Rasmiy xabarlar I Официальные новости

Жиззах вилояти пахтани машинада териш бўйича республикада етакчи бўлди

Вилоятда йиғиб олинган пахтанинг 98,5 фоизи терим машиналари ҳиссасига тўғри келди. Бу ҳудудлар орасидаги энг юқори кўрсаткич, дея хабар берди Жиззах вилояти ҳокимлиги.

Сирдарё вилоятида мазкур кўрсаткич 94,2 фоизни, Тошкент вилоятида эса 81,2 фоизни ташкил этган.

22 октябрь ҳолатига мамлакат бўйича 4 миллион 630 минг тонна пахта йиғиб олиниб, белгиланган режа 103 фоизга бажарилган. Шундан 3 миллион 515 минг 597 тоннаси қарийб 3 мингта замонавий терим машинаси ёрдамида терилган.

Ҳозирда далаларда қолган ҳосилни йиғиб олиш ишлари давом этмоқда.

Каналга қўшилиш 👈

Veb-sayt | Facebook | Instagram | Медиабанк

Ўзбекистонда Google Pay ишга тушди, Apple Pay эса яқин кунларда

Google Pay ишга туширилди. Эндиликда хорижий сайёҳлар Ўзбекистонда смартфон орқали контактсиз тўловларни амалга ошириш имкониятига эга бўлди.

Apple Pay хизматини ишга тушириш бўйича техник ишлар Марказий банк, тижорат банклари ҳамда HUMO ва Uzcard томонидан олиб борилмоқда.

Август ойида HUMO инфратузилмасида Alipay+ тўлов шлюзи ҳам ишга туширилган. Alipay ва унга уланган электрон ҳамёнлар фойдаланувчилари, аввало, хитойлик сайёҳлар UZQR орқали тўлов қилмоқда.

Шунингдек, UZQR ва Ҳиндистоннинг UPI тизимларини боғлаш устида иш олиб борилмоқда. HUMO ва NPCI International раҳбарияти Мумбайдаги Global Fintech Fest 2026 доирасида тегишли келишувни амалга ошириш масалаларини муҳокама қилган. Лойиҳа ҳиндистонлик сайёҳларга савдо ва хизмат кўрсатиш шохобчаларида одатланган иловалари орқали QR-кодни сканерлаб тўлов қилиш имконини беради.

Каналга қўшилиш 👈

Veb-sayt | Facebook | Instagram | Медиабанк

«Янгилик қилиб Америка очиш керак эмас» – таълим ва илм-фан вазири Эркинжон Турдимов

Таълим ва илм-фан вазири Эркинжон Турдимов журналистлар билан мулоқотда ўқитувчи мавқеини ошириш учун ота-оналарнинг устозларга муносабати ҳам ўзгариши зарурлиги ҳақида фикр билдирди.

«Биз агар фарзандимиз билан бир соат ўтириб дарс қилмасак, ўтириб олиб ўқитувчини ёмонлайверсак, устозни мавқеи қачон ошади? Қачонки сиз билан биз муносабатимизни ўзгартирсак», – деган вазир.

Каналга қўшилиш 👈

Veb-sayt | Facebook | Instagram | Медиабанк

«Навоийуран» бошқарув тизимининг учта халқаро стандартга мувофиқлиги тасдиқланди

«Навоийуран» давлат корхонаси ISO 9001, ISO 14001 ва ISO 45001 стандартлари бўйича қайта сертификатлаштириш аудитидан муваффақиятли ўтиб, 2029 йил 9 майгача амал қилувчи халқаро сертификатларни олди.

Текширувлар 2026 йил май–июнь ойларида «CERT INTERNATIONAL» компанияси аудиторлари томонидан ўтказилган. Унда корхонанинг интеграциялашган бошқарув тизими, жумладан, унинг қамровидаги «Зафаробод» кон бошқармаси ва Уран ишлаб чиқариш заводи фаолиятига оид ҳужжатлар ҳамда маълумотлар ўрганилган.

Аудит якунлари бўйича корхонада жорий этилган бошқарув тизимининг самарали фаолиятига ижобий баҳо берилган. Қайта сертификатлаштириш ушбу тизимнинг халқаро стандартлар талабларига мувофиқлигини тасдиқлаган.

Каналга қўшилиш 👈

Veb-sayt | Facebook | Instagram | Медиабанк

Халқаро курьерлик жўнатмаларини MyGov орқали тасдиқлаш ва рад этиш хизмати йўлга қўйилди

Эндиликда фуқаролар ўз номига келган халқаро курьерлик жўнатмалари ҳақидаги маълумотлар билан MyGov мобил иловасида танишиши мумкин. Бу ҳақда Рақамли технологиялар вазирлиги маълум қилди.

Хизматдан фойдаланиш учун илованинг қидирув майдонига «халқаро» деб ёзиб, тегишли хизматни танлаш керак. Фойдаланувчи рўйхатдаги ўз жўнатмаларини тасдиқлайди, унга тегишли бўлмаганларини эса рад этади. Шахс MyID биометрик идентификацияси орқали тасдиқланади.

Вазирлик бегона жўнатмаларни тасдиқлаш божхона билан боғлиқ муаммоларга сабаб бўлиши мумкинлигини эслатган.

Каналга қўшилиш 👈

Veb-sayt | Facebook | Instagram | Медиабанк

Қашқадарёда А380 йўлининг 100 километри реконструкция қилинади

Осиё тараққиёт банки билан ҳамкорликда амалга ошириладиган лойиҳа қиймати 350 миллион долларни ташкил этади. Масъулларга техник-иқтисодий асосларни шу йил якунигача тайёрлаб, январдан қурилишни бошлаш топширилди.

Лойиҳа доирасида Қарши шаҳрининг айланма йўли 5,5 километрга узайтирилиб, А380 магистралига уланади.

Шунингдек, «Қарши – Помиқ» ва «Ғузор – Бейнау» йўлларидаги темир йўл кесишмаларида иккита йўл ўтказгич қурилади. Уларнинг умумий қиймати 250 миллиард сўм бўлади.

Каналга қўшилиш 👈

Veb-sayt | Facebook | Instagram | Медиабанк

Зироат Мирзиёева ЖССТнинг нуфузли халқаро мукофоти билан тақдирланди

Ўзбекистон Республикасининг Биринчи хоними, “Замин” халқаро жамоат фонди Васийлик кенгаши раиси Зироат Мирзиёевага онкологик касалликларга чалинган болаларга тиббий ёрдам кўрсатиш тизимини ривожлантиришдаги етакчилиги ва ҳар бир боланинг соғлом ҳаёт кечириш ҳуқуқини глобал миқёсда илгари сургани учун ЖССТнинг нуфузли халқаро мукофоти топширилди.

“Муҳтарам Биринчи хоним! Сиз бутун дунёда болалар, айниқса, онкологик касалликлар билан курашаётган болалар манфаатлари йўлида чинакам курашчи, ҳар бир боланинг таълим олиш ва соғлом ҳаёт кечириш ҳуқуқининг ҳимоячисисиз”, — деди ЖССТ Бош директори Тедрос Аданом Гебреисус.

2019 йилда таъсис этилган ушбу мукофот аҳоли саломатлигини муҳофаза қилиш соҳасида аниқ натижаларга эришган алоҳида етакчилик ва юксак ютуқлар учун берилади. Аввалги йилларда унга давлат ва халқаро ташкилотлар раҳбарлари, Нобель мукофоти совриндорлари, таниқли олимлар ва жамоат арбоблари сазовор бўлган.

Каналга қўшилиш 👈

Veb-sayt | Facebook | Instagram | Медиабанк

Термизда журналист ва блогерлар суд жараёнларини ёритиш бўйича кўникмаларини оширди

Олий суд ва ЕХҲТ ҳамкорлигида ташкил этилган икки кунлик семинар-тренингда Қашқадарё ва Сурхондарё вилоятларида фаолият юритаётган журналист ҳамда блогерлар иштирок этди.

Машғулотларда суд тизими, одил судлов тамойиллари, суд жараёнларининг очиқлиги ва ҳуқуқий репортаж тайёрлаш масалалари кўриб чиқилди. Хорижий тренерлар судлар ва ОАВ ўртасидаги муносабатларни тартибга солувчи Европа стандартлари билан таништирди.

Ҳуқуқий ахборотни топиш, факт ва далилларни текшириш, мураккаб ҳуқуқий масалаларни аудиторияга содда ва тушунарли етказиш усулларига алоҳида эътибор қаратилди. Шунингдек, фикр билдириш эркинлиги, суд ҳокимиятини танқид қилиш ҳуқуқи ҳамда ахборот тарқатишдаги ахлоқий ва ҳуқуқий чегаралар муҳокама қилинди.

Интерфаол тест ва гуруҳлардаги амалий машғулотлар билан ўтган тренинг якунида иштирокчиларга сертификатлар топширилди.

Каналга қўшилиш 👈

Veb-sayt | Facebook | Instagram | Медиабанк

«Саломатлик» поезди 25 йилдан бери олис ҳудудларда тиббий ёрдам кўрсатмоқда

«Саломатлик» тиббий-санитар ёрдам поезди чорак асрдан буён мамлакатнинг олис ҳудудларида аҳолига тиббий ёрдам кўрсатиб келмоқда.

Бригада таркибида терапевт, невропатолог, педиатр, гинеколог, эндокринолог, дерматолог ва стоматологлар бор. Поезд УТТ, ЭКГ, рақамли флюорография ва лаборатория жиҳозлари билан таъминланган.

«Ўзбекистон темир йўллари» АЖнинг «Темир йўл ижтимоий хизматлари» муассасасига қарашли поезд бешта махсус вагондан иборат. Улардан иккитаси амбулатория, биттаси флюорография учун мўлжалланган. Шунингдек, автоном дизель ва тиббиёт ходимлари учун дам олиш вагонлари мавжуд.

Халқ орасида «нажот карвони» номини олган поезд жамоаси ёзнинг жазирамаси ва қишнинг совуғида ҳам ўз фаолиятини давом эттириб келмоқда.

Каналга қўшилиш 👈

Veb-sayt | Facebook | Instagram | Медиабанк

Тошкентда ҳаводаги майда чанг миқдори ўтган йилга нисбатан 28 фоизга камайган

2026 йил 1 январдан 19 октябргача пойтахтда PM2.5 заррачаларининг ўртача миқдори ўтган йилнинг шу даврига нисбатан 28 фоизга, PM10 эса 32 фоизга камайган.

Бу ҳақда Гидрометеорология илмий-тадқиқот институти директори Дониёр Турғунов кузда ҳаво ифлосланишининг сабаблари ва кўрилаётган чораларга бағишланган брифингда маълум қилди.

Кузда кечалари совиган ҳаво устида илиқ қатлам ҳосил бўлиб, ифлослантирувчи моддаларнинг тарқалишини чеклайди. Шамолнинг сусайиши ва ёғингарчилик камлиги ҳам чанг ва ташламаларнинг шаҳар устида тўпланишига сабаб бўлади.

Тадқиқотга кўра, Тошкентда PM2.5 ифлосланишининг йиллик манбалари орасида шамол келтирадиган чанг улуши 36 фоиз, биноларни иситиш – 28 фоиз, транспорт – 16 фоиз, саноат – 13 фоиз. Нисбатлар мавсумга қараб ўзгаради.

Йирик қурилиш майдонларида сув пуркагичлар, ғилдирак ювиш мосламалари ва ҳаво мониторинги станцияларини ўрнатиш мажбурий қилинган. Ифлосланиш ҳақида эрта огоҳлантириш тизими ҳам яратилган.

Бу куз-қишда ҳаво сифати ўтган мавсумга нисбатан яхшироқ бўлиши кутилмоқда. Бироқ ифлосланишнинг қисқа муддатли кўтарилишлари сақланиши мумкин.

Каналга қўшилиш 👈

Veb-sayt | Facebook | Instagram | Медиабанк

Қашқадарёда 24 мегаватт қувватга эга учта ГЭС ишга туширилди

Президент Шавкат Мирзиёевнинг Қашқадарёга ташрифи доирасида Оқсув дарёсида «Ўзбекгидроэнерго» АЖ томонидан қурилган Рабат, Чаппасуй ва Тамшуш гидроэлектр станциялари фойдаланишга топширилди.

Рабат ГЭСнинг қуввати 6,2 мегаватт, Чаппасуйники 7,5 мегаватт, Тамшушники эса 10,3 мегаваттни ташкил этади.

Станцияларда йилига ўртача 105,1 миллион киловатт-соат электр энергияси ишлаб чиқариш режалаштирилган. Бу қарийб 44 минг хонадонни электр энергияси билан таъминлаш имконини беради.

«Ўзбекгидроэнерго» маълумотига кўра, янги қувватлар ҳисобига йилига қарийб 31,5 миллион куб метр табиий газни тежаш имконияти яратилади.

Каналга қўшилиш 👈

Veb-sayt | Facebook | Instagram | Медиабанк

2 КУНДА 200 НАФАРДАН ОРТИҚ ФУҚАРОНИНГ МУРОЖААТИ ТИНГЛАНДИ

Қорақалпоғистон Республикасида 🌟Кадастр агентлиги директори в.б. Садриддин Турдиев бошчилигида ташкил этилган сайёр қабул Беруний туманида давом этди.

Жорий йилнинг 15–16 октябрь кунлари ўтказилган сайёр қабулларда Қорақалпоғистон Республикасининг 17 та туман ва шаҳридан келган 200 нафардан ортиқ фуқаро ҳамда тадбиркорларнинг ер ва кадастр соҳасига оид мурожаатлари тингланди.

Хусусан, 15-октябрь куни 12 та туман ва 1 та шаҳар аҳолиси томонидан 136 та мурожаат келиб тушган бўлса, 16-октябрь куни Беруний туманида давом этган қабулда Беруний, Элликқалъа, Тўрткўл ва Амударё туманларидан келган фуқаролар томонидан 72 та мурожаат билдирилди.

Сайёр қабуллар давомида фуқаролар ва тадбиркорлар томонидан кўтарилган ер участкаларига бўлган ҳуқуқлар, кўчмас мулк обеъктларига оид кадастр ҳужжатлари ҳамда соҳага тааллуқли бошқа масалалар юзасидан мурожаатлар атрофлича ўрганилди.

Мурожаатларнинг ваколат доирасида ҳал этилиши мумкин бўлганлари юзасидан тегишли ҳуқуқий тушунтиришлар берилиб, қўшимча ўрганиш талаб этадиган масалалар назоратга олинди. Уларнинг қонунчиликда белгиланган тартибда ҳал этилишини таъминлаш бўйича масъул ходимларга аниқ вазифалар юклатилди.

Эслатма: Сайёр қабул 17 октябрь куни Хоразм вилояти Урганч шаҳрида ўтказилади.

Манзил: Урганч шаҳар «Феруз» МФЙ «Паҳлавон Маҳмуд» кўчаси, 59/2-уй (Ёшлар ишлари агентлиги Хоразм вилояти бошқармаси) Мўлжал: Амир Темур номидаги маданият ва истироҳат боғи.

⏲️ Бошланиш вақти соат 10:00 да.

📞 Мурожаат учун: +998 (62) 224-67-05 +998 (62) 22-67-02

Каналга қўшилиш 👈

Veb-sayt | Facebook | Instagram | Медиабанк

Комил Алламжонов АҚШ Президентининг махсус ёрдамчиси, Миллий хавфсизлик кенгашининг Жанубий ва Марказий Осиё бўйича катта директори Майкл Жеримайя билан учрашди.

Мулоқотда қатор муҳим тадбирларни ўтказиш билан боғлиқ ташкилий масалалар муҳокама қилинди. Хусусан, АҚШ Давлат котиби Марко Рубионинг Ўзбекистонга кутилаётган ташрифи, Самарқанддаги “C5+1” учрашуви ҳамда Майамида бўлиб ўтадиган G20 саммити кун тартиби юзасидан фикр алмашилди.

Каналга қўшилиш 👈

Veb-sayt | Facebook | Instagram | Медиабанк

Иш жойларида номақбул ҳолатларнинг олдини олиш бўйича Миллий дастур ишга тушди

Ўзбекистонда иш жойларида хавфсиз ва ўзаро ҳурматга асосланган меҳнат муҳитини таъминлаш бўйича Миллий дастурни амалга ошириш бошланди. Дастур ходимларнинг ҳуқуқлари ва қадр-қимматини ҳимоя қилиш, тазйиқ, зўравонлик ва камситишнинг олдини олиш, мурожаатларни кўриб чиқиш механизмларини такомиллаштиришга қаратилган.

Тошкентда ўтказилган тадбирда давлат идоралари ва халқаро ташкилотлар вакиллари дастурни амалиётга жорий этиш бўйича навбатдаги вазифаларни муҳокама қилди.

Дастур доирасида 2026 йил декабрь ойига қадар «Хавфсиз ва ҳурматга асосланган иш муҳити» рақамли порталини ишга тушириш режалаштирилган. Давлат ташкилотлари ходимлари у орқали қоидабузарликлар ҳақида аноним хабар бериши, ваколатли органлар эса мурожаатларнинг кўриб чиқилиши ва кўрилган чораларни кузатиб бориши мумкин бўлади.

Дастур ижросини Президент Администрацияси ҳузуридаги Инсон капиталини ривожлантириш лойиҳалар офиси мувофиқлаштиради.

Каналга қўшилиш 👈

Veb-sayt | Facebook | Instagram | Медиабанк

Ўзбекистоннинг икки маркази халқаро онкодиагностика консорциумига қўшилди

Ўзбекистон Республикаси Фанлар академияси Илғор технологиялар маркази ва Миллий болалар тиббиёт маркази MNP Outreach Consortium таркибига қўшилди. Консорциум ушбу муассасалар билан ҳамкорлик расмийлаштирилганини маълум қилган.

Консорциумнинг асосий мақсади – болалардаги марказий асаб тизими ўсмалари ва саркомаларни замонавий молекуляр усулда аниқлаш имкониятларини кенгайтириш. Бунда ўсмалар ДНК метилланиши хусусиятларига кўра таснифланади. Бу усул ўсманинг турини аниқлашга ёрдам беради.

Қайд этилишича, ҳамкорлик тажриба алмашиш, халқаро илмий алоқаларни ривожлантириш ва илғор молекуляр диагностика технологияларини Ўзбекистонда жорий этиш учун янги имкониятлар очади.

Каналга қўшилиш 👈

Veb-sayt | Facebook | Instagram | Медиабанк

Ўзбекистон, Қозоғистон, Озарбайжон, Афғонистон ва Тожикистон ўртасида темир йўлда юк ташиш ҳажми оширилади

«Ўзбекистон темир йўллари» АЖ Қозоғистон, Озарбайжон, Афғонистон ва Тожикистон темир йўл идоралари билан юк ташиш ҳажмини ошириш бўйича келишувларга эришди.

Учрашувлар 14–16 октябрь кунлари Қозоғистонда ўтказилган «NEW SILK WAY» VIII халқаро бизнес-форуми доирасида бўлиб ўтди. Музокараларда компания бошқаруви раиси З. Нарзуллаев иштирок этди.

Томонлар транзит ва импорт ташувларини кенгайтириш, қўшимча юк оқимларини жалб этиш ҳамда мавжуд транспорт йўлакларидан самарали фойдаланиш масалаларини муҳокама қилди. Шунингдек, ташиш жараёнларини мувофиқлаштириш ва юкларни ўз вақтида етказиб бериш бўйича ҳамкорликни кучайтиришга эътибор қаратилди.

Каналга қўшилиш 👈

Veb-sayt | Facebook | Instagram | Медиабанк

Kelajak Sari – келажак учун манфаатли танлов!

NRG-BI’нинг 22 та лойиҳасидан бирида хонадон танланг ва 100% тўловда 53 млн сўмдан 1,2 млрд сўмгача тежаш имкониятидан фойдаланинг. Акция 2026 йил 14 ноябргача амал қилади.

Тафсилотларни билиш ва мос лойиҳани танлаш учун ариза қолдиринг.
——————

Kelajak Sari – выбирайте будущее с выгодой!

Выберите квартиру в одном из 22 проектов NRG-BI и получите выгоду от 53 млн до 1,2 млрд сум при 100% оплате. Акция действует до 14 ноября 2026 года.

Оставьте заявку, чтобы узнать подробности и подобрать подходящий проект.

Реклама | Каналга қўшилиш

Кадастр соҳасида муаммо борми?

➡️ Сизда ер, кўчмас мулк ёки кадастр масаласида муаммо борми? Мурожаатингизга қонуний ечим топишда амалий кўмак ва тушунтиришга эҳтиёжингиз https://t.me/DavKadastrPalata

🌟 Унда Давлат кадастрлари палатаси раиси в.в.б. Беҳзоджон Каримов иштирокида ўтказиладиган сайёр қабулда бевосита мурожаат қилишингиз мумкин.

САЙЁР ҚАБУЛДА:
▪️ ер участкалари ва кўчмас мулкка оид масалалар;
▪️ кадастр ҳужжатларини расмийлаштириш ва давлат рўйхатидан ўтказиш;
▪️ кадастр маълумотларини шакллантириш ва янгилаш;
▪️ давлат кадастр хизматларидан фойдаланиш билан боғлиқ масалалар;
▪️ тадбиркорлик фаолиятига оид кадастр масалалари;
▪️ кадастр соҳасидаги мурожаат, таклиф ва муаммолар бевосита кўриб чиқилади.

🗓 Сана: 2026 йил 17 сентябрь

🕔Вақти: соат 10:00 дан бошлаб

📍Манзил: Тошкент шаҳри, Мирзо Улуғбек тумани, Баҳор МФЙ, М. Улуғбек кўчаси, 82-уй, https://www.google.com/maps/place/41°20'43.5"N+69°20'53.1"E/@41.3453174,69.3486239,297m/data=!3m1!1e3!4m4!3m3!8m2!3d41.345413!4d69.348093?entry=ttu&g_ep=EgoyMDI2MDkwOC4wIKXMDSoASAFQAw==

👈

https://rasmiy24.uz/uz/| https://www.facebook.com/rasmiyxabarlarofficial/?ref=pages_you_manage | https://www.instagram.com/rasmiy_xabarlar_/ | https://t.me/rasmiymediakontent

“Бизнесни ривожлантириш банки” Қувасойда тадбиркорлар лойиҳаларини жойига чиқиб ўрганди

Қувасой шаҳрида “Бизнесни ривожлантириш банки” АТБ раҳбарияти тадбиркорлар билан бевосита мулоқот ўтказиб, уларнинг янги лойиҳалари, молиялаштиришга бўлган эҳтиёжи ва фаолиятни кенгайтириш имкониятларини жойида ўрганди.

Учрашув давомида тадбиркорларнинг таклиф ва муаммолари тингланиб, уларни ҳал этиш бўйича амалий молиявий ечимлар ва банк имкониятлари муҳокама қилинди.

Хусусан, “Боғбон” МФЙ ҳудудида фаолият юритувчи “ОсиёЗаминШарбати” фермер хўжалигининг 55 сотих майдонда қора малина етиштириш лойиҳаси билан танишилди. Лойиҳани ривожлантириш ва кейинги босқичга олиб чиқиш имкониятлари ҳам кўриб чиқилди.

Банк томонидан ҳудудларда тадбиркорлар билан ўтказилаётган бундай учрашувлар истиқболли бизнес ташаббусларини аниқлаш, мавжуд муаммоларга амалий ечим топиш ва лойиҳаларни молиявий қўллаб-қувватлашга қаратилган.

https://brb.uz/axborot-markazi/quvasoylik-tadbirkorlar-tashabbuslari-va-yangi-loyihalari-muhokama-qilindi

👈

https://rasmiy24.uz/uz/| https://www.facebook.com/rasmiyxabarlarofficial/?ref=pages_you_manage | https://www.instagram.com/rasmiy_xabarlar_/ | https://t.me/rasmiymediakontent

“Миллий музей Марказий Осиёдаги энг йирик маданий лойиҳалардан бири бўлади” — Саида Мирзиёева

Президент Шавкат Мирзиёев 11 сентябрь куни Тошкент шаҳрида барпо этилаётган Ўзбекистон Миллий музейи қурилиш жараёни билан https://president.uz/uz/lists/view/9600.

Музейнинг меъморий концепцияси жаҳоннинг энг машҳур архитекторларидан бири, нуфузли Прицкер мукофоти соҳиби Тадао Андо томонидан ишлаб чиқилган.

Унинг лойиҳаси бўйича бунёд этилган музей ва маданий масканлар Япония, Европа ҳамда АҚШда юксак қадрланади. Тадао Андонинг меъморий услуби чизгиларининг соддалиги ва аниқлиги, макон ва ёруғлик уйғунлигига ўзига хос ёндашуви билан дунёга танилган.

Президент Администрацияси раҳбари Саида Мирзиёеванинг https://t.me/SShMirziyoyeva, Миллий музей Марказий Осиёдаги энг йирик маданий лойиҳалардан бирига айланиши шубҳасиз. Бу даргоҳда кўргазма заллари, кутубхона, реставрация лабораториялари ва таълим майдонлари ўрин олади.

👈

https://rasmiy24.uz/uz/ | https://www.facebook.com/rasmiyxabarlarofficial/?ref=pages_you_manage | https://www.instagram.com/rasmiy_xabarlar_/ | https://t.me/rasmiymediakontent

Хорижга кетаётган болани мактабдан чиқариш учун энди онлайн ариза етарли

Ўқувчини хорижга кетиши муносабати билан мактабдан чиқариш хизмати http://my.gov.uz/ порталида тўлиқ онлайн шаклга https://t.me/mitcuz.

Аризани 18 ёшга тўлмаган ўқувчининг ота-онаси ёки васийси топшириши мумкин. Хизмат мактаб, лицей, коллеж ва техникум ўқувчиларига тааллуқли.

Хизмат бепул, қўшимча ҳужжатлар талаб этилмайди. Зарур маълумотлар идоралараро электрон тизимлар орқали автоматик олинади.

Ариза болалар масалалари бўйича туман ёки шаҳар комиссияси томонидан 5 иш куни ичида кўриб чиқилади. Қарор таълим ташкилотига келиб тушгач, ўқувчи 1 иш куни ичида электрон базадан чиқарилади.

👈

https://rasmiy24.uz/uz/ | https://www.facebook.com/rasmiyxabarlarofficial/?ref=pages_you_manage | https://www.instagram.com/rasmiy_xabarlar_/ | https://t.me/rasmiymediakontent

Президент Миллий музей қурилиши ва “RomPharm NS” корхонаси фаолияти билан танишди

Президент Шавкат Мирзиёев пойтахтда барпо этилаётган Ўзбекистон Миллий музейи қурилишини https://president.uz/oz/lists/view/9600.

Музей лойиҳаси япониялик меъмор Тадао Андо томонидан ишлаб чиқилган. Мажмуа 3,9 гектар майдонни эгаллайди ва унда қарийб 10 мингта экспонат намойиш этилиши режалаштирилган.

Давлат раҳбари, шунингдек, Олмазор туманидаги “RomPharm NS” фармацевтика корхонасида https://president.uz/oz/lists/view/9601.

Қиймати 45 млн евро бўлган корхонада ишлаб чиқариш жараёнининг 90 фоизи автоматлаштирилган. Келгусида корхонанинг йиллик қувватини 1 млрд таблетка, 500 млн капсула ва 120 млн сашега етказиш режалаштирилган.

👈

https://rasmiy24.uz/uz/ | https://www.facebook.com/rasmiyxabarlarofficial/?ref=pages_you_manage | https://www.instagram.com/rasmiy_xabarlar_/ | https://t.me/rasmiymediakontent

Андижонда ''Мини технологиялар ярмаркаси'' ўтказилди

🏦 Бизнесни ривожлантириш банки АТБ томонидан Хўжаобод туманида Кичик бизнесга кўмаклашиш маркази ва туман ҳокимлиги ҳамкорлигида Мини технологиялар ярмаркаси ташкил этилди.

Ярмаркада ишсиз ва кам даромадли фуқароларга тадбиркорлик фаолиятини бошлаш ва даромад манбасини яратиш учун мўлжалланган имкониятлар тақдим этилди.

Тадбир давомида 100 дан ортиқ технология намойиш этилди. 10 дан зиёд етказиб берувчи томонидан уй шароитида ва кичик ишлаб чиқариш объектларида фойдаланишга мўлжалланган ускуналар тақдим қилинди. 500 нафардан ортиқ иштирокчига маҳалла банкирлари ва ҳоким ёрдамчилари томонидан маслаҳатлар берилди.

Шунингдек, иштирокчиларга лизинг ва имтиёзли кредит шартлари ҳақида маълумот берилди. Ярмарканинг ўзида 14 нафар фуқаро танлаган ускунаси бўйича дастлабки шартномаларни расмийлаштирди.

Келиб тушган мурожаатлар асосида фуқароларни даромадли фаолиятга йўналтириш ишлари давом эттирилмоқда.

👈

https://rasmiy24.uz/uz/ | https://www.facebook.com/rasmiyxabarlarofficial/?ref=pages_you_manage | https://www.instagram.com/rasmiy_xabarlar_/ | https://t.me/rasmiymediakontent

🏦 Марказий банк Мустақилликнинг 35 йиллигига бағишланган олтин ва кумуш тангаларни сотувга чиқарди

Ўзбекистон Республикаси Марказий банки “Ўзбекистон мустақиллигининг 35 йиллиги” муносабати билан махсус эсдалик тангаларини сотувга чиқарди.

Тангалар 999,9 асиллик даражасидаги соф олтин ва соф кумушдан тайёрланган бўлиб, ҳар бирининг вазни 31,1 граммни ташкил этади.

Эсдалик тангаларида Ўзбекистон Республикасининг давлат рамзлари тимсоллари акс эттирилган. Харидорлар тангаларни уч доналик коллекция тўплами шаклида ёки алоҳида ҳолда сотиб олишлари мумкин.

👈

https://rasmiy24.uz/uz/ | https://www.facebook.com/rasmiyxabarlarofficial/?ref=pages_you_manage | https://www.instagram.com/rasmiy_xabarlar_/ | https://t.me/rasmiymediakontent

Сиетл шаҳри 1 сентябрни «Ўзбекистон Мустақиллиги куни» деб эълон қилди

АҚШнинг йирик иқтисодий ва технологик марказларидан бири – Сиетл шаҳри мэри Кэти Б. Уилсон 2026 йил 1 сентябрни шаҳарда расман «Ўзбекистон Мустақиллиги куни» деб эълон қилди.

Ушбу тарихий қарор мамлакатимиз давлат мустақиллигининг 35 йиллиги ҳамда Сиетлда Ўзбекистоннинг АҚШ Ғарбий соҳилидаги биринчи Бош консулхонаси ташкил этилгани муносабати билан қабул қилинди.

👈

https://rasmiy24.uz/uz/ | https://www.facebook.com/rasmiyxabarlarofficial/?ref=pages_you_manage | https://www.instagram.com/rasmiy_xabarlar_/ | https://t.me/rasmiymediakontent