Turakulov Economics

🇺🇿 Chunchon O‘zbeklar Jamiyati prezidenti etib saylanganligimni mamnuniyat bilan e’lon qilaman!

Bu men uchun katta ishonch va mas’uliyat. Koreyada 10+ yil yashash, universitetlarda dars berish va xalqaro biznes sohasidagi tajribamni endi hamjamiyatimiz rivoji uchun safarbar etmoqchiman.

Mas'ullar bilan asosiy ustuvor yo‘nalishlarimiz:
🔹 Shaffof boshqaruv: Aniq qoidalar, hisobdorlik va muntazam ochiq hisobotlar.
🔹 Ta’lim va mentorlik: Talabalarni qo‘llab-quvvatlash va akademik hamkorlikni rivojlantirish.
🔹 Mahalliy hamkorlik: Chunchon hokimligi, universitetlar va O‘zbekiston elchixonasi bilan aloqalarni mustahkamlash.
🔹 Raqamli ko‘nikmalar: HumbleBee AI Academy orqali yoshlarning AI va texnologiyalar bo‘yicha bilimlarini rivojlantirish.
🔹 Yangi imkoniyatlar: O‘zbek madaniyati, turizm, sport va kasbiy rivojlanishni qo‘llab-quvvatlash.

Mening tamoyilim: avval poydevor, keyin devor.

Kuchli jamiyat ishonch, shaffoflik va hamkorlikdan boshlanadi.

Ishonch bildirgan barcha hamyurtlarimizga rahmat!
Har bir von uchun, har bir jon uchun hisob!
Birgalikda tarix yaratamiz!

#Chuncheon #ChOJ #Özbeklar #Hamkorlik

...Koreyaga qaytgach har kimdan Toss haqida eshitdim.

Raqamlashuv ixtisoslashuv prinsiplarini yo'qotib yuboryaptimi?

Bilamiz biznesdan nishaga erishish va ma'lum bir sohaning eng zo'ri bo'lishga urg'u berib kelina(r)di. Raqobatda nisbiy usutunlik ayni shu ixtisoslashuv orqali amalga oshirilar edi. Raqamlashuv kelib go'yo bu klassik nazariyalarni yo'q qilib yuborayotgandek. Istalgan ilovani ko'ring o'ziga 'super app' deya nom qo'yib olgan va ular rostan ham super app!

Uzumga qarang: onlayn savdodan tortib moliyaviy sohagacha... yetkazib berishgacha bo'lgan sohalarni egallab olgan. Click va PayMe ham shunga qarab harakat qilyapti. Men Koreyadan qaytayotganimda kamtargina bo'lgan Dangin dasturi endi butun bir jamiyatni harakatga keltira oladigan platformaga aylanib ulguribdi. Toss ham shu!

Toss — bu mobayl bankingdan onlayn savdogacha bo‘lgan barcha xizmatlarni o‘zida birlashtirgan Janubiy Koreyaning eng yirik super ilovasiga aylanib ulgurgan. Ya'ni u ham boshqa super app'lar kabi "hammasi birda" ekotizimini yaratmoqchi!

Xo'sh, ixtisoslashuv nazariyalari tugab boryaptimi?! Yo'q. Shunchaki ixtisoslashuv aniq bir sohadan umum bir komfortga ko'chyapti. Raqamlashuv esa bunga zo'r imkon qilib berdi.

"All in one" ga ixtisoslashuv! Ajoyib!

@v_turakulov

Farzandingiz ta’lim-tarbiyasi bo‘yicha savollaringiz ko‘pmi?

3-4-oktabr kuni Toshkentda “Montessori hamma uchun” V Xalqaro konferensiyasi bo‘lib o‘tadi.

💕 kun davomida:
- 0–18 yosh rivojlanishi
- jazolarsiz tarbiya
- pozitiv intizom
- akademik bilimlar
- o‘smirlik
- sun’iy intellekt davrida ta’lim va boshqa dolzarb mavzularda amaliy yechimlar beriladi.

Konferensiyada 6 davlatdan 13 ta spiker va mutaxassislar bir joyda jam bo‘ladi:
🇺🇿 O‘zbekiston 🇰🇿 Qozog‘iston
🇰🇬 Qirg‘iziston 🇫🇮 Finlyandiya
🇱🇻 Latviya 🇳🇱 Niderlandiya

📍 Toshkent, O‘zbekiston Davlat Jahon Tillari Universiteti asosiy binosi
📆3-4-oktabr

Joyingizni band qiling: @conf_menejer

@Montessori_conf

⚽️ Man City'ga 114 ta ayblov qo'yildi


Ayblovlar asosan moliya noshaffofliklar bo'yicha. Homiylik niqobi ostida ko'p kirimlar yozilmagan.

Nega bu iqtisodchi uchun qiziq?

Xarajat chegarasi raqobat teng bo'lishi uchun kerak. Egasi cheksiz boy klub uni "homiylik" niqobida aylanib o'tsa, qoida faqat kambag'al klublar uchun ishlaydigan bo'lib qoladi.

Qoidalar quyidagi holatlarda buziladi:
Qoidani buzishdan foyda > Tutilish ehtimoli × Jazo

Endi EPL shunday jazo qo'llash kerakki, yuqoridagi "qoidani buzishdan foyda" minusga ketsin. Shuning uchun hozirda MC' ga qarshi:

- Bu mavsumdagi umumiy balldan 20 ball ayrib tashlash (bu degani klub nafaqat chempion bo'la olmaydi balki UEFA Chempionlar ligasiga ham chiq olmaydi).
- Ikki yilgacha transfer qila olmaydi (na yangi sportchi oladi, na sota oladi).
- Boshqa moliyaviy jarimalar.

Ha, agar bular amalda qo'llansa, MC 5~6 yil o'ziga kela olmasa kerak! Lekin bu uzoq istiqbolda boshqa klublarga yaxshigina signal jo'natadi. Tizimli institutlashuv hamda o'yin qoidalarini eslatib qo'yadi. Bu nafaqat iqtisodiyotda, hamma sohalarda muhim!

P.S. City muxlislari hozir "hali apellyatsiya bor" deb yozishga shaylanib turganini bilaman :) Haqlisiz, ish tugamagan. Faqat bu 114 ta ayblovning isbotlanishiga 3 yil ketganligi ham bir signal: institutlar sekin ishlasa, to'xtatuvchi kuch ham sekin ishlaydi.

@v_turakulov

AQSHda uch oy yashab, malaka oshirish uchun zo'r imkoniyat:


• Davomiyligi: 2027-yil fevral – may
• Stipendiya: oyiga $4 000 (har bir ishtirokchi uchun, sug’urta va viza xarajatlarni o’z ichiga oladi)
• Yoʻlkira xarajatlari uchun: $1 600 (har bir ishtirokchi uchun)


Batafsil: https://centralasiaprogram.org/capuz-current-fellows/call-for-applications-uzbekistan-reform-support-fellowship-spring-2027/

@v_turakulov

#kareyera #yangilik
Xo'o'o'sh, yana Koreyaga qaytdim :)

Kangvon Milliy Universiteti, Global Konvergensiya Bo'limida dars berishni boshladim va shu bilan birga HumbleBeeAI'da PR Menejer va Biznes
Maslahatchisi sifatida faoliyatimni ham yaqindan davom ettiryapman.

Qisqa qilib aytsam, maqsadim Vatanga yanada yetuk ilm ahli sifatida qaytib borish.

@v_turakulov

Rostan ham ?

Diplom bergan oliy ta'lim maskanini ham bir "savol-javob" qilish kerakdek.


Mana saralash boshlandi. Universitetlar ochilganda ko'pchilik xavotir olgan edi "Juda ham ko'payib ketyapti" deb. Mana bozorni o'zi saralashni boshlayapti. Shunchaki bu jarayon endi rasmiy tusga kirsa kifoya. Bizga mana shunday ta'lim platformali startuplar kerak.


Bir tomonda universitetlar, bir tomonda ishga oluvchi bizneslar. "Sizga eng munosiblarini mana biz saralab beramiz" degan g'oyani olib chiqadigan startuplar kerak.

#yangi_nashr
#yangi_kitob

Oliy ma’lumot shartmi?
Xorijda o‘qish imkonlari qanday?
Hayotda o‘z yo‘lingizni topishda nimaga e’tibor berish kerak?

🎓 Siz kutgan "OLIY TA'LIM KERAKMI?" kitobi sotuvda!

🎓 Talabalik, xorijda o‘qish va hayotiy tanlovlar haqida aniq va amaliy tavsiyalar jamlangan ushbu qo'llanma har bir yosh va izlanuvchan inson uchun haqiqiy yo'lboshchiga aylanadi.
Kitobda nimalar bor?

🏛 Xorijda universitetlariga kirish va o‘qish sirlari;

🎯 Aniq maqsad – Shaxsiy rivojlanish va hayotiy yo‘nalishni to‘g‘ri belgilash;

💡 Hayotiy motivatsiya – Oliy ta’lim muvaffaqiyatga erishish kalitlari;

❓ 85 savol-javob – Yoshlarni eng ko'p o'ylantiradigan dolzarb savollarga atroflicha javoblar.

Kitob haqida:
Muallif: Alisher Umirdinov (Nagoya universiteti professori)
Tili: O'zbek (lotin)
Muqova: yumshoq
Narxi: 55 000 so'm
Hajmi: 309 bet

📱  Do‘konlarimiz manzili:
Мuqimiy ko‘chasi: https://bit.ly/4bh56RK
☎️ +998 99-554-70-70

〰️ Sayilgoh ko‘chasi: https://bit.ly/3D7fP4A
☎️ +998 99-517-70-70

✍️Мurojaat qilish☎️ +998 93-554-63-70

Ba'zan sizning jamiyat uchun eng katta foydangiz — o'sha qizni o'qishidan chalg'itmaslik uchun sovchi yubormasligingiz bo'ladi.

Bakalavr 1-kursni "o'zim o'qitib olaman" deyishingiz budilnikni "yana 5 minut"ga qo'yishingizdan ham yolg'on!

https://t.me/v_turakulov_mutolaa

Yana Afg'oniston haqida gap ketganda...

Rasmdagi Qo'shtepa kanali ayni paytda muammoli vaziyat bo'lib turibdi. Suv bermaymiz deb ham bo'lmaydi (chunki ularning ham haqqi bor), beraylik ham deb bo'lmaydigandek. Sababi muammo suv tanqisligining o'zida emas, balki mana shu tanqislikni hal qila oladigan mexanizmning eskirganidan.

Bu https://www.caspianpolicy.org/research/water-security/afghanistans-qosh-tepa-canal-and-the-limits-of-central-asias-water-governance ko'ra, o'zi eskirib qolgan Markaziy Osiyoning Sovetcha suv taqsimlash institutlari Qo'shtepadan keyin yanada aniq ko'rinib qoldi, deb aytilyapti.

Muammo suvning yo'qligida emas, zamonaviy sug'orish tizimining haligacha joriy qilinmayotganida.

#yangiliklarga_kura

Tolibon kelganida xalqiga ikki narsani va'da qilgan edi: tinchlik va farovonlik.

Hozir tinchlik rostan ham bor ekan. Odamlar o'zlarini ancha erkin his qilayotgan ekan. Lekin, afsus, hali farovonlik yetib kelmagan. Iqtisodiyot juda ham tang ahvolda.

Bir odatiylik qoidasi bor: o'tish davrida albatta bir "to'fon" bo'ladi. Bu narsa - giperinfliyatsiya ko'rinishida Sovet Ittifoqi qulab, yangi davlatchilikni boshlagan sobiq Sovet davlatlari, xususan, O'zbekistonda ham kuzatilgan. 90-yillar o'rtalarini 35 yoshdan o'tganlar yaxshi eslashadi.

Shunga umid bor. Bu yog'i Tolibonning ekstrim bo'lmagan boshqaruv siyosatiga bog'liq...

Академия — спринт эмас, марафон. Бунда муваффақиятга эришадиган инсонлар ҳаракатдан тўхтамайдиган, ўзига ишонадиган,  ва амбицияли инсонлардир. Илм-фаннинг менга энг маъқул келадиган жиҳати шундаки, у бир ёки икки йиллик иш эмас. У бир марталик муваффақият ёки муваффақиятсизликдан иборат эмас. Сиз бу иш билан 40 ёки 50 йил давомида шуғулланасиз. Шунинг учун ҳам бу ерда ниманидир нолдан барпо этиш, билимлар тўплаш, инвестиция киритиш, катта мақсадлар сари интилиш учун реал имконият мавжуд. Ёшлар учун бу жуда мураккаб ва ҳаддан ташқари қийин бўлиб туюлиши мумкин, лекин шунчаки биттадан қадам ташланг, аммо орзуларингиз катта бўлсин (с).