Kitoblar dunyosi

Yaxshi asarning millati boʻlmaydi

Did pachoq boʻlib turib, yaxshi narsa yozib boʻlmaydi! Avval didni tarbiyalash kerak. Shuning uchun ham jamiyatning — adabiy muhitning, kinematografik muhitning, musiqiy muhitning shakllanishi-yuksalishi uchun birinchi oʻrinda did kerak. Men bekorga dodlayotganmim yoʻq, oʻrtamiyona narsalarni mezon qilib olayotganimiz bizning didimiz tushib ketayotganini koʻrsatib turibdi. Boʻlajak aktyorlar, yosh teatrshunoslar bilan gaplashganim sayin qaygʻuga choʻmib boryapman. Koʻp narsa bilmaydi, koʻp narsa oʻqimagan. Afsus, majbur qilolmaysan.
Yaxshi asarning millati boʻlmaydi. Chukcha oʻqisa oʻzining chukchachasiga tushunadi, oʻzbek oʻqisa oʻzbekona tushunadi. Oʻtish davrida yashagan odamlarning shoʻri qursin, degan gap bor. Sizlarning avlodlaringizning chekiga shunday davr tushdi. Parokandalik boshlandi, qalayi-qalbaki daholar paydo boʻldi. Vatanparvarlikka ortiqcha urgʻu berib, hech keraksiz fanlarni kiritib tashladik. Ura-patriotizm avj oldi. “Mustaqillik” soʻzini xor qilib tashlamaslik kerak. “Mustaqilligimiz” deb boshlashi bilan, demak, sen hali toʻliq mustaqil emassan, deb oʻylayman. Nima keragi bor? Soʻzning qadri yoʻqolib ketdi. Qanchalik kam ishlatsak, bu tushunchaning qadri oʻshancha baland boʻladi. Didsizlik rasmiy darajaga koʻtarilgan, shiorlarga aylantirilgan. Nahotki, farosatli odamlar yoʻq? Bor. Lekin aytgani qoʻrqadi.
Hukumat, yaʼni hokimiyat oʻzining manfaatiga — gʻoyalariga moslab bayram oʻtkazishi mumkin, lekin buning uchun yarim yil tayyorgarlik koʻrish kerak emas…

© Murod Muhammad Doʻst.

https://t.me/kitobim_dosti📒

MENING TO‘RT KUNIM BOR

Xalil ibn Ahmad aytadi:

Mening to‘rt kunim bor.

1. Ko‘chaga chiqib, o‘zimdan ilmliroqqa yo‘liqqan kunim undan nimanidir o‘rganaman. Bu mening foyda topgan, o‘ljani qo‘lga kiritgan kunim.

2. Ko‘chaga chiqib, o‘zimdan ilmsizroqqa yo‘liqqan kunim unga nimanidir o‘rgataman. Bu mening savob ishlagan kunim.

3. Ko‘chaga chiqib, ilm bobida o‘z tengqurimga yo‘liqqan kunim u bilan birga dars qilaman. Bu mening sabog‘imni pishitgan kunim.

4. Ko‘chaga chiqib, o‘zi ilmsiz-u, lekin o‘zini mendan ko‘ra ilmliroq hisoblaydigan kishiga yo‘liqqan kunim u bilan gaplashmay qo‘ya qolaman. Bu mening dam olish kunim.

📒

Қулга бало келмас, Ҳақ ёзмагунча.
Ҳақ бало ёзмас, қул йўлдан озмагунча.
Ҳақ қулдан интиқом, қул ила олур.
Дину ирфон билмаган, буни қулдан деб билур.

Мавлоно Жалолиддин Румий.

📒

Assalomu alaykum qadirli kitobsevarlarim!

Ayrim ishlarim ko‘payib qolgani sababli kanal faoliyatida taxminan bir haftalik tanaffus bo‘ladi.

In shaa Alloh tez orada yana qaytaman.

#Iqtibos

Hozirgi kunda kitoblarning elektron shakllari ham juda ommalashdi. Bunga xizmat qilayotganlarni Alloh yorlaqasin, ajrlarini mo‘l qilsin. Buning qulayligi, yo‘l-yo‘lakay o‘qishga munosibligi va boshqa manfaatli jihatlari borligi aniq. Ammo har qancha foydali bo‘lmasin, baribir oddiy, qog‘oz kitobning o‘rnini bosa olmas ekan. Qolaversa, kitob ochib o‘qishning fayzi boshqa. Kimga qanaqa bilmadim-u, ammo menga shunaqa tuyuladi. O‘zimning shaxsiy tajribamdan kelib chiqib aytsam, elektron kitobda o‘qigan ma’lumotlarim oddiy kitobda o‘qiganlarimchalik esda qolmaydi. Menimcha, ekrandagi kadrni ko‘rish uchun miyaning ancha qismi band bo‘ladi chog‘i va shu bois, ma’lumotni xotiraga saqlashda sustlik yuzaga keladi.

🌟 Shayx Muhammad Sodiq Muhammad Yusuf hazratlari.

📒

KITOB YOQUVCHILAR

Sibvayh:
Uning xotini kitoblarini yoqib yubordi. Chunki u kitoblariga berilib ketib xotinini unutib qo‘yar edi. Sibvayh buni bilgach xushidan ketdi. O‘ziga kelgach xotinini taloq qildi.

Lays ibn Muzaffar:
U Farohidiyning "Al-Ayn" nomli kitobini yodlashga ovora bo‘lib xotiniga e’tibor bermay qo‘ydi. Xotini uni kitobdan rashk qilib kitoblarini yoqib yubordi.

Amir Mahmududdavla Omiriy:
Uning juda ko‘p kitobi bor edi. U vafot etgach xotini uning kitoblarini suvga tashladi. Chunki u kitoblari bilan ovora bo‘lib xotiniga ko‘p vaqt ajratmas ekan.

Ibrohim Iyoshiy:
U "Hujurotun niso" nomli kitobini yozish uchun yigirma yil sarfladi. Xotiniga e’tibori kamaydi. Xotini g‘azablanib kitobni yoqib yubordi. Ibrohim shundan so‘ng falaj bo‘lib qoldi.

Muhammad ibn Shihob Zuhriy:
Uning xotini unga shunday degan edi:
" Allohga qasamki, bu kitoblar men uchun uchta kundoshdan ham yomonroqdir".

- Doktor Xolid Sayyid Ali.

Kitobsevar birodarlar! Xotinlarga hushyor bo‘linglar!!!

📒