Rustamjon Domla Suhbatlari

Ота-онаси вафот этган ва уларнинг ҳаққини холис Аллоҳ учун тўлиқ адо этолмадим, деб хис қиладиганлар учун ажойиб таклиф! Видеони охиригача диққат билан томоша қилишингизни тавсия қиламиз. Балки бу сиз учун ҳам савобли имконият бўлар. Телеграм: +966579602637

Умра

Икки муқаддас масжид зиёратчилари сони 68 741 853 нафар зиёратчини ташкил қилди

1447 ҳижрий йилнинг Жумодул охир ойи давомида икки муқаддас масжидни зиёрат қилганлар сони ўтган ойга нисбатан 1 миллион кишидан кўпроққа ошди.

Тафсилотлар (рақамларда):

▫️68 741 853 киши — (Маккаи мукаррамада) Масжидул Ҳаромда намоз ўқиганлар
▫️23 116 271 киши— (Мадинаи мунавварада) масжиди Набавийда намоз ўқиганлар
▫️11 863 477 киши — умра адо этганлар
▫️94 776 киши —  Каъба ёнида (Ҳотим девори ичида) намоз ўқиганлар
▫️1 319 653 киши— Равзаи шарифда ибодат қилганлар
▫️2 331 603 киши— (Бобус Саломдан кириб)Расулуллоҳ соллаллоҳу алайҳи васаллам у зотнинг икки соҳиблари (Абу Бакр Сиддиқ ва Умар ибн Хаттоб розияллоҳу анҳумлар)га салом берганлар

Манба: Саудия Арабистони Подшоҳлиги икки Муқаддас масжид ишлари бўйича Бош бошқармаси.

Жоним фидо сизга, ё Расулуллоҳ!

Макка ва Мадинанинг ўртасидаги масофа тахминан 450 километрни ташкил этади. Бу дегани, (автомашинада) 80 км тезликда тинмасдан ҳаракатлансангиз, 5 соатларда етиб борасиз.
Энди, Аллоҳнинг Расули соллаллоҳу алайҳи васаллам Абу Бакр Сиддиқ розияллоҳу анҳунинг ҳамроҳлигида, 8 кун давомида ушбу масофани ярмини пиёда, ярмини туяда босиб ўтганини тасаввур қилинг...
Ўшанда Расулимиз соллаллоҳу алайҳи васаллам оғирлигига тоғлар ҳам дош беролмайдиган ғаму ташвишлар юкини елкага ортганча, қоронғу тун зулматида, у зотни ўлдиришга қасд қилган қурайшликлардан тезликда қочиб чиққан эдилар.  

Хўш, бу машаққат, безовталик ва чарчоқлар нима учун эди?

Буларнинг бари ушбу динга ёрдам бериш ва бутун оламдаги жаҳолат ва жоҳилият қоронғулигини ҳақ нури ила ёритиш учун эди... Токи у иймоннинг нуридан мўминлар баҳраманд бўлсинлар, неъматлансинлар учун эди.
Ё Расулуллоҳ, сизга  жоним ва бутун аҳлим фидо бўлсин!

Аллоҳумма солли васаллим ъала набиййина Муҳаммад ва ъалаа алиҳи васаҳбиҳи васаллам.

АЁЛ КИШИ АТИР СЕПИБ КЎЧАГА ЧИҚИШИ МУМКИНМИ?
#ҳалол_ҳаром

❓670-CАВОЛ: Аёл киши атир сепиб кўчага чиқиши мумкинми?

💬 ЖАВОБ: Бисмиллаҳир Роҳманир Роҳим.
Аёл киши зарурат юзасидан кўчага чиқса, ўзига оро бермай, эркакларнинг назарини ўзига қаратмайдиган, авратларини тўсадиган, шаффоф бўлмаган кийимда бўлиши шариатимиз талабидир.

َنْ أَبِي مُوسَى رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِذَا اسْتَعْطَرَتِ الْمَرْأَةُ فَمَرَّتْ عَلَى الْقَوْمِ لِيَجِدُوا رِيحَهَا فَهِيَ زانية. رَوَاهُ أَصْحَابُ السُّنَنِ

Абу Мусо разияллоҳу анҳудан ривоят қилинган ҳадисида Набий соллаллоҳу алайҳи васаллам: “Қайси бир аёл атир билан хушбўйланса сўнг (кўчага) чиқса ва унинг ҳидини ҳидлашлари учун бирор қавм олдидан ўтса, бас, у зинокордир. Ҳар бир кўз зинокордир” (Имом Аҳмад, Имом Насоий ва Имом Ҳоким ривоят қилишган).

Ҳадисда “ўша аёл зониядир” дейилди. Чунки хушбўй нарса ила бегона эркакларнинг эътиборини қасддан жалб қиладиган яхши аёл бўлмайди. Бу нарсага аёл-қизларимиз алоҳида эътибор бермоқлари лозим.

Шунинг учун ҳам Исломда аёл кишининг ўткир ҳидли хушбўй нарсаларни ўзига суртиб олиб, бегона эркакларнинг шаҳватини қўзитишлари ўта маданиятсизлик ҳисобланади. Маданиятли муслима бундай вазиятда ҳидсиз воситалардан фойдаланади. Валлоҳу аълам!

Ўзбекистон мусулмонлари идораси
Фатво ҳайъати. https://t.me/diniysavollar

Савол йўллаш
📲 https://t.me/SavollarMuslimUzBot

https://www.youtube.com/c/Fatvouzb | https://www.instagram.com/fatvouz/ | https://www.facebook.com/diniysavollar | https://www.tiktok.com/@fatvouz

ЭЛЕКТР ТОКИ ОРҚАЛИ БАЛИҚ ОВЛАШ ЖОИЗМИ?
#ов

❓1334-CАВОЛ: Динимизда электр токи ёрдамида балиқ овлаш дурустми?

💬ЖАВОБ: Бисмиллаҳир Роҳманир Роҳим. Электр токи орқали балиқ овлаш шаръан жоиз эмас. Бунда ток кучланиши кучли ёки кучсиз бўлишининг фарқи йўқ. Чунки ток орқали ов қилиш катта-кичик балиқлар ва сувдаги кўплаб жонзотларнинг қирилиб кетишига ёки азобланишига олиб келади. Бу динимиз кўрсатмаларига зиддир. Пайғамбаримиз алайҳиссалом ҳайвонни овлаётганда унга кўп азият бермасдан, қийнамасдан ўлдиришга буюриб шундай марҳамат қилганлар:
إنَّ اللَّهَ كَتَبَ الإحْسَانَ علَى كُلِّ شيءٍ، فَإِذَا قَتَلْتُمْ فأحْسِنُوا القِتْلَةَ، وإذَا ذَبَحْتُمْ فأحْسِنُوا الذَّبْحَ، وَلْيُحِدَّ أَحَدُكُمْ شَفْرَتَهُ، فَلْيُرِحْ ذَبِيحَتَهُ.
яъни: “Албатта, Аллоҳ ҳар бир нарсада яхшилик қилишни ёзган. Агар (ҳайвонни) ўлдирмоқчи бўлсангиз, қийнамасдан ўлдиринглар. Агар (ҳайвонни) сўймоқчи бўлсангиз, қийнамасдан сўйинглар. Сизлардан бирингиз тиғини ўткирлаб олсин, сўяётган ҳайвонини роҳатлантирсин!” (Имом Муслим ривояти).
Ундан ташқари электр токи орқали балиқ овлаш балиқларнинг наслини ҳам беҳудага қиради. Сабаби электр токи балиқларни катта-кичик деб ажратмайди, бирдек зарар келтиради. Ўлжаликка эса фақат йирик балиқлар мос келади. Майдалари ва уруғлари шунчаки нобуд бўлади. Йўқотилганлар ўрни тўлиш ўрнига камайиб бораверади. Уруғланиш бўлмагач, балиқлар кўпаймайди, насл давом этмайди. Пайғамбаримиз алайҳиссалом:
"ما من إنسان يقتل عصفورًا فما فوقها بغير حقها إلا سأله اللّه عنها" (رواه النسائي)
“Қай бир инсон чумчуқни ёки ундан каттароқ нарсани ноҳақдан қатл этса (ўлдирса), албатта, Аллоҳ таоло ундан у ҳақида сўрайди”, деганлар (Имом Насаий ривояти).
Қолаверса, динимизда инсон, ҳайвон, ҳатто ўсимлик наслини қиришни фасод — бузғунчилик деб аталган. Аллоҳ таоло айрим бузғунчи кишиларни қоралаб шундай деган:
وَإِذَا تَوَلَّى سَعَى فِي الْأَرْضِ لِيُفْسِدَ فِيهَا وَيُهْلِكَ الْحَرْثَ وَالنَّسْلَ وَاللَّهُ لَا يُحِبُّ الْفَسَادَ
“(Олдингиздан) кетганида ерда фитна-фасод, экин ва наслни ҳалок қилиш ишлари билан юради. Аллоҳ эса, фасодни (бузғунчиликни) ёқтирмайди” (Бақара сураси, 205-оят). Валлоҳу аълам.

Ўзбекистон мусулмонлари идораси
Фатво маркази.

https://www.youtube.com/c/Fatvouzb | https://www.instagram.com/fatvouz/ | https://www.facebook.com/diniysavollar | https://ummalife.com/fatvouz

https://www.tiktok.com/@fatvouzУлашинг: https://t.me/diniysavollar