MIRISHKOR TUMANI | Rasmiy

Til — millat ko‘zgusi!

Mirishkor tumani 21-sonli umumta’lim maktabida 9–11-sinf o‘quvchilari o‘rtasida “Til — millat ko‘zgusi” mavzusida insholar tanlovi o‘tkazildi.

Tanlov jarayonlaridan fotolavhalar.

😎😎😎😎😎😎😎😎

📌📌📌📌 / @mirishkorpress

20-oktabr — Butunjahon statistika kuni muborak!

Barcha statistika sohasi xodimlarini kasb bayrami bilan samimiy tabriklaymiz!

Mamlakatimiz taraqqiyoti yo‘lida olib borayotgan mas’uliyatli faoliyatingizda ulkan muvaffaqiyatlar va yuksak natijalar tilaymiz!

Hurmat bilan,
Mirishkor tumani hokimligi

😎😎😎😎😎😎😎😎

📌📌📌📌 / @mirishkorpress

Samarqandda O‘zbekiston va AQSh hamkorligi uchun ochilgan yangi imkoniyatlar ikki mamlakat kompaniyalarining qo‘shma korxonalar tashkil etishi, texnologiyalar almashishi va yangi bozorlarga birgalikda chiqishiga kuchli sur’at bag‘ishlaydi.
—
Открывшиеся в Самарканде новые возможности для сотрудничества Узбекистана и США придадут компаниям двух стран мощный импульс для создания совместных предприятий, обмена технологиями и совместного выхода на новые рынки.

Prezident.uz|Facebook|Instagram|YouTube|X

🇺🇿 Бизнесингиз мамлакатнинг бош рўйхатида бўлсин

Ҳурматли тадбиркорлар! Бизнесни рўйхатга олиш тадбирида фаол иштирок этинг!

Бизнесни рўйхатга олиш — барқарор иқтисодий ривожланиш пойдевори!

✈️Telegram | 📷 Instagram | 📱Facebook

Mirishkor TET tomonidan aholini kuz-qish mavsumida uzluksiz va sifatli elektr energiyasi bilan ta’minlash maqsadida elektr tarmoqlari va transformator punktlarini ta’mirlash, mavjud quvvatlarni mustahkamlash hamda yangi elektr tarmoqlarini barpo etish ishlari amalga oshirilmoqda.

😎😎😎😎😎😎😎😎

📌📌📌📌 / @mirishkorpress

“Pazdaviylar” ziyoratgohida xayrli duo va ehson tadbiri

Bugun erta tongdan Mirishkor tumani hokimi Fayzullo G‘ulomov, nuroniylar, mahallalar bo‘limi boshlig‘i hamda mahalla raislari ishtirokida “Pazdaviylar” ziyoratgohida xayrli tadbir tashkil etildi.

Tadbir davomida Qur’oni karim tilovat qilinib, yurtimiz tinchligi va xalqimiz farovonligi yo‘lida duolar qilindi. Shuningdek, ehson maqsadida jonliq so‘yilib, uning go‘shti ehtiyojmand oilalarga tarqatildi.

Samimiy duolar va ezgu niyatlar ila o‘tgan tadbirda yurtimiz tinchligi, xalqimiz osoyishtaligi, oilalar mustahkamligi, xonadonlarimizdan fayz-u baraka arimasligi hamda dasturxonlarimiz to‘kin bo‘lishi so‘rab duo qilindi.

Shu bilan birga, joriy yilgi paxta yig‘im-terim mavsumini muvaffaqiyatli yakunlash, dehqonlar mehnatiga baraka, dalalardagi hosilning mo‘l-ko‘l bo‘lishi va yangi ekin mavsumini xayrli boshlash niyatida ezgu tilaklar bildirildi.

Bunday xayrli amallar xalqimizga xos mehr-oqibat, saxovat va hamjihatlik kabi qadriyatlarning yorqin ifodasidir. Ehtiyojmand oilalarni qo‘llab-quvvatlash, nuroniylar duosini olish va el-yurt ravnaqi yo‘lida ezgu niyatlar qilish jamiyatimizdagi o‘zaro mehr va birdamlikni yanada mustahkamlaydi.

😎😎😎😎😎😎😎😎

📌📌📌📌 / @mirishkorpress

Prezident Shavkat Mirziyoyev ishtirokida o‘tgan Amerika – O‘zbekiston ishbilarmonlik va investitsiya kengashi ikkinchi yig‘ilishining ochilishida imzolangan hujjatlarni almashish marosimi ham bo‘lib o‘tdi.
—
В ходе открытия второго заседания Американо-Узбекского делового и инвестиционного совета с участием Президента Шавката Миризиёева также состоялась церемония обмена подписанными документами.

Prezident.uz|Facebook|Instagram|YouTube|X

👏 G’alaba muborak, "Nasaf"!

Bugun futbol bo'yicha O'zbekiston Superligasi joriy mavsumning 20-turida g‘alaba qozongan vohamiz bosh jamoasini o‘zim, keng jamoatchilik va millionlab muxlislar nomidan tabriklayman.

Jamoamizga joriy mavsumda ham mahalliy chempionlik shohsupasi va yutuqlar nasib qilsin.

Murotjon Azimov, viloyat hokimi.
------------------------------
Ma’lumot o‘rnida, bugun jamoamiz Qarshidagi "Markaziy" o'yingohda Farg'onaning "Neftchi" jamoasini qabul qilib, 6:2 hisobida g‘alaba qozondi.

https://gov.uz/oz/qashqadaryo| https://t.me/qashvilhokimligi| https://www.youtube.com/channel/UCOZydXk6DYT-w0kGprxIfwg| https://www.facebook.com/qashvilhokimlik| https://instagram.com/qashvilhokimligi| https://twitter.com/qashvilhokimlik

#Xushxabar

Mirishkor tumani 20-sonli umumiy o‘rta ta’lim maktabining 10-sinf o‘quvchisi Xolmurodov Asilbek Alisher o‘g‘li matematika fanidan xalqaro SAT imtihonida muvaffaqiyatli ishtirok etib, 1240 ball natija qayd etdi hamda xalqaro SAT sertifikatini qo‘lga kiritdi.

Mazkur natija o‘quvchining matematika faniga bo‘lgan qiziqishi, izlanishi va muntazam mehnatining munosib samarasidir. Bu kabi yutuqlar maktabda ta’lim sifatini oshirish, iqtidorli yoshlarni qo‘llab-quvvatlash borasidagi sa’y-harakatlarning ham amaliy ifodasidir.

Asilbekni ushbu yutug‘i bilan samimiy muborakbod etib, kelgusida xalqaro imtihonlarda yanada yuqori natijalarni qo‘lga kiritishi, bilim va salohiyatini nufuzli ta’lim muassasalarida namoyon etishiga tilakdoshmiz!

😎😎😎😎😎😎😎😎

📌📌📌📌 /

4:0

Viloyat hokimi Murotjon Azimov oʻyinni stadiondan kuzatib bormoqda

Mirishkor tumani prokurori Sardor Nazarovning tumandoshlarimizga murojaati

Hurmatli Mirishkor tumani aholisi, aziz tumandoshlar!

Yurtimizda fuqarolarning huquq va qonuniy manfaatlarini himoya qilish, jamoat xavfsizligini ta’minlash hamda mahallalarimizda tinchlik va osoyishtalikni mustahkamlashga alohida e’tibor qaratilmoqda.

Shu bilan birga, hududlarda jinoyatchilikning, xususan, o‘g‘rilik va firibgarlik kabi huquqbuzarliklarning oldini olish faqatgina huquqni muhofaza qiluvchi organlarning emas, balki har bir fuqaroning ham mas’uliyatli munosabatini talab etadi.

Afsuski, ayrim hollarda fuqarolarning loqaydligi yoki ehtiyotsizligi sababli jinoyatchilar uchun qulay sharoit yuzaga kelmoqda. Oddiy ehtiyot choralariga amal qilish esa ko‘plab noxush holatlarning oldini olishi mumkin.

Shu munosabat bilan barcha tumandoshlarimizni quyidagi masalalarga jiddiy e’tibor qaratishga chaqiraman:

• Xonadon, omborxona, molxona va boshqa yordamchi xo‘jalik binolarining eshiklarini ishonchli qulflang;
• Qimmatbaho buyumlar, pul mablag‘lari va boshqa mol-mulklarni ochiq yoki begona shaxslar ko‘rishi mumkin bo‘lgan joylarda saqlamang;
• Xonadonlaringizni imkon qadar videokuzatuv, signalizatsiya va boshqa zamonaviy xavfsizlik vositalari bilan jihozlang;
• Hovli va xonadon atrofining, ayniqsa, tungi vaqtda yetarli darajada yoritilishiga e’tibor qarating;
• Notanish yoki shubhali shaxslar, transport vositalari yoxud g‘ayrioddiy holatlarga duch kelganingizda befarq bo‘lmang va bu haqda tegishli organlarga xabar bering;
• Telefon orqali yoki internet tarmog‘ida turli va’dalar bilan pul yoki shaxsiy ma’lumotlaringizni qo‘lga kiritishga urinayotgan shaxslardan ehtiyot bo‘ling;
• Qo‘ni-qo‘shnilar bilan hamjihatlikni mustahkamlab, mahalladagi xavfsizlik masalalariga birgalikda mas’uliyat bilan yondashing.

Aziz tumandoshlar!

Xavfsiz mahalla — avvalo, ogoh va mas’uliyatli fuqarolardan boshlanadi. Har birimiz o‘z xonadonimiz, mahallamiz va atrofimizdagi muhit xavfsizligiga befarq bo‘lmasak, ko‘plab jinoyat va huquqbuzarliklarning oldini olishimiz mumkin.

Sizlarni hushyorlikni yanada kuchaytirishga, qonun talablariga rioya etishga va shubhali holatlarga loqayd bo‘lmaslikka chaqiraman.

Tinchlik va osoyishtalikni asrash — barchamizning umumiy vazifamiz. Keling, Mirishkorimizni yanada tinch, osoyishta va xavfsiz hududga aylantirish yo‘lida hamjihatlik bilan harakat qilaylik.

Hurmat bilan,
Sardor Nazarov
Mirishkor tumani prokurori

😎😎😎😎😎😎😎😎

📌📌📌📌 /

Yoshlar bilan ochiq va samimiy muloqot

Mirishkor tumani hokimi Fayzullo G‘ulomov “Yoshlar kuni” doirasida 1-son texnikum talabalari bilan uchrashuv o‘tkazdi.

Samimiy va ochiq muloqot tarzida o‘tgan uchrashuvda yoshlarning ta’lim olishi, kasb-hunar egallashi hamda bo‘sh vaqtini mazmunli tashkil etish masalalariga alohida e’tibor qaratildi.

Uchrashuv davomida talabalar o‘zlarini qiziqtirgan savollar, taklif va tashabbuslarini bildirdilar. Hokim yoshlarning fikr va takliflarini tinglab, ularni qo‘llab-quvvatlash, mavjud muammolarni bartaraf etish yuzasidan mas’ullarga tegishli topshiriqlar berdi.

Shuningdek, yoshlarni zamonaviy kasblarni egallash, bilim va ko‘nikmalarini muntazam oshirib borish, tadbirkorlik va innovatsion loyihalarga faol jalb etish muhimligi ta’kidlandi.

😎😎😎😎😎😎😎😎

📌📌📌📌 /

“Qashqadaryo” TV | Mirishkor tumanida Mustaqillikning 35 yilligi keng nishonlandi

😎😎😎😎😎😎😎😎

📌📌📌📌 /

Live | Mirishkor tumani hokimi Fayzullo G‘ulomov “Yoshlar kuni” doirasida 1-son texnikum talabalari bilan uchrashuv o‘tkazmoqda.

😎😎😎😎😎😎😎😎

📌📌📌📌 /

📣 Aziz futbol ishqibozlari va qadrli yurtdoshlar!

4-sentabr kuni Qarshi shahridagi “Markaziy” stadionda soat 19:00 da futbol muxlislarini muhim va murosasiz uchrashuv kutmoqda! 🏟️

Unda “Nasaf” va “Neftchi” jamoalari o‘zaro bahs olib boradi. Sevimli jamoamizni stadiondan turib qo‘llab-quvvatlashni istagan mirishkorlik muxlislar uchun Mirishkor tumani hokimligi tomonidan bepul avtobuslar tashkil etiladi.

📅 Sana: 4-sentabr, 2026-yil
📍 Jo‘nab ketish manzili: Mirishkor tumani hokimligi oldidan
⏰ Jo‘nab ketish vaqti: 16:00

Muxlislik — shunchaki tomosha emas, bu jamoa bilan birga bo‘lish, unga kuch va ishonch berishdir!

Barchangizni stadionga chorlaymiz! Keling, birgalikda “Nasaf”ga munosib muxlislik qilaylik, jamoamizni olg‘a chorlaylik!

Birga boramiz! Birga muxlislik qilamiz! Birga g‘alaba sari!

😎😎😎😎😎😎😎😎

📌📌📌📌 /

Mirishkorda yoshlar bilan ochiq muloqot o‘tkazildi

“Har payshanba – Yoshlar kuni” tashabbusi doirasida Mirishkor tumani IIB boshlig‘i G‘ayrat Xaydarov “Mirishkor” mahallasida yoshlar bilan ochiq muloqot o‘tkazdi.

Uchrashuv davomida yoshlarning muammolari, taklif va tashabbuslari tinglanib, ularni qiynab kelayotgan masalalarni hal etish yuzasidan tegishli tushuntirish va tavsiyalar berildi. Shuningdek, yoshlar tomonidan bildirilgan murojaatlar qabul qilinib, ularning ijrosi mas’ullar e’tiboriga havola etildi.

Muloqot davomida yoshlar o‘rtasida huquqbuzarlik va jinoyatchilikning oldini olish, internet va ijtimoiy tarmoqlardan xavfsiz foydalanish, kibertahdidlardan himoyalanish masalalariga ham alohida e’tibor qaratildi. Yoshlar o‘rtasida kibertarg‘ibot va kiberjinoyatlarning salbiy oqibatlari haqida tushuntirishlar berilib, shaxsiy ma’lumotlarni himoya qilish, shubhali havolalarga kirmaslik hamda firibgarlik holatlaridan ogoh bo‘lish yuzasidan tavsiyalar berildi.

Tadbir yakunida faol yoshlarga kitoblar sovg‘a qilindi.

😎😎😎😎😎😎😎😎

📌📌📌📌 /

Mirishkor tumanida FHDY xizmatlari: raqamlashtirish, qulaylik va sifatli yondashuv

2026 yilning birinchi choragi davomida Mirishkor tumani adliya bo‘limi FHDY bo‘limi tomonidan fuqarolarga ko‘rsatilayotgan xizmatlar samaradorligi yanada oshdi.

Xususan, ushbu davrda 728 ta tug‘ilganlik haqida dalolatnoma yozuvi qayd etildi. Shundan 138 tasi fuqarolarning onlayn arizalari asosida rasmiylashtirilib, tug‘ilganlik guvohnomalari pochta orqali bevosita yashash manzillariga yetkazib berildi. Bu esa aholiga qulaylik yaratish va davlat xizmatlarini raqamlashtirish borasidagi muhim qadamlardan biridir.

Shuningdek, FHDY bo‘limi tomonidan 182 ta nikoh tuzilganligi haqida dalolatnoma yozuvlari qayd etilib, ularning 167 tasi tantanali ruhda tashkil etildi. Bu esa yosh oilalar uchun unutilmas va quvonchli lahzalarni yaratishga xizmat qilmoqda.

Bundan tashqari, nikohlanuvchilarning buyurtmalariga asosan keytering xizmati — shirinliklar va salqin ichimliklar taqdimoti ham yo‘lga qo‘yilgan. Mazkur xizmat nikoh marosimlarini yanada estetik, zamonaviy va yuqori saviyada o‘tkazish imkonini bermoqda.

Mirishkor tumani adliya bo‘limi FHDY bo‘limi aholiga qulay, sifatli va innovatsion xizmat ko‘rsatish yo‘lida izchil faoliyat yuritmoqda.

😎😎😎😎😎😎😎😎

📌📌📌📌 /

Mirishkor tumanida ayollar biznes-rejalari taqdimoti o‘tkazildi

Xalqaro taraqqiyot uyushmasi ishtirokida amalga oshirilayotgan “Qishloq tadbirkorligini rivojlantirish – 2-faza” loyihasining “Ayollar tadbirkorligini rivojlantirish” 1.4-subkomponenti doirasida Mirishkor tumanining Bahoriston va Barhayot mahallalarida navbatdagi uchrashuvlar tashkil etildi.

Taqdimot davomida ishtirokchilarga tadbirkorlik faoliyatini yo‘lga qo‘yish va rivojlantirish bo‘yicha amaliy tavsiyalar hamda takliflar berildi.

Mazkur uchrashuvlarda loyiha doirasida Mirishkor tumani mahallalarida faoliyat olib borayotgan mobilizatorlar ham faol ishtirok etdilar.

Bunday tashabbuslar xotin-qizlarning iqtisodiy faolligini oshirish, ularning biznes ko‘nikmalarini mustahkamlash va yangi imkoniyatlar yaratishda muhim ahamiyat kasb etmoqda.

😎😎😎😎😎😎😎😎

📌📌📌📌 /

#Tahlil

OLIS HUDUDDAGI MAKTAB FAOLIYATI TAHLIL QILINDI

Mirishkor tuman hokimi yordamchisi L. Mavlonov hamda Respublika Maʼnaviyat va maʼrifat markazining tuman bo‘linmasi rahbari H. Karomatov hamkorliklarida tumanning olis hududida joylashgan 35-sonli umumiy o‘rta taʼlim maktabidagi taʼlim jarayonlar bilan yaqindan tanishdilar.

Maktabdagi mavjud muammolar, maʼnaviy-maʼrifiy ishlar holati, o‘quvchilarni bilim darajasi, davomati, kiyinish madaniyati hamda maktabda yaratilgan sharoitlar chuqur tahlil qilindi.

Shu bilan bir qatorda L. Mavlonov va H. Karomatovlar o‘quvchi yoshlar o‘rtasida "Jaholatga qarshi maʼrifat", "Ekstremizm va terrorizmga qarshimiz", "Din niqobi ostidagi maʼnaviy tahdidlar", "Ogohlik davr talabi", "Ommaviy madaniyatning salbiy oqibatlari " hamda shunga o‘xshash mavzularda targ‘ibot-tashviqot ishlari ham olib bordilar.

Maktabdagi mavjud muammolarni bartaraf etish yuzasidan masʼullar bilan kelishib olindi.

😎😎😎😎😎😎😎😎

📌📌📌📌 /

Mirishkor tumanidagi 14-sonli maktabda keng ko‘lamli mukammal ta’mirlash ishlari olib borilmoqda

Oʻzbekiston Respublikasi Prezidenti Shavkat Mirziyoyevning Qashqadaryo viloyatiga amalga oshirgan tashrifi davomida hududlarni ijtimoiy-iqtisodiy rivojlantirish, ta’lim sifatini oshirish hamda zamonaviy infratuzilmani shakllantirish borasida qator muhim topshiriqlar belgilab berilgan edi. Mazkur topshiriqlar ijrosini ta’minlash maqsadida hududlarda keng ko‘lamli bunyodkorlik va ta’mirlash ishlari izchil olib borilmoqda.

Jumladan, belgilangan topshiriqlar protokoliga muvofiq, Mirishkor tumani “Navbahor” mahallasida joylashgan 14-sonli umumta’lim maktabi binosida mukammal ta’mirlash ishlari amalga oshirilmoqda. Ushbu ta’mirlash jarayonida maktab binosining ichki va tashqi qismi to‘liq yangilanib, sinf xonalari zamonaviy talablarga mos ravishda jihozlanishi ko‘zda tutilgan.

😎😎😎😎😎😎😎😎

📌📌📌📌 /

“Har payshanba – Yoshlar kuni”

Tuman IIB boshlig‘i Gulistonlik yoshlar bilan uchrashdi

😎😎😎😎😎😎😎😎

📌📌📌📌 /

“Har payshanba – Yoshlar kuni”

Tuman hokimi Pomuqlik yoshlar bilan uchrashdi

😎😎😎😎😎😎😎😎

📌📌📌📌 /

“Har payshanba – Yoshlar kuni”: Guliston mahallasida yoshlar bilan samimiy uchrashuv

Mirishkor tumani IIB boshlig‘i G’ayrat Xaydarov tashabbusi bilan “Har payshanba – Yoshlar kuni” loyihasi doirasida “Guliston” mahallasida mazmunli uchrashuv tashkil etildi. Ushbu uchrashuv davomida uyda yakka tartibda ta’lim olayotgan yoshlar holidan xabar olinib, ularning qiziqishlari, orzu-intilishlari va ta’lim jarayonidagi ehtiyojlari bilan yaqindan tanishildi.

Samimiy ruhda o‘tgan suhbat davomida yoshlarga ilm-fan va kitob mutolaasining ahamiyati haqida batafsil tushunchalar berildi. Ayniqsa, kitob inson tafakkurini boyitishi, dunyoqarashini kengaytirishi va kelajakda munosib o‘rin egallashida muhim o‘rin tutishi alohida ta’kidlandi.

Tadbir yakunida G’ayrat Xaydarov tomonidan yoshlar uchun turli badiiy kitoblar sovg‘a qilinib, ularning bilim olishga bo‘lgan intilishi qo‘llab-quvvatlandi.

😎😎😎😎😎😎😎😎

📌📌📌📌 /

Mirishkor tumanida ijtimoiy reyestr bilan ishlash yo‘nalishida amaliy seminar tashkil etildi.

Tuman hokimligi binosida o‘tkazilgan mazkur tadbirda ijtimoiy reyestrni shakllantirish, ro‘yxatga olingan oilalar bilan manzilli ishlash hamda ularning daromadlarini oshirish masalalari muhokama qilindi. Seminar “mahalla yettiligi” a’zolarining bilim va tajribasini yanada mustahkamlash, tizimdagi vazifalar bo‘yicha tushunchalarini kengaytirish maqsadida o‘tkazildi.

Unda tuman hokimi Fayzulla G‘ulomov hamda O‘zbekiston Mahallalar uyushmasining Qashqadaryo viloyati boshqarmasi boshlig‘i Olim Ravshanov ishtirok etib, mahallalarda ijtimoiy himoyaga muhtoj oilalarni aniqlash, ularni reyestrga kiritish, mavjud muammolarni o‘rganish va kambag‘allikni kamaytirish borasidagi ishlar haqida o‘z fikrlarini bildirdi.

Qayd etilganidek, ijtimoiy reyestr tizimi orqali ehtiyojmand oilalarga manzilli yordam ko‘rsatish, ularni ish bilan ta’minlash, kasbga o‘qitish, tadbirkorlikka jalb etish hamda daromad manbalarini kengaytirish bo‘yicha samarali ishlar olib borilmoqda. Shu jihatdan mahallalarda faoliyat yuritayotgan mutasaddilarning mas’uliyati yanada ortadi.

Seminar davomida “mahalla yettiligi” vakillariga reyestr ma’lumotlarini to‘g‘ri shakllantirish, oilalarning ijtimoiy holatini xolis baholash, ularning ehtiyojlari va imkoniyatlaridan kelib chiqib individual yondashuvni qo‘llash bo‘yicha amaliy ko‘rsatmalar berildi. Bundan tashqari, aholining daromadini oshirish maqsadida ularni istiqbolli loyihalarga jalb etish, tomorqadan samarali foydalanish, hunarmandchilik va xizmat ko‘rsatish sohalarini rivojlantirish masalalari ham muhokama qilindi.

😎😎😎😎😎😎😎😎

📌📌📌📌 /

“Har payshanba – Yoshlar kuni”

Tuman hokimi o‘rinbosari, Oila va xotin-qizlar bo‘limi boshlig‘i Xolida Hamroyeva, Qashqadaryo viloyati bojxona boshqarmasi Xotin-qizlar maslahat kengashi raisi mayor Dilnoza Arabova hamda O‘zbekiston XDP Qashqadaryo viloyati kengashi bo‘lim boshlig‘i Shaxlo Xudoyqulovalar “Har payshanba – Yoshlar kuni” tashabbusi doirasida kasb-hunar egallayotgan yoshlar bilan mazmunli uchrashuv o‘tkazdilar.

Uchrashuv davomida yoshlarning kasbiy bilim va ko‘nikmalarini oshirish, ularni mehnat bozorida raqobatbardosh mutaxassis etib tayyorlash masalalariga alohida e’tibor qaratildi. Mutasaddilar tomonidan yoshlarga yaratilayotgan imkoniyatlar, davlat tomonidan berilayotgan imtiyoz va qo‘llab-quvvatlash mexanizmlari haqida batafsil ma’lumotlar berildi.

😎😎😎😎😎😎😎😎

📌📌📌📌 /

“Har payshanba – Yoshlar kuni” tashabbusi doirasida “Bo‘ston” mahallasida yoshlar bilan ochiq muloqot tashkil etildi

Uchrashuvda tuman prokurori Sardor Nazarov qatnashib, yoshlar bilan samimiy va ochiq suhbat olib bordi. Muloqot davomida yoshlarning ta’lim olish, bandlik masalalari, tadbirkorlik faoliyatini yo‘lga qo‘yish, mavjud imtiyoz va imkoniyatlardan foydalanish yuzasidan yo‘llagan savollari tinglandi hamda ularga batafsil tushuntirish va amaliy tavsiyalar berildi.

Shu bilan birga, uchrashuv jarayonida yoshlarning taklif va tashabbuslari ham ko‘rib chiqildi. Xususan, yoshlarning kredit olish bo‘yicha murojaatlari o‘rganilib, ularni qo‘llab-quvvatlash hamda mavjud muammolarni joyida hal etish yuzasidan mas’ullarga tegishli topshiriqlar berildi.

😎😎😎😎😎😎😎😎

📌📌📌📌 /