o'rganing.
— AI'dan foydalanishni o'rganing — lekin unga to'liq suyanmang.

Kelajakda yutadigan odam — AI bilan raqobat qiladigan emas, AI'ni boshqara oladigan dasturchi bo‘ladi.

Shaxsan mening fikrim, web'ni boshlash hali kech emas.
Lekin oddiy "kod yozuvchi" bo'lish davri tugayapti.

Endi muhandis bo'lish kerak.

👉 @jonibek_turapov

Izoh o‘zingizdan...

🧑‍🎄 Yangi yil muborak! 🎉

Yangi yil sizga sog‘lik, tinchlik va omad olib kelsin. 2026-yilda ham blogimiz orqali foydali, qiziqarli va sifatli kontent bilan siz bilan birga bo‘lamiz.

Har bir kuningiz yangi imkoniyatlar, yangi g‘oyalar va yutuqlarga boy bo‘lsin.

Yangi yil — yangilanishlar va rivojlanish yili bo‘lsin! ✨

Biz bilan qoling, eng yaxshilari hali oldinda.