Muslimaat.uz

Ассалому алайкум ва роҳматуллоҳи ва барокатуҳ

Бугун пайшанба
— 22 октябрь 2026
— 11 жумадул аввал 1448

✍️ Муҳаммад ибн Назр Ҳорисий айтади: "Дерларки, кўп гапирмоқ виқорни кетказади".

Абул Ашҳаб айтади: "Тилини тиймайдиган кимса динини йўқотиб қўяди".

🤲 Аллоҳим, тилларимизни беҳуда сўзлардан, қалбларимизни ғофилликдан асрагин. Тилимиз билан ҳеч кимнинг қалбини оғритмайдиган, сукутимиз ва сўзимизда ҳикмат бўлган солиҳ бандаларингдан қилгин.
😀@muslimaatuz

Ассалому алайкум ва роҳматуллоҳи ва барокатуҳ

Бугун чоршанба
— 21 октябрь 2026
— 10 жумадул аввал 1448

✍️ Абдуллоҳ розияллоҳу анҳу: "На жиддий ва на ҳазил тариқасида ёлғон гапирманг! Агар бирингиз ёш болага бир нарса ваъда қилса, албатта ваъдасини бажарсин!" деди.

🤲Аллоҳим, тилларимизни ёлғондан, қалбларимизни нифоқдан асрагин. Бизга ростгўйлик, вафодорлик ва гўзал хулқни насиб этгин. Фарзандларимизга ҳалолликни ўргатадиган, сўзи ва амали бир бўлган бандаларингдан қилгин.
😀@Muslimaatuz

🌸Бирор нарсани сотиб олгач, бозорда ўша вақтнинг ўзида қайта сотиш жоизми?

Бозорларимизда бир одат авж олиб боряпти: бировдан қўй ёки молни сотиб олиб, бозорнинг нариги тарафига олиб ўтиб, сотиб юборишяпти. Саволим шуки, бирор нарсани сотиб олгач, ўша нарсани бозорда ўша вақтнинг ўзида қайта сотиш жоизми?

🌸 ЖАВОБ: Бисмиллаҳир роҳманир роҳийм. Алдамчилик ва ёлғон аралашмаса, бундай олди -сотди жоиз ҳисобланади.
Валлоҳу аълам.
“Зикр аҳлидан сўранг” китоби, 2-жуз
😀@Muslimaatuz

Ассалому алайкум ва роҳматуллоҳи ва барокатуҳ

Бугун сешанба
— 20 октябрь 2026
— 9 жумадул аввал 1448

✍️ Аббод ибн Аббод Рамлий айтади: "Айтадиларки, кўп емоқ фаҳмни ўтмаслаштиради, қалбни қотиради ва уйқуни келтиради".

🤲Аллоҳим, қалбларимизни уйғоқ, зеҳнимизни ўткир, нафсимизни қаноатли қилгин.
😀@Muslimaatuz

Ал-Муъийд — Қайта тирилтирувчи Зот

Аллоҳ таолонинг Ал-Муъийд исми — йўқ бўлган нарсаларни қайтадан бор қилувчи, махлуқотларни ўлимдан кейин қайта тирилтирувчи Зот, деган маънони англатади.
Аллоҳ таоло барча инсонларни қиёмат куни қайта тирилтиради. У кунда ҳар бир инсон дунёда қилган амаллари, айтган сўзлари ва берилган неъматлар ҳақида ҳисоб беради.
Инсоннинг жасади парчаланиб, зарраларга айланса ҳам, ҳатто куйдирилиб, кули сочиб юборилса ҳам, Аллоҳ таоло уни қайта тирилтиришга қодирдир. Қайта тирилиш куни инсоннинг аъзолари ҳам унинг қилган амалларига гувоҳлик беради.

Мўминнинг одоби: Аллоҳ таолонинг ҳузурига қайтишини унутмаслик, охиратга тайёргарлик кўриш ва Аллоҳнинг Ал-Муъийд исмини зикр қилишдир.
😀@Muslimaatuz

Ассалому алайкум ва роҳматуллоҳи ва барокатуҳ

Бугун душанба
— 19 октябрь 2026
— 8 жумадул аввал 1448

👉Тўй маросими учун гўзал қиз ва келишган йигит кифоя, лекин бахтли оила (никоҳ) учун фозила аёл ва солиҳ эркак керак (Африка мақоли).

🤲Аллоҳим, барча ёшларга гўзалликдан ҳам устун бўлган гўзал хулқ ва солиҳликни насиб этгин. Қизларимизни фозила, ҳаёли, солиҳа ва эрига суянч бўладиган аёллардан, йигитларимизни эса тақводор, масъулиятли, вафодор ва оиласига меҳрибон эркаклардан қилгин.
😀@Muslimaatuz

🟢Биродарингизни ҳурмат қилинг

🎙Ҳазратимиздан эслатмалар
😀@Muslimaatuz

Ассалому алайкум ва роҳматуллоҳи ва барокатуҳ

Бугун якшанба
— 18 октябрь 2026
— 7 жумадул аввал 1448

Оналаримизга хушхабар:

✍️ Муҳаммад ибн Сулаймон: "Ўғил фарзандлар неъмат, қиз фарзандлар эса ҳасанотдир. Аллоҳ азза ва жалла неъмат учун ҳисоб қилади, ҳасанотларга ажр-мукофот беради", деди (Ибн Муфлиҳнинг "Адабуш шаръия" асаридан).

🤲Аллоҳим, ўғилларимизни ҳам, қизларимизни ҳам солиҳ ва солиҳалардан қилгин. Фарзандларимизни кўз қувончимиз, қалбимиз сурури, икки дунё саодатимизга сабабчи айлагин. Уларнинг солиҳ амалларини биз учун садақаи жория қилгин.
😀@Muslimaatuz

Ассалому алайкум ва роҳматуллоҳи ва барокатуҳ

Бугун шанба
— 17 октябрь 2026
— 6 жумадул аввал 1448

✍️ Ҳасан айтади: "Уламолар бўлмаганида одамларнинг ҳайвонлардан фарқлари қолмасди".

Ибн Сийрин деди: "Солиҳлар одобни худди илм ўргангандек ўрганар эдилар" ("Солиҳлар суҳбати" китобидан).

🤲Аллоҳим, бизларга илмни ҳам, одобни ҳам гўзал суратда насиб этгин. Уламоларимизнинг илми ва ҳикматларидан баҳраманд бўлишни, солиҳ зотлардан одоб-ахлоқ ўрганишни насиб айлагин.
😀@Muslimaatuz

РИЗҚ САРОСИМАСИДАН САҚЛАНИШ ДУОСИ

Аллоҳумма ижъал авсаъа ризқика ъалайя ъинда кибари синний ванқитоъи умрий.

Маъноси: «Ё Аллоҳ! Энг мўл ризқимни кексайган вақтимда, умримнинг охирида бер!»
Шарҳ: Расулуллоҳ (соллаллоҳу алайҳи васаллам) бу муборак ҳадисларида: «Энг мўл ризқимни кексайган пайтим ва умримнинг ниҳоясида бер», деб дуо қилганлар. Бунинг сири эса бундай: кексалик пайтида инсон умрим тугамоқда, дея ризқ саросимасига тушади ва Ҳақдан ғофил бўлиб, Аллоҳга тавaжжуҳ қилолмайди.
Бу муборак дуо бизга дарсдир. Расулуллоҳ (соллаллоҳу алайҳи васаллам) бутун ҳаётларида Аллоҳга тўлиқ таважжуҳ қилганлар ва бунга моне бўладиган барча нарсадан Аллоҳга сиғинганлар. Бу муборак дуода ризқ саросимасини бартараф қилиш, ҳузур ила Ҳаққа руҳни таслим этиш сўралган. Буни ҳаммамиз кўз олдимизда тутишимиз лозим. Дунёнинг битмас-туганмас изтиробларига ва ризқ тўплашга берилиб кетиб, Ҳаққа таважжуҳ қилмаслик буюк фитнадир. Бу муборак дуо фоний дунёдан хотиржам айрилишимиз учун гўзал ўгитдир.
😀@Muslimaatuz

🌸Нима учун эҳром ва кафан оқ рангда бўлади?

Биз шуни кўп кузатамизки, ҳажга борган кишиларнинг эҳроми ва вафот этган кишиларнинг кафани ҳам оқ рангда бўлади. Савол шундай: нега кафан ва эҳром оқ рангда?
🌸 ЖАВОБ: Бисмиллаҳир роҳманир роҳиймБу ерда оқ матонинг афзаллиги ҳақида гап кетяпти, холос. Ҳажга боргандаги эҳром ёки бир мўмин-мусулмон инсон вафот этганида уни кафанлаш учун ишлатиладиган матонинг оқ бўлиши фарз ҳам эмас, вожиб ҳам эмас. Бошқа рангдаги матолардан эҳром ёки кафан қилиш жоиз. Баъзилар шундай қилади ҳам. Мисол учун, Доғистондаги Шофеъий мазҳабидаги диндош биродарларимиз ўлганларни яшил рангли матода кафанлашади ва «аҳли жаннатнинг кийими яшил рангда бўлади, шунинг умидида бизўлганларимизни яшил матога кафанлаймиз» деган фикрни олға суришади.Шунингдек, ҳаж ёки умрага борган одам оқ рангдан бошқа рангдаги матодан эҳром боғлаши жоиз, лекин оқ бўлиши афзал ҳисобланади. Бу маъно Расулуллоҳ соллаллоҳу алайҳи васалламнинг ҳадисларида келган.«Сунан» эгалари Ибн Аббос розияллоҳу анҳудан ривоят қилган ҳадисда Расулуллоҳ соллаллоҳу алайҳи васаллам:«Кийимларингизнинг хайрлиси оқдир. Бас, ўликларингизни унга кафанланглар ва тирикларингизга кийгазинглар», деганлар».Шунинг учун, афзалини қилиш маъносида, Расулуллоҳ соллаллоҳу алайҳи васалламнинг мазкур ҳадисларига амал қилиш учун оқ рангли матодан эҳром қилинади ва вафот этган мўмин-мусулмонларни оқ рангли матога кафанланади.
Валлоҳу аълам.
“Зикр аҳлидан сўранг” китоби, 2-жуз
😀@Muslimaatuz

Ассалому алайкум ва роҳматуллоҳи ва барокатуҳ

Бугун ЖУМА🌺
— 16 октябрь 2026
— 5 жумадул аввал 1448

"Шукр неъматнинг жиловидир, уни маҳкам сақлагин. Агар жилов ечилиб кетса, неъматлар ҳар томонга сочилиб кетади".
✍️ Шайх Муҳаммад Ғаззолий

🤲 Аллоҳим, бизларга берган барча неъматларинг учун Сенга беадад ҳамд ва шукрлар бўлсин. Бизга ато этган неъматларингни баракали ва зиёда қилгин, уларни қадрлашни ва тўғри йўлда ишлатишни насиб этгин.
😀@Muslimaatuz

Биррул волидайн — ота-онага яхшилик қилиш...
Бу ёпилмайдиган тавфиқ эшиги, қуримайдиган барака дарёси ва Аллоҳнинг розилигига элтувчи гўзал амаллардан биридир.
Ота-онанинг дуосини олиш бахт, кўнглини шод этиш саодат, хизматларида бўлиш эса улуғ неъматдир. Муборак жума кунида ота-онамизга меҳр кўрсатишни, уларнинг ҳаққига дуо қилишни ва розиликларини олишни унутмайлик.

🤲 Аллоҳим, ота-онамизга сиҳат-саломатлик, узоқ ва баракали умр ато этгин. Бизларни эса уларнинг розилигини топган солиҳ фарзандлардан қилгин. Вафот этган ота-оналаримизни раҳматингга олгин, қабрларини нурга тўлдиргин.
😀@Muslimaatuz

❓ АСР ва ШОМ орасида ҚУРЪОН ўқиб бўлмайдими?

👾 Видеони охиригача кўринг, жавобини билиб оласиз.
😀@Muslimaatuz

🎼 «МУҲАББАТНОМА» ТАНЛОВИ ҒОЛИБЛАРИ АНИҚЛАНДИ!

🎶 Миллий санъатимиз ва мақом ижрочилигига меҳр қўйган истеъдодли опа-сингилларимиз иштирокида ўтказилган «Муҳаббатнома» танлови ўз ниҳоясига етди!

Танловда ўз истеъдоди, овози ва миллий санъатга бўлган муҳаббатини намоён этган иштирокчиларимиздан 5️⃣ нафари ғолиб бўлдилар:

1. Муслимахон Сайидхўжаева
2. Уммигулсум Ўзбекова
3. Гулaсал Бахтиёрова
4. Дилафруз Жавлонбек қизи
5. Райҳона Оқибжон қизи

Иштирокчиларимиз томонидан танлов талаблари тўлиқ бажарилмади. Шу сабаб уларнинг ижро маҳоратига қараб ғолибларни аниқладик.

🌸Барча иштирокчиларни самимий қутлаймиз! Келгусида барчангизга янги ижодий ютуқлар ва катта саҳналарни забт этишингизни тилаймиз!
😀@Muslimaatuz

Ассалому алайкум ва роҳматуллоҳи ва барокатуҳ

Бугун пайшанба
— 15 октябрь 2026
— 4 жумадул аввал 1448

✍️Луқмони Ҳаким: "Уч тоифа уч нарсадан билинади: ҳалим — фақат ғазаб чиққанда, шижоатли — урушда, биродар — ҳожат тушганда", деган.

✍️Умар ибн Хаттоб розияллоҳу анҳу: "Илмни ўрганинглар. Илм учун сокинлик ва ҳалимликни ўрганинглар", деган.

🤲Аллоҳим, бизларга фойдали илм, гўзал хулқ ва ҳалимлик ато этгин. Қалбларимизни кибрдан, тилларимизни ёмон сўздан, нафсимизни ғазаб ва шошқалоқликдан поклагин. Бизларга илм билан амал қилишни, ҳар бир ҳолатда сабр қилишни насиб этгин.
😀@Muslimaatuz

Ассалому алайкум ва роҳматуллоҳи ва барокатуҳ

Бугун чоршанба
— 14 октябрь 2026
— 3 жумадул аввал 1448

✍️ Али ибн Абу Толиб розияллоҳу анҳу: "Яхшилик мол ва боланинг кўп бўлишида эмас. Яхшилик илм ва ҳилмнинг кўплигида ва Аллоҳ таолонинг ибодати ила мақтанмасликдадир. Яхшилик қилса, Аллоҳ таолога ҳамд айтиш, ёмонлик қилса, У Зотга истиғфор айтишдадир", деганлар.

🤲Аллоҳим, бизларга фойдали илм, гўзал хулқ ва кенг ҳилм ато этгин. Қалбларимизни дунё матоҳига ҳирс қўйишдан, амалларимиз билан кибрланишдан ва нафсимизга мағрур бўлишдан асрагин. Илмимизни манфаатли, амалларимизни холис, қалбларимизни шукр ва тақво билан обод қилгин.
😀@Muslimaatuz

Ассалому алайкум ва роҳматуллоҳи ва барокатуҳ

Бугун сешанба
— 13 октябрь 2026
— 2 жумадул аввал 1448

✍️ Ҳасан Басрий раҳматуллоҳу алайҳ: "Яхши гап амри маъруф, наҳйи мункар, ҳилму афв, кечирим ва ширин сўзлардан иборатдир", деган.

Муовия ибн Абу Суфён розияллоҳу анҳу: "Банда токи ҳилми жаҳлидан, сабри шаҳватидан устун бўлмагунча фикр эгаси даражасига ета олмайди. Бунга эса фақатгина илм қуввати ила етилади", деганлар.

🤲Аллоҳим, бизларга гўзал хулқ, ширин сўз, кенг қалб ва мустаҳкам сабр ато этгин. Ҳилмимизни жаҳлимиздан, сабримизни нафсимиз ва шаҳватларимиздан устун қилгин. Жаҳолатдан, ғазабдан ва ёмон сўзлардан Ўзинг асрагин. Илмимизни зиёда, хулқимизни гўзал, амалларимизни холис қилгин.
😀@Muslimaatuz

🤲 Таомдан кейинги дуо.

🎙Ҳазратимиздан эслатмалар
😀@Muslimaatuz

❓Қолдирган фарз намози бор киши нафл ўқиши мумкинми?
Савол: Қазо намозлари бўла туриб ишроқ, зуҳо, шукри вузуъ, яъни аҳорат намозларини ўқииш мумкинми?
💬ЖАВОБ: Бисмиллаҳир роҳманир роҳийм
Қазо намозлари бўлатуриб ишроқ, зуҳо, шукри вузуъ ва бошқа нафл намозларни ўқиш жоиз. Аммо қазони ўқиган афзал.
Баъзи уламоларимиз қазоси бўлатуриб нафл намоз ўқиган кишиларни қарзи бўлатуриб садақа берган одамга ўхшатадилар.
Валлоҳу аълам. “Зикр аҳлидан сўранг” китоби, 2-жуз
😀@Muslimaatuz

Ассалому алайкум ва роҳматуллоҳи ва барокатуҳ

Бугун душанба
— 12 октябрь 2026
— 1 жумадул аввал 1448

🌙 Янги ой — жумадул аввал ойи муборак бўлсин!🌷

Пайғамбаримиз соллаллоҳу алайҳи васаллам қачон янги чиққан ойни кўрсалар, бундай дуо қилардилар:

اللَّهُمَّ أَهِلَّهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللهُ

📿"Аллоҳумма аҳиллаҳу алайна билюмни вал иймани, вас-салаамати вал-Ислами, Роббий ва Роббукаллоҳ"

"Аллоҳим!  Бу ойни бизларга барака ва имон, саломатлик ва Ислом ойи қилгин! Эй ҳилол, менинг ҳам, сенинг ҳам Роббинг Аллоҳдир!"

🤲Аллоҳим, янги ойни барчамиз учун хайр-баракали айлагин. Иймонимизни мустаҳкам, ризқимизни кенг, қалбимизни хотиржам айласин. Ҳар бир кунимизни Ўзининг розилигига мувофиқ ўтказишни насиб этсин.

😀@Muslimaatuz

📱 «Ҳилол-Нашр» — 15 йиллик маърифат ва муваффақият!

«Ҳилол-Нашр» нашриётининг 15 йиллик байрами бўлиб ўтди!

15 йилдан буён илм, маърифат ва маънавият йўлида хизмат қилиб келаётган нашриёт жамоасига янги ютуқлар, улкан зафарлар ва юксак марралар тилаймиз!
😀@Muslimaatuz

Салавотнинг самараси

Бўлган воқеа

Жума куни эди. Хожам билан бироз тортишиб қолгандик. У киши билан орамиз сал бузилса, дунёйим зулматга айланади. Ҳамма аёлда ҳам шундай бўлса керак. На қилган ишимда, на еган ошимда маза-матра сезаман. Ўша куни ҳам шу аҳволда эдим. Шарт турдим-да, юз-қўлимни ювдим, тирноқларимни олдим. Пешин намозигача Қуръон ўқидим. Энди юзта иброҳимия салавотини айтаман, шу салавотим тугагунча хожам қўнғироқ қилади ёки хабар юборади, дедим ўзимга ўзим. (Ишонинг, бу синалган услуб. Қачон бир муаммо пайдо бўлса, дарров иброҳимияни айтаман, ё ўзлари қўнғироқ қилади, ё "бисмиллаҳ" деб ўзим қўнғироқ қиламан. Қарабсизки, олам гулистон. Ҳабибимизга салавот йўллаш бир ибодат бўлса, аразлашганларни яраштириш учун зўр қўлланма ҳам.)

Хуллас, иброҳимия салавотини бошладим. Аммо ўзим билмайман, кўзим илинибди. Субҳоналлоҳ, алҳамдулиллаҳ, Аллоҳу акбар... Шу орада мен учун бу дунёда ўзимдан ҳам севимлигим, Ҳабибимни тушимда кўрдим: мендан сал нал нарироқда, яшил тўнда, оқ саллада кетяптилар. Кимдир "Ана, Расулуллоҳ кетяптилар", деди. Ё Ҳабибим, ёлғиз кетаётган эдингиз. Сизга қарадим, аммо юзингизни кўролмадим... Мавлид ойи... Жума куни... Ё Роббим, Сен нақадар буюксан, менинг сўраганим нима эди-ю, менга фазлинг билан кўрсатганинг ким бўлди!? Майли, яқиндан, ёнларидан кўролмадим. Аммо кўрдим-ку Ҳабибимни, шунинг ўзи менга бу дунё лаззатларига бадал эмасми? Ҳа, айтганча кечга қолмай хожам билан ҳам ярашиб олдик.

Аллоҳим, Сенга Ўзингга лойиқ ҳамду санолар бўлсин, Ҳабибингга – менинг Ҳабибимга ўзидай гўзал салавот ва саломлар бўлсин!

Оиша Шодиёр қизи,
Чирчиқ шаҳар
😀