Вясна / Правы чалавека ў Беларусі

💔 145 сутак у ШІЗА за адмову шыць форму для сілавікоў: гісторыя былой палітзняволенай Алены Лазарчык

Былая палітзняволеная https://prisoners.spring96.org/be/person/alena-lazarczyk , якую 16 верасня вызвалілі і прымусова вывезлі ў Літву, у вялікім інтэрв’ю «Люстэрку» https://news.zerkalo.io/life/138471.html , як адмаўлялася шыць форму для сілавікоў і вайсковую вопратку.

«На вашу фабрыку не пайду. Рабіце што хочаце».

За адмову працаваць супраць яе распачалі дзве крымінальныя справы паводле артыкула 411 КК — за злоснае непадпарадкаванне патрабаванням адміністрацыі калоніі. Былая палітзняволеная неаднаразова адпраўлялі ў штрафны ізалятар, а пасля — у памяшканне камернага тыпу (ПКТ).

У калоніі ў Зарэччы яна правяла 145 сутак у ШІЗА і дзевяць месяцаў у ПКТ.

https://spring96.org/be/news/120769 https://spring96.org/be/news/119221

🔎 З «тэрарыстычнага спісу» КДБ выключылі трох былых палітвязняў

З абноўленага пераліку «асоб, датычных да тэрарыстычнай дзейнасці», зніклі тры чалавекі, якія раней знаходзіліся ў ім:

▪️ https://prisoners.spring96.org/be/person/illja-smaljuha — былы палітвязень, асуджаны да трох гадоў зняволення. Вызваліўся ў пачатку 2025 года.

▪️ https://prisoners.spring96.org/be/person/mikalai-amelczanka — былы палітвязень, якога вызвалілі па памілаванні 16 верасня 2024 года.

▪️ https://prisoners.spring96.org/be/person/kacjaryna-dzhyh — былая палітзняволеная, вызваленая па памілаванні 16 верасня 2024 года.

📌 Іх імёны адсутнічаюць у новым пераліку ў параўнанні з папярэдняй версіяй.

Цяпер у «тэрарыстычным спісе» налічваецца 1476 чалавек, з якіх 725 — грамадзяне Беларусі.

🤬 Пяцярых беларускіх добраахвотнікаў палка Каліноўскага дадалі ў «спіс тэрарыстаў»

КДБ абнавіў пералік «асоб, датычных да тэрарыстычнай дзейнасці».

Сярод новых прозвішчаў — пяць беларускіх добраахвотнікаў: https://prisoners.spring96.org/be/person/juryi-makitau , https://prisoners.spring96.org/be/person/mikhail-czuprynski , https://prisoners.spring96.org/be/person/kryscina-stankevicz , https://prisoners.spring96.org/be/person/mikalai-boika і https://prisoners.spring96.org/be/person/natallja-nikicina . У верасні іх завочна https://spring96.org/be/news/121281 на 12 і 20 гадоў калоніі. Суд звязаў усіх пяцярых з палком імя Кастуся Каліноўскага.

Акрамя добраахвотнікаў, у спіс дадалі яшчэ некалькіх чалавек: палітвязня https://prisoners.spring96.org/be/person/eduard-kurljandczyk , 41-гадовага мінчука https://prisoners.spring96.org/be/person/arciom-litvinko , Юлю Нікіціну і Андрэя Кашанскага.

Цяпер у «тэрарыстычным спісе» налічваецца 1476 чалавек, з якіх 725 — грамадзяне Беларусі.

❗️ «Дзяржаўны бізнес рэпрэсій»: на канферэнцыі АБСЕ праваабаронцы распавялі пра прымусовую працу ў Беларусі

Сайд-івэнт "Дзяржаўны бізнес рэпрэсій: прымусовая праца ў Беларусі" прайшоў у межах Канферэнцыі АБСЕ па чалавечым вымярэнні ў Варшаве. Мерапрыемства было арганізавана Праваабарончым цэнтрам "Вясна". 

Вялікая ўвага ў выступах была нададзена прымусовай працы ў месцах пазбаўлення волі (у тым ліку сярод палітвязняў), а таксама ў Лячэбна-працоўных прафілакторыях і пансіянатах, дзе ўтрымліваюцца людзі, у тым ліку пазбаўленыя дзеяздольнасці.

«Дзяржава не проста талеруе прымусовую працу, але ў многіх кантэкстах сама стварае, рэгулюе, адмініструе механізмы, праз якія людзей прымушаюць працаваць, і атрымлівае ад іх выгаду», — падкрэслілі праваабаронцы.

Чытаць па спасылцы 👉 https://spring96.org/be/news/121447

https://storage.googleapis.com/spring96/read.html?page=/be/news/121447

❗️У Беларусі яшчэ +8 новых палітвязняў

Гэта Галіна Усцюгова, Віктар Масько, Антон Дакучаеў, Інга Казючыц, Сяргей Казінскі, Святаслаў Падвашэцкі, Дзмітрый Зара і Аляксандр Руткевіч.

Хто гэтыя людзі і чаму праваабаронцы лічаць іх справы палітычна матываванымі 👉 https://spring96.org/be/news/121445

Спіс усіх палітвязняў Беларусі 👉 http://prisoners.spring96.org/

🌿 Падтрымайце «Вясну» ў два клікі

Мы абараняем правы чалавека ў Беларусі ўжо больш за 30 гадоў. Нягледзячы на ўсе перашкоды і цяжкасці, «Вясна» працягвае працу на карысць людзей. Нам патрэбная вашая падтрымка!

Мы сабралі ўсе магчымыя спосабы дапамогі на адной старонцы: http://donate.spring96.org/ .

Не заставайся ў баку — ахвяруй на дзейнасць праваабаронцаў!

📄 Гендарныя стэрэатыпы, рэпрэсіі і жанчыны за кратамі: спецдакладчык ААН падрыхтаваў даклад пра становішча жанчын у Беларусі

Спецыяльны дакладчык ААН па становішчы ў галіне правоў чалавека ў Беларусі Нілс Муйжніекс падрыхтаваў https://www.ohchr.org/ru/documents/country-reports/a81372-situation-human-rights-belarus-report-special-rapporteur-situation , прысвечаны становішчу жанчын у краіне. Ён прадставіць яго на 81-й сесіі Генеральнай Асамблеі ААН.

У дакладзе разглядаюцца:

▪️ гендарныя стэрэатыпы ў заканадаўстве і практыцы;
▪️ эканамічныя і сацыяльныя правы жанчын;
▪️ палітычны пераслед і рэпрэсіі супраць грамадзянскай супольнасці;
▪️ становішча жанчын, пазбаўленых волі.

Чытаць па спасылцы 👉 https://spring96.org/be/news/121433

👉 Цалкам з дакладам можна https://www.ohchr.org/ru/documents/country-reports/a81372-situation-human-rights-belarus-report-special-rapporteur-situation

✊ Зварот да былых палітвязняў

Дапамажыце даведацца пра стан і месцазнаходжанне тых, хто застаўся за кратамі.

🔎 Праверыць актуальны спіс і статус зняволеных можна ў нашай табліцы палітвязняў 👉 https://prisoners.spring96.org/be/list?status[]=0&view=1

Нам важная любая інфармацыя: дзе зараз знаходзіцца чалавек, ці змяніўся яго статус альбо месца ўтрымання (этапаванне, ШІЗА, ПКТ), у якім ён псіхалагічным і фізічным стане і гэтак далей.

Рэжым робіць усё, каб утварыць вакол палітвязняў інфармацыйны вакуум і сцерці іх імёны з парадку дня. Менавіта ваша ўважлівасць і салідарнасць дапамагаюць прабіць гэтую сцяну маўчання. Дзякуючы вам сваякі даведваюцца праўду пра сваіх блізкіх, а свет бачыць рэальны стан рэчаў. Ваша дапамога — гэта рэальны шанец абараніць тых, хто пакуль не можа прамовіць за сябе сам.

📌 Даслаць даныя праваабаронцам бяспечна і ананімна можна на https://t.me/Viasnainfo .

⚖️ Сёння ў Мінску пачынаюць завочна судзіць заснавальнікаў Dissidentby

Сёння, 16 кастрычніка, у судзе Заводскага раёна Мінска пачынаецца працэс у дачыненні да заснавальнікаў праваабарончай ініцыятывы Dissidentby Марыны і Вячаслава Касінеравых.

Справу разглядаюць у парадку спецыяльнай вытворчасці.

Вячаславу Касінераву ставяць у віну «стварэнне экстрэмісцкага фармавання альбо ўдзел у ім», «распальванне іншай сацыяльнай варожасці», «дыскрэдытацыю Рэспублікі Беларусь», «абразу Лукашэнкі» і «садзейнічанне экстрэмісцкай дзейнасці».

Марые Касінеравай, акрамя гэтых абвінавачанняў, ставяць у віну таксама «паўторнае стварэнне экстрэмісцкага фармавання альбо кіраўніцтва ім».

Спецыяльная вытворчасць у дачыненні да Марыны і Вячаслава Касінеравых пачалася 28 жніўня 2026 года.

🗣 «Няма ніякіх падстаў казаць пра адлігу». Алесь Бяляцкі выступіў на Саміце свабоды

15 кастрычніка старшыня Праваабарончага цэнтра "Вясна" і лаўрэат Нобелеўскай прэміі міру Алесь Бяляцкі выступіў на Саміце свабоды.

Мерапрыемства праходзіла ў Вільні і было арганізаванае Міністэрствам замежных спраў Літвы і міжнароднай праваабарончай арганізацыяй "Freedom House". 

«Нам мала вызваленння палітычных зняволеных, нам неабходная свабода», — падкрэсліў праваабаронца.

Чытаць па спасылцы 👉 https://spring96.org/be/news/121441

https://storage.googleapis.com/spring96/read.html?page=/be/news/121441

❗️Патрабуем рэабілітацыі: праваабаронцы надалі статус «былы палітвязень» 13 беларусам

Праваабарончая супольнасць Беларусі сёння прыняла заяву, у якой запатрабавала поўную рэабілітацыю 13 чалавек, пазбаўленых волі за ажыццяўленне свабоды выказвання меркаванняў і свабоды сходаў.

Па розных прычынах гэтыя людзі не мелі статуса палітзняволеных падчас свайго зняволення, але, негледзячы на гэта, праваабаронцы ў заяве надаюць ім статус «былых палітвязняў».

Чытаць па спасылцы 👉 https://spring96.org/be/news/121439

🔹 https://spring96.org/be/news/112786

⁉️ Для таго, каб інфармацыя пра чалавека трапіла ў спіс «былых палітвязняў», яму самому ці яго блізкім трэба звярнуцца ў «Вясну» ( https://t.me/ViasnaSOS , https://t.me/Viasnainfo ) і распавесці пра сваю справу

🤬 Сілавікі прыйшлі да сваякоў заснавальніка «Kamaroŭka» Змітра Завадскага і былых валанцёрак

Сілавікі ў Беларусі пачалі наведваць сваякоў заснавальніка платформы «Kamaroŭka» Змітра Завадскага, Вольгі Касянчук і былой валанцёркі. Пра гэта Зміцер https://www.facebook.com/zmicier.zavadski/posts/pfbid02RCL4HEm3F2bh9RB1FnUe8yxUMFH6FbBqBsYbmzYBPMmtYxjSZupghaCMPMEFvkHBl у Facebook.

Паводле яго, гэта адбылося пасля таго, як платформу прызналі «экстрэмісцкім фармаваннем», а праект пачаў выходзіць у плюс.

Мужчына расказаў, што сілавікоў цікавілі месца яго прапіскі, суседзі, мама і брат. Учора яны прыйшлі нават да далёкіх сваякоў, з якімі ён не бачыўся каля 15 гадоў.

Нагадаем, што ў ліпені платформу «Kamaroŭka» ўнеслі ў спіс «экстрэмісцкіх фармаванняў».

📌 Старонку былога палітвязня https://prisoners.spring96.org/be/person/siarhiej-sparysh дадалі ў спіс «экстрэмісцкіх матэрыялаў»

Міністэрства інфармацыі чарговы раз абнавіла «Рэспубліканскі спіс экстрэмісцкіх матэрыялаў».

Акрамя старонкі былога палітвязня Сяргея Спарыша ў «Аднакласніках», у спіс трапілі Telegram-канал «Jednaść2025» і Instagram-старонка хору беларусаў з Познані «chor_poznanski_spieuny_schod».

🗺 Актывісты стварылі анлайн-мапу мінскіх месцаў, звязаных са смяротным пакараннем

Моладзевая арганізацыя «Рада» распрацавала сайт, на якім сабрала 14 лакацый Мінска, звязаных са смяротным пакараннем у Беларусі.

На мапе адзначаныя не толькі месцы, дзе выконвалі смяротныя прысуды, у тым ліку былая турма «Валадарка», але і лакацыі, звязаныя з «чырвоным тэрорам» 1920-х гадоў і сталінскімі рэпрэсіямі.

Прэзентацыя праекта https://www.coe.int/en/web/portal/-/death-penalty-abolition-in-focus-of-the-first-event-in-vilnius-by-the-council-of-europe-information-point-for-belarusian-people ў Інфармацыйным пункце Рады Еўропы для беларусаў у Нацыянальнай бібліятэцы Літвы імя Марцінаса Мажвідаса ў Вільні.

🔗 Паглядзець мапу можна па спасылцы 👉 https://www.deathpenaltyminsk.online/en

⚖️ Да 25 гадоў калоніі і штрафы ў сотні тысяч рублёў: гучныя завочныя працэсы 2026 года

У Беларусі працягваюцца завочныя суды над палітыкамі, грамадскімі дзеячамі, добраахвотнікамі і іншымі беларусамі. Найчасцей іх абвінавачваюць у "абразе ці паклёпе на Лукашэнку", "распальванні варожасці", "экстрэмізме" і "закліках да санкцый".

Пакаранні ў 2026 годзе — ад 3,5 да 25 гадоў калоніі, а штрафы дасягаюць 225 тысяч рублёў.

Акрамя зняволення, улады арыштоўваюць і прадаюць маёмасць асуджаных, каб спагнаць прызначаныя судом сумы.

Чытаць па спасылцы 👉 https://spring96.org/be/news/121384

https://storage.googleapis.com/spring96/read.html?page=/be/news/121384

💔 Дапаможам былому палітзняволенаму https://prisoners.spring96.org/be/person/anton-sotnikau пачаць жыццё нанова

Былы палітзняволены Антон Сотнікаў пасля зняволення быў вымушаны з’ехаць у Польшчу. Праз праблемы са здароўем ён пакуль не можа паўнавартасна працаваць і мае патрэбу ў падтрымцы на час аднаўлення і пошуку працы.

Антона затрымалі 8 лютага 2021 года. Яго судзілі па так званай «брэсцкай справе» — за падзеі 10 жніўня 2020 года ў Берасці. Больш за паўгода ён утрымліваўся ў СІЗА. У выніку мужчыну асудзілі да 4 гадоў і 6 месяцаў калоніі ўзмоцненага рэжыму.

У 2025 годз былы палітвязень выехаў з Беларусі ў Польшчу і ўжо атрымаў статус уцекача.

🤝 https://www.bysol.org/ru/private/anton_sotnikov/

📌 «Беларушчына азначае свабоду»: Алесь Бяляцкі — пра пераслед беларускай мовы і яе вяртанне

«Пераслед беларускай мовы і культуры — працяг старой каланіяльнай традыцыі», — пра гэта падчас канферэнцыі АБСЕ нагадаў старшыня Праваабарончага цэнтра «Вясна», лаўрэат Нобелеўскай прэміі міру Алесь Бяляцкі.

Ён распавёў, што падчас ягонага суда суддзя адмовілася весці працэс па-беларуску, а ў калоніі палітвязняў, паводле ягоных звестак, збівалі за беларускую мову.

Але пасля 2020 года ўсё больш беларусаў свядома выбіраюць родную мову.

«Для моладзі і раней, і цяпер беларушчына азначае свабоду, свабоду творчасці, адкрытасць свету, гуманістычныя каштоўнасці, а таксама еўрапейскую будучыню для Беларусі», — адзначыў Алесь Бяляцкі.

Чытаць па спасылцы 👉 https://spring96.org/be/news/121427

https://storage.googleapis.com/spring96/read.html?page=/be/news/121427

🗣 Паведамляйце праваабаронцам навіны пра палітвязняў

Па інфармацыі праваабаронцаў «Вясны», агулам па заканчэнні тэрмінаў з 2020 года з папраўчых установаў выйшлі больш за 1800 чалавек.

Адзначым, што лічба палітвязняў, якія выйшлі на волю па адбыцці тэрміну, можа быць большай праз адсутнасць дакладных звестак пра іх вызваленне.

✍️ Калі вам вядома, што чалавек, асуджаны па палітычных матывах, знаходзіцца ўжо на волі, калі ласка, паведамляйце праваабаронцам на https://t.me/Viasnainfo

⚖️ 27 палітычных прысудаў і знак «За адданасць правасуддзю»: суддзю Жанну Брысіну правялі ў адстаўку

14 кастрычніка ў Мінскім гарадскім судзе ўрачыста праводзілі на пенсію суддзю Жанну Брысіну, якая ўдзельнічала ў разглядзе дзясяткаў палітычна матываваных спраў. Ёй таксама ўручылі знак «За адданасць правасуддзю». На гэта https://nashaniva.com/406939 «Наша Ніва».

Паводле нашых звестак, яна https://prisoners.spring96.org/be/list?view=1&order=ASC&judge[]=%D0%91%D1%80%D1%8B%D1%81%D1%96%D0%BD%D0%B0%20%D0%96%D0%B0%D0%BD%D0%BD%D0%B0 не менш за 27 прысудаў, а таксама разглядала апеляцыйныя скаргі палітвязняў. Некаторыя справы яна разглядала ў першай інстанцыі, іншыя — у апеляцыйным парадку.

Сярод найбольш вядомых — справа заснавальніка http://Symbal.by/ https://prisoners.spring96.org/be/person/pavel-belavus . У траўні 2023 года на закрытым судовым працэсе Брысіна прызначыла яму 13 гадоў калоніі.

27 сакавіка 2025 года Еўрасаюз уключыў Брысіну ў санкцыйны спіс.

📚 У Гданьску пройдзе Свята беларускай літаратуры

Беларуская і польская літаратурныя супольнасці 7 лістапада збяруцца ў Гданьску на ўручэнні 15-й літаратурнай прэміі імя Ежы Гедройця — найзначнейшай незалежнай літаратурнай узнагароды Беларусі.

У праграме — прэзентацыі беларускай прозы, размовы пра пераклад і кнігавыданне, творчасць пісьменніц, а таксама жыццё і працу ў эміграцыі. Таксама пакажуць буктрэйлеры шасці кніг-фіналістаў і абвесцяць імёны лаўрэатаў прэміі Гедройця 2026 года.

🎸 Завершыць вечар музычны выступ Лявона Вольскага разам з гітарыстам Паўлам Трыпуцем.

📌 Поўная праграма Свята беларускай літаратуры па спасылцы — https://penbelarus.org/2026/10/12/svyata-belaruskaj-litaratury-15-ya-litaraturnaya-premiya-imya-ezhy-gedrojczya.html

«Пасля вызвалення мне не далі жыцця ў Беларусі», — былы палітвязень

Працоўнага з раённага гарадка (імя не называецца ў мэтах бяспекі) затрымалі за каментары ў сацсетках у 2022 годзе. Іх кваліфікавалі як "абразу прадстаўніка ўлады" і "абразу Лукашэнкі". За гэта мужчыну прызначылі тры гады калоніі. Адбыўшы ўвесь тэрмін ён выйшаў на волю, але неўзабаве пакінуў Беларусь. Былы палітвязень распавёў "Вясне" сваю гісторыю пераследу.

Вясной 2022 года да мужчыны дадому прыехалі супрацоўнікі ГУБАЗіК. Нагода — адзін каментар у сацыяльных сетках.

«Калі жонка вывела дзяцей, ГУБАЗіК пачаў мне пагражаць. Мне сказалі, што да мяне прыйшлі праз нейкі каментар, які нібыта можа быць расцэнены як "абраза". Пад пагрозамі я падпісаў усё, што яны давалі»

Пасля ператрусу і падпісання дакументаў мужчыну пакінулі дома. Але забралі тэлефон на экспертызу. Суразмоўнік адзначае, што не ўсведамляў, што яго каментары могуць прывесці да крымінальнага пераследу.

Чытаць па спасылцы 👉 https://spring96.org/be/news/121140

https://storage.googleapis.com/spring96/read.html?page=/be/news/121140

📶 Маніторынг Lawtrend: ціск на грамадзянскую супольнасць у Беларусі захоўваецца

Сістэмны ціск на грамадзянскую супольнасць у Беларусі працягваецца — да такой высновы прыйшоў Lawtrend у  https://www.lawtrend.org/monitoring-issledovania/ezhemesyachnye-monitoringi/monitoring-situatsii-so-svobodoj-assotsiatsij-i-polozheniem-organizatsij-grazhdanskogo-obshhestva-v-respublike-belarus-avgust-2026 сітуацыі са свабодай асацыяцый за жнівень 2026 года.

Па стане на канец жніўня сукупныя інстытуцыйныя страты сектара грамадзянскай супольнасці з пачатку постэлектаральнага крызісу 2020 года склалі не менш 2 072 НКА.

У жніўні былі выяўлены рашэнні аб прымусовай ліквідацыі не менш за 14 НКА: 12 грамадскіх аб'яднанняў, фонду і асацыяцыі. Рашэнні прымалі Мінскі гарадскі, Мінскі абласны і Віцебскі абласны суды. Адно з ліквідаваных аб'яднанняў было зарэгістравана ў 2023 годзе.

Чытаць па спасылцы 👉 https://spring96.org/be/news/121124

https://storage.googleapis.com/spring96/read.html?page=/be/news/121124

🥷 «Трэба, каб вы дапамаглі нам»: як КДБ вярбуе былых палітвязняў

У Беларусі працягваюцца спробы вярбоўкі людзей, пераследаваных па палітычных матывах. Супрацоўнікі Камітэта дзяржаўнай бяспекі прапануюць былым палітвязням і актывістам супрацоўніцтва, патрабуюць збіраць інфармацыю пра іншых людзей, а ў выпадку адмовы могуць пагражаць новымі крымінальнымі справамі.

"Вясна" распавядае гісторыі вярбоўкі памілаваных былых палітвязняў, а юрыстка Свялана Галаўнёва каментуе гэтую практыку беларускіх уладаў.

«Ні здрасце, ні прадстаўлення — хто, што. Па-мойму, толькі пасведчанне паказаў здалёк. А першыя словы — гэта пытанні былі: "Як здароўе, як дзеці?" Было адчуванне запалохвання і нагнятання страху, а не фармальнай добразычлівасці. Пасля пачаў гутарку, што нас, маўляў, памілавалі, а мы абяцалі дапамагчы, аказаць садзейнічанне. Вось, трэба дапамагчы», — распавёў адзін з былых палітзняволеных.

Чытаць па спасылцы 👉 https://spring96.org/be/news/121137

https://storage.googleapis.com/spring96/read.html?page=/be/news/121137

Алесь Бяляцкі сустрэўся з юрыстам Джарэдам Генсерам, які падаваў зварот у ААН наконт яго адвольнага зняволення

Старшыня Праваабарончага цэнтра «Вясна», лаўрэат Нобелеўскай прэміі міру https://prisoners.spring96.org/be/person/ales-bjaljackiy сустрэўся з міжнародным юрыстам-праваабаронцам Джарэдам Генсерам. Ён узначальваў міжнародную юрыдычную каманду Бяляцкага, якая ў 2023 годзе падала зварот у Працоўную групу ААН па адвольных затрыманнях з патрабаваннем прызнаць зняволенне праваабаронцы незаконным і заклікаць да яго неадкладнага вызвалення.

Пра сустрэчу Генсер https://x.com/JaredGenser/status/2098198762954826187 у сацсетцы X.

«Для нас заўсёды асаблівы дзень, калі мы можам сустрэцца з адным з нашых былых кліентаў, які яшчэ нядаўна быў палітзняволеным. Сёння гэта быў Алесь Бяляцкі з Беларусі — выбітны праваабаронца, старшыня “Вясны” і лаўрэат Нобелеўскай прэміі міру 2022 года».

Генсер адзначыў, што з 2023 года і да вызвалення Бяляцкага ў снежні 2025 года яны бясплатна прадстаўлялі яго інтарэсы, супрацоўнічаючы з жонкай праваабаронцы Наталляй.

📍Праваабаронцы заклікаюць дакументаваць факты катаванняў і парушэнняў правоў чалавека ў Беларусі

У Беларусі працягваюцца масавыя катаванні і збіванні, утрыманне ў нечалавечых умовах у ізалятарах. Мы разумеем, што праз страх і рызыкі пераследу людзі баяцца звяртацца да праваабаронцаў для дакументавання гэтых фактаў. Але мы заклікаем з дапамогай фота і відэа самім фіксаваць сляды катаванняў і збіванняў.

Акрамя гэтага, звяртайцеся да лекараў, каб зафіксаваць траўмы і захаваць медыцынскія дакументы. Гэта дапаможа ў будучыні прыцягнуць да адказнасці ўсіх датычных да рэпрэсій.

✍️ Вы можаце самастойна задакументаваць ваш выпадак, дзякуючы https://telegra.ph/DOKUMENTIROVANIE-FAKTOV-ZHESTOKOGO-OBRASHCHENIYA-SO-STORONY-ORGANOV-GOSUDARSTVENNOJ-VLASTI-01-19

🔹 Калі вы пацярпелі ад катаванняў з боку сілавікоў ці сутыкнуліся з бесчалавечным і жорсткім абыходжаннем у месцах зняволення, парушэннем правоў чалавека — калі ласка, пішыце https://t.me/ViasnaDOC ці [email protected]

🤬 «Нам яшчэ адзін труп тут не патрэбны!» Экс-палітзняволены Руслан Красаў — пра затрыманне ў 2020 годзе

Былы палітзняволены https://prisoners.spring96.org/be/person/ruslan-krasau у размове з журналістамі «Вясны» ўзгадвае падзеі жніўня 2020 года. Увечары 10 жніўня ён, паводле яго слоў, проста ішоў да знаёмага ў цэнтры Гродна, калі яго затрымалі і жорстка збілі амапаўцы.

«Павалілі мяне на зямлю і пачалі збіваць дубінкамі. Мне павыбівалі ўсе верхнія пярэднія зубы. Было страшна. Мяне затрымалі і змясцілі ў гродзенскае СІЗА. На тэрыторыі СІЗА былі суддзі, якія мне прызначылі сем сутак арышту».

Паводле Руслана, пасля збіцця ён быў у настолькі цяжкім стане, што не мог падняцца з нараў і ледзь размаўляў. Паўтара сутак мужчыну не кармілі — ён мог піць толькі ваду з-пад крана. Руслан кажа, што ў той момант яму здавалася, што яго жыццё скончана.

Чытаць па спасылцы 👉 https://spring96.org/be/news/121081

https://storage.googleapis.com/spring96/read.html?page=/be/news/121081

Намесніцу дырэктара школы з Беняконяў асудзілі за «садзейнічанне экстрэмісцкай дзейнасці»

31-гадовая Кацярына Барташэвіч, якая працавала намесніцай дырэктара па выхаваўчай рабоце ў школе ў Беняконях Воранаўскага раёна, была асуджаная Гродзенскім абласным судом паводле артыкула аб «садзейнічанне экстрэмісцкай дзейнасці». Пра гэта  https://nashaniva.com/404105 "Наша Ніва".

Жанчыну абвінавацілі паводле ч. 1 і ч. 2 арт. 361-4 Крымінальнага кодэкса (садзейнічанне экстрэмісцкай дзейнасці). Суд прызначыў ёй пакаранне ў выглядзе "хатняй хіміі". Акрамя таго, працаваць у школе яна не зможа, паколькі ўлады ўнеслі яе ў спіс асоб, звязаных з "экстрэмісцкай дзейнасцю".

Чытаць па спасылцы 👉 https://spring96.org/be/news/121131

https://storage.googleapis.com/spring96/read.html?page=/be/news/121131

Палітзняволеную Яну Пінчук адправілі ў ШІЗА на 15 сутак

Палітзняволеную https://prisoners.spring96.org/be/person/jana-pinczuk у пачатку верасня адправілі на 15 сутак у ШІЗА пасля размовы з супрацоўнікам ГУБАЗіК. Пра гэта https://mediazonaby.com/news/2026/09/11/pinchuk «Медыязона».

Паводле выдання, у канцы жніўня ў гомельскую жаночую калонію прыязджаў начальнік аддзела ГУБАЗіК Артур Гайко, які выклікаў на размовы некаторых палітзняволеных. Сярод іх была і Яна Пінчук. Прыкладна праз тыдзень пасля гэтай размовы на яе пачалі складаць рапарты. У выніку жанчыну пазбавілі спаткання, а неўзабаве адправілі ў ШІЗА.

«Калонія сама не ініцыявала б гэтыя рапарты, гэта робіць ГУБАЗіК. 1 верасня ёй далі 15 сутак ШІЗА, а ў Яны астма. І ў нейкі момант яе не было ў калоніі. Ёсць верагоднасць, што яна была ў бальніцы», — распавяла крыніца «Медыязоны».

🔗 https://spring96.org/be/news/121129

У «Спіс экстрэмістаў» дадалі яшчэ 19 прозвішч — цяпер у ім 6906 чалавек

11 верасня МУС Беларусі абнавіла «Пералік грамадзян Беларусі, замежных грамадзян або асоб без грамадзянства, якія маюць дачыненне да экстрэмісцкай дзейнасці».

Сярод іх — вакалістка гурта Dymna Lotva Кацярына Манкевіч, у дачыненні да якой у чэрвені гэтага года распачалі спецвытворчасць. Жанчыну абвінавачваюць у «прапагандзе тэрарызму», «фінансаванні тэрарыстычнай дзейнасці», «садзейнічанні экстрэмісцкай дзейнасці», «пагрозе гвалтам у дачыненні да Лукашэнкі» і «абразе Лукашэнкі».

Да допіса далучаны апошні «Пералік грамадзян, якія маюць дачыненне да экстрэмісцкай дзейнасці».

⁉️ https://spring96.org/be/news/109774

🔗 https://spring96.org/be/news/121129

🏅 Алесю Бяляцкаму ў ЗША ўручылі медаль за служэнне дэмакратыі

У Вашынгтоне старшыню ПЦ “Вясна”, лаўрэата Нобелеўскай прэміі міру і былога палітвязня Алеся Бяляцкага  https://www.facebook.com/National.Endowment.for.Democracy/posts/pfbid02oL5Ja1tFSys9Yin3b76wCZFf5JjQsB3NukRSNq7jguxTGwkUHaqJwXemW7g84s6Rl медалём Нацыянальнага фонду ў падтрымку дэмакратыі (NED) за шматгадовую працу дзеля свабоды, правоў чалавека і дэмакратыі ў Беларусі.

«Для мяне гонар быць узнагароджаным мэдалём за служэнне дэмакратыі поруч з выбітнымі людзьмі, якія змагаліся за свабоду і супраць таталітарызму, такімі як Вацлаў Гавэл і Асвальда Пая́… Два гады таму вы ўшанавалі гэтым медалём беларускую дэмакратычную лідэрку Святлану Ціханоўскую, а цяпер тут я — гэта прызнанне свабодалюбнага памкнення беларускага народу, які хоча жыць у незалежнай і дэмакратычнай краіне…» — каментуе ўзнагароджанне Алесь Бяляцкі.

NED паведаміў, што гэтым разам узнагародзіў нобелеўскага лаўрэата за ягоны ўнёсак у служэнне дэмакратыі і асобна адзначыў, што Алесь Бяляцкі перажыў зняволенне і пераслед за супраціў аўтарытарызму, дакументаванне злоўжыванняў беларускага рэжыму і абарону людзей, чые асноўныя правы былі парушаныя.

«Яшчэ дзевяць месяцаў таму я сядзеў у турме ў жорсткіх умовах і не мог сабе ўявіць, што калі-небудзь выйду на волю… Аніводнай хвіліны пасля вызвалення я не забываю, што ў лукашэнкаўскіх турмах знаходзяцца яшчэ больш за 900 зняволеных», — кажа праваабаронца.

Чытаць па спасылцы 👉 https://spring96.org/be/news/121126

https://storage.googleapis.com/spring96/read.html?page=/be/news/121126