Muslimaat.uz

Ассалому алайкум ва роҳматуллоҳи ва барокатуҳ

Бугун якшанба
— 18 октябрь 2026
— 7 жумадул аввал 1448

Оналаримизга хушхабар:

✍️ Муҳаммад ибн Сулаймон: "Ўғил фарзандлар неъмат, қиз фарзандлар эса ҳасанотдир. Аллоҳ азза ва жалла неъмат учун ҳисоб қилади, ҳасанотларга ажр-мукофот беради", деди (Ибн Муфлиҳнинг "Адабуш шаръия" асаридан).

🤲Аллоҳим, ўғилларимизни ҳам, қизларимизни ҳам солиҳ ва солиҳалардан қилгин. Фарзандларимизни кўз қувончимиз, қалбимиз сурури, икки дунё саодатимизга сабабчи айлагин. Уларнинг солиҳ амалларини биз учун садақаи жория қилгин.
😀@Muslimaatuz

Ассалому алайкум ва роҳматуллоҳи ва барокатуҳ

Бугун шанба
— 17 октябрь 2026
— 6 жумадул аввал 1448

✍️ Ҳасан айтади: "Уламолар бўлмаганида одамларнинг ҳайвонлардан фарқлари қолмасди".

Ибн Сийрин деди: "Солиҳлар одобни худди илм ўргангандек ўрганар эдилар" ("Солиҳлар суҳбати" китобидан).

🤲Аллоҳим, бизларга илмни ҳам, одобни ҳам гўзал суратда насиб этгин. Уламоларимизнинг илми ва ҳикматларидан баҳраманд бўлишни, солиҳ зотлардан одоб-ахлоқ ўрганишни насиб айлагин.
😀@Muslimaatuz

РИЗҚ САРОСИМАСИДАН САҚЛАНИШ ДУОСИ

Аллоҳумма ижъал авсаъа ризқика ъалайя ъинда кибари синний ванқитоъи умрий.

Маъноси: «Ё Аллоҳ! Энг мўл ризқимни кексайган вақтимда, умримнинг охирида бер!»
Шарҳ: Расулуллоҳ (соллаллоҳу алайҳи васаллам) бу муборак ҳадисларида: «Энг мўл ризқимни кексайган пайтим ва умримнинг ниҳоясида бер», деб дуо қилганлар. Бунинг сири эса бундай: кексалик пайтида инсон умрим тугамоқда, дея ризқ саросимасига тушади ва Ҳақдан ғофил бўлиб, Аллоҳга тавaжжуҳ қилолмайди.
Бу муборак дуо бизга дарсдир. Расулуллоҳ (соллаллоҳу алайҳи васаллам) бутун ҳаётларида Аллоҳга тўлиқ таважжуҳ қилганлар ва бунга моне бўладиган барча нарсадан Аллоҳга сиғинганлар. Бу муборак дуода ризқ саросимасини бартараф қилиш, ҳузур ила Ҳаққа руҳни таслим этиш сўралган. Буни ҳаммамиз кўз олдимизда тутишимиз лозим. Дунёнинг битмас-туганмас изтиробларига ва ризқ тўплашга берилиб кетиб, Ҳаққа таважжуҳ қилмаслик буюк фитнадир. Бу муборак дуо фоний дунёдан хотиржам айрилишимиз учун гўзал ўгитдир.
😀@Muslimaatuz

🌸Нима учун эҳром ва кафан оқ рангда бўлади?

Биз шуни кўп кузатамизки, ҳажга борган кишиларнинг эҳроми ва вафот этган кишиларнинг кафани ҳам оқ рангда бўлади. Савол шундай: нега кафан ва эҳром оқ рангда?
🌸 ЖАВОБ: Бисмиллаҳир роҳманир роҳиймБу ерда оқ матонинг афзаллиги ҳақида гап кетяпти, холос. Ҳажга боргандаги эҳром ёки бир мўмин-мусулмон инсон вафот этганида уни кафанлаш учун ишлатиладиган матонинг оқ бўлиши фарз ҳам эмас, вожиб ҳам эмас. Бошқа рангдаги матолардан эҳром ёки кафан қилиш жоиз. Баъзилар шундай қилади ҳам. Мисол учун, Доғистондаги Шофеъий мазҳабидаги диндош биродарларимиз ўлганларни яшил рангли матода кафанлашади ва «аҳли жаннатнинг кийими яшил рангда бўлади, шунинг умидида бизўлганларимизни яшил матога кафанлаймиз» деган фикрни олға суришади.Шунингдек, ҳаж ёки умрага борган одам оқ рангдан бошқа рангдаги матодан эҳром боғлаши жоиз, лекин оқ бўлиши афзал ҳисобланади. Бу маъно Расулуллоҳ соллаллоҳу алайҳи васалламнинг ҳадисларида келган.«Сунан» эгалари Ибн Аббос розияллоҳу анҳудан ривоят қилган ҳадисда Расулуллоҳ соллаллоҳу алайҳи васаллам:«Кийимларингизнинг хайрлиси оқдир. Бас, ўликларингизни унга кафанланглар ва тирикларингизга кийгазинглар», деганлар».Шунинг учун, афзалини қилиш маъносида, Расулуллоҳ соллаллоҳу алайҳи васалламнинг мазкур ҳадисларига амал қилиш учун оқ рангли матодан эҳром қилинади ва вафот этган мўмин-мусулмонларни оқ рангли матога кафанланади.
Валлоҳу аълам.
“Зикр аҳлидан сўранг” китоби, 2-жуз
😀@Muslimaatuz

Ассалому алайкум ва роҳматуллоҳи ва барокатуҳ

Бугун ЖУМА🌺
— 16 октябрь 2026
— 5 жумадул аввал 1448

"Шукр неъматнинг жиловидир, уни маҳкам сақлагин. Агар жилов ечилиб кетса, неъматлар ҳар томонга сочилиб кетади".
✍️ Шайх Муҳаммад Ғаззолий

🤲 Аллоҳим, бизларга берган барча неъматларинг учун Сенга беадад ҳамд ва шукрлар бўлсин. Бизга ато этган неъматларингни баракали ва зиёда қилгин, уларни қадрлашни ва тўғри йўлда ишлатишни насиб этгин.
😀@Muslimaatuz

Биррул волидайн — ота-онага яхшилик қилиш...
Бу ёпилмайдиган тавфиқ эшиги, қуримайдиган барака дарёси ва Аллоҳнинг розилигига элтувчи гўзал амаллардан биридир.
Ота-онанинг дуосини олиш бахт, кўнглини шод этиш саодат, хизматларида бўлиш эса улуғ неъматдир. Муборак жума кунида ота-онамизга меҳр кўрсатишни, уларнинг ҳаққига дуо қилишни ва розиликларини олишни унутмайлик.

🤲 Аллоҳим, ота-онамизга сиҳат-саломатлик, узоқ ва баракали умр ато этгин. Бизларни эса уларнинг розилигини топган солиҳ фарзандлардан қилгин. Вафот этган ота-оналаримизни раҳматингга олгин, қабрларини нурга тўлдиргин.
😀@Muslimaatuz

❓ АСР ва ШОМ орасида ҚУРЪОН ўқиб бўлмайдими?

👾 Видеони охиригача кўринг, жавобини билиб оласиз.
😀@Muslimaatuz

🎼 «МУҲАББАТНОМА» ТАНЛОВИ ҒОЛИБЛАРИ АНИҚЛАНДИ!

🎶 Миллий санъатимиз ва мақом ижрочилигига меҳр қўйган истеъдодли опа-сингилларимиз иштирокида ўтказилган «Муҳаббатнома» танлови ўз ниҳоясига етди!

Танловда ўз истеъдоди, овози ва миллий санъатга бўлган муҳаббатини намоён этган иштирокчиларимиздан 5️⃣ нафари ғолиб бўлдилар:

1. Муслимахон Сайидхўжаева
2. Уммигулсум Ўзбекова
3. Гулaсал Бахтиёрова
4. Дилафруз Жавлонбек қизи
5. Райҳона Оқибжон қизи

Иштирокчиларимиз томонидан танлов талаблари тўлиқ бажарилмади. Шу сабаб уларнинг ижро маҳоратига қараб ғолибларни аниқладик.

🌸Барча иштирокчиларни самимий қутлаймиз! Келгусида барчангизга янги ижодий ютуқлар ва катта саҳналарни забт этишингизни тилаймиз!
😀@Muslimaatuz

Ассалому алайкум ва роҳматуллоҳи ва барокатуҳ

Бугун пайшанба
— 15 октябрь 2026
— 4 жумадул аввал 1448

✍️Луқмони Ҳаким: "Уч тоифа уч нарсадан билинади: ҳалим — фақат ғазаб чиққанда, шижоатли — урушда, биродар — ҳожат тушганда", деган.

✍️Умар ибн Хаттоб розияллоҳу анҳу: "Илмни ўрганинглар. Илм учун сокинлик ва ҳалимликни ўрганинглар", деган.

🤲Аллоҳим, бизларга фойдали илм, гўзал хулқ ва ҳалимлик ато этгин. Қалбларимизни кибрдан, тилларимизни ёмон сўздан, нафсимизни ғазаб ва шошқалоқликдан поклагин. Бизларга илм билан амал қилишни, ҳар бир ҳолатда сабр қилишни насиб этгин.
😀@Muslimaatuz

Ассалому алайкум ва роҳматуллоҳи ва барокатуҳ

Бугун чоршанба
— 14 октябрь 2026
— 3 жумадул аввал 1448

✍️ Али ибн Абу Толиб розияллоҳу анҳу: "Яхшилик мол ва боланинг кўп бўлишида эмас. Яхшилик илм ва ҳилмнинг кўплигида ва Аллоҳ таолонинг ибодати ила мақтанмасликдадир. Яхшилик қилса, Аллоҳ таолога ҳамд айтиш, ёмонлик қилса, У Зотга истиғфор айтишдадир", деганлар.

🤲Аллоҳим, бизларга фойдали илм, гўзал хулқ ва кенг ҳилм ато этгин. Қалбларимизни дунё матоҳига ҳирс қўйишдан, амалларимиз билан кибрланишдан ва нафсимизга мағрур бўлишдан асрагин. Илмимизни манфаатли, амалларимизни холис, қалбларимизни шукр ва тақво билан обод қилгин.
😀@Muslimaatuz

Ассалому алайкум ва роҳматуллоҳи ва барокатуҳ

Бугун сешанба
— 13 октябрь 2026
— 2 жумадул аввал 1448

✍️ Ҳасан Басрий раҳматуллоҳу алайҳ: "Яхши гап амри маъруф, наҳйи мункар, ҳилму афв, кечирим ва ширин сўзлардан иборатдир", деган.

Муовия ибн Абу Суфён розияллоҳу анҳу: "Банда токи ҳилми жаҳлидан, сабри шаҳватидан устун бўлмагунча фикр эгаси даражасига ета олмайди. Бунга эса фақатгина илм қуввати ила етилади", деганлар.

🤲Аллоҳим, бизларга гўзал хулқ, ширин сўз, кенг қалб ва мустаҳкам сабр ато этгин. Ҳилмимизни жаҳлимиздан, сабримизни нафсимиз ва шаҳватларимиздан устун қилгин. Жаҳолатдан, ғазабдан ва ёмон сўзлардан Ўзинг асрагин. Илмимизни зиёда, хулқимизни гўзал, амалларимизни холис қилгин.
😀@Muslimaatuz

🤲 Таомдан кейинги дуо.

🎙Ҳазратимиздан эслатмалар
😀@Muslimaatuz

❓Қолдирган фарз намози бор киши нафл ўқиши мумкинми?
Савол: Қазо намозлари бўла туриб ишроқ, зуҳо, шукри вузуъ, яъни аҳорат намозларини ўқииш мумкинми?
💬ЖАВОБ: Бисмиллаҳир роҳманир роҳийм
Қазо намозлари бўлатуриб ишроқ, зуҳо, шукри вузуъ ва бошқа нафл намозларни ўқиш жоиз. Аммо қазони ўқиган афзал.
Баъзи уламоларимиз қазоси бўлатуриб нафл намоз ўқиган кишиларни қарзи бўлатуриб садақа берган одамга ўхшатадилар.
Валлоҳу аълам. “Зикр аҳлидан сўранг” китоби, 2-жуз
😀@Muslimaatuz

Ассалому алайкум ва роҳматуллоҳи ва барокатуҳ

Бугун душанба
— 12 октябрь 2026
— 1 жумадул аввал 1448

🌙 Янги ой — жумадул аввал ойи муборак бўлсин!🌷

Пайғамбаримиз соллаллоҳу алайҳи васаллам қачон янги чиққан ойни кўрсалар, бундай дуо қилардилар:

اللَّهُمَّ أَهِلَّهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللهُ

📿"Аллоҳумма аҳиллаҳу алайна билюмни вал иймани, вас-салаамати вал-Ислами, Роббий ва Роббукаллоҳ"

"Аллоҳим!  Бу ойни бизларга барака ва имон, саломатлик ва Ислом ойи қилгин! Эй ҳилол, менинг ҳам, сенинг ҳам Роббинг Аллоҳдир!"

🤲Аллоҳим, янги ойни барчамиз учун хайр-баракали айлагин. Иймонимизни мустаҳкам, ризқимизни кенг, қалбимизни хотиржам айласин. Ҳар бир кунимизни Ўзининг розилигига мувофиқ ўтказишни насиб этсин.

😀@Muslimaatuz

📱 «Ҳилол-Нашр» — 15 йиллик маърифат ва муваффақият!

«Ҳилол-Нашр» нашриётининг 15 йиллик байрами бўлиб ўтди!

15 йилдан буён илм, маърифат ва маънавият йўлида хизмат қилиб келаётган нашриёт жамоасига янги ютуқлар, улкан зафарлар ва юксак марралар тилаймиз!
😀@Muslimaatuz

Салавотнинг самараси

Бўлган воқеа

Жума куни эди. Хожам билан бироз тортишиб қолгандик. У киши билан орамиз сал бузилса, дунёйим зулматга айланади. Ҳамма аёлда ҳам шундай бўлса керак. На қилган ишимда, на еган ошимда маза-матра сезаман. Ўша куни ҳам шу аҳволда эдим. Шарт турдим-да, юз-қўлимни ювдим, тирноқларимни олдим. Пешин намозигача Қуръон ўқидим. Энди юзта иброҳимия салавотини айтаман, шу салавотим тугагунча хожам қўнғироқ қилади ёки хабар юборади, дедим ўзимга ўзим. (Ишонинг, бу синалган услуб. Қачон бир муаммо пайдо бўлса, дарров иброҳимияни айтаман, ё ўзлари қўнғироқ қилади, ё "бисмиллаҳ" деб ўзим қўнғироқ қиламан. Қарабсизки, олам гулистон. Ҳабибимизга салавот йўллаш бир ибодат бўлса, аразлашганларни яраштириш учун зўр қўлланма ҳам.)

Хуллас, иброҳимия салавотини бошладим. Аммо ўзим билмайман, кўзим илинибди. Субҳоналлоҳ, алҳамдулиллаҳ, Аллоҳу акбар... Шу орада мен учун бу дунёда ўзимдан ҳам севимлигим, Ҳабибимни тушимда кўрдим: мендан сал нал нарироқда, яшил тўнда, оқ саллада кетяптилар. Кимдир "Ана, Расулуллоҳ кетяптилар", деди. Ё Ҳабибим, ёлғиз кетаётган эдингиз. Сизга қарадим, аммо юзингизни кўролмадим... Мавлид ойи... Жума куни... Ё Роббим, Сен нақадар буюксан, менинг сўраганим нима эди-ю, менга фазлинг билан кўрсатганинг ким бўлди!? Майли, яқиндан, ёнларидан кўролмадим. Аммо кўрдим-ку Ҳабибимни, шунинг ўзи менга бу дунё лаззатларига бадал эмасми? Ҳа, айтганча кечга қолмай хожам билан ҳам ярашиб олдик.

Аллоҳим, Сенга Ўзингга лойиқ ҳамду санолар бўлсин, Ҳабибингга – менинг Ҳабибимга ўзидай гўзал салавот ва саломлар бўлсин!

Оиша Шодиёр қизи,
Чирчиқ шаҳар
😀

Ассалому алайкум ва роҳматуллоҳи ва барокатуҳ

Бугун пайшанба
— 10 сентябрь 2026
— 28 Рабиъул аввал 1448

🔖Абу Ҳамро розияллоҳу анҳу Расулуллоҳ соллаллоҳу алайҳи васалламдан ривоят қиладилар:

"Меърож кечаси осмонга кўтарилганимда Аршга "Ла илаҳа иллаллоҳ, Муҳаммадур Расулуллоҳ", деб ёзилганини кўрдим". (Қози Иёзнинг «Шифо» китобидан).

🤲Аллоҳим, қалбларимизни «Ла илаҳа иллаллоҳ, Муҳаммадур Расулуллоҳ» калимаси ила мустаҳкам қил. Тавҳидда собитқадам қил, Расулуллоҳ соллаллоҳу алайҳи васалламга бўлган муҳаббатимизни зиёда эт.
😀

Дунёни кўз билан кўриш мумкин, аммо уни қалб кўзи билан англаш — бошқа бир неъмат…

«Ҳиммат» дастурининг навбатдаги меҳмони — ҳаёт йўлидаги ютуқларини санасангиз, саноқдан адашадиган, илм ва матонат билан ўз ўрнини топган инсон — филология фанлари доктори, профессор Мунáввара Қурбонова.

Бу суҳбатда ҳаётга бошқача нигоҳ, кучли ирода ва катта ютуқлар ортидаги ҳикояни кашф этасиз.
Ишонамиз, самимий суҳбатимиз сиз азиз томошабинларнинг ҳам қалбидан жой олади.

🎥 «Ҳиммат» — инсон ва унинг ҳаёт йўли ҳақида.
😀

Ассалому алайкум ва роҳматуллоҳи ва барокатуҳ

Бугун чоршанба
— 9 сентябрь 2026
— 27 Рабиъул аввал 1448

🔖Абу Бакр розияллоҳу анҳу:

"Набий соллаллоҳу алайҳи васалламга салавот айтиш — муздек сув оловни ўчиришдан-да тезроқ гуноҳни ўчиради. У зотга салом йўллаш эса, бир неча қулни озод қилишдан кўра афзалроқдир", деганлар. (Саҳовий. Қози Иёзнинг «Шифо» китобидан).

🤲Аллоҳим, тилимизни Расулуллоҳ соллаллоҳу алайҳи васалламга салавоту салом айтиш билан доимо зикрда қил. Салавотларимизни биз учун раҳмат, барака ва нажот бўлсин!

🦷 Болаларда кариес нега тез ривожланади? Асосий сабаблар нимада?

Ширинликка ҳавас, оқсил етишмовчилиги ва нотўғри овқатланишнинг тишларга таъсири.

🎙Ҳабиба Исаходжаева,
Cтоматолог, Тошкент давлат тиббиёт университети Стомотологик касалликлар профилактикаси кафедраси доценти, PhD
😀

🍂 Кузнинг энг кутилган совғаси — «Омина» журналининг 12-сони нашрдан чиқди!

Янги фасл… Янги саҳифалар… Янги билимлар… 📖

Ушбу сонда сиз:
📌«Тафсири Ҳилол»дан нодир битиклар
📌Сиз Набий алайҳиссаломнинг суюклисисиз!
📌Васият — мусулмон кишининг бурчи
📌Намоз қачон жамлаб ўқилади?
📌IELTS 9.0… Кимлар муносиб?
📌Девор ортидаги жаннат
📌Отасини кўрмаган қиз
📌Жаннат аҳлидан бўлган киши
ва шу каби кўплаб диний-маърифий, ижтимоий ва адабий мавзудаги мақолаларни ўқишингиз мумкин.

🍁Кузнинг сокин ва файзли кунларида «Омина» сизга яхши ҳамроҳ бўла олади!

🛍 «Hilol-Nashr» нашриёти дўконларидан харид қилинг ёки http://hilol.uz/ сайти орқали буюртма беринг. 😊

Нархи: 12 000 сўм

https://hilolnashr.uz/index.php?route=magazine/subscription🌸

☑ «Hilol» иловаси орқали сотиб олсангиз, ҳар бир хариддан 1% бонусга эга бўласиз!
😀

Киши зино қилиб қўйса, нима қилади?

🌸Зино катта гуноҳ эканини биламан, лекин бу ишга бир бор қўл урганман. Бугун эса виждоним қийналади. Мен ўз гуноҳимни қандай ювишим мумкин? Буни эримга айтсаммикан ёки йўқми деб кўп ўйлайман.

💬 ЖАВОБ: Бисмиллаҳир Роҳманир Роҳийм
Бу ерда сўз эрли бир аёлнинг зино қилгани ва зинони эътироф этаётгани, бу гуноҳдан виждони азобланаётгани, эрининг олдида ўз айбдорлигини ҳис этаётгани ҳақида кетаётгани яққол кўриниб турибди. Бу – яхшилик аломати. Аммо, энг муҳими, Аллоҳнинг ҳузурида жуда ҳам улкан ҳисобланган бир гуноҳни содир этганлик ҳисси ҳам бўлиши лозим. Бундай ҳолатда бошқа кўплаб мусулмон давлатлари қатори бизнинг бугунги шароитимизда ҳам иш шахсий ҳаракатларга бориб тақалади.

👉Хоҳ эркак, хоҳ аёл бўлсин, шайтон васвасасига учиб, «зино» деб аталмиш катта бир гуноҳни содир этган бўлса, чин қалбдан тавба қилиши ва бунда тавбанинг шартларини тўкис адо этиши лозим бўлади. Энг аввал қилган гуноҳи учун астойдил пушаймон бўлиши, афсус-надомат чекиши лозим. Қилган гуноҳини эслаганда қалбида қандайдир ҳузур ё хотиржамлик эмас, балки, изтироб, қўрқинч бўлиши керак.

👉Иккинчидан, ўша гуноҳни қайта қилмасликка чин кўнгилдан қасд этиши, азму қарор қилиши лозим. Гуноҳда бардавом бўлган, яна гуноҳ қилиш ниятида турган кишининг тавбаси ҳеч қачон қабул бўлмайди. Қалбнинг бир чеккасида ҳам гуноҳни такрорлашга ўрин қолдирмаслик керак. Зотан, тавба ўзи аслида «қайтиш» дегани бўлиб, Аллоҳ таолога гуноҳлардан тамоман қайтишни англатади. Тавба – бу, Аллоҳ таолога гуноҳга қайтмаслик ваъдасини бериш ҳамдир.

👉Учинчидан, қилган гуноҳи учун Аллоҳ таолодан афву мағфират сўраши, гуноҳини ўтишини талаб қилиб ялиниб-ёлбориши керак. Ўзининг гуноҳкорлигини тўла ҳис қилган ҳолда, гуноҳини бўйнига олиб тавба-тазарруълар қилиши даркор. Саҳар вақтларида туриб истиғфор айтишни кўпайтириши керак.

👉Тўртинчидан, гуноҳини ювиш учун уни босадиган даражада яхши, солиҳ амалларни қилиши, кейинги ҳаётида Аллоҳ таолога кўпроқ ибодат қилиб ўтмоғи лозим. Аллоҳ таоло Ҳуд сурасида: «Албатта, яхшиликлар ёмонликларни кетказур» (114-оят), деб марҳамат этган. Муоз ибн Жабалдан ривоят қилинган ҳадисда Расулуллоҳ соллаллоҳу алайҳи васаллам: «Қаерда бўлсанг ҳам, Аллоҳга тақво қил ва ёмонлик кетидан уни ўчирадиган яхшиликни эргаштир», деганлар.

Мана шу амаллар билан кишининг гуноҳи ювилиши умид қилинади. Аммо шунда ҳам ҳеч ким, гуноҳи аниқ кечирилади, дея олмайди, бу ёғи Аллоҳ таолонинг Ўзига ҳавола бўлади. Кечирадиган Аллоҳ таолонинг Ўзи.

👉Зино ёки бошқа бир гуноҳни қилган киши уни бировга айтмаслиги керак. Аллоҳ яширганига шукр қилиб, янада астойдил тавба қилиши лозим. Фақатгина саволдаги каби ҳукмини билиш учун бировга айтса бўлади. Бунда ҳам ўзининг кимлигини махфий тутиш имконияти бўлса, ошкор қилмагани яхши. Унинг ўрнига мазкур чора-тадбирларни қилишга ўтиш керак.

Ўрни келганда шуни ҳам айтиб ўтиш лозимки, зино туфайли бирор касаллик орттирган одам ўз турмуш ўртоғига яқинлашмаслиги керак. Ана шундай пайтда агар зарурати бўлса, қилган қабиҳ ишидан уни хабардор қилиши лозим бўлади. Валлоҳу аълам.

✍️ Шайх Муҳаммад Содиқ Муҳаммад Юсуф раҳимаҳуллоҳ
📚 "Зикр аҳлидан сўранг" китобининг 2-жузидан.
😀

Халқаро анжуманда аёллар ҳуқуқи муҳофазаси масалалари муҳокама қилинди

🗓 2026 йилнинг 7 сентябрь куни Халқаро Ислом фиқҳи академияси ва Мусулмон олами уюшмаси ҳамкорлигида ташкил этилган «Аёлларга нисбатан зўравонликка қарши курашда дин пешволарининг роли» мавзусидаги халқаро анжуманда Ўзбекистон мусулмонлари идораси раиси, муфтий Шайх Нуриддин Холиқназар ҳазратлари ҳам иштирок этмоқда.

Анжуманда Масжид ал-Ҳаром имоми Шайх Солиҳ бин Ҳумайд, Халқаро Ислом фиқҳи академияси Бош котиби доктор Қутб Мустафо Сано, Мусулмон олами уюшмаси Бош котиби Шайх Муҳаммад Абдулкарим ал-Исо, Миср муфтийси Назир Муҳаммад Айёд, етакчи фатво кенгашлари раҳбарлари, Ал-Азҳар сингари йирик илм даргоҳларининг олимлари, нуфузли тадқиқот марказлари профессорлари қатнашмоқда.

Илмий маърузалар ва муҳокамаларда бир қатор муҳим жиҳатлар ва амалий тавсиялар илгари сурилди. Жумладан,

👉зўравонликни қатъий қоралаш: Аёлларга нисбатан ҳар қандай жисмоний, руҳий, иқтисодий ёки кибер тажовуз Ислом шариатининг инсон қадр-қиммати, раҳмат ва адолатга асосланган бош мақсадларига зид ва зулм экани фиқҳий жиҳатдан асосланди;

👉диний тамойилларни тарғиб этиш: оила бошлиғи бўлган эрнинг асосий вазифалари аёлни нафақа билан таъминлаш, ҳимоялаш ва унга ғамхўрлик қилиш экани қайд этилди. Аёлнинг ижтимоий ҳаётдаги фаол иштироки кафолатлангани таъкидланиб, зарарли иллатларга барҳам бериш лозимлиги айтилди;

👉оилани мустаҳкамлаш ва қўллаб-қувватлаш: ёшларни оилавий ҳаётга тайёрлаш бўйича махсус курслар ташкил этиш, никоҳланувчиларни тиббий-психологик кўрикдан ўтказиш тизимини кучайтириш ҳамда имом-хатиблар иштирокида оилавий маслаҳатхоналар фаолиятини йўлга қўйиш тавсия этилди;

👉ҳимоя ва кўмак тизимини жорий этиш: жабр кўрган аёлларга тиббий, психологик ва ҳуқуқий ёрдам кўрсатиш марказларини кенгайтириш, хавфсиз бошпаналар ва «ишонч телефонлари» тизимини самарали жорий этиш зарурлиги белгиланди;

👉халқаро ва маҳаллий ҳамкорлик: давлат идоралари, диний ташкилотлар ва фуқаролик жамияти институтларининг саъй-ҳаракатларини бирлаштириш ҳамда илғор тажрибаларни алмашиш муҳимлиги https://t.me/muslimuzportal.
😀